Фенистил Нью капли д/внутр. прим. 1 мг/мл по 20 мл (флакон)

Фенистил Нью

Диметинден

Ішуге арналған тамшылар, 1 мг/мл

Респираторлық жүйе. Жүйелі әсер ететін антигистаминдік препараттар. Орын алмастырған алкиламиндер. Диментинден.

АТХ коды R06AВ03

- маусымдық (пішен қызбасы) және жыл бойғы аллергиялық ринитте

- тағамдық және дәрілік аллергияда

- шығу тегі әр түрлі тері қышынуында (экзема, қышытатын дерматоздарда, желшешек, есекжем), холестазбен байланысты қышынуды қоспағанда

- жәндіктер шаққанда

- десенсибилизациялайтын емде аллергиялық реакциялардың профилактикасында

Қолдануды бастағанға дейін қажетті мәліметтер тізбесі

- диметинденге немесе қосымша заттардың кез келгеніне аса жоғары сезімталдық

- 1 айға дейінгі нәрестелерге, әсіресе шала туылғандарға

Пациенттерге мына жағдайларда абайлап қолдану керек:

- өкпеде созылмалы обструктивті аурулар болғанда

- несептің іркілуінде (мысалы, қуықасты безі гипертрофиясы кезінде)

- глаукомада

Эпилепсиясы бар пациенттер Н1- және Н2-рецепторлар антагонистерінің кез келгенін қабылдағанда абай болу керек.

Антигистаминді препараттар кіші жастағы балаларда және егде жастағы пациенттерде қозуды тудыруы мүмкін.

Фенистил Нью тамшысын қолданғанда 1 жасқа дейінгі балаларда абай болу керек: седативті әсер ұйықтаған кезде апноэ эпизодтарымен қатар жүруі мүмкін.

1 айдан 1 жасқа дейінгі балаларда антигистаминді препараттарға арналған көрсетілімдер бойынша тек дәрігердің тағайындауы бойынша қолдану керек.

Ұсынылған дозадан арттырмау керек.

Егде жастағы пациенттер үшін препаратты сақтықпен тағайындау керек, өйткені қозу немесе қатты шаршағыштық сияқты жағымсыз әсерлердің пайда болу мүмкіндігі артады. Санасы шатасқан егде жастағы пациенттерге қолдануға болмайды.

Ұсынылған доза немесе емдеу ұзақтығы дәрігерден кеңес алғаннан кейін ғана арттырылуы мүмкін.

1 мл Фенистил Нью (20 тамшылар) құрамында 100 мг пропиленгликоль және 1 мг бензой қышқылы бар.

1 мл Фенистил Нью құрамында 2,24 мг натрий бар, яғни «іс жүзінде құрамында натрий жоқ».

Орталық жүйке жүйесін бәсеңдететін екі немесе одан да көп дәрілік заттарды бір мезгілде қолдану, ОЖЖ депрессиялық әсердің күшеюіне әкеледі. Бұл жағымсыз және тіпті өмірге қауіпті салдарға әкелуі мүмкін. Мұндай препараттарға апиынды анальгетиктер, құрысуға қарсы препараттар, антидепрессанттар (трициклді және МАО тежегіштері), антигистаминді, құсуға қарсы препараттар, психозға қарсы және ұйықтататын дәрілер, анксиолитиктер, скополамин және алкоголь жатады.

Антигистаминдер трициклді антидепрессанттар мен антихолинергетиктердің (мысалы, бронходилататорлар, асқазан-ішектік спазмолитиктер, мидриатиктер, урологиялық антихолинергиялық препараттар сияқты) антимускариндік әсерін күшейтеді, глаукома мен несептің іркілуі қаупін арттырады.

ОЖЖ бәсеңдету немесе потенциалды әсер ету қаупін төмендету үшін прокарбазинді және антигистаминді препараттарды бір мезгілде қабылдауды сақтықпен тағайындау керек.

Педиатрияда қолдану

1 айдан 1 жасқа дейінгі балаларда антигистаминді препараттарға арналған көрсетілімдер бойынша тек дәрігердің тағайындауымен қолдану керек. Жүктілік немесе лактация кезеңінде

Жүкті әйелдерге диметинден малеатын қолдану күтілетін әсер шарана үшін болжанатын қауіптен асқан кезде ғана ұсынылады және тек қана дәрігердің бақылауымен ұсынылады. Сондықтан жүкті әйелдерге диметинден малеатын қабылдаудан бұрын дәрігермен кеңесу ұсынылады.

Диметинден емшек сүтіне бөлінетіні жоққа шығарылмайды. Емшекпен емізу кезінде қолдану ұсынылмайды.

Препараттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

Басқа антигистаминді дәрілер сияқты, Фенистил Нью кейбір пациенттерде реакция жылдамдығын төмендетуі мүмкін. Жоғары зейін қою және жылдам реакцияларды (автомобильді жүргізу, механизмдермен жұмыс істеу) қажет ететін қызмет түрімен айналысатын пациенттерге препаратты қабылдауға болмайды.

Дозалау режимі

Ересектер (егде жастағыларды қосқанда) және 12 жастағы және одан асқан балаларға: күніне 3 рет 20-40 тамшы. Тәуліктік доза 3-6 мг құрайды, 3 қабылдауға бөлінген.

1 айдан 12 жасқа дейінгі балалар: тәулігіне дене салмағының әр кг шаққанда 3 дозаға бөлінген 0,1 мг-ден (2 тамшы).

1 мл құрамында 20 тамшы (1 мг диметинден малеаты) бар

1 тамшы – 0,05 мг диметинден малеаты

Ішке.

Ұйқышылдыққа бейім пациенттерде, таңертеңгісін 20 тамшыдан және түнге қарай 40 тамшыдан қолдану ұсынылады.

1 айдан 1 жасқа дейінгі балаларда антигистаминді препараттарға арналған көрсетілімдер бойынша дәрігердің тағайындауы бойынша қолдану керек.

Ұсынылған дозадан арттыруға болмайды.

Фенистил Нью тамшысын қолданғанда 1 жасқа дейінгі балаларда абай болу керек: седативті әсер ұйықтаған кезде апноэ эпизодтарымен қатар жүруі мүмкін.

Фенистил Нью препаратын қыздыруға болмайды. Препаратты баланы тамақтандыру алдында бөтелкеге (ыстық емес сусынға) қосып немесе балаға сұйытылмаған түрде қасықпен беруге болады.

Дәрігердің кеңесінсіз 14 күннен артық қолдануға болмайды.

Артық дозаланған жағдайда қолданылуы керек шаралар

Симптомдары Н1-гистаминді рецепторлар блокаторларымен артық дозалау орталық жүйке жүйесінің (ОЖЖ) бәсеңдеуін және ұйқышылдықты (негізінен ересектерде), ОЖЖ-ны стимуляциялауды және антихолинергиялық әсерлерді (әсіресе балаларда) сонымен қатар, қозуды, атаксияны, тахикардияны, елестерді, тонусты-клонустық құрысуларды, мидриазды, ауыздың кеберсуін, беттің қызаруын, несептің іркілуін және қызбаны қамтиды. АҚ-ның төмендеуі, кома, коллапс болуы мүмкін.

Емі: симптоматикалық.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну керек.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Өте жиі

- шаршағыштықты сезіну

Жиі

- ұйқышылдық, күйгелектік

Сирек

- қозу жай-күйі

- бас ауыруы, бас айналуы

- ауыздың құрғауы/тамақтың құрғауы

- жүрек айнуы

- асқазан-ішек бұзылулары

Өте сирек

- анафилактоидты реакциялары (беттің, жұтқыншақтың ісінуі, бөртпе, бұлшықеттің түйілуі, ентігу)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз.

Қазақстан Республикасы Денсаулық сақтау министрлігі Медициналық мен фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді зат - 1 мг диметинден малеаты,

қосымша заттар: динатрий фосфат додекагидраты, лимон қышқылының моногидраты, бензой қышқылы, динатрий эдетаты, натрий сахарині, пропиленгликоль, тазартылған су.

Іс жүзінде иісі жоқ, түссіз, мөлдір сұйықтық

20 мл препараттан тығыздығы төмен полиэтиленнен жасалған және полипропилен қақпақтары, алғашқы ашылуы бақыланатын жүйесі бар тамшылатқыш-дозаторлармен жабдықталған немесе тығыздығы төмен полиэтиленнен жасалған және полипропилен қақпақтары, балалардың ашып алуынан қорғайтын және алғашқы ашылуы бақыланатын жүйесімен тамшылатқыш-дозаторлармен жабдықталған күңгірт шыны құтыға құйылған.

1 құты медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

Сақтау мерзімі

2 жыл

Жарамдылық мерзімі өткеннен кейін қолдануға болмайды!

25 оС-ден аспайтын температурада.

Балалардың қолы жетпейтін жерде сақтау керек!

Рецептісіз

Haleon CH SARL,

Route de l’Etraz 1260, Нион, Швейцария

Тел: +41(0)225672000

Факс: +41(0)225674842

Haleon CH SARL,

Route de l’Etraz 1260, Нион, Швейцария

Тел: +41(0)225672000

Факс: +41(0)225674842

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Haleon Kazakhstan» ЖШС

Алматы қ., Манас көш., 32А.

Тел. +7 (727) 2446999,

факс +7(727) 2446997

SafetyReportingEMEA@haleon.com (жағымсыз құбылыстар туралы хабарламалар үшін)

CIS.LOC-PQC@haleon.com (препараттың сапасына шағымдар туралы хабарламалар үшін)