Эутирокс таблетки по 150 мкг №100 (4 блистера х 25 таблеток)

Эутирокс®

Натрий левотироксині

25 мкг, 50 мкг, 75 мкг, 100 мкг, 125 мкг және 150 мкг таблеткалар.

Жыныстық гормондар мен инсулиндерді қоспағанда, жүйелі әсер ететін гормондық препараттар. Қалқанша безінің ауруларын емдеуге арналған препараттар. Қалқанша безінің гормондары. Натрий левотироксині.

АТХ коды: Н03АА01

Эутирокс® 25 – 150 мкг:

- қатерсіз эутиреоидты зобты емдеу

- операциядан кейінгі гормоналды жағдайға байланысты эутиреоидты зобты хирургиялық емдеуден кейін қайталанудың профилактикасында

- гипотиреоз кезіндегі орын басатын ем

- қалқанша безі обырының супрессивті терапиясы

Эутирокс® 25 – 100 мкг:

- гипертиреозды антитиреоидты препараттармен емдеу кезіндегі қатар жүретін ем

Эутирокс® 100 – 150мкг:

- тиреоидты супрессия тестін жүргізу кезінде диагностикалық дәрі ретінде

Қолданудың басталуына дейінгі қажетті мәліметтер тізбесі

- белсенді затқа немесе кез келген қосымша затқа жоғары сезімталдық

- емделмеген бүйрекүсті безі функциясының жеткіліксіздігі

- емделмеген гипофиз функциясының жеткіліксіздігі

- емделмеген тиреотоксикоз

- жүктілік кезеңінде антитироидты дәрілермен біріктіріп қолдану

- миокард инфарктісінде, жедел миокардитте және жедел панкардитте Эутирокс® препаратымен емдеуді бастамаған жөн

Тиреоидты гормондармен орын басатын емді бастағанға дейін немесе тиреоидты супрессия тестін жүргізгенге дейін келесі аурулардың немесе патологиялық жағдайлардың жоқтығына көз жеткізу не емдеу керек: коронарлық жеткіліксіздік, стенокардия, артериосклероз, гипертензия және гипофиз функциясының жеткіліксіздігі. Сондай-ақ, қалқанша безін гормондармен емдеуді бастамас бұрын қалқанша безінің функционалды автономиясының жоқтығына көз жеткізу немесе емдеу керек. Адренокортикальді дисфункция жағдайында левотироксинмен емді бастар алдында бүйрек үсті бездерінің жедел жеткіліксіздігінің алдын алу үшін тиісті орын басатын терапия арқылы ем жүргізген жөн («Қолдануға болмайтын жағдайлар» бөлімін қараңыз).

Психикалық бұзылулар қаупі бар пациенттерде левотироксинмен емдеуді бастаған кезде емді левотироксиннің кішкентай дозаларынан бастау, емнің бастапқы сатысында дозаны біртіндеп арттыру ұсынылады. Бұл пациенттерге бақылау жүргізу ұсынылады. Психикалық бұзылулар пайда болған кезде левотироксин дозасын реттеу керек.

Коронарлық жеткіліксіздігі, жүрек функциясының жеткіліксіздігі немесе тахиаритмиясы бар пациенттерде тіпті елеусіз дәріге негізделген гипертиреоздың туындау мүмкіндігін болдырмау қажет. Сондықтан мұндай жағдайларда тиреоидты гормондардың деңгейін үнемі бақылау қажет.

Орын басатын ем жүргізуді бастамас бұрын салдарлық гипотиреоздың туындау себебін анықтау керек, өйткені салдарлық гипотиреоз кезінде тиреотропты гормонның жеткіліксіздігі сирек жеке кездеседі. Біріккен патология айғақталған жағдайда Эутирокс® препаратымен емдеуді бүйрекүсті безі функциясының жеткіліксіздігін компенсациялағаннан кейін ғана бастау қажет.

Диабетке қарсы дәрілер

Левотироксин диабетке қарсы дәрілердің тиімділігін төмендетуі мүмкін. Сондықтан тиреоидты гормондармен емдеудің басында қандағы глюкоза деңгейін жиі тексеру ұсынылады. Қажет болған жағдайда диабетке қарсы дәрілердің дозасын түзету керек.

Кумарин туындылары

Левотироксин антикоагулянттық емнің әсерін күшейте алады, өйткені ол антикоагулянттарды плазма ақуыздарымен байланысынан ығыстырады, бұл қан кетудің даму қаупін арттыруы мүмкін, мысалы, әсіресе егде пациенттерде ОЖЖ қан құйылу немесе асқазан-ішектен қан кету. Сондықтан қатар жүретін емнің басында және барысында коагуляция параметрлеріне тұрақты мониторинг жүргізу қажет. Қажет болса, антикоагулянттардың дозасын түзету керек.

Протеаза тежегіштері

Ритонавир, индинавир, лопинавир сияқты протеаза тежегіштері левотироксиннің тиімділігіне әсер етуі мүмкін. Тиреоидты гормондардың деңгейіне мұқият мониторинг жүргізу ұсынылады. Қажет болса, левотироксиннің дозасын түзету керек.

Фенитоин

Фенитоин левотироксиннің плазма ақуыздарымен байланысынан ығыстыру жолымен оның тиімділігіне әсер етуі мүмкін, бұл еркін T4 және T3 деңгейінің жоғарылауына әкелуі мүмкін. Екінші жағынан, фенитоин бауырдағы левотироксин метаболизмінің қарқындылығын арттырады. Тиреоидты гормондардың деңгейіне мұқият мониторинг жүргізу ұсынылады.

Колестирамин, колестипол

Колестирамин және колестипол сияқты ион алмасу шайырларын қабылдау натрий левотироксинінің сіңірілуін тежейді. Сондықтан натрий левотироксинін осы препараттарды қабылдағанға дейін 4-5 сағат бұрын қабылдау керек.

Алюминий, темір және кальций тұздары

Құрамында алюминий бар препараттар (антацидтер, сукральфат) тиісті әдебиеттерде левотироксиннің тиімділігін төмендетуші ретінде сипатталады. Сондықтан құрамында левотироксині бар препараттарды құрамында алюминий бар препараттарды қабылдағанға дейін кемінде 2 сағат бұрын қабылдаған жөн. Темір мен кальций тұздары бар медициналық препараттарға да қатысты.

Салицилаттар, дикумарол, фуросемид, клофибрат

Салицилаттар, дикумарол, жоғары дозадағы фуросемид (250 мг), клофибрат және басқа препараттар натрий левотироксинін плазма ақуыздарымен байланысынан ығыстыруы мүмкін, бұл еркін T4 фракциясы деңгейінің жоғарылауына әкеледі.

Протон сорғысының тежегіштері (ПСТ)

ПСТ бір мезгілде қолдану ПСТ туындаған асқазан сөлінің рН жоғарылауына байланысты қалқанша безі гормондардың сіңуінің төмендеуіне әкелуі мүмкін.

Қатар жүргізілетін ем кезінде қалқанша безінің функциясына үнемі мониторинг жүргізу және клиникалық бақылау ұсынылады. Тиреоидты гормондарының дозасын арттыру қажет болуы мүмкін.

ПСТ емдеу аяқталған кезде де сақ болу керек.

Орлистат

Левотироксин мен орлистатты бірге қолданғанда гипотиреоз және/немесе гипотиреозды бақылаудың төмендеуі пайда болуы мүмкін. Бұл йодталған тұз және/немесе левотироксин сіңірілуінің төмендеуі салдарынан болуы мүмкін.

Севеламер

Севеламер левотироксиннің сіңуін төмендетуі мүмкін. Сондықтан қатар жүретін емнің басында және соңында пациенттерде қалқанша безі функциясының өзгеруіне мониторинг жүргізу ұсынылады. Қажет болса, левотироксиннің дозасын түзету керек.

Тирозинкиназа тежегіштері

Иматиниб, сунитиниб сияқты тирозинкиназа тежегіштері левотироксиннің тиімділігін төмендетуі мүмкін.

Сондықтан қатар жүретін емнің басында және соңында пациенттерде қалқанша безі функциясының өзгеруіне мониторинг жүргізу ұсынылады. Қажет болса, левотироксиннің дозасын түзету керек.

Пропилтиоурацил, глюкокортикоидтар, бета-симпатолитиктер, амиодарон және құрамында йод бар контрастты препараттар

Көрсетілген заттар T4 шеткері Т3-ке айналуын тежейді.

Құрамында йодтың көп болуына байланысты амиодарон гипертиреозды да, гипотиреозды да тудыруы мүмкін. Ықтимал танылмаған функционалды автономиясы бар түйінді зобқа ерекше назар аудару керек.

Сертралин, хлорохин / прогуанил

Бұл заттар левотироксиннің тиімділігін төмендетеді және сарысудағы ТТГ деңгейін жоғарылатады.

Фермент-индукциялайтын әсері бар препараттар

Барбитураттар, карбамазепин сияқты ферментті индукциялайтын препараттар немесе құрамында шілтер жапырақты шайқурай бар өнімдер (Hypericum perforatum L.) левотироксиннің бауыр клиренсін жоғарылатуы мүмкін, бұл қан сарысуындағы тиреоидты гормонның концентрациясының төмендеуіне әкеледі.

Сондықтан қалқанша безінің гормондарымен орын басатын ем алатын пациенттерге егер бұл препараттар бір мезгілде тағайындалса, тиреоидты гормондардың дозасын жоғарылату қажет болуы мүмкін.

Р-450 цитохромын индукциялайтын препараттардың әсері

Құрамында шайқурай (Hypericum perforatum L.) бар өнімдер сияқты ферменттерді индукциялайтын дәрілік заттар левотироксиннің бауыр клиренсін жоғарылатуы мүмкін, бұл қан сарысуындағы тиреоидты гормонның концентрациясының төмендеуіне әкеледі.

Осылайша, қалқанша безіне орын басатын ем алатын пациенттерге егер бұл препараттар бір мезгілде енгізілсе, тиреоидты гормондардың дозасын жоғарылату қажет болуы мүмкін.

Эстрогендер

Құрамында эстрогені бар контрацептивтерді қолданатын әйелдерде немесе орын басатын гормондық ем қабылдайтын постменопаузадан кейінгі әйелдерде левотироксинге қажеттілік артуы мүмкін.

Құрамында соя бар өнімдер

Құрамында соя бар өнімдерді қолдану левотироксиннің ішекте сіңуін төмендетуге ықпал етуі мүмкін. Сондықтан Эутирокс® препаратының дозасын түзету қажет болуы мүмкін, әсіресе құрамында соя бар өнімдерді қолдануды бастаған кезде немесе оны тоқтатқаннан кейін.

Зертханалық зерттеулердің нәтижелеріне әсері

Биотин биотин/стрептавидиннің өзара әрекеттесуіне негізделген қалқанша безінің иммунологиялық талдауларының нәтижелеріне әсер етуі мүмкін, бұл тесттің жалған төмендетілген немесе жалған жоғарылаған нәтижелеріне әкеледі.

Арнайы сақтандырулар

Қалқанша безінің функционалды автономиясының дамуына күдік болған кезде терапия басталғанға дейін тиреотропин-рилизинг гормонмен (ТРГ-тест) стимуляциялық тест немесе супрессивті сцинтиграфияны орындау ұсынылады.

Гемодинамикалық параметрлерді левотироксинмен емдеу шала туылған нәрестелерде, дене салмағы өте төмен нәрестелерде басталған кезде бақылау керек, өйткені бүйрекүсті безінің жетілмегендігіне байланысты тамыр жеткіліксіздігі пайда болуы мүмкін.

Гипотиреозы бар және остеопороздың даму қаупі жоғары постменопаузадан кейінгі әйелдер қан сарысуындағы левотироксиннің физиологиялық концентрациясының жоғарылауынан сақ болу керек. Бұл жағдайда қалқанша безінің жұмысына мұқият мониторинг жүргізу ұсынылады.

Гипертиреоидты жағдайларда левотироксинді қабылдау ұсынылмайды. Ерекшелік - гипертиреозды антитиреоидты препараттармен емдеудегі қатар жүретін терапия.

Тиреоидты гормондар салмақ жоғалту үшін тағайындалмайды. Эутиреоидты зобы бар пациенттерде левотироксинмен емдеу салмақтың төмендеуіне әкелмейді. Жоғары дозалар ауыр және тіпті өмірге қауіп төндіретін жағымсыз әсерлерді тудыруы мүмкін. Левотироксинді үлкен дозаларда симпатомиметиктер сияқты салмақты азайтуға арналған белгілі бір заттармен біріктіруге болмайды («Артық дозалану» бөлімін қараңыз).

Бір препараттан құрамында левотироксин бар екінші препаратқа ауыстыру қажет болған жағдайда, қалқанша безі функциясының бұзылуының ықтимал қаупіне байланысты өтпелі кезең ішінде клиникалық және биологиялық мониторингті қоса алғанда, мұқият мониторинг жүргізу қажет. Кейбір пациенттерге дозаны түзету қажет болуы мүмкін.

Левотироксин мен орлистатты бірге қолданғанда («Дәрілермен өзара әрекеттесуі» бөлімін қараңыз) гипотиреоз және/немесе гипотиреозды бақылаудың төмендеуі пайда болуы мүмкін. Левотироксин қабылдайтын пациенттерге орлистатпен емдеуді бастау, тоқтату немесе ем сызбасын өзгерту алдында дәрігермен кеңесу керек. Орлистат пен левотироксинді әртүрлі уақытта қабылдау керек және қажет болған жағдайда левотироксиннің дозасын реттеу керек. Бұдан әрі қан сарысуындағы гормондардың деңгейін бақылау қажет.

Қантты диабетпен ауыратын пациенттер мен антикоагулянттық емнен өтіп жүрген пациенттер үшін ақпарат дәрілермен өзара әрекеттесуі бөлімінде берілген.

Зертханалық зерттеулердің нәтижелеріне әсері

Биотин биотин/стрептавидиннің өзара әрекеттесуіне негізделген қалқанша бездің талдау нәтижелеріне әсер етуі мүмкін, нәтижесінде тесттің жалған төмендеген немесе жалған жоғарылаған нәтижелеріне әкеледі. Биотиннің жоғарырақ дозаларында интерференция қаупі артады.

Зертханалық тесттердің нәтижелерін түсіндіру кезінде биотиннің мүмкін болатын өзара әрекеттесуін ескеру қажет, әсіресе клиникалық көрініске сәйкес еместігі байқалғанда.

Құрамында биотин бар препараттарды қабылдайтын пациенттерге қатысты зертхана қызметкерлеріне қалқанша безінің функциясына зерттеу жүргізу қажет болған кезде ең жақсы уақыт туралы хабарлау керек. Егер бар болса, биотиннің әсеріне сезімтал емес балама тесттерді қолдану керек. 

Бұл дәрілік препараттың құрамында бір таблеткаға 1 ммоль аз натрий (23 мг) бар, яғни іс жүзінде «натрийсіз».

Жүктілік және лактация

Жүктілік кезінде және әсіресе лактация кезінде левотироксинді қабылдауды жалғастыру керек. Жүктілік кезінде дозаны ұлғайту қажет болуы мүмкін.

Қан плазмасындағы ТТГ деңгейінің жоғарылауы жүктіліктің 4 аптасынан кейін орын алуы мүмкін болғандықтан, левотироксин қабылдайтын жүкті әйелдер жүктілік кезінде триместр-спецификалы бақылау диапазоны шегінде ананың қан сарысуындағы ТТГ мәндерін бақылау үшін әр триместрде ТТГ өлшеуі керек. Сарысудағы ТТГ жоғары деңгейін левотироксин дозасын арттыру жолымен түзету керек. Босанғаннан кейінгі TТГ деңгейі жүктілікке дейінгі TТГ деңгейіне сәйкес келуі керек болғандықтан, левотироксин дозасы босанғаннан кейін бірден жүктілік басталған кездегі бастапқы дозаға оралуы керек. Сарысудағы TТГ мақсатты деңгейіне босанғаннан кейін 6-8 аптадан кейін қол жеткізу керек.

Препаратты ұсынылған емдік дозаларда қабылдағанда тератогендік және фетоуытты әсерлердің пайда болуы туралы деректер жоқ. Жүктілік кезінде препаратты тым жоғары дозада қабылдау шаранаға және постнатальді дамуға теріс әсер етуі мүмкін.

Препаратты жүктілік кезінде антитиреоидты дәрілермен біріктіріп қолдануға болмайды, өйткені натрий левотироксинін қабылдау антитиреоидты дәрілердің дозаларын арттыруды талап етуі мүмкін. Натрий левотироксинінен айырмашылығы, антитиреоидты дәрілер плацента арқылы өтуі мүмкін болғандықтан, шаранада гипотиреоз дамуы мүмкін.

Жүктілік кезінде тиреоидты супрессияның диагностикалық тестін жүргізу ұсынылмайды, өйткені жүкті әйелдерге радиоактивті заттарды қолдануға болмайды.

Егер сіз биотинді қабылдап жүрсеңіз немесе жақында қабылдаған болсаңыз, қалқанша безінің гормондарының деңгейін бақылау үшін зертханалық тексеруден өтетін кезіңізде дәрігеріңізге және/немесе зертхана қызметкерлеріне хабарлауыңыз керек. Биотин сіздің зертханалық талдауларыңыздың нәтижелеріне әсер етуі мүмкін.

Левотироксин лактация кезінде емшек сүтіне бөлінеді, бірақ ұсынылған емдік дозаларды қабылдау кезінде Эутирокс® препаратының концентрациясы нәрестеде гипертиреоздың дамуын немесе ТТГ секрециясының бәсеңдеуін тудыру үшін жеткіліксіз болып табылады.

Дәрілік заттың көлік құралдарын немесе қауіптілігі зор механизмдерді басқару қабілетіне әсері

Препараттың көлік құралдары мен механизмдерді басқару қабілетіне әсер етуіне зерттеулер жүргізілмеген. Алайда, натрий левотироксині табиғи тиреоидты гормонға ұқсас болғандықтан, көлік құралдары мен механизмдерді басқару қабілетіне ешқандай әсер күтілмейді.

Дозалау режимі

Пациенттерді олардың жеке қажеттіліктері негізінде емдеу үшін құрамында натрий левотироксині әртүрлі 25-тен 150 мкг-ға дейінгі мөлшердегі таблеткалар. Сондықтан, әдетте, пациенттер күніне бір ғана таблетка қабылдауы керек.

Дозалау бойынша ұсынымдар төмендегі кестелерде берілген. Тәуліктік доза зертханалық тестілерге және клиникалық тексеруге байланысты жеке анықталады. Пациенттердің көпшілігінде T4 және FT4 (еркін тироксин) жоғары концентрациясы байқалғандықтан, сарысудағы тиреотропты гормонның (ТТГ) базальды концентрациясы емдеу курсын анықтау үшін неғұрлым сенімді негізді қамтамасыз етеді.

Тиреоидты гормондармен емдеуді толық алмастыру дозасына жеткенге дейін әрбір 2-4 апта сайын біртіндеп арттыра отырып, төмен дозадан бастау керек.

Препаратты қолдану тәжірибесі төмен дозаның салмағы аз пациенттер мен үлкен түйінді зобы бар пациенттер үшін жеткілікті екенін көрсетеді.

Егде жастағы пациенттер

Егде пациенттерге, жүректің ишемиялық ауруы бар пациенттерге және ауыр немесе бұрыннан болған гипотиреозы бар пациенттерге емдеуді төмен дозалардан (мысалы, тәулігіне 12,5 мкг) бастау және ұзақ аралықтар арқылы оларды баяу арттыру (мысалы, дозаны екі аптада бір рет тәулігіне 12,5 мкг-ға біртіндеп арттыру) керек, тиреоидты гормондарға жиі мониторинг жүргізу қажет. Сондықтан мұндай пациенттерге ТТГ деңгейін толық түзетуге әкеп соқпайтын, толық орын басатын емді қамтамасыз етпейтін аз дозаны тағайындауды қарастыруға болады.

Балалар

Жаңа туған нәрестелер мен туа біткен гипотиреозы бар балалар үшін, тез орын басатын ем маңызды болған кезде, бастапқы ұсынылатын доза алғашқы 3 айда тәулігіне дене салмағына 10-15 мкг/кг құрайды. Содан кейін дозаны клиникалық нәтижелерге, ТТГ және тиреоидты гормондардың деңгейіне байланысты жеке негізде түзету керек.

Енгізу әдісі мен жолы

Эутирокс® препаратының тәуліктік дозасын таңертең ашқарынға тамақ ішуден 30 минут бұрын, таблетканы аз мөлшерде сұйықтықпен (жарты стакан су) ішіп және шайнамай қабылдайды.

Нәрестелер мен балаларға тәуліктік доза алғашқы таңертең тамақтанудан 30 минут бұрын бір қабылдауда беріледі. Таблеткаларды суда ерітеді, нәтижесінде алынған суспензия судың белгілі бір мөлшерімен қабылданады. Суспензия әрбір қабылдау үшін жаңадан дайындалуы тиіс.

Гипотиреоз кезінде, сондай-ақ струмэктомиядан немесе тиреоидэктомиядан кейін және эутиреоидты зобты алып тастағаннан кейін қайталанудың профилактикасы кезінде орын басатын демеуші ем жағдайында препаратты, әдетте, өмір бойы қабылдайды. Эутиреоидты мәртебеге жеткеннен кейін гипертиреозды қатар емдеу антитиреоидты препарат қолданылатын мерзімге көрсетілген.

Қатерсіз эутиреоидты зоб кезінде емдеу ұзақтығы 6 айдан 2 жылға дейінгі уақытты құрайды. Егер көрсетілген кезең ішінде емдеу жеткіліксіз болса, хирургиялық араласу немесе зобты радиоактивті йодпен емдеу мүмкіндігін қарастыру керек.

Қабылдау уақыты көрсетілген қолдану жиілігі

Тәуліктік дозалар бір рет қабылдануы мүмкін.

Препарат артық дозаланған кезде зат алмасу жылдамдығының айтарлықтай артуы байқалады.

Гипертиреоздың клиникалық белгілері натрий левотироксинінің артық дозалануы немесе жеке төзімділік шегінен асқан жағдайда, әсіресе, егер емнің басында доза тым тез ұлғаятын болса, туындауы мүмкін. Мұндай симптомдар пайда болған кезде тәуліктік дозаны азайту немесе препаратты қабылдауды бірнеше күнге тоқтату керек. Жанама әсерлер жоғалғаннан кейін емдеуді сақтықпен жалғастыру керек.

Симптомдары: жүректің жиі соғуы (тахикардия), мазасыздық, қозу немесе абайсыз қозғалыстар (гиперкинездер). Көптеген жылдар бойы натрий левотироксинінің тым жоғары дозаларын қабылдаған пациенттерде жүрек жұмысының кенеттен тоқтап қалу жағдайлары тіркелді.

Бұзылуларға бейім пациенттерде жеке төзімділік шегінен асқан кезде құрысулар дамуының жекелеген жағдайлары байқалды.

Левотироксиннің артық дозалануы әсіресе психикалық бұзылу қаупі бар пациенттерде гипертиреоз симптомдарымен көрінуі және жедел психозға әкелуі мүмкін.

Көптеген жылдар бойы натрий левотироксинінің тым жоғары дозаларын қабылдаған пациенттерде жүрек жұмысының кенеттен тоқтап қалу жағдайлары тіркелді.

Емі: Т3 жоғары деңгейі артық дозаланудың индикаторы болып табылады. Артық дозалану дәрежесіне байланысты Эутирокс® препаратымен емдеуді тоқтата тұру және зертханалық тексеру жүргізу ұсынылады. Бета-адреноблокаторлар тағайындалуы мүмкін. Өте жоғары дозаларды қабылдаған кезде плазмаферез тағайындалуы мүмкін.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Дәрілік препаратты қолдану бойынша сұрақтар туындаған жағдайда медицина қызметкерінен кеңес алу үшін жүгіну керек.

Натрий левотироксинінің жеке төзімділік шегінен асқан жағдайда немесе артық дозаланғаннан кейін гипертиреозға тән мынадай клиникалық симптомдар, әсіресе, егер доза емдеу басында тым тез ұлғайса, байқалуы мүмкін:

- жүрек аритмиясы( мысалы, жыпылықтағыш аритмия және экстрасистолалар), тахикардия, жүрек соғуы, стенокардия

- бас ауыруы

- бұлшықет әлсіздігі және құрысулар

- қан кернеу, қызу

- құсу, диарея

- етеккір циклінің бұзылуы

- бассүйекішілік қатерсіз гипертензия, тремор, мазасыздық, ұйқысыздық

- шамадан тыс терлеу

- дене салмағының төмендеуі

Мұндай жағдайларда тәуліктік дозаны азайту немесе емдеуді бірнеше күнге тоқтату керек. Терапия жағымсыз реакциялар жойылғаннан кейін сақтықпен жаңартылуы мүмкін.

Эутирокс® препаратының кез келген компоненттеріне аса жоғары сезімталдық болған кезде аллергиялық реакциялар, әсіресе тері (бөртпе, есекжем) және респираторлық жолдардың реакциялары дамуы мүмкін. Ангионевроздық ісіну жағдайлары туралы хабарламалар бар.

Егер сізде жағымсыз реакциялар туындаса, емдеуші дәрігермен кеңесіңіз. Бұл ұсыным кез келген ықтимал жағымсыз реакцияларға, оның ішінде қосымша парақта аталмаған реакцияларға қатысты.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат -  0,025 мг, 0,050 мг, 0,075 мг, 0,100 мг, 0,125 мг және 0,150 мг натрий  левотироксині,

қосымша заттар: маннитол, жүгері крахмалы, желатин, натрий кроскармеллозасы, сусыз лимон қышқылы, магний стеараты.

Дөңгелек, шеттері кертілген, таблетканың екі жақ бетінде сындыруға арналған сызығы және бір жақ бетінде  ЕМ 25, ЕМ 50, ЕМ 75, ЕМ 100, ЕМ 125 және ЕМ 150 жазуы бар (тиісінше 25 мкг, 50 мкг, 75 мкг, 100 мкг, 125 мкг және 150 мкг доза үшін) екі жақ беті тегіс ақ дерлік түсті таблеткалар.

25 таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салады. 4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салады.

3 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Мерк Хелскеа КГаА, Германия

Frankfurter Str. 250, 64293 Darmstadt, Germany

Франкфуртер Штрассе 250, 64293 Дармштадт, Германия

Телефон / Факс: +49 6151 72-0/+49 6151 72-2000

Электронды пошта: safety@merck.ru

«Мерк» ЖШҚ,

Валовая көш., 35 үй, Мәскеу қ., 115054, Ресей

Телефон: +7-495-937-33-04

Факс: +7-495-937-33-05

Электронды пошта: safety@merck.ru

«Ацино Каз» ЖШС

Қазақстан, Алматы қаласы, Бостандық ауданы, Нұрсұлтан Назарбаев даңғылы, 223-үй, т. е. 243, пошта индексі 050047

Телефон нөмірі: 8 (727) 364 56 61, 8 (727) 291 61 51

Электронды пошта: PV-KAZ@acino.swiss