Лемоксол порошок д/ин. по 1 г (флакон)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Лемоксол

Халықаралық патенттелмеген атауы

Цефтазидим

Дәрілік түрі, дозалануы

Инъекция үшін ерітінді дайындауға арналған ұнтақ, 1 г және 2 г

Фармакотерапиялық тобы

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы басқа бета-лактамды препараттар. Үшінші буын цефалоспориндері. Цефтазидим

АТХ коды J01DD02

Қолданылуы

Лемоксол ересектер мен балаларда, соның ішінде жаңа туған нәрестелерде келесі инфекцияларды емдеу үшін тағайындалады:

- ауыр инфекциялар (септицемия, бактериемия, перитонит, менингит, иммунитеті төмен пациенттердегі инфекциялар, инфекция жұққан күйіктер)

- муковисцидозы бар пациенттердегі инфекцияларды қоса, тыныс алу жолдарының инфекциялары

- ЛОР-ағзалар инфекциялары

- несеп шығару жолдарының инфекциялары

- тері мен жұмсақ тіндердің инфекциялары

- асқазан-ішек жолдарының, өт шығару жолдарының инфекциялары және абдоминальді (құрсақ) инфекциялары

- сүйектер мен буындардың инфекциялары

- диализ жүргізумен байланысты инфекциялар

- гинекологиялық инфекциялар (эндометрит және әйел жыныс мүшелерінің басқа инфекциялары)

- клиникалық сынақтар кезінде штаммдардың бірінші және екінші буын цефалоспориндеріне төзімділігі расталған жағдайда операция алдындағы профилактика.

Жоғарыда аталған инфекциялардың кез-келгені нәтижесінде пациенттерде пайда болатын бактериемияны емдеу.

Лемоксолды бактериялық инфекция нәтижесінде пайда болатын нейтропения мен қызбасы бар пациенттерді емдеу үшін қолдануға болады.

Лемоксолды қуықасты безіне жасалған операциялар (трансуретральді резекция) кезіндегі инфекциялық асқынулардың профилактикасы үшін қолдануға болады.

Цефтазидимді тағайындау кезінде негізінен грамтеріс аэробтарға қарсы бағытталған оның бактерияға қарсы ауқымын ескеру керек.

Лемоксолды басқа бактерияға қарсы дәрілермен біріктіру керек, егер болжамды бактериялар оның әсер ету ауқымына енбесе.

Препаратты тағайындар алдында инфекцияны туындататын патогенді микроорганизмдерді анықтау бойынша бірқатар емшараларды және кейіннен цефтазидимге сезімталдықты бақылауды жүргізу қажет. Кейбір жағдайларда Лемоксолмен инфекцияларды емдеу сезімталдыққа бақылау жүргізер алдында басталуы мүмкін, мұндай жағдайда емдеу нәтижелері стандарт бойынша бағаланады. Лемоксол диагноз қойылған септицемия жағдайында монотерапия түрінде тағайындалуы мүмкін. Иммунтапшылық жай-күйі бар пациенттерде инфекциялар сияқты ауыр инфекцияларды емдеу кезінде цефтазидим аминогликозидтер, ванкомицин, клиндамицин сияқты басқа антибиотиктермен біріктіріп тағайындалуы мүмкін. Мұндай біріктірілген емді тағайындау қажет болған жағдайда басқа антибиотиктерді қолдану жөніндегі нұсқауларды қатаң сақтау қажет.

Бактерияға қарсы дәрілерді ұтымды пайдалану жөніндегі ресми нұсқаулықтарды назарға алған жөн.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- цефтазидимге, кез келген басқа цефалоспориндерге немесе препараттың кез келген басқа компонентіне аса жоғары сезімталдық

- анамнезде басқа бета-лактамды антибиотиктерге (пенициллиндер, монобактамалар және карбапенемдер) ауыр аса жоғары сезімталдықтың болуы (мысалы: анафилаксиялық реакция).

Бүйрек жеткіліксіздігінде, асқазан-ішек жолдарының ауруларында (оның ішінде анамнезінде колит кезінде), жүктілікте, лактация кезеңінде және жаңа туған нәрестелерде, ілмекті диуретиктермен және аминогликозидтермен біріктірген кезде сақтықпен қолдану керек.

Қолдану кезіндегі қажетті сақтық шаралары

Аса жоғары сезімталдық реакциялары

Препаратты тағайындар алдында пациентте анамнезінде цефтазидимге, цефалоспориндерге, пенициллиндерге немесе басқа препараттарға аса жоғары сезімталдық реакцияларының бар-жоғын анықтау керек.

Препаратты пенициллиндерге және бета-лактамды антибиотиктерге аса жоғары сезімталдығы белгілі пациенттерде қолданғанда ерекше сақ болу керек.

Лемоксолға аллергиялық реакция дамыған кезде препаратты дереу тоқтату керек, ауыр жағдайларда адреналин, гидрокортизон, антигистаминді препараттарды қолдану және басқа да шұғыл шараларды жүргізу қажет болуы мүмкін.

Бактерияға қарсы белсенділік ауқымы

Цефтазидим бактерияға қарсы белсенділіктің ауқымы шектеулі және монотерапия түрінде инфекциялардың кейбір түрлерін емдеуге жарамайды, егер қоздырғыш құжатталған, сезімтал болса, осы қоздырғышпен цефтазидим жақсы таңдау болады. Бұл әсіресе бактериемия, бактериялық менингит, тері мен жұмсақ тіндердің инфекциялары, сүйектер мен буындардың инфекциялары пациенттерді емдеу кезінде өте маңызды. Сонымен қатар, цефтазидим ауқымы кең кейбір бета-лактамазалардың гидролизіне сезімтал, бұл ақпаратты цефтазидимді таңдау кезінде ескеру керек.

Жалғанжарғақшалы колит

Әсер ету ауқымы кең антибиотиктерді пайдалану кезінде жалғанжарғақшалы колиттің дамуы жиі байқалады (іштің ауырсыну ұстамаларымен сипатталатын ішектің шаншуы және нәжіспен шырыштың үлкен мөлшерінің бөлінуі). Мұны, әсіресе, осы препаратпен емдеу кезінде диареяға шалдыққан пациенттер үшін ескеру қажет.

Бүйрек бұзылуы

Лемоксолды аминогликозидтер және диуретиктер (фуросемид) сияқты нефроуытты препараттармен жоғары дозада бір мезгілде қабылдағанда бүйрек функциясын бақылау қажет. Алайда емдік дозалардағы Лемоксолдың бүйрек функциясын бұзатыны туралы деректер жоқ.

Лемоксол бүйрек арқылы шығарылатындықтан, бүйрек жеткіліксіздігі бар пациенттерде оның дозасын бүйрек функциясының бұзылу дәрежесіне сәйкес төмендету керек.

Көбінесе, әсіресе тиісті дозалау режимі сақталмаған жағдайларда, конвульсия, тремор, миоклония, энцефалопатия және кома сияқты неврологиялық реакциялар (препарат дозасын талапқа сай төмендету болмаған кезде бүйрек функциясы бұзылған пациенттерде) пайда болуы мүмкін.

Цефалоспориндердің әсері протромбиннің тежелуімен байланысты болуы мүмкін. Бүйрек немесе бауыр жеткіліксіздігі бар пациенттер, жеткіліксіз тамақтанатын пациенттер немесе антибиотиктердің жоғары дозаларын алатын пациенттер осындай қауіпке аса бейім болып табылады. Мұндай пациенттерге К дәруменін қатар тағайындау және протромбиндік деңгейді мезгіл-мезгіл бақылау қажет.

Сезімтал емес микроорганизмдердің өсуін арттыру

Әсер ету ауқымы кең антибиотиктерді, оның ішінде Лемоксолды ұзақ уақыт қолдану сезімтал емес микроорганизмдердің (мысалы, Candida, Enterococci) өсуіне әкелуі мүмкін, бұл ретте емдеуді тоқтату немесе тиісті ем жүргізу қажет болуы мүмкін. Емдеу кезінде пациенттің жағдайын үнемі бағалау қажет.

Кейбір бастапқы сезімтал Enterobacter және Serratia штаммдарының Лемаксолмен емдегенде резистенттілік дамуы мүмкін, сондықтан осы микроорганизмдерден туындаған инфекцияларды емдегенде антибиотиктерге сезімталдыққа мезгіл-мезгіл зерттеу жүргізу керек.

Зертханалық зерттеулердің нәтижелеріне әсері

Цефтазидим энзим тестілерінің көмегімен несептегі глюкозаны анықтау бойынша тест нәтижелеріне әсер етпейді, бірақ мысты қалпына келтіру әдістеріне (Бенедикт, Фехлинг, Клинитест әдістері) болмашы әсер етуі мүмкін.

Цефтазидим креатининді сілтілі-пикратты әдісімен сандық анықтауға әсер етпейді.

Пациенттердің шамамен 5% - ында цефтазидим қолданумен байланысты Кумбс жалған оң реакциясының дамуы қанның үйлесімділік сынамасына әсер етуі мүмкін.

Натрий

Натрий мөлшері шектеулі диетаны ұстанатын пациенттер Лемоксол препаратының құрамында натрийдің болуын ескеруі керек.

Басқа дәрілік препараттармен өзара әрекеттесуі

Лемоксол вена ішіне енгізуге арналған көптеген ерітінділермен үйлесімді. Алайда, натрий бикарбонаты ерітіндісінде аз тұрақты, сондықтан оны еріткіш ретінде пайдалану ұсынылмайды.

Лемоксол аминогликозидтермен, гепаринмен, ванкомицинмен, хлорамфениколмен үйлесімді емес. Хлорамфеникол цефтазидим мен басқа цефалоспориндердің антагонисі ретінде әсер етеді. Бұл фактінің клиникалық маңызы белгісіз, бірақ бәсекеге қабілетті мақсат қажет болған жағдайда антагонизм мүмкіндігін ескеру қажет.

Лемоксол ерітіндісіне ванкомицин қосылған кезде тұнба байқалады, сондықтан осы екі препаратты енгізу арасындағы инфузиялық жүйені шаю ұсынылады.

Цефтазидимнің және нефроуытты препараттардың жоғары дозаларын бір мезгілде енгізу бүйрек функциясына жағымсыз әсер етуі мүмкін.

Ілмектік диуретиктер, аминогликозидтер, ванкомицин, клиндамицин клиренсті төмендетеді, соның нәтижесінде нефроуытты әсер ету қаупі артады. Бактериостатикалық антибиотиктер (соның ішінде хлорамфеникол) бета-лактамды антибиотиктердің әсерін төмендетеді.

Лемоксол ішек флорасына әсер етуі мүмкін, бұл эстрогендердің реабсорбциясының төмендеуіне әкеледі, осылайша біріктірілген оральді контрацептивтердің тиімділігін төмендетеді.

Цефтазидим энзим тестілерінің көмегімен несептегі глюкозаны анықтау бойынша тест нәтижелеріне әсер етпейді, бірақ мысты қалпына келтіру әдістеріне (Бенедикт, Фехлинг, Клинитест әдістері) болмашы әсер етуі мүмкін.

Арнайы сақтандырулар

Жүктілік

Эмбриоуытты немесе тератогенді әсерін растайтын деректер жоқ. Жүктілік кезінде Лемоксолмен емдеу, егер жүкті әйелдің пайдасы шарана қаупінен асып кетсе және жүктіліктің алғашқы айларында әйелдерге өте сақтықпен тағайындау керек болса ғана көрсетіледі.

Бала емізу

Лемоксол аз мөлшерде емшек сүтіне енеді, сондықтан препаратты тағайындаған кезде емізетін аналарға бала емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Лемоксол бас айналуды туындатуы мүмкін болғандықтан, пациенттерге көлік құралын басқару немесе қауіптілігі зор механизмдермен жұмыс істеу кезіндегі сақтық шаралары туралы ескерту қажет.

Қолдану жөніндегі ұсынымдар

Дозалау режимі

Препараттың дозасы мен емдеу ұзақтығы аурудың ауырлығына, инфекцияның локализациясына, қоздырғыштың түріне және оның препаратқа сезімталдығына, сондай-ақ пациенттің жасына, дене салмағына және бүйрек функциясына байланысты жеке белгіленеді.

Вена ішіне немесе бұлшықет ішіне тәулігіне 0.5-6 г екі немесе үш инъекция жасау.

Ересектер мен балалар (≥40 кг)

Инъекция түрінде:

Муковисцидоз кезіндегі бронх-өкпе инфекциялары

Әрбір 8 сағат сайын тәулігіне 100-150 мг/кг тағайындайды; ең жоғары тәуліктік доза - 9 г 1

Нейтропениясы бар пациенттердегі қызба, ауруханаішілік пневмония, бактериялық менингит, бактериемия 2

Әр 8 сағат сайын 2 г тағайындайды.

Сүйек және буын инфекциялары, тері және жұмсақ тіндердің асқынған инфекциялары, асқынған интраабдоминальді инфекциялар, тұрақты амбулаторлық перитонеальді диализдегі пациенттерде диализбен байланысты перитонит

Әр 8 сағат сайын 1-2 г тағайындайды.

Несеп шығару жолдарының асқынған инфекциялары

Әр 8 сағат сайын 1-2 г немесе 12 сағат сайын тағайындайды.

Қуықасты безіне операция жасау кезіндегі инфекциялық асқынулардың профилактикасы (трансуретральді резекция)

Инъекцияға арналған анестезия үшін 1 г, ал екінші доза катетерді алып тастағанда тағайындалады.

Созылмалы іріңді отит, сыртқы құлақтың қатерлі отиті

Әр 8 сағат сайын 1-2 г тағайындайды.

Үздіксіз инфузия түрінде:

Нейтропениясы бар пациенттердегі қызба, ауруханаішілік пневмония, муковисцидоз кезіндегі бронх-өкпе инфекциялары, бактериялық менингит, бактериемия2, сүйектер мен буындардың инфекциялары, тері мен жұмсақ тіндердің асқынған инфекциялары, тұрақты амбулаториялық перитонеальді диализдегі пациенттерде диализге байланысты асқынған интраабдоминальді инфекциялар және перитонит

Емдеу әрбір 24 сағат сайын 4-тен 6 Г-ға дейін үздіксіз инфузия түрінде кейіннен енгізумен 2 г жүктемелік дозадан басталуы тиіс 1.

Пациенттердің ерекше топтары

2 айдан асқан балалар (<40 кг)

Инъекция түрінде:

Несеп шығару жолдарының асқынған инфекциялары, созылмалы іріңді отит, сыртқы құлақтың қатерлі отиті

Үш рет енгізу арқылы 100-150 мг/кг тағайындайды; ең жоғары тәуліктік дозасы 6 г.

Нейтропениясы бар балалар, муковисцидоз кезіндегі бронх-өкпе инфекциялары, бактериялық менингит, бактериемия 2

Үш рет енгізу арқылы тәулігіне 150 мг/кг тағайындайды; ең жоғары тәуліктік доза - 6 Г.

Сүйек және буын инфекциялары, тері және жұмсақ тіндердің асқынған инфекциялары, асқынған интраабдоминальді инфекциялар, тұрақты амбулаторлық перитонеальді диализдегі пациенттерде диализбен байланысты перитонит

Үш рет енгізу арқылы 100-150 мг/кг тағайындайды; ең жоғары тәуліктік дозасы 6 г.

Үздіксіз инфузия түрінде:

Нейтропениясы бар пациенттердегі қызба, ауруханаішілік пневмония, муковисцидоз кезіндегі бронх-өкпе инфекциялары, бактериялық менингит, бактериемия2, сүйектер мен буындардың инфекциялары, тері мен жұмсақ тіндердің асқынған инфекциялары, тұрақты амбулаториялық перитонеальді диализдегі пациенттерде диализге байланысты асқынған интраабдоминальді инфекциялар және перитонит

Емдеу тәулігіне 100-200 мг/кг үздіксіз инфузия түрінде кейіннен енгізу арқылы 60-100 мг/кг жүктеме дозасынан басталуы тиіс; ең жоғары тәуліктік доза - 6 г.

Жаңа туған нәрестелер мен 2 айдан кіші сәбилерге инфекциялардың көпшілігінде препаратты екі енгізу арқылы тәулігіне 25-60 мг/кг дозада инъекция түрінде тағайындайды. Жаңа туған нәрестелер мен 2 айдан кіші балаларда цефтазидимнің қан сарысуындағы жартылай шығарылу кезеңі ересектерге қарағанда үш-төрт есе ұзағырақ болуы мүмкін.

1 бүйрек функциясы қалыпты ересектерде тәулігіне 9 г доза жағымсыз реакциялар болмаған кезде пайдаланылды.

2 «Қолданылуы» бөлімінде аталған инфекциялардың кез келгені нәтижесінде немесе осы инфекцияларға күдік туындаған кездегі бактериемия.

Балалар

Жаңа туған нәрестелер мен 2 айдан кіші сәбилерде үздіксіз инфузия түрінде цефтазидимнің қауіпсіздігі мен тиімділігі анықталмаған.

Егде жастағы пациенттер

Егде жастағы адамдарда бүйрек клиренсінің жасқа байланысты төмендеуін ескере отырып, ұсынылған доза 80 жастан асқан пациенттерде тәулігіне < 3 г болуы тиіс.

Бауыр жеткіліксіздігі

Бауыр функциясының жеңіл немесе орташа дәрежеде бұзылуы кезінде дозаны түзету қажет емес. Емдеудің қауіпсіздігі мен тиімділігіне клиникалық бақылау жүргізу ұсынылады.

Бүйрек жеткіліксіздігі

Цефтазидим бүйрек арқылы өзгермеген түрде шығарылады, сондықтан бүйрек функциясы бұзылған пациенттерде дозаны азайту керек.

Лемоксолдың бастапқы жүктеме дозасы 1 г құрайды. Демеуші дозаны креатинин клиренсіне байланысты таңдайды.

Ересектер мен балалар (≥40 кг)

Ауыр инфекциялары бар пациенттерге демеуші дозаны 50% - ға арттыруға немесе препаратты енгізу жиілігін арттыруға болады. Балаларда креатинин клиренсінің көрсеткіштері дене беткейінің ауданына немесе дененің бұлшықет массасына байланысты түзетілуі тиіс.

2 айдан асқан балалар (<40 кг)

* Сарысудағы креатинин мәндері бүйрек жеткіліксіздігі бар барлық пациенттер үшін дозаның төмендеу дәрежесін дәл көрсете алмайтын болжамды шамалар болып табылады.

* * Есептеу дене беткейінің ауданы немесе өлшеу негізінде жасалады.

Емдеу қауіпсіздігі мен тиімділігіне мұқият клиникалық бақылау жүргізу ұсынылады.

Ересектер мен балалар (≥40 кг)

Дозаны таңдау кезінде сақ болу ұсынылады. Емдеу қауіпсіздігі мен тиімділігіне мұқият клиникалық бақылау жүргізу ұсынылады.

2 айдан асқан балалар (<40 кг)

Бүйрек жеткіліксіздігі бар балаларда үздіксіз инфузия түріндегі цефтазидимнің қауіпсіздігі мен тиімділігі анықталмаған, емдеу қауіпсіздігі мен тиімділігіне мұқият клиникалық бақылау жүргізу ұсынылады.

Бүйрек функциясы бұзылған балаларға үздіксіз инфузия кезінде креатинин клиренсін дене беткейінің ауданына немесе дененің бұлшықет массасына байланысты түзету керек.

Гемодиализ

Гемодиализ кезінде цефтазидимнің сарысуда жартылай шығарылу кезеңі 3-5 сағатты құрайды. Гемодиализдің әрбір сеансынан кейін төмендегі кестелерде көрсетілген ұсынымдарға сәйкес Лемоксолдың демеуші дозаларын қайталау керек.

Перитонеальді диализ

Лемоксолды перитонеальді диализ және тұрақты амбулаторлық перитонеальді диализ кезінде қолдануға болады.

Вена ішіне қолданудан басқа Лемоксолды диализ ерітіндісіне қосуға болады (әдетте 2 л диализ ерітіндісіне 125 - 250 мг).

Үздіксіз артериялық-веналық гемодиализде немесе қарқынды ем бөлімшелерінде жоғары ағынмен гемофильтрацияда болатын бүйрек жеткіліксіздігі бар пациенттер үшін препараттың дозасы бір реттік доза түрінде немесе бірнеше қабылдауда тәулігіне 1 г құрайды. Төмен ағынмен гемофильтрация кезінде бүйрек функциясы бұзылғанда ұсынылған дозаларды тағайындау керек.

Вена-веноздық гемофильтрацияда және вена-веноздық гемодиализде болатын пациенттер үшін төмендегі кестелерде көрсетілген дозалар ұсынылады.

* Демеуші доза әрбір 12 сағат сайын тағайындалады

* Демеуші доза әрбір 12 сағат сайын тағайындалады

Қолдану тәсілі

Лемоксол 1 г вена ішіне немесе бұлшықет ішіне инъекция түрінде қолданылады (препаратты бөксенің жоғарғы квадрантына немесе жамбастың латеральді (бүйір) бөлігіне енгізу арқылы. 2 г Лемоксол тек вена ішіне енгізу түрінде қолданылады.

Егер пациент инфузиялық ем алса, Лемоксол ерітіндісін тікелей венаға немесе инфузиялық жүйе түтігіне енгізуге болады.

Ұсынылатын стандартты енгізу жолы-вена ішіне енгізу немесе инфузия.

Бұлшықет ішіне енгізу жолы тек вена ішіне енгізу мүмкін болмаса немесе пациент үшін қарсы көрсетілсе ғана қолданылуы мүмкін.

Препаратты бұлшықет ішіне енгізу түрінде қолдану: препаратты қолданар алдында инъекцияға арналған суда немесе инъекцияға арналған лидокаин гидрохлоридінің 0.5% ерітіндісінде немесе инъекцияға арналған лидокаин гидрохлоридінің 1% ерітіндісінде еріту қажет. Лидокаин педиатриялық практикада еріткіш ретінде пайдаланылмайды.

Препаратты вена ішіне енгізу түрінде қолдану: препаратты вена ішіне енгізу бактериялық септицемия, бактериялық менингит, перитонит немесе басқа да ауыр және өмірге қауіп төндіретін инфекциялары бар пациенттерге ұсынылады. Мұндай енгізу жолы жеткіліксіз тамақтану нәтижесінде есінен танып қалған пациенттерге, соғылу, хирургиялық операциядан кейін, диабет кезінде, жүрек жеткіліксіздігі немесе обыр аурулары кезінде және әсіресе болжамды немесе жедел катаплексия жағдайында ұсынылады.

Препаратты үздіксіз немесе мерзімді вена ішіне енгізу түрінде қолдану: қолданар алдында Лемоксолды инъекцияға арналған сумен сұйылту керек. Ерітінді баяу, тікелей венаға 3-5 минут ішінде немесе канюля арқылы енгізіледі. Лемоксол ерітіндісі, β-лактамдар тобына жататын көптеген антибиотиктердің ерітінділері сияқты, олардың үйлесімсіздігіне байланысты аминогликозидтер ерітінділерімен араластыруға болмайды. Лемоксолмен және аминогликозидтермен біріктірілген ем тағайындалған жағдайда осы препараттардың ерітінділерін бөлек енгізу керек.

Ерітінді дайындау жөніндегі нұсқау:

В/і немесе б/і енгізуге арналған 1 г/құты Лемоксол және в/і енгізуге арналған 2 г/құты Лемоксол:

- Еріткішті құтыға енгізеді және ерігенге дейін сілкиді.

- Еріту кезінде көмірқышқыл газының көпіршіктері байқалады. Ерітінді 1-2 минут ішінде мөлдір болуы керек.

- Құтыны аударады.

- Шприцтің инесімен құтының қақпағын тесіп, ерітіндінің бүкіл көлемін алады (құтыдағы қысым ерітіндінің алынуына ықпал етуі мүмкін).

- Таңдалған ерітіндіде көмірқышқыл газының кішкентай көпіршіктері болуы мүмкін, оларды елемеуге болады.

Вена ішіне тамшылатып инфузияға арналған 1 г/құты Лемоксол және 2 г/құты Лемоксол:

- Шприц инесімен құтының қақпағын тесіп, 10 мл еріткіш енгізіледі.

- Инені алып тастайды және ерігенше сілкиді. Ерітінді 1-2 минут ішінде мөлдір болуы керек.

- Газды кетіруге арналған инемен құтының қақпағын теседі және осылайша, ішкі қысымды азайтады.

- Газды кетіруге арналған иненің көмегімен 40 мл еріткіш қосылады. Газды кетіруге арналған инені алады, құтыны сілкиді және оны инфузиялық енгізуді жүргізу үшін орнатады.

Концентрациясы 1-ден 40 мг/мл-ге дейінгі цефтазидим ерітіндісін алу үшін Лемоксол вена ішіне енгізуге арналған мынадай сұйықтықтармен үйлесімді: 0.9% натрий хлориді ерітіндісі; натрий лактаты ерітіндісі; Хартман ерітіндісі; 5% декстроза ерітіндісі; 0.225% натрий хлориді ерітіндісі және 5% декстроза ерітіндісі; 0.45% натрий хлориді ерітіндісі және 5% декстроза ерітіндісі, 0.9% натрий хлориді ерітіндісі және 5% декстроза ерітіндісі; 0.18% натрий хлориді ерітіндісі және 4% декстроза ерітіндісі; 10% декстроза ерітіндісі; 0.9% натрий хлоридінің ерітіндісінде 10 % Декстран 40; 5% декстроза ерітіндісінде 10 % Декстран 40; 0.9% натрий хлориді ерітіндісінде 6 % Декстран 70; 5% декстроза ерітіндісінде 6 % Декстран 70.

0.05-0.25 мг/мл концентрациясы бар цефтазидим ерітіндісін алу үшін Лемоксол перитонеальді диализге (лактат) арналған ерітіндімен үйлеседі.

Бұлшықет ішіне енгізу үшін ерітіндіні дайындау лидокаин гидрохлоридінің 0.5% немесе 1% ерітіндісін пайдалану арқылы орындалады.

Егер цефтазидим концентрациясы 4 мг/мл болса, цефтазидимнің басқа препараттармен біріктірілуі жағдайында, екі препарат та тиімділігін сақтайды: 0.9% натрий хлориді ерітіндісінде немесе 5% декстроза ерітіндісінде 1 мг/мл гидрокортизон (натрий гидрокортизоны фосфаты); 0.9% натрий хлориді ерітіндісінде цефуроксим (цефуроксим-натрий) 3 мг/мл; 0.9% натрий хлориді ерітіндісінде клоксациллин (клоксациллин-натрий) 4 мг/мл; 0.9% натрий хлориді ерітіндісінде гепарин 10 ХБ/мл или 50 ХБ/мл; 0.9% натрий хлориді ерітіндісінде 10 мэкв/л немесе 40 мэкв/л калий хлориді.

Инъекцияға арналған 1.5 мл суда 500 мг цефтазидим ерігенде және алынған ерітіндіге метронидазол ерітіндісі қосылғанда (100 мл-де 500 мг) екі препараттың да тиімділігі байқалады.

Ескертпе: Препарат ерітіндісі, құты және парентеральді енгізуге арналған керек-жарақтар көзбен шолып тексерілуі тиіс.

Артық дозаланған жағдайда қабылдануы қажет шаралар

Симптомдары: энцефалопатияның, құрысудың және команың дамуымен неврологиялық асқынулар.

Емі: симптоматикалық; қан сарысуындағы цефтазидим концентрациясын гемодиализ немесе перитонеальді диализ арқылы азайтуға болады.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар

Препаратты қолдану дәрігердің бақылауымен жүргізілуі керек.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Лемоксол препаратын қолданумен байланысты анағұрлым жиі кездесетін жағымсыз реакциялар: вена ішіне енгізген кезде эозинофилия, тромбоцитоз, флебит немесе тромбофлебит, диарея, бауыр ферменттері белсенділігінің транзиторлы жоғарылауы, дақты-папулезді бөртпе немесе есекжем, инъекция орнындағы ауырсыну және/немесе қабыну (бұлшықет ішіне енгізгеннен кейін), Кумбс жалған оң реакциясы болып табылады.

Жағымсыз реакциялардың туындау жиілігі былайша бағаланады: өте жиі (≥1/10); жиі (≥1/100 - <1/10), жиі емес (≥1/1000 - <1/100), сирек (≥1/10000 - <1/1000), өте сирек (<1/10000), жиілігі белгісіз.

1 Бүйрек жеткіліксіздігі бар пациенттерде байқалған, дозасы тиісінше азайтылмаған тремор, миоклония, құрысулар, энцефалопатия және кома сияқты неврологиялық бұзылулар жағдайлары туралы хабарланды.

2 Диарея мен колитке Clostridium difficile себеп болуы мүмкін және жалғанжарғақшалы колит ретінде көрінеді.

3 «Бауыр» ферменттерінің белсенділігін арттыру - АЛТ, АСТ, ЛДГ, ГГТ және сілтілі фосфатаза.

4 Цефтазидим қолданылған кезде DRESS-синдромы туралы бірлі-жарым хабарлар бар.

5 Жалған оң Кумбс реакциясы пациенттердің шамамен 5% - ында байқалады, бұл қанның үйлесімділік сынамасына әсер етуі мүмкін.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді зат - цефтазидим пентагидраты 1160 мг және 2320 мг

(1000 мг және 2000 мг цефтазидимге баламалы),

қосымша зат-натрий карбонаты.

Сыртқы түрінің, иісінің, дәмінің сипаттамасы

Ақ немесе ақ дерлік кристалды ұнтақ.

Шығарылу түрі және қаптамасы

1 г немесе 2 г препараттан резеңке тығындармен тығыздап тығындалған, алюминий қалпақшалармен және «flip-off» пластик қақпақтармен қаусырылған (III класс) шыны құтыларға салынады. Әрбір құтыға өзі желімделетін заттаңба жапсырылады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

Жарықтан қорғалған жерде, 25°С-ден аспайтын температурада сақтау керек.

Дайындалған ерітіндіні тоңазытқышта 7 күннен (2 - 8 °С) немесе бөлме температурасында 24 сағаттан (25 °С-ден аспайтын) асырмай сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

DEMO S.A. Pharmaceutical Industry

21 Km National Road Athens-Lamia, 14568 Афины, Греция

Tel +30 210 81 61 802

Fax +30 210 81 61 587

E-mail: info@demo.gr

http:// www.demo.gr

Тіркеу куәлігінің ұстаушысы

DEMO S.A. Pharmaceutical Industry

21 Km National Road Athens-Lamia, 14568 Афины, Греция

Tel +30 210 81 61 802

Fax +30 210 81 61 587

E-mail: info@demo.gr

http:// www.demo.gr

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«WELFAR-KAZAKHSTAN» ЖШС (ВЭЛФАР-ҚАЗАҚСТАН)

Қазақстан Республикасы, Алматы қ., 2 Кастекская көшесі, 14 үй.

Телефон: +7 727 352 71 36

E-mail: info@welfar.kz