Либексин таблетки по 100 мг №20 (блистер)

Либексин®

Преноксдиазин

Таблеткалар, 100 мг

Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретін препараттармен біріктірілімді қоспағанда. Жөтелге қарсы басқа препараттар. Преноксдиазин

АТХ коды R05DB18

- жедел және созылмалы кез келген (трахеобронхиальді, өкпе, плевральді және кардиальді) себептен болған өнімсіз жөтелде (яғни қақырықсыз құрғақ жөтел)

- препарат тыныс алудың бұзылу аурулары және оксигенациямен тыныс алу қызметін бәсеңдетпей қатар жүретін жөтелді тиімді жұмсартады

- бронхоскопиялық немесе бронхографиялық зерттеулер кезінде премедикацияда (дайындықта)

Қолдануды бастағанға дейін қажетті мәліметтер тізбесі

- белсенді затқа немесе «Құрамы» бөлімінде көрсетілген қосымша заттарға жоғары сезімталдық

- тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдар

- мол бронх секрециясымен қатар жүретін жағдайлар

- операциядан кейінгі жағдайлар (ингаляциялық анестезиядан кейін).

Қолдану кезіндегі қажетті сақтық шаралары

Таблетканы тұтастай жұту керек, өйткені ол шайнаған немесе ұсақтаған кезде сезімталдықтың уақытша болмауын, ауыз шырышты қабығының жансыздануын туындатуы мүмкін.

Жөтелгенде қиындықпен шығатын, тұтқыр бөліндісі бар пациенттер қақырық түсіретін немесе муколитикалық дәрілерді дәрігердің бақылауымен қабылдауы қажет.

Деректер жоқ

Препарат құрамында 38.0 мг лактоза моногидраты бар. Сирек тұқым қуалайтын галактоза жақпаушылығы, лактаза жеткіліксіздігі немесе глюкоза-галактоза сіңуінің бұзылуы бар пациенттерге осы дәрілік препаратты қолдануға болмайды.

Педиатрияда қолдану

Пациенттің жасына және дене салмағына сәйкес ұсынылған доза пропорционалды түрде төмен.

Жүктілік немесе лактация кезінде

Препаратты жүктілік және бала емізу кезінде дәрігер тағайындағаннан кейін және пайда мен қауіп арақатынасын мұқият талдағаннан кейін ғана қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жоғары дозаларды қолданған кезде препарат реакцияға теріс әсер етуі мүмкін, осылайша автомобильді немесе техниканы басқару үшін жоғары дозаларды қолданған кезде жеке бағалау талап етіледі.

Дозалау режимі

Ең жоғары бір реттік доза балалар үшн ½ таблетка және ересектер үшін 3 таблетка құрайды.

Ең жоғары тәуліктік доза балалар үшін 200 мг (2 таблетка) және ересектер үшін 900 мг (9 таблетка) құрайды.

Ересектер

Ұсынылатын доза 1 таблетка күніне 3-4 рет (3-4 х 100 мг).

Анағұрлым күрделі жағдайларда дозаны күніне 3-4 рет 2 таблеткаға немесе күніне 3 рет 3 таблеткаға (тиісінше 3-4 х 200 мг немесе 3х300 мг) дейін арттыруға болады.

Балалар

Пациенттің жасына және дене салмағына сәйкес ұсынылатын доза пропорционалды түрде төмен: ¼-½ таблетка күніне 3-4 рет (3-4 х 25-50 мг).

1 жастан 6 жасқа дейінгі немесе дене салмағы 10-нан 20 кг-ға дейінгі балалар үшін: ½ таблетка күніне 3 рет (3 х 50 мг).

6 жастан 14 жасқа дейінгі немесе дене салмағы 20 кг асатын балалар үшін: ½ таблетка күніне 3-4 рет (3-4 х 50 мг)

Енгізу жолы және тәсілі

Ішке.

Таблетканы тұтастай жұту керек, өйткені ол шайнаған немесе ұсақтаған кезде сезімталдықтың уақытша болмауын, ауыз шырышты қабығының жансыздануын туындатуы мүмкін.

Артық дозалану жағдайында қабылдануы қажет шаралар

Симптомдары: Қабылдағаннан кейін бірнеше сағат өткен соң емдік дозадан жоғары дозаларда қолданғанда седативтік әсер немесе қажу пайда болуы мүмкін.

Шұғыл шаралар: Шұғыл түрде дәрігерге көріну қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Осы препаратты қолдануға қатысты қандай да бір сұрақтар туындаған жағдайда емдеуші дәрігермен хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Сирек:

- аллергиялық реакциялар, ауыздың және тамақтың құрғауы

Белгісіз:

- бронх түйілуі

- асқазан-ішек құбылыстары (гастралгия, іш қату) пайда болуы мүмкін (<10% жағдайда), олар тамақтану кезінде өтеді.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

1 таблетканың құрамында

белсенді зат - преноксдиазин гидрохлориді 100,0 мг

қосымша заттар: глицерин, магний стеараты, тальк, повидон, жүгері крахмалы, лактоза моногидраты

Жалпақ цилиндр пішінді, шеті кертілген, бір жақ бетінде крест тәріздес сызығы және екінші жағында «LIBEXIN» өрнегі бар, түсі ақ дерлік таблеткалар. Таблетканың диаметрі 8 мм жуық, биіктігі – 2.8 мм жуық.

20 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25 ºС-ден төмен температурада.

Балалардың қолы жетпейтін жерде сақтау керек!

Рецептісіз

Опелла Хелскеа Венгрия Лтд.

Мекенжайы: 2112 Veresegyhaz, Levai u. 5, Hungary

тел: +36 30 647 9091

факс: + 36 1 505 2231

Опелла Хелскеа Коммершиал Лтд., Будапешт, Венгрия

Мекен-жайы: 1138 Будапешт, Váci út 133. «E» épület 3. еmelet

тел: +36 30 647 9091

факс: + 36 1 505 2231

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"STADA Kazakhstan" ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: +7 (727) 222 21 00

e-mail: PVEurasia@stada.kz , EurasiaQA@stada.com