Дуксет капсулы по 30 мг №28 (4 блистера х 7 капсул)

ДУКСЕТ®

Дулоксетин

Босап шығуы кейінге қалдырылған капсулалар 30 мг, 60 мг

Жүйке жүйесі. Психоаналептиктер. Антидепрессанттар. Басқа да антидепрессанттар. Дулоксетин.

АТХ коды N06AX21

Ересектер

- ауқымды депрессиялық бұзылыста (АДБ)

- жайылған үрейлі бұзылыста (ЖҮБ)

- диабеттік шеткері нейропатияның (ДШНП) ауыртатын түрінде

Дәрілік препаратты қолданудың басталуына дейінгі қажетті мәліметтер тізбесі

- дулоксетинге немесе қосымша заттардың кез келгеніне жоғары сезімталдық

- препаратты моноаминоксидаза тежегіштерімен (МАОТ) бір мезгілде қолдану

- бауыр жеткіліксіздігіне әкеліп соғатын бауыр аурулары

- CYP1A2 күшті тежегіштерімен (мысалы, флувоксаминмен, ципрофлоксацинмен немесе эноксацинмен) бір мезгілде қолдану, себебі мұндай біріктірілім плазмадағы дулоксетин концентрациясының жоғарылауына әкеледі

- бүйректің ауыр жеткіліксіздігі (креатинин клиренсі минутына 30 мл-ден кем)

- әлеуетті гипертониялық кризге әкеліп соғатын бақыланбайтын гипертензия

- 18 жасқа дейінгі балалар мен жасөспірімдер

Мания және құрысулар

ДУКСЕТ® анамнезінде маниакальді көріністер, биполярлық бұзылыс және/немесе құрысу бұзылыстары бар пациенттерде сақтықпен қолданған жөн.

Мидриаз

Дулоксетин қабылдаған кезде мидриаздың туындауы мүмкін болғандықтан, көзішілік қысымы жоғарылаған пациенттерге немесе жіті жабықбұрышты глаукоманың даму қаупі тобындағы адамдарға ДУКСЕТ® тағайындағанда сақтандыру шараларын қолдану қажет.

Артериялық қысым (АҚ) және жүректің жиырылу жиілігі (ЖЖЖ)

Кейбір пациенттерде дулоксетинді қабылдау артериялық қысымның жоғарылауымен және клиникалық тұрғыдан маңызды гипертензияның пайда болуымен байланысты. Бұл дулоксетинде норадренергиялық әсердің болуымен байланысты болуы мүмкін. Гипертониялық криз жағдайлары дулоксетинді қабылдаған кезде, әсіресе анамнезінде артериялық гипертензия бар пациенттерде білінді. Гипертензиясы және/немесе жүрек аурулары бар пациенттерде, әсіресе ДУКСЕТ® препаратымен емдеудің алғашқы айы ішінде артериялық қысымға мониторинг жүргізу ұсынылады. Препаратты жағдайы жүректің жиырылу жиілігінің артуына немесе артериялық қысымның жоғарылауына байланысты нашарлаған пациенттерде сақтықпен қолдану қажет. Препарат метаболизмін бұзуы мүмкін дәрілік препараттармен бірге ДУКСЕТ® препаратын тағайындағанда сақтық шараларын қолдану қажет. Дулоксетин қабылдаған кезде артериялық қысымның үнемі жоғарылауын бастан кешетін пациенттер үшін дозаны төмендету, немесе препаратты қабылдауды біртіндеп тоқтату мүмкіндігін қарастыру қажет. Дулоксетинді бақыланбайтын гипертензиясы бар пациенттерде қабылдауды бастамаған жөн.

Бүйрек функциясының бұзылуы

Бүйректің ауыр жеткіліксіздігі бар (креатинин клиренсі минутына 30 мл-ден кем), гемодиализ жүргізілетін пациенттерде препараттың қан плазмасындағы концентрациясының артуы байқалады.

Серотониндік синдром

Басқа серотонергиялық препараттар жағдайындағы сияқты, дулоксетинмен емдеген кезде, әсіресе басқа серотонергиялық агенттермен (СҚКІТ, серотонинді және норадреналинді кері қармап қалатын тежегіштерді СжНКҚІТ, трициклдық антидепрессанттарды немесе триптандарды қоса), серотонин метаболизмін бұзатын препараттармен, атап айтқанда МАОТ, немесе психозға қарсы препараттармен немесе серотонергиялық нейротрансмиттерлі жүйелеріне әсер ете алатын дофаминнің басқа антагонистерімен бірге қолданғанда өмір үшін әлеуетті қауіп төндіретін серотониндік синдром дамуы мүмкін.

Серотониндік синдром симптомдары психикалық жағдайлардың өзгерулерін (мысалы, қозу, елестеулер, кома), вегетативті жүйке жүйесінің тұрақсыздығын (мысалы, тахикардия, артериялық қысымның құбылмалылығы, гипертермия), нейробұлшықет бұзылуларын (мысалы, гиперрефлексия, қимыл-қозғалыс үйлесімінің бұзылуы) және/немесе асқазан-ішек жолы тарапынан симптомдарды (мысалы, жүректің айнуы, құсу, диарея) қамтуы мүмкін.

Егер дулоксетинмен емдеуде серотонинергиялық және/немесе дофаминергиялық нейротрансмиттерлі жүйеге ықпалын тигізуі мүмкін басқа серотонинергиялық агенттермен бірге қолдану клиникалық негізделген болып табылса, науқастың жағдайын әсіресе емдеуді бастау немесе дәрілік заттың дозасын арттыру кезінде мұқият бақылау қажет.

Шілтер жапырақты шайқурай

ДУКСЕТ® препаратын және құрамында шілтер жапырақты шайқурай (Hypericum perforatum) бар өсімдік препараттарын бір мезгілде қолданғанда жағымсыз әсерлер пайда болуы мүмкін.

Суицидтік әрекеттер

Ауқымды депрессиялық бұзылыс және жайылған үрейлі бұзылыс

Психиатриялық жағдайлар, соның ішінде депрессия, пациентте суицидтік ойлардың, өзіне-өзі зақым келтірудің және өзіне-өзі қол жұмсаудың (суицидпен байланысты құбылыстардың) пайда болуының жоғары қаупімен астасуы мүмкін. Осы қауіп тұрақты ремиссия басталғанға дейін сақталады. Жағдайдың жақсаруы емдеудің алғашқы бірнеше аптасы ішінде пайда болмауына байланысты, пациентті жақсару басталғанша мұқият бақылау қажет. Жалпы клиникалық іс-тәжірибеге сәйкес, суицид қаупі сауығудың ерте сатыларында ұлғаюы мүмкін.

ДУКСЕТ® препаратын тағайындау ұсынылатын басқа психикалық бұзылыстар, сондай-ақ өзіне-өзі қол жұмсау қаупінің жоғарылауымен байланысты болуы мүмкін. Бұдан басқа, бұл жағдайлар ауқымды депрессиялық бұзылыстармен қатар жүруі мүмкін. Басқа психикалық бұзылыстары бар пациенттерді емдеген кезде ауқымды депрессиялық бұзылыстары бар пациенттердегі сияқты сақтық шараларын қолдану қажет.

Анамнезінде суицидтік көріністер немесе емдеуді бастағанға дейін суицидтік ойлар едәуір дәрежеде көрініс беретін пациенттер суицидтік ойлардың немесе мінез-құлықтың пайда болуының үлкен қаупі бар тобында болады және емделу кезінде мұқият бақылауда болуы тиіс.

Дулоксетинді тағайындағанда немесе емдеуді тоқтатқаннан кейін көп ұзамай суицидтік ойлар мен суицидтік мінез-құлық туындаған жағдайлар туралы хабарланған.

Атап айтқанда, жоғары қауіп тобындағы пациенттерді дәрімен емдеу, әсіресе, емдеудің бастапқы сатыларында және дозасын өзгерткен кезде мұқият қадағалаумен жүргізілуі тиіс. Пациенттерге (және оларға күтім жасайтын адамдарға) пациентті қадағалау және клиникалық нашарлау симптомдары, суицидтік ойлар немесе мінез-құлық, мінез-құлықтың әдеттен тыс өзгерістері туындаған жағдайда дереу дәрігерге жүгіну қажеттілігі ескертілуі тиіс.

Диабеттік нейропатия кезіндегі ауыру синдромы

Фармакологиялық әсері ұқсас басқа дәрілік препараттар (антидепрессанттар) жағдайындағы сияқты, дулоксетинмен емдеу кезінде немесе емдеуді тоқтатқаннан кейін көп ұзамай, суицидтік ойлар мен суицидтік мінез-құлық туындаған бірлі-жарым жағдайлар туралы хабарланған. Дәрігерлер пациенттерді кез келген үрейлі ойлар немесе сезімдер туралы кез келген уақытта хабарлауға ынталандыруы тиіс.

18 жасқа дейінгі балалар мен жаөспірімдер

ДУКСЕТ® препараты 18 жасқа дейінгі балалар мен жасөспірімдерді емдеуге қолданылмауы тиіс. Егер клиникалық қажеттілікке сүйене отырып, емдеу туралы шешім қабылданса, пациент суицидтік белгілердің пайда болуына мұқият бақылауда болуы керек.

Қан кету

Серотонинді кері қармаудың іріктелген тежегіштерін, және дулоксетинді қоса, серотонин мен норадреналинді кері қармаудың іріктелген тежегіштерін қолдану әсерінен экхимоза, пурпура және асқазан-ішек жолынан қан кету секілді қан кетулермен байланысты бұзылыстар туралы хабарланды. Дулоксетин босанғаннан кейінгі қан кету қаупін арттыруы мүмкін. Антикоагулянттарды және/немесе тромбоциттер функциясына әсер ететін дәрілік препараттарды (мысалы, ҚҚСП немесе ацетилсалицил қышқылы (АСҚ)) қабылдап жүрген пациенттерді, сондай-ақ, қан кетулердің туындау үрдісі бар пациенттерді емдегенде сақтық таныту қажет.

Гипонатриемия

Дулоксетинді тағайындағанда, қан сарысуындағы натрийдің 110 ммоль/л-ге дейін төмендеген жағдайларын қоса, гипонатриемияның туындағаны туралы хабарланды. Гипонатриемия диурезке қарсы гормонның талапқа сай емес сөлініс синдромымен (ДҚГТСС) байланысты болуы мүмкін. Гипонатриемия жағдайларының көпшілігі егде жастағы, әсіресе, анамнезінде сұйықтық теңгерімінің өзгерістері болған немесе осындай жағдайларға бейім пациенттерде тіркелген. ДУКСЕТ® препаратын гипонатриемияның даму қаупі жоғары пациенттерге, атап айтқанда, егде жастағы адамдарға, бауыр циррозы немесе дегидратациясы бар немесе диуретиктермен емделіп жүрген науқастарға тағайындағанда сақтық таныту қажет.

Емдеуді тоқтату

Емдеуді тоқтатқан кездегі тоқтату симптомдары, әсіресе, емдеуді күрт үзген кезде, жеткілікті дәрежедегі жиі құбылыс болып табылады. Серотонинді кері қармап қалатын іріктелген тежегіштерді (СКҚІТ) және серотонинді және норадреналинді кері қармап қалатын тежегіштерді (СНКҚІТ)‎ қолданған кезде байқалатын тоқтату синдромының даму қаупі емдеу ұзақтығын, дозалануын және дозаны төмендету жылдамдығын қоса, бірнеше факторларға байланысты болуы мүмкін.

Тұтас алғанда, препаратпен емдеуді тоқтатумен байланысты реакциялар үшін әлсіз немесе орташа сипат тән. Алайда, кейбір пациенттерде олар қарқындырақ болуы мүмкін. Симптомдары әдетте, емдеуді тоқтатқаннан кейінгі алғашқы бірнеше күн ішінде, сирек жағдайларда – пациенттер препараттың кезекті қабылдануын өткізіп алған кезде туындайды. Әдетте, мұндай тоқтату симптомдары өздігінен шектелетін сипатқа ие және әдетте, 2 апта ішінде басылады, әйтсе де кейбір пациенттерде олар ұзағырақ (2 - 3 ай немесе одан да ұзақ) жүруі мүмкін. Соған байланысты, ДУКСЕТ® препаратымен емді жалғастыру қажет болмаса, препаратты дозасын пациенттің қажеттіліктеріне сәйкес біртіндеп азайту арқылы кемінде 2 апта ішінде біртіндеп тоқтатуды жүргізу ұсынылады.

Егде жастағы адамдар

Егде жастағы пациенттерде ауқымды депрессиялық бұзылысты және жайылған үрейлі бұзылысты емдеуде дулоксетиннің 120 мг дозасын қолдану жөнінде жеткілікті деректер жоқ. Егде жастағы науқастарды препараттың максималды дозасымен емдеуде сақтық таныту қажет.

Акатизия/психомоторлық қозу

ДУКСЕТ® препаратымен емдеудің алғашқы апталары ішінде субъективтік тұрғыдан жағымсыз немесе жанды қинайтын мазасыздықпен және қозғалу қажеттілігімен сипатталатын, көбінесе тыныш тұру немесе отырудың мүмкін болмауымен қатар жүретін акатизия дамуы мүмкін. Аталған симптомдары бар пациенттерде дозасын арттыру зиян келтіруі мүмкін.

Құрамында дулоксетин бар дәрілік препараттар

Дулоксетин бірқатар көрсетілімдер кезінде: диабеттік нейропатияның ауырумен жүретін формасын, жайылған үрейлі бұзылысты, ширыққан кезде несепті ұстай алмауды емдеуде түрлі сауда маркаларымен қолданылады. Аталған препараттардың бір мезгілде біреуінен артық тағайындалуын болдырмау қажет.

Гепатиттер/бауыр ферменттері деңгейінің жоғарылауы

Дулоксетинді қолданған кезде бауыр ферменттері концентрациясының едәуір (қалып шегінен 10 есе жоғары) ұлғаюы, гепатит және сарғаюды қоса, бауырдың зақымдану жағдайлары байқалды. Олардың көпшілігі емдеудің алғашқы айларында пайда болды. Бауырдың зақымдануы негізінен гепатоцеллюлярлық сипатта болды. Дулоксетинді бауыр жағдайына әсер етуі мүмкін басқа дәрілік заттарды қабылдайтын науқастарға сақтықпен тағайындау керек.

Сексуалдық дисфункция

Серотонинді кері қармап қалатын іріктелген тежегіштер (СКҚІТ) мен серотонинді және норадреналинді кері қармап қалатын тежегіштерді (СНКҚІТ)‎ қабылдау сексуалдық дисфункция белгілерімен қатар жүруі мүмкін. СКҚІТ/СНКҚІТ қабылдауды тоқтатқаннан дейін де симптомдары сақталатын ұзақ уақытқа созылатын сексуалдық дисфункция туралы хабарламалар алынды.

Сахароза

ДУКСЕТ® препаратының қатты желатинді капсулаларында кристалды қант бар. Фруктозаға төзбеушілік, глюкоза-галактоза мальабсорбциясы немесе сахараза/изомальтаза тапшылығы сияқты сирек кездесетін тұқым қуалайтын бұзылулары бар науқастарға ДУКСЕТ® препаратын қабылдауға болмайды.

Моноаминооксидаза тежегіштері (МАОТ)

Серотониндік синдромның даму қаупіне байланысты, дулоксетинді моноаминоксидазаның іріктелмеген, қайтымды емес тежегіштерімен (МАОТ) бірге, немесе МАОТ-мен емдеуді тоқтатқаннан кейін 14 күн ішінде қолдану ұсынылмайды. Препараттың жартылай ыдырау кезеңін ескерсек, дулоксетинді қабылдауды тоқтатқаннан кейін МАОТ-н қолдануға дейін кем дегенде 5 күн өтуі тиіс.

Дулоксетинді моклобемид секілді іріктелген қайтымды МАОТ-мен бірге қолдану ұсынылмайды. Дулоксетин қабылдайтын пациенттерге линезолид антибиотигін тағайындауға болмайды, өйткені ол қайтымды әсер ететін іріктелмеген MAOТ болып табылады.

CYP1A2 тежегіштері

CYP1A2 дулоксетиннің метаболизміне қатысатын болғандықтан, препаратты CYP1A2 әлеуетті тежегіштерімен бір мезгілде қабылдау дулоксетин концентрациясының жоғарылауына әкеп соғуы мүмкін. CYP1A2 тежегіші флувоксамин (күніне 1 рет 100 мг) плазмада дулоксетин клиренсін (күніне 2 рет 40 мг) шамамен 77%-ға төмендетті және AUC0-t және Cmax мәндерін 6 есе арттырды. ДУКСЕТ препаратын флувоксамин тәрізді CYP1A2 күшті тежегіштерімен бірге пайдалану ұсынылмайды.

ОЖЖ-не ықпалын тигізетін дәрілік препараттар

Дулоксетинді басқа препараттармен және орталық жүйке жүйесіне (ОЖЖ) ықпалын тигізетін дәрілермен бірге қолдану қаупі, осы бөлімде сипатталған жағдайлардан басқасында, жүйелі түрде талданған жоқ. Дулоксетинді алкогольді және седативтік препараттарды (мысалы, бензодиазепиндер, морфиномиметиктер, антипсихотиктер, фенобарбитал, седативтік әсері бар антигистаминдік препараты) қоса, орталық әсері бар заттармен немесе дәрілік заттармен бір уақытта қабылдағанда сақтық танытқан жөн.

Серотонергиялық дәрілер

Сирек жағдайларда серотонергиялық дәрілермен бірге СКҚІТ және СжНКҚІТ қолданып жүрген пациенттерде серотониндік синдромның пайда болғаны жөнінде мәлімделді. Дулоксетинді СКҚІТ, СжНКҚІТ, трициклдық антидепрессанттар (мысалы, кломипрамин немесе амитриптилин), МАОТ (мысалы, моклобемид немесе линезолид), шілтер жапырақты шайқурай (Hypericum perforatum), триптандар, трамадол, петидин және триптофан секілді серотонергиялық препараттармен бір мезгілде тағайындау кезінде сақтық таныту қажет.

Дулоксетиннің басқа дәрілік препараттарға әсері

CYP1A2 изоферменті арқылы метаболизденетін дәрілік препараттар

Дулоксетинді (күніне 2 рет 60 мг) бір мезгілде қолдану теофиллиннің, CYP1A2 субстратының, фармакокинетикасына елеулі ықпалын тигізген жоқ.

CYP2D6 изоферменті арқылы метаболизденетін дәрілік препараттар

Дулоксетин CYP2D6 орташа тежегіші болып табылады. Дулоксетинді күніне 2 рет 60 мг дозада дезипраминмен, CYP2D6 субстратымен бір реттік бірге қабылдағанда, дезипраминнің AUC мәнінің 3 есеге артқаны байқалды. Дулоксетинді (күніне 2 рет 40 мг) бірге тағайындау толтеродиннің (күніне 2 рет 2 мг) AUC мәнін анықталған күйінен 71%-ға арттырды, бірақ оның белсенді 5-гидроксил метаболитінің фармакокинетикасына ықпалын тигізген жоқ және препарат дозасына түзету жүргізуді қажет еткен жоқ. Дулоксетинді көбіне CYP2D6 жүйесімен метаболизденетін препараттармен (мысалы, рисперидон, нортриптилин, амитриптилин және имипрамин сияқты трициклдық антидепрессанттармен (ТЦА) әсіресе емдік индексі тар препараттармен (мысалы, флекаинид, пропафенон немесе метопролол) бір мезгілде тағайындағанда сақтық таныту қажет.

Пероральді контрацептивтер және басқа да стероидты дәрілер

In vitro зерттеулерінің нәтижелері дулоксетин CYP3A изоферментінің каталитикалық белсенділігін тежемейтіндігін көрсетті. Дәрілік өзара әрекеттесулердің арнайы in vivo зерттеулері жүргізілген жоқ.

Антикоагулянттар және антиагрегантты дәрілер

СКҚІТ немесе СжНКҚІТ варфаринмен бірге тағайындағанда, қанталаудың жоғарылауын қоса, антикоагулянттық әсерлердің өзгерулері жөнінде мәлімделді. Дулоксетинді пероральді антикоагулянттармен немесе антиагрегантты дәрілермен бір мезгілде тағайындағанда, фармакодинамикалық өзара әрекеттесумен байланысты қан кетулер қаупі ұлғаюы мүмкін болғандықтан, сақтық танытқан жөн. Дулоксетин және варфаринді бір мезгілде тағайындағанда халықаралық қалыптасқан қатынас (ХҚҚ) артуы мүмкін.

Басқа дәрілік препараттардың дулоксетинге әсері

Антацидтер және Н2-антагонистері

Дулоксетинді құрамында алюминий- және магний бар антацидтермен немесе фамотидинмен бір мезгілде тағайындау 40 мг дозада пероральді түрде тағайындалған препараттың сіңу деңгейіне немесе дәрежесіне елеулі ықпалын тигізген жоқ.

CYP1A2 индукторлары

Дулоксетиннің қан плазмасындағы концентрациясы шылым шегетіндерде, шылым шекпейтіндермен салыстырғанда, 50%-ға дерлік төмен.

Жүктілік

Эпидемиологиялық деректер СКҚСТжүктілік кезінде қолдану, әсіресе кеш мерзімдерде нәрестелердің персистирлейтін өкпе гипертензиясы (НПӨГ) қаупін ұлғайтуы мүмкін екенін растайды. Нәрестелердің персистирлейтін өкпе гипертензиясы және СКҚСТ қолданудың өзара әрекеттесуін зерттеу бойынша зерттеулердің жоқтығына қарамастан дулоксетиннің әсер ету механизмін (серотонинді кері қармаулы тежеу) ескере отырып потенциалды қауіп жоққа шығарылмауы мүмкін.

Басқа серотонинергиялық препараттарды тағайындағандағыдай "тоқтату" синдромы нәрестелерде анасы жүктіліктің кеш мерзімдерінде дулоксетинді қолданған жағдайда байқалуы мүмкін.

Дулоксетин қолданғанда байқалатын "тоқтату" симптомдары артериялық қысымның төмендеуі, тремор, жоғары жүйке-рефлекторлық қозу синдромы, қоректендіру қиындықтары, респираторлық дисстресс-синдром, құрысуларды қамтуы мүмкін. Симптомдардың көпшілігі босану уақытында немесе босанудан кейін алғашқы бірнеше күнде байқалды.

ДУКСЕТ® препаратын жүктілік кезінде, егер ықтимал пайдасы шарана үшін ықтимал қаупінен асып түсетін болса ғана қабылдау керек. Әйелдерге жүктілігі басталған жағдайда, немесе дулоксетинмен емделу кезеңінде жүкті болуды жоспарлап жүрген болса, өз дәрігеріне хабар беру қажеттілігін айту керек.

Емшек емізу

Дулоксетин емшек сүтіне елеусіз дәрежеде өтеді. Нәресте анасы қабылдаған дозаның шамамен 0,14% алады. Дулоксетиннің емшек еметін жастағы балалардағы қауіпсіздігі туралы мәліметтердің жоқтығына байланысты, ДУКСЕТ® препаратын бала емізу кезінде қолдану ұсынылмайды.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

ДУКСЕТ® препаратын қабылдау седативтік әсердің және бас айналудың пайда болуымен қатар жүруі мүмкін. Пациенттер седативтік әсер және бас айналу пайда болған жағдайда көлікті жүргізу немесе механизмдерді басқару сияқты әлеуетті қауіпті істермен айналысуға жол бермеуі қажет.

Дозалану режимі

Ауқымды депрессиялық бұзылыс (АДБ)

Бастапқы және ұсынылатын демеуші дозасы тамақтануға қарамастан күніне бір рет 60 мг құрайды. Клиникалық зерттеулерде тәулігіне 60 мг-нан 120 мг-ға дейінгі дозаларды қолдану қауіпсіздігін бағалау жүргізілді. Дегенмен, бастапқы ұсынылған дозаға жауап бермейтін пациенттерде дозаны ұлғайту кезінде қандай да бір жақсартулар байқалғаны туралы клиникалық растау алынған жоқ.

Терапевтік жауап әдетте емдеудің 2-4 аптасынан кейін байқалады.

Депрессияға қарсы әсерін консолидациялағаннан кейін, аурудың қайталануына жол бермеу мақсатында, емдеуді жалғастыру ұсынылады. Дулоксетинмен емдеуге жауап беретін және анамнезінде қайталанған депрессия көріністері бар пациенттерде әрі қарай 60-тан 120 мг-ге дейінгі дозада ұзақ емдеу ықтималдылығын қарастыру қажет.

Жайылған үрейлі бұзылыс

Жайылған үрейлі бұзылыс бар пациенттерде ұсынылатын бастапқы доза тамақтануға қарамастан тәулігіне 30 мг құрайды. Терапияға жауап жеткіліксіз пациенттерде дозаны 60 мг-ға дейін арттыруға болады, бұл пациенттердің көпшілігінде әдеттегі демеуші доза.

Қатар жүретін депрессиямен ауыратын пациенттерде бастапқы және демеуші доза тәулігіне 60 мг құрайды (жоғарыдағы ұсыныстарды да қараңыз).

Клиникалық зерттеулер жүргізу кезінде тәулігіне 120 мг-ға дейінгі дозалардың тиімділігі көрсетілді, сонымен қатар мұндай дозаларды қауіпсіздік тұрғысынан бағалау жүргізілді. Сондықтан 60 мг дозаға жауап жеткіліксіз пациенттерде дозаны 90 мг немесе 120 мг-ға дейін ұлғайту орынды болуы мүмкін. Дозаны ұлғайту клиникалық жауап пен төзімділік негізінде жүргізілуі керек.

Терапияға жауап алғаннан кейін қайталануды болдырмау үшін емдеуді бірнеше ай бойы жалғастыру ұсынылады.

Диабеттік шеткері нейропатияның (ДШНП) ауыртатын түрі

Бастапқы және ұсынылатын демеуші дозасы тамақтануға қарамастан күніне бір рет 60 мг құрайды. Клиникалық зерттеулер кезінде тең дозаларға бөлінген тәулігіне 60 мг-нан 120 мг-ға дейінгі дозаларды қолдану қауіпсіздігін бағалау жүргізілді. Плазмадағы дулоксетин концентрациясының жекелей аралық едәуір ауытқушылығы бар болғандықтан, тәулігіне 60 мг дозаға жауабы жеткіліксіз пациенттерде жоғары дозаны қолданғанда жақсартулар байқалуы мүмкін.

Пациенттің емдеуге реакциясына 2 ай емдеуден кейін баға берілуі тиіс. Бастапқы жауабы жеткіліксіз болған пациенттерде, осы уақыт аралығынан кейінгі қосымша реакцияның болуы екіталай.

Емдік пайдасына баға беру ұдайы (үш айда кем дегенде бір рет) қайта қарастырылуы тиіс.

Егде жастағы пациенттер

Егде жастағы пациенттерге тек жасына негіздей отырып, дозаны түзету қажет болмайды.

Егде жастағы пациенттерді емдеуде, әсіресе шектеулі деректердің болуына байланысты, ауқымды депрессиялық бұзылысты немесе жайылған үрейлі бұзылысты емдеуде 120 мг дозада дулоксетин тағайындағанда сақтық шараларын қолдану қажет.

Бауыр жеткіліксіздігі бар пациенттер

Дулоксетинді бауыр функциясының жеткіліксіздігіне әкеліп соғатын бауыр аурулары бар пациенттер қабылдамауы тиіс.

Бүйрек жеткіліксіздігі бар пациенттер

Бүйрек функциясының жеңіл және орташа дәрежедегі бұзылулары бар (креатинин клиренсі 30 - 80 мл/мин) пациенттерде дулоксетин дозасын түзету қажет емес. Дулоксетинді бүйрек функциясының ауыр жеткіліксіздігі бар (креатинин клиренсі минутына 30 мл-ден аз) пациенттер қабылдамауы тиіс.

18 жасқа дейінгі балалар мен жасөспірімдерге қолдану

Дулоксетин препаратын ауқымды депрессиялық бұзылыстарды емдеу үшін, қолданудың қауіпсіздігімен және тиімділігімен байланысты ықтимал мәселелерін ескеріп, 18 жасқа дейінгі балалар мен жасөспірімдерге тағайындау ұсынылмайды.

Жайылған үрейді бұзылысы бар 7-17 жас аралығындағы балаларда дулоксетинді қолданудың қауіпсіздігі мен тиімділігі анықталмаған.

Дулоксетинді қолданудың қауіпсіздігі мен тиімділігі диабеттік шеткері нейропатияда ауыру синдромы бар 18 жасқа дейінгі балалар мен жасөспірімдерде зерттелген жоқ.

Деректер жоқ.

Енгізу әдісі мен жолы

Ішке қабылдауға арналған. Капсуланы шайнамай және ұсақтамай тұтастай жұтқан жөн. Капсуланы ашуға және капсуланың ішіндегісін тамақпен немесе сұйықтықпен араластыруға болмайды.

Емдеу ұзақтығын емдеуші дәрігер әр пациент үшін жекелей түрде анықтайды.

Артық дозаланған жағдайда қабылдануы тиіс шаралар

Дулоксетинді 5400 мг дозада бір мезгілде ішке қабылдаған кезде дулоксетинмен монотерапияда немесе басқа дәрілік заттармен біріктірілімінде препараттың артық дозалану жағдайлары жөнінде мәлімделді. Бірнеше өлім жағдайлары, негізінен аралас артық дозаланғанда тіркелді, бірақ сондай-ақ дулоксетинмен монотерапияда шамамен 1000 мг дозаны тағайындағанда да орын алды.

Артық дозалануы келесі белгілермен және симптомдармен (дулоксетинмен монотерапияда немесе басқа дәрілік препараттармен біріктірілген емде) қатар жүруі мүмкін: ұйқышылдық, кома, серотонинді синдром, құрысулар, тахикардия және құсу.

Емі: спецификалық антидоты белгісіз. Серотонинді синдром пайда болған жағдайда спецификалық ем (мысалы, ципрогептадинмен және/немесе температураны бақылау) жүргізілуі мүмкін. Жедел артық дозаланған жағдайда емдеу кез келген препаратпен артық дозаланғанда қабылданатын жалпы шаралардан тұруы тиіс. Тыныс жолдарының өткізгіштігін қалпына келтіру қажет. Симптоматикалық және демеуші ем жүргізумен қатар, жүрек қызметіне мониторинг жүргізу және негізгі тіршілік көрсеткіштерін қадағалау ұсынылады. Асқазанды шаю, егер ол ішке қабылдағаннан кейін бірден жүргізілсе немесе симптомдары бар пациенттерге қолданылуы мүмкін. Белсендірілген көмір сіңуін шектеу үшін пайдалы болуы мүмкін. Дулоксетиннің таралу көлемінің үлкен болуына байланысты, қарқындатылған диурезді, гемоперфузияны және алмастыратын перфузияны қолданудың пайдасы екіталай.

Тоқтату симптомдары қаупінің болуына көрсетілім

Емдеудің күрт тоқтатылуын болдырмау қажет. Тоқтату синдромының даму қаупін төмендету үшін, дозасын төмендету біртіндеп, 1 - 2 апта ішінде жүргізілуі тиіс. Препараттың дозасын төмендеткеннен кейін немесе емдеуді тоқтатқанда көтерімсіздік симптомдары пайда болған жағдайда, қабылдауды бұрын жазып берілген дозасында қайта бастауға болады. Ары қарай дәрігер дозасын төмендетуді жалғастыруына болады, бірақ қарқыны төменірек болуы тиіс.

Дәрілік препаратты қолдану тәсілін түсіну үшін медицина қызметкерінен кеңес алыңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Дулоксетин қабылдаған пациенттерде ең көп таралған жағымсыз реакциялар жүрек айнуы, бас ауыруы, ауыздың құрғауы, ұйқышылдық және бас айналу болды. Алайда жиі туындайтын жағымсыз реакциялардың көпшілігі жеңіл және орташа түрде болды; олар әдетте емнің басында пайда болды және көп жағдайда емдеуді жалғастырған кезде әлсірей түсті.

Бірлі-жарым жағдайлардан көбірек кездесетін жағымсыз реакциялар келесі градацияға сәйкес келтірілген: өте жиі (≥ 1/10), жиі (≥1/100-ден < 1/10-ға дейін), жиі емес (≥1/1000-нан < 1/100-ге дейін), сирек (≥1/10000-нан < 1/1000-ға дейін), өте сирек (< 1/10000).

Өте жиі:

- бас ауыруы, ұйқышылдық;

- жүрек айнуы, ауыздың құрғауы.

Жиі:

- тәбеттің нашарлауы;

- ұйқысыздық, ажитация, либидоның төмендеуі, үрей, оргазм бұзылулары, патологиялық түс көру;

- бас айналуы, летаргия, тремор, парестезия;

- көрудің бұлыңғырлануы;

- құлақтың шулауы;

- жүректің қатты қағуы;

- артериялық қысымның жоғарылауы, гиперемия;

- есінеу;

- іш қатуы, диарея, іш ауыруы, құсу, диспепсия, метеоризм;

- қатты тершеңдік, бөртпе;

- қаңқа-бұлшықет ауыруы, бұлшықет түйілуі;

- дизурия, поллакиурия;

- эректильді дисфункция, шәует шығуының бұзылуы, шәует шығуының іркілуі;

- құлап қалу, қажу;

- салмақтың төмендеуі.

Кейде:

- ларингит;

- гипергликемия (әсіресе қант диабеті бар пациенттерде жиі кездеседі);

- суицидтік ойлар, ұйқының бұзылуы, бруксизм, бағдардан адасу, апатия;

- миоклонус, акатазия, күйгелектік, зейін қоюдың бұзылуы, дисгевзия, дискинезия, тынымсыз аяқ синдромы, ұйқы сапасының нашарлауы;

- мидриаз, көрудің бұзылуы;

- вертиго, құлақтың ауыруы;

- тахикардия, суправентрикулярлық аритмия (негізінен жүрекше фибрилляциясы);

- естен тану, гипертензия, ортостаздық гипотензия, шеткері қан айналымының бұзылуы (қол-аяқтың салқындауы);

- тамақтағы қысылу сезімі, мұрыннан қан кету;

- асқазан-ішектен қан кету, гастроэнтерит, кекіру, гастрит, дисфагия;

- гепатит, бауыр ферменттері (АЛТ, АСТ, сілтілік фосфатаза) деңгейінің жоғарылауы, бауырдың жедел зақымдануы;

- түнгі терлеу, есекжем, жанаспалы дерматит, суық тер, фотосенсибилизация, қанталау түзілуі үрдісінің жоғарылауы;

- бұлшықеттің сіресуі, бұлшықеттің құрысуы;

- несеп шығарудың іркілуі, несеп шығарудың бұзылуы, никтурия, полиурия, несеп ағыны жылдамдығының төмендеуі;

- гинекологиялық қан кетулер, етеккір айналымының бұзылуы, сексуалдық дисфункция, аталық без ауыруы;

- кеуденің ауыруы, патологиялық сезімдер, суық сезіну, шөлдеу, қалтырау, дімкәстік, ыстық сезіну, жүрістің бұзылуы;

- салмақ қосу, қандағы креатинфосфокиназа деңгейінің жоғарылауы, қандағы калий деңгейінің жоғарылауы.

Сирек:

- анафилаксиялық реакциялар, аса жоғары сезімталдық;

- гипотиреоз;

- сусыздану, гипонатриемия, диурезге қарсы гормонның талапқа сай емес сөлініс синдромы (ДҚГТСС);

- суицидтік мінез-құлық, мания, елестеулер, озбырлық және ашу;

- серотониндік синдром, құрысулар, психомоторлық қозу, экстрапирамидалық симптомдар;

- глаукома;

- гипертониялық криз;

- интерстициальді өкпе ауруы, эозинофильді пневмония;

- стоматит, қан аралас нәжіс, ауыздан жағымсыз иіс шығу;

- бауыр жеткіліксіздігі, сарғаю;

- Стивенс-Джонсон синдромы, ангионевроздық ісіну;

- тризм (шайнау бұлшықеттерінің спазмы);

- несептен қалыптан тыс иіс шығуы;

- менопауза симптомдары, галакторея, гиперпролактинемия, босанғаннан кейінгі қан кету;

- қандағы холестерин концентрациясының жоғарылауы.

Өте сирек:

– терілік васкулит.

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір капсуланың құрамында

белсенді зат – 176.100 мг немесе 352.200 мг дулоксетин микропеллеті (30 мг немесе 60 мг дулоксетинге баламалы),

дулоксетин микропеллеті құрамындағы қосымша заттар: бейтарап пеллеттер, кристалды қант, гидроксипропилметилцеллюлоза 603, гипромеллоза ацетаты сукцинат-LF (НРМС-AS-LF), тальк, триэтилцитрат, 25% аммиак ерітіндісі, Opadry white 02A28361 бояғыш заты (гипромеллоза, титанның қостотығы, тальк);

капсула корпусының және қақпақшасының құрамы: индиготин – FD&C Blue2 (Е 132), титанның қостотығы (Е171), темірдің сары тотығы (Е172), желатин.

Өлшемі №3, ақ түсті күңгірт корпусы және қара-көк түсті күңгірт қақпақшасы бар қатты желатинді капсулалар (30 мг дозасы үшін). Өлшемі №1, ақшыл-жасыл түсті күңгірт корпусы және қара-көк түсті күңгірт қақпақшасы бар қатты желатинді капсулалар (60 мг дозасы үшін). Капсуланың ішіндегісі – ақшыл-ақсары микропеллеттер.

Поливинилхлоридті мөлдір үлбірден және баспалы алюминий фольгадан жасалған пішінді ұяшықты қаптамаға 7 капсуладан салынған.

Пішінді 2 немесе 4 қаптама медициналық қолдану жөніндегі қазақ және орыс тілдеріндегі нұсқаулықпен бірге өндіруші фирманың голограммасы бар картон қорапшаға салынған.

3 жыл.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel.kz

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі 162 Е

Телефон нөмірі: (+7 727) 399-50-50

Факс нөмірі: (+7 727) 399-60-60

Электронды поштасы nobel@nobel.kz