Логест драже №21 (блистер)

Логест

Жоқ

Қабықпен қапталған таблеткалар

Несеп-жыныс жүйесі және жыныс гормондары. Жыныс гормондары және жыныс жүйесінің модуляторлары. Жүйелі қолдануға арналған гормональді контрацептивтер. Прогестиндер және эстрогендер, бекітілген біріктірілімдер. Гестоден және этинилэстрадиол.

АТХ коды G03AA10

- оральді контрацепция

Логест® препаратын тағайындау шешімі, басқа біріктірілген гормональді контрацептивтермен салыстырғанда, веналық тромбоэмболияның (ВТЭ) қауіп факторларын, сонымен бірге Логест® препаратына байланысты ВТЭ қаупін қоса, пациент әйелде болатын қауіп факторларын ескере отырып, қабылдануы тиіс

Қолдануды бастағанға дейін қажетті мәліметтер тізбесі

Біріктірілген гормональді контрацептивтер келесі оқиғалар болғанда қолданылмауы тиіс.

Егер осы жай-күйлердің біреуі біріктірілген гормональді контрацептивтер қабылдау аясында алғаш дамыса, препарат дереу тоқтатылуы тиіс:

- веналық тромбоэмболия қаупі немесе оның болуы:

• қазіргі уақыттағы (антикоагулянтты емде) немесе анамнездегі веналық тромбоэмболия (мысалы, терең веналар тромбозы немесе өкпе артериясының эмболиясы)

• тұқым қуалау себебінен немесе жүре пайда болған веналық тромбоэмболияға бейімділік, мысалы, белсенділенген С протеиніне төзімділік (Лейден V факторын қоса), антитромбин ІІІ, протеин С немесе протеин S тапшылығы

• иммобилизация ұзаққа созылатын ауқымды хирургиялық араласулар

• көптеген қауіп факторлары салдарынан болатын веналық тромбоэмболияның жоғары қаупі

- артериялық тромбоэмболия қаупі немесе оның болуы:

• қазіргі уақыттағы немесе анамнездегі артериялық тромбоэмболия (мысалы, миокард инфарктісі) немесе артериялық тромбоэмболия алдындағы жай-күйлер (мысалы, стенокардия)

• цереброваскулярлы бұзылулар - қазіргі уақыттағы немесе анамнездегі инсульт немесе цереброваскулярлы бұзылулар алдындағы жай-күйлер (мысалы, транзиторлы ишемиялық шабуылдар)

• тұқым қуалау себебінен немесе жүре пайда болған артериялық тромбоэмболияға бейімділік, мысалы, гипергомоцистеинемия және фосфолипидке қарсы антиденелер (кардиолипинге антиденелер және жегілік антикоагулянт)

• анамнездегі ошақтық неврологиялық симптомдармен болатын бас сақинасы

• көптеген қауіп факторлары салдарынан болатын артериялық тромбоэмболияның жоғары даму қаупі, мысалы:

- тамыр асқынуларымен қант диабеті

- айқын артериялық гипертензия

- айқын дислипопротеинемия

- қазіргі уақыттағы немесе анамнездегі бауырдың ауыр аурулары, бауыр функциясы көрсеткіштерінің қалыпқа түсуіне дейін

- қазіргі уақыттағы немесе анамнездегі бауыр ісіктері (қатерсіз немесе қатерлі)

- диагностикаланған гормонға тәуелді қатерлі аурулар (мысалы, жыныс мүшелерінің немесе сүт бездерінің) немесе олардан күдіктену

- генезі анықталмаған қынаптық қан кету

- белсенді заттарға, сондай-ақ препарат компоненттерінің кез келгеніне аса жоғары сезімталдық

-шайқураймен үйлесімде қолдану

- құрамында омбитасвир/паритапревир/ритонавир және дасабувир бар дәрілік заттармен үйлесімде қолдану

Төменде көрсетілген жай-күйлердің немесе қауіп факторларының кез келгені болса, Логест® қолданудың мақсатқа сай болуын әйелмен талқылап алу қажет.

Осы жай-күйлердің немесе қауіп факторларының кез келгені күшейген немесе алғаш көрініс берген жағдайда әйел өз дәрігерімен кеңесуі тиіс.

Веналық тромбоэмболия қаупі

Біріктірілген гормональді контрацептивтер (БГК) пайдалану пациент әйелдерде, оларды пайдаланбайтын әйелдермен салыстырғанда, ВТЭ даму қаупін арттырады. Құрамында левоноргестрел, норгестимат және норэтистерон бар препараттардың ВТЭ дамыту қаупі өте аз. Логест препараты сияқты, басқа БГК байланысты қауіп дәрежесі 2 есеге дейін артуы мүмкін. Біріктірілген гормональді контрацептивтердің ВТЭ қаупі төмен түрлерінен ерекшеленетін кез келгенін пайдалану шешімі әйелмен бірге оның Логест препараты аясында ВТЭ дамытуы мүмкін қауіптер туралы мағлұматтанғанына және өзінде бар қауіп факторларының аталған қауіпке қалай әсер етуі мүмкін екенін, сондай-ақ біріктірілген гормональді контрацептивтер қолданған бірінші жылы ВТЭ қаупінің барынша жоғары екенін білетініне көз жеткізу үшін талқылаудан кейін ғана қабылдануы тиіс. Бұдан бөлек, қабылдау барысында 4 апта немесе одан көп үзіліс жасаған соң біріктірілген гормональді контрацептивтер қабылдауды жаңғыртқанда қауіп артуының білінуі мүмкін екеніне кейбір дәлелдер бар.

Біріктірілген гормональді контрацептивтер қолданбайтын әйелдерде және жүкті болмағанда, ВТЭ 1 жыл бойына 10 000 жағдайға 2 жиілікте дамиды. Алайда, бұл қауіп әр әйелдің жеке қауіп факторларына қарай едәуір жоғарылауы мүмкін (төменнен қараңыз).

Құрамында гестоден бар біріктірілген гормональді контрацептивтер қабылдайтын 10 000 әйелде, құрамында левоноргестрел бар біріктірілген гормональді контрацептивтер пайдаланатын 10 000 әйелге 6 жағдаймен салыстырғанда, 1 жыл ішінде 9-12 жағдайда ВТЭ дамуы мүмкін.

Екі жағдайда да жылына ВТЭ даму жиілігі жүктілікте және босанудан кейінгі кезеңде күтілуінен төмен.

Веналық тромбоэмболия 1-2% жағдайда өліммен аяқталуы мүмкін.

Біріктірілген гормональді контрацептивтер қабылдайтын әйелдерде басқа қан тамырларының, мысалы, бауыр, мезентериальді, бүйрек немесе торқабық тамырлары тромбозының жағдайлары аса сирек хабарланған.

Веналық тромбоэмболия дамуының қауіп факторлары

Егер әйелде қосымша қауіп факторлары болса, әсіресе, көптеген қауіп факторлары болғанда біріктірілген гормональді контрацептивтер қабылдау аясында веналық тромбоэмболия асқынуларының даму қаупі елеулі жоғарылауы мүмкін (төмендегі кестені қараңыз).

Егер әйелде веналық тромбоздың жоғары даму қаупіне себеп болатын көптеген қауіп факторлары болса, Логест препаратын тағайындауға болмайды.

Бірнеше қауіп факторлары біріккен немесе қауіп факторларының бірінің айқындылығы аса жоғары әйелдерде тромбоздың жоғары синергиялық қаупінің ықтималдығын ескеру керек. Ондай жағдайларда жоғары қауіп барлық факторлар есептелетін жай жиынтық қауіптен жоғары болуы мүмкін. Біріктірілген оральді контрацептивтерді қауіп/артықшылық арақатынасы теріс бағаланған жағдайда тағайындауға болмайды

Кесте: ВТЭ дамуының қауіп факторлары

Веналардың варикозды кеңеюі және беткейлік тромбофлебиттің веналық тромбоэмболиялардың дамуы немесе өршуінде рөл атқару мүмкіндігі пікір таласты мәселе күйінде қалады.

Жүктілік кезінде, әсіресе, босанудан кейінгі кезеңдегі 6 апта ішінде тромбоэмболияның жоғары даму қаупін ескеру керек.

Веналық тромбоэмболия симптомдары (терең веналар тромбозы және өкпе артериясының тромбоэмболиясы)

Әйелге осы симптомдар туындағанда өзінің біріктірілген гормональді контрацептив қабылдап жүргенін дәрігерге дереу хабарлауы тиіс екенін мәлімдеу керек.

Терең веналар тромбозының симптомдары:

- аяқтың біржақты немесе аяқ венасының бойлай ісінуін,

- тік тұрған немесе жүрген кезде ғана байқалуы мүмкін аяқтың ауыруын немесе жайсыздануын,

- зақымданған аяқ-қолда жергілікті температураның көтерілуін, аяқтағы тері жабындарының қызаруын немесе реңін өзгертуін қамтиды.

Өкпе артериясы тромбоэмболиясының симптомдары:

- түсініксіз ентігудің немесе жиі демалудың кенеттен басталуын,

- қан түкірумен қатар жүруі мүмкін күрт жөтел ұстамасы,

- кеуде қуысының қатты ауыруын,

- күрт әлсіреу немесе қатты бас айналуды;

- жүректің жиі немесе жүйесіз соғуын қамтиды.

Осы симптомдардың кейбіреуі (мысалы, «ентігу» және «жөтел») спецификалық емес және осыған орай едәуір жиі және ауырлығы аз бұзылулардың белгілері (мысалы, тыныс жолдарының инфекциялары) ретінде қате түсіндірілуі мүмкін.

Тамырлар окклюзиясының басқа белгілері:

аяқ-қолдың кенеттен ауыруын, ісінуін және көгеруін қамтуы мүмкін.

Көз тамырлары окклюзиясында көрмей қалуға дейін үдеуі мүмкін бұлыңғыр көру білінуі мүмкін. Кейбір жағдайларда кенеттен дерлік көрмей қалу болуы мүмкін.

Артериялық тромбоэмболия қаупі

Эпидемиологиялық зерттеулер деректері біріктірілген гормональді контрацептивтер пайдаланумен байланысты АТЭ (миокард инфарктісі) немесе цереброваскулярлы бұзылулардың (мысалы, транзиторлы ишемиялық шабуылдар, инсульт) жоғары даму қаупін айғақтайды.

Артериялық тромбоэмболия құбылыстары өліммен аяқталуы мүмкін.

Артериялық тромбоэмболия дамуының қауіп факторлары

Біріктірілген гормональді контрацептивтер қабылдау аясында артериялық тромбоэмболия асқынуларының немесе цереброваскулярлы бұзылулардың даму қаупі әйелде қауіп факторлары болғанда артады (төмендегі кестені көріңіз).

Егер әйелде артериялық тромбоздың бір күрделі факторы немесе көптеген қауіп факторлары болса, Логест препаратын тағайындау қарсы көрсетілімді.

Егер әйелде тромбоздың қауіп факторы біреуден көп болса, жекелеген қауіп факторларының қосындысынан қауіптің артуы көбірек болуы мүмкін – ондай жағдайда АТЭ жалпы даму қаупі бағалануы тиіс. Егер пайда және қауіп арақатынасы теріс болса, біріктірілген гормональді контрацептив тағайындауға болмайды.

Кесте: АТЭ дамуының қауіп факторлары

Артериялық тромбоэмболия симптомдары

Төменде атап көрсетілген симптомдар білінген жағдайда әйел шұғыл түрде медициналық жәрдемге жүгініп, өзінің біріктірілген гормональді контрацептив қолданып жүргенін дәрігерге хабарлауы қажет.

Цереброваскулярлы бұзылулар симптомдары болуы мүмкін:

- беттің, аяқ-қолдың, әсіресе, дененің бір жағынан кенет әлсіреуі немесе ұйып қалуы

- жүріс-тұрыстың кенеттен бұзылуы, бас айналу, тепе-теңдіктен немесе қозғалыс үйлесімінен айрылу

- кенет сананың шатасуы, сөйлеу қабілетінің бұзылуы немесе түсінісу қиындықтары

- бір немесе екі көздің көру қабілетінің кенеттен нашарлауы

- дәлелді себепсіз кенеттен ауыр немесе ұзаққа созылатын бас ауыруы

- құрысулармен немесе оларсыз санадан айрылу немесе естен тану.

Симптомдардың өткінші сипатынан транзиторлы ишемиялық шабуыл болуы жорамалданады.

Миокард инфарктісінің симптомдары:

- кеудеде, қолда немесе төс артында ауыру, жайсыздану, қысым, ауырлықты сезіну, қысылу немесе керіп кету сезімін

- арқаға, төменгі жақсүйекке, жұтқыншаққа, қолға, асқазанға берілетін жайсыздық сезімін

- асқазанның толып кету немесе керіп кету сезімін, тұншығу сезімін

- тершеңдік, жүрек айну, құсу немесе бас айналу

- қатты әлсіреу, үрей сезімі, ентігу

- жүректің жиі немесе ырғақсыз соғуын қамтиды.

Ісіктер

Ұзақ уақыт БІК қолдану кезінде (˃ 5 жыл) жатыр мойны обырының даму қаупінің сәл жоғарылауы болжанады, алайда оның басқа факторлармен, соның ішінде жыныстық мінез-құлық ерекшеліктерімен, адам папиломасы вирусымен (НРV) байланысты болу мүмкіндігі анықталмаған.

БІК қабылдайтын әйелдерде сүт безі обырының біршама жоғары салыстырмалы даму қаупі (ОР=1.24) бар. Қауіптің осылай артуы БІК қабылдауды тоқтатудан кейін 10 жыл ішінде біртіндеп басылады. Сүт безі обырының 40 жасқа толмаған әйелдерде сирек білінуіне байланысты, сүт безі обыры диагностикаланған жағдайлар санының көбеюі оральді контрацептивтерді жүйелі немесе алғаш қабылдайтын әйелдерде сүт безі обырының жалпы даму қаупіне қатысты мардымсыз. Осы зерттеулерде БІК қабылдаумен себептік байланыс анықталмаған. Қауіптің жоғарылауы БІК қабылдау аясында сүт безі обырының ертерек диагностикалануы, контрацептивтердің биологиялық әсерлерінің немесе екі фактордың да бірігуі салдарынан болуы мүмкін. БІК пайдаланатын әйелдерде сүт безінің обыры, оларды ешқашан қолданбаған әйелдерге қарағанда, клиникалық тұрғыда аз білінеді.

Сирек жағдайларда біріктірілген оральді контрацептивтер қолдану аясында бауырдың қатерсіз ісіктерінің, ал одан да сирек жағдайларда бауырдың қатерлі ісіктерінің дамуы байқалды. Жекелеген жағдайларда бұл ісіктер өмірге қатерлі құрсақ қуысынан қан кетуге әкелді. Іштің жоғарғы бөлігінде қатты ауырулар, бауырдың ұлғаюы немесе құрсақішілік қан кету белгілері білінген жағдайда оральді контрацептив қабылдайтын әйелде бауыр ісігінің болуы мүмкін екенін ескеру керек.

Оральді контрацептивтердің едәуір жоғары дозаларын (50 мкг этинилэстрадиол) қолдану эндрометрий мен аналық бездер обырының қаупін төмендетеді. Бұл оральді контрацептивтердің төменірек дозалары үшін расталуы тиіс.

Басқа жай-күйлер

Гипертриглицеридемиясы бар немесе отбасылық анамнезінде осы жағдай болатын әйелдерде оральді контрацептивтер қабылдау кезінде панкреатиттің даму қаупі артуы мүмкін.

Біріктірілген оральді контрацептивтер қабылдайтын көп әйелде артериялық қысымның орташа көтерілуі байқалса да, клиникалық мәнді жоғарылауы сирек білінді. Дегенмен де, осындай сирек оқиғаларда оральді контрацептивті дереу тоқтатуға негіз бар. Гипертензияға қарсы емдеу аясында артериялық қысымды бақылау талапқа сай болмаса немесе жоғары сандар персистирленгенде біріктірілген оральді контрацептивті тоқтату керек. Егер гипотензияға қарсы ем аясында артериялық қысым қалыпты мәндерге жетсе, біріктірілген оральді контрацептивтер қабылдауды жалғастыруға болады.

Келесі жағдайлар жүктілік кезінде немесе біріктірілген оральді контрацептивтер қабылдағанда білінуі немесе ауырлауы мүмкін: холестазбен байланысты сарғаю және/немесе қышыну; өт қалтасында тас болуы; порфирия; жүйелі қызыл жегі; гемолиздік-уремиялық синдром; Сиденгам хореясы; жүктілер герпесі; отосклероз салдарынан естімей қалу. Алайда, аталған жай-күйлердің дамуы мен эстроген-прогестин контрацептивтерін қабылдау арасындағы себептік байланыс дәлелденбеген.

Тұқым қуалайтын ангионевроздық ісінуі бар әйелдерде экзогенді эстрогендер осы ауруға түрткі болуы немесе симптомдарын өршітуі мүмкін.

Бауыр тарапынан жедел немесе созылмалы бұзылулар болғанда бауыр функциясының көрсеткіштері қалыпқа оралғанша біріктірілген оральді контрацептивтер қабылдауды тоқтату талап етілуі мүмкін. Осының алдындағы жүктілік кезінде немесе бұрын жыныс гормондарын қабылдағанда қайталамалы холестаздық сарғаю және/немесе холестазбен байланысты қышыну дамығанда оральді контрацептивтер қабылдауды тоқтату керек.

Біріктірілген оральді контрацептивтер инсулинге шеткері төзімділікке және глюкозаға төзімділікке әсер етуі мүмкін болса да, төмен дозаланып біріктірілген оральді контрацептивтер (0,05 мг этинилэстрадиол) пайдаланатын қант диабетімен науқастарда емдеу режимін өзгерту қажет емес. Дегенмен де, қант диабеті бар әйелдер біріктірілген оральді контрацептивтер қабылдау кезінде мұқият қадағалауда болуы тиіс.

Біріктірілген оральді контрацептивтер қолдану аясында эндогенді депрессия, эпилепсия, Крон ауруы және ойық жаралы колит ағымы ауырлап кеткен жағдайлар байқалды.

Басыңқы көңіл - күй және депрессия гормональді контрацептивтерді қолданған кездегі белгілі жағымсыз әсерлер болып табылады. Депрессия елеулі бұзылыс болуы мүмкін және суицидтік мінез-құлық пен суицид қаупінің белгілі факторы болып табылады. Көңіл-күйдің өзгеруі мен депрессия симптомдары, оның ішінде емдеу басталғаннан кейін көп ұзамай пайда болған жағдайда әйелдерге өз дәрігеріне жүгінуге кеңес беріледі.

Хлоазманың пайда болуы, атап айтқанда, анамнезінде жүктілер хлоазмасы бар әйелдерде орын алуы мүмкін. Хлоазмаға бейімділігі бар әйелдер біріктірілген оральді контрацептивтер қабылдау кезінде күн астында аялдаудан және ультракүлгінді сәулелену әсерінен сақтануы тиіс.

Лактоза

Логест® препаратының бір таблеткасында 37.155 мг лактоза бар.

Галактоза жақпаушылығы, Lapp лактаза тапшылығы немесе глюкоза немесе галактозаның мальабсорбция синдромы сияқты сирек тұқым қуалайтын бұзылулары бар пациент әйелдерде препарат қабылдау ұсынылмайды.

Сахароза

Логест® препаратының бір таблеткасында 19.660 мг сахароза бар.

Фруктоза жақпаушылығы, глюкоза немесе галактозалық мальабсорбция синдромы, сахараза/изомальтаза тапшылығы сияқты сирек тұқым қуалайтын бұзылулары бар пациент әйелдерде препарат қабылдау ұсынылмайды.

AЛТ жоғарылауы

С вирустық гепатитінен (HCV) құрамында омбитавир/ паритапревир/ритонавир және рибавиринмен немесе онсыз дасабувир бар дәрілік заттармен емделген пациенттердегі клиникалық зерттеулерде қалыптың жоғары шегінен 5 есе асатын трансаминаза (АЛТ) деңгейінің жоғарылауы біріктірілген гормональді контрацептивтер (БГК) сияқты құрамында этинилэстрадиол бар препараттарды пайдаланатын әйелдерде елеулі жиілігі бақыланды.

Кеңес беру/медициналық тексеру

Логест® қабылдауды бастау немесе жаңғырту алдында, отбасылық анамнезді қоса, пациент әйелдің медициналық анамнезімен толық танысып, жүктілікті жоққа шығару керек. Қарсы көрсетілімдері мен айрықша нұсқауларын ескеріп, артериялық қысымды өлшеу және дене бойын қарап тексеріп шығу керек.

Басқа біріктірілген гормональді контрацептивтермен салыстырғанда, Логест препаратын қабылдау аясындағы қауіпті қоса, веналық және артериялық тромбоз туралы ақпаратқа; веналық және артериялық тромбоэмболия симптомдарына; белгілі қауіп факторларына және тромбоз күдігі туындағанда қандай әрекеттер жасау қажет екеніне әйелдің назарын аудару маңызды.

Әйелге препаратты қолдану жөніндегі нұсқаулықты мұқият оқып шығып, онда көрсетілген нұсқауларды қадағалау қажеттілігі жөнінде де нұсқау беру керек.

Тексерулер жиілігі мен сипаты бекітілген практикалық нұсқаулықтарға негізделіп, әр әйелге жеке белгіленуі тиіс.

Гормональді контрацептивтердің АИТВ инфекциясынан (ЖИТС) немесе жыныс жолымен берілетін басқа аурулардан қорғамайтынын әйелге ескерту керек.

Тиімділігінің төмендеуі

БІК тиімділігі таблетка қабылдауды өткізіп алғанда, асқазан-ішек бұзылыстарында немесе дәрілік өзара әрекеттесу нәтижесінде төмендеуі мүмкін.

Етеккір оралымына әсері

Біріктірілген оральді контрацептивтер қабылдау аясында, әсіресе, қолданудың алғашқы айлары ішінде жүйесіз қан кетулер (қан жағылу немесе жатырдан қан кетулер) білінуі мүмкін. Осындай жүйесіз қан кетулер 3 оралымға жуық уақыт бойы персистирленгенде мәнді болып саналуы тиіс.

Егер осының алдындағы жүйелі оралымдардан соң жүйесіз қан кетулер қайталанса немесе дамыса, гормондармен байланысты емес себеп болу мүмкіндігін қарастыру және қатерлі жаңа түзілімдерді немесе жүктілікті жоққа шығару үшін мұқият тексеру өткізу керек. Бұл тексеруде қырнап тазалау қамтылуы мүмкін.

Кейбір әйелдерде таблетка қабылдаудағы үзіліс кезінде тоқтатудан қан кету болмауы мүмкін. Егер оральді контрацептивтер «Қолдану жөніндегі ұсынымдар» бөлімінде сипатталған нұсқауларға сай қабылданса, жүкті болу ықтималдығы аз. Алайда, егер тоқтатудан қан кетудің бірінші болмауына дейін оральді контрацептив дұрыс қабылданбаса немесе егер тоқтатудан қан кету қатарынан екі рет болмаса, контрацептив қолдануды жалғастырмас бұрын жүктілікті жоққа шығару керек.

Қатарлас емді тағайындағанда потенциалды өзара әрекеттесуін анықтау үшін тағайындалатын әр препараттың дәрілермен өзара әрекеттесуі бөлімімен танысу керек.

Құрамында эстроген-прогестин бар контрацептивтердің дәрілік заттармен өзара әрекеттесуі плазмада эстроген-прогестин концентрациясының жоғарылауына немесе төмендеуіне әкелуі мүмкін. Плазмада эстроген-прогестин концентрациясының төмендеуі етеккіраралық қан кетулер жиілігінің артуын және етеккір оралымының бұзылуын және эстроген-прогестинді контрацептив тиімділігінің болжамды төмендеуін туындатуы мүмкін.

Ферменттер индукциясы емнің бірнеше күнінен кейін-ақ бақылануы мүмкін. Әдетте ең жоғары ферментативтік индукция бірнеше апта ішінде көрінеді. Ем аяқталғаннан кейін ферменттер индукциясы 4 апта бойына сақталуы мүмкін.Бір мезгілде қолдану қарсы көрсетілімді:

+ Шайқурай

Шайқурайдың ферменттерді индукциялау әсері есебінен плазмада гормональді контрацептив компоненттері концентрациясының төмендеуі ықтималдығы зор күрделі зардаптарға ұласатын тиімділігінің төмендеу немесе әсерінің болмау қаупімен қатар жүреді (жүктілік дамуы).

+ Протеаза тежегіштері (омбитавир, паритапревир және дасабувир)

Гепатоуыттылық жоғарылауы.

Құрамында омбитасвир/паритапревир/ритонавир және дасабувир рибавиринмен немесе онсыз дәрілік заттармен үйлесімде қолдану АЛТ жоғарылауы қаупін ұлғайтуы мүмкін.Осыған байланысты Логест® препаратын қабылдайтын әйелдер жоғарыда көрсетілген препараттар біріктірілімі көмегімен ем басталғанға дейін баламалы контрацепция әдісіне (мысалы, прогестагенді контрацепция немесе гормональді емес әдіс) өтуі тиіс. Логест® препаратын қабылдауды біріктірілген емнің осы сызбасы көмегімен ем аяқталғаннан кейін 2 аптадан кейін жаңғыртуға болады.

Бір мезгілде қолдану ұсынылмайды:

+ Ферменттер индукторлары

Құрысуға қарсы дәрілер (фенобарбитал, фенитоин, фосфенитоин, примидон, карбамазепин, окскарбазепин); рифабутин, рифампицин, эфавиренц, невирапин, дабрафениб, энзалутамид. Индуктор әсері есебінен бауырда гормональді контрацептив компоненттерінің жоғары метаболизмі салдарынан контрацептивтік тиімділікті жоғалту. Бір мезгілде қабылдаудың бүкіл барысында және ол аяқталған соң бір оралым бойы толықтыру ретінде контрацепцияның қосымша әдісін, әсіресе, бөгеу әдісін пайдалануға кеңес беріледі.

+ Ламотриджин

Бауырдағы жоғары метаболизмі есебінен ламотриджин концентрациясының төмендеу және тиімділігін жоғалту қаупі. Ламотриджин дозасын таңдау кезеңінде оральді контрацептив қабылдауды бастамаған дұрыс.

+Модафинил

Модафинилмен емделу кезінде және ол аяқталған соң бір оралым өткенде оның энзим-индукциялау қуаты есебінен контрацептивтік тиімділігін жоғалту қаупі. Оральді контрацептивтерді қалыпты дозада немесе контрацепцияның басқа әдісін пайдалануға кеңес беріледі.

+Нельфинавир

Гормональді контрацептив деңгейлерінің төмендеуі есебінен контрацептивтік тиімділігін жоғалту қаупі. Бір мезгілде қабылдаудың бүкіл барысында және ол аяқталған соң бір оралым бойы контрацепцияның қосымша әдісін, әсіресе, бөгеу әдісін (мүшеқап немесе жатырішілік жүйе) пайдалануға кеңес беріледі.

+Элвитегравир

Контрацептивтік тиімділігінің төмендеу қаупімен этинилэстрадиол концентрациясының азаюы. Одан бөлек, прогестин концентрациясының жоғарылауы.

Бір мезгілде қабылдаудың бүкіл барысында және ол аяқталған соң бір оралым бойы толықтыру ретінде құрамында кемінде 30 мкг этинилэстрадиол бар басқа эстроген-прогестинді контрацептив пайдалану немесе контрацепцияның қосымша әдісін, мысалы, бөгеу әдісін пайдалануға кеңес беріледі.

+ Ритонавирмен бустилденген протеаза тежегіштері

Ритонавир әсерімен бауырдағы метаболизмінің жоғарылауы салдарынан гормональді контрацептив деңгейлерінің төмендеуі есебінен контрацептивтік қорғаныстан айрылу қаупі.

Бір мезгілде қабылдаудың бүкіл барысында және ол аяқталған соң бір оралым бойы толықтыру ретінде контрацепцияның қосымша әдісін, әсіресе, бөгеу әдісін (мүшеқап немесе жатырішілік жүйе) пайдалануға кеңес беріледі.

+ Топирамат

Топираматтың тәулігіне 200 мг және одан жоғары дозаларында: эстроген концентрациясының төмендеуі салдарынан контрацептивтік қорғаныстан айрылу қаупі. Контрацепцияның басқа әдісін, атап айтқанда, бөгеу әдісін пайдалануға кеңес беріледі.

+ Вемурафениб

Тиімділігінің жеткіліксіз болу қаупіне сәйкес эстроген/прогестин концентрациясының төмендеу қаупі.

+ Перампанел

Перампанелдің тәулігіне >12 мг дозаларын пайдаланғанда: контрацептивтік қорғаныстың төмендеу қаупі. Контрацепцияның басқа әдісін, атап айтқанда, бөгеу әдісін пайдалануға кеңес беріледі.

+ Эстроген-прогестинді контрацептивтермен бірге қолданғанда АИТВ инфекциясын (ЖИТС) немесе СВГ инфекциясын (С гепатиті) емдеуге пайдаланылатын көптеген дәрілік заттар (протеаза тежегіштері және кері транскриптазаның нуклеозидті емес тежегіштері) плазмада эстроген немесе прогестин концентрациясын арттыруы немесе азайтуы мүмкін. Кейбір жағдайларда осы өзгерістер клиникалық мәнді болуы мүмкін. Нұсқаулар алу мақсатында АИТВ немесе СВГ емі үшін қолданылатын әр дәрілік заттың (протеаза тежегіштері және кері транскриптазаның нуклеозидті емес тежегіштері) медициналық қолдану жөніндегі нұсқаулығымен танысып шығуды өтінеміз.

Сақтануды талап ететін бір мезгілде қолдану:

+ Бозентан

Гормональді контрацептивтің бауырдағы жоғары метаболизмі есебінен контрацептивтік қорғаныстан айрылу қаупі. Бір мезгілде қолданудың бүкіл барысында және ол аяқталған соң бір оралым бойы толықтыру ретінде қосымша немесе баламалы контрацепцияның сенімді әдісін пайдалануға кеңес беріледі.

+ Гризеофульвин

Гормональді контрацептивтің бауырдағы жоғары метаболизмі есебінен контрацептивтік қорғаныстан айрылу қаупі. Бір мезгілде қолданудың бүкіл барысында және ол аяқталған соң бір оралым бойы толықтыру ретінде контрацепцияның басқа, атап айтқанда, бөгеу әдісін пайдалануға кеңес беріледі.

+ Ламотриджин

Бауырдағы жоғары метаболизмі есебінен ламотриджин концентрациясының төмендеу және тиімділігін жоғалту қаупі. Клиникалық мониторинг және оральді контрацептив қабылдау басталған кезеңде және ол аяқталған соң ламотриджин дозасын таңдау қажет.

+ Руфинамид

Этинилэстрадиол концентрациясының орташа төмендеуі. Контрацепцияның басқа, атап айтқанда, бөгеу әдісін пайдалануға кеңес беріледі.

Назар аударылу керек бір мезгілде қолдану:

+ Эторикоксиб

Эторикоксиб 60-тан 120 мг/күнге дейінгі дозада құрамында 0,035 мг этинилэстрадиол бар біріктірілген гормональді контрацептивтермен бір мезгілде қабылдағанда плазмада этинилэстрадиол концентрациясын 1,4-1,6 есе арттырады.

+ БІК клиренсін төмендететін заттар (ферменттер тежегіштері)

Зеңге қарсы азол препараттары (мысалы, итраконазол, вориконазол, флуконазол), верапамил, макролидтер (мысалы, кларитромицин, эритромицин), дилтиазем және грейпфрут шырыны сияқты күшті немесе орташа CYP3A4 тежегіштері қан плазмасында эстроген, прогестин немесе екі заттың да концентрациясын арттыруы мүмкін.

Алайда, осындай әсерінің клиникалық мәні белгісіз.

Басқа препараттарға БІК әсері

Біріктірілген оральді контрацептивтер басқа препараттар метаболизміне ықпал етуі мүмкін, бұл олардың қан плазмасындағы және тіндердегі концентрациясының жоғарылауына (мысалы, циклоспорин) немесе азаюына (мысалы, ламотриджин) алып келеді.

Клиникалық зерттеулер деректері этинилэстрадиол CYP1A2 субстраттарының клиренсін тежеп, бұл олардың плазмадағы концентрациясының аздап (мысалы, теофиллин) немесе орташа (мысалы, тизанидин) жоғарылауына алып келеді деп жорамалдау негіздерін береді.

Зертханалық зерттеулер

Біріктірілген эстроген-прогестинді контрацептивтер, бауыр функциясының, қалқанша без, бүйрек үсті бездері және бүйрек көрсеткіштерін, кортикостероид байланыстырушы глобулин және липидтер/липопротеидтер фракциялары сияқты плазмадағы (тасымалдаушы) ақуыздар деңгейін, көмірсу алмасу көрсеткіштерін, коагуляция және фибринолиз параметрлерін қоса, кейбір зертханалық зерттеулер нәтижелеріне ықпал ете алады. Бұл өзгерістер, әдетте, қалыпты мәндер шегінен шықпайды.

Жүктілік және лактация кезінде

Логест® жүктілік кезінде тағайындалмайды. Егер препаратты қабылдау кезінде жүктілік анықталса, оны қабылдауды бірден тоқтату қажет. Жүктілікке дейін оральді контрацептивтер қабылдаған әйелдерден туған балалардың туа біткен даму аномалияларының ешқандай жоғары қаупі немесе жүктіліктің ерте мерзімдерінде әйелдердің біріктірілген оральді контрацептивтерді абайсыз қабылдауы кезінде тератогенді әсері анықталмаған.

Босанудан кейінгі кезеңде Логест® препаратын қабылдау жаңғыртылғанда ВТЭ жоғары даму қаупін ескеру керек.

Логест® қабылдау, эстроген-прогестиндер сүтпен шығарылатындықтан, бала емізу кезінде ұсынылмайды.

Егер әйел бала емізуді жоспарлаған жағдайда контрацепцияның басқа әдісін пайдалануға кеңес беріледі.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері.

Релевантты емес.

Дозалау режимі

Таблетканы күн сайын белгілі бір уақытта (егер қажет болса, аздаған су мөлшерімен) ішке қабылдау керек. Тәулігіне бір таблеткадан 21 күн бойы үзіліссіз қабылданады. Әр келесі қаптаманы қабылдау әдетте соңғы таблетканы қабылдаудың 2-3-ші күні басталып, жаңа қаптаманы қабылдау басталғанша аяқталмауы мүмкін тоқтатудан болатын қан кету байқалатын 7 күндік үзілістен соң басталады.

Ішке

Логест® қабылдауды қалай бастау керек

Алдыңғы айда қандай да бір гормональді контрацептивтер қабылдау болмағанда:

Логест® қабылдау етеккір оралымының алғашқы күні басталады.

Басқа эстроген-прогестинді контрацептивтерден (біріктірілген оральді контрацептивтен (БІК), қынаптық сақинадан, трансдермальді бұласырдан) ауысқанда:

Логест® препаратын қабылдауды алдыңғы контрацептивтің құрамында соңғы белсенді таблеткасын қабылдаудан кейін келесі күні бастаған дұрыс немесе ең кешірегі – үзілістен кейін келесі күні. Қынаптық сақинадан немесе трансдермальді бұласырдан ауысқанда Логест® препаратын қабылдауды сақинаны немесе бұласырды алып тастаған күні бастаған дұрыс немесе ең кешірегі – келесі жоспарлы салынатын күні.

Тек прогестинді контрацептивтерден (мини-пили, инъекциялық түрлер, имплантат) немесе гестагенді босатып шығаратын жатырішілік жүйеден (ЖІЖ) ауысқанда:

Әйел микродозаланған контрацептивтен Логест® препаратына оралымның келесі күні көшуі тиіс, бұл орайда Логест® қабылдауды микродозаланған контрацептив қабылдауды тоқтатудан кейін келесі күні бастау керек. ЖІЖ немесе тек прогестинді имплантаттан ауысқанда Логест® препаратын қабылдауды алып тастаудан кейінгі келесі күні немесе инъекциялық контрацептивтің келесі инъекциясы жасалуы тиіс күні бастау керек. Барлық жағдайларда Логест® препаратын қабылдаудың алғашқы 7 күні ішінде контрацепциялық бөгеу әдісін қосымша пайдалану қажет.

Жүктіліктің бірінші триместріндегі аборттан кейін

Әйел препарат қабылдауды дереу бастай алады. Осы шарт қадағаланғанда әйелге қосымша контрацептивтік қорғану қажет болмайды.

Босанудан немесе жүктіліктің екінші триместріндегі аборттан соң

Босанудан кейінгі ерте кезең тромбоэмболияның жоғары қаупімен астасқан; эстроген-прогестинді контрацептивтер қабылдауды босанудан соң немесе жүктіліктің екінші триместріндегі аборттан кейін 21-28 күн өтпей тұрып бастауға болмайды. Егер қабылдау босанудан немесе жүктіліктің екінші триместріндегі аборттан соң 28 күннен кешірек басталса, Логест® препаратын қабылдаудың алғашқы 7 күні ішінде қосымша контрацепциялық бөгеу әдісін пайдалану қажет. Алайда, егер Логест® препаратын қабылдау басталғанша жыныстық қатынас орын алса, оральді эстроген-прогестинді контрацептив қабылдауға дейін жүктілікті жоққа шығару немесе алғашқы етеккір келуін күту керек.

Логест® препаратымен артық дозалану жағдайлары туралы хабарланбаған.

Симптомдары: Біріктірілген оральді контрацептивтер қолданудың жинақталған тәжірибесі бұндай жағдайларда жүрек айну, құсу және тоқтатудың қан кетулері сияқты симптомдардың пайда болуы мүмкін екенін көрсетеді. Тоқтатудың қан кетулері егер олар дәрілік препаратты кездейсоқ қабылдаса да менархе басталғанға дейін тіпті қыздарда болуы мүмкін.

Емі: ешқандай спецификалық антидоты жоқ; симптоматикалық ем жүргізген жөн.

Таблетка қабылдауды өткізіп алу жүктілік қаупін ілестіреді.

Таблетка қабылдауды өткізіп алғанда, әсіресе, егер ағымдағы қаптаманың соңғы таблетканы мен келесі қаптаманың бірінші таблеткасы арасындағы уақыт аралығы ұзарса, контрацепциялық қорғаныс төмендеуі мүмкін.

- Егер таблетка қабылдаудағы кешігу 12 сағаттан аз болса, таблетканы мүмкіндігінше тезірек қабылдау қажет; келесі таблетка әдеттегі уақытта қабылданады.

- Егер таблетка қабылдаудағы кешігу 12 сағаттан көп болса, контрацепциялық қорғаныс кепілді емес. Бұл орайда келесі негізгі екі ережені жетекшілікке алу қажет:

• екі қаптама арасындағы үзіліс 7 күннен аспауы тиіс

• гипоталамус-гипофиз-аналық без жүйесінің талапқа сай бәсеңдеуіне жету үшін таблетканы 7 күн үзіліссіз қабылдау қажет болады.

Демек, күнделікті практика жағдайларында келесі нұсқауларды беруге болады:

- Препаратты қабылдаудың алғашқы аптасы ішінде

Өткізіп алған соңғы таблетканы, егер тіпті бұл екі таблетканың бір мезгілде қабылдануына тура келсе де, мүмкіндігінше тезірек қабылдау керек. Келесі таблетка әдеттегі уақытта қабылданады. Келесі 7 күн ішінде контрацепциялық бөгеу әдісі (мысалы, мүшеқап) қосымша пайдаланылуы тиіс. Егер таблетканы өткізіп алу алдындағы 7 күн ішінде жыныстық қатынас орын алса, жүкті болып қалу ықтималдығы бар.

Қанша көп таблетка өткізіп алса, ал өткізіп алған уақыт жаңа қаптаманың басталуына қанша жақын болса, жүкті болу ықтималдығы сонша жоғары.

- Препарат қабылдаудың екінші аптасы ішінде

Өткізіп алған соңғы таблетканы, егер тіпті бұл екі таблетканың бір мезгілде қабылдануына тура келсе де, мүмкіндігінше тезірек қабылдау керек. Келесі таблетка әдеттегі уақытта қабылданады.

Егер таблетканы алғашқы өткізіп жіберу алдындағы 7 күн ішінде препарат қабылдау дұрыс болса, қосымша контрацептивтік шаралар пайдалану қажет емес. Екі және одан көп таблетканы өткізіп алғанда 7 күн бойы контрацепциялық бөгеу әдістерін қосымша пайдалану қажет.

- Препарат қабылдаудың үшінші аптасы ішінде

Контрацептивтік әсердің төмендеу қаупі таблетка қабылдаудағы 7 күндік үзілістің жақындығына байланысты өте жоғары. Дегенмен де, контрацептивтік әсер төмендеуіне таблетка қабылдау режимін келесі үлгіде түзету арқылы жол бермеуге болады:

- егер өткізіп алған таблетка алдындағы 7 күн ішінде таблетка дұрыс қабылданса, қосымша контрацепция әдістерін пайдалану қажет емес. Төменде көрсетілген екі режим нұсқасының бірін ұстану керек.

- керісінше жағдайда, әйелге таблетка қабылдаудың бірінші режимін ұстану және 7 күн бойы контрацепциялық бөгеу әдістерін қосымша пайдалану ұсынылады.

1 режим

Әйел өткізіп алған соңғы таблетканы, егер тіпті бұл екі таблетканың бір мезгілде қабылдануына тура келсе де, мүмкіндігінше тез қабылдауы тиіс. Келесі таблетка ағымдағы қаптамадан таблетка біткенше әдеттегі уақытта қабылданады. Келесі қаптаманы бірден, яғни екі қаптама арасындағы үзіліссіз бастау керек. Екінші қаптама біткенше тоқтатудан қан кету ықтималдығы аз, бірақ таблетка қабылдау аясында жағынды бөліністер немесе құйылған қан кетулер білінуі мүмкін.

2 режим

Әйелдің ағымдағы қаптамадан таблетка қабылдауды үзуіне де болады. Таблетка қабылдаусыз ең ұзақ аралық таблетка қабылдауды өткізіп алған күндер санын қоса, 7 күнге созылады, артынан жаңа қаптамадан таблетка қабылдауды бастау керек.

Егер әйел 1 және одан көп таблетка қабылдауды өткізіп алса, ал қабылдаудағы үзіліс кезінде тоқтату қан кетуі болмаса, жүктілікті жоққа шығару қажет.

Асқазан-ішек бұзылыстары жағдайында берілетін нұсқаулар

Логест® таблеткасын қабылдаудан кейінгі 3-4 сағат ішінде құсу немесе диарея сияқты ас қорыту бұзылыстарында, гормон сіңуінің азаюына байланысты препарат әсерінің уақытша төмендеуі орын алуы мүмкін, сондықтан таблетка қабылдауда 12 сағаттан аз уақыт кешіккенде берілетін нұсқауларды бағдарға алу қажет. Келесі қаптамадан таблетка қабылдау керек. Осындай көріністер бірнеше күн ішінде қайталанған жағдайда таблетка қабылдауда 12 сағаттан көп уақыт кешігуге қатысты нұсқауларды бағдарға алу ұсынылады. Ұзаққа созылатын көріністер кезінде контрацепцияның басқа сенімді әдісін қарастыру керек.

Пациенттердің ерекше санаттарына арналған қосымша ақпарат

Бауыр жеткіліксіздігі бар пациенттер

Логест® бауырдың ауыр аурулары бар әйелдерге қолдануға болмайды.

Бүйрек жеткіліксіздігі бар пациенттер

Логест® бүйрек жеткіліксіздігі бар пациент әйелдерде арнайы зерттелмеген.

«Қолдану кезіндегі қажетті сақтық шаралары» бөлімінде егжей-тегжейлі сипатталған біріктірілген гормональді контрацептивтер пайдаланатын әйелдерде миокард инфарктісін, инсульт, транзиторлы ишемиялық шабуылдар, веналық тромбоз және өкпе артериясы тромбоэмболиясын қоса, артериялық әрі веналық тромбоз және тромбоэмболия бұзылуларының жоғары даму қаупі хабарланған.

Келесі жағымсыз әсерлер эстроген-гестагенді оральді контрацептивтер қабылдайтын әйелдерде сипатталған:

Клиникалық III фаза зерттеулері және постмаркетингтік бақылау кезінде бас сақинасын қоса, бас ауырулары және қан кету/қан жағылу сияқты жағымсыз реакциялар туралы ерекше жиі (> 10%) хабарланды.

Келесі жағымсыз әсерлер оральді эстроген-гестагенді контрацептивтер қабылдайтын әйелдерде сипатталған:

Жиі (≥1/100, <1/10 дейін)

- вагинит, қынаптық кандидоз

- көңіл-күйдің өзгеруі, депрессияны қоса, либидо өзгеруі

- күйгелектік, бас айналу

- жүрек айну, құсу, іштің ауыруы

- акне

- сүт бездерінің ауыруы және кернеуі

- дисменорея, қынаптық және етеккірлік бөліністер өзгерісі

- сұйықтық іркілісі/ісіну

- дене салмағының өзгеруі (қосуы немесе азаюы)

Жиі емес (≥1/1000, <1/100 дейін)

- тәбеттің артуы немесе төмендеуі

- артериялық гипертензия

- іштің түйілуі, кебуі

- бөртпе, хлоазма (меланодермия), персистирленетін сипатта болуы мүмкін, гирсутизм, алопеция

- сарысуда липидтер деңгейінің өзгеруі, соның ішінде гипертриглицеридемия

Сирек (  1/10000, < 1/1000 дейін)

- есекжемнің өте сирек жағдайларымен болатын анафилаксиялық реакциялар, ангионевроздық ісіну, тамыр және тыныс алу жүйелерінің ауыр бұзылыстары

- глюкозаға төзімділіктің бұзылуы

- жанаспалы линзалар тағумен байланысты тітіркену

- артериялық тромбоэмболия және веналық тромбоэмболия

- холестаздық сарғаю

- түйінді эритема

Өте сирек (< 1/10000)

- гепатоцеллюлярлы обыр, бауырдың қатерсіз ісіктері (мысалы, ошақтық түйінді гиперплазия, бауыр аденомасы)

- жүйелі қызыл жегінің өршуі

- порфирия өршуі

- хорея өршуі

- көру жүйкесінің невриті

- панкреатит

- өт қалтасындағы тастар, холестаз

- мультиформалы эритема

- гемолиздік-уремиялық синдром

Жиілігі белгісіз

- ишемиялық колит

Келесі күрделі жағымсыз құбылыстар біріктірілген оральді контрацептивтер пайдаланатын әйелдерде болды:

Ісіктер

Сүт безі обырының диагностикалану жиілігі БІК қабылдайтын әйелдер арасында өте мардымсыз жоғарылаған. Сүт безінің обыры 40 жасқа толмаған әйелдерде сирек білінетіндіктен, осы аурудың жалпы даму қаупіне қатысты диагноздар санының көбеюі болымсыз. Оның біріктірілген оральді контрацептивтер қабылдаумен байланысы дәлелденбеген.

Басқа бұзылулар

Біріктірілген оральді контрацептивтер қабылдаумен өзара байланысы дәлелденбеген жай-күйлердің пайда болуы немесе нашарлауы: гестациялық герпес, отосклероз туғызған гипакузия, эпилепсия, Крон ауруы, ойық жаралы колит

- Тұқым қуалайтын ангионевроздық ісінуі бар әйелдерде эстрогендер туғызған ангионевроздық ісіну симптомдарының пайда болуы немесе нашарлауы

- Бауыр функциясының бұзылуы

Өзара әрекеттесулер

Біріктірілген оральді контрацептивтердің басқа дәрілік заттармен (ферменттер индукторлары) қабылдаумен өзара әрекеттесуі салдарынан препараттың контрацептивтік тиімділігінің төмендеуі және/немесе құйылған қан кетулер.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Қабықпен қапталған бір таблетканың құрамында

белсенді заттар: 0,02 мг микрондалған этинилэстрадиол

0,075 мг микрондалған гестоден

қосымша заттар: лактоза моногидраты, жүгері крахмалы, повидон 25, магний стеараты,

қабық құрамы: сахароза, повидон 90, макрогол 6000, кальций карбонаты, тальк, монтангликоль балауызы.

Ақ түсті дөңгелек, қабықпен қапталған таблетка

21 таблеткадан ПВХ және алюминий фольгадан жасалған пішінді ұяшықты қаптамада.

Пішінді 1 қаптамадан қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Байер Веймар ГмбХ и Ко. КГ, Германия

Доберейнерштрассе 20, 99427 Веймар, Германия

тел.: +49.36.434 330

факс:+49.36.434 3313 50

е-mail: medical-information@bayer.com

Байер АГ, Леверкузен, Германия

тел.: 0214/30 51 348

факс: 0214/30 51 603

e-mail: medical-information@bayer.com

«Байер КАЗ» ЖШС

Тимирязев к-сі, 42, павильон 15,

050057 Алматы, Қазақстан Республикасы,

тел. +7 727 258 80 40, факс: +7 727 258 80 39,

e-mail: kz.claims@bayer.com

«Байер КАЗ» ЖШС

Тимирязев к-сі, 42, павильон 15,

050057 Алматы, Қазақстан Республикасы

тел.: +7 701 715 78 46 (тәулік бойы)

тел: +7 727 258 80 40, ішкі 106 (жұмыс сағаттарында)

факс: +7 727 2588 039

e-mail: pv.centralasia@bayer.com