Глюкоза Келун-Казфарм раствор д/инф. по 200 мл (флакон)

Глюкоза

Жоқ

Инфузияға арналған 5% және 10% ерітінді, 100, 200, 250, 400 және 500 мл

Қан және қан түзу ағзалары. Қан алмастырғыштар және перфузиялық ерітінділер. Вена ішіне енгізуге арналған ерітінділер. Парентеральды қоректендіруге арналған препараттар. Көмірсулар. Глюкоза

ATX коды B05BA03

5% глюкоза ерітіндісі

- көмірсулар мен сұйықтық тапшылығын емдеуге арналған

- сонымен қатар парентеральді енгізуге арналған үйлесімді препараттар үшін тасымалдаушы және еріткіш ретінде қолданылады

10% глюкоза ерітіндісі

- көмірсулармен жеке немесе қажет болған жағдайда қамтамасыз ету үшін парентеральді қоректендіруге көрсетілген

- гипогликемияның профилактикасы және емі

- көмірсуларға қажеттілігі жоғары пациенттерде регидратация және сусыздану жағдайларында

- үйлесімді дәрілік заттарды сұйылту.

Дәрілік препаратты қолданудың басталуына дейінгі қажетті мәліметтер тізбесі

5% глюкоза ерітіндісі

- бақыланбайтын қант диабеті

-глюкоза жақпайтын басқа белгілі жағдайлары (мысалы, метаболикалық стресс жағдайлары)

- гиперосмолярлы кома

- гипергликемия және гиперлактатемия

- белсенді затқа жоғары сезімталдық

- өкпе ісінуі, мидың ісінуі.

10% глюкоза ерітіндісі

- бақыланбайтын қант диабеті және қантсыз диабет

- гиперосмолярлы кома

-гемодилюция және жасушадан тыс гипергидратация немесе гиперволемия

- гипергликемия және гиперлактатемия

- ауыр бүйрек жеткіліксіздігі (олигурия/ануриямен)

- бақыланбайтын жүрек жеткіліксіздігі

- жалпы ісіну (өкпе және церебральды ісінуді қоса) және асциттік цирроз

-глюкоза жақпайтын басқа белгілі жағдайлары (мысалы, метаболикалық стресс жағдайлары)

- белсенді затқа жоғары сезімталдық.

Глюкоза ерітіндісіне қосылған кез келген қосымша затқпен байланысты қарсы көрсеткіштерді ескеру қажет.

5%, 10% глюкоза ерітіндісі

Парентеральді енгізуге арналған дәрілік препараттарды ерітінді мен контейнер мүмкіндік берген кезде, енгізу алдында қатты бөлшектердің бар-жоғын және түсінің өзгеруін визуалды тексеру керек. Ерітінді мөлдір, көрінетін бөлшектерсіз және контейнер зақымдалмаған жағдайда ғана қолданылады. Инфузиялық жүйені енгізгеннен кейін дереу енгізеді.

Ерітіндіні асептика ережелерін сақтай отырып, стерильді инфузиялық жүйемен енгізу керек. Ауаның кіруіне жол бермеу үшін инфузиялық жүйені ерітіндімен толтыру керек.

Электролиттерді қосу пациенттің клиникалық қажеттіліктеріне сәйкес көрсетілуі мүмкін. Қосымша заттар инъекция алаңы арқылы инфузияға дейін немесе инфузия кезінде енгізілуі мүмкін.

Қосымша заттарды енгізу кезінде ерітінділердің соңғы осмолярлығын тексеру қажет. Гиперосмолярлы ерітінділерді енгізу тамырлардың тітіркенуі мен флебитті тудыруы мүмкін. Кез-келген қосымша заттарды мұқият және ұқыпты асептикалық араластыру міндетті болып табылады. Құрамында қосымша заттар бар ерітінділерді дереу пайдалану керек және сақтамаған жөн.

10% глюкоза ерітіндісі

Алынған қоспаны оның соңғы осмолярлығына байланысты орталық немесе шеткері веноздық желі арқылы енгізу керек.

Гликемиялық бақылауға немесе сұйықтық және/немесе электролит балансына әсер ететін басқа заттарды қабылдайтын пациенттерде глюкозаны қолданғанда гликемиялық әсерді де, сұйықтық пен электролит теңгеріміне әсер етуді де ескеру керек. Катехоламиндер мен стероидтарды бір мезгілде енгізу глюкозаның сіңуін төмендетеді.

Вазопрессин әсерін күшейтуге әкелетін препараттар

Төменде аталған препараттар вазопрессиннің әсерін күшейтеді, нәтижесінде электролиттерсіз судың бүйрек экскрециясы төмендейді және вена ішілік сұйықтықтармен дұрыс теңгерілмеген емдеуден кейін ауруханаішілік гипонатриемия қаупін арттырады.

• вазопрессиннің босап шығуын ынталандыратын препараттар, мысалы: хлорпропамид, клофибрат, карбамазепин, винкристин, серотонинді қайта қармаудың селективті тежегіштері, 3,4-метилендиокси-N-метамфетамин, ифосфамид, нейролептиктер, есірткілер

• вазопрессиннің әсерін күшейтетін препараттар, мысалы: хлорпропамид, СЕҚҚП (стероидты емес қабынуға қарсы препараттар), циклофосфамид

• вазопрессиннің аналогтары, мысалы: десмопрессин, окситоцин, терлипрессин

Гипонатриемия қаупін арттыратын басқа дәрілк заттарға жалпы диуретиктер және окскарбазепин сияқты эпилепсияға қарсы дәрілер жатады.

Өзара әрекеттесу бойынша зерттеулер жүргізілген жоқ.

Глюкозаның вена ішілік инфузиясы әдетте изотониялық ерітінділер болып табылады. Дегенмен, организмдегі глюкоза бар сұйықтықтар глюкозаның жылдам метаболизміне байланысты физиологиялық тұрғыдан өте гипотоникалық болуы мүмкін.

Сарысу электролиттерін сұйылту және басқа әсерлері

Ерітіндінің тонусына, инфузияның көлемі мен жылдамдығына, сондай-ақ пациенттің негізгі клиникалық жағдайына және глюкозаны метаболиздеу қабілетіне байланысты вена ішіне глюкозаны енгізу келесі жағдайларды тудыруы мүмкін:

• гиперосмолярлық, осмостық диурез және дегидратация

• гипоосмолярлық

• электролиттік бұзылулар, мысалы:

- гипо- немесе гиперосмотикалық гипонатриемия,

- гипокалиемия,

- гипофосфатемия,

- гипомагниемия,

- гипергидратация/гиперволемия, мысалы, іркіліс құбылыстары, өкпедегі іркіліс пен ісінуді қоса.

Жоғарыда көрсетілген әсерлер құрамында электролиттер жоқ сұйықтықты енгізу нәтижесінде ғана емес, глюкозаны енгізу нәтижесінде де пайда болады.

Гипонатриемия:

Вазопрессиннің осмостық емес босап шығуы бар пациенттер (мысалы, жедел ауру, ауырсыну, операциядан кейінгі стресс, инфекциялар, күйіктерде және ОЖЖ ауруы), жүрек, бауыр, бүйрек аурулары бар пациенттер және вазопрессин агонистерінің әсеріне ұшыраған пациенттер гипотониялық сұйықтық инфузиясы кезінде жедел гипонатриемияның ерекше қаупіне ұшырайды.

Жедел гипонатриемия бас ауруы, жүрек айну, құрысулар, летаргия және құсумен сипатталатын жедел гипонатриемиялық энцефалопатияға (мидың ісінуі) әкелуі мүмкін. Мидың ісінуі бар пациенттер мидың ауыр, қайтымсыз және өмірге қауіпті зақымдануының ерекше қаупіне ұшырайды.

Балалар, фертильді жастағы әйелдер және церебральді берілгіштігі төмен пациенттер (мысалы, менингит, бассүйекішілік қан кету және бас миының соғылуы) жедел гипонатриемиядан туындаған мидың ауыр және өмірге қауіпті ісінуінің ерекше қаупіне ұшырайды.

Ұзақ мерзімді парентеральді ем кезінде немесе пациенттің жағдайы немесе енгізу жылдамдығы бағалауды қажет ететін кез келген жағдайда су балансының, электролит концентрациясының және қышқыл-негіз балансының өзгеруін бақылау үшін клиникалық бағалау және кезеңдік зертханалық зерттеулер қажет болуы мүмкін.

Бос судың ұлғаюымен, гипергликемиямен немесе, мүмкін, инсулинді енгізу қажеттілігімен күрделене түсетін су-электролиттік бұзылу қаупі жоғары пациенттерге ерекше сақтық ұсынылады.

Гипергликемия

• глюкоза ерітінділерін жылдам енгізу айқын гипергликемияны және гиперосмолярлық синдромды туындатуы мүмкін

• гипергликемия пайда болған кезде инфузия жылдамдығын түзету және/немесе инсулин енгізу керек

• қажет болған жағдайда құрамында калий бар заттар парентеральді енгізіледі

• глюкоза ерітіндісін пациенттерге сақтықпен вена ішіне енгізу керек, мысалы:

- глюкоза жақпайтын бұзылуы (мысалы, қант диабеті, бүйрек жеткіліксіздігі немесе сепсис, жарақат немесе шок болған кезде)

- қоректендірудің ауыр жеткіліксіздігі (қайта қоректендіру синдромының даму қаупі)

- тиамин тапшылығы, мысалы, созылмалы алкоголизммен ауыратын пациенттерде (пируваттың тотығу метаболизмінің бұзылуына байланысты ауыр лактоацидоз қаупі)

- ишемиялық инсульт немесе ауыр бассүйек-ми жарақаты бар пациенттер

Бас жарақатынан кейінгі алғашқы 24 сағат ішінде инфузиядан аулақ болу керек. Қандағы глюкоза деңгейін мұқият бақылау керек, өйткені ерте гипергликемия мидың ауыр жарақаты бар пациенттерде қолайсыз нәтижелермен байланысты.

- жаңа туылған сәбилер

Инсулин секрециясына әсері

Глюкозаны ұзақ уақыт вена ішіне енгізу және осыған байланысты гипергликемия глюкоза үдететін инсулин секрециясы жылдамдығының төмендеуіне әкелуі мүмкін.

Жоғары сезімталдық реакциялары

• глюкоза ерітінділерін қолдану кезінде анафилаксиялық/анафилактоидты реакцияларды қоса, аса жоғары сезімталдық реакциялары/инфузиялық реакциялар туралы хабарланды. Сондықтан құрамында глюкоза бар ерітінділерді, жүгеріге немесе жүгері өнімдеріне белгілі аллергиясы бар пациенттерде, егер қолдану қажет жағдайда, сақтықпен қолдану керек.

- аса жоғары сезімталдық реакциясына күдіктенудің кез келген белгілері немесе симптомдары пайда болған кезде инфузияны дереу тоқтату керек. Клиникалық көрсеткіштер бойынша тиісті терапиялық қарсы шаралар қабылдануы тиіс.

Қайта қоректену синдромы

• қайта қоректену ауыр қоректену жеткіліксіздігі бар пациенттерде қайта қоректену синдромына әкелуі мүмкін, бұл пациент анаболикке айналған кезде жасушаішілік калий, фосфор және магний деңгейінің ығысуымен сипатталады. Тиамин тапшылығы және сұйықтықтың сақталуы да дамуы мүмкін. Мұқият бақылау және қоректік заттарды тұтынудың біртіндеп артуы, сонымен бірге артық тамақтанудан аулақ болу бұл асқынулардың алдын алады.

Педиатриялық популяция

Инфузияның жылдамдығы мен көлемі пациенттің жасына, дене салмағына, клиникалық және метаболизмдік жағдайларына, қосалқы терапияға байланысты және оны балаларда вена ішілік инфузиялық терапияда тәжірибесі бар дәрігер-кеңесші айқындауы тиіс.

Жаңа туылған нәрестеге вена ішіне енгізілетін сұйықтықтардың ықтимал өлімге әкелетін шамадан тыс инфузиясын болдырмау үшін енгізу тәсіліне ерекше назар аудару қажет. Жаңа туылған нәрестелерге сұйықтықтарды немесе препараттарды венаішілік енгізу үшін инфузиялық жүйені пайдаланған кезде, сұйықтық құйылған құтыны шприцке бекітіп қалдыруға болмайды.

Инфузиялық жүйені пайдалану кезінде жүйені алу немесе ажырату алдында барлық қысқыштар жабылуы тиіс. Бұл жүйеде еркін ағыннан қорғауға арналған құрылғы бар-жоғына қарамастан қажет.

Вена ішілік инфузия жүйесін және енгізу жабдығын жиі бақылап отыру керек.

Балалар гликемиясына байланысты мәселелер

Жаңа туылған нәрестелерде, әсіресе шала туылған және дене салмағы төмен нәрестелерде гипо - немесе гипергликемияның даму қаупі жоғары, сондықтан ұзақ мерзімді жанама әсерлердің алдын алу үшін гликемиялық бақылауды қамтамасыз ету үшін вена ішілік глюкоза ерітінділерімен емдеу кезінде мұқият бақылауды қажет етеді. Жаңа туылған нәрестелердегі гипогликемия ұзаққа созылған құрысуды, команы және мидың зақымдалуын тудыруы мүмкін. Гипергликемия қарыншаішілік қан кетумен, бактериялық және саңырауқұлақ инфекциясының кеш басталуымен, шала туылған нәрестелердің ретинопатиясымен, некроздаушы энтероколитпен, бронхопульмональды дисплазиямен, ауруханада ұзақ жатумен және өліммен байланысты.

Нәресте гипонатриемиясына байланысты мәселелер

• балаларда (жаңа туған нәрестелер мен үлкен балаларды қоса) гипоосмотикалық гипонатриемияның, сондай-ақ гипонатриемиялық энцефалопатияның даму қаупі жоғары.

• электролиттердің плазмадағы концентрациясын балаларда мұқият бақылау керек.

• гипоосмотикалық гипонатриемияны жылдам түзету ықтимал қауіпті (ауыр неврологиялық асқынулардың қаупі).

• дозаны, енгізу жылдамдығы мен ұзақтығын балаларда вена ішілік инфузиялық терапияда тәжірибесі бар дәрігер анықтауы тиіс.

Гериатриялық қолдану

• егде жастағы пациенттер үшін инфузиялық ерітіндінің түрін және инфузия көлемін/жылдамдығын таңдағанда, егде жастағы пациенттерде әдетте жүрек, бүйрек, бауыр және басқа аурулар немесе қатар жүретін дәрілік терапиясының болу ықтималдығы жоғары екенін ескеру қажет.

Қан

• глюкозаны (сулы, яғни электролиттері жоқ глюкоза ерітіндісін), қанды бір инфузиялық желі арқылы бір мезгілде, оның алдында немесе одан кейін енгізуге болмайды, өйткені бұл гемолизге және псевдоагглютинацияға әкелуі мүмкін.

Басқа препараттарды қосу немесе инъекцияның дұрыс емес техникасын қолдану, пирогендердің ықтимал енгізілуіне байланысты қызбалық реакцияларды тудыруы мүмкін. Жағымсыз реакциялар туындаған жағдайда инфузияны дереу тоқтату керек.

Ауа эмболиясының қаупі

• кезекті қосылу үшін пластикалық контейнерлерді пайдаланбаңыз. Мұндай пайдалану екінші контейнерден сұйықтық енгізілгенге дейін негізгі контейнерден қалдық ауаны сорып алу салдарынан ауа эмболиясына әкелуі мүмкін.

• енгізу жылдамдығын арттыру үшін иілгіш пластикалық контейнерлердегі вена ішілік ерітінділердің қысымын жоғарылату, егер енгізу алдында контейнердегі қалдық ауа толығымен жойылмаса, ауа эмболиясына әкелуі мүмкін.

• ашық клапаны бар желдетілетін жинақты пайдалану ауа эмболиясына әкелуі мүмкін. Ашық клапанды вена ішіне енгізуге арналған желдетілетін жиынтықтарды иілгіш пластикалық контейнерлермен пайдалануға болмайды.

Жүктілік және лактация

5%, 10% глюкоза ерітіндісі

Дәрілік затты қосқан кезде препараттың сипатын және оны жүктілік және лактация кезеңінде қолдануды жеке қарастыру қажет.

Ананың босану кезіндегі глюкозаның вена ішілік инфузиясы шарананың гипергликемиясы мен метаболикалық ацидоздың, сондай-ақ жаңа туған нәрестеде гипогликемияның қайталану қаупімен бірге шаранада инсулин өндіруге әкелуі мүмкін.

Глюкоза ерітіндісін жүктілік кезінде қолдануға болады. Дегенмен, глюкоза ерітіндісін жатырда қолданғанда сақ болу керек.

5% глюкозаны жүкті әйелдерге босану кезінде, әсіресе гипонатриемия қаупіне байланысты окситоцинмен біріктірілімде аса сақтықпен енгізу керек.

5% глюкозаның фертильділікке әсері туралы сәйкес деректер жоқ. Дегенмен фертильділікке әсер етуі күтілмейді.

Лактация кезінде глюкоза ерітіндісін қолдану туралы жеткілікті деректер жоқ. Дегенмен лактацияға әсер етуі күтілмейді. Лактация кезінде 5% глюкозаны қолдануға болады.

Дәрілік заттардың көлік құралдарын жүргізуге немесе қауіпті механизмдерді басқару қабілетіне әсер ету ерекшеліктері

Әсер етпейді.

Дозалану режимі

5% глюкоза ерітіндісі

Ересектер, қарттар және балалар:

Инфузияға арналған 5% глюкоза ерітіндісінің концентрациясы мен дозасы пациенттің жасын, дене салмағын және клиникалық жағдайын қоса алғанда, бірнеше факторлармен анықталады. Қан сарысуындағы глюкоза концентрациясын мұқият бақылау қажет болуы мүмкін.

Сұйықтық балансын, қан сарысуындағы глюкозаны, қан сарысуындағы натрийді және басқа электролиттер деңгейін, әсіресе вазопрессиннің осмостық емес шығарылуының жоғарылауы бар пациенттерде (антидиуретикалық гормонның сәйкес емес секрециясының синдромы, SIADH) және гипонатриемия қаупіне байланысты вазопрессин агонистерін бір мезгілде қабылдайтын пациенттерде енгізгенге дейін және енгізу кезінде бақылау керек. Қан сарысуындағы натрий мөлшерін бақылау әсіресе физиологиялық гипотониялық сұйықтықтар үшін маңызды. Инфузияға арналған 5% глюкоза ерітіндісі организмдегі глюкозаның метаболизміне байланысты енгізгеннен кейін өте гипотониялық болуы мүмкін.

Көмірсулар мен сұйықтық тапшылығын емдеу үшін ұсынылатын доза:

- ересектер үшін: тәулігіне 500 мл-ден 3 литрге дейін.

- сәбилер мен балалар үшін:

Инфузия жылдамдығы пациенттің клиникалық жағдайына байланысты.

Инфузия жылдамдығы гипергликемияны болдырмау үшін пациенттің глюкозаны тотықтыру қабілетінен аспауы тиіс. Сондықтан максималды доза жасына және жалпы дене салмағына байланысты ересектер үшін 5 мг/кг/мин сәбилер мен балалар үшін 10-18 мг/кг/мин ауытқиды.

Тасымалдаушы немесе сұйылтқыш ретінде пайдаланған кезде ұсынылатын доза дәрілік заттың енгізілетін дозасы үшін 50-ден 250 мл-ге дейін құрайды.

5% глюкоза басқа инъекциялық препараттар үшін еріткіш ретінде қолданылған кезде, дозасы мен инфузия жылдамдығы негізінен тағайындалған препараттың табиғаты мен дозалау режиміне байланысты анықталады.

Педиатриялық популяция:

Инфузияның жылдамдығы мен көлемі пациенттің жасына, дене салмағына, клиникалық және метаболизмдік жағдайларына, қосалқы терапияға байланысты және оны балаларда вена ішілік инфузиялық терапияда тәжірибесі бар дәрігер-кеңесші айқындауы тиіс.

10% глюкоза ерітіндісі

Инфузияға арналған 10% глюкоза ерітіндісінің дозасы мен енгізу жылдамдығы пациенттің қолдану көрсеткіштерін, жасын, дене салмағын және клиникалық жағдайын қоса алғанда, бірнеше факторлармен анықталады.

Сұйықтық балансын, қан сарысуындағы глюкозаны, қан сарысуындағы натрийді және басқа электролиттер деңгейін, әсіресе вазопрессиннің осмостық емес шығарылуының жоғарылауы бар пациенттерде (антидиуретикалық гормонның сәйкес емес секрециясының синдромы, SIADH) және гипонатриемия қаупіне байланысты вазопрессин агонистерін бір мезгілде қабылдайтын пациенттерде енгізгенге дейін және енгізу кезінде бақылау керек. Қан сарысуындағы натрий мөлшерін бақылау әсіресе физиологиялық гипотониялық сұйықтықтар үшін маңызды. Инфузияға арналған 10% глюкоза ерітіндісі ағзадағы глюкозаның метаболизміне байланысты енгізгеннен кейін өте гипотониялық болуы мүмкін.

Ересектер мен қарттар:

1 кестеде келтірілген ұсынылған дозалар салмағы шамамен 70 кг болатын орташа ересек адам үшін бағдар ретінде қызмет етеді.

1 кесте. Ересек адамға енгізу үшін ұсынылатын доза (70 кг) (*)

* Гемодилюцияны болдырмау үшін ұсынылған доза шегіндегі ең көп көлемді 24 сағат ішінде енгізу керек.

Педиатриялық популяция:

2-кестеде келтірілген ұсынылатын дозалар дене салмағына және жасына байланысты педиатриялық популяция үшін бағдар ретінде қызмет етеді.

2 кесте. Педиатриялық популяцияға ұсынылатын енгізу дозасы

* Инфузияның жылдамдығы мен көлемі пациенттің жасына, дене салмағына, клиникалық және метаболизмдік жағдайларына, қосалқы терапияға байланысты және оны балаларда вена ішілік инфузиялық терапияда тәжірибесі бар дәрігер-кеңесші айқындауы тиіс.

ЕСКЕРТПЕ. Гемодилюцияны болдырмау үшін ұсынылған доза шегіндегі ең көп көлемді 24 сағат ішінде енгізу керек.

Инфузияның максималды жылдамдығы пациенттегі глюкозаның тотығу жылдамдығынан аспауы керек, өйткені бұл гипергликемияны тудыруы мүмкін.

Пациенттің клиникалық жағдайына байланысты жағымсыз осмотикалық диурез қаупін төмендету үшін ұсынылғаннан төмен инфузия жылдамдығын қолдануға болады.

Вена ішілік енгізу үшін үйлесімді терапевтік заттарды сұйылту немесе жеткізу үшін қолданылған кезде, қосымша терапевтік заттарды қолдану жөніндегі нұсқаулар әр терапия үшін тиісті көлемді анықтайды.

5% глюкоза ерітіндісі

Ерітінді вена ішіне енгізуге арналған (шеткері немесе орталық венаға).

Вена ішілік инфузия арқылы енгізу үшін қосымша терапевтік заттарды сұйылту және жеткізу үшін қолданылған кезде, қосымша терапевтік заттарды қолдану бағыты әр терапия үшін тиісті көлемді белгілейді.

Глюкоза, инфузияға арналған 5% ерітінді изоосмотикалық ерітінді болып табылады.

10% глюкоза ерітіндісі

Инфузия әдетте шеткері немесе орталық вена арқылы жүзеге асырылады.

Глюкоза, инфузияға арналған 10% ерітінді гипертониялық ерітінді болып табылады.

Соңғы аралас инфузиялық ерітіндінің осмолярлығын шеткері енгізу кезінде ескеру қажет. Құрамында глюкозасы бар препараттарды енгізуді бастаған кезде енгізу жылдамдығының біртіндеп артуын ескеру керек.

Симптомдары: жағымсыз әсерлердің айқын симптомдары. Гипергликемия пайда болуы мүмкін. Глюкоза құрамы жоғарылағанда (55 ммоль/л-ден жоғары, кейде 100 ммоль/л-ге дейін және жоғары) гиперосмолярлы кома және шок туындауы мүмкін. Бұл жағдайлардың патогенезінде су және электролиттердің қан ағымына осмостық ығысуы, сондай-ақ полиурия маңызды рөл атқарады. Мұнда күрт дегидратация және жасушалық сусыздану, гемоконцентрация, қан коагуляциясы жүйесінің белсенділенуі дамиды, ол артериялар мен веналарда жергілікті және диссеминацияланған тромб түзілуін жиі туындатады.

Емі: симптоматикалық.

Постмаркетингтік бақылау деректері бойынша глюкозаны қабылдаған пациенттерде байқалған жағымсыз әсерлер төменде келтірілген.

Жағымсыз реакциялардың жиілігін анықтау мынадай критерийлер бойынша жүргізіледі: өте жиі (≥ 1/10), жиі (≥1/100 – 1/10), жиі емес (≥1/1000 1/100), сирек (≥1/10000 - 1/1000), өте сирек (1/10000), белгісіз (қолда бар деректер негізінде анықтау мүмкін емес)

Жағымсыз реакциялар тізімі

Белгісіз:

- анафилактикалық реакция*, жоғары сезімталдық*

- электролиттер теңгерімсіздігі, гипокалиемия, гипомагнемия, гипофосфатемия, гипергликемия, дегидратация, гиперволемия, госпитальдық гипонатриемия**

- гипонатриемиялық энцефалопатия**

- бөртпе

- веноздық тромбоз, флебит

- полиурия

- қалтырау*, пирексия*, инфузия орнындағы инфекция, инфузия орнындағы тітіркену, мысалы, эритема, экстравазация, жергілікті реакция, жергілікті ауырсыну

* Жүгеріге аллергиясы бар пациенттерде ықтимал көріністер.

**Госпитальдық гипонатриемия, жедел гипонатриемиялық энцефалопатияның дамуы салдарынан мидың қайтымсыз зақымдануына және өлімге әкелуі мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

ҚР ДСМ Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 л препараттың құрамында

белсенді зат - 50.0 г немесе 100.0 г сусыз глюкоза

қосымша зат - инъекцияға арналған су.

Түссіз мөлдір сұйықтық

100, 200, 250, 400 және 500 мл препараттан резеңке төсемесі бар полипропилен қақпақшамен тығындалған және құтыға дәнекерленген ашуға арналған үзбелі сақинасы бар қалпақшамен қамтылған, ұстатқыш-ілмегі бар, 100 (100 мл-ге арналған), 200, 250 (200 және 250 мл-ге арналған), 400, 500 (400 және 500 мл-ге арналған) бөліктерге бөлінген полипропиленнен жасалған құтыда.

30, 40, 100 немесе 120 құтыдан медициналық қолдану жөніндегі қазақ және орыс тіліндегі нұсқаулықпен бірге құтылар санына сәйкес мөлшерде картон қорапқа салынған немесе әрбір құты заттаңбасында QR-код қолданылады. QR-кодта тұтынушы үшін қазақ және орыс тіліндегі медициналық қолдану жөніндегі нұсқаулық қолжетімді болады.

3 жыл.

Жарамдылық мерзімі өткеннен кейін қолдануға болмайды!

Жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Kelun-Kazpharm» (Келун-Казфарм), ЖШС, Қазақстан,

Алматы облысы, Қарасай ауданы, Елтай а/о, Көкөзек а. 1147,

тел/факс: 8 (727) 312-14-01, e-mail: kelun_reg@mail.ru

«Kelun-Kazpharm» (Келун-Казфарм), ЖШС, Қазақстан,

Алматы облысы, Қарасай ауданы, Елтай а/о, Көкөзек а. 1147,

тел/факс: 8 (727) 312-14-01, e-mail: kelun_reg@mail.ru

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Kelun-Kazpharm» (Келун-Казфарм), ЖШС, Қазақстан,

Алматы облысы, Қарасай ауданы, Елтай а/о, Көкөзек а. 1147,

тел/факс: 8 (727) 312-14-01, e-mail: kelun_reg@mail.ru