Конвулекс капли д/внутр. прим. 300 мг/мл по 100 мл (флакон)

Конвулекс®

Вальпрой қышқылы

Ішуге арналған тамшылар

Жүйке жүйесі. Эпилепсияға қарсы препараттар. Май қышқылдарының туындылары. Вальпрой қышқылы.

АТХ коды N03AG01

- эпилепсиялық ұстамаларда (соның ішінде жайылған және парциальді, сондай-ақ мидың органикалық аурулары аясында)

- литийді қолдануға болмайтын жағдайда немесе пациентке жақпаған кезде биполярлық ағымды маниакалдық-депрессиялық синдромда

Қолданудың басталуына дейінгі қажетті мәліметтер тізбесі

- вальпроатқа немесе препарат компоненттерінің кез келгеніне жоғары сезімталдық

- бауыр және/немесе ұйқыбезі функциясының айқын бұзылуы

- бауыр порфириясы

- жедел және созылмалы гепатиттер

- пациенттің жеке немесе отбасылық анамнезінде, оның ішінде дәрілер қабылдаумен байланысты ауыр гепатит жағдайы

- тромбоцитопения

- геморрагиялық диатез

- карбапенемдермен біріктіріп қабылдау

- шайқураймен біріктіріп қабылдау

- мефлохинмен біріктіріп қабылдау

- жүктілік және лактация кезеңі

- 3 айға дейінгі балалар

- биполярлық ағымды маниакалдық-депрессиялық синдромы бар 18 жасқа дейінгі балаларға

- егер жүктіліктің профилактикасы бағдарламасының барлық шарттары сақталмаса, бала туу мүмкіндігі бар әйелдер

- мочевина түзілу циклінде ферменттер тапшылығы анықталған пациенттер

- митохондриялық γ-полимераза ферментін (POLG, мысалы, Альперс-Гуттенлохер синдромы) кодтайтын гендегі мутациялар туындатқан митохондриялық бұзылулары бар пациенттер және POLG-мен байланысты бұзылулардан туындаған ауруларға күдігі бар екі жастан кіші балаларға

- түзетілмеген бастапқы жүйелік карнитин тапшылығы бар емделушілер

Қолдану кезінде қажетті сақтандыру шаралары

Ұстамалардың қайта басталуы

Эпилепсияға қарсы басқа препараттар жағдайындағыдай, вальпроатты қабылдау жақсарудың орнына ұстамалардың жиілігі мен ауырлығының қайтымды қайталануын (эпилепсиялық жағдайды қоса алғанда) немесе ұстамалардың жаңа түрлерін туындатуы мүмкін. Ұстамалар қайта басталған жағдайда пациенттер дереу емдеуші дәрігердің кеңесіне жүгіну керек. Бұл ұстамаларды фармакокинетикалық өзара әрекеттесуден, уыттылықтан (бауыр ауруы немесе энцефалопатия) немесе артық дозаланудан туындауы мүмкін ұстамалардан нақтылау керек.

Осы дәрілік препарат вальпрой қышқылына метаболизденетіндіктен, оны вальпрой қышқылымен артық дозалануын болдырмау мақсатында (мысалы, вальпроат семинатрийі, вальпромид) сол трансформациядан өтетін басқа дәрілік препараттармен біріктіруге болмайды.

Бауыр ауруы

Туындау шарттары

Сирек жағдайларда бауыр функциясының ауыр немесе кейде өліммен аяқталатын бұзылуы туралы хабарланады. Жоғары қауіп тобына әсіресе мидың зақымдануымен, ақыл-ой дамуының тежелуімен және/немесе тұқым қуалайтын метаболизмдік немесе дегенеративтік аурулармен бірге жүретін ауыр эпилепсиялық ұстамалары бар сәбилер мен 3 жасқа дейінгі балалар жатады. 3 жастан асқан кезде мұндай асқынулардың жиілігі едәуір төмендейді және жасына қарай біртіндеп төмендейді.

Көптеген жағдайларда бауыр функциясының бұзылуы емдеудің алғашқы 6 айында, әдетте 2-ден 12 аптаға дейін және көбінесе эпилепсияға қарсы біріктірілген емде байқалады.

Ескерту белгілері

Клиникалық симптомдары ерте диагностикалау үшін маңызды болып табылады. Атап айтқанда, сарғаюдан бұрын болуы мүмкін екі жағдайды, әсіресе қауіп тобындағы пациенттерге қатысты («Туындау шарттарын» қараңыз) ескеру қажет:

- біріншіден, әдетте кенеттен пайда болатын спецификалық емес симптомдар, мысалы, астения, анорексия, летаргия, ұйқышылдық, кейде қайталанатын құсумен және іштің ауыруымен байқалатын,

- екіншіден, эпилепсиялық ұстамалардың қайталануы, емнің тиісті деңгейде жүргізілуіне қарамастан.

Пациенттерге, ал егер олар балалар болса, олардың отбасыларына кез келген осындай белгілер пайда болған кезде дереу дәрігерге қаралу керек екенін хабарлау ұсынылады. Клиникалық тексеруден басқа, бауырдың функциялық сынамаларын дереу орындау керек.

Анықталуы

Емдеудің алғашқы 6 айында бауырдың функциялық сынамаларн мезгіл-мезгіл бақылау қажет.

Классикалық тестілердің ішінде бауыр ақуызының синтезін, атап айтқанда протромбин деңгейін көрсететін тестілер ең орынды болып табылады. Протромбиннің аномалиялық төмен деңгейі расталған жағдайда, әсіресе зертханалық талдауларда басқа да аномалиялық ауытқулар байқалған жағдайда (фибриноген деңгейінің және ұю факторларының едәуір төмендеуі, билирубин мен бауыр трансаминазалары деңгейінің жоғарылауы), емдеуді тоқтата тұру керек (сақтық шарасы ретінде салицилат туындыларымен емдеуді біріктіріп тағайындағанда да тоқтату керек, өйткені олар метаболизмнің бірдей жолдарын пайдаланады).

Гепатоуыттылығы (дозаны ұлғайту немесе жаңадан емдеу) белгілі қатарлас препараттарды модификациялау жағдайында бауырдың биологиялық мониторингін қайта ұйымдастыру керек (бауырдың салицилаттармен, құрысуға қарсы басқа препараттармен, соның ішінде каннабидиолмен зақымдану қаупі туралы да қараңыз).

Панкреатит

Өте сирек жағдайларда өлімге әкелуі мүмкін панкреатит байқалды. Бұл жағдайлар пациенттің жасына және емдеу ұзақтығына қарамастан байқалды, ал кіші жастағы балалар ерекше қауіп тобына кірді.

Қолайсыз нәтижесі бар панкреатит, әдетте, кіші жастағы балаларда немесе ауыр ұстамалары бар пациенттерде немесе бірнеше эпилепсияға қарсы дәрілермен емделетін адамдарда байқалады.

Егер панкреатит бауыр функциясының жеткіліксіздігімен бірге туындаса, өлім қаупі артады.

Іштің қатты ауыруы немесе жүрек айну, құсу және/немесе анорексия сияқты асқазан-ішек жолы тарапынан белгілер пайда болған жағдайда панкреатитті диагностикалауды қарастыру керек және ұйқыбез ферменттерінің деңгейі жоғары пациенттерде емдеуді тоқтатып, қажетті балама емдік шараларды қабылдау керек.

Суицид қаупі

Эпилепсияға қарсы дәрілермен бірнеше көрсетілімдер бойынша емделген пациенттер арасында суицидтік ойлау мен мінез-құлық байқалды. Эпилепсияға қарсы дәрілерге жүргізілген рандомизацияланған, плацебо бақыланатын зерттеулерден алынған деректердің мета-анализі суицидтік ойлау мен мінез-құлықтың туындау қаупінің аздап жоғарылағанын көрсетті. Бұл қауіптің себептері белгісіз және қолжетімді деректер вальпроатты қолдану кезінде жоғары қауіпті жоққа шығаруға мүмкіндік бермейді.

Демек, пациенттер суицидтік ойлау мен мінез-құлық белгілерінің туындауына мұқият бақылауда болуы керек және тиісті емдеу қарастырылуы керек. Пациенттерге (немесе олардың қамқоршыларына) суицидтік ойлау немесе мінез-құлық туындаған жағдайда дәрігермен кеңесу керек екендігі туралы хабарлау керек.

Белгілі немесе болжамды митохондриялық аурулары бар пациенттер.

Вальпроат митохондриялық ДНҚ мутациялары туындатқан негізгі митохондриялық аурулардың клиникалық белгілерін, сондай-ақ POLG кодтайтын ядролық генді туындатуы немесе нашарлатуы мүмкін.

Атап айтқанда, бауыр функциясының жедел жеткіліксіздігі және бауыр ауруларынан болатын өлім POLG геніндегі мутациялар туындатқан тұқым қуалайтын нейрометаболизмдік синдромдары бар, мысалы, Альперс-Гуттенлохер синдромы бар пациенттерде вальпроатпен емдеудің жоғары деңгейімен байланысты болды.

POLG байланысты бұзылуларды отбасылық анамнезінде POLG бар немесе POLG байланысты бұзылулардың болжамды симптомдары бар, оның ішінде, бірақ түсініксіз энцефалопатиямен, рефрактерлік эпилепсиямен (ошақталған, миоклонусты), бастапқы тексеру кезіндегі эпилепсиялық статуспен, дамудың тежелуімен, психомоторлық регрессиямен, аксондық сенсомоторлық нейропатиямен, миопатиямен, мишықты атаксиямен, офтальмоплегиямен немесе желке аурасы бар асқынған бас сақинасымен шектелмей пациенттерден күдіктену керек.

POLG мутациясын анықтау тестілерін жүргізу осындай бұзылуларды диагностикалық бағалау үшін ағымдағы клиникалық практикаға сәйкес орындалуы тиіс.

Когнитивті немесе экстрапирамидалық бұзылулар

Когнитивті немесе экстрапирамидалық бұзылулар нейровизуализация кезінде церебральдық атрофияны анықтаумен байланысты болуы мүмкін. Осылайша, клиникалық көріністің бұл типін деменциямен немесе Паркинсон ауруымен шатастыруға болады. Бұл бұзылулар емдеуді тоқтатқан кезде қайтымды болады.

Гипокарнитинемия қаупі бар науқастар

Вальпроатты енгізу гипераммонемияға әкелуі мүмкін (гипераммониемиялық энцефалопатияны тудыруы мүмкін) гипокарнитинемияның пайда болуын немесе нашарлауын тудыруы мүмкін. Гепатоуыттылық, гипокетоздық гипогликемия, кардиомиопатияны қоса, миопатия, рабдомиолиз, Фанкони синдромы сияқты басқа симптомдар негізінен гипокарнитинемия немесе бұрыннан гипокарнитинемия қаупі факторлары бар емделушілерде байқалды. Вальпроатпен емдеуде симптоматикалық гипокарнитинемия қаупі жоғары пациенттер - бұл метаболизмдік бұзылыстары бар, оның ішінде карнитинмен, карнитинді тамақпен бірге қабылдаумен байланысты митохондриялық бұзылыстары бар, 10 жасқа дейінгі пациенттер, және бір мезгілде пивалатпен конъюгацияланған препараттармен немесе эпилепсияға қарсы басқа препараттармен ем қабылдайтын пациенттер.

Пациенттерге атаксия, сананың өзгеруі, құсу сияқты гипераммонемияның кез келген белгілері туралы дереу хабарлау қажет екендігіне нұсқау беру керек. Гипокарнитинемия симптомдары пайда болған кезде карнитин қосу мүмкіндігін қарастыру керек.

Бастапқы жүйелік карнитин тапшылығы және түзетілген гипокарнитинемиясы бар емделушілерді вальпроатпен емдеу тек вальпроатпен емдеудің пайдасы осы пациенттер үшін қауіптен басым болған жағдайда және баламалы ем болмаған жағдайда ғана жүргізілуі керек. Бұл емделушілерде карнитинге мониторинг жүргізу керек.

Қарсы көрсетілімді біріктірілімдер

Шайқураймен біріктірілімде

Плазмадағы концентрацияның төмендеу және эпилепсияға қарсы дәрі тиімділігінің төмендеу қаупі бар.

Ұсынылмайтын біріктірілімдер

Ламотриджинмен біріктірілімде

Терінің ауыр реакцияларының (уыттық эпидермалық некролиз) даму қаупі жоғары.

Сонымен қатар, плазмадағы ламотриджин концентрациясы жоғарылауы мүмкін (натрий вальпроаты есебінен бауыр метаболизмінің төмендеуі).

Бірге қолдану қажет болған жағдайларда мұқият клиникалық мониторинг жүргізген жөн.

Пенемдермен біріктірілімде

Плазмадағы вальпрой қышқылы концентрациясының жылдам төмендеуі аясында ұстамалардың туындау қаупі бар, олар анықталмай қалуы мүмкін.

Қолдану кезінде сақтық шараларын сақтауды талап ететін біріктірілімдер

Ацетазоламидпен біріктірілімде

Энцефалопатияның даму қаупінің жоғарылауымен байқалатын гипераммониемия жоғарылауы мүмкін. Клиникалық және зертханалық параметрлерге үнемі мониторинг жүргізу қажет.

Азтреонмен біріктірілімде

Плазмадағы вальпрой қышқылы концентрациясының төмендеуі нәтижесінде ұстамалардың туындау қаупі бар. Клиникалық бақылау, плазмадағы препараттардың концентрациясын анықтау және инфекцияға қарсы дәріні қолданумен емдеу кезінде және оны тоқтатқаннан кейін құрысуға қарсы дәрінің дозасын түзету қажет.

Карбамазепинмен біріктірілімде

Артық дозалану белгілерімен қатар плазмадағы карбамазепиннің белсенді метаболитінің концентрациясы жоғарылауы мүмкін. Сонымен қатар, карбамазепиннің әсерінен вальпрой қышқылының бауыр метаболизмінің жоғарылауымен байланысты плазмадағы вальпрой қышқылы концентрациясының төмендеуі.

Клиникалық бақылау, плазмадағы препараттардың концентрациясын анықтау және құрысуға қарсы екі дәріні түзету ұсынылады.

Фелбаматпен біріктірілімде

Артық дозалану қаупімен қатар сарысудағы вальпрой қышқылының концентрациясы жоғарылауы мүмкін. Фелбаматпен емдеу барысында және оны тоқтатқаннан кейін клиникалық бақылау, зертханалық параметрлер мониторингі және вальпрой қышқылының дозасын түзету қажет.

Құрамында эстроген бар препараттар, құрамында эстроген бар гормондық контрацептивтер

Эстрогендер вальпроат глюкуронизациясына қатысатын УДФ-глюкуронозилтрансфераза изоформаларын (УГТ) индукциялайды және вальпроат клиренсін арттыруы мүмкін, бұл сарысудағы вальпроат концентрациясының төмендеуін және вальпроат тиімділігінің төмендеуін туындатуы мүмкін.

Сарысудағы вальпроат деңгейіне мониторинг жүргізу ұсынылады.

Екінші жағынан, вальпроаттың фермент индукциялайтын әсері жоқ; соның салдарынан вальпроат гормондық контрацептивтерді қабылдайтын әйелдерде құрамында эстроген бар препараттардың тиімділігін төмендетпейді.

Нимодипинмен біріктірілімде (пероральді, экстраполяция жолымен, инъекциялық енгізуге)

Нимодипиннің плазмалық концентрациясының 50% жоғарылау қаупі бар. Қысымы төмен пациенттерде нимодипин дозасын төмендету қажет.

Фенобарбиталмен біріктірілімде және примидонға экстраполяция жолымен

Энцефалопатияның даму қаупінің жоғарылауымен байқалатын гипераммониемия жоғарылауы мүмкін. Клиникалық және зертханалық параметрлерге үнемі мониторинг жүргізу қажет.

Фенитоинмен (және фосфенитоинге экстраполяциямен) біріктірілімде

Энцефалопатияның даму қаупінің жоғарылауымен байқалатын гипераммониемия жоғарылауы мүмкін. Клиникалық және зертханалық параметрлерге үнемі мониторинг жүргізу қажет.

Пропофолмен біріктірілімде

Пропофолдың плазмалық концентрациясы жоғарылауы мүмкін. Пропофол дозасын вальпроатпен бір мезгілде қолданғанда азайту туралы мәселені қарау керек.

Рифампицинмен біріктірілімде

Рифампицин есебінен вальпроаттың бауыр метаболизмінің жоғарылауы нәтижесінде ұстамалардың туындау қаупі бар. Рифампицинмен емдеу кезінде және оны тоқтатқаннан кейін клиникалық бақылау, зертханалық параметрлерді бақылау және қажет болған жағдайда құрысуға қарсы дәрілердің дозасын түзету талап етіледі.

Руфинамидпен біріктірілімде

Руфинамидтің плазмалық концентрациясының жоғарылауы, атап айтқанда, салмағы 30 кг-ден аз балаларда болуы мүмкін.

Салмағы 30 кг-ден аз балаларда: титрлеуден кейін тәулігіне 600 мг жалпы доза дозадан аспауы тиіс.

Топираматпен біріктірілімде

Энцефалопатия қаупінің жоғарылауымен байқалатын гипераммониемия жоғарылауы мүмкін. Клиникалық және зертханалық параметрлерге үнемі мониторинг жүргізу қажет.

Зидовудинмен біріктірілімде

Вальпрой қышқылымен метаболизмнің төмендеуіне байланысты зидовудиннің, әсіресе гематологиялық жағымсыз әсерлерінің күшею қаупі бар.

Клиникалық және зертханалық көрсеткіштердің тұрақты мониторингі талап етіледі. Біріктірілген емнің алғашқы екі айында анемияны анықтау үшін гемограмма жасау ұсынылады.

Зонисамидпен біріктірілімде

Энцефалопатия қаупінің жоғарылауымен байқалатын гипераммониемия жоғарылауы мүмкін. Клиникалық және зертханалық параметрлерге үнемі мониторинг жүргізу қажет.

Метамизолмен біріктірілімде

Метамизол бір мезгілде бірге қолданғанда қан сарысуындағы вальпроат деңгейін төмендетуі мүмкін, бұл вальпроаттың клиникалық тиімділігінің ықтимал төмендеуіне әкелуі мүмкін. Дәрі тағайындаушылар клиникалық реакциясын бақылауы керек (құрысуды бақылау) және қажет болған жағдайда қан сарысуындағы вальпроат деңгейін бақылау мүмкіндігін қарастыру керек.

Метотрексат

Кейбір жағдайларда метотрексат қабылдағаннан кейін қан сарысуындағы вальпроат деңгейінің айтарлықтай төмендеуі, ұстамалардың пайда болуымен сипатталған. Препарат тағайындайтын дәрігерлер клиникалық реакцияны (ұстаманы бақылау немесе көңіл-күйді бақылау) бақылауы қажет және сарысудағы вальпроат деңгейінің тиісті мониторингін қарастыруы керек.

Бауырдың зақымдану қаупі

Каннабидиолмен біріктіріп қолдану трансаминаза белсенділігінің жоғарылау жиілігін арттырады. Каннабидиолды 10-25 мг/кг дозада және вальпроатпен бір мезгілде қабылдаған барлық жастағы емделушілерде жүргізілген клиникалық зерттеулерде пациенттердің 19%-да АЛТ белсенділігі қалыптың жоғарғы шегімен салыстырғанда 3 еседен астам жоғарылаған. Вальпроатты басқа әлеуетті гепатоуытты құрысуға қарсы дәрілермен, соның ішінде каннабидиолмен біріктіріп қолданғанда бауырға тиісті мониторинг жүргізу керек.

Бауыр параметрлерінің елеулі ауытқулары жағдайында дозаны азайту немесе қабылдауды тоқтату мүмкіндігін қарастыру керек.

Пивалатпен конъюгацияланған препараттар

Вальпроатты пивалатпен конъюгацияланған препараттармен (мысалы, цефдиторен пивоксил, адефовир дипивоксил, пивамециллинам және пивампициллин сияқты) карнитин қорының таусылу қаупінің жоғары болуына байланысты бір мезгілде қолданудан аулақ болу керек. Бір мезгілде қабылдаудан аулақ болу мүмкін емес пациенттер гипокарнитинемияның кез келген белгілері немесе симптомдары үшін мұқият бақылауда болуы керек.

Өзара әрекеттесудің басқа түрлері

Литиймен біріктірілімде

Конвулекс®сарысудағы литий концентрациясына әсер етпейді.

Арнайы сақтандырулар

Басқа дәрілік препараттармен өзара әрекеттесуі

Осы дәрілік препаратты ламотриджинмен және пенемдермен бір мезгілде қолдану ұсынылмайды.

Натрий мөлшеріне байланысты ақпарат

Бұл препараттың құрамында 1 мл-де шамамен 1,85 ммоль (немесе 42,9 мг) натрий бар, бұл ДДҰ ересектерге ұсынған тағаммен бірге 2 г натрийдің тәуліктік тұтынудың 2,15% құрайды. Тұзсыз диетаны ұстанатын адамдарға тағайындағанда сақтықпен қолданыңыз, өйткені препарат құрамында натрий бар.

Емдеуді бастамас бұрын бауырдың функциялық сынамаларын тексеру керек және оны алғашқы алты ай ішінде, әсіресе қауіп тобына кіретін пациенттерге қатысты мерзімді түрде орындау керек.

Эпилепсияға қарсы препараттардың көпшілігін қандай да бір клиникалық белгілерсіз, әсіресе емнің басында қолданғанда, трансаминазалар деңгейінің оқшауланған және өткінші, орташа жоғарылауы байқалуы мүмкін екенін атап өткен жөн.

Бұл жағдайда неғұрлым ауқымды биологиялық зерттеулер (протромбин деңгейін қоса алғанда) ұсынылады; қажет болған жағдайда дозаны түзету қарастырылуы мүмкін және қажет болған жағдайда талдауларды қайталау керек.

Монотерапия вальпроатты тағайындаған кезде 3 жасқа дейінгі балаларға ұсынылады, бірақ ықтимал пайдасы осындай пациенттерде бауырдың немесе панкреатиттің зақымдану қаупімен салыстырылуы тиіс.

Емдеуді бастар алдында, содан кейін 15 күннен кейін және емнің соңында, сондай-ақ хирургиялық араласудың алдында және спонтанды гематомалар немесе қан кетулер дамыған жағдайда қан талдауын (тромбоциттер санын, қан кету уақытын және ұю параметрлерін анықтауды қоса алғанда, қанның толық талдауын) жүргізу ұсынылады.

Балаларға қатысты гепатоуыттылық дамуының жоғары қаупіне және қан кету қаупіне байланысты салицилат туындыларын бір мезгілде тағайындаудан аулақ болу керек.

Бүйрек функциясының жеткіліксіздігі бар пациенттерге қатысты қандағы вальпрой қышқылының айналымдағы концентрациясының жоғарылауын ескеру керек, осыған байланысты дозаны тиісті түрде төмендету керек.

Бұл препарат мочевина түзілу циклінде фермент тапшылығы бар пациенттерге қарсы көрсетілімді. Мұндай пациенттердің арасында ступормен немесе коматоздық жағдаймен байқалатын гипераммониемия дамуының бірнеше жағдайлары болды.

Бауыр мен асқазан-ішек жолы тарапынан түсініксіз бұзылулар анамнезі (анорексия, құсу, цитолиздің жедел эпизодтары), летаргия немесе коматоздық жағдай эпизодтары, ақыл-ой кемістігі немесе жаңа туған нәрестелер немесе сәбилер арасында өлім-жітімнің отбасылық анамнезі бар балаларға қатысты кез келген вальпроатпен емдеуді бастағанға дейін метаболизмдік тестілер, әсіресе ашқарынға және тамақтан кейін қандағы аммиак деңгейінің талдауын жүргізген жөн.

Иммундық бұзылулар осы препаратты қолдану кезінде ерекше жағдайларда ғана байқалғанымен, оның ықтимал пайдасын жүйелі қызылжегі бар пациенттерде оның ықтимал қаупімен салыстыру керек. Пациенттер емнің басында салмақтың жоғарылау қаупі туралы ескертілуі тиіс және қауіпті азайту үшін тиісті стратегиялар қабылдануы тиіс. Вальпроат организмнен негізінен несеппен бірге, ішінара кетон денелері түрінде шығарылатындықтан, кетон денелері шығарылуын анықтау тесті қант диабеті бар пациенттерде жалған оң нәтиже бере алады.

II типті карнитин пальмитойлтрансфераза (КПТ II) жеткіліксіздігі бар пациенттер вальпроатты қабылдаумен байланысты рабдомиолиз дамуының аса жоғары қаупі туралы ескертілуі тиіс.

Конвулекс® препаратымен емдеу кезінде алкогольді қабылдау ұсынылмайды.

Педиатрияда қолдану

Бауыр мен асқазан-ішек жолы тарапынан түсініксіз бұзылулар анамнезі (анорексия, құсу, цитолиздің жедел эпизодтары), летаргия немесе коматоздық жағдай эпизодтары, ақыл-ой кемістігі немесе жаңа туған нәрестелер немесе сәбилер арасында өлім-жітімнің отбасылық анамнезі бар балаларға қатысты кез келген вальпроатпен емдеуді бастағанға дейін метаболизмдік тестілер, әсіресе ашқарынға және тамақтан кейін қандағы аммиак деңгейінің талдауын жүргізген жөн.

Жүктілік немесе лактация кезінде

Вальпроат қарсы көрсетілімді:

- жүктілік кезінде, тиісті балама емдеу болмаған жағдайларды қоспағанда.

- ұрпақты болу әлеуеті бар әйелдерде, Жүктіліктің алдын алу жөніндегі бағдарламаның шарттары орындалатын жағдайларды қоспағанда

Жүктілік

Тератогенділігі және неврологиялық дамуға әсері

Вальпрой қышқылымен монотерапия да, вальпрой қышқылымен политерапия да, эпилепсияға қарсы басқа дәрілерді қоса, көбінесе жүктіліктің қолайсыз нәтижесімен байланысты. Қолда бар деректер бойынша вальпрой қышқылын қамтитын эпилепсияға қарсы біріктірілген ем вальпрой қышқылымен монотерапиямен салыстырғанда жүктілік кезінде туа біткен мальформациялардың жоғары қаупімен астасуы мүмкін. Вальпроат жануарларда да, адамдарда да плаценталық тосқауыл арқылы өтетіні көрсетілген.

Туа біткен даму ақаулары

Қолда бар деректер жүктілік кезінде монотерапия түрінде вальпроат қабылдаған эпилепсиясы бар әйелдердің балалары дамудың туа біткен ақауларына шалдыққанын көрсетті, бұл дамудың елеулі туа біткен ақауларының үлкен қаупін білдіреді. Қауіп дозаға байланысты, бірақ одан төмен қауіп жоқ шекті дозаны анықтау мүмкін емес.

Қолда бар деректер шағын және ауыр даму ақауларының жоғары туындау жиілігін көрсетті. Ең жиі байқалатын ақаулар - бұл жүйке түтігінің ақаулары (шамамен 2-ден 3% - ға дейін), бет дисморфизмі, қоянжырық және туа біткен жырық таңдай, краниостеноз, жүрек ақаулары, бүйрек және несеп-жыныстық жүйелердің даму ақаулары (атап айтқанда гипоспадия), аяқ-қолдардың даму ақаулары (кәрі жіліктің екіжақты аплазиясын қоса), сондай-ақ организмнің әртүрлі жүйелерімен байланысты басқа да ауытқулар.

Вальпроаттың құрсақішілік әсер етуі құлақтың және/немесе мұрынның даму кемістігі салдарынан есту қабілетінің нашарлауын/жоғалуын (салдарлық әсер) және / немесе есту функцияларының тікелей уыттануын туындатуы мүмкін. Жағдайлар біржақты және екіжақты саңыраулықты немесе есту қабілетінің бұзылуын сипаттайды. Нәтижелер барлық жағдайларда хабарланған жоқ. Нәтижелер хабарланған кезде, көптеген жағдайларда шешілмеген болды.

Неврологиялық дамудың бұзылуы

Вальпроаттың құрсаққа әсері жүктілік кезінде вальпроат қабылдаған аналардан жаңа туған нәрестелердегі неврологиялық дамудың бұзылу қаупін арттырады. Ықтимал қаупі дозаға байланысты, бірақ одан төмен қауіп жоқ шекті дозаны қолда бар деректер негізінде анықтау мүмкін емес. Қауіп кезеңі бүкіл жүктілікті қамтуы мүмкін.

Құрсақ ішінде вальпроаттың тигізетін әсеріне ұшыраған мектеп жасына дейінгі балаларды зерттеу көрсеткендей, балалардың 30-40% - ында ерте дамудың мысалы, сөйлеу және кеш жүру, интеллектуалды қабілеттердің төмен деңгейі, тіл машықтарының нашарлауы(сөйлеу және түсіну) және есте сақтау проблемалары сияқты тежелу жағдайлары бар.

Анамнезінде құрсақішілік вальпроаттың әсер етуі бар мектеп жасындағы (6 жас) балаларда өлшенген интеллект коэффициенті (IQ) эпилепсияға қарсы басқа дәрілердің әсеріне ұшыраған балаларға қарағанда орта есеппен 7-10 тармаққа төмен болды.

Асқынған факторлардың рөлін жоққа шығаруға болмайды, бірақ вальпроаттың құрсақішілік тигізетін әсеріне ұшыраған балаларда IQ төмендеуі ананың IQ-ге тәуелді болмауы мүмкін екендігі туралы дәлелдер бар.

Кейіннен болатын нәтижелер туралы шектеулі мәліметтер бар.

Вальпрой қышқылының құрсақішілік әсеріне ұшыраған балалардың жалпы популяциямен салыстырғанда даму қаупі жоғары (аутистік спектрдің бұзылуы) (қауіптің шамамен үш есе артуы), балалар аутизмін қоса алғанда (қауіптің шамамен бес есе артуы) екендігін куәландыратын деректер бар.

Жүйке-психикалық бұзылыстардың даму (ЖПБД) қаупі бар, оның ішінде әкелері ұрықтандыруға дейін және ұрықтандықтару кезінде вальпрой қышқылымен ем алған балаларда.

Вальпрой қышқылын жылына кемінде бір рет тағайындайтын дәрігер репродуктивті потенциалы бар ер пациенттермен емдеудің баламалы нұсқаларын және тиімді контрацепция қажеттілігін талқылауы және бағалауы керек.

Шектеулі мәліметтерге сәйкес, вальпроаттың құрсақішілік әсеріне ұшыраған балаларда гиперактивтілікпен байқалатын зейін қою тапшылығы синдромының (ЗҚТС) симптомдары дамуы мүмкін.

Бала туу әлеуеті бар әйелдер

Басқа емдеу әдістері тиімсіз немесе жақпайтын жағдайларды қоспағанда, Конвулекс® бала туу әлеуеті бар әйелдерде қолдануға болмайды. Егер ешқандай басқа ем мүмкін болмаса, Конвулекс® препаратымен емдеуді Жүктіліктің алдын алу жөніндегі бағдарламаның шарттары орындалған жағдайда ғана бастауға болады, атап айтқанда:

•пациент жүкті емес (кемінде 25 мХБ/мл сезімталдығы бар плазманы пайдалана отырып жүргізілген жүктілікті анықтау тесті емнің басында және емдеу кезінде тұрақты уақыт аралығынан кейін теріс).

•пациент контрацепцияның кем дегенде бір тиімді әдісін қолданады.

•пациентке жүктілік кезінде вальпроатты қолдану қаупі туралы ақпарат беріледі.

Бала туу әлеуеті бар әйелдерде пайда-қауіп қатынасын емдеу кезінде тұрақты уақыт аралығынан кейін (жылына кемінде бір рет) мұқият қайта бағалау керек.

Құрамында эстроген бар препараттар

Құрамында эстроген бар препараттар, құрамында эстроген бар гормондық контрацептивтерді қоса алғанда, вальпроат клиренсін арттыруы мүмкін, бұл сарысудағы вальпроат концентрациясының төмендеуін және вальпроат тиімділігінің ықтимал төмендеуін туындатуы мүмкін.

Егер әйел жүктілікті жоспарласа

Егер әйел жүктілікті жоспарласа, эпилепсияны емдеуде тәжірибесі бар маман вальпроат емін қайта бағалап, емдеудің балама нұсқаларын қарастыруы керек. Бала көтергенге дейін және контрацепцияны пайдалануды тоқтатқанға дейін тиісті баламалы емдеуге көшу үшін барлық күш-жігерді жұмсау қажет. Егер ауысу мүмкін болмаса, әйелдің отбасын жоспарлауға қатысты негізделген шешім қабылдауын қамтамасыз ету үшін болашақ бала үшін вальпроат қауіптеріне қатысты қосымша кеңес алуы тиіс.

Жүктілікке дейін және жүктіліктің басында фолат қоспаларын қолдану жүктіліктің барлық жағдайларында дамуы мүмкін нейрондық түтік ақауларының туындау қаупін азайтады. Алайда, қолда бар дәлелдер бұл вальпроаттың әсерінен туа біткен ақаулардың алдын алады деп болжамайды.

Жүкті әйелдер

Эпилепсияны емдеуге арналған вальпроат қолайлы балама ем болмаған жағдайларды қоспағанда, жүктілік кезінде қарсы көрсетілген.

Егер вальпроатты пайдаланатын әйел жүкті болса, оны емдеудің балама нұсқаларын қарау үшін дереу маманға жіберу керек.

Жүктілік кезінде тонусты-клонусты ұстамалар және ананың эпилепсиялық статусын гипоксиямен бірге ана мен құрсақтағы нәресте үшін өлім қаупін туындатуы мүмкін.

Егер жүктілік кезінде және балама емдеуді мұқият қарастырғаннан кейін вальпроаттың белгілі қауіптеріне қарамастан, ерекше жағдайларда жүкті әйел эпилепсияны емдеу үшін вальпроатты қабылдауы тиіс:

- ең төменгі тиімді дозаны пайдалану керек;

- вальпроаттың тәуліктік дозасын оларды бір күн ішінде қабылдау үшін бірнеше шағын дозаларға бөлу керек. Босап шығуы ұзаққа созылатын дәрілік түрін қолдану плазмада жоғары шыңдық концентрациясын болдырмау үшін кез келген басқа дәрілік түрлерге артықшылық берілуі мүмкін.

- Жүктілік кезінде вальпроатты қолданатын барлық пациенттерді және олардың серіктестерін вальпроат әсеріне ұшырайтын жүктілікке қатысты бағалау және кеңес беру үшін тератологияда тәжірибесі бар маманға жіберу керек.

- жүйке түтігі ақауларының немесе басқа да мальформациялардың туындау мүмкіндігін анықтау мақсатында арнайы пренаталдық мониторинг жүргізу керек.

Босанғанға дейін

Босанғанға дейін анасында тромбоциттер, фибриноген деңгейін және қанның ұю уақытын (белсендірілген ішінара тромбопластин уақыты: БІТУ) анықтауды қоса алғанда, коагуляциялық тестілер жүргізілуі тиіс.

Жаңа туған нәрестелердегі қауіп

Аналары жүктілік кезінде вальпроат қабылдаған жаңа туған нәрестелерде геморрагиялық синдромның оқшауланған жағдайларының дамығаны туралы хабарланды. Бұл геморрагиялық синдром тромбоцитопениямен, гипофибриногенемиямен және/немесе қан ұюдың басқа факторларының төмендеуімен байланысты. Сондай-ақ өліммен аяқталатын афибриногенемияның дамығаны туралы хабарланды. Алайда, бұл геморрагиялық синдромды фенобарбитал және басқа фермент индукторлары туындататын К дәрумені факторларының төмендеуінен ажырату керек. Анасындағы гемостаз тестілерінің қалыпты нәтижелері жаңа туған нәрестелердегі гемостаздың бұзылуын жоққа шығармайды. Сондықтан, вальпроат қабылдаған аналардан туылған нәрестелерде қандағы тромбоциттер санын, фибриногеннің плазмалық концентрациясын, қанның ұю факторларын және коагуляция тестілерін анықтау қажет.

• Аналары жүктіліктің III триместрінде вальпроат қабылдаған нәрестелерде гипогликемия жағдайлары туралы хабарланды.

• Аналары жүктілік кезінде вальпроат қабылдаған нәрестелерде гипотиреоз жағдайлары туралы хабарланды.

• Тоқтату синдромы (атап айтқанда, ажитация, ашушаңдық, жоғары қозғыштық, қызбалық, гиперкинезия, тонустың бұзылуы, тремор, құрысулар, тамақ ішудің бұзылуы) аналары жүктіліктің соңғы триместрінде вальпроатты қабылдаған жаңа туған нәрестелерде туындауы мүмкін.

Вальпроаттардың құрсақ ішіне әсері басқа туа біткен даму кемістіктерімен тіркесетін көздің дамуының кемістіктеріне (колобома, микрофтальмдарды қоса алғанда) әкелуі мүмкін. Көздің бұл кемістіктері көру қабілетіне әсер етуі мүмкін.

Балалардың постнатальдық мониторингі/ мониторингі

Жүктілік кезінде вальпроаттың әсеріне ұшыраған балалардағы неврологиялық мінез-құлықты мұқият қадағалап, қажет болған жағдайда мүмкіндігінше ертерек емдеуді бастау керек.

Лактация кезеңі

Вальпроаттың организмнен емшек сүтімен шығуы ана сарысуындағы мөлшері 1-ден 10% - ға дейін ауытқиды. Емшек еметін жаңа туған нәрестелерде/ сәбилерде, вальпроатпен емделген әйелдерде гематологиялық бұзылулар анықталды.

Бала емізуді тоқтату туралы немесе балаға емшек емізудің пайдасын және әйелге емнің пайдасын ескере отырып, Конвулекс®препаратымен емдеуді тоқтату/тартыну туралы шешім қабылдануы тиіс.

Фертильділік

Вальпроатты қолданатын әйелдерде аменорея, аналық без поликистозы және тестостерон деңгейінің жоғарылауы тіркелді. Вальпроатты қолдану ерлердің фертильділігіне әсер етуі мүмкін (атап айтқанда, сперматозоидтар қозғалғыштығының төмендеуі). Бақылау нәтижелері емдеуді тоқтатқаннан кейін фертильділік бұзылуының қайтымдылығын көрсетті.

Препараттың көлік құралын және қауіптілігі зор механизмдерді  басқару қабілетіне әсер ету ерекшеліктері

Аса зейін қоюды және психомоторлық реакциялардың жоғары жылдамдығын талап ететін қызмет түрлерімен айналысу ұсынылмайды (автокөлік жүргізу және механизмдерді басқару).

Вальпрой қышқылын қолдану арқылы емдеу нәтижесінде туындайтын ұстамаларды бақылау көптеген жағдайларда пациенттерге жол қозғалысына белсенді қатысуға мүмкіндік береді.

Алайда, көлік құралын басқаратын немесе механизмдермен / жабдықтармен жұмыс істейтін пациенттер олардың, ең алдымен, эпилепсияға қарсы біріктірілген ем кезінде немесе бензодиазепиндерді қолданумен бір мезгілде емдеу кезінде уақытша естен тану мүмкін екенін ұғынуы тиіс.

Әйел жынысты балалар және бала туу әлеуеті бар әйелдер

Вальпроатпен емдеуді эпилепсияны емдеуде тәжірибесі бар маманның қадағалауымен бастау және жүргізу керек. Вальпроатты емдеудің басқа әдістері тиімсіз немесе жол берілмейтін жағдайларды қоспағанда, бала туу әлеуеті бар қыздар мен әйелдерде қолдануға болмайды. Бұл жағдайда вальпроат вальпроатты пайдаланатын пациенттер арасында жүктіліктің алдын алу жөніндегі бағдарламаға сәйкес тағайындалады және босатылады.

11 жасқа дейінгі балалар үшін пероральді дәрілік түрлерінен ішуге арналған тамшылар, шәрбат қолайлы.

Дозалау режимі

Қолдану ұзақтығын дәрігер анықтайды. Тәуліктік доза жасына және дене салмағына сәйкес белгіленуі тиіс

Пациенттердің ерекше топтары

Эпилепсия кезінде

Монотерапия

Ересектер

Монотерапияның бастапқы дозасы күн сайын 600 мг (кг дене салмағына 5-10 мг) құрайды, содан кейін ұстамалар кеткенге дейін үш күндік аралықпен дозаны біртіндеп 5-10 мг/кг-ға арттыру керек. Әдетте, бұл үшін қажетті доза күніне 1000-2000 мг (кг дене салмағына 20-30 мг) шегінде болады. Егер мұндай дозада ұстамаларды бақылауға қол жеткізу мүмкін болмаса, дозаны күніне 2500 мг-ге дейін одан әрі арттыруға болады.

Дене салмағы 20 кг-дан асатын балалар

Ұсынылған бастапқы доза ұстамалар жойылғанға дейінгі арттыру аралығымен күніне 400 мг (дене салмағына қарамастан) құрайды. Егер осы диапазондағы ұстамаларды талапқа сай бақылауға қол жеткізілмесе, дозаны күніне кг дене салмағына 35 мг дейін арттыруға болады. Күніне 40 мг/кг жоғары дозаны қажет ететін балаларда биохимиялық және гематологиялық көрсеткіштерді бақылау керек.

Дене салмағы 20 кг-дан аз балалар

Конвулекс® препаратының сұйық формаларын шәрбат немесе ішуге арналған тамшылар түрінде қолдану ұсынылады.

Егде адамдар

Егде жаста вальпроаттар фармакокинетикасының өзіндік ерекшеліктері болса да, бұл шектеулі клиникалық мәнге ие және дозаны клиникалық әсері бойынша анықтау керек. Сарысу альбуминімен байланысудың азаюы салдарынан плазмадағы байланыспаған препараттың үлесі артады. Бұл препараттың аз дозаларын қолдану мүмкіндігімен егде адамдарда препараттың дозасын мұқият таңдаудың орындылығын анықтайды.

Ас қабылдаудың басында қабылданатын орташа тәуліктік доза, көбінесе:

- балалар үшін 25 мг/кг

- жасөспірімдер үшін 20-25 мг/кг

- ересектер үшін 20 мг/кг

- егде жастағы пациенттер үшін 15-20 мг/кг

Біріктірілген ем

- егер пациент емделіп жатқан болса және эпилепсияға қарсы басқа препараттарды қабылдаса, натрий вальпроатымен емдеуді шамамен екі апта ішінде оңтайлы дозаға қол жеткізу үшін біртіндеп енгізу керек, содан кейін, қажет болған жағдайда, бір мезгілде қабылданатын препараттардың дозасын емдеу тиімділігіне қарай төмендетеді.

- эпилепсияға қарсы басқа препараттарды қабылдамайтын пациенттер үшін шамамен бір апта ішінде оңтайлы дозаға қол жеткізу үшін дозаны кезең-кезеңімен әрбір 2-3 күн сайын арттыру керек.

- қажет болған жағдайда эпилепсияға қарсы басқа дәрілермен біріктірілген емді біртіндеп бастаған жөн

Биполярлық ағымы бар маниакалдық-депрессиялық синдром кезінде.

Ұсынылатын бастапқы доза күніне 20 мг/кг/. Бұл дозаны қажетті клиникалық әсер алуға мүмкіндік беретін ең аз емдік тиімді дозаға қол жеткізу үшін мүмкіндігінше тез арттыру керек. Плазмадағы 45 - 125 мкг/мг тең вальпроат деңгейі әдетте қажетті емдік әсерге қол жеткізуге мүмкіндік береді. Биполярлық бұзылуларды емдеу үшін қолданылатын ұсынылатын доза күніне 1000 мг-ден 2000 мг-ге дейін өзгереді. Дозалар жеке клиникалық жауапқа сәйкес түзетілуі тиіс. Биполярлық бұзылыста маниакалдық эпизодтарды емдеуді жалғастыруды ең төмен тиімді дозаны пайдалана отырып, жеке бейімдеу керек.

Егде адамдар

Доза клиникалық жауап негізінде жеке таңдалуы керек

Балалар мен жасөспірімдер

Биполярлық бұзылулармен байланысты маниакалдық синдромдарды емдеуге арналған Конвулекс® препаратының тиімділігі мен қауіпсіздігі 18 жасқа толмаған пациенттерде зерттелген жоқ.

Бүйрек және/немесе бауыр функциясының жеткіліксіздігі бар пациенттер

Препараттың дозасын төмендету қажет болуы мүмкін. Дозаны клиникалық жағдайды мониторингілеу бойынша таңдаған жөн, өйткені плазмадағы концентрация көрсеткіштері жеткіліксіз ақпаратты болуы мүмкін.

Бүйрек жеткіліксіздігі бар пациенттерге дозаны азайту немесе гемодиализдегі пациенттерге дозаны ұлғайту қажет болуы мүмкін. Натрий вальпроаты диализденеді. Дозаны пациенттің клиникалық бақылауына сәйкес өзгерткен жөн.

Енгізу әдісі мен жолы

Ішуге арналған.

Шәрбатты қораптағы дозалау құрылғысының көмегімен енгізу керек.

1. Поршеньді шприцке төмен қарай, тоқтағанша түсіріңіз, содан кейін шприцті шыны бөтелкеге салыңыз.

2. Поршеньдегі белгі ұсынылған дозаға сәйкес келгенше поршеньді жоғары тарту керек (градустауы мл және мг өлшемімен). Қажет болғанда процесті жалпы тағайындалған мөлшерге жеткенше қайталайды.

3.  Поршеньді төмен қарай басу арқылы сұйықтықтың аздаған мөлшерінде өлшенген дозаны қолданыңыз.

4.Әрбір қолданған сайын бөтелкені жауып, шприцті сумен мұқият шайыңыз. Шприті де және бөтелкені де картон қорапта сақтаңыз.

Симптомдары

Кездейсоқ немесе әдейі артық дозалану жағдайлары хабарланды. Плазмадағы ең жоғары емдік деңгейден 5-6 есе жоғары концентрацияда жүрек айну, құсу және бас айналу ғана күтіледі. Ауыр артық дозаланғанда, яғни қан плазмасындағы препараттың концентрациясы максималды емдік деңгейден 10-20 есе жоғары болса, орталық жүйке жүйесінің күшті әлсіреуі немесе бұлшықет гипотениясымен, гипорефлексиямен, миозбен, тыныс алу функциясының бұзылуымен, метаболизмдік ацидозбен, артериялық гипотензия және қан айналымының коллапсы/шокпен бірге кома болуы мүмкін. Әдетте нәтижесі оң, бірақ кейбір жағдайларда өлім туралы хабарланды.

Емi

Артық дозалануды емдеу ауруханада жүргізілуі керек және құстыру, асқазанды шаю, жасанды тыныс алу және дененің өмірлік маңызды функцияларын сақтау үшін басқа да шараларды қамтиды.

Гемодиализ және гемоперфузияның тиімді әдістер екенін дәлелденді.

Құрамында вальпроат бар препараттарда натрийдің болуы артық дозаланған жағдайда гипернатриемияға әкелуі мүмкін.

Дәрілік препаратты қолдану тәсілін түсіндіру үшін медициналық қызметкер кеңесіне жүгінуге кеңес береміз

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болған жағдайда)

Өте жиі

- тремор

- жүрек айну

Жиі

- экстрапирамидалық бұзылулар (нейровизуализация нәтижелері бойынша мидың атрофиясын анықтаумен байланысты болуы мүмкін)

- ступор және летаргия, кейде емді тоқтатқанда немесе дозаны төмендеткенде (көбінесе біріктірілген ем кезінде, әсіресе фенобарбиталмен немесе топираматпен немесе вальпроат дозаларын кенеттен арттырғаннан кейін) регрессиямен байқалатын өтпелі комаға (энцефалопатияға) ұласатын құрысу ұстамалары

- седация, есте сақтау қабілетінің бұзылуы, бас ауыру, нистагм, жүрек айну немесе бас айналу

- есту қабілетінің жоғалуы

- тырнақтар мен тырнақ ұясы тарапынан бұзылулар

- құсу

- қызылиек тарапынан бұзылулар (негізінен қызылиек гиперплазиясы), стоматит, эпигастрий аймағының ауырсынуы

- емнің басында туындауы мүмкін диарея, бірақ, әдетте, ұзақ қабылдаған кезде бірнеше күннен кейін, емдеуді тоқтатпай кетеді

- уақытша және/немесе дозаға тәуелді шаш түсу

- гипонатриемия

- қан құйылу

- дене салмағының жоғарылауы (салмақтың жоғарылауы аналық без поликистозы синдромының даму қаупі факторы болғандықтан, пациенттің салмағын мұқият бақылау керек)

- анемия, тромбоцитопения, дозаға тәуелді тромбоцитопения әдетте жүйелі түрде және қандай да бір клиникалық салдарсыз анықталады; симптомсыз тромбоцитопения кезінде мүмкіндігінше тромбоциттер деңгейін және ауруды бақылауды ескере отырып, препарат дозасын жай төмендету әдетте тромбоцитопенияны емдеуге мүмкіндік береді

- сананың шатасуы, елестер

- озбырлық, ажитация, зейін қоюдың бұзылуы (негізінен балаларда)

- бауыр ауруы

- ретсіз етеккір

- несеп тоқтамау

Жиі емес

- лейкопения, панцитопения

- кома, энцефалопатия, летаргия (кейде регрессиямен байқалатын өтпелі команы (энцефалопатияны) туындатады) емдеуді тоқтатқанда немесе дозаны төмендеткенде (көбінесе біріктірілген ем кезінде, әсіресе фенобарбиталмен немесе топираматпен немесе вальпроат дозаларын кенеттен арттырғаннан кейін)

- қайтымды Паркинсон синдромы (нейровизуализация нәтижелері бойынша мидың атрофиясын анықтаумен байланысты болуы мүмкін), атаксия, парестезия

- экссудатты плеврит

- емдеуді ерте тоқтатуды талап ететін өліммен аяқталуы мүмкін панкреатит

- бүйрек функциясының жеткіліксіздігі

- ангионевроздық ісіну, тері реакциялары, шаш аурулары (мысалы, шаштың қалыптан тыс құрылымы, шаш түсінің өзгеруі, шаштың қалыптан тыс өсуі)

- антидиурездік гормонның сай келмейтін секрециясы синдромы (АГССС), гиперандрогения (гирсутизм, вирилизм, акне, андрогендік алопеция және/немесе андрогендік гормондар деңгейінің жоғарылауы)

- тері васкулиті, негізінен лейкоцитокласты васкулит

- гипотермия, шеткері ісінудің ауыр емес түрі

- аменорея

- сүйектің минералды тығыздығының төмендеуі, остеопения, остеопороз және сынықтар (Конвулекс®препаратымен ұзақ емдегенде). Конвулекс® препаратының сүйек метаболизміне әсер ету механизмі белгісіз.

Сирек

- сүйек кемігінің аплазиясы немесе шынайы эритроциттік аплазия, агранулоцитоз, макроциттік анемия, макроцитоз

- кем дегенде бір коагуляция факторының төмендеуі, коагуляция тестілерінің қалыптан тыс нәтижелері (мысалы, протромбин уақытының артуы, белсендірілген ішінара тромбопластин уақытының артуы, тромбин уақытының артуы, ХҚҚ жоғарылауы), В8 дәрумені тапшылығы (биотин)/биотинидаза тапшылығы

- диплопия

- емдеуді тоқтатқаннан кейін бірнеше айдан бірнеше айға дейін қайтымды болуы мүмкін асимптоматикалық және үдемелі басталатын когнитивті бұзылулар (толық деменцияға дейін үдеуі мүмкін) (нейровизуализация нәтижелері бойынша мидың атрофиясын анықтаумен байланысты болуы мүмкін)

- энурез, тубулоинтерстициальді нефрит

- қайтымды Фанкони синдромы

- гипотиреоз

- гипераммониемия (бауырдың функциялық сынамалары көрсеткіштерінің өзгерістері болмаған кезде, әсіресе политерапия кезінде оқшауланған және орташа және препаратты тоқтатуды талап етпейді. Комаға өтуі мүмкін және қосымша талдаулар жүргізуді талап ететін неврологиялық симптомдары бар гипераммониемия жағдайлары туралы хабарланды)

- миелодисплазиялық синдром

- семіздік

- сперматогенезге әсері (атап айтқанда, сперматозоидтардың қозғалғыштығының шектелуі), аналық бездің поликистозы

- уыттық эпидермалық некролиз, Стивенс-Джонсон синдромы, полиморфты эритема, DRESS-синдром (эозинофилиямен және жүйелі көріністермен қатар жүретін терінің дәрілік реакциясы) немесе дәрі жақпаушылығы синдромы

- жедел жүйелі қызылжегі, рабдомиолиз

- мінез-құлықтың бұзылуы, психомоторлық гиперактивтілік, оқып-үйренуге қабілетсіздік (негізінен балаларда)

Жиілігі белгісіз

- туа біткен мальформациялар және неврологиялық дамудың бұзылуы

- гипокарнитинемия

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір мл препараттың құрамында

белсенді зат - 300 мг натрий вальпроаты, (260,3 мг вальпрой қышқылына және 72.2 мг натрий гидроксидіне баламалы),

қосымша заттар: натрий сахарині, апельсин хош иістендіргіші, натрий гидроксиді, хлорсутек қышқылы, тазартылған су.

Апельсиннің тәтті дәмі бар және татқаннан кейін сәл кермектеу болатын, түссізден сәл сарғыш түске дейінгі мөлдір ерітінді.

100 мл препараттан тығыздығы жоғары полиэтиленнен жасалған, алғашқы ашылуы бақыланатын, қызыл немесе ақ бұрап бекітілетін қақпағы бар, кәріптас шыныдан жасалған құтыларға салынады.

Құтыға өздігінен желімденетін заттаңба жапсырылады.

1 құтыдан дозалаушы құрылғысымен және медициналық қолдану жөнінде қазақ және орыс тілдеріндегі нұсқаулықпен бірге картон қорапшаға салынады.

5 жыл

Құтыны алғашқы ашқаннан кейін 6 айдан асырмай қолдану керек.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде 25 0С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

G.L.Pharmа GmbH,

Австрия, А-1160, Вена, Ганстерергассе 9-13

Телефоны: +43/31336/825770, факс + 43/3136/815563

Электронды пошта: office@gl-pharma.at

«Бауш Хелс» ЖШҚ

Ресей Федерациясы, 115162, Мәскеу қ., Шаболовка к-сі, 31 үй, 5 құр,

Тел./ факс: +7 495 510 2879

Электронды пошта: office.ru@bauschhealth.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Бауш Хелс» ЖШС

Қазақстан Республикасы, Алматы қ., A26T9G0, Қажы Мұқан к-сі, 22/5

Телефоны + 7 727 3 111 516, факс +7 727 3 111 517

Электронды пошта: office.kz@bauschhealth.com