Гэвкамен мазь по 25 г (туба)

Сыртқа қолдануға арналған жақпамай

Сүйек-бұлшықет жүйесі. Буын және бұлшықет ауыруы кезінде жергілікті қолдануға арналған препараттар. Басқалар.

АТХ коды M02AX10

Невралгияда, миалгияда, артралгияда аулақтатқыш және ауыруды басатын дәрі ретінде.

Қолдануды бастағанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық;

- жалбыздың, қалампыр ағашының, эвкалипттің эфир майларына, мирт тұқымдастары өсімдіктеріне жоғары сезімталдық;

- тері беткейі бүтіндігінің бұзылуы;

- балалар мен 18 жасқа дейінгі жасөспірімдер;

- дәрілік затты жаққан бөліктерде тері ауруларының (пиодермия, дерматит, экзема) болуы;

- анамнездегі эпилепсия, құрысулар (оның ішінде фебрильді), бронх түйілуіне бейімділік, бронх демікпесі, көкжөтел;

- жүктілік және лактация кезеңі.

Жақпамайдың көзге және шырышты қабаттарға тиіп кетуінен сақ болу керек. Жақпамайды зақымданған теріге жағуға болмайды. Терінің қатты тітіркенуінде жағуға болмайды.

Гэвкамен жақпамайының жүйелі сіңуінің төмен болуымен байланысты дәрілік өзара әрекеттесудің даму қаупі жоғары емес.

Дегенмен препараттың құрамына енетін терпендік компоненттер басқа дәрілік препараттарды метаболиздейтін бауырдың микросомальді ферменттерінің индукторлары болып табылатынын ұмытпау керек. Сондықтан Гэвкамен жақпамайымен бірге қолданылатын басқа дәрілік препараттар тиімділігінің әлсіреу ықтималдығы болуы мүмкін. Жергілікті қолдануға арналған қабынуға қарсы стероидты емес дәрілермен бір мезгілде қолданған кезде олардың тиімділігі мен жаққан жердегі жұмсақ тіндерге ену тереңдігін арттырады.

Диметилсульфоксидті Гэвкамен жақпамайымен бір мезгілде жаққан кезде оның құрамына енетін эфир майлары компоненттерінің жүйелі сіңуін күшейтеді және жаққан жердегі жұмсақ тіндерге ену тереңдігін арттырады.

Арнайы ескертулер

Жүктілік немесе лактация кезінде

Гэвкамен жақпамайын жүктілік пен лактация уақытында қолдану ана үшін пайда мен шарана/бала үшін қауіпті мұқият бағалаудан кейін ғана мүмкін болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Гэвкамен жақпамайы көлік құралдарын және қауіпті механизмдерді басқару қабілетіне әсер етпейді.

Дозалау режимі

Жақпамайды буындар аймағындағы зақымданған жерлерге немесе бұлшықеттерге күніне 2-3 рет 2-4 грамнан (ұзындығы 2-4 см жақпамай жолақтарына сәйкес келеді), жақпамай жағылған жерлерді аздап сылай отырып, жұқалап жағады.

Енгізу жолы және тәсілі

Препарат сыртқа қолдануға арналған.

Препаратты қолданғаннан кейін қолыңызды мұқият жуыңыз. Жақпамайдың көзге және шырышты қабаттарға тиіп кетуінен сақ болу керек.

Емдеу ұзақтығы

Емдеу курсының ұзақтығы 3-5 күнді құрайды, қажет болғанда курстарды 2-3 күн аралығымен қайталайды, ол аурудың ауырлығы мен ағымына және қосымша емнің сипатына байланысты.

Препаратты дұрыс қолданғанда артық дозалануы ықтималдығы аз, бұл оның жүйелі сіңуінің төмендігімен байланысты.

Жақпамайды кездейсоқ жұтып қойған кездегі симптомдар: қыжыл, іштің ауыруы, жүрек айнуы, құсу, бас айналуы,  брадикардия, АҚ төмендеуі, бағдардан жаңылу, сананың шатасуы, бұлшықет әлсіздігі, миоз, құрысу. Емі: асқазанды шаю, энтеросорбенттерді қабылдау, демеуші және симптоматикалық ем. Спецификалық антидоты жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Бұл препаратты әрдайым дәрігердің нұсқауы бойынша қолданыңыз. Егер сіз бір нәрсеге сенімді болмасаңыз, дәрігермен кеңесіңіз.

Жүйке жүйесі тарапынан: жақпамайды зақымданған теріге жаққанда оның сіңуі және бас ауыруы, атаксия, бағдарсыздық – ауыр жағдайларда, сананың шатасуы, әлсіздік дамуы мүмкін.

Тері жабындары мен тері асты-майлы шелдері тарапынан: перианальді қышыну, терінің тітіркенуі, жақпамай жаққан жердегі экзема.

Ас қорыту жүйесі тарапынан: жақпамайды ішке кездейсоқ қолданған кезде – іштің ауыруы, жүрек айнуы, құсу.

Жүрек-қантамыр жүйесі тарапынан: жақпамайды зақымданған теріге жаққанда оның сіңуі және жүрек қағуының дамуы, брадикардия, жүрек ырғағының бұзылуы мүмкін.

Аллергиялық реакциялар: терінің тітіркенуі, эритема, бөртпе, пиллинг, қышу, терінің түсінің өзгеруі, есекжем, байланыс дерматиті, бронхоспастикалық реакциялар.

Құрамында камфора болуына байланысты бас ауыруы, бас айналуы, құрысу болуы мүмкін.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір сықпаның (25 г) ішінде:

белсенді заттар -левоментол 4.5 г, рацемиялық камфора 2.5 г, эвкалипт майы 2.5 г, қалампыр майы 0.25 г.

қосымша заттар -қатты мұнай парафині, жұмсақ ақ парафин.

Ақ немесе сарғыш реңді ақ түсті, өзіне тән иісі бар жақпамай.

25 г алюминий сықпаларда. Әрбір сықпа медициналық қолдану жөніндегі мемлекеттік және орыс тіліндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептсіз.

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев көшесі, 64, тел/факс +375(177)734043, market@borimed.com

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев көшесі, 64, тел/факс +375(177)734043, market@borimed.com

Қазақстан Республикасы, 483110 Қаскелең қ-сы, Бокин к-сі 58, «ИртерФармасьютикал» ЖШС, тел: 8 800 777 8604, тел: +7 (495) 799-21-86,

Е-mail: kazakhstan@drugsafety.ru