Инестом раствор д/внут. прим. 1 г / 10 мл по 10 мл №10 (флаконы)

Инестом

Левокарнитин

Ішуге арналған ерітінді, 1 г/10 мл

Ас қорыту жолы және зат алмасу. Ас қорыту жолдарының ауруларын емдеуге арналған препараттар және басқа метаболизмдік бұзылулар. Аминқышқылдары мен туындылары. ЛевокарнитинАТХ коды: A16AA01

Ересектер мен 12 жастан асқан балаларда левокарнитиннің бастапқы және салдарлы тапшылығы

Қолдануды бастағанға дейін қажетті мәліметтер тізбесі

Препараттың компоненттеріне жоғары сезімталдық

Қолдану кезіндегі қажетті сақтық шаралары

Инсулин немесе пероральді гипогликемиялық препараттар алатын қант диабеті бар пациенттерге Инестомды тағайындау глюкоза сіңірілуінің артуына байланысты гипогликемияны туындатуы мүмкін. Сондықтан пациенттердің осы санатында Инестом препаратымен емдеу кезінде гипогликемиялық препараттарды дозалау режимін түзету үшін қан плазмасындағы глюкоза деңгейін тұрақты бақылау керек.

Левокарнитинмен бірге кумарин антикоагулянттарын алған пациенттерде ХҚҚ жоғарылауы туралы өте сирек хабарламалар болды. Осындай антикоагулянттарды левокарнитинмен бір мезгілде алатын пациенттерде олар тұрақтанғанға дейін және одан кейін ай сайын ХҚҚ немесе басқа тиісті коагуляция тестін апта сайын жүргізу қажет.

Инестоммен бірге басқа дәрі-дәрмектерді қолданған жағдайда, бұл туралы емдеуші дәрігерге хабарлау керек.

Левокарнитинді кумариндік препараттармен бір мезгілде қолданған кезде халықаралық қалыптасқан қатынастың (ХҚҚ) артуы туралы өте сирек хабарламалар бар. ХҚҚ немесе коагуляцияның басқа тиісті көрсеткішін олар тұрақты болғанға дейін апта сайын, содан кейін левокарнитинмен бірге осы антикоагулянттарды қабылдайтын пациенттерде ай сайын тексеру керек.

Ересектер және 12 жастан асқан балалар

Қан плазмасындағы және несептегі бос және ацильді левокарнитин деңгейін өлшеу арқылы емдеуді бақылау ұсынылады.

Жүктілік немесе лактация кезінде

Жүкті әйелдер мен бала емізетін аналарға препаратты тек қажет болған жағдайда ғана тағайындауға болады, бұл ана үшін болжамды пайда мен шарана/бала үшін ықтимал қауіпті мұқият салыстырады.

Карнитиннің бастапқы жүйелік тапшылығы бар жүкті әйелдерде қолдану тәжірибесі жоқ. Карнитиннің бастапқы жүйелік тапшылығы бар жүкті әйел үшін емдеуді тоқтатудың ауыр салдарын ескере отырып, егер емдеу жалғасса, шаранаға әсер етудің теориялық қаупіне қарағанда емдеуді тоқтатқан кезде ана үшін қауіп анағұрлым жағымсыз болады.

Левокарнитин әйел сүтінің қалыпты компоненті болып табылады. Бала емізетін аналарда левокарнитинді қолдану туралы мәліметтер жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Инестом препараты көлік құралдарын басқару және механизмдермен жұмыс істеу қабілетіне әсер етпейді.

Қолдану бойынша ұсынымдар

Дозалау режимі

Ересектер және 12 жастан асқан балалар

Қан плазмасындағы және несептегі бос және ацильді левокарнитин деңгейін өлшеу арқылы емдеуді бақылау ұсынылады.

Метаболизмнің туа біткен бұзылуы кезінде қолдану

Карнитиннің бастапқы немесе салдарлы тапшылығы кезінде дозалау метаболизмдегі нақты туа біткен ауытқуларға және емдеу кезеңіндегі олардың ауырлығына байланысты. Көп жағдайда ұсынылатын пероральді доза 2-4 қабылдауға бөлінген, күніне 100-200 мг/кг құрайды. Егер клиникалық және биохимиялық көрсеткіштер жақсармаса, дозаны қысқа мерзімді негізде арттыруға болады. Жоғары дозаларды сақтықпен және клиникалық әрі биохимиялық деректер дозаның жоғарылауы пайда әкеледі деп болжауға мүмкіндік беретін жағдайларда ғана тағайындау керек. Жедел метаболизмдік декомпенсация кезінде күніне 400 мг/кг дейін жоғары дозалар қажет немесе бұл жағдайда вена ішіне енгізу жолы қажет болуы мүмкін.

Гемодиализ - демеуші ем

Дәрілік затты енгізудің қаныққан курсынан кейін демеуші дозаны - тәулігіне 1000 мг левокарнитинді пероральді қолданады. Диализ күні келесі сеанс аяқталғаннан кейін бірден 1000 мг дозада вена ішіне қолданады.

Енгізу әдісі мен жолы

Препаратты ішу арқылы қабылдайды, ерітіндіні сұйылтпай немесе 100 мл салқындатылған қайнаған суға немесе жеміс шырынына сұйылту арқылы ішуге болады

Артық дозаланған жағдайда қабылдануы қажет шаралар

Левокарнитиннің артық дозалануынан болған уыттылық туралы хабарламалар түскен жоқ. Артық дозалануды демеуші емнің көмегімен емдеу керек.

Дәрілік препаратты қолдану тәсілін түсіндіру үшін медициналық қызметкердің кеңесіне жүгіну ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте сирек

- жүрек айнуы,

- құсу

- диарея

- іштің ауыруы және түйілуі

- дененің өзіне тән иісі

- халықаралық қалыптасқан қатынасты арттыру (ХҚҚ)*

Дозаны төмендету көбінесе препаратты қолданудан туындаған пациенттің денесінің иісін немесе асқазан-ішек бұзылыстарының симптомдарын азайтуға немесе жоюға көмектеседі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық деректер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді зат - 100.0 мг левокарнитин,

қосымша зат - алма қышқылы, метилпарабен (Е 218), пропилпарабен (Е 216), натрий сахарині дигидраты, апельсин хош иістендіргіші, тазартылған су

Түссізден сәл сарғыш түске дейін мөлдір ерітінді

10 мл препараттан тығыз бұрандалы полиэтилен қақпағы бар түссіз шыныдан жасалған құтыда.

Әрбір құтыға заттаңба қағаздан жасалған заттаңба жапсырылады.

10 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Хелп С.А., Валаоритоу көшесі, 10, 144 52, Афины, Греция

Телефон +30 210 281 5353, факс +30 210 281 1850

Хелп С.А., Валаоритоу көшесі, 10, 144 52, Афины, Греция

Телефон +30 210 281 5353, факс +30 210 281 1850

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Алтес Фарм» ЖШС, 777 кеңсе, Ambassador БО,

Төле би к-сі 83, 050012, Алматы, Қазақстан

Тел: 8 (727) 292 27 08.