Доксилан таблетки по 100 мг №10 (блистер)

Доксилан®

Доксициклин

Таблеткалар, 100 мг

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Тетрациклиндер. Доксициклин.

АТХ коды J01AA02

Препаратқа сезімтал микроорганизмдер тудырған инфекциялық-қабыну аурулары:

Риккетсиозды инфекциялар Жартасты таулардың дақты қызбасы, бөртпе сүзек тобы, ку-қызбасы, ку-қызбасы аясындағы эндокардит және кене қызбасы.

Mycoplasma pneumoniae туғызған тыныс жолдарының инфекциялары. Chlamydophila psittaci туғызған пситтакоз (орнитоз). Емдеуді бастар алдында сеппе және сезімталдыққа тест өткізу ұсынылады. Доксициклин, соның ішінде, пневмония және Streptococcus pneumoniae, Haemophilus influenzae, Klebsiella pneumoniae сезімтал штаммдары туғызған төменгі және жоғарғы тыныс жолдарының басқа инфекцияларында көрсетілген.

Несеп-жыныс жүйесінің инфекциялары: Klebsiella, Enterobacter, Escherichia coli, Streptococcus faecalis, Chlamydia trachomatis түрінің сезімтал штаммдары туғызған, оның ішінде асқынбаған уретральді, эндоцервикальді немесе ректальді инфекциялар. Ureaplasma urealyticum (Т-микоплазма) туғызған гонококкты емес уретрит. Доксилан Haemophilus ducreyi туғызған шанкроид, Klebsiella granulomatis туғызған шап гранулемасы және Neisseria gonorrhoeae туғызған венерологиялық гранулема кезінде де көрсетілген. Доксилан соз және мерезді баламалы емдеу әдісі болып табылады.

Спецификалық бактериялық инфекциялар, атап айтқанда: Borrelia recurrentis туғызған қайталамалы сүзек. Yersinia pestis туғызған оба. Francisella tularensis туғызған туляремия. Тырысқақтық вибрион туғызған тырысқақ. Campylobacter fetus туғызған Campylobacter ұрығының инфекциялары. Brucella түрлері туғызған бруцеллез (стрептомицинмен біріктіріп). Bartonella bacilliformis туғызған бартонеллез.

Гонококктар, стафилококктар және Haemophilus influenzae сезімтал штаммдары туғызған офтальмологиялық инфекциялар. Иммунофлуоресценттік талдаулар нәтижелері бойынша, Chlamydia trachomatis туғызған трахома, инфекциялық агентпен туындаса да, үнемі жоюға келе бермейді. Қосылыстары бар конъюнктивит кезінде доксиланның ішке қабылдауға арналған түрін монотерапия түрінде немесе жергілікті дәрілермен біріктірілімде тағайындауға болады.

Bacillus anthracis туғызған сібір ойық жарасы, оның ішінде ингаляциялық сібір ойық жарасы (жанасудан кейін). Доксициклин Bacillus anthracis-пен жанасудан кейінгі аурудың жиілігін немесе үдеуін төмендету үшін қолданылады.

Пенициллинді қолдануға болмайтын кезде, жекелеген инфекцияларды баламалы емдеу

Treponema pallidum туғызған мерез.

Treponema pallidum pertenue қосалқы түрі туғызған фрамбезия.

Fusobacterium fusiforme туғызған Винсента инфекциясы.

Actinomyces israelii туғызған актиномикоз.

Clostridium түрлері туғызған инфекциялар.

Жедел ішек амебиазы және акненің ауыр түрлеріндегі қосымша ем. Доксилан Acne vulgaris ауыр безеу ауруында (біріктірілген ем құрамында), сондай-ақ жедел ішек амебиазында қосымша ем ретінде қолданылады.

Безгек профилактикасы. Безгек профилактикасын қолданыстағы жетекші қағидаларға сәйкес жүргізген жөн. Доксициклин хлорохинге және/немесе пириметамин-сульфадоксинге төзімділігі бар аудандарға қысқа мерзімді (4 айдан аз) сапарларда Plasmodium falciparum туғызған безгек профилактикасында көрсетілген.

штаммы, устойчивые к пириметамин-сульфадоксину

strains resistant to pyrimethamine-sulfadoxine

устойчивые штаммы пириметамин-сульфадоксин

resistant strains pyrimethamine-sulfadoxine

Толық нәтижелерді жүктеу мүмкін емес.

Әрекетті қайталау

Қайталануда…

Қайталануда…

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- 8 жасқа дейінгі балалар

- жүктілік және лактация кезеңі

- порфирия

- лейкопения

- бауырдың және/немесе бүйректің ауыр жеткіліксіздігі

- тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдарға

- жалған ми ісігінің жоғары қаупіне орай, доксициклин мен изотретиноинді бір мезгілде қабылдау

Сүт, сүт өнімдері, құрамында алюминий, кальций, магний бар антацидтер, сондай-ақ темір тұздары және висмут препараттары доксициклин сіңуінің төмендеуіне әкелуі мүмкін, сондықтан да оларды бір мезгілде қабылдауға болмайды. Аниониттер (холестирамин, холестипол) доксилан қабылдаудан кейін 2 сағаттан соң қабылдану керек, өйткені олар доксициклин сіңуін нашарлатуы мүмкін.

Карбамазепин, фенитоин сияқты фермент-индукциялаушы препараттарды, барбитураттар, примидон немесе рифампицинді ұзақ мерзімді қабылдау бауырда доксициклин метаболизмін жеделдетуі мүмкін және плазмадағы концентрациясының азаюына әкелуі мүмкін. Сол сияқты, ұзақ мерзімді алкоголизмге де қатысты болады.

Доксициклин диабетке қарсы пероральді препараттардың гипогликемиялық әсерін арттыруы мүмкін.

Тетрациклинді оральді контрацептивтермен бір мезгілде қолдану олардың контрацепциялық әсерінің төмендеуіне әкелуі мүмкін.

Тетрациклиндер бауырда секале-алкалоидтар метаболизмін тежеуі мүмкін, бірлі-жарым жағдайларда тамырлар түйілуімен және гипоперфузиямен бірге эрготизм болуы мүмкін.

Доксициклинді басқа әлеуетті гепато және нефроуытты заттармен пайдалануға болмайды, өйткені олар бүйрекке теріс әсерін тигізуі мүмкін.

Бактериостатикалық антибиотиктер бета-лактамды антибиотиктердің бактерицидтік әсеріне кедергі келтіретіндіктен, оларды қатар қабылдау пайдалы болмайды.

Доксициклинді метотрексатпен бір мезгілде қолдану оның уыттылығын арттыруы мүмкін.

Доксициклин циклоспориннің иммуносупрессиялық әсер етуші агентінің уытты әсерін арттыруы мүмкін.

Дигитоксиннің сіңуін тетрациклиндерді бір мезгілде қабылдаумен азайтуға болады. Тетрациклин мен метоксифлуранды бір мезгілде қолдану өлімге әкелетін бүйрек уыттылығына әкелуі мүмкін.

Жүйке-бұлшықеттік тежелісін поляризацияланбаған миорелаксанттармен (мысалы, тубокурарин және галламинмен) арттыруға болады.

Теофиллин мен тетрациклинді бір мезгілде қолдану асқазан-ішек жағымсыз әсерлерінің жиілігін арттыра алады.

Доксициклин несептегі ақуыз, қант және уробилиноген талдауын, сондай-ақ несептен катехоламиндердің анықталуын бұрмалауы мүмкін.

Акнені изотретиноинмен емдеуге дейін, ем кезінде немесе одан кейін көп ұзамай доксициклинді пайдалануға болмайды, өйткені агенттер бассүйекішілік қысымның қайтымды көтерілуін (жалған ми ісігін) сирек туындатады.

Тетрациклиндер плазма протромбині белсенділігін бәсеңдетеді және антикоагулянттар белсенділігін арттырады. Антикоагулянттарды бір мезгілде қолданған жағдайда олардың дозаларын азайту қажет болуы мүмкін.

Бактериостатикалық препараттар пенициллиннің бактерицидтік әсерін бөгеуі мүмкін екендіктен, тетрациклиндерді пенициллинмен бір мезгілде тағайындау ұсынылмайды.

Зертханалық зерттеулер нәтижелеріне әсері:

Егер Бенедикт сынамасы немесе глюкозооксидазалық әдіс пайдаланылса, несептегі глюкоза деңгейін анықтауға арналған тестілер нәтижелері жалған-оң немесе жалған-теріс болуы мүмкін.

Сондай-ақ флуоресценттік әдіспен анықтағанда несептегі катехоламиндер деңгейінің жалған жоғарылауы туындауы мүмкін.

Балаларда қолдану

Тістің дамуы кезінде тетрациклин класындағы препараттарды қолдану (жүктіліктің соңғы жартысы, нәресте және 8 жасқа дейінгі балалар) тістердің тұрақты түссізденуіне әкелуі мүмкін (сары-сұр-қоңыр). Бұл жағымсыз реакция препараттарды ұзақ уақыт қолданғанда жиі кездеседі, бірақ қысқа мерзімді қайталама курстардан кейін байқалды. Эмаль гипоплазиясы туралы да хабарланды. 8 жасқа толмаған педиатриялық пациенттерде доксициклинді қолданудың ықтимал пайдасы ауыр немесе өмірге қауіп төндіретін жағдайлардан (мысалы, Жартасты таулардың дақты қызбасы) қауіптерден асып түсетін кезде ғана қолданыңыз, тек баламалы емдеу әдістері болмаған кезде.

Тұрақты тістерді бояу қаупі 8 жастан 12 жасқа дейінгі балаларда сирек кездесетініне қарамастан, доксициклинді қолдану басқа препараттар қолжетімсіз, тиімді болуы екіталай немесе қолдануға болмайтын жағдайларда мұқият негізделуі керек.

100 мг «Доксилан» таблеткасының құрамында лактоза бар. Галактоза жақпаушылығы, Лапп лактаза тапшылығы немесе глюкоза-галактоза сіңірілуінің бұзылуымен байланысты сирек тұқым қуалайтын аурулары бар пациенттерге бұл препаратты қабылдауға болмайды.

Бауыр жеткіліксіздігі

Бауыр функциясы бұзылған пациенттерге немесе ықтимал гепатоуытты препараттарды қабылдайтындарға сақтықпен қолдану керек.

Бауырдың қалыптан тыс функциясы сирек хабарланды және тетрациклиндерді, соның ішінде доксициклинді пероральді және парентеральді қабылдаудан туындады.

Бүйрек жеткіліксіздігі

Бүйрек функциясы қалыпты адамдарда 72 сағат ішінде доксициклиннің бүйрек арқылы экскрециясы шамамен 40% құрайды. Экскрецияның бұл пайызы ауыр бүйрек жеткіліксіздігі бар адамдарда (креатинин клиренсі 10 мл/мин төмен) 72 сағат ішінде 1-5% дейінгі диапазонға төмендеуі мүмкін. Зерттеулер бүйрек қызметі қалыпты және ауыр бұзылулары бар адамдарда қан сарысуындағы доксициклиннің жартылай шығарылу кезеңінде айтарлықтай айырмашылықты көрсетпеді. Гемодиализ қан сарысуындағы доксициклиннің жартылай шығарылу кезеңін өзгертпейді. Тетрациклиндердің антианаболикалық әсері қандағы мочевинаның көбеюіне әкелуі мүмкін. Бүгінгі күнге дейін жүргізілген зерттеулер пациенттерде бұл антианаболикалық әсердің доксициклинді қолданғанда пайда болмайтынын көрсетеді. Терінің ауыр реакциялары

Доксициклинмен емделген пациенттерде эксфолиативті дерматит, мультиформалы эритема, Стивенс-Джонсон синдромы, уытты эпидермалық некролиз және эозинофилиямен және жүйелік симптомдармен (DRESS) дәрілік реакция сияқты ауыр тері реакциялары тіркелді. Терінің ауыр реакциялары пайда болған кезде, доксициклинді қабылдауды дереу тоқтатып, тиісті терапияны тағайындау керек.

Күн әсерінен күйіп қалудың аса жоғары сезімталдық реакциясымен көрінетін фотосенсибилизация тетрациклиндерді, соның ішінде доксициклинді қабылдаған кейбір адамдарда байқалды. Тікелей күн сәулесінің немесе ультракүлгін сәуленің әсеріне ұшырауы мүмкін пациенттерге бұл реакция тетрациклин препараттарымен бірге жүруі мүмкін екендігі туралы хабарлау керек және терінің эритемасының алғашқы белгілерінде емдеуді тоқтату керек.

Фотоонихолиз доксициклинмен емделген пациенттерде де тіркелген.

Қатерсіз бассүйекішілік гипертензия

Сәбилердегі дөңес еңбектер тетрациклинмен емделген адамдарда тіркелген. Қатерсіз бассүйекішілік гипертензия (мидың жалған ісігі) тетрациклиндерді, соның ішінде доксициклинді қолданумен байланысты болды. Қатерсіз бассүйекішілік гипертензия (жалған ісік церебралар) әдетте өтпелі болып табылады, алайда қатерсіз бассүйекішілік гипертензияға (жалған ісік церебралар) қатысты екіншілік болатын тұрақты көру қабілетінің жоғалу жағдайлары тетрациклиндермен, соның ішінде доксициклинмен бірге тіркелді. Егер емдеу кезінде көру қабілетінің бұзылуы болса, жедел офтальмологиялық бағалау қажет. Бассүйекішілік қысым препаратты қабылдауды тоқтатқаннан кейін бірнеше апта бойы жоғарылауы мүмкін болғандықтан, пациенттер тұрақтанғанға дейін бақылауда болуы керек. Изотретиноинді немесе басқа жүйелік ретиноидтар мен доксициклинді бір мезгілде қолданудан аулақ болу керек, өйткені изотретиноин сонымен қатар қатерсіз бассүйекішілік гипертензияны (жалған ісік церебралар) тудыратыны белгілі.

Антибиотиктерді қолдану кейде сезімтал емес организмдердің, Candida қоса, шамадан тыс өсуіне әкелуі мүмкін. Резистентті организм пайда болған кезде, антибиотикті тоқтатып, тиісті терапияны тағайындау керек.

Жалған жарғақшалық колит барлық дерлік бактерияға қарсы дәрілермен, соның ішінде доксициклинмен тіркелді және ауырлығы жеңілден өмірге қауіп төндіретінге дейін өзгерді. Бұл диагнозды бактерияға қарсы дәрілерді енгізгеннен кейін диареямен ауыратын пациенттерде ескеру маңызды.

Доксициклинді қоса, бактерияға қарсы дәрілердің бәрін дерлік қолдану кезінде Clostridium difficile астасқан диарея (CD-АД) туралы хабарланды, әрі жеңіл диарея түрінде де, өлімге ұшырататын колит түрінде де өтуі мүмкін. Бактерияға қарсы дәрілермен емдеу тоқ ішектің қалыпты флорасын өзгертеді, бұл C. difficile шамадан тыс өсуіне әкеледі.

CD-АД дамуына А және В токсиндерін өндіретін C. difficile ықпал етеді.

Гипертоксиндер шығаратын C. difficile штаммдары микробқа қарсы емге рефрактерлі болуы және колэктомия жасауды талап етуі мүмкін инфекцияларды туғызатындықтан, ауруға шалдығу мен өлімге ұшыраудың артуымен астасады. CD-АД антибиотиктерді пайдаланғаннан кейін диареямен ауыратын барлық пациенттерде ескерілуі керек. Аурудың мұқият тарихы қажет, өйткені CD-АД бактерияға қарсы дәрілерді енгізгеннен кейін екі ай ішінде пайда болады.

Эзофагит және өңеш ойық жарасы жағдайлары тетрациклин класындағы дәрлердің капсулалық және таблеткалық түрлерімен, соның ішінде доксициклинмен емделген пациенттерде тіркелді. Осы пациенттердің көбі дәріні ұйықтар алдында немесе сұйықтықтың жеткіліксіз мөлшерімен қабылдаған.

Тетрациклиндермен емделген пациенттерде порфирия туралы сирек хабарламалар болды.

Венерологиялық аурулар.

Венерологиялық ауруларды емдеген кезде, мерездің болуына күдік болса, көру өрісінің қараңғылығын зерттеуді қоса, тиісті диагностикалық процедураларды қолдану керек. Барлық осындай жағдайларда кем дегенде төрт ай бойы ай сайынғы серологиялық талдаулар жүргізілуі керек.

Бета-гемолиздік стрептококк инфекциясы

А тобындағы бета-гемолиздік стрептококктардан туындаған инфекцияларды кем дегенде 10 күн емдеу керек.

Әлсіз жүйке-бұлшықет блокадасының мүмкіндігіне байланысты миастениямен ауыратын пациенттерге тетрациклиндерді енгізу кезінде сақ болу керек.

Жүйелі қызыл жегі

Тетрациклиндер ЖҚЖ өршуіне әкелуі мүмкін.

Метоксифлуран

Метоксифлуранмен тетрациклиндерді енгізу кезінде сақ болу ұсынылады.

Яриш-Герксхаймер реакциясы

Спирохеталық инфекциясы бар кейбір пациенттерде Яриш-Герксхаймер реакциясы болуы мүмкін. Яриш-Герксхаймер реакциясы - спирохетозбен, сондай-ақ мерезбен, боррелиозбен, менингококкты менингитпен ауыратын науқастарды спецификалық бактерияға қарсы дәрілермен емдеуді бастағаннан кейін бірнеше сағаттан кейін пайда болатын реакция антигендердің, эндотоксиндердің тез босап шығуымен байланысты, аурудың қоздырғышы бактерияларының жаппай қырылуына, бұл бақыланбайтын иммундық жауапқа әкеледі. Ол температураның жоғарылауымен, қалтыраумен, артериялық қысымының төмендеуімен, тахикардиямен, жүрек айнуымен, бас ауыруымен, бұлшықет ауыруымен, бұрыннан бар немесе негізгі аурудың жаңа симптомдарының пайда болуымен көрінеді. Бактерияға қарсы дәрілерді енгізуге аллергиялық реакция болып табылмайды - одан әрі бактерияға қарсы терапия қажет.

Жүктілік немесе лактация кезінде

Жүктілік кезінде доксициклинмен емдеу қатаң түрде көрсетілімдерге және қауіп пен пайда бейініне байланысты, ал оны егер басқа антибиотиктер пайдалануға болмайтын жағдайда ғана тағайындау керек. Доксициклин шаранада тістердің түссізденуіне және сүйектер өсуінің қайтымды кідірісіне әкелуі мүмкін.

Жүктілік кезінде бауырдың зақымдану жиілігі артады.

Тетрациклиндер, доксициклинді қоса, емшек сүтімен бөлінеді, сондықтан да бала емізетін аналарға қолдануға болмайды. Қолдану керек кезде сауып тастауға және емдеу кезінде емізуден бас тарту ұсынылуы мүмкін. Емшек еметін балаларда доксициклинге күрделі қолайсыз реакциялар болуы мүмкін екеніне орай, препараттың ана үшін маңыздылығын ескеріп, бала емізуді тоқтату керек пе әлде препаратты тоқтату керек пе, шешім қабылдау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Сирек жағдайларда тетрациклиндермен емдеу кезінде уақытша алыстан көрмеу байқалды, бұл автокөлікті жүргізу және механизмдерді басқару кезіндегі қауіпсіздіктің бұзылуына әкелуі мүмкін.

Доксициклин дозасы инфекция ағымының ауырлығына және микроорганизмнің препаратқа сезімталдығына байланысты.

Ересектер және 12-ден 18 жасқа дейінгі балалар

Жедел инфекцияларды емдеуге арналған доксициклиннің әдеттегі дозалануы ересектерде бірінші күні 200 мг (әр 12 сағат сайын 100 мг бір реттік доза түрінде) құрап, әрі қарай тәулігіне 100 мг демеуші доза қабылдайды. Демеуші дозаны бір рет те, сондай ақ әр 12 сағат сайын 50 мг енгізуге болады. Инфекциялардың аса ауыр түрлерін (әсіресе, несеп шығару жолдарының созылмалы инфекцияларын) емдеу үшін әр 12 сағат сайын 100 мг қабылдау ұсынылады.

8-ден 12 жасқа дейінгі балалар

Жедел инфекцияларды емдеу үшін доксициклинді 8-ден 12 жасқа дейінгі балаларда пайдалану басқа препараттар қол жетімді болмаған, тиімділігі аз немесе қолдануға болмайтын жағдайларда ғана негізді болуы мүмкін.

Осындай жағдайларда жедел инфекцияларды емдеу үшін келесі дозалар тағайындалады:

Дене салмағы 45 кг-ден аз балалар үшін – бастапқы доза: 4,4 мг/кг (бір реттік доза немесе 2 бөлікке бөлінген дозалар түрінде), кейіннен демеуші дозаны қабылдауға ұласады: 2,2 мг/кг (бір реттік доза немесе 2 бөлікке бөлінген дозалар түрінде). Инфекцияның өте ауыр түрлерін емдеу үшін 4,4 мг/кг дейін тағайындауға рұқсат етілген.

Дене салмағы 45 кг-ден артық балалар үшін – ересектерге арналған доза тағайындалу керек.

Доксициклин тістердің түссіздену қаупі салдарынан 8 жасқа дейінгі балаларда пайдалануға болмайды.

Егде жастағы пациенттер

Доксиланды дозаны түзетусіз және қандай да бір айрықша сақтық шараларын қадағалаусыз егде жастағы адамдарға тағайындауға болады.

Бүйрек жеткіліксіздігі бар пациенттер

Бүйрек жеткіліксіздігі жағдайында дозаны түзету қажет емес.

Белгілі бір инфекциялар кезінде дозалау жөніндегі ұсынымдар:

Стрептококк инфекциялары кезінде қолданғанда емді 10 күн бойы жалғастырған жөн.

Acne vulgaris 6-12 апта бойы тамақпен немесе сұйықтықпен бірге тәулігіне 50 мг.

Жыныс жолымен берілетін инфекцияларда келесі ауруларда 7 күн бойы тәулігіне екі рет 100 мг тағайындау ұсынылады:

асқынбаған гонококк инфекциялары (ерлердегі аноректальді инфекциялардан басқа); Chlamydia trachomatis туғызған асқынбаған уретральді, эндоцервикальді немесе ректальді инфекция; Ureaplasma urealyticum туғызған гонококкты емес уретирит. Chlamydia trachomatis немесе Neisseria gonorrhea туғызған жедел эпидидимо-орхит – 7 күн бойы тәулігіне екі рет 100 мг.

Біріншілік және салдарлық мерез: пенициллинге аллергиясы бар немесе біріншілік немесе салдарлық мерез диагностикаланған пациент әйелдерге келесі режимді тағайындауға болады: пенициллинмен емдеу баламасы ретінде екі апта бойы тәулігіне екі рет ішке 100 мг доксициклин.

Бір жылдан аса созылатын мерез: пенициллинге аллергиясы бар пациенттер доксициклинді 4 апта бойы күніне екі рет ішке 100 мг дозада алуы тиіс.

Эпидемиялық қайталамалы сүзек және қайталанатын кене қызбасы – ауырлық дәрежесіне байланысты бір реттік 100 немесе 200 мг доза.

Хлорохинге төзімді безгекті емдеу – кемінде 7 күн бойы күніне 200 мг. Инфекциялардың ықтималды ауырлығына орай, тез әсер ететін шизонтоцидтік дәрілер, мысалы, хинин доксициклинмен бірге үнемі тағайындалу керек.

Безгек профилактикасы үшін

Ересектерге ұсынылатын доза күніне 100 мг құрайды. 8 жастан асқан балаларға

ұсынылатын доза ересек дозаға дейін күніне бір рет 2 мг/кг құрайды. Профилактиканы безгек жұқтыру қаупі бар аудандарға барудан 1-2 бұрын бастауға болады. Профилактикалық дозаны безгек жұқтыру қаупі бар аудандарға сапарлаған уақытта күнделікті және оралған соң 4 апта бойы қабылдайды.

Жапондық өзен қызбасының профилактикасы үшін – бір реттік доза түрінде 200 мг.

Ересек саяхатшыларда диарея профилактикасы үшін саяхаттың алғашқы күні 200 мг (бір реттік доза түрінде немесе әр 12 сағат сайын 100 мг), одан кейін қауіпті ауданда болған күндердің бәрінде күнделікті 100 мг. Дәрілік түрді 21 күн бойы профилактикалық пайдалану жөнінде деректер қолжетімсіз.

Лептоспироз профилактикасы үшін қауіпті ауданда болған уақытта аптасына бір рет 200 мг және оралудан соң 200 мг. Дәрілік түрді 21 күн бойы профилактикалық пайдалану жөнінде деректер қолжетімсіз.

Жартасты таулардың дақты қызбасы

Ересектер: әр 12 сағат сайын 100 мг.

Балалар: дене салмағы 45 кг-ден аз: тәулігіне екі рет дене салмағына 2,2 мг/кг. Дене салмағы 45 кг-ден артық балалар ересек дозаны қабылдау керек.

Пациенттер емдеуді қызба симптомдары кеткеннен кейін және клиникалық жақсару дәлелдерін алуға дейін, кем дегенде, тағы 3 күн жалғастырғаны жөн. Ең қысқа емдеу курсы – 5-7 күн.

Ингаляциялық сібір ойық жарасы

Ересектер: 60 күн бойы күніне екі рет ішке 100 мг доксициклин.

Балалар: 45 кг-ден аз дене салмағына, 60 күн бойы күніне екі рет ішке - дене салмағына 2,2 мг/кг. Дене салмағы 45 кг және одан көп балалар ересек дозаны алуы тиіс.

Енгізу әдісі мен жолы

Доксилан, 100 мг таблеткаларын күндізгі уақытта, ас ішу кезінде, жеткілікті сұйықтық мөлшерімен ішіп, өңештің тітіркену және ойық жаралану қаупін төмендету үшін тік тұрған күйде қабылдау керек.

Симптомдар: антибиотиктердің жедел артық дозалануы сирек кездеседі.

Емдеу: артық дозаланған жағдайда препаратты қабылдауды тоқтату керек. Асқазанды шаю және тиісті демеуші ем көрсетілген.

Диализ сарысудың жартылай шығарылу кезеңін өзгертпейді және осылайша артық дозалану жағдайларын емдеуде пайдалы болмайды.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгінуге ұсынамыз.

Инфекциялар мен инвазиялар

Сирек: қынаптық инфекция

Сирек: кандидозды инфекция

Қан және лимфа жүйесі тарапынан бұзылулар

Сирек: гемолиздік анемия, нейтропения, тромбоцитопения, эозинофилия

Иммундық жүйе тарапынан бұзылулар

Жиі: аса жоғары сезімталдық (оның ішінде анафилаксиялық шок, анафилаксиялық реакция, анафилактоидтық реакция, ангионевроздық ісіну, жүйелі қызыл жегінің өршуі (4.4 бөлімін қараңыз), перикардит, сарысу құю ауруын, Генох-Шонлейн пурпурасы, гипотония, ентігу, тахикардия, шеткері ісіну және есекжем).

Жыныс мүшелерінде және дененің басқа бөліктерінде тіркелген дәрілік бөртпе.

Сирек: Эозинофилиямен және жүйелік симптомдармен дәрілік реакция (DRESS), Яриш-Герксхаймер реакциясы.

Эндокриндік бұзылыстар

Сирек: тетрациклиндер ұзақ уақыт қолданғанда, оның функцияларын бұзбай, қалқанша безінің микропрепараттарында тіндердің күңгірт қоңыр түске боялуы пайда болады деп хабарланды.

Метаболизмдік бұзылулар және тамақтанудың бұзылуы

Сирек: порфирия, тәбеттің төмендеуі.

Жүйке жүйесі тарапынан бұзылулар

Жиі: бас ауыруы.

Сирек: үрей, қатерсіз бассүйекішілік гипертензия (жалған ми ісігі). Бас ауыруы, құсу, көру қабілетінің бұзылуы, соның ішінде бұлыңғыр көру, скотома, диплопия немесе тұрақты көру қабілетінің жоғалуы мүмкін симптомдары бар бассүйекішілік гипертензия. Клиникалық симптомдардың көрінісі, соның ішінде бас ауыруы немесе көру қабілетінің бұзылуы бассүйекішілік гипертензияның ықтимал диагнозын көрсетуі керек. Тетрациклиндермен емдеу кезінде бассүйекішілік қысымның жоғарылауына күдік болса, қабылдауды тоқтату керек. Сәбилерде еңбектің дүмпиіп кетуі

Есту мүшелері мен тепе-теңдік тарапынан бұзылулар

Сирек: құлақтың шыңылдауы.

Көру мүшелері тарапынан бұзылулар

Сирек: көру қабілетінің бұзылуы (транзиторлы миопия).

Қантамырлар тарапынан бұзылулар

Сирек: қан кернеулері

АІЖ тарапынан бұзылулар

Жиі: жүрек айнуы, құсу.

Жиі емес: диспепсия (қыжыл, гастрит).

Сирек: Панкреатит, жалған жасушалық колит, Clostridium difficile колиті, өңештің ойық жарасы, эзофагит, энтероколит, аногенитальді аймақтағы қабыну зақымданулары (монилиалді өсумен), дисфагия, іштің ауыруы, диарея, глоссит, стоматит

Белгісіз: тістердің  түсінің өзгеруі. Доксициклинді қолданған кезде тұрақты тістердің қайтымды және беткейлі түсінің өзгеруі туралы хабарланды, бірақ жиілікті қолда бар мәліметтер негізінде бағалау мүмкін емес.

Гепатобилиарлық жүйе тарапынан бұзылулар

Сирек: бауыр жеткіліксіздігі, гепатит, гепатоуыттылық, сарғаю, бауыр функциясының бұзылуы

Тері және теріасты тіндері тарапынан бұзылулар

Жиі: макулопапулезды және эритематозды бөртулерді қоса, фотосезімталдық реакциясы, бөртпе

Сирек: уытты эпидермалық некролиз, Стивенс-Джонсон синдромы, мультиформалы эритема, эксфолиативті дерматит, фотоонихолизис, терінің гиперпигментациясы (докициклинді созылмалы қолданғанда).

Сүйек-бұлшықет жүйесі және дәнекер тіні тарапынан бұзылулар

Сирек: артралгия, миалгия.

Бүйрек және несеп шығару жолының тарапынан бұзылулар

Жиі емес: Қандағы мочевина деңгейінің жоғарылауы

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - 115,4 мг доксициклин хиклаты (100 мг доксициклинге баламалы).

қосымша заттар: микрокристалды целлюлоза, натрий крахмалы гликолаты (А типі), лактоза моногидраты, жүгері крахмалы, судің қостотығы, гидрогенделген майсана майы, магний стеараты

Дөңгелек пішінді, екі беті дөңес, бір жағында сызығы бар сарыдан қоңырлау түске дейінгі теңбілдері бар таблеткалар.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамада.

1 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

5 жыл

Жарамдылық мерзімі өткеннен кейін қолдануға болмайды!

Жарықтан қорғау үшін түпнұсқалық қаптамасында 25° С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«G.L. Рһагма GmbH", Industriestraße 1, A-8502 Ланнах, Австрия

Тел.: +43(0)3136/82577-0

факс: +43(0)3136/81563

Электронды пошта: office@gl-pharma.at

«Бауш Хелс» ЖШҚ

Ресей Федерациясы, 115162, Мәскеу қ., Шаболовка к-сі, 31 үй, 5 құр.,

Тел./факс: +7 495 510 2879

Электронды пошта: office.ru@bauschhealth.com

«Бауш Хелс» ЖШС

Қазақстан Республикасы, A26T9G0, Алматы қ., Қажы Мұқан к-сі, 22/5 үй

Телефон + 7 727 3 111 516, факс +7 727 3 111 517

Электронды пошта: office.kz@bauschhealth.com