Келтикан (Keltican) порошок д/ин. №3 (ампулы + растворитель по 2 мл)

Дәрілік препаратты медициналық қолдану жөніндегі нұсқаулық (Қосымша парақ)

Саудалық атауы

Келтикан®

Халықаралық патенттелмеген атауы

жоқ

Дәрілік түрі, дозасы

Инъекция үшін ерітінді дайындауға арналған лиофилизацияланған ұнтақ еріткішімен жиынтықта

Фармакотерапиялық тобы

Жүйке жүйесі. Жүйке жүйесі ауруларын емдеуге арналған басқа препараттар.

ATX коды N07XX

Қолданылуы

- радикулиттер (люмбаго, люмбалгия, люмбоишиалгия)

- диабеттік полиневропатия

- алкогольдік полиневриттер

- белдемелі теміреткі, ганглионит

- үш тармақты жүйке невралгиясы

- бет және қабырға аралық жүйкелер невралгиясы

- плекситтер

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді заттарға немесе қосымша заттардың кез келгеніне жоғары сезімталдық

- 2 жасқа дейінгі балалар

Қолдану кезіндегі қажетті сақтық шаралары

Келтикан® препаратын қолдану үшін еріткіші бар ампуланың ішіндегісін ұнтағы бар құтыға қосып, толық ерігенге дейін араластыру керек. Бұлшықет ішіне енгізу керек.

Басқа дәрілік препараттармен өзара әрекеттесуі

Анықталмаған.

Арнайы ескертулер

Жүктілік

Жүктілік және лактация кезеңінде препаратты қолдану қауіпсіздігі анықталмаған. Жүкті әйелдерге және лактация кезеңінде әйелдерге, егер ана үшін күтілетін пайдасы шаранаға/ балаға төнетін ықтимал қауіптен асып түсетін жағдайда ғана, препаратты тағайындаған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Механизмдерді басқару және көлік жүргізу қабілетіне әсері туралы ешқандай дәлел жоқ.

Қолдану бойынша ұсынымдар

Дозалау режимі

Ересектер: 1 инъекция (2 мл) күніне 1 рет.

Балаларға 2 жастан бастап: 1 мл ерітінді (1/2 құты) күніне 1 рет немесе 1 инъекция (2 мл) 2 күнде 1 рет.

Енгізу әдісі және жолы

Келтикан® инъекциялары бұлшықет ішіне енгізіледі.

Еріткіші бар ампуланың ішіндегісін ұнтағы бар құтыға қосу қажет, толық ерігенге дейін араластыру керек.

Артық дозаланған жағдайда қолданылатын шаралар

Препараттың уыттылығының аз екенін ескере отырып, емдік дозалары кездейсоқ асып кеткен жағдайларда да уыттану екіталай.

Кездейсоқ артық дозалану жағдайында симптоматикалық емді бастау керек.

Дәрілік препараттың қолдану тәсілін түсіндіру үшін медициналық қызметкерге кеңес алу үшін хабарласу ұсынылады

Препаратты қолданар алдында міндетті түрде дәрігермен кеңесу керек.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар (қажет болған жағдайда)

Сипатталған жоқ.

Аллергиялық реакциялар пайда болуы мүмкін, қандай да бір жағымсыз құбылыстар пайда болған кезде қабылдауды тоқтату және міндетті түрде дәрігерге көріну керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілікпрепараттарғажағымсызреакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық жәнефармацевтикалықбақылаукомитетінің «Дәрілікзаттармен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препараттың құрамы

Бір құтының ішінде

белсенді заттар: цитидин-5´-динатрий монофосфаты 10.00 мг

уридин- 5´-тринатрий трифосфаты,

уридин - 5´-динатрий дифосфаты,

уридин - 5´-динатрий монофосфаты (барлығы) 6.00 мг,

(уридинге баламалы) 2.66 мг

қосымша заттар: маннитол

еріткіштің құрамы: натрий хлориді, инъекцияға арналған су.

Сыртқы түрінің, иісінің, дәмінің сипаттамасы

Пастилка түріндегі лиофилизацияланған гигроскопиялы ақ түсті ұнтақ. Еріткіш – иісі жоқ мөлдір түссіз ерітінді.

Шығарылу түрі және қаптамасы

Препарат (1 доза) бромбутил резеңке тығынмен тығындалған және flip off типті қақпағы бар алюминий қаусырмамен қаусырылған қою сары (topaz) түсті шыны (ЕФ/АҚШ бойынша I тип) құтыда. 2 мл еріткіштен жиек түріндегі кертігі бар түссіз шыны ампулаларға құйылады.

Препараты бар 3 құтыдан және еріткіші бар 3 ампуладан пішінді ұяшықты қаптамаға салынады.

1 ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапқа салынады.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

Сақтау шарттары

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәліметтер

Laboratorios Alcala Farma, S.L., Spain / Лабораториос Алкала Фарма, С.Л., Испания

Avenida de Madrid, 82, Alcala de Henares, 28802 Madrid (Spain)

Телефон нөмірі +34 91 889 06 00

Электрондық поштасы alcalafarma@synerlab.com

Тіркеу куәлігінің ұстаушысы

Ferrer Internacional S.A., Spain / Феррер Интернасьональ С.А., Испания

GranVia Carlos III, 94 08028 Barcelona, Spain

Телефон нөмірі + 34 93 504 40 00

Электрондық поштасы comunicacion@ferrer.com

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта):

«Такеда Қазақстан» ЖШС

050000 Алматы қ., Қонаев көш.,77

Телефон нөмірі: (727) 2444004

Электрондық поштасы AE.AsiaCaucasus@takeda.com