Гербион Сироп Первоцвета по 150 мл (флакон)

Дәрілік препаратты медициналық қолдану

қолдану жөніндегі нұсқаулық (Қосымша парақ)

Саудалық атауы

Гербион® наурызгүл шәрбаты

Халықаралық патенттелмеген атауы

Жоқ

Дәрілік түрі, дозалануы

Шәрбат

Фармакотерапиялық тобы

Респираторлық жүйе. Жөтел және суық тию аурулары кезінде қолданылатын препараттар. Экспекторанттар, жөтелді бәсеңдететін біріктірілімді қоспағанда. Қақырық түсіретін препараттар. Қақырық түсіретін препараттардың біріктірілімі

АТХ коды R05CA10

Қолданылуы

Препарат қақырықтың түсуін жеңілдету үшін қолданылады:

- бөлінуі қиын, қою қақырықпен қатар жүретін тыныс алу жолдарының қабыну аурулары (бронхит, фарингит) кезінде

- жөтелмен қатар жүретін суық тию және тұмау кезінде

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе қосымша заттардың кез келгеніне аса жоғары сезімталдық

- тұқым қуалайтын фруктоза көтере алмаушылығы, глюкоза-галактоза мальабсорбциясы синдромы және туа біткен сахараза-изомальтаза жеткіліксіздігі

- асқазанның шырышты қабығының қабынуы (гастрит) және асқазанның ойық жарасы

- 4 жасқа дейінгі балалар

- жүктілік және лактация кезеңі

- бастан өткерген жедел обструктивті ларингиттен (қыспақ) кейін балалар

- бронх демікпесі

Қолдану кезіндегі қажетті сақтық шаралары

Гербион® наурызгүл шәрбатын жөтелге қарсы препараттармен және қақырық түзілуін азайтатын дәрілік заттармен бір мезгілде қолдануға болмайды, себебі олар сұйылған қақырықты жөтеліп шығаруды қиындатады.

Қант диабеті

Шәрбаттың құрамында сахароза бар, сондықтан қант диабетіне шалдыққан пациенттерге ұсынылмайды.

Басқа дәрілік препараттармен өзара әрекеттесуі

Препараттың басқа дәрілік заттардың ықпалына әсері туралы деректер жоқ. Препараттың ықпалына тағамның әсері туралы хабарланған жоқ.

Арнайы ескертулер

Кейбір ингредиенттер туралы арнайы ақпарат

Гербион® наурызгүл шәрбатының құрамында сахароза бар. Фруктоза көтере алмаушылығы, глюкоза-галактоза мальабсорбциясы немесе сахароза-изомальтаза тапшылығы сияқты сирек тұқым қуалайтын бұзылулары бар пациенттерге бұл препаратты қабылдауға болмайды.

Метилпарагидроксибензоат (E218) аллергиялық реакцияларды (мүмкін кешіктірілген түрін) туындатуы ықтимал.

Педиатрияда қолданылуы

Препаратты 4 жасқа дейінгі балаларға қолдану бойынша деректер жоқ.

Жүктілік немесе лактация кезінде

Жүктілік немесе бала емізу кезінде Гербион® наурызгүл шәрбаты препаратын қолдану туралы деректер жоқ. Осы кезеңде препаратты қолдану қарсы көрсетілімді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Қолдану жөніндегі ұсынымдар

Дозалау режимі

Ересектер мен 16 жастан асқан балалар - 2 өлшеуіш қасықтан күніне 3-4 рет

10 жастан 16 жасқа дейінгі балалар – 1-2 өлшеуіш қасықтан күніне 3 рет.

4 жастан 10 жасқа дейінгі балалар- шәрбаттың 1 өлшеуіш қасығынан күніне 3 рет.

Емдеу курсы 5-7 күн.

Пациенттердің ерекше топтары

Балалар

4 жасқа дейінгі балаларда қолдану тәжірибесі жоқ.

Енгізу әдісі мен жолы

Ішуге арналған.

Емдеу кезінде шай немесе жылы сұйықтықты көп ішу ұсынылады, бірақ шәрбатты қабылдағаннан кейін бірден емес.

Пайдаланар алдында шайқау керек!

Артық дозалану жағдайында қабылдануы қажет шаралар

Препараттың артық дозалануы туралы хабарламалар жоқ.

Құрамында сапониндер немесе сапониндер экстрактісі бар препараттарды үлкен дозада ішке қабылдаған кезде жүрек айнуы, құсу және диарея түрінде байқалатын асқазан-ішек жолының бұзылуын туындатуы мүмкін.

Емі: белсендірілген көмірді қолдану, асқазанды шаю.

Дәрілік препараттың бір немесе бірнеше дозасын өткізіп алған кездегі қажетті шаралар

Өткізіп алған дозаны толықтыру үшін қосарлы дозаны қабылдауға болмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар

Осы дәрілік препаратты қолдану бойынша қосымша сұрақтар туындаған жағдайда дәрігерге немесе фармацевтке кеңес алу үшін жүгінген жөн.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Сирек (≥1/10,000, <1/1,000)

- аллергиялық реакциялар (терінің қышынуы, бөртпе)

Өте сирек (<1/10,000)

- жүрек айнуы, құсу, диарея

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласуыңыз керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

5 мл шәрбаттың құрамында

белсенді зат - 3,08 г наурызгүл (бәйшешек) (Primula veris L. және/немесе Primula elator (L.) Hill) тамыры және жебіршөп (Thymus vulgaris L. және/немесе Thymus zygis L.) шөбі қоспасының сұйық сулы экстрактісі (0,22 г – 0,51 г наурызгүл тамырына және 0,62 г жебіршөп шөбіне баламалы)

қосымша заттар: левоментол, сахароза, метилпарагидроксибензоат

Сыртқы түрінің, иісінің, дәмінің сипаттамасы

Өзіне тән иісі мен дәмі бар қоңыр түсті шәрбат. Табиғи субстанцияларға  тән, елеусіз шөгінді байқалуы мүмкін.

Шығарылу түрі және қаптамасы

150 мл шәрбаттан алғашқы ашылуы бақыланатын бұралатын пластик қақпағы бар күңгірт шыныдан жасалған шыны құтыларға құйылады.

1 құты өлшеуіш қасықпен және медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл.

Құтыны ашқаннан кейінгі қолдану мерзімі – 3 ай.

Жарамдылық мерзімі өткеннен кейін қолдануға болмайды!

Сақтау шарттары

30 °C-ден аспайтын температурада сақтау керек.

Ашылмаған және ашылған түрде құтыны тоңазытқышта сақтауға болмайды.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

КРКА, д.д., Ново место

Шмарьешка цеста 6, 8501 Ново место, Словения

Тіркеу куәлігінің ұстаушысы

КРКА, д.д., Ново место

Шмарьешка цеста 6, 8501 Ново место, Словения

тел.: +386 7 331 21 11

факс: +386 7 332 15 37

info@krka.biz

Қазақстан Республикасы аумағында тұтынушылардан дәрілік заттың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«КРКА Қазақстан» ЖШС

Қазақстан Республикасы, 050040, Алматы қ., Шағын ауданы КӨКТЕМ-1, үй 15А, офис 601

тел.: +7 (727) 311 08 09

info.kz@krka.biz