Кванил гранулы д/внут. прим. 500 мг по 1,5 г №30 (саше)

Ішке қабылдау үшін ерітінді дайындауға арналған түйіршіктер, 500 мг

Жүйке жүйесі. Психоаналептиктер. Зейіннің жетіспеушілігінде және жоғары белсенділік кезінде қолданылатын психостимуляторлар және ноотропты дәрілер. Басқа психостимуляторлық және ноотропты дәрілер. Цитиколин.

АТХ коды N06BX06

- инсульт және оның салдары

- бас сүйек-ми жарақаты және оның салдары

- дегенеративті өзгерістер мен қан тамырларының бұзылуынан туындаған когнитивті, сезімтал және іс-қимылдың неврологиялық бұзылулары

Қолданудың басталуына дейін қажетті мәліметтер тізбесі

- әсер етуші зат цитиколинге немесе қосымша заттардың кез келгеніне аса жоғары сезімталдық

- парасимпатикалық жүйке жүйесінің (кезбе жүйкесі) жоғары тонусы бар пациенттер

Препарат құрамында сорбитол бар, сондықтан фруктозаға төзбеушіліктің сирек тұқым қуалайтын проблемалары бар пациенттерге қабылдауға болмайды.

Әсіресе ацетилсалицил қышқылына аллергиясы бар пациенттерде бронх демікпесін тудыруы мүмкін.

Басқа дәрілік препараттармен өзара әрекеттесуі

Цитиколин леводопаның әсерін күшейтеді. Құрамында меклофеноксат бар дәрілік заттармен бір мезгілде қолдануға болмайды.

Препаратты қабылдау кезінде алкогольді ішуге болмайды.

Педиатрияда қолдану

Балаларда қолданудың қауіпсіздігі мен тиімділігі анықталмаған.

Жүктілік және лактация кезеңі.

Цитиколинді жүкті әйелдерде қолдану туралы тиісті деректер жоқ.

КВАНИЛ® жүктілік кезінде нақты қажеттіліксіз тағайындауға болмайды. Егер күтілетін пайда потенциалды қауіптен асып түсетін жағдайларда ғана препаратты қолдануға болады.

Лактация кезінде КВАНИЛ® препаратын тағайындаған кезде әйелдерге бала емізуді тоқтату керек, себебі әйел сүтімен цитиколиннің бөлінуі туралы деректер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

КВАНИЛ® препаратының көлік құралдарын басқару және механизмдермен жұмыс істеу қабілетіне әсері анықталмаған.

Дозалау режимі

Ұсынылатын дозасы: жағдайдың ауырлығына байланысты цитиколин күніне 500-ден 1000 мг-ға дейін.

Цитиколин түйіршіктерін жарты стакан суда еріту керек. Асқазанның бұзылуын болдырмау үшін оны тамақпен бірге қабылдауға болады. Дәрігердің рецепті бойынша тағайындалған басқа препараттар сияқты, цитиколинді қабылдаған кезде нұсқауларды мұқият орындау керек. Цитиколинді дәрігердің нұсқауларына сәйкес қабылдау керек.

Емдеу курсының ұзақтығын емдеуші дәрігер анықтайды.

Енгізу әдісі мен жолы

Ішке қабылдау үшін.

Симптомдары: препараттың төмен уыттылығын ескере отырып, тіпті емдік дозадан кездейсоқ асып кетсе де, улану ықтималдығы төмен.

Емі: Симптоматикалық ем.

Дәрілік препаратты қолдану тәсілін түсіндіру үшін медицина қызметкерінен кеңес алу

Дәрілік препаратты қабылдамас бұрын дәрігермен немесе фармацевтпен кеңесіңіз.

Жағымсыз құбылыстарды анықтау келесі критерийлерге сәйкес жүргізіледі: өте жиі (≥ 1/10), жиі (≥ 1/100-ден <1/10 дейін), жиі емес (≥ 1/1000-нан <1/100 дейін), сирек (≥ 1/10000-нан <1/1000 дейін), өте сирек (< 1/10000), белгісіз (қолдағы мәліметтердің негізінде бағалау мүмкін емес).

Өте сирек (жеке реакцияларды қоса алғанда).

- аллергиялық реакциялар, есекжем, экзантема, қызылкүрең түске дейін терінің қызаруы, терінің қышуы, ісіну, анафилаксиялық шоктың дамуы мүмкін

- бас ауруы, бас айналу, елестеулер, қозу, ұйқысыздық, температураның көтерілуі, қызу, тремор

- диспноэ

- жүрек айну, құсу, диарея

- артериялық қысымның көтерілуі немесе қысқа мерзімге төмендеуі

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір сашенің құрамында

белсенді зат: натрий цитиколині 500 мг цитиколинге баламалы,

қосымша заттар: сорбитол, повидон, сусыз лимон қышқылы, аспартам, лимон хош иістендіргіші, полиэтиленгликоль 6000, натрий стеарил фумараты, натрий лаурил сульфаты.

Ақтан ақ дерлік түске дейін лимонның хош иісі бар түйіршіктер.

1.5 г түйіршіктен ламинатталған фольгадан жасалған сашеде. 10 немесе 30 сашеден медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Кусум Хелткер Пвт. Лтд.,

СП 289 (А), РИИКО Индл. Ареа Чопанки, Бхивади (Радж.), Үндістан

Телефон: +91-1493-516561

Факс: +91-1493-516562

Электронды пошта: info@kusum.com

Кусум Хелткер Пвт. Лтд.,

СП 289 (А), РИИКО Индл. Ареа Чопанки, Бхивади (Радж.), Үндістан

Телефон: +91-1493-516561

Факс: +91-1493-516562

Электронды пошта: info@kusum.com

«Дәрі-Фарм (Қазақстан)» ЖШС, Алматы қ., Қажымұқан к-сі., 22/5, «Хан-Тенгри» БО.

Тел/факс: 8(727) 295-26-50 

Электронды пошта: phv@kusum.kz