Фенадол гель д/нар. прим. по 40 г (туба)

Гель 40 г

Сүйек-бұлшықет жүйесі. Буын және бұлшықет ауыруында жергілікті қолдануға арналған препараттар. Жергілікті қолдануға арналған қабынуға қарсы стероидты емес препараттар. Этофенамат.

АТХ коды М02АА06

Ересектерде сыртқы ауыру симптомдарын емдеу үшін:

- сіңірлердің, байламдардың созылуы кезіндегі қатты ауыруларда немесе аяқ-қолдардағы жарақаттан кейінгі (спорттық жарақат) гематомаларда

- гонартроз кезіндегі буындардың жұмсақ тіндеріне (бурситте, сіңірлердің, буын капсуласының ауыруында)

Қолдануды бастағанға дейін қажетті мәліметтер тізбесі

- әсер етуші затына немесе қосымша заттарының кез келгеніне аса жоғары сезімталдық

- балалар мен 18 жасқа дейінгі жасөспірімдерге

- ашық жаралар, қабынулар, тері инфекциялары, сондай-ақ, терідегі немесе шырышты қабықтардағы экзема

- жүктіліктің соңғы триместрі

Фенадол® препаратын тек белгілі бір шараларды сақтай отырып және мұқият медициналық қадағалаумен пайдалану қажет.

- Демікпесі, тыныс мүшелерінің созылмалы обструкциялық аурулары, пішен қызбасы, мұрынның шырышты қабығының созылмалы ісінуі (мұрын полипі), пішен қызбасын еске салатын клиникалық симптомдармен қатар жүретін тыныс мүшелерінің созылмалы обструкциялық аурулары, немесе тыныс жолдарының созылмалы инфекциясы бар пациенттер.

- Қабынуға қарсы стероидты емес / ауырғанды басатын басқа дәрілерге сезімталдығы жоғары пациенттер.

Демікпені еске салатын симптомдары бар (анальгетиктердің жақпаушылығы/анальгетиктік демікпе), тері мен шырышты қабықтардың жергілікті ісінуі немесе есекжем бар пациенттердегіге қарағанда, аталған пациенттердеде қауіп жоғарырақ.

- Тері реакциялары, терінің қышынуы немесе есекжем сияқты, және басқа заттарға аллергиялық реакцияларға бейім пациенттер.

Гельді қолданған кезде, сондай-ақ, қолданғаннан кейін екі апта бойы терінің өңделген беткейін күннің және/немесе солярийдің әсеріне ұшыратпау ұсынылады.

Егер препарат ұзақ уақыт бойы пайдаланылса және/немесе дененің ауқымды бөліктеріне жаққан кезде препараттың жүйелі сіңірілуі арта түседі. Сондықтан бұған жол бермеу керек.

Фенадол® гелінің көзге тиіп кетуінен сақтаныңыз. Көзге тиіп кеткен жағдайда, дереу мол сумен жуып тастау қажет.

Фенадол® жиһаздың немесе пластик беткейлердің зақымдануын немесе жылтыратылған түсінің өзгеруін туғызуы мүмкін. Сондықтан өнімді жаққаннан кейін қолды жуу және жоғарыда аталған материалдарға тигізбеу керек.

Анықталмаған

Балалар

Балаларда пайдаланылу тәжірибесі шектеулі. Фенадол® препаратын балалар мен 18 жасқа дейінгі жасөспірімдерге қолдану ұсынылмайды.

Егде жастағы пациенттер

Дозасын түзету қажет емес.

Бауыр жеткіліксіздігі бар пациенттер

Дозасын түзету қажет емес.

Бүйрек жеткіліксіздігі бар пациенттер

Дозасын түзету қажет емес.

Жүктілік немесе лактация кезінде

Ұрпақ өрбітетін жастағы әйелдер Фенадол препаратымен емделу кезінде жүкті болудан сақтануы немесе тиімді контрацепцияны пайдалануы керек. Фенадолды жүктіліктің бірінші және екінші триместрінде сақтықпен, пайдасы қаупінен асып түсетін жағдайда ғана қолдану керек. Ең жоғарғы тәуліктік дозасын арттырмаған дұрыс.

Жүктілік және лактация кезеңінде қолдану ұсынылмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Фенадол® көлік құралдарын және қауіптілігі зор механизмдерді басқару қабілетіне әсер етпейді.

Дозалау режимі

Зақымданған бөліктің ауданына байланысты, 5-10 см гельді (1,7-3,3 г гельге және 75-150 мг этофенаматқа баламалы) сығып шығару керек.

Жарақаттарды емдеу үшін ең жоғарғы тәуліктік дозасы 9 г гельді (450 мг этофенаматқа баламалы) құрайды.

Енгізу әдісі және жолы

Жергілікті қолдануға арналған.

Фенадол® гелі зақымданған беткейлерге жұқа қабаттап, теріге жаймен ысқылай отырып жағылады.

Гельді жаққаннан кейін ол теріде кебуі үшін бірнеше минут күте тұру керек.

Таңғышпен немесе бандажбен жабу ұсынылмайды.

Қабылдау уақыты көрсетілген қолданылу жиілігі

Фенадол тәулігіне 3 рет қолданылады.

Емдеу ұзақтығы

Сырқырап ауыратын (мысалы, спорттық) жарақаттарда әдетте, бір апталық ем жеткілікті. Ұзағырақ пайдаланудың емдік әсері расталмаған.

Көпшілік жағдайларда, ревматизм кезінде 3 аптадан 4 аптаға дейін емдеу жеткілікті. Егер симптомдары жойылмаса, ұзағырақ емдеудің қажет-қажет еместігін анықтау үшін дәрігерге жүгіну керек.

а) Фенадол® гелінің ішіндегісін қысқа уақыт мерзімі ішінде тері беткейіне түгел жаққан жағдайда, бас ауыруы, бас айналуы және/немесе эпигастрий аймағында жайсыздық туындауы мүмкін.

Емі: гельді тері беткейінен сумен дереу жуып тастау қажет.

б) Фенадол® гелі байқаусызда ішке кетіп қалған жағдайда, асқазанды шаю немесе құстыру және белсендірілген көмір беру қажет.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер Сізде осы препаратты қолдану жөнінде қосымша сұрақтарыңыз туындаса, дәрігермен немесе фармацевтпен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жағымсыз құбылыстардың жиілігін анықтау келесі критерийлерге сәйкес жүргізіледі: өте жиі (≥ 1/10), жиі (≥1/100 - < 1/10 дейін), жиі емес (≥1/1000 - < 1/100 дейін), сирек (≥ 1/10000 - < 1/1000 дейін), өте сирек (< 1/10000), белгісіз (қолда бар деректердің негізінде бағалау мүмкін емес)

Жиі емес

- терінің қызаруы, қышынуы, ашыту сезімі, бөртпе, кейде күлбіреуіктер немесе терідегі жергілікті есекжем реакциялары

Сирек

- аса жоғары сезімталдық реакциялары немесе жергілікті аллергиялық реакциялар (жанаспалы дерматит).

Өте сирек

- аллергиялық дерматит (қатты қышыну, бөртпе, эритема, ісіну, жарыққа сезімталдық реакциялары, буллездік бөртпелер)

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 г гельдің құрамында

белсенді зат - 50 мг этофенамат

қосымша заттар: қарағай эссенциясы, эвкалипт майы 773791, эмульгин М-8, полиэтиленгликоль 400, карбопол 980, триэтаноламин, изопропил спирті, тазартылған су.

Сыртқы түрінің, иісінің, дәмінің сипаттамасы

Мөлдір, хош иісі бар ашық-сары түсті гель

Бұрандалы полиэтилен қақпағы бар алюминий сықпаға 40 г препараттан салынған.

1 сықпадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«ABDI IBRAHIM», Reşitpaşa Mahallesi Eski Büyükdere Caddesi No:4, Maslak-Sarıyer – 34467 İstanbul, Turkey (Түркия), тел.: +90 212 366 84 00, электронды пошта: info@abdiibrahim.com.tr

«ABDI IBRAHIM», Reşitpaşa Mahallesi Eski Büyükdere Caddesi No:4, Maslak-Sarıyer – 34467 İstanbul, Turkey (Түркия), тел.: +90 212 366 84 00, электронды пошта: info@abdiibrahim.com.tr

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауд., 282 өнеркәсәптік аймақ, тел.: +7 (727) 356-11-00, 8-800-070-11-00, электронды пошта: info@aigp.kz