Ко-Амлесса таблетки 8 мг / 5 мг / 2.5 мг N30 (3 блистера х 10 таблеток)

Дәрілік түрі, дозасы

Таблеткалар, 2 мг/5 мг/0,625 мг, 4 мг/5 мг/1,25 мг, 4 мг/10 мг/1,25 мг, 8 мг/5 мг/2,5 мг және 8 мг/10 мг/2,5 мг

Фармакотерапиялық тобы

Жүрек-қантамыр жүйесі. Ренин-ангиотензин жүйесіне әсер ететін препараттар. Басқа препараттармен біріктірілген ангиотензин өзгертуші фермент (АӨФ) тежегіштері. АӨФ тежегіштері, басқа біріктірілімдері. Периндоприл, амлодипин және индапамид.

АТХ коды C09BX01

Қолданылуы

Ко-Амлесса біріктірілген препараттағы сияқты дозаларда бір мезгілде қабылданатын периндоприл/индапамид және амлодипиннің бекітілген біріктірілімін қабылдау кезінде аурудың талапқа сай бақылануына жеткен пациенттерге эссенциялық гипертензияны емдеу үшін алмастыру препараты ретінде тағайындалады.

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

Ко-Амлессаны қабылдауға болмайды:

- егер Сізде периндоприлге немесе қандай да бір басқа АӨФ тежегішіне, немесе индапамидке немесе қандай да бір басқа сульфаниламидтік препараттарға, амлодипин бесилатына немесе қандай да бір басқа дигидропиридиндерге, немесе Ко-Амлесса препаратының қандай да бір басқа қосымша заттарына аллергия болса

- анамнездегі бұрын АӨФ тежегішін қабылдаумен байланысты ангионевроздық ісіну (Квинке ісінуі)

- тұқым қуалайтын/идиопатиялық ангионевроздық ісіну

- сол жақ қарыншадан шығатын бөлімнің обструкциясы (мысалы, ауыр дәрежедегі қолқа стенозы)

- емделмеген декомпенсацияланған жүрек жеткіліксіздігі бар пациенттер

- бүйрек функциясының ауыр бұзылуы (креатинин клиренсі 30 мл/мин төмен)

- бүйрек функциясының ауырлығы орташа дәрежеде бұзылуы (креатинин клиренсі 60 мл/мин төмен), құрамында 8 мг/2.5 мг периндоприл/индапамид біріктірілімі бар Ко-Амлесса (яғни, Ко-Амлесса 8 мг/5 мг/2,5 мг және 8 мг/10 мг/2,5 мг) дозалары үшін

- бүйрек артерияларының екі жақты айқын стенозы немесе жалғыз жұмыс істейтін бүйрек артериясы стенозы

- қант диабеті немесе бүйрек функциясының бұзылуы (ШСЖ < 60 мл/мин/1,73 м2) бар пациенттерде алискиренмен бірге бір мезгілде пайдалану

- диализде жүрген пациенттер

- бауыр энцефалопатиясы

- бауыр ауруының ауыр түрі

- гипокалиемия

- ауыр артериялық гипотензия

- шок, кардиогенді шокты қоса

- сакубитрил және валсартанмен емдеумен бір мезгілде қолдану. Сакубитрил мен валсартанның соңғы дозасын қабылдау мен Ко-Амлесса препаратымен емдеудің басталуы арасында 36 сағаттан кем емес аралық сақталу қажет.

- қан теріс зарядталған беткейлермен жанасатын экстракорпоральді емшаралар

Қолдану кезіндегі қажетті сақтандыру шаралары

Бүйрек жеткіліксіздігі

Бүйрек функциясының ауыр бұзылуында (креатинин клиренсі < 30 мл/мин) емдеу қарсы көрсетілімді.

Ауырлығы орташа дәрежедегі бүйрек функциясының бұзылуы бар пациенттерге (креатинин клиренсі < 60 мл/мин) периндоприл/индапамид біріктірілімінің 8 мг/2,5 мг дозасында Ко-Амлесса (яғни, Ко-Амлесса 8 мг/5 мг/2,5 мг және 8 мг/10 мг/2,5 мг) препаратымен емдеу қарсы көрсетілімді.

Бұның алдында бүйрек функциясының айқын бұзылуынсыз гипертензиясы бар кейбір пациенттерде ем аясында бүйректің функционалдық жеткіліксіздігінің зертханалық белгілері пайда болуы мүмкін. Бұл жағдайда препаратпен емдеуді тоқтату керек. Бұдан әрі емдеуді не аз дозада, не препарат компоненттерінің бірімен жаңғыртуға болады.

Осы пациенттерге емдеу басталуынан кейін екі аптадан соң және одан кейін емдік тұрақтылық кезеңінің ішінде екі айда бір рет калий мен креатинин деңгейін жиі бақылау талап етіледі. Бүйрек жеткіліксіздігі негізінен жүректің ауыр жеткіліксіздігі немесе бұрыннан келе жатқан, оның ішінде бүйрек артериясының стенозы кезіндегі бүйрек жеткіліксіздігі бар пациенттерде аталды.

Препарат, әдетте, бүйрек артерияларының екі жақты стенозы және жұмыс істеп тұрған бір бүйрек жағдайында ұсынылмайды.

Артериялық гипотензия және/немесе бүйрек жеткіліксіздігі (жүрек жеткіліксіздігі, су-электролиттік бұзуылулар және т.б. жағдайларда): артериялық қысымы бастапқыда төмен пациенттерде, бүйрек артериясының стенозы, жүректің іркілісті жеткіліксіздігі немесе ісінумен және асцитпен болатын цирроз жағдайларында периндоприл пайдаланылғанда, әсіресе, елеулі су-электролит бұзылуларында (натрий шектелетін қатаң диета немесе ұзақ уақыт диуретиктер қабылдау) ренин-ангиотензин-альдостерон жүйесінің көтермеленуі білінді.

Осы жүйені ангиотензин өзгертуші фермент тежегішімен бөгеу, әсіресе, алғаш тағайындалғанда және емдеудің алғашқы екі аптасының ішінде артериялық қысымның күрт төмендеуіне және/немесе плазмадағы креатинин деңгейінің артуына алып келуі мүмкін, бұл бүйректің функционалдық жеткіліксіздігін көрсетеді. Басталуы сирек болса да жедел болуы мүмкін, ал белгілерінің пайда болуына дейінгі уақыт өзгеріп отырады.

Осындай жағдайларда емдеуді біртіндеп арттыра отырып, төмен дозалардан бастау керек. Жүректің ишемиялық ауруы немесе ми қан айналымының бұзылуы бар пациенттерде шамадан тыс гипотензия миокард инфарктісіне немесе инсультке әкелуі мүмкін.

Тиазидті және тиазид тәрізді диуретиктер тек бүйрек функциясы қалып шегінде немесе сәл ғана бұзылуы болғанда ғана толық шамада тиімді (ересектерде креатинин деңгейлері шамамен 25 мг/л, яғни 220 мкмоль/л төмен).

Егде жастағы пациенттерде плазмадағы креатинин деңгейінің көрсеткіштерін жасына, салмағына және жынысына қарай түзетумен есептеу керек.

Диуретиктермен емдеудің басында су мен натрийді жоғалту салдарынан дамыған гиповолемия шумақтық сүзілістің төмендеуіне әкеледі. Бұл қандағы мочевина мен креатинин деңгейінің көтерілуін тудыруы мүмкін. Осы бүйректің өтпелі функционалдық жеткіліксіздігінің жағымсыз зардаптары бүйрек функциясы қалыпты пациенттерде болмайды, бірақ бұрыннан бар бүйрек жеткіліксіздігінде пациенттің жай-күйі нашарлауы мүмкін.

Бүйрек жеткіліксіздігі бар пациенттерде амлодипинді әдеттегі дозаларда пайдалануға болады. Плазмадағы амлодипин концентрациясының өзгеруі бүйрек функциясының бұзылу дәрежесімен өзара байланысты емес.

Бүйрек функциясының бұзылуында Ко-Амлесса біріктірілген препаратының әсері зерттелмеген. Бүйрек функциясының бұзылуында Ко-Амлесса препаратының дозалары әрқайсысын бөлек қабылдау кезінде оның жеке компоненттерінің дозаларына сәйкес болуы тиіс.

Гипотензия және су-электролиттік теңгерімінің бұзылуы

Бұрын болған натрий мөлшері төмендеген жағдайларда кенеттен болатын артериялық гипотензия қаупі бар (әсіресе, бүйрек артериясының стенозы бар пациенттерде). Осылайша, диарея немесе құсу аясында болуы мүмкін сусызданудың және электролиттер мөлшері төмендеуінің клиникалық белгілерінің бар-жоғын жүйелі түрде тексеру керек. Осындай пациенттерде плазмадағы электролиттер деңгейін жүйелі бақылап отыру керек.

Айтарлықтай гипотензия кезінде изотониялық физиологиялық ерітіндіні вена ішіне инфузиялау қажет болуы мүмкін.

Өтпелі гипотензия емді жалғастыру үшін қарсы көрсетілімді емес.

Айналымдағы қанның қанағаттанарлық көлемін және артериялық қысымды қалпына келтіруден кейін емдеуді төменірек дозада немесе бір ғана компонентпен жаңғыртуға болады.

Натрий деңгейінің төмендеуі бастапқыда симптомсыз болуы мүмкін, осыған байланысты жүйелі бақылау маңызды. Егде жастағы адамдарға және цирроз бар пациенттерге жиірек бақылау көрсетілген.

Барлық диуретиктер кейде өте күрделі зардаптары бар гипонатриемияға әкелуі мүмкін.

Гиповолемиямен гипонатриемия сусыздануға және ортостаздық гипотензия дамуына әкелуі мүмкін. Хлор иондарын қатарлас жоғалту салдарлы компенсаторлық метаболизмдік алкалоз тудыруы мүмкін: осы әсерінің туындау жиілігі мен айқындылығы мардымсыз.

Калий деңгейі

Индапамидтің периндоприл және амлодипинмен біріктірілімі, әсіресе, диабет немесе бүйрек жеткіліксіздігі бар пациенттерде гипокалиемия дамуын болдырмайды. Кез келген гипертензияға қарсы препаратты диуретикпен бірге пайдалану жағдайындағы сияқты, плазмадағы калий деңгейін жүйелі бақылап отыру керек.

Периндоприлді қоса, АӨФ тежегіштерін қабылдаған кейбір пациенттерде сарысуда калий деңгейінің жоғарылауы байқалды. АӨФ тежегіштері гиперкалиемияны тудыруы мүмкін, өйткені олар альдостерон секрециясын тежейді. Осы әсері, әдетте, бүйрек функциясы қалыпты пациенттерде мардымсыз. Гиперкалиемияның қауіп факторларына бүйрек жеткіліксіздігі, бүйрек функциясының нашарлауы, жас шамасы (> 70 жас), қант диабеті, қатарлас құбылыстар, атап айтқанда, сусыздану, жүрек қызметінің жедел декомпенсациясы, метаболизмдік ацидоз және калий жинақтаушы диуретиктерді (мысалы, спиронолактон, эплеренон, триамтерен немесе амилорид), калий немесе құрамында калий бар препараттарды, ас тұзын алмастырғыштарды біріктіріп қолдану; немесе осы пациенттердің сарысудағы калий деңгейін арттыратын басқа препараттарды (мысалы, гепарин, ко-тримоксазол, сондай-ақ триметоприм/сульфаметоксазол ретінде де белгілі) және, әсіресе, альдостерон антагонистері немесе ангиотензин рецепторларының блокаторларын қабылдауы жатады. Калий препараттарын, калий жинақтаушы диуретиктерді немесе құрамында калий бар ас тұзын алмастырғыштарды, әсіресе, бүйрек функциясының бұзылуы бар пациенттерде пайдалану сарысуда калий деңгейінің едәуір артуына әкелуі мүмкін. Гиперкалиемия ауыр, кейде өлімге әкелетін аритмияны тудыруы мүмкін. Калий жинақтаушы диуретиктерді және ангиотензин рецепторларының блокаторларын АӨФ тежегіштерін қабылдап жүрген пациенттерде сақтықпен қолдану керек; бұл ретте қан сарысуындағы калий деңгейін және бүйрек функциясын мониторингтеу қажет. Препаратты жоғарыда аталған дәрілермен бір мезгілде қолдану қажет болса, оларды сарысудағы калий деңгейін жиі бақылаумен абайлап қабылдау керек. Гипокалиемиямен калий мөлшерінің төмендеуі тиазид және тиазид тәрізді диуретиктерді пайдалану кезінде негізгі қауіп болып табылады. Гипокалиемия бұлшықет бұзылуларын тудыруы мүмкін. Негізінен ауыр гипокалиемия аясында рабдомиолиз жағдайлары хабарланды. Егде жастағы және/немесе жүдеп кеткен адамдар (көп салалы емге қарамастан), ісінумен және асцитпен қатар жүретін цирроз бар пациенттер, жүректің ишемиялық ауруы және жүрек жеткіліксіздігі бар пациенттер сияқты жоғары қауіп топтарындағы пациенттерде калий деңгейін төмендетіп алмау (< 3,4 ммоль/л) керек.

Ондай жағдайларда гипокалиемия жүрек гликозидтерінің уыттылығын және аритмиялар қаупін арттырады.

QT аралығының ұзаруы бар пациенттер де туа біткен немесе ятрогендік себеп болғанына қарамастан қауіп тобына жатады. Гипокалиемия, брадикардия сияқты, жүрек ырғағының ауыр бұзылуларының, атап айтқанда, өлімге әкелуі мүмкін «пируэт» типті полиморфты қарыншалық тахикардияның дамуына ықпал етеді.

Барлық жағдайларда калий деңгейіне жиірек талдау жасау қажет. Плазмадағы калий деңгейіне алғашқы талдау емдеу басталған соң бірінші апта ішінде жасалу керек.

Калийдің төмен көрсеткіштері анықталған жағдайда осы ахуалды түзету қажет. Қан сарысуындағы магний төмен концентрациясымен бірге анықталған гипокалиемия қан сарысуындағы магний деңгейін түзетпей емге берілмеуі мүмкін.

Кальций деңгейі

Тиазидті және тиазид тәрізді диуретиктер несеппен кальций шығарылуын төмендетіп, плазмадағы кальций деңгейінің жеңіл және уақытша артуына әкелуі мүмкін. Кальцийдің айтарлықтай ұлғайған деңгейі диагностикаланбаған гиперпаратиреозбен байланысты болуы мүмкін. Ондай жағдайларда емдеуді қалқанша маңы безінің функциясын зерттеуге дейін тоқтату керек.

Плазмадағы магний мөлшері

Тиазидтер және тектес диуретиктер, индапамидті қоса, несеппен магний бөлінуін арттырады, бұл гипомагниемияға алып келуі мүмкін екені көріністелді.

Реноваскулярлық гипертензия

Реноваскулярлық гипертензияны емдеу реваскуляризациядан тұрады. Дегенмен де, ангиотензин өзгертуші фермент тежегіштері реконструкциялық операция күтілетін реноваскулярлық гипертензия бар пациенттерде немесе ондай операция мүмкін болмаған жағдайда тиімді болуы мүмкін.

Егер Ко-Амлесса бүйрек артериясының стенозы расталған немесе күмән тудырған пациенттерге тағайындалса, емдеуді төмен дозаларды пайдалана отырып және бүйрек функциясы мен калий деңгейін бақылаумен стационарлық түрде бастау керек, өйткені кейбір пациенттерде бүйректің функционалдық жетіспеушілігі аталды, ол емдеуді тоқтату кезінде басылды.

Жөтел

Ангиотензин өзгертуші фермент тежегіштерін пайдалану кезінде құрғақ жөтел білінді. Ол тұрақты сипатта болды және емдеу тоқтатылғанда басылды. Бұл симптом дамыған жағдайда ятрогендік шығу тегінің ықтималдығын ескеру керек. Егер ангиотензин өзгертуші фермент тежегіштерін тағайындау қажет болса, емдеуді жалғастыруға болады.

Атеросклероз

Барлық пациенттерде гипотензия қаупі бар, бірақ жүректің ишемиялық ауруы немесе ми қан айналымының жеткіліксіздігі бар пациенттерге ерекше назар аудару керек, ондай пациенттерде емдеуді төмен дозадан бастау керек.

Гипертензиялық криз

Гипертензиялық кризде амлодипин қауіпсіздігі мен тиімділігі анықталмаған.

Жүрек жеткіліксіздігі/жүректің ауыр жеткіліксіздігі

Жүрек жетіліксіздігінде препаратты абайлап қолдану керек.

Жүрек жеткіліксіздігі ауыр пациенттердің ұзақ мерзімді плацебо-бақыланатын зерттеуінде (NYHA III және IV класы) амлодипин қабылдаған топта өкпе ісінуінің жиілігі, плацебо тобына қарағанда, жоғары болды. Амлодипинді қоса, кальций өзекшелерінің блокаторларын жүректің іркілісті жеткіліксіздігі бар пациенттерде сақтықпен қолдану керек, өйткені олар келешекте жүрек-қантамырлық асқынулар мен өлімге ұшырау қаупін арттыруы мүмкін.

Жүрек жеткіліксіздігі ауыр (IV дәреже) пациенттерде емдеуді медициналық бақылаумен бастапқы төмен дозадан бастау керек. Гипертензия және коронарлық жеткіліксіздігі бар пациенттерде бета-блокаторлармен емдеуді тоқтатуға болмайды: АӨФ тежегіштерін бета-блокаторларға қосады.

Қолқалық немесе митральді клапан стенозы/гипертрофиялық кардиомиопатия

АӨФ тежегіштерін сол қарыншаның шығу бөлімі өткізгіштігінің бұзылуы бар пациенттерде сақтықпен пайдалану керек.

Қант диабеті

Инсулинге тәуелді қант диабеті бар пациенттерде (өздігінен болатын калий деңгейінің жоғарылау үрдісі) емдеуді медициналық бақылаумен бастапқы төмен дозадан бастау керек.

Бұрын диабетке қарсы пероральді препараттар немесе инсулин қабылдаған, әсіресе, АӨФ тежегішімен емдеудің бірінші айы ішінде диабет бар пациенттердің гликемия деңгейін мұқият бақылау керек.

Диабет бар пациенттерде, әсіресе, калий деңгейі төмен болғанда глюкоза деңгейін бақылап отыру қажет

Этностық өзгешеліктер

Ангиотензин өзгертуші ферменттің басқа да тежегіштері сияқты, периндоприлдің қара нәсілді өкілдерде, басқа нәсіл өкілдеріне қарағанда, артериялық қысымды төмендететін тиімділігі аз, соның салдарынан жоғары артериялық қысым бар пациенттердің қара нәсілді қауымында рениннің төмен белсенділігі жиірек білінді.

Хирургиялық араласу/жалпы анестезия

Ангиотензин өзгертуші фермент тежегіштері жалпы анестезия жасалғанда, әсіресе, пайдаланылатын анестетиктің гипотензиялық қуаты болса, гипотензияға әкелуі мүмкін.

Осылайша, хирургиялық операциядан бір күн бұрын ұзақ әсер ететін ангиотензин өзгертуші ферменттің, оның ішінде периндоприлдің тежегіштерін қолдануды, мүмкіндігінше, тоқтатуға кеңес беріледі.

Бауыр функциясының бұзылуы

Сирек жағдайларда АӨФ тежегіштерін қабылдау холестаздық сарғаюмен басталатын және бауырдың фульминантты некрозына және (кейде) өліммен аяқталуға дейін үдейтін синдроммен қатар жүреді. Бұл синдромның даму механизмі белгісіз. АӨФ тежегіштерін қабылдап жүрген пациенттерде сарғаюдың дамуы немесе бауыр ферменттерінің едәуір көбеюі кезінде АӨФ тежегіштерін қабылдауды тоқтату керек және тиісті медициналық тексеру жүргізу керек.

Бауыр функциясының бұзылуында жартылай шығарылу кезеңі ұзарып, амлодипиннің AUC көрсеткіштері артады; дозалар бойынша ұсынымдар жоқ. Осыған байланысты амлодипин қабылдауды төмен дозадан бастау және емдеудің басында да, дозаны арттыру кезінде де сақ болу керек. Бауыр функциясының ауыр бұзылуында дозаны баяу титрлеу және мұқият бақылау талап етіледі.

Бауыр функциясының бұзылуында Ко-Амлесса біріктірілген препаратының тиімділігі зерттелмеген. Осы біріктірілімнің әр бөлек компонентінің әсерін назарға ала отырып, Ко-Амлесса бауыр функциясының ауыр бұзылуы бар пациенттерге қарсы көрсетілімді және бауыр функциясының ауырлығы жеңілден орташа дәрежедегі бұзылуы бар пациенттерде сақтықпен қолданылуы тиіс.

Несеп қышқылы

Несеп қышқылының мөлшері жоғары пациенттерде подагра ұстамасының ықтималдығы артады.

Егде жастағы пациенттер

Ем басталуына дейін бүйрек функциясын және калий деңгейін зерттеу керек. Бастапқы дозаны артериялық қысымның төмендеу дәрежесіне байланысты, әсіресе, су-электролит бұзылулары болғанда күрт гипотензияның дамуын болдырмау үшін түзетеді.

Егде жастағы пациенттерде амлодипин дозасын сақтықпен арттыру керек.

Хориоидты жалқық, жедел миопия және салдарлы жабық бұрышты глаукома

Сульфонамидті препараттар немесе сульфонамид туындылары көру өрісінің ақауымен хориоидты жалқыққа, транзиторлы миопияға және жедел жабық бұрышты глаукомаға әкелетін идиосинкразиялық реакцияны тудыруы мүмкін. Симптомдары көру өткірлігінің күрт төмендеуін немесе көздің ауыруын қоса және, әдетте, препаратты қабылдаудан кейін бірнеше сағаттан бірнеше аптаға дейінгі кезең ішінде туындайды. Емделмеген жабық бұрышты глаукома қайтымсыз көрмей қалуға әкелуі мүмкін. Препаратты қысқа мерзімде қабылдауды тоқтату бастапқы емдеу болып табылады. Егер көз ішіндегі қысымды бақылау сәтті болмаса, шұғыл дәрі-дәрмекпен немесе хирургиялық емдеу қажет болуы мүмкін. Жедел жабық бұрышты глаукоманы дамытатын қауіп факторлары сульфонамидті препараттарға немесе анамнездегі пенициллинге аллергияны қамтуы мүмкін.

Спортшылар

Спортшылар Ко-Амлесса препаратының құрамында допинг-тестілерде оң реакция беруі мүмкін белсенді ингредиент (индапамид) бар екенін білуі қажет.

Қосымша заттар туралы айрықша сақтандырулар

Натрий

Бұл дәрілік препарат құрамында бір таблеткаға 1 ммоль мөлшерден аз натрий (23 мг) бар, яғни іс жүзінде натрий жоқ.

Басқа дәрілік препараттармен өзара әрекеттесуі

Ангионевроздық ісіну қаупін арттыратын дәрілік препараттар

АӨФ тежегіштерін сакубитрил/валсартанмен бір мезгілде қолдану қарсы көрсетілімді, өйткені бұл ангионевроздық ісіну қаупін арттырады. Периндоприлдің соңғы дозасын қабылдау мен сакубитрил/валсартанмен емдеуді бастау арасындағы үзіліс 36 сағаттан кем болмауы тиіс. Сакубитрил/валсартанның соңғы дозасын қабылдау мен периндоприлмен емдеуді бастау арасында 36 сағаттан кем емес аралық сақталуы тиіс.

АӨФ тежегіштерін рацекадотрилмен, mTOR тежегіштерімен (мысалы, сиролимус, эверолимус, темсиролимус) және глиптиндермен (мысалы, линаглиптин, саксаглиптин, ситаглиптин, вилдаглиптин) бір мезгілде қолдану ангионевроздық ісінудің жоғары қаупіне әкелуі мүмкін.

Гиперкалиемияны тудыратын препараттар:

Қан сарысуындағы калий мөлшері, әдетте, қалып шегінде қалатындықтан, Ко-Амлесса қабылдап жүрген кейбір пациенттерде гиперкалиемия туындауы мүмкін. Гиперкалиемияның туындау жиілігін кейбір препараттар немесе емдік кластар: алискирен, калий тұздары, калий жинақтаушы диуретиктер (мысалы, спиронолактон, триамтерен немесе амилорид), АӨФ тежегіштері, ангиотензин II рецепторларының антагонистері, ҚҚСП, гепариндер, циклоспорин немесе такролимус сияқты иммуннодепрессанттар, триметоприм және котримоксазол (триметоприм/сульфаметоксазол) арттыруы мүмкін, өйткені триметопримнің амилорид сияқты калий жинақтаушы диуретик ретінде әсер ететіні белгілі. Осы препараттардың біріктірілімі гиперкалиемия қаупін арттырады. Осыған байланысты, жоғарыда атап көрсетілген препараттармен Ко-Амлесса препаратын біріктіруге кеңес берілмейді. Егер бір мезгілде қолдану көрсетілсе, оларды сақтықпен және қан сарысуындағы калий деңгейін жиі мониторингтеумен пайдалану керек.

Біріктіріп қолдану қарсы көрсетілімді

Алискирен: диабет немесе бүйрек функциясының бұзылуы бар пациенттерде гиперкалиемия артады, бүйрек функциясы нашарлайды және жүрек-қантамыр ауруына шалдығу және өлімге ұшырау қаупі көбейеді.

Экстракорпоральді ем:

Қан теріс зарядталған беткейлермен жанасатын экстракорпоральді емшаралар: диализ немесе жоғары ультрасүзу белсенділігі бар жарғақшалар (мысалы, полиакрилонитрин жарғақшалар) қолданылатын гемофильтрация және декстран сульфаты қолданылатын тығыздығы төмен липопротеиндер аферезі – ауыр анафилактоидты реакциялар қаупін арттырады. Осындай ем қажет болса, диализге арналған жарғақшаның басқа түрін немесе гипертензияға қарсы дәрінің басқа класын пайдалану керек.

Біріктіріп қолдану ұсынылмайды

Периндоприл/индапамид

Литий: АӨФ тежегіштерімен литийді бірге қабылдағанда сарысудағы литий концентрацияларының қайтымды жоғарылауы және уыттану болды. Индапамидпен біріктірілімде периндоприлді литиймен бір мезгілде қабылдау ұсынылмайды, бірақ егер бұл қажет болса, сарысудағы литий деңгейін мұқият бақылап отыру керек.

Периндоприл

Алискирен: диабетсіз немесе бүйрек функциясының бұзылуынсыз пациенттерде гиперкалиемия қаупі артады, бүйрек функциясы нашарлайды және жүрек-қантамыр ауруына шалдығу және өлімге ұшырау көбейеді.

АӨФ тежегішімен және ангиотензин рецепторларының блокаторымен біріктіріп қолдану:

Әдебиетте атеросклероз, жүрек жеткіліксіздігі немесе шеткі мүшелердің зақымдануынсыз диабет анықталған пациенттерде АӨФ тежегішімен және ангиотензин блокаторымен емнің, ренин-ангиотензин-альдостерон жүйесінің монотерапиясын пайдаланумен салыстырғанда, гипотензия, естен тану, гиперкалиемия және бүйрек функциясы нашарлауының (бүйрек функциясының жедел бұзылуын қоса) өте жоғары жиілігіне алып келетіні баяндалды. Қосарлы блокада (мысалы, АӨФ тежегішімен, ангиотензин II рецепторларының антагонисімен ем) бүйрек функциясын, калий деңгейлері және артериялық қысым мұқият бақыланатын белгілі бір жеке жағдайлармен шектелуі тиіс.

Эстрамустин: ангионевроздық ісіну сияқты (Квинке ісінуі) сияқты жағымсыз әсерлердің арту қаупі.

Калий жинақтаушы препараттар (мысалы, триамтерен, амилорид), калий (тұздар):

Гиперкалиемия (өлім қаупі зор), әсіресе, бүйрек функциясының бұзылуымен бірге (аддитивті гиперкалиемиялық әсер). Периндоприлді жоғарыда аталған препараттармен бірге қабылдау ұсынылмайды. Егер жоғарыда аталған препараттарды бірге қолдану қажет болса, оларды сақтықпен қабылдау және сарысудағы калий деңгейін жиі бақылап отыру керек. Жүрек жеткіліксіздігі кезінде спиронолактонды пайдалану туралы ақпаратты «Біріктіріп қолдану ерекше сақтықты талап етеді» бөлімінен қараңыз.

Амлодипин

Дантролен (инфузия): верапамилді қабылдаудан және дантроленді вена ішіне енгізуден кейін гиперкалиемиямен байланысты өлімге ұшырататын қарыншалық фибрилляция және жүрек-қантамырлық коллапс білінеді. Қатерлі гипертермияға бейім пациенттерде және қатерлі гипертермияны емдеу кезінде гиперкалиемия қаупіне байланысты амлодипин сияқты кальций өзекшелерінің блокаторларын қолданудан сақтануға кеңес беріледі.

Грейпфрут немесе грейпфрут шырыны:

Кейбір пациенттерде биожетімділігінің артуы және гипотензиялық қасиеттерінің күшеюіне әкелуі мүмкін.

Біріктіріп қолдану ерекше сақ болуды талап етеді

Периндоприл/индапамид

Баклофен: гипертензияға қарсы әсері артады. Артериялық қысымды бақылап отыру және тиісінше гипертензияға қарсы дәрі дозасын ауыстыру керек.

Қабынуға қарсы стероидты емес препараттар (ҚҚСП) (жоғары дозалардағы ацетилсалицил қышқылын қоса):

АӨФ тежегіштері қабынуға қарсы стероидты емес препараттармен (яғни, қабынуға қарсы дозалардағы ацетилсалицил қышқылы, ЦОГ-2 тежегіштері және селективті емес ҚҚСП) бір мезгілде тағайындалғанда гипертензияға қарсы әсерінің төмендеуі болуы мүмкін. ҚҚСП мен АӨФ тежегіштерін біріктіріп қолдану, әсіресе, бұрыннан бүйрек функциясының бұзылуы бар пациенттерде, болжамды жедел бүйрек жеткіліксіздігін, әрі сарысудағы калий деңгейінің артуын қоса, бүйрек функциясының нашарлау қаупіне әкелуі мүмкін. Біріктірілімді, әсіресе, егде жастағы адамдарда абайлап қолдану керек. Пациенттер жеткілікті су мөлшерін ішуі тиіс, ал бүйрек функциясы біріктірілген емнің басталуынан, сондай-ақ одан кейін ара-тұра бақыланып отыруы тиіс.

Периндоприл

Диабетке қарсы препараттар (инсулин, пероральді гипогликемиялық препараттар):

АӨФ тежегіштерін және диабетке қарсы препараттарды (инсулин, пероральді гипогликемиялық препараттар) біріктіріп қолдану қандағы глюкоза деңгейін төмендететін әсерінің күшеюіне және гипогликемия қаупіне әкелуі мүмкін. Бұл феномен біріктіріп емдеудің алғашқы апталарының ішінде және бүйрек функциясының бұзылуы бар пациенттерде орын алады.

Диуретиктер (калий жинақтаушы диуретиктерден басқа):

АӨФ тежегішімен ем басталған соң диуретиктер қабылдап жүрген, әсіресе, сұйықтық және/немесе тұз қорының сарқылуы болған пациенттерде артериялық қысым түсіп кетуі мүмкін. Болжамды түрде, диуретикті тоқтатып, периндоприлдің төмен және біртіндеп арттырылатын дозаларымен емнің басталуына дейін сұйықтық көлемін немесе тұз тұтынуды арттырып, гипотензиялық әсерін төмендетуге болады.

Диуретиктермен алдыңғы емдеу тұз/сұйықтық қорларының сарқылуын туындатуы мүмкін болатын артериялық гипертензияда АӨФ тежегішімен ем басталғанша диуретик қабылдауды тоқтату керек, одан кейін соңынан диуретикті (калий жинақтаушыдан басқа) қосуға немесе төмен дозадан бастап, біртіндеп арттыра отырып АӨФ тежегішін қабылдауды бастауға болады.

Жүректің іркілісті жеткіліксіздігін диуретиктермен емдеу кезінде диуретик дозасын (калий жинақтаушыдан басқа) төмендетуден кейін АӨФ тежегішін қабылдауды өте төмен дозадан бастауға болады.

Барлық жағдайларда бүйрек функциясын (креатинин деңгейі) АӨФ тежегіштері пайдаланылатын емнің алғашқы апталарының ішінде бақылап отыру керек.

Калий жинақтаушы диуретиктер (эплеренон, спиронолактон):

< 40% лықсыту фракциясымен жіктеу (NYHA) бойынша II-IV класты жүрек жеткіліксіздігін АӨФ тежегіштерінің төмен дозаларымен және бұрын АӨФ тежегіштерін және ілмекті диуретиктерді пайдаланумен бір мезгілде тәулігіне 12,5-50 мг дозада эплеренон немесе спиронолактон қабылдау, әсіресе, аталған препараттар біріктірілімін қабылдау ұсынымдары қадағаланбағанда өлімге ұшыратуы ықтималды гиперкалиемияның даму қаупіне алып келеді.

Аталған біріктірілімді қабылдау басталғанша гиперкалиемия мен бүйрек функциясы бұзылуының бар жоғын анықтаңыз.

Емдеудің алғашқы айында алдымен аптасына бір рет, ал артынан айына бір рет калиемия мен креатинемияны мұқият бақылап отыруға кеңес беріледі.

Индапамид

«Пируэт» типті полиморфты қарыншалық тахикардияның дамуына алып келетін препараттар:

Гипокалиемияның даму қаупі салдарынан, «пируэт» типті полиморфты қарыншалық тахикардияның дамуына алып келетін препараттармен біріктіріп қолданғанда индапамидті сақтықпен қабылдау керек, мысалы, басқаларының арасында:

-Iа класты аритмияға қарсы препараттар (мысалы, хинидин, гидрохинидин, дизопирамид);

-III класты аритмияға қарсы препараттар (мысалы, амиодарон, дофетилид, ибутилид, бретилиум, соталол);

психозға қарсы кейбір дәрілер:

-фенотиазиндер (мысалы, хлорпромазин, циамемазин, левомепромазин, тиоридазин, трифлюоперазин), бензамидтер (мысалы, амисульприд, сульпирид, сультоприд, тиаприд), бутирофенондар (мысалы, дроперидол, галоперидол), психозға қарсы басқа препараттар (мысалы, пимозид);

-басқа белсенді заттар (мысалы, бепридил, цизаприд, дифеманил, в/і эритромицин, галофантрин, мизоластин, моксифлоксацин, пентамидин, спарфлоксацин, в/і винкамицин, метадон, астемизол, терфенадин.

Төмен калий деңгейінің профилактикасы және қажет болса, түзету: QT аралығын бақылау.

Амфотерицин В (в/і), глюкокортикоид және минералокортикоидтар (жүйелі), тетракозактид, көтермелеуші іш жүргізетін дәрілер:

Калий деңгейінің төмендеу қаупінің артуы (аддитивті әсер). Калий деңгейін бақылау және қажет болса, түзету; жүрек гликозидтерін пайдаланумен емдеуге ерекше көңіл бөлінуі тиіс. Көтермелеуші іш жүргізгіштерді пайдалану керек.

Жүрек гликозидтері:

Гипокалиемия және/немесе гипомагниемия дигиталистің уытты әсерлеріне бейімдейді. Плазмада калий, магний деңгейлерін бақылау мен ЭКГ түсіру және қажет болса, емдеуді түзету ұсынылады.

Аллопуринол:

Индапамидпен бір мезгілде қолдану аллопуринолға жоғары сезімталдық реакцияларының жиілігін арттырады.

Амлодипин

CYP3A4 индукторлары:

CYP3A4 белгілі индукторларымен тағайындалғанда плазмада амлодипин концентрациясы өзгеруі мүмкін. Сондықтан артериялық қысымды бақылап отыру және қатарлас емдеу кезінде де, одан кейін де дозасын реттеу керек. Әсіресе, егер олар CYP3A4 күшті индукторлары (мысалы, рифампицин, шілтерленген шайқурай).

CYP3A4 тежегіштері:

Амлодипинді күшті немесе орташа CYP3A4 тежегіштерімен (протеаза тежегіштері, зеңге қарсы азол препараттары, эритромицин немесе кларитромицин сияқты макролидтер, верапамил немесе дильтиазем) біріктіріп қолдану амлодипин экспозициясының едәуір артуына алып келуі мүмкін. Осы ФК түрленулерінің клиникалық көрінісі егде жастағы адамдарда айқын білінуі мүмкін. Осылайша, клиникалық бақылау және дозаларды түзету керек болуы мүмкін. Кларитромицин мен амлодипинді бір мезгілде қабылдап жүрген пациенттерде гипотензия қаупі артады. Амлодипин мен кларитромицин бірге тағайындалғанда пациенттерді мұқият қадағалауға кеңес беріледі.

Біріктіріп қолдану назар аударуды талап етеді

Периндоприл/ индапамид/ амлодипин

Имипрамин тобының антидепрессанттары (үш циклді), нейролептиктер:

Гипертензияға қарсы әсерінің артуы және ортостаздық гипотензия қаупі (аддитивті әсері)

Гипертензияға қарсы басқа препараттар:

Гипертензияға қарсы басқа препараттарды қолдану қосымша гипотензиялық әсерге әкелуі мүмкін.

Кортикостероидтар, тетракозактид:

Гипертензияға қарсы әсерінің төмендеуі (кортикостероидтар тудырған су және тұз іркілісі).

Периндоприл

Гипертензияға қарсы препараттар және тамыр кеңейтетін дәрілер:

Нитроглицеринмен және басқа нитраттармен немесе басқа тамыр кеңейтетін дәрілермен біріктіріп қолдану артериялық қысымның тағы көбірек төмендеуіне әкелуі мүмкін.

Аллопуринол, цитостатиктер және иммунодепрессанттар, жүйелі кортикостероидтар немесе прокаинамид:

АӨФ тежегіштерімен біріктіріп қолдану лейкопения қаупінің артуына алып келуі мүмкін.

Анестетиктер:

АӨФ тежегіштері кейбір анестетиктердің гипотензиялық әсерін арттыруы мүмкін.

Диуретиктер (тиазидті және ілмекті диуретиктер):

Диуретиктерді жоғары дозаларда қолдану периндоприл қабылдаудың басында гиповолемияға және гипотензия қаупіне алып келуі мүмкін.

Симпатомиметиктер:

Симпатомиметиктер АӨФ тежегіштерінің гипертензияға қарсы әсерін төмендетуі мүмкін.

Алтын:

Нитритоидты реакциялар (симптомдар беттің қызаруын, жүрек айну, құсу және гипотензияны қамтиды) алтын инъекцияларымен (натрий ауротиомалаты) ем алып жүрген пациенттерде және периндоприлді қоса, АӨФ тежегіштерімен біріктірілген емде сирек білінді.

Индапамид

Метформин: метформинді қабылдау, диуретиктермен, атап айтқанда, ілмекті диуретиктермен байланысты бүйректің болжамды функционалдық жеткіліксіздігі салдарынан болатын лактоацидоз. Креатининнің ерлердегі 15 мг/л-ден жоғары (135 микромоль/л) және әйелдердегі 12 мг/л (110 микромоль/л) деңгейлерінде метформинді пайдаланбаңыз.

Йодталған контрастылы зат:

Диуретиктерді қабылдау кезіндегі сусыздану жағдайларында, әсіресе, йодталған контрастылы заттың жоғары дозаларын пайдаланғанда бүйректің жедел жеткіліксіздігінің жоғары қаупі бар. Йодталған компонентті қабылдауға дейін регидратация жасау керек.

Кальций (тұздар): несеппен кальций шығарылуының төмендеуі нәтижесінде кальций деңгейінің жоғарылау қаупі.

Циклоспорин:

Тіпті тұз және су қорларының сарқылуы болмаса да, айналымдағы циклоспорин деңгейінің өзгеруінсіз креатинин деңгейінің жоғарылау қаупі.

Амлодипин

Аторвастатин, дигоксин және варфарин:

Басқа препараттармен өзара әрекеттескенде амлодипин аторвастатин, дигоксин және варфарин фармакокинетикасына ықпалын тигізбейді.

Такролимус:

Амлодипинмен бірге қолдану кезінде қандағы такролимус концентрациясының жоғарылау қаупі бар. Такролимус қабылдап жүрген пациентке амлодипин тағайындалғанда такролимустың уытты әсерін болдырмау үшін қандағы такролимус деңгейін бақылап отыру және қажет болса, такролимус дозасын түзету талап етіледі.

Рапамициннің механизмдік нысана тежегіштері (mTOR):

mTOR тежегіштері, сиролимус, темсиролимус және эверолимус сияқты CYP3A субстраттары болып табылады. Амлодипин – әлсіз CYP3A тежегіші. Бір мезгілде mTOR тежегіштерімен тағайындалғанда амлодипин олардың экспозициясын ұлғайтуы мүмкін.

Циклоспорин:

Бүйрек трансплантациясы жасалған пациенттерде емдік белсенділігінің (орта есеппен, 0% – 40%) құлдырауында циклоспорин концентрацияларының әр алуан жоғарылауы байқалды. Бүйрек трансплантациясы жасалған және амлодипин алып жүрген пациенттерде циклоспорин концентрациясын бақылап отыру және қажет болса, оның дозасын төмендету керек.

Симвастатин:

10 мг амлодипин мен 80 мг симвастатиннің көп реттік дозаларын біріктіріп қолдану, симвастатин монотерапиясымен салыстырғанда, симвастатин экспозициясының 77% жоғарылауына алып келді. Амлодипин қабылдап жүрген пациенттерде симвастатин дозасын тәулігіне 20 мг дейін шектеу керек.

Арнайы сақтандырулар

Төменде көрсетілген сақтандырулардың бәрі бекітілген дозасымен біріктірілген Ко-Амлесса препаратының да әр компонентіне қатысты.

Литий

Литий және периндоприл/индапамид біріктірілімін бірге қолдану, әдетте, ұсынылмайды.

Ренин-ангиотензин-альдостерон жүйесін(РААЖ) қосарлы блокада

АӨФ тежегіштерін және ангиотензин II рецепторларының блокаторларын (II АРБ) немесе алискиренді бір мезгілде қолданудың гипотензия, гиперкалиемия қаупін арттыратыны және бүйрек функциясының төмендеуін (бүйректің жедел жеткіліксіздігінің дамуын қоса) тудыратыны дәлелденген. Сондықтан АӨФ тежегіштерін және ангиотензин II рецепторларының блокаторларын немесе алискиренді біріктіріп пайдалану арқылы РААЖ қосарлы блокадасы ұсынылмайды.

Егер қосарлы блокада абсолютті қажеттілік болса, оны тек маманның қадағалауымен және бүйрек функциясын, электролиттер деңгейлерін және артериялық қысымды жиі мұқият мониторингтеу шартымен ғана жасау керек.

Диабеттік нефропатия бар пациенттерге АӨФ тежегіштерін және ангиотензин рецепторларының блокаторларын бір мезгілде тағайындауға болмайды.

Калий жинақтаушы диуретиктер, калий препараттары және құрамында калий бар ас тұзын алмастырғыштар

Периндоприл мен калий жинақтаушы диуретиктер, калий препараттары және құрамында калий бар ас тұзын алмастырғыштарды біріктіріп қолдану, әдетте, ұсынылмайды.

Нейтропения/агранулоцитоз/тромбоцитопения/анемия

АӨФ тежегіштерін қабылдау аясында нейтропения, агранулоцитоз, тромбоцитопения және анемия аталды. Бүйрек функциясы қалыпты пациенттерде басқа асқындырушы факторлар болмаса, нейтропения сирек дамиды. Коллагеноздар бар пациенттерде, иммунодепрессанттарды, аллопуринол немесе прокаинамид қабылдау кезінде немесе осы ауырлататын факторлар бірігіп кеткенде, әсіресе, егер анамнезінде бүйрек функциясының бұзылуы бар болса, периндоприл аса сақтықпен пайдаланылу керек. Осы пациенттердің кейбірінде кейбір жағдайларда антибиотиктермен қарқынды емдеуге берілмеген ауыр инфекциялар дамыды. Егер ондай пациенттер периндоприлді қабылдап жүрсе, лейкоцитарлық формулаға мезгіл-мезгіл талдау жасауға кеңес беріледі, ал пациенттерді инфекциялардың кез келген белгілерінен (мысалы, тамақтың ауыруы, қызба) хабардар ету керек.

Реноваскулярлы гипертензия

Бүйрек артерияларының екі жақты стенозы немесе жалғыз жұмыс істейтін бүйрек артериясының стенозы бар пациенттерде АӨФ тежегіштерін қолдану кезінде гипотензия және бүйрек жеткіліксіздігінің қаупі артады. Диуретиктер осы ахуалды өршітуі мүмкін. Бүйрек функциясының бұзылуы, тіпті бүйрек артериясының бір жақты стенозы бар пациенттерде сарысулық креатинин концентрациясының мардымсыз ғана өзгерістерімен көрініс беруі мүмкін.

Аса жоғары сезімталдық/ангионевроздық ісіну

Периндоприлді қоса, ангиотензин өзгертуші фермент тежегіштерін қабылдау аясында сирек жағдайларда беттің, аяқ-қолдың, еріннің, тілдің, дауыс саңылауының және/немесе көмейдің ангионевроздық ісінуі білінді. Ол емдеу кезеңінде кез келген уақытта дамуы мүмкін. Осындай жағдайларда бірден периндоприл қабылдауды тоқтатып, пациентті ауруханаға жатқызып және пациенттің шығарылу сәтіне дейін барлық симптомдарының басылғанына көз жеткізу үшін тиісті мониторингті бастау керек. Симптомдарды жеңілдету үшін антигистаминдік дәрілерді қолдануға болатын болса да, беттің және еріннің ісінуі, әдетте, емдеусіз басылады.

Көмей ісінуімен қатар жүретін ангионевроздық ісіну өліммен аяқталуға алып келуі мүмкін. Оның тіл, көмей немесе дауыс саңылауына қатысты болуы тыныс жолдары өткізгіштігінің бұзылуына алып келуі мүмкін, бұл жағдайда тиісті емдеуді бірден бастау, 1:1000 арақатынасында сұйылтумен адреналин ерітіндісінің (0,3 мл - 0,5 мл) тері астына инъекциясын жасау және/немесе тыныс жолдарының өткізгіштігін қамтамасыз ету шараларын қабылдау керек.

АӨФ тежегіштерін қабылдап жүрген қара нәсілді пациенттерде ангионевроздық ісіну, қара нәсіл өкілдеріне қарағанда, жиірек білінді.

Анамнезінде АӨФ тежегіштерін қолданумен байланыссыз ангионевроздық ісінуі бар пациенттерде оның АӨФ тежегіштерін қабылдау барысында даму қаупі жоғары.

Сирек жағдайларда АӨФ тежегіштерін қабылдаған пациенттерде ішектің ангионевроздық ісінуі білінді. Пациенттер іштің ауыруына (жүрек айнумен немесе құсумен немесе оларсыз) шағымданды; кейбір жағдайларда беттің ангионевроздық ісінуі анамнезде болмады және C-1 эстераза деңгейлері қалып шегінде болды. Ангионевроздық ісіну диагнозы КТ немесе іш аумағын түсірген УДЗ негізінде немесе хирургиялық араласу кезінде қойылды, ал симптомдары АӨФ тежегіштерін қабылдауды тоқтатудан кейін басылды. АӨФ тежегіштерін қабылдап жүрген, іштің ауыруына шағымданатын пациенттерде дифференциациялық диагностика жасалғанда ангионевроздық ісіну ескерілу керек.

Периндоприлді сакубитрил/валсартанмен біріктіру ангионевроздық ісіну қаупінің артуына орай қарсы көрсетілімді. Периндоприлдің соңғы дозасын қабылдау мен сакубитрил/валсартанмен емдеуді бастау арасындағы үзіліс 36 сағаттан кем болмауы тиіс. Сакубитрил/валсартанмен емдеу тоқтатылғанда сакубитрил/валсартанның соңғы дозасын қабылдау мен периндоприлмен емдеуді бастау арасында кемінде 36 сағат аралықты сақтау қажет. АӨФ тежегіштерін және NEP бейтарап эндопептидаза тежегіштерін (мысалы, рацекадотрил), mTOR тежегіштерін (мысалы, сиролимус, эверолимус, темсиролимус) және глиптиндерді (мысалы, линаглиптин, саксаглиптин, ситаглиптин, вилдаглиптин) бір мезгілде қолдану ангионевроздық ісіну (респираторлық аурулармен қатар жүретін немесе оларсыз тыныс жолдарының немесе тілдің ісінуі) қаупін арттыруы мүмкін. Осыған байланысты, АӨФ тежегіштерін қабылдап жүрген пациенттерге рацекадотрил, mTOR тежегіштерін (мысалы, сиролимус, эверолимус, темсиролимус) және глиптиндерді (мысалы, линаглиптин, саксаглиптин, ситаглиптин, вилдаглиптин) тағайындау алдында пайда және қауіп арақатынасын мұқият саралау қажет.

Десенсибилизация кезіндегі анафилаксиялық реакциялар

Жарғақ қанатты жәндіктердің (аралар, асалар) уымен десенсибилизациялау емін жүргізген уақытта АӨФ тежегіштерін қабылдау кезінде тұрақты, өмірге қатерлі анафилактоидты реакциялар дамуы туралы жекелеген хабарламалар бар. АӨФ тежегіштерін аллергияларға бейім пациенттерге десенсибилизация жасалғанда сақтықпен қабылдау керек, ал жәндік уымен иммундық емнен өтетіндер толықтай сақтанған дұрыс. Дегенмен де, десенситизация жасау және АӨФ тежегіштерін пайдалану қажет болатын пациенттерде АӨФ тежегіштерін емдеуге дейін 24 сағат бұрын уақытша тоқтатып, бұл реакцияларға жол бермеуге болады.

ТТЛП аферезі кезіндегі анафилактоидты реакциялар

Сирек жағдайларда АӨФ тежегіштерін қабылдаған пациенттерде декстран сульфатын қолданумен тығыздығы төмен липопротеиндер (ТТЛП) қолданылатын аферез кезінде өмірге қатерлі анафилактоидты реакциялар дамыды. Осындай реакцияларды болдырмау үшін әрбір аферез шарасы жағдайында АӨФ тежегіштерін қабылдауды уақытша тоқтату керек.

Гемодиализде жүрген пациенттер

АӨФ тежегіштерін қабылдап жүрген пациенттерде жоғары ағынды жарғақшаларды қолданумен (мысалы, AN 69®) гемодиализ жүргізгенде анафилаксиялық реакциялар болды. Осы пациенттерде диализге арналған жарғақшаның басқа түрін немесе гипертензияға қарсы дәрінің басқа класын пайдалану керек.

Алғашқы гиперальдостеронизм

Ренин-ангиотензин жүйесін, әдетте, бәсеңдететін гипертензияға қарсы препараттар бастапқы гиперальдостеронизм бар пациенттерде тиімсіз. Осыған байланысты, аталған препаратты қолдану ұсынылмайды.

Бауыр энцефалопатиясы

Бауыр функциясының бұзылуында тиазидті және тиазид тәрізді диуретиктерді қабылдау, әсіресе, электролиттер теңгерімсіздігі жағдайында үдей отырып, комаға алып келуі мүмкін бауыр энцефалопатиясын тудыруы мүмкін. Бұл жағдайда препаратты қабылдауды дереу тоқтату керек.

Фотосезімталдық

Тиазидті және тиазид тәрізді диуретиктерді пайдаланғанда фотосезімталдық жағдайлары аталды. Егер емдеу кезінде фотосезімталдық реакциясы білінсе, емдеуді тоқтатуға кеңес беріледі. Диуретикпен емдеуді жаңғырту қажет болса, дененің ашық бөліктерін күн сәулесінің және А типті жасанды ультракүлгінді сәулелену әсерінен қорғауға кеңес беріледі.

Бүйрек функциясының бұзылуы бар пациенттер

Осындай пациенттерге компоненттердің әрқайсысының бөлек дозаларын әркімге жеке таңдауға кеңес беріледі.

Одан кейін жоспарланған қадағалау шеңберінде креатинин мен калий деңгейлерін жиі бақылап отыру қажет болады.

Бауыр функциясының бұзылуы бар пациенттер

Бауыр функциясының ауырлығы жеңілден орташа дәрежеге дейін бұзылуы бар пациенттерге Ко-Амлесса сақтықпен тағайындалу керек, өйткені мұндай пациенттер үшін амлодипин дозалары туралы ұсынымдар әзірленбеген.

Егде жастағы адамдар

Егде жастағы адамдарда периндоприлат шығарылуы төмендеген.

Егде жастағы адамдар, бүйрек функциясына қарай, Ко-Амлесса препаратымен ем қабылдай алады.

Балалар және жасөспірімдер

Балалар мен 18 жасқа дейінгі жасөспірімдерде Ко-Амлесса қауіпсіздігі мен тиімділігі анықталмаған.

Жүктілік және лактация кезінде

АӨФ тежегіштерін қабылдауды жүктілік кезінде бастауға болмайды. Егер АӨФ тежегіштерімен емді жалғастыру міндетті емес болса, бала көтеруді жоспарлағанда пациент әйелдерді жүктілік кезінде пайдалану үшін анықталған қауіпсіздік бейіні бар баламалы гипотензиялық дәрілерге ауыстыру керек. Жүкті болып қалғанда АӨФ тежегіштерімен емдеуді дереу тоқтату және қажет болса, баламалы емдеуді бастау керек.

Осы біріктірілген өнімнің жекелеген компоненттерінің жүктілікке және бала емізуге әсерін ескеріп, жүктіліктің бірінші триместрінде Ко-Амлесса қабылдауға кеңес берілмейді. Ко-Амлесса жүктіліктің екінші және үшінші триместрлерінде қарсы көрсетілімді.

Ко-Амлессаны бала емізу кезінде қабылдауға кеңес берілмейді. Осылайша, осы емнің ана үшін маңызына қарай, бала емізуді немесе Ко-Амлесса препаратын қабылдауды тоқтатуға қатысты шешім қабылдау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ко-Амлесса препаратының автокөлікті басқару және машиналарды пайдалану қабілетіне әсері зерттелмеген.

Периндоприл мен индапамид автокөлікті басқару және машиналарды пайдалану қабілетіне ықпал етпейді, бірақ кейбір пациенттерде артериялық қысымның төмендеуіне жауап ретінде әркімнің жеке реакциялары болуы мүмкін.

Амлодипин автокөлікті басқару және машиналарды пайдалану қабілетіне мардымсыз немесе орташа әсерін көрсетуі мүмкін. Бас айналу, бас ауыру, қалжырау, шаршау және жүрек айну туындағанда реакция шапшаңдығы төмендеуі мүмкін.

Нәтижесінде автокөлікті басқару және машиналарды пайдалану қабілетіне нұқсан келуі мүмкін. Әсіресе, емдеудің басында сақтық шарасын қадағалауға кеңес беріледі.

Қолдану жөніндегі нұсқаулар

Дозалау режимі

Ұсынылатын доза күніне бір рет бір таблетка құрайды. Таблетканы таңертең және ас ішу алдында қабылдаған дұрыс. Таблетканы бір стақан сумен іше отырып, жұтыңыз.

Бекітілген дозамен біріктірілім бастапқы ем үшін сай келмейді. Егер дозаны өзгерту қажет болса, жеке компоненттерін титрлеу керек.

Енгізу әдісі және жолы

Ішке қабылдауға арналған.

Артық дозалану жағдайында қабылдау қажет болатын шаралар

Ко-Амлесса препаратының адамдарда артық дозалануы туралы ақпарат жоқ.

Симптомдары: периндоприл/индапамид біріктірілімін пайдаланған жағдайда артық дозалану оқиғаларындағы ең көп ықтималды жағымсыз реакция кейде жүрек айнумен, құсумен, құрысулармен, бас айналуымен, ұйқышылдықпен, сананың шатасуымен, анурияға ұласуы мүмкін олигуриямен (гиповолемия салдарынан) қатар жүретін артериялық гипотензия болып табылады. Су және тұз мөлшерінің бұзылулары (төмен натрий деңгейі, төмен калий деңгейі) болуы мүмкін.

Емдеу: асқазанды шаю, белсендірілген көмір қабылдау, ал артынан сұйықтық пен электролиттер теңгерімін қалып шегіне дейін қалпына келтіру.

Қатты гипотензия жағдайында пациентті басын дене деңгейінен төмен қойып, шалқасынан жатқызу керек. Қажет болса, изотониялық физиологиялық ерітіндіні вена ішіне инфузиялауға немесе басқа әдіспен организмдегі сұйықтық көлемін арттыруға болады.

Периндоприлдің белсенді түрі - периндоприлатты диализбен шығаруға болады.

Амлодипин жағдайында адамдарда алдын ала көзделмеген артық дозалану туралы шектеулі ақпарат бар.

Қолда бар деректер өте шамадан тыс артық дозаланудың тамырлардың шектен тыс кеңеюіне және рефлекторлы тахикардияға алып келуі мүмкін екенін көрсетеді. Өліммен аяқталатын шокты қоса, елеулі, болжамды түрде ұзақ мерзімді жүйелік гипотензия туралы мәлімделді.

Амлодипиннің артық дозалануы нәтижесінде өкпенің кардиогенді емес ісінуінің сирек жағдайлары хабарланды; ісіну кейінірек (препаратты қабылдаудан кейін 24-48 сағаттан соң) басталуы мүмкін және өкпені жасанды желдетуді талап етеді. Перфузия мен жүрек лықсуын демеуге арналған бастапқы реанимациялық іс-шаралар (сұйықтықты көп ішіп қоюды қоса) түрткі беретін факторлар болуы мүмкін.

Амлодипиннің артық дозалануы салдарынан болатын клиникалық мәнді гипотензия жүректік және респираторлық функцияны жиі бақылауды, аяқ-қолды көтеріп қоюды және айналымдағы сұйықтық көлемін мониторингтеуді қоса, белсенді жүрек-қантамырлық араласуды талап етеді.

Тамыр тонусын және артериялық қысымды қалпына келтіру үшін, егер оның қарсы көрсетілімдері болмаса, тамыр тарылтатын дәріні пайдалануға болады. Вена ішіне кальций глюконаты кальций өзекшелерін бөгеу әсерін бейтараптандыруға көмектесе алады.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Қажет болған жағдайда медициналық қызметкер кеңесіне жүгінуге болады.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Өте жиі

- ісінулер (сұйықтық іркілісі)

Жиі

- гипокалиемия

- дәм сезу түйсігінің бұзылуы

- бас айналу, бас ауыру, парестезия, ұйқышылдық

- көру бұзылулары

- құлақтағы шыңыл

- вертиго

- жүректің жиі соғуы*

- бетке қан тебу

- гипотензия (онымен байланысты құбылыстар)

- жөтел, ентігу

- іштің ауыруы, іш қату, диарея, диспепсия, жүрек айну, құсу

- нәжіс шығару жиілігінің өзгеруі

- қышыну, бөртпе, макулопапулезді бөртпе

- бұлшықеттер түйілуі, тобықтың ісінуі, астения

- диплопия

Жиі емес

- ринит

- эозинофилия*

- жоғары сезімталдық

- гипогликемия*, препаратты тоқтатқанда қайтымды болатын гиперкалиемия*

- гипонатриемия*

- ұйқысыздық- көңіл-күйдің құбылуы (үрейленуді қоса)

- депрессия

- ұйқы бұзылулары

- гипестезия

- тремор, естен тану*

- тахикардия*, аритмиялар (брадикардия, вентрикулярлық

тахикардия мен жыпылықтағыш аритмияны қоса)

- васкулит

- бронх түйілуі

- ауыз кеберсуі

- есекжем, ангионевроздық ісіну

- алопеция, пурпура, тері түсінің өзгеруі, экзантема

- гипергидроз

- фотосезімталдық реакциялары

- пемфигоид

- артралгия*, миалгия*, арқаның ауыруы

- несеп шығарудың бұзылуы, никтурия, поллакиурия

- бүйрек жеткіліксіздігі

- эректильді дисфункция

- гинекомастия, кеуденің ауыруы*, ауыру

- жалпы әлсіздік

- шеткері ісіну

- гипертермия*

- салмақтың артуы немесе азаюы

- қанда мочевина деңгейінің жоғарылауы, қанда креатинин деңгейінің жоғарылауы

- құлап қалу*Сирек

- диурезге қарсы гормонның талапқа сай емес секреция cиндромы (ДҚГ ТСС)

- гипохлоремия

- гипомагниемия

- анурия/олигурия

- сананың шатасуы

- псориаз өршуі

- қалжырау

- қанда билирубин деңгейінің жоғарылауы

- бауыр ферменттері деңгейінің жоғарылауы

Өте сирек

- бұлшықеттер гипертонусы

- агранулоцитоз

- аплазиялық анемия

- панцитопения, лейкопения, нейтропения

- гемолиздік анемия

- тромбоцитопения

- гиперкальциемия, гипергликемия

- шеткері нейропатия

- қауіп тобындағы пациенттерде шамадан тыс АҚ төмендеуінен болуы мүмкін инсульт

- стенокардия

- қауіп тобындағы пациенттерде шамадан тыс АҚ төмендеуінен болуы мүмкін миокард инфарктісі

- эозинофилиялық пневмония

- қызылиектер гиперплазиясы

- панкреатит, гастрит, гепатит, сарғаю, бауыр функциясының бұзылуы

- мультиформалы эритема

- Стивенс-Джонсон синдромы, эксфолиативті дерматит

- Квинке ісінуі

- бүйректің жедел жеткіліксіздігі

- гемоглобин және гематокрит деңгейінің төмендеуі

- уытты эпидермалық некролиз

Айрықша сирек / жекелеген жағдайларда және т.б.

- Рейно синдромы

- гипокалиемиямен қатар жүретін, әсіресе, жекелеген жоғары қауіп топтарында күрделі болатын калий деңгейінің төмендеуі

- экстрапирамидалық бұзылулар (экстрапирамидалық синдром)

- бауыр жеткіліксіздігі жағдайында бауыр энцефалопатиясының даму мүмкіндігі

- миопия, анық көрмеу, жедел жабық бұрышты глаукома, хориоидты жалқық

- бұлшықет әлсіздігі, рабдомиолиз

- «пируэт» типті қарыншалық тахикардия (өліммен аяқталуы мүмкін)

- бұрыннан бар жүйелі қызыл жегі өршуі мүмкін

- электрокардиограммада QT аралығының ұзаруы

- қандағы глюкоза деңгейінің жоғарылауы

- қандағы несеп қышқылы деңгейінің жоғарылауы

*Өздігінен келіп түскен хабарламаларда тіркелген жағымсыз құбылыстар үшін жиілігі клиникалық сынақтар деректері бойынша есептелген

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір таблетканың құрамында

белсенді заттар:

2 мг/5 мг/0,625 мг таблеткалар:	2 мг периндоприл эрбумині (1,67 мг периндоприлге баламалы), 6,935 мг амлодипин бесилаты (5 мг амлодипинге баламалы), 0,625 мг индапамид
4 мг/5 мг/1,25 мг таблеткалар:	4 мг периндоприл эрбумині (3,34 мг периндоприлге баламалы), 6,935 мг амлодипин бесилаты (5 мг амлодипинге баламалы), 1,250 мг индапамид
4 мг/10 мг/1,25 мг таблеткалар:	4 мг периндоприл эрбумині (3,34 мг периндоприлге баламалы), 13,870 мг амлодипин бесилаты (10 мг амлодипинге баламалы), 1,250 мг индапамид
8 мг/5 мг/2,5 мг таблеткалар:	8 мг периндоприл эрбумині (6,68 мг периндоприлге баламалы), 6,935 мг амлодипин бесилаты (5 мг амлодипинге баламалы), 2,5 мг индапамид
8 мг/10 мг/2,5 мг таблеткалар:	8 мг периндоприл эрбумині (6,68 мг периндоприлге баламалы), 13,870 мг амлодипин бесилаты (10 мг амлодипинге баламалы), 2,5 мг индапамид

қосымша заттар: микрокристалды целлюлоза 102 типі, микрокристалды целлюлоза 112 типі, желатинденген крахмал 1500 типі, натрий крахмалы гликоляты, кальций хлориді гексагидраты, натрий гидрокарбонаты, сулы коллоидты кремнийдің қостотығы, магний стеараты

Сыртқы түрінің, иісінің, дәмінің сипаттамасы

Сопақша пішінді, екі беті дөңес, бір жағында сызығы бар, ұзындығы 9 мм ақтан ақ дерлік түске дейінгі таблеткалар (2 мг/5 мг/0,625 мг доза үшін).

Дөңгелек пішінді, екі беті сәл дөңес, ойығы бар, диаметрі 7 мм ақтан

ақ дерлік түске дейінгі таблеткалар (4 мг/5 мг/1,25 мг доза үшін).

Сопақша пішінді, екі беті дөңес, бір жағында сызығы бар, ұзындығы 12 мм ақтан ақ дерлік түске дейінгі таблеткалар (4 мг/10 мг/1,25 мг доза үшін).

Дөңгелек пішінді, екі беті дөңес, ойығы бар, диаметрі 9 мм

ақтан ақ дерлік түске дейінгі таблеткалар (8 мг/5 мг/2,5 мг доза үшін).

Дөңгелек пішінді, екі беті дөңес, бір жағында сызығы, ойығы бар диаметрі 9 мм ақтан ақ дерлік түске дейінгі таблеткалар (8 мг/10 мг/2,5 мг доза үшін).

Шығарылу түрі және қаптамасы

Ламинацияланған полиамидті/алюминий/поливинилхлоридті үлбірден және алюминий фольгадан жасалған пішінді ұяшықты қаптамаға 10 таблеткадан салады.

Медициналық қолдану жөніндегі қазақ және орыс тілдеріндегі нұсқаулықпен бірге пішінді ұяшықты 3, 6 немесе 9 қаптамадан картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

Түпнұсқалық қаптамасында, 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

КРКА, д.д., Ново место

Шмарьешка цеста 6, 8501 Ново место, Словения

Тіркеу куәлігінің ұстаушысы

КРКА, д.д., Ново место

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КРКА Қазақстан» ЖШС

Қазақстан Республикасы, 050040, Алматы қ., Шағын ауданы КОКТЕМ-1,

үй 15А, офис 601

тел.: +7 (727) 311 08 09

info.kz@krka.biz