Катария гранулы д/внут. прим. №6 (саше)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

КАТАРИЯ®

Халықаралық патенттелмеген атауы

Натрий цитраты

Дәрілік түрі, дозасы

Түйіршіктер, 4.0 г/5.6 г

Фармакотерапиялық тобы

Несеп-жыныс жүйесі және жыныс гормондары. Урологиялық препараттар. Басқа урологиялық препараттар.

АТХ коды G04BХ

Қолданылуы

- әйелдерде цистит симптомдарын жеңілдетуде

Қолдану басталуына дейін қажетті мәліметтер тізбесі

Қолдануға болмайтын жағдайлар

- әсер етуші затына немесе қосымша заттарының кез келгеніне аса жоғары сезімталдық

- қантты диабет

- жүрек аурулары, артериялық гипертензия

- бүйрек аурулары немесе тұзы аз диета ұстанып жүрген пациенттерге

- 18 жасқа дейінгі балалар және жасөспірімдер

Қолдану кезіндегі қажетті сақтандыру шаралары

Егер симптомдар емнің екі күнінен кейін де сақталатын болса, дәрігерге жүгіну қажет.

КАТАРИЯ® құрамында әр пакетте 939 мг натрий (ас тұзының негізгі компоненті) бар. Бұл ересектер үшін күнделікті тұтынуға ұсынылатын ең жоғары натрий мөлшерінің 47%-ына баламалы.

Препарат құрамында сахароза бар, сондықтан тұқым қуалайтын фруктоза жағымсыздығы, глюкоза-галактоза мальабсорбциясы, сукраза-изомальтаза ферменті тапшылығы бар адамға қолдануға болмайды.

Басқа дәрілік препараттармен өзара әрекеттесуі

Литий қабылдайтын пациенттер құрамында натрий бар препараттарды қабылдаудан аулақ болу керек, өйткені натрий көбіне бүйрекпен сіңіріледі, бұл литий бөлінудің ұлғаюына және плазмадағы деңгейінің төмендеуіне әкеледі.

Несептік сілтілендіргіштер гексаминмен қолданылмауы тиіс, өйткені ол қышқыл несепте ғана тиімді.

Бірқатар дәрілердің әсері өнімдегі белсенді ингредиенттер туындатқан несептің сілтіленуі мен асқазан рН төмендеуі арқылы азайтылуы немесе артуы мүмкін.

Арнайы сақтандырулар

Жүктілік немесе лактация кезінде

Жүктілік және бала емізу кезінде қолдану қарсы көрсетілімде.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Анықталмаған.

Қолдану жөніндегі нұсқаулар

Дозалау режимі

Әйелдер (ересектер)

Бір саше ішіндегісін бір стақан суда еріту керек.

1 сашеден тәулігіне 3 рет 48 сағат ішінде ішке қабылдау керек.

Дайындалған ерітіндіні бірден пайдалану қажет.

Ерлер және балалар

Ұсынылмайды.

Енгізу әдісі және жолы

Ішке қабылдау үшін.

Артық дозалану жағдайында қабылдау қажет болатын шаралар

Бұл препараттың артық дозалануы жағдайында симптоматикалық емдеуді жүргізу қажет. Натрий цитратын шамадан тыс енгізу асқазан-ішек бұзылыстарын, жайсыздану және диарея тудыруы мүмкін. Натрий тұздарының шамадан тыс дозалары натрийдің мөлшерден тыс жиналуына және гиперосмоляльдыққа әкелуі мүмкін. Бикарбонатты шамадан тыс енгізу, әсіресе бүйрек функциясы бұзылған пациенттерде гипокалиемия мен метаболизмдік алкалозға әкелуі мүмкін.

Емдеу симптоматикалық және тиісінше су-электролиттік теңгерімі түзетіледі.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар

Дәрілік препаратты қолданар алдында дәрігердің немесе фармацевтің кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

- орташа диурез

Жеке-дара жағдайларда

- тері бөртпелері, іштің ауыруы

Жағымсыз дәрілік реакциялар туындағанда медицина қызметкеріне, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір саше құрамында

белсенді зат – натрий цитраты 4.0 г,

қосымша заттар: сахароза, натрий сахарині, мүкжидек дәмдік қоспасы 191121.

Сыртқы түрінің, иісінің, дәмінің сипаттамасы

Жағымды иісі бар, сусымалы, ақ немесе ақ дерлік түйіршіктер.

Шығарылу түрі және қаптамасы

5.6 г препараттан сашеге салынады. 6 саше медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды.

Сақтау шарттары

Түпнұсқалық қаптамасында 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

Кусум Хелткер Пвт. Лтд.,

СП 289 (А), РИИКО Индл. Ареа Чопанки, Бхивади (Радж.), Үндістан

Тел: +91-1493-516561, факс: +91-1493-516562;

Учаске № М-3, Индор, Особая Экономическая Зона, Фаза - II, Питампур, Дист. Дхар, Мадхья Прадеш, Үндістан

Тел: +91-729-2258300, 2258301, факс: +91-11-40527575

Электронды пошта: info@kusum.com

Тіркеу куәлігінің ұстаушысы

Кусум Хелткер Пвт. Лтд., Д-158A, Окхла Индастриал Ареа, Фаза-I, Нью-Дели 110020, Үндістан

Тел: +91-11-41005147

факс: +91-11-40527575

Электронды пошт: info@kusum.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Дәрі-Фарм (Қазақстан)» ЖШС, Алматы қ., Қажымұқан көш. 22/5, «Хан-Тәңірі» БО, Қазақстан

Тел/факс: 8(727) 295-26-50 

Электронды пошта: phv@kusum.kz