Гепариновая мазь Нижфарм д/наруж. прим. по 25 г (туба)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Гепарин жақпамайы

Халықаралық патенттелмеген атауы

Жоқ

Дәрілік түрі, дозасы

Сыртқа қолдануға арналған жақпамай, 100 ХБ/г + 40 мг/г + 0.8 мг/г

Фармакотерапиялық тобы

Жүрек-қантамыр жүйесі. Вазопротекторлар. Варикозға қарсы ем. Жергілікті қолдануға арналған гепарин немесе гепариноидтар. Гепарин, біріктірілімдер АТХ коды С05ВА53

Қолданылуы

Препарат ересектерге қолдануға арналған:

- беткейлік вена тромбофлебиті профилактикасында және емінде

- постинъекциялық және постинфузиялық флебитте

- сыртқы геморройда, босанудан кейінгі геморроидальді түйіндердің қабынуында

- лимфедемада (күпсектік)

- беткейлік перифлебитте

- лимфангиитте

- беткейлік маститте

- оқшауланған инфильтраттар және ісінулерде

- тері жабындылары тұтастығы бұзылуынсыз жарақаттар және соғулар (оның ішінде бұлшықет тіндерінің, сіңірлерде, буындарда)

- тері асты гематомасында

Препарат 1 жастан асқан балаларға қолдануға арналған:

- оқшауланған инфильтраттар және ісінулерде

- тері жабындылары тұтастығы бұзылуынсыз жарақаттар және соғулар (оның ішінде бұлшықет тіндерінің, сіңірлерде, буындарда)

- тері асты гематомасында

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- әсер етуші затқа немесе «Дәрілік препараттың құрамы» бөлімінде аталған қосымша заттардың кез келгеніне аса жоғары сезімталдық

- зақымданған аумақтың тері жабындарының тұтастығының бұзылуы (инфекция жұқтырған ашық жарақат, ойық жаралы-некроздық үдерістер)

- 1 жасқа дейінгі балаларға

Қолдану кезінде қажетті сақтық шаралары

Тромбоцитопенияда және қанағыштыққа жоғары бейімділікте сақтықпен қолдану керек.

Гепарин жақпамайын үлкен аумақтарға ұзақ уақыт қолданғанда және бір мезгілде қан ұю жүйесіне және/немесе қан түзілуіне әсер ететін пероральді дәрілік заттар қабылдағанда қан ұю уақытын және протромбиндік уақытты бақылау керек.

Ұзақ емдеу курсында және жүкті әйелдерде және 65 жастан асқан әйелдерде үлкен зақымдану аумағында ем қажет болғанда осыған ұқсас бақылау ұсынылады.

Іріңді үдерістер болғанда ашық жараға жағуға болмайды.

Веналық терең тромбоздарда жақпамай қолдану ұсынылмайды.

Препарат құрамына кіретін метилпарагидроксибензоат және пропилпарагидроксибензоат аллергиялық реакцияны (оның ішінде кейінірек байқалатын) туындатуы мүмкін.

Басқа дәрілік препараттармен өзара әрекеттесуі

Жақпамайды қабынуға қарсы стероидты емес препараттармен (ҚҚСП), тетрациклиндермен, H1-гистаминді рецепторлар блокаторларымен жергілікті бір уақытқа тағайындамайды.

Арнайы ескертулер

Педиатрияда қолдану

1 жасқа дейінгі балаларға қолдануға болмайды.

Жүктілік немесе лактация кезінде

Препаратты жүктілікте және лактация кезеңінде қолдану қауіпсіздігі анықталмаған. Гепарин плацентарлық бөгет арқылы өтпейді және емшек сүтімен бөлінбейді. Емшек сүтіне препараттың басқа компоненттерінің түскені туралы мәліметтер жоқ.

Гепарин жақпамайын жүктілік кезінде және емшек емізу кезеңінде дәрігермен кеңескеннен кейін ғана қолданылады.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автомобиль немесе қауіптілігі зор механизмдерді басқару қабілетіне әсер етпейді.

Қолдану жөніндегі нұсқаулар

Дозалау режимі

Жақпамайды зақымданған аумаққа диаметрі әр 3-5 см орынға 0,5-1г жақпамай есебімен (2-4 см жақпамай) жұқа қабатпен жағады және ақырындап теріге ысқылайды.

Сыртқы геморроидальді түйіндер тромбозында тікелей тромбоздалған түйіндерге жақпамайды бөз немесе мата төсенішке жағып төсейді және бекітеді. Осы мақсатпен артқы өтіс жолына енгізетін Гепарин жақпамайы сіңірілген ректальді тампондарды қолданады.

Енгізу әдісі және жолы

Сыртқа.

Емдеу ұзақтығы

Жақпамайды күн сайын күніне 2-3 рет қабыну құбылыстары жойылғанша, орташа 3-тен 7 күнге дейін қолданады. Бұдан ұзағырақ ем жүргізу мүмкіндігін дәрігер анықтайды.

Сыртқы геморройлық түйіндердің тромбозы кезінде жақпамайды күн сайын симптомдары жойылғанша, орташа есеппен 3-тен 14 күнге дейін қолдану керек.

Дәрілік препаратты қолдану тәсілін түсіндіру үшін медициналық қызметкерге кеңес алу үшін жүгіну бойынша ұсынымдар

Егер Сізде осы препаратты қолдану туралы қосымша сұрақтар туындаса, кеңес алу үшін дәрігерге немесе медбикеге жүгініңіз.

Дәрілік препараттың стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Белгісіз:

- аллергиялық реакциялар (тері бөртпесі, қышыну)

- тері гиперемиясы, қолданған орындағы сезімталдықтың төмендеуі

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір грамм жақпамайдың құрамында

белсенді заттар: натрий гепарині 100 ХБ (натрий гепарині 120 ХБ/мг белсенділігі 0,833 мг),

бензокаин – 40 мг,

бензилникотинат – 0,8 мг,

қосымша заттар: глицерол, вазелин, стеарин қышқылы 50, шабдалы майы, эмульгатор № 1, метилпарагидроксибензоат, пропилпарагидроксибензоат, тазартылған су.

Сыртқы түрінің, иісінің, дәмінің сипаттамасы

Ақтан сарғыш реңді ақ түске дейінгі жақпамай

Шығарылу түрі және қаптамасы

25 г препараттан алюминий немесе ламинатты полиэтилен сықпаға салынған.

Әрбір сықпа медициналық қолдану жөнінде мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

3 жыл

Жарамдылық мерзімі өткеннен кейін қолдануға болмайды!

Сақтау шарттары

25 °С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәлімет

«Нижфарм» АҚ, Ресей Федерациясы

603105, Нижний Новгород қ.,

Салганская көш., 7

тел.: (831) 278-80-88

e-mail: med@stada.ru

Тіркеу куәлігінің ұстаушысы

«Нижфарм» АҚ, Ресей Федерациясы

603105, Нижний Новгород қ.,

Салганская көш., 7

тел.: (831) 278-80-88

e-mail: med@stada.ru

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«STADA Kazakhstan» ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: (727) 2222-100

e-mail: almaty@stada.kz