Эспумизан капсулы по 40 мг №50 (2 блистера х 25 каапсул)
- Тауар туралы барлығы
- Дәріханалардағы бағалар
- Аналогтар
Осында жоқ Астана
Мынау үшін нұсқаулық Эспумизан капсулы по 40 мг №50 (2 блистера х 25 каапсул)
Дәрілік препаратты медициналық қолдану
жөніндегі нұсқаулық (Қосымша парақ)
Эспумизан®
Симетикон
Капсулалар, 40 мг
Ас қорыту жолы және зат алмасу. Асқазан-ішек қызметінің бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Асқазан-ішек қызметінің бұзылыстарын емдеуге арналған басқа препараттар. Силикондар
АТХ коды: A03AX13
-газ түзілудің жоғарылауынан туындаған асқазан-ішек жолы тарапынан бұзылыстар кезінде симптоматикалық ем үшін, мысалы, метеоризм, іштің кебуі кезінде
-құрсақ қуысы мен кіші жамбас ағзаларын диагностикалық зерттеу кезінде, мысалы, рентгенологиялық немесе ультрадыбыстық зерттеу (УДЗ) кезінде қосымша дәрі ретінде
Эспумизан® капсулалар препараты ересектерде қолдануға арналған.
Қолданудың басталуына дейінгі қажетті мәліметтер тізбесі
- әсер етуші затқа, «күн батар түстес сары» FCF (E 110) бояғышына, метилпарагидроксибензоатқа (E 218) немесе құрамына кіретін қосымша заттардың кез келгеніне аса жоғары сезімталдық
- 18 жасқа дейінгі балалар мен жасөспірімдер
Қолдану кезіндегі қажетті сақтық шаралары
Құрсақ қуысы ағзалары тарапынан симптомдар қайталанатын болған кезде және/немесе олар сақталған жағдайда клиникалық тексеру қажет.
Осы уақытқа дейін белгісіз.
Жүктілік немесе лактация кезінде
Жүктілік және бала емізу кезеңінде қолданудың салдары күтілмейді, өйткені симетиконның жүйелік әсері елеусіз болып табылады. Эспумизан® капсулаларын жүктілік кезінде және лактация кезеңінде қолдануға болады. Жүкті әйелдерде Эспумизан® капсулаларын қолдану бойынша клиникалық деректер жоқ.
Фертильділік
Клиникаға дейінгі деректер адамның фертильділігіне қатысты қауіптің жоқ екенін куәландырады.
Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері
Эспумизан® капсулалар препараты көлік құралдарын басқару және механизмдерге қызмет көрсету қабілетіне әсер етпейді немесе елеусіз әсер етеді.
Дозалау режимі
Газ түзілудің жоғарылауынан туындаған асқазан-ішек жолы бұзылыстары кезінде (мысалы, метеоризм, іштің кебуі кезінде)
|
Жасы |
Дозалау |
Қабылдау жиілігі |
|
Ересектер |
2 капсула (≙ 80 мг симетикон) |
Күніне 3-4 рет |
Рентгенографияға, УДЗ дайындық кезінде
|
Зерттеу жүргізуге дейін бір күн бұрын |
Зерттеу жүргізілетін күні таңертең |
|
2 капсуладан × күніне 3 рет (≙ жалпы дозасы 240 мг симетикон) |
2 капсула (≙ 80 мг симетикон) |
Балалар мен жасөспірімдер
Эспумизан® капсулалар препараты 18 жасқа дейінгі балалар мен жасөспірімдерде пайдалануға жарамайды. Басқа дәрілік түрлері бар.
Енгізу әдісі мен жолы
Ішке қабылдауға арналған. Эспумизан® капсулалары тамақтану кезінде немесе одан кейін, сондай-ақ қажет болған жағдайда ұйықтар алдында қабылданады. Эспумизан® капсулаларын операциядан кейін де қабылдауға болады.
Егер симптомдар сақталса немесе нашарласа, дәрігермен кеңесу қажет.
Терапиялық қолдану ұзақтығы шағымдардың динамикасына байланысты.
Эспумизан® капсулалар препаратын қажет болса ұзақ уақыт қабылдауға болады.
Артық дозаланғанда қабылдануы қажет шаралар
Қазіргі уақытта артық дозалану жағдайлары туралы хабарланған жоқ.
Химиялық және физиологиялық тұрғыдан симетикон толығымен инертті болғандықтан, онымен уыттану іс жүзінде жоққа шығарылды. Эспумизан® капсулалар препараты көп мөлшерде болса да симптомдарсыз жақсы көтерімді.
Дәрілік препаратты қолдану тәсілін түсіндіру үшін денсаулық сақтау жүйесі маманынан кеңес алу ұсынылады.
ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар
Симетиконды тіркеуден кейінгі қолдану барысында хабарланған жағымсыз реакциялар:
Жиілігі белгісіз (қолда бар деректер негізінде бағалау мүмкін емес):
- беттің ісінуі және ентігу сияқты аса жоғары сезімталдық реакциялары
- жүрек айнуы, құсу, іш қатуы, іштің ауыруы
- ангионевроздық ісіну, қышыну, тері бөртпесі
«Күн батар түстес сары» бояғышы (E 110) аллергиялық реакциялар тудыруы мүмкін.
Метилпарагидроксибензоат (E 218) аллергиялық реакциялар тудыруы мүмкін (оның ішінде баяу дамитын типі).
Жағымсыз дәрілік реакциялар туындаған кезде денсаулық сақтау жүйесінің қызметкеріне, дәріхана қызметкеріне немесе Қазақстан Республикасының аумағында тіркелген дәрілік өзара әрекеттесулер туралы хабарламаларды қоса алғанда, дәрілік препараттардың жағымсыз реакциялары (әсерлері) туралы ақпараттық дерекқорға тікелей хабарласыңыз
Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК
http://www.ndda.kz.
Қосымша мәліметтер
Бір капсуланың құрамында
белсенді зат: полидиметилсилоксаннан (ПДМС) және кремнийдің қостотығынан тұратын симетикон, 40 мг
қосымша заттар: метилпарагидроксибензоат (Е 218), желатин, глицерин 85 %, «Күн батар түстес сары» FCF 85% (E 110), хинолинді сары, 70 % (E 104)
Сыртқы түрінің, иісінің, дәмінің сипаттамасы
Беткейі тегіс және тігісі бар сфералық дерлік жұмсақ сары түсті, диаметрі шамамен 5 мм капсулалар.
Ішіндегісі - тұтқыр түссіз сұйықтық, аздап бұлыңғыр болуы мүмкін.
25 капсуладан поливинилхлоридті үлбірден және алюминий фольгадан жасалған пішінді ұяшықты қаптамаға салынады.
1, 2 немесе 4 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.
3 жыл.
Жарамдылық мерзімі өткеннен кейін қолдануға болмайды!
30 °С-ден аспайтын температурада сақтау керек.
Балалардың қолы жетпейтін жерде сақтау керек!
Рецептісіз
Берлин-Хеми АГ
Глиникер Вег 125,
12489 Берлин, Германия
Тел.: +7 727 2446183, 2446184, 2446185
Эл. пошта: Kazakhstan@berlin-chemie.com
Берлин-Хеми АГ
Глиникер Вег 125,
12489 Берлин, Германия
Тел.: +7 727 2446183, 2446184, 2446185
Эл. пошта: Kazakhstan@berlin-chemie.com
«Берлин-Хеми АГ» АҚ Қазақстан Республикасындағы филиалы
050051, Алматы, Луганский көш., 54 үй, №2 коттедж
Тел.: +7 727 2446183, 2446184, 2446185
Эл. пошта: Kazakhstan@berlin-chemie.com
Симетикон: 40 мг/капсула