Фервекс со вкусом лимона порошок д/внут. прим. по 4,95 г №8 (пакетики)

Фервекс

Жоқ

Ішке қабылдау үшін ерітінді дайындауға арналған лимон дәмі бар ұнтақ

Анальгетиктер. Басқа анальгетиктер және антипиретиктер. Анилидтер. Біріктірілген парацетамол, психолептиктерді қоспағанда.

ATХ коды: N02BE51

Ересектерде суық тию, ринит, ринофарингит және тұмау симптомдарын емдеу үшін (15 жас және одан асқан, дене салмағы 50 кг және одан асатын):

- мұрыннан түссіз бөліністер және көзден жас ағу

- түшкіру

- бас ауыруы және/немесе қызба.

Қолдану басталғанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса жоғары сезімталдық

- гепатоцеллюлярлық жеткіліксіздік

- жабық бұрышты глаукома қаупі

- қуықасты безі функциясының бұзылуымен байланысты несеп іркілу қаупі

- 15 жасқа дейінгі балалар

- жүктілік, лактация кезеңі

- аспартамның болуына байланысты фенилкетонурия.

Қолдану кезіндегі қажетті сақтау шаралары

Артық дозалану қаупін болдырмау үшін парацетамолдың және/немесе фенираминнің және/немесе С дәруменінің, оның ішінде рецептісіз босатылатын басқа дәрілік заттардың болмауын тексеріңіз.

Ауыр немесе ұзаққа созылған қызба, суперинфекция симптомдары пайда болған немесе 5 күн бойы симптомдардың тұрақтылығы жағдайында емдеуді қайта қарау керек.

Психологиялық тәуелділік қаупі бұл ұсынылған мөлшерден асатын дозаларда және ұзақ мерзімді емдеуде ғана пайда болуы мүмкін.

Артық дозалану қаупін болдырмау үшін қажет

- басқа дәрілік препараттардың құрамында, оның ішінде тағайындаусыз қабылданатын дәрілік препараттардың құрамында парацетамол жоқтығына көз жеткізу;

- ең жоғары ұсынылатын дозаларды сақтау

Ауыр тері реакцияларының өте сирек жағдайлары тіркелді. Пациентке осы тері реакцияларының ерте белгілері туралы хабарлау қажет, ал тері бөртпесі немесе аса жоғары сезімталдықтың басқа белгілері басталған кезде емдеуді тоқтату қажет.

Парацетамолды мына пациенттер сақтықпен қолдануы керек

- дене салмағы 50 кг-нан кем;

- ауырлығы жеңіл және орташа дәрежедегі гепатоцеллюлярлық жеткіліксіздікпен;

- бүйрек жеткіліксіздігі;

- созылмалы алкоголизм;

- созылмалы тойып тамақтанбау (бауыр глутатионы қорының төмен деңгейі);

- сусыздану.

Егер жедел вирустық гепатит анықталса, емдеуді тоқтату керек.

Емдеу кезінде антигистаминдердің тыныштандыратын әсерін күшейтетін алкогольдік сусындар мен тыныштандыратын дәрілер (әсіресе барбитураттарды) тұтынудан аулақ болу керек.

С дәруменін темір метаболизмі бұзылған пациенттерге және глюкоза-6-фосфат-дегидрогеназа тапшылығы бар пациенттерге сақтықпен қолдану керек.

Бұл дәрілік препараттың құрамында әр пакетте 50 мг аспартам бар. Аспартам - фенилаланиннің көзі. Егер сізде фенилкетонурия (ФКУ) болса, бұл зиянды болуы мүмкін, сирек кездесетін генетикалық ауру, онда фенилаланин ағзадан дұрыс шығарыла алмайтындықтан жиналады

Парацетамолмен байланысты

Қолдану кезінде сақтық шараларын сақтауды талап ететін біріктірілімдер

К ДӘРУМЕНІНІҢ АНТАГОНИСТЕРІ

Егер парацетамол ең жоғары дозада (тәулігіне 4 г) кем дегенде 4 күн қабылданса, пероральді антикоагулянттар әсерінің жоғарылауы және қан кету қаупі бар.

Халықаралық қалыптасқан қатынасты (ХҚҚ) үнемі бақылап отыру керек. Ацетаминофенмен емдеу кезінде және оны тоқтатқаннан кейін антикоагулянттың дозасы түзетілуі мүмкін.

Парацетамолды қабылдау әдеттен тыс жоғары концентрация жағдайында оксидаза-пероксидаза әдісімен глюкозаға қан талдауының нәтижелерін бұрмалауы ықтимал.

Парацетамолды қабылдау фосфор вольфрам қышқылы әдісін қолдана отырып қандағы несеп қышқылын сандық анықтауда қателіктер тудыруы мүмкін.

Фенирамин малеатымен байланысты

Ұсынылмайтын біріктірілімдер

Спирт (спирттік ішімдіктер түрінде немесе қосымша зат ретінде)

Спирт H1 антигистаминінің седативті әсерін күшейтеді. Зейін қоюдың бұзылуы көлік құралын жүргізу мен механизмдерді басқаруды қауіпті етуі мүмкін.

Спирттік ішімдіктерді немесе құрамында спирт бар дәрілік препараттарды тұтынудан аулақ болу керек.

Натрий оксибутираты

ОЖЖ бәсеңдеуі артады. Зейін қоюдың бұзылуы көлік құралын жүргізу мен механизмдерді басқаруды қауіпті етуі мүмкін.

Назар аудару керек біріктірілімдер

Басқа седативті дәрілер: морфин туындылары (анальгетиктер, жөтелге қарсы препараттар және орын басу емі), нейролептиктер, барбитураттар, бензодиазепиндер, бензодиазепиндерден ерекшеленетін ансиолитиктер (мысалы, мепробамат), ұйықтататын дәрілер, седативті антидепрессанттар (амитриптилин, доксепин, миансерин, миртазапин, тримипрамин), седативті H1-антигистаминді дәрілер, орталыққа әсер ететін гипертензияға қарсы препараттар, баклофен және талидомид.

ОЖЖ бәсеңдеуі артады. Зейін қоюдың бұзылуы көлік құралын жүргізу мен механизмдерді басқаруды қауіпті етуі мүмкін.

Басқа атропиндік дәрілер: имипраминдік антидепрессанттар, атропиндік H1-антигистаминді дәрілердің көпшілігі, паркинсон ауырына қарсы антихолинергиялық дәрілер, атропинді түйілуге қарсы дәрілер, дизопирамид, фенотиазинді нейролептиктер және клозапин.

Атропиндік жағымсыз құбылыстарға қосымша несеп іркілуі, констипация, ауыздың құрғауы сияқты.

Антихолинэстеразды дәрілер

Атропиндік препараттарға байланысты ацетилхолин рецепторларының антагонизмі арқылы антихолинэстераздардың тиімділігін төмендету қаупі.

Апиындар

Ауыр іш қатумен ішек моторикасы бұзылуының елеулі қаупі.

Препарат құрамында әр пакетте 50 мг аспартам болады. Аспартам - фенилаланиннің көзі. Егер сізде фенилкетонурия (ФКУ) болса, бұл зиянды болуы мүмкін, сирек кездесетін генетикалық ауру, онда фенилаланин ағзадан дұрыс шығарыла алмайтындықтан жиналады.

Препарат құрамында спирт (этанол) іздері (3 мг) бар, бір пакетке 100 мг-нан аз.

Жүктілік және лактация кезеңі

Жүктілік және бала емізу немесе жүктілікті жоспарлау кезінде дәрігермен кеңесу керек. Бұл дәрілік препаратты жүктілік және лактация кезінде қабылдау ұсынылмайды.

Дәрілік заттың көлікті және басқа қауіптілігі зор механизмдерді басқару қабілетіне әсер ету ерекшеліктері

Фервекс көлік құралын басқару қабілетіне және механизмдермен жұмыс істеуге қатты әсер етеді.

Әсіресе емнің басында осы дәрілік препаратпен байланысты ұйқышылдық қаупі туындауына назар аудару қажет.

Бұл әсер спирттік ішімдіктерді, құрамында спирт бар дәрілік препараттарды немесе седативтік дәрілік препараттарды тұтынған кезде артады.

Қолдану бойынша ұсынымдар

Дозалау режимі

Ересектер мен 15 жастан асқан балаларға

Бүйрек жеткіліксіздігі бар пациенттер

Бүйрек жеткіліксіздігі жағдайында және егер медициналық көрсетілімдер бойынша өзгеше тағайындалмаса, дозаны төмендету және келесі кестеге сәйкес екі қабылдау арасындағы аралықты ұлғайту ұсынылады:

Жалпы доза тәулігіне 3000 мг аспауы тиіс.

Мынадай жағдайларда тәулігіне 60 мг/кг (тәулігіне 3000 мг аспайтын) асырмай ең төменгі тиімді тәуліктік дозаны қарастыру қажет:

- дене салмағы 50 кг дейінгі ересектер;

- ауырлығы жеңіл және орташа дәрежедегі гепатоцеллюлярлық жеткіліксіздік;

- созылмалы алкоголизм;

- созылмалы тойып тамақтанбау (бауыр глутатионы қорының төмен деңгейі);

- сусыздану.

Ересектер мен дене салмағы 50 кг асатын балаларға парацетамолдың ең жоғары ұсынылатын дозасы тәулігіне 4 грамнан аспауы тиіс.

Енгізу әдісі мен жолы

Пероральді қолдану. Пакеттің ішіндегісін жеткілікті мөлшердегі ыстық немесе суық суда ерітіңіз. Тұмауға ұқсас жағдайларда препаратты ыстық суда ерітіп, кешке қабылдаған жөн.

Қабылдау уақыты көрсетілген қолдану жиілігі

Емдеудің ең көп ұзақтығы - 5 күн

Артық дозалану жағдайында қабылдануы қажет шаралар

Симптомдары

Жүрек айнуы, құсу, анорексия, бозару, қыжыл, диарея, іштің аумағының ауыруы, әдетте бірінші тәулікте пайда болады

Фенирамин малеатының артық дозалануы құрысу ұстамаларын (әсіресе балаларда), естен тану, кома тудыруы мүмкін.

С дәруменінің артық дозалануы асқазан-ішек жолдары бұзылыстарын (қыжыл, диарея, іштің ауыруы) тудыруы мүмкін.

Шұғыл медициналық көмек көрсету ем-шарасы:

- емдеуді тоқтату;

- пациентті дереу ауруханаға жеткізу;

- плазмада парацетамолдың бастапқы концентрациясын өлшеу үшін қан пробиркасын алу;

- асқазанды шаю арқылы қабылданған препаратты тез шығару;

- парацетамолдың артық дозалануын емдеу әдетте мүмкіндігінше тезірек, мүмкіндігінше қабылдағаннан кейін он сағатқа дейін, N-ацетилцистеин антидотын вена ішіне немесе пероральді енгізуді қамтиды;

- симптоматикалық емдеу.

Дәрілік препараттың бір немесе бірнеше дозасын өткізіп алған кездегі қажетті шаралар

Өткізіп алған дозаны толықтыру үшін екі еселенген дозаны қабылдауға болмайды.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер сізде осы дәрілік препаратты қолдану туралы қандай да бір сұрақтарыңыз болса, дәрігеріңізге хабарласыңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы қажет шаралар

Сирек

аса жоғары сезімталдық реакциялары (анафилаксиялық шок, ангионевроздық ісіну, эритема, есекжем, тері бөртпесі, қышыну, экзема, пурпура);

седативті әсері немесе ұйқышылдық, әсіресе емдеудің басында;

антихолинергиялық әсерлер: шырышты қабықтың құрғауы, іш қату, аккомодация бұзылулары, мидриаз, жүрек қағуының жиілеуі, несеп іркілуі қаупі;

ортостаздық гипотензия;

тепе-теңдіктің бұзылуы, вертиго, есте сақтау қабілетінің немесе зейін шоғырландырудың төмендеуі, бұл егде жастағы адамдарда жиі кездеседі;

қозғалыс үйлесімінің бұзылуы, дірілдеу, сананың шатасуы, елестеулер;

қоздырғыш әсері: үрейлі қозу, қозғыштықтың жоғарылауы, ұйқының бұзылуы.

Өте сирек

лейкоцитопения, нейтропения, тромбоцитопения, гемолиздік анемия;

ауыр тері реакциялары;

ХҚҚ теңгерімсіздігі.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір пакет (4,95 г) ішінде

белсенді заттар: парацетамол 0,500 г, аскорбин қышқылы 0,200 г фенирамин малеаты 0,025 г,

қосымша заттар: маннитол, сусыз лимон қышқылы, повидон, сусыз магний цитраты, аспартам Е 951, лимон хош иістендіргіші* 0,200 г.

* Лимон хош иістендіргіші: хош иіс беретін компоненттер (шамамен 5,5 %) - α-пинен; β-пинен, сабинен, мирцен, лимонен, γ-терпинен, пара-цимен, линалол, нераль, гераниаль, геранилацетат, гераниол;

басқа компоненттер (шамамен 94,5 %) - триацетин (E1518), модификацияланған крахмал (E1450), акация шайыры (E414), этанол.

Ақ немесе ақ дерлік түсті түйіршіктелген ұнтақ.

4,95 г-ден қағаз/Al/полиэтилен пакетте.

8 пакеттен медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

2 жыл.

Жарамдылық мерзімі өткеннен кейін қолдануға болмайды!

Егер пакет ашылған немесе жыртылған болса, қолдануға болмайды.

Ылғал мен жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

УПСА САС,

979 авеню де Пирене, 47520 Ле Пассаж, Франция.

Тел.: +33 (0)5 53 69 84 44

Электронды пошта: www.upsa.com

УПСА САС,

3 рю Жозеф Монье, 92500 Рюэй-Мальмэзон, Франция.

Тел.: + 33 (0) 1 71 23 95 00

Электронды пошта: www.upsa.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы мен мекенжайы

«Дельта Медикел Промоушнз АГ» АҚ (Швейцария) өкілдігі,

050010, Алматы қ., Медеу ауданы, Қазыбек би 20А, 308-кеңсе.

Тел. /факс: +7 (771) 504 54 13

Электронды пошта: quality@deltaswiss.eu