L-лизина эсцинат раствор д/ин. 0,1% по 5 мл №10 (ампулы)

L-ЛИЗИНА ЭСЦИНАТ®

Жоқ

Вена ішіне енгізуге арналған ерітінді, 1 мг/мл

Жүрек-қантамыр жүйесі. Вазопротекторлар. Капиллярларды тұрақтандыратын дәрілер. Капиллярларды тұрақтандыратын басқа да дәрілер.

АТХ коды С05СX

Кез келген орналасудағы жарақаттан кейінгі, интра- және операциядан кейінгі ісінулерді кешенді емдеу құрамында:

- ми мен жұлынның, оның ішінде бассүйекішілік қан құйылулары, бассүйекішілік қысымның жоғарылауы және  ісіп-домбығу құбылысы бар ауыр ісінулерде;

- ми қан айналымының созылмалы бұзылуы және вегето-қантамырлық дистониясы кезінде ликворлы-веноздық бұзылуында;

- тірек-қимыл аппаратына таралатын, жергілікті қанмен қамтамасыз етілуінің бұзылыстары мен ауыру синдромы қатар жүретін жұмсақ тіндердің ісінуінде;

- омыртқа бағанының, дененің, аяқ-қолдардың тарапынан ісініп-ауыру синдромында;

- жедел тромбофлебит кезінде, ісіну-қабыну синдромымен қатар жүретін аяқтың веналық қан айналымының ауыр бұзылуларында.

Қолдануды бастағанға дейін қажетті мәліметтер тізбесі

- 2,6-диаминогексан  қышқылының эсцин тұзына және/немесе препараттың «Дәрілік препараттың құрамы» бөлімінде басқа компоненттеріне жоғары сезімталдық

- гемодинамика тұрақсыздығымен қатар жүретін қан кетудің белсенді ұзаруы

- бүйрек функциясының ауыр бұзылулары

- бауыр функциясының ауыр бұзылулары

- жүктілік, лактация кезеңі

- 18 жасқа дейінгі балалар.

L-лизина эсцинатымен емдегенде сәйкес көрсетілімдер болғанда басқа да дәрілік препараттар тағайындалуы мүмкін (қабынуға қарсы, анальгетиктер, микробқа қарсы).

Нефроуыттылығының арту мүмкіндігіне байланысты препаратты аминогликозидтермен бір мезгілде қолданбаған жөн. L-лизина эсцинатты тағайындаудан бұрын жүргізілген антикоагулянттармен ұзақ емдеген жағдайда немесе L-лизина эсцинатын және антикоагулянттарды бір мезгілде тағайындау қажеттілігі болғанда соңғысының дозасын түзету (дозасын төмендету) және протромбиндік индексті бақылау керек.

Цефалоспарин қатарындағы антибиотиктермен бір мезгілде қолданғанда эсциннің плазма ақуыздарымен байланысуы нашарлап, соңғысының жағымсыз әсерлері даму қаупімен қандағы бос эсциннің концентрациясын арттыруы мүмкін.

Гепатохолециститі бар жекелеген науқастарға препаратты тағайындаған кезде трансаминазалар және билирубин (тікелей фракциясы) белсенділігінің қысқа мерзімді жоғарылауы мүмкін, ол науқастар үшін қауіп туғызбайды және препаратты тоқтатуды талап етпейді.

Бұл препараттың құрамында 1 ампулада 0,9-дан 1,1 г этанол (алкоголь) бар. Алкоголизммен ауыратын пациенттерге зиянды болуы мүмкін. Балаларға, бауыр аурулары бар пациенттерге және эпилепсиямен ауыратын науқастарға қолданған кезде абай болу керек.

Педиатрияда қолдану

Препаратты 18 жасқа дейінгі балаларға қолдануға болмайды (құрамында этанол бар).

Жүктілік немесе лактация кезінде

Жүктілік және бала емізу кезеңінде препаратты қолдануға болмайды (емдеу кезеңінде бала емізуді тоқтату керек).

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Осы уақытқа дейін хабарламалар жоқ, алайда препаратты қолданған кезде жүйке жүйесі тарапынан жағымсыз реакциялар дамуы мүмкін екендігін ескеру керек.

Дозалау режимі

Препаратты қатаң түрде вена ішіне тәуліктік 5-10 мл дозада  баяу енгізеді (артерия ішіне енгізуге болмайды!). Вена ішіне тамшылатып енгізу ұсынылады. L-лизина эсцинатының инфузиялық ерітіндісін дайындаған кезде 0,9% натрий хлориді ерітіндісінің 15-50 мл сұйылтады.

Науқастың өміріне қауіп төндіретін жағдайларда (жедел бас сүйек-ми жарақаты, интра- және операциядан кейінгі ми мен жұлынның ісіп-домбығу құбылысы болатын ісінуі, жұмсақ тіндер мен тірек-қимыл аппаратының ауқымды жарақаттарының салдарынан үлкен көлемді ісінулер) тәуліктік дозаны 2 рет енгізуге бөліп 20 мл дейін арттырады. Ересектер үшін ең жоғары тәуліктік дозасы - 25 мл. Препарат тәулігіне 2 рет енгізіледі.

Емдеу курсының ұзақтығы – науқастың жағдайы мен емнің тиімділігіне байланысты, 2-ден 8 күнге дейін.

МҚСБ және вегето-қантамырлық дистония кезінде ликворлы-веноздық бұзылулар жағдайында - тәулігіне 10 мл, емдеу курсы 10 күнді құрайды.

Енгізу әдісі мен жолы

Вена ішіне енгізу үшін.

Емдеу курсының ұзақтығы – науқастың жағдайы мен емнің тиімділігіне байланысты, 2-ден 10 күнге дейін.

Артық дозаланған жағдайда қабылдануы тиіс шаралар

Симптомдары: ысыну, тахикардия, меноррагия, жүрек айнуы, қыжыл, эпигастрий тұсының ауыруы.

Емі: симптоматикалық ем.

Дәрілік препараттың бір немесе бірнеше дозасын өткізіп алған кезде қажетті шаралар

Бір дозаны өткізіп алған кезде препараттың келесі дозасын белгіленген уақытта қабылдау қажет, екі еселенген дозаны қабылдауға болмайды.

Препаратты қолданар алдында дәрілік препаратты қолдану тәсілін түсіндіру үшін медициналық қызметкерге кеңес алу үшін жүгінуді ұсынамыз.

Эсцинге жекелеген жоғары сезімталдық кезінде жекелей науқастарда болуы мүмкін:

Белгісіз (қолда бар деректер негізінде бағалау мүмкін емес)

- тері бөртпесі (папулезді, петехиальді, эритематозды)

- қышыну

- тері гиперемиясы

- гипертермия

- есекжемде

- Квинке ісінуі

- анафилаксиялық шок

- бас ауыруы

- бас айналуы

- тремор

- парестезиялар

- теңселіп жүру

- тепе-теңдіктің бұзылуы

- сананың қысқа мерзімді жоғалуы

- трансаминазалар мен билирубин деңгейінің жоғарылауы

- жүрек айнуы

- құсу, диарея

- іштің ауыруы

- артериялық гипотензия

- артериялық гипертензия

- тахикардия

- кеуде артының ауыруы

- ауа жетіспеушілігін сезіну

- ентігу

- бронхтық обструкция

- құрғақ жөтел

- енгізу кезінде вена бойында шымылдатқанын сезіну

- флебит

- енгізген жерде ауыру мен ісіну

- жалпы әлсіздік

- қалтырау

- ыстықты сезіну

- белдің ауыруы

- тершеңдік

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл ерітіндінің құрамында:

белсенді зат - 100% затқа шаққанда 2,6-диаминогексан  қышқылының эсцин тұзы - 1,0 мг;

қосымша заттар: 96% этанол, пропиленгликоль, инъекцияға арналған су.

Мөлдір, түссіз сұйықтық.

5 мл-ден ампулада. 5 ампуладан үлбірмен жабылған,  поливинилхлоридті үлбірден жасалған пішінді ұяшықты қаптамада. 2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен және ампулалық скарификатормен бірге картон қорапшаға салынады.

Сындыру нүктесі немесе сақинасы бар ампуланы пайдаланған кезде скарификтор салынбайды.

2 жыл.

Жарамдылық мерзімі өткеннен кейін қолдануға болмайды.

Түпнұсқалық қаптамасында, 25 °C-ден аспайтын температурада сақтау керек.

Балалардың қолы жетпейтін жерде сақтау керек.

Рецепт арқылы.

«Галичфарм» ЖАҚ

Украина, 79024, Львов қ., Опрышковская к-сі, 6/8

тел. / факс: (032) 294-99-94, 294-99-02 

E-mail: office@arterium.ua

«Галичфарм» ЖАҚ

Украина, 79024, Львов қ., Опрышковская к-сі, 6/8

тел. / факс: (032) 294-99-94, 294-99-02 

E-mail: office@arterium.ua

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, электронды пошта)

Тұтынушылардың шағымын мына мекенжайға жолдаңыз:

«Фармамед СҮ» ЖШС, 

Алматы қ., Ходжанов к-сі, 67 ғимарат, т.ү. е. 4а

Тел.: +7 (727) 344-99-05/06

E-mail: Almaty@pharmamed.kz