Левомицетин Ирбитский ХФЗ таблетки по 500 мг №10 (блистер)

Левомицетин

Хлорамфеникол

0.5 г таблеткалар

Жүйелі қолдануға арналған инфекцияға қарсы препараттар. Жүйелі қолдануға арналған бактерияға қарсы препараттар. Амфениколдар. Хлорамфеникол.

АТХ коды J01ВА01

Дәрілік препарат басқа антибиотиктерді қолдану жеткіліксіз болған жағдайда, өмірге қауіп төндіретін, атап айтқанда, Haemophilus influenza тудырған инфекцияларды және іш сүзегін емдеуге арналған.

Қолдануды бастағанға дейін қажетті мәліметтер тізбесі

-  препараттың белсенді затына немесе қосымша заттарының кез келгеніне аса жоғары сезімталдық

- ауыр емес инфекциялардың профилактикасы немесе емдеу үшін

- белсенді иммунизация

- порфирия

- қан дискразиялары, соның ішінде аплазиялық анемия

- сүйек кемігі функциясын бәсеңдететін дәрілік препараттарды қолдану

- бүйрек және бауыр функциясының айқын бұзылулары

- глюкоза-6-фосфатдегидрогеназа тапшылығы

- 18 жасқа дейінгі балаларға

- шарана немесе сәби үшін қауіптілігі салдарынан, бала емізу кезеңінде, жүктілік немесе босанулар кезінде (жаңа туған нәрестелердегі "сұр синдром")

Жоғары уыттылығының салдарынан пәрменсіз инфекцияларды, суық тию ауруларын, тұмауды, фарингитті, бактерия тасымалдануын емдеу және олардың профилактикасы үшін қажеттіліксіз қолдануға кеңес берілмейді.

Қанның түзілу жүйесі жағынан ауыр асқынулар, әдетте, үлкен дозаларды (4 г/тәуліктен көп) ұзақ уақыт қолданумен байланысты.

Емдеу үдерісінде шеткері қан көрінісін, бүйрек, бауыр қызметін жүйелі бақылау қажет.

Бұрын цитостатикалық препараттармен емделген немесе сәулелі ем алған пациенттерге сақ болу керек.

Этанол бір мезгілде қабылданғанда дисульфирамдық реакцияның дамуы мүмкін (тері жабындарының гиперемиясы, тахикардия, жүрек айну, құсу, рефлекторлы жөтел, құрысулар).

Жүрек-қантамыр ауруларында және аллергиялық реакцияларға бейімділікте препаратты абайлап қолдану керек.

Бауырдағы зат алмасуына әсер етіп, қан түзілуін бәсеңдететін дәрілік заттармен (сульфаниламидтер, цитостатиктер), сәулелі еммен бір мезгілде тағайындау жағымсыз әсердің даму қаупін арттырады.

Этанолмен бір мезгілде қабылдағанда дисульфирамдық реакцияның дамуы мүмкін.

Ішуге арналған гипогликемиялық препараттармен тағайындағанда олардың әсерінің күшеюі (бауырда метаболизмнің бәсеңдеуі және олардың плазмадағы концентрацияларының жоғарылауы есебінен) білінеді.

Эритромицин, клиндамицин, линкомицинмен бір мезгілде қолданғанда хлорамфениколдың осы препараттарды байланысқан күйінен ығыстыру және олардың 50S бактериялық рибосомалар суббірлігімен байланысуын кедергілеу мүмкіндігі есебінен әсерінің өзара әлсіреуі болады.

Пенициллиндер мен цефалоспориндердің бактерияға қарсы әсерін төмендетеді.

Хлорамфеникол Р450 цитохромының ферменттік жүйесін бәсеңдетеді, сондықтан фенобарбитал, фенитоин, тікелей емес антикоагулянттармен бір мезгілде қолданғанда осы препараттар метаболизмінің әлсіреуі, шығарылуының баяулауы және олардың плазмадағы концентрацияларының жоғарылауы болады.

Педиатрияда қолданылуы

Ұрықта және жаңа туған нәрестеде бауыр хлорамфениколды байланыстыру үшін жете дамымаған, сосын да препарат уытты концентрацияда жиналып, "сұр синдромның" дамуына әкеледі, сондықтан препарат балаларға дүниеге келген алғашқы айларында тек тіршілік көрсеткіштеріне қарай тағайындалады.

Препарат 18 жасқа дейінгі балаларға қолдану ұсынылмайды.

Жүктілік немесе лактация кезеңі

Препарат жүктілікте және лактация кезеңінде қолдануға ұсынылмайды.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Емдеу кезеңінде көлік құралдарын жүргізу және назардың жоғары шоғырлануын және психомоторлық реакциялардың жылдамдығын талап ететін басқа да қауіпті қызмет түрлерімен айналысу кезінде сақ болу қажет.

Қолдану бойынша ұсынымдар

Дозалану режимі

Ересектер (соның ішінде, егде жастағы пациенттер):

Әдеттегі дозасы әр 6 сағат сайын 500 мг (кг дене салмағына тәулігіне 50 мг, 4 қабылдауға бөліп) құрайды. Емдеуді пациенттің дене температурасы қалыпқа түскеннен кейін 2 немесе 3 күн бойы жалғастыру керек. Ауыр инфекциялар (менингит, септицемия) жағдайында осы дозасын бастапқыда екі есе арттыруға болады, бірақ клиникалық тұрғыдан талапқа сай келген бойда азайтылуы тиіс.

Балалар

Ұсынылмайды.

Ішке.

Симптомдары: жоғары дозалармен емдеген кезде шала туған және жаңа туған нәрестелерде болатын "сұр синдром" (кардиоваскулярлы синдром) (даму себебі бауыр ферменттерінің жетілмеуінен болатын хлорамфениколдың жиналуы, әрі оның миокардқа тікелей уытты әсер етуі болып саналады) – терінің көгілдірлеу-сұр түстенуі, дене температурасының төмендеуі, ырғақсыз тыныс алу, реакциялардың болмауы, жүрек-қантамыр жеткіліксіздігі (40%-ға дейін өлімге ұшырайды).

Емдеу: гемосорбция,симптоматикалық ем.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Препаратты қолдану туралы сұрақтар туындаған жағдайда емдеуші дәрігерге хабарласыңыз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы тиіс шаралар

Өте сирек

- Квинке ісінуі, анафилаксия

Белгісіз (қолда бар деректер негізінде бағалау мүмкін емес)

- бас ауыру

- дисбактериоз (қалыпты микрофлораның бәсеңдеуі), диспепсия, жүрек айну, құсу (тамақтан кейін 1 сағаттан соң қабылдағанда даму ықтималдығы азаяды), диарея, ауыз қуысы мен аңқаның шырышты қабығының тітіркенуі

- дерматит (соның ішінде перианальді дерматит – ректальді қолданғанда)

- ретикулоцитопения, лейкопения, гранулоцитопения, тромбоцитопения, эритроцитопения, апластикалық анемия, агранулоцитоз

- психомоторлық бұзылыстар, депрессия, сананың шатасуы, көрінетін және естілетін елестеулер, сананың шатасуымен және делириймен болатын энцефалопатия

- шеткері неврит, көру жүйкесінің невриті, көру және есту жітілігінің кемуі

- тері бөртпесі

- салдарлы зең инфекциясы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - хлорамфеникол (100% затқа шаққанда) - 0,5 г,

қосымша заттар: картоп крахмалы, повидон, стеарин қышқылы.

Жалпақ цилиндр пішінді, ойығы мен сызығы бар ақ немесе әлсіз сарғыш реңді ақ түсті таблеткалар.

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

10 таблеткадан қағаз негізді біріктірілген қаптамалық материалдан жасалған пішінді ұяшықсыз қаптамада.

Пішінді ұяшықты немесе пішінді ұяшықсыз қаптама медициналық қолдану жөніндегі қазақ және орыс тілдеріндегі нұсқаулықтардың тең санымен бірге топтық қаптамаға салынады.

5 жыл

Жарамдылық мерзімі өткеннен кейін қолдануға болмайды.

Жарықтан қорғалған жерде, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«Ирбит химфармзауыты» ААҚ, Ресей

623856, Свердлов облысы, Ирбит қ., Киров к-сі, 172

Тел./факс: (34355) 3-60-90

e-mail: info@ihfz.ru

«Ирбит химфармзауыты» ААҚ, Ресей

623856, Свердлов облысы, Ирбит қ., Киров к-сі, 172

Тел./факс: (34355) 3-60-90

e-mail: info@ihfz.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

Утегенова Б.А. ЖК

050022, Қазақстан, Алматы қ-сы, Мауленов к-сі, 123 «А», 7 пәтер

Тел.: +77017076181, электронды пошта: b.utegenova_ip@mail.ru