Климаксан гомеопатический гранулы по 10 г (пакетик)

Гомеопатиялық түйіршіктер.

Басқа препараттар. Басқа емдік препараттар, барлығы. Басқа дәрілік препараттар.

АТХ коды: V03AХ.

Климактериялық синдром көріністерін емдеуде симптоматикалық дәрі ретінде (ашушаңдық, эмоционалдық құбылмалылық, ұйқының бұзылуы, бас ауыруы, бас айналуы, жүректің қағуы, тершеңдік, «ысынулар»).

Қолдануды бастағанға дейін қажетті мәліметтер тізбесі

- препарат компоненттеріне жекелей жоғары сезімталдық;

- жүктілік және лактация кезеңі.

- тұқым қуалайтын фруктоза жақпаушылығы, глюкоза-галактоза мальабсорбциясы немесе сахараза-изомальтаза тапшылығы.

Қолдану кезіндегі қажетті сақтық шаралары

Қатысты емес.

Осы уақытқа дейін басқа да дәрілік заттармен үйлесімсіздік жағдайлары тіркелмеген. Гомеопатиялық препараттарды қолдану басқа дәрілік заттармен емдеуді жоққа шығармайды.

Айрықша нұсқаулар

Қант диабеті бар пациенттерге арналған ақпарат: препараттың бір реттік дозасы (5 түйіршік) шамамен 0,3 г сахарозадан тұрады, ол 0,03 нан бірлігіне (НБ) сәйкес келеді; препараттың ең жоғары тәуліктік дозасы (20 түйіршік) шамамен 1,2 г сахарозадан тұрады, ол 0,12 нан бірлігіне (НБ) сәйкес келеді.

Гомеопатиялық дәрілік заттарды қабылдағанда бұрыннан бар симптомдардың уақытша өршуі мүмкін (бастапқы нашарлау). Бұндай жағдайда препарат қабылдауды тоқтату және емдеуші дәрігерге жүгіну керек.

Препаратпен емдеу курсын жүргізу кезеңінде түзету мүмкіндігі болуы мақсатында кем дегенде 2 айда 1 рет емдеуші дәрігермен кеңесу ұсынылады.

Педиатрияда қолданылуы

Климаксан препараты балаларда қолданылмайды.

Жүктілік немесе лактация кезеңі

Климаксан препараты әйелдердегі жүктілік және бала емізу кезеңінде қолдануға қарсы көрсетілімде.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Назардың жоғары шоғырлануын және психомоторлық реакциялардың жылдамдығын талап ететін (көлік құралдарын басқару, қозғалатын механизмдермен жұмыс, диспетчердің, оператордың жұмысы) қызметтерінің әлеуетті қауіпті түрлерін орындау қабілетіне препараттың әсері туралы деректер жоқ.

Дозалау режимі

Бір қабылдауға – 5 түйіршік (толық ерігенше ауызда ұстау керек – тамақтану кезінде болмайды). Күніне 2 рет: таңертең және кешке қабылдайды.

Симптомдар ауырлығына қарай препарат қабылдауды күніне 3-4 ретке дейін арттыруға болады.

Препаратты қолданудың ұсынылатын ұзақтығы 6 айды құрайды. Дәрігердің ұсынымы бойынша емдеу курсын қайталауға болады.

Артық дозаланған жағдайда қолданылуы қажет шаралар

Препаратты артық дозалаған жағдайда жағымсыз реакциялар екіталай, себебі белсенді компоненттер препаратта гомеопатиялық дозаларда бар, ал қосымша зат сахароза (қант) болып табылады. Қант диабеті бар пациенттерге препаратты артық дозалаған жағдайда препараттың бір қаптамадағы (10 г түйіршіктер) сахарозаның құрамы 2 шай қасық құрайтынын білу керек, бұл 1,08 нан бірлігіне (НБ) сәйкес келеді.

Дәрілік препараттың бір немесе бірнеше дозасын өткізіп алғанда қолданылуы қажет шаралар

Препарат дозасын қабылдауды өткізіп алған жағдайда өткізіп алған дозасын мүмкіндігінше ертерек қабылдау керек және препаратты қабылдау курсын бастаған сызба бойынша жалғастыру керек. Ұмытылған доза орнына екі есе доза қабылдауға болмайды.

Дәрілік препараттың қолдану тәсілін түсіндіру үшін медицина қызметкерінен кеңес алу үшін ұсыныстар

Препаратты қолдану алдында дәрігермен кеңесу керек.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда (қажет болса) қабылдау керек шаралар

Препарат компоненттеріне жеке жоғары сезімталдық реакциялары болуы мүмкін.

Жағымсыз реакциялардың туындау жиілігі постмаркетингтік бақылау негізінде анықталмайды.

Егер препарат қабылдау кезінде жағымсыз реакциялар туындаса, қабылдауды тоқтатып және дәрігерге қаралу керек.

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Құрамы (1 г препаратқа)

белсенді зат (1:1:1 ара қатысында) –0,01г*:Cimicifuga racemosa (Cimicifuga) С200, Lachesis mutus (Lachesis) С50, Apis mellifica (Apis) С200;

қосымша заттар: гомеопатиялық препараттарға арналған пилюлялар (түйіршіктер) – сахароза 1 г.

* гомеопатиялық қоспалардың сулы-спирттік қоспасы түрінде түйіршіктерге жағылады

Ақтан ақ дерлік түске дейінгі, пішіні шар тәрізді бір текті түйіршіктер.

10 г түйіршіктен алюминий фольга негізіндегі біріктірілген материалдан жасалған пакетте.

Әрбір пакет медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды.

25 °С-ден аспайтын температурада сақтау керек.

Балалардың қолы жетпейтін жерде сақтау керек.

Рецептісіз

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3- ші Самотечный қысқа көшесі., 9 үй.

Тел./факс: (495) 684-43-33.

«МАТЕРИА МЕДИКА ХОЛДИНГ» ҒӨФ» ЖШҚ;

Ресей, 127473, Мәскеу қ., 3-ші Самотечный қысқа көшесі., 9 үй.

Тел./факс: +7 (495) 684-43-33.

«Шұғыл желі» телефондары: +7 (495) 681-09-30, +7 (495) 681-93-00.

E-mail: hotline@materiamedica.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МАТЕРИА МЕДИКА ХОЛДИНГ» ҒӨФ» ЖШҚ ҚР өкілдігіАлматы қ., Сейфуллин к-сі 498.

Тел./факс: 2734713.

E-mail: kz@dep.materiamedica.ru