Кванил таблетки по 500 мг №10 (блистер)

КВАНИЛ®

Цитиколин

үлбірлі қабықпен қапталған таблеткалар, 500 мг

Жүйке жүйесі.Психоаналептиктер. Зейін тапшылығы және гиперактивтілік кезінде қолданылатын психостимуляторлар және ноотропты дәрілер. Басқа психостимуляциялайтын және ноотропты дәрілер. Цитиколин.

АТХ кодыN06BX06

- инсультте және оның салдарларында

- бассүйек-ми жарақатында және оның салдарларында

- дегенерациялық өзгерістерден және қантамырлардың бұзылуларынан туындаған когнитивтік, сезімталдықтың және қимыл-қозғалыстың неврологиялық бұзылыстарында

Қолдануды бастағанға дейін қажетті мәліметтер тізбесі

- әсер етуші затқа (заттарға) немесе қосымша заттардың кез келгеніне аса жоғары сезімталдық

- парасимпатикалық жүйке жүйесінің (кезбе жүйкенің) тонусы жоғары пациенттер

- тұқым қуалайтын лактоза жақпаушылығы, Lapp-лактаза ферментінің тапшылығы, глюкоза-галактоза мальабсорбциясы;

- балалар мен 18 жасқа дейінгі жасөспірімдерге (жеткілікті клиникалық деректердің болмауына байланысты)

КВАНИЛ® препаратын триметиламинуриядан, Паркинсон ауруынан, эпилепсиядан зардап шегіп жүрген пациенттерге және анамнезінде депрессия болған пациенттерге сақтықпен қолдану қажет.

Цитиколин леводопаның әсерін күшейтеді. Құрамында меклофеноксат бар дәрілік заттармен бір мезгілде қолданбау керек.

Препаратты қабылдау кезінде алкоголь пайдалануға болмайды.

Арнайы сақтандырулар

Педиатрияда қолданылуы

Балаларда қолданылуының қауіпсіздігі мен тиімділігі анықталмаған.

Жүктілік және лактация кезеңі.

Цитиколиннің жүкті әйелдерде пайдаланылуы жөнінде ешбір тиісінше дерек жоқ.

КВАНИЛ® препараты жүктілік кезінде аса қажет болмаса тағайындалмауы тиіс. Препаратты тек, егер күтілетін пайдасы ықтимал қаупінен асып түсетін болса ғана қолдануға болады.

КВАНИЛ® препаратын лактация кезеңінде тағайындағанда, әйелдер бала емізуді тоқтатуы керек, өйткені цитиколиннің әйелдің сүтімен бөлініп шығатыны туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

КВАНИЛ® препаратының көлік құралдарын басқару және механизмдермен жұмыс істеу қабілетіне әсер ететіні байқалмады.

Дозалану режимі

Ұсынылатын дозасы: жағдайдың ауырлығына байланысты, күніне 500-ден 2000 мг цитиколинге дейін (1-4 таблетка).

Дәрігердің рецептісі бойынша тағайындалатын басқа препараттармен жағдайдағы сияқты, цитиколинді қабылдағанда, нұсқаулықтағы ұсынымдарды мұқият басшылыққа алу маңызды. Цитиколинді дәрігердің нұсқауларына сәйкес қабылдау керек.

Емдеу курсының ұзақтығын емдеуші дәрігер белгілейді.

Пациенттердің ерекше топтары

Егде жастағы пациенттер

Егде жастағы пациенттерде дозасын түзету қажет емес.

Ішке қабылдауға арналған.

Артық дозалану жағдайында қабылдануы қажеті шаралар

Симптомдары: препараттың жағымсыз әсерлерінің күшеюі.

Емі: симптоматикалық ем.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдамас бұрын, дәрігердің немесе фармацевттің кеңесіне жүгініңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте сирек (жекелеген реакцияларды қоса).

- аллергиялық реакциялар, есекжем, экзантема, терінің қанқызыл түске дейін қызаруы, терінің қышынуы, ісінулер, анафилаксиялық шок дамуы мүмкін

- бас ауыруы, бас айналуы, елестеулер, қозу, ұйқысыздық, температура жоғарылауы, ысыну сезімі, тремор

- диспноэ

- жүрек айнуы, құсу, диарея

- артериялық қысымның жоғарылауы немесе қысқамерзімді төмендеуі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында:

белсенді зат - 522.50 мг цитиколин натрий, 500 мг цитиколинге баламалы,

қосымша заттар: микрокристалды целлюлоза РН 101, лактоза моногидраты, повидон (К-90), натрий кроскармеллозасы, сусыз коллоидты кремнийдің қостотығы, магний стеараты,

қабығының құрамы: Opadry 03F58750 ақ*

* - тальк, полиэтиленгликоль, гипромеллоза, титанның қостотығы (Е 171)

Капсула тәрізді пішінді, ақ түсті үлбірлі қабықпен қапталған таблеткалар.

Alu-Alu фольгадан жасалған пішінді ұяшықты қаптамада 10 таблеткадан.

Пішінді ұяшықты 1 немесе 3 қаптамадан медициналық қолдану жөніндегі қазақ және орыс тілдеріндегі нұсқаулықпен бірге картоннан жасалған қорапшаға салынған.

3 жыл.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Кусум Хелткер Пвт. Лтд.,

СП 289 (А), РИИКО Индл. Ареа Чопанки, Бхивади (Радж.), Үндістан

Телефон: +91-1493-516561

Факс: +91-1493-516562

Электронды пошта: info@kusum.com

Кусум Хелткер Пвт. Лтд.,

СП 289 (А), РИИКО Индл. Ареа Чопанки, Бхивади (Радж.), Үндістан

Телефон: +91-1493-516561

Факс: +91-1493-516562

Электронды пошта: info@kusum.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)» ЖШС, Алматы қ., Қажы Мұқан к-сі 22/5, «Хан-Тәңірі» БО.

Тел/факс: 8(727) 295-26-50 

Электронды пошта: phv@kusum.kz