Диклотол таблетки по 100 мг №30 (3 блистера х 10 таблеток)

ДИКЛОТОЛ®

Ацеклофенак

Үлбірлі қабықпен қапталған 100 мг таблеткалар

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар. Сірке қышқылының туындылары және тектес қосылыстар. Ацеклофенак.

АТХ коды M01AB16

- остеоартритте, ревматоидтық артритте және шорбуынданатын спондилитте ауырудан және қабынудан жеңілдету үшін

Қолдануды бастағанға дейінгі қажетті мәліметтер тізімі

- әсер етуші затқа немесе қосымша заттардың кез келгеніне аса жоғары сезімталдық

- қан түзудің және коагуляцияның бұзылулары

- препараттар ұқсас әсер етуімен (мысалы, ацетилсалицилаттар және қабынуға қарсы стероидты емес дәрілер) бронх демікпесін, бронхтың түйілуін, жедел ринитті немесе есекжемді, Квинке ісінуін туындататын пациенттерге

- асқазан-ішек жолының эрозиялық-ойық жаралы зақымдануы немесе асқазан-ішектік қан кетулерге күдіктену

- жүрек функциясының жеткіліксіздігі (NYHA бойынша функциональді II-IV класс), жүректің ишемиялық ауруы, шеткері артериялардың аурулары немесе цереброваскулярлық аурулар

- бауыр немесе бүйрек функциясының ауыр бұзылулары

- жүктілік және лактация кезеңі

- 18 жасқа дейінгі балалар мен жасөспірімдерге

ДИКЛОТОЛ® препаратын циклооксигеназа-2 селективті тежегіштерін қоса, басқа ҚҚСП-пен бір мезгілде қолдануға жол бермеу керек.

Асқазан-ішек жолына ықпалы

Кез келген ҚҚСП қабылдағанда, анамнезінде күрделі асқазан-ішектік асқынуларының бар екендігіне қарамай, үрей тудыратын симптомдармен қоса жүретін немесе қоса жүрмейтін, емдеу аясындағы кез келген уақытта өлімге әкелуі мүмкін асқазан-ішектік қан кетулер, асқазанның немесе ішектің ойық жараларының түзілуі немесе ойық жаралардың тесілуі туралы мәлімдемелер бар.

Анамнезінде асқазанның немесе ішектің ойық жарасы бар пациенттерде, әсіресе ол қан кетумен немесе тесілумен асқынған болса, сондай-ақ егде жастағы пациенттерде ҚҚСП-тің жоғары дозаларымен емдеген кезде асқазан-ішектік қан кетулер, ойық жаралардың түзілу немесе ойық жаралардың тесілу қаупі жоғары. Осы пациенттерді емдеуді тиімді ең аз дозалардан бастау керек. Сондай-ақ пациенттердің осы топтарын және аз дозалы ацетилсалицил қышқылымен немесе асқазан-ішектік асқынулардың даму қаупін арттыруы мүмкін басқа препараттарды бір мезгілде қолдануды қажет ететін пациенттерді емдеген кезде препарат-протекторлармен (мысалы, мизопростол немесе протонды помпа тежегіштері) біріктіріп емдеу мүмкіндігін қарастыру керек.

Анамнезінде асқазан-ішектік уыттылығы бар пациенттер, ең алдымен егде жастағылар, емдеудің ерте сатыларындағы симптомдарға назар аудара отырып, іш аймағындағы әдеттен тыс кез келген симптомдар туралы (әсіресе асқазан-ішектік қан кетулер туралы) мәлімдеуі тиіс. Ойық жараның түзілу немесе қан кету қаупін арттыруы мүмкін жүйелік әсер ететін кортикостероидтар, антикоагулянттар, мысалы, варфарин, серотонинді кері қармап қалатын селективті тежегіштер сияқты қатар қолданылатын дәрілік препараттарды немесе ацетилсалицил қышқылы сияқты агрегацияға қарсы препараттарды қабылдап жүрген пациенттерді емдегенде сақтық таныту қажет.

ДИКЛОТОЛ® қабылдап жүрген пациенттерде асқазан-ішектік қан кетулер пайда болған немесе ойық жаралар түзілген жағдайда емдеуді тоқтату керек.

Ацеклофенакті төменде берілген аурулары бар пациенттерге сақтықпен және мұқият медициналық бақылаумен тағайындау керек, өйткені олардың барысы нашарлауы мүмкін:

- асқазан-ішек жолының жоғарғы және төменгі бөліктерін қоса, асқазан-ішек жолының аурулары бар екендігін көрсететін симптомдар,

- анамнезінде асқазанда немесе ішекте ойық жараның, қан кетулердің немесе тесілулердің болуы

- ойық жаралы колит,

- Крон ауруы,

- гематологиялық аурулар, жүйелік қызыл жегі (ЖҚЖ), порфирия және қан түзудің бұзылулары.

Жүрек-қантамыр жүйесіне және мидың қанмен жабдықталуына ықпалы

Артериялық гипертензиясы және/немесе айқындылығы әлсізден орташаға дейінгі жүрек функциясының іркілген жеткіліксіздігі бар пациенттерді емдеген кезде талапқа сай бақылау жүргізу және нұсқаулар беру қажет, өйткені ҚҚСП-пен емдеу аясында сұйықтықтың іркілуінің және ісінудің дамығаны туралы мәлімдемелер бар.

Бақыланбайтын артериялық гипертензиясы, жүрек функциясының іркілген жеткіліксіздігі (NYHA бойынша функциональді І класс), жүрек-қантамыр жүйесінің қауіп факторлары (мысалы, артериялық гипертензия, гиперлипидемия, қант диабеті және темекі тарту) бар пациенттерде ацеклофенакті қолданған кезде аса сақ болуы керек.

Сондай-ақ цереброваскулярлық қан кету болған пациенттерге тағайындағанда сақтық таныту және мұқият медициналық бақылауды жүзеге асыру керек.

Бауырға және бүйрекке ықпалы

ҚҚСП-пен емдеу дозаға тәуелді түрде простагландиндер синтезінің азаюын туындатуы және бүйрек функциясының жеткіліксіздігін өршітуі мүмкін. Жүрек немесе бүйрек функциялары бұзылған, бауыр дисфункциясы бар пациенттерде, диуретиктермен ем қабылдап жүрген немесе қуыстарға операциядан кейін қалпына келтіретін ем қабылдап жүрген пациенттерде, сондай-ақ егде жастағы пациенттерде бүйректің қан ағынын демеу үшін простагландиндердің маңыздылығын ескеру керек.

Бауыр немесе бүйрек функциясының бұзылулары бар пациенттерді, сондай-ақ сұйықтықтың іркілуіне бейім ететін басқа аурулары бар пациенттерді емдегенде сақ болуы керек. Бұл пациенттерді ҚҚСП-пен емдеу бүйрек функциясының бұзылуына және организмде сұйықтықтың іркілуіне әкелуі мүмкін. Сондай-ақ диуретиктермен ем қабылдап жүрген пациенттерге, немесе, керісінше, гиповолемия қаупі бар пациенттерге тағайындағанда да сақ болу қажет. Тиімді ең аз дозаны тағайындау және бүйрек функциясын ұдайы бақылау керек. Препараттың бүйрек функциясына ықпалы әдетте ацеклофенак қабылдауды тоқтатқаннан кейін қайтымды.

Егер бауырдың функциональді тестілеріндегі көрсеткіштердің қалыпты мәннен ауытқуы сақталған немесе бауыр функциясы жеткіліксіздігінің дамуына сәйкес клиникалық симптомдар пайда болған кезде артқан, немесе өзге біліністер (мысалы, эозинофилия, бөртпе) пайда болған жағдайда ацеклофенакпен емдеуді тоқтату керек.

Гепатит алдын ала симптомдарсыз дамуы мүмкін.

Бауыр порфириясы бар пациенттерде ҚҚСП қолдану аурулардың өршуін арандатуы мүмкін.

Аса жоғары сезімталдық және тері реакциялары

Басқа ҚҚСП қолданған жағдайдағы сияқты, препараттың ерте экспозициясында анафилаксиялық/анафилактоидтық реакцияларды қоса, аллергиялық реакциялар пайда болуы мүмкін. Өте сирек жағдайларда эксфолиативті дерматитті, Стивенс-Джонсон синдромын және уытты эпидермальді некролизді қоса күрделі тері реакциялары байқалды, солардың кейбіреулері өлімге әкелуі мүмкін. Пациенттер емдеу курсының бас кезінде осы реакциялардың дамуының өте жоғары қаупіне ұшырады, көптеген жағдайларда реакциялар емнің алғашқы айында манифестацияланады. Тері бөртпесінің, шырышты қабық зақымдарының немесе аса жоғары сезімталдықтың кез келген басқа симптомдарының алғашқы белгілерінде ДИКЛОТОЛ® препаратымен емдеуді тоқтату қажет.

Төтенше сирек жағдайларда желшешек тері және жұмсақ тіндер тарапынан ауыр инфекциялық асқынуларды өршітуі мүмкін. Қазіргі таңда осы инфекциялық аурулар барысының нашарлауында ҚҚСП-тің рөлін жоққа шығаруға болмайды. Демек, желшешек кезінде ДИКЛОТОЛ® препаратын тағайындауға жол бермеу ұсынылады.

Гематологиялық көрсеткіштерге ықпалы

Ацеклофенак тромбоциттердің агрегациясын қайтымды түрде тежеуі мүмкін.

Тыныс алу жүйесі тарапынан бұзылулар

Бронх демікпесінен зардап шегуші, емесе анамнезінде бронх демікпесі бар пациенттерге препаратты тағайындаған кезде сақтық таныту қажет, өйткені ҚҚСП-тің мұндай пациенттерде бронхтың түйілуін туындатуы мүмкін екендігі туралы мәлімдемелер бар.

Егде жастағы пациенттер

Егде жастағы пациенттерді емдеген кезде сақ болу керек, өйткені осы жас тобында ҚҚСП-пен емдеумен байланысты жағымсыз құбылыстардың, әсіресе өлімге әкелуі мүмкін асқазан-ішектік қан кетулердің және ойық жараның тесілулерінің жиілігі жоғары болады. Бұдан басқа, егде жастағы пациенттер бүйрек, бауыр немесе жүрек-қантамыр функцияларының жеткіліксіздігіне үлкен дәрежеде ұшырайды.

Ұзақ уақыт емделу

Қабынуға қарсы стероидты емес препараттармен ұзақ уақыт ем қабылдаған барлық пациенттерді, қанға жалпы талдауды, бауырға және бүйрекке функциональді тестілерді ұдайы жүргізе отырып, мұқият бақылау қажет.

Варфаринмен өзара әрекеттесуіне жүргізілген зерттеулерден басқасында дәрілік өзара әрекеттесулерге зерттеулер жүргізілген жоқ.

Ацеклофенак P450 2C9 цитохромы жүйесінде метаболизденеді және осы ферментті тежеуі мүмкін. Сондықтан фенитоинмен, циметидинмен, толбутамидпен, фенилбутазонмен, амиодаронмен, миконазолмен және сульфафеназолмен фармакокинетикалық өзара әрекеттесулер қаупі болуы мүмкін. ҚҚСП тобының басқа препараттары жағдайларындағыдай, бүйрек арқылы белсенді түрде шығарылатын метотрексат және литий сияқты басқа препараттармен фармакокинетикалық өзара әрекеттесулер қаупі бар. Ацеклофенак қан плазмасының ақуыздарымен іс жүзінде толық байланысады, демек, орнын алмастыру типі бойынша қан плазмасының ақуыздарына ұқсастығы жоғары басқа препараттармен өзара әрекеттесуі ықтимал, мұны ескеру керек.

Ацеклофенак бойынша қолда бар деректер жеткіліксіз болғандықтан, төменде берілген ақпарат басқа ҚҚСП қолдану тәжірибесіне негізделген:

Препараттарлың келесі біріктірілімдеріне жол бермеу керек

Метотрексат: ҚҚСП метотрексаттың өзекшелік секрециясын тежейді, бұдан өзге, метотрексат клиренсінің төмендеуіне әкелетін аздаған дәрілік өзара әрекеттесу орын алуы мүмкін, сондықтан метотрексаттың жоғары дозаларымен емдеу кезінде ҚҚСП тағайындауға әрдайым жол бермеу керек.

Мифепристон: мифепристонды енгізгеннен кейін 8-12 күн бойы ҚҚСП қолданбау керек, өйткені ҚҚСП мифепристонның әсерін төмендетуі мүмкін.

Литий және дигоксин: кейбір ҚҚСП литийдің және дигоксиннің бүйректік клиренсін тежейді, бұл осы препараттардың қан сарысуындағы концентрацияларының артуына әкеледі. Литийдің және дигоксиннің концентрацияларына жиі мониторинг мүмкін болған жағдайларды қоспағанда, препараттардың осы біріктіріліміне жол бермеу керек.

Антикоагулянттар: ҚҚСП тромбоциттердің агрегациясын тежейді және асқазан-ішек жолының шырышты қабығын зақымдайды, бұл антикоагулянттар белсенділігінің жоғарылауына әкелуі және антикоагулянттар қабылдап жүрген пациенттерде асқазан-ішектік қан кетулер қаупін арттыруы мүмкін. Ацеклофенакті және ішке қабылдауға арналған кумарин тобының антикоагулянттарын, тиклопидинді, тромболитикалық препараттарды және гепаринді біріктіріп, мұқият мониторинг жүзеге асырылатын жағдайлардан басқасында, тағайындауға жол бермеу керек.

Антиагрегациялық препараттарды және серотонинді кері қармайтын селективті тежегіштерді ҚҚСП-пен біріктіру асқазан-ішектік қан кетулер қаупін арттыруы мүмкін.

Хинолонды антибиотиктер: ҚҚСП-ті және хинолонды антибиотиктерді бір мезгілде қолдану құрысулардың пайда болуының жоғары қаупіне әкеледі.

Төменде берілген препараттардың біріктірілімдері дозаны түзетуді және сақ болуды қажет етуі мүмкін

Метотрексат: Метотрексаттың төмен дозаларымен емдеген кезде, әсіресе бүйрек функциясының жеткіліксіздігі бар пациенттерде, ҚҚСП пен метотрексат арасында өзара әрекеттесулер болуы ықтимал екендігін ескеру керек. Біріктірілген емді қолдану қажет болған жағдайларда бүйрек функциясын бақылау керек. ҚҚСП де, метотрексат та 24 сағат ішінде бірге енгізілетін жағдайларда сақ болу қажет, өйткені метотрексаттың концентрациясы жоғарылауы мүмкін, бұл оның уыттылығының артуына әкеледі.

Циклоспорин, такролимус: ҚҚСП-ті және циклоспоринді немесе такролимусты бір мезгілде қолдану, бүйрек арқылы простациклиннің синтезі төмендейтін болғандықтан, бүйректің уыттылық қаупін арттырады деп саналады. Сондықтан біріктірілген ем кезінде бүйрек функциясын мұқият бақылау өте маңызды.

Кортикостероидтар: ойық жараның немесе асқазан-ішек жолынан қан кетулердің туындау қаупі ұлғаяды.

Диуретиктер: Ацеклофенак, басқа да ҚҚСП сияқты, диуретиктердің белсенділігін тежеуі, фуросемидтің, буметанидтің диурездік әсерін және тиазидтердің гипотензиялық әсерін төмендетуі мүмкін. Калий жинақтайтын диуретиктермен бір мезгілде емдеу калий мөлшерінің артуымен байланысты болуы мүмкін, демек, қан сарысуындағы калий мөлшерін бақылау қажет.

Ацеклофенак, бендрофлуаметиазидпен бір мезгілде енгізгенде, басқа диуретиктермен дәрілік өзара әрекеттесулерін жоққа шығаруға болмайтынына қарамастан, артериялық қысымды бақылауға ықпалын тигізбейтіндігін көрсетті.

Гипотензиялық препараттар: ҚҚСП сондай-ақ белгілі бір гипотензиялық препараттардың тиімділігін төмендетуі мүмкін. АӨФ тежегіштерінің немесе ангиотензин II рецепторлары антагонистерінің ҚҚСП-пен біріктірілімі бүйрек функциясының бұзылуына әкелуі мүмкін. Бүйрек функциясы төмендеген кейбір пациенттерде, мысалы, егде жастағы пациенттерде немесе сусыздануға ұшыраған пациенттерде бүйрек функциясының жедел жеткіліксіздігінің қаупі орын алуы мүмкін, ол әдетте қайтымды. Демек, осы препараттарды ҚҚСП-пен біріктіріп қолданғанда, әсіресе егде жастағы пациенттерді немесе сусыздануға ұшыраған пациенттер, сақтық танытуы қажет. Пациенттер жеткілікті дәрежеде гидратациялануы тиіс, бұдан басқа, біріктірілген емді бастағаннан кейін, сондай-ақ соңында мезгіл-мезгіл бүйрек функциясына мониторинг жүргізу қажеттілігін ескеру ұсынылады.

Бендрофлуаметиазидпен бір мезгілде енгізгенде, басқа диуретиктермен дәрілік өзара әрекеттесулері жоққа шығаруға болмайтынына қарамастан, ацеклофенак артериялық қысымды бақылауға ықпалын тигізбейтіндігін көрсетті.

Бендрофлуаметиазидпен бір мезгілде енгізгенде, басқа диуретиктермен дәрілік өзара әрекеттесулерін жоққа шығаруға болмайтынына қарамастан, ацеклофенак артериялық қысымды бақылауға ықпалын тигізбейтіндігін көрсетті.

Гипогликемиялық препараттар: Диклофенак ішке қабылдауға арналған гипогликемиялық препараттармен, олардың клиникалық тиімділігіне ықпалын тигізбей, бір мезгілде қолданылуы мүмкін. Алайда осы препараттың гипогликемиялық және гипергликемиялық әсерлері туралы жекелей мәлімдемелер бар. Демек, ацеклофенакке қатысты, гипогликемияны туындатуы мүмкін препараттардың дозаларын түзету ықтималдылығын ескеру керек.

Зидовудин: ҚҚСП пен зидовудинді бір мезгілде қолданғанда гематологиялық уыттылық қаупі жоғарылайды. Гемофилиядан зардап шегіп жүрген, және зидовудинмен және ибупрофенмен қатар ем қабылдап жүрген АИТВ-оң пациенттерде гемартроз және гематомалардың түзілу қаупінің артқаны туралы деректер бар.

Басқа ҚҚСП: Ацетилсалицил қышқылын және қабынуға қарсы стероидты емес препараттарды бір мезгілде қолдану жағымсыз құбылыстардың жиілігін арттыруы мүмкін, сондықтан сақтық танытуы керек.

Педиатрияда қолданылуы

18 жасқа дейінгі балалар мен жасөспірімдерге қолдануға болмайды (клиникалық деректер жоқ).

Жүктілік немесе лактация кезінде

Простагландин синтезінің тежегіштерін енгізу эмбрион мен шарананың пре- және постимплантациялық жоғалуына және құрып кетуіне әкелетінін көрсетті. Бұдан басқа, органогенез кезеңінде простагландин синтезінің тежегіштерін қабылдағандарда жүрек-қантамырларды қоса, дамудың әртүрлі ақаулары жағдайларының артқаны туралы мәлімделді. Жүктіліктің алғашқы және екінші триместрінде құрамында ацеклофенакті айқын қажеттіліксіз тағайындамау керек. Егер ацеклофенакті нәрестеге жүкті болуды жоспарлап жүрген, немесе жүктіліктің алғашқы немесе екінші триместріндегі әйелдер пайдаланса, доза барынша ең аз болуы, ал емдеу ұзақтығы мүмкіндігінше қысқа болуы тиіс.

Жүктіліктің үшінші триместрі ішінде простагландиндер синтезінің барлық тежегіштерінің әсеріне шарана ұшырауы мүмкін:

- жүрек-өкпе уыттылығы (артериялық ағынның мезгілінен бұрын жабылуымен және өкпе гипертензиясымен);

- бүйрек функциясының бұзылуы, ол олигогидроамниозбен бірге бүйрек функциясының жеткіліксіздігіне дейін үдеуі мүмкін.

Жүктілік соңындағы аналар және жаңа туған нәрестелер:

- қан кету уақыты ұзаруы мүмкін, өте төмен дозалардың өзінде көрініс беруі мүмкін антиагрегациялық әсер.

- жатырдың жиырылуы басылып, босанудың кідіруіне немесе босанудың ұзаққа созылуына әкелуы.

Демек, жүктілік кезеңінде әйелдерге ацеклофенакті қолдануға болмайды.

Емшек сүтімен ацеклофенактің бөлініп шығуы туралы ақпарат жоқ. Алайда емшек емізуші егеуқұйрықтың сүтіне ацеклофенактің таңбаланған радиоизотопының (14C) елеулі өтуі байқалған жоқ.

Сондықтан емшек емізу кезінде, ана үшін потенциалды пайдасы нәресте үшін ықтимал қаупінен басым болатын жағдайларды қоспағанда, ацеклофенакті қолдануға болмайды.

Фертильділік

Ацеклофенакті қолдану әйелдің фертильділігін нашарлатуы мүмкін және нәресте көтеруге талаптанып жүрген әйелдерге ұсынылмайды. Ұрықтану қиыншылықтары туындаған немесе бедеулікке қатысты зерттеуден өтіп жүрген әйелдер ацеклофенакті қолдануды тоқтату мүмкіндігін қарастыруы керек.

Көлік құралын немесе потенциалды қауіпті механизмдерді басқару қабілетіне препараттың ықпал ету ерекшеліктері

ҚҚСП-ті қабылдағаннан кейін бас айналу, ұйқышылдық, қажығыштық, көрудің нашарлауы немесе орталық жүйке жүйесінің басқа да бұзылулары сияқты жағымсыз әсерлер болуы мүмкін. Мұндай жағдайларда пациенттер көлік құралдарын және потенциалды қауіпті механизмдерді басқармауы тиіс.

Дозалау режимі

Әдеттегі доза тәулігіне 2 рет 100 мг.

Ұсынылатын ең жоғары доза тәулігіне 100 мг-ден екі рет (бір таблетка – таңертең, біреуі – кешке) қабылданатын 200 мг құрайды.

Емдеу курсының ұзақтығы жекелей белгіленеді.

Пациенттердің ерекше топтары

Балалар

18 жасқа дейінгі балалар мен жасөспірімдерде қолдануға болмайды (клиникалық деректер жоқ).

Пациенттердің ерекше топтары

Егде жастағы пациенттер

Егде жастағы адамдар, олар бүйрек функциясынан, жүрек-қантамыр жүйесінің немесе бауырдың бұзылуынан зардап шегеді және жағымсыз реакциялардың ауыр зардаптарының жоғары қаупіне ұшырайды. Егер ацеклофенакті қолдану қажет деп санаса, онда тиімді ең төмен дозаны және мүмкіндігінше қысқа уақыттық мерзім ішінде пайдалануы керек. Пациент қабынуға қарсы стероидты емес препараттармен (ҚҚСП) емделу кезінде асқазан-ішек жолынан қан кету тұрғысында ұдайы бақылануы керек.

Ацеклофенактің фармакокинетикасы егде жастағы пациенттерде өзгермейді, сондықтан дозаны немесе қабылдау жиілігін өзгертудің қажеті жоқ деп саналады.

Бауыр функциясының жеткіліксіздігі бар пациенттер

Бауыр функциясының жеткіліксіздігі бар пациенттерде ацеклофенактің дозасы азайтылуы тиіс екендігіне біршама айғақтамалар бар, және бастапқы тәуліктік бастапқы доза күніне 100 мг дозаны пайдалану ұсынылады.

Бүйрек функциясының жеткіліксіздігі бар пациенттер

Бүйрек функциясы жеңіл жеткіліксіздігі бар пациенттерде ацеклофенактің дозасын өзгертудің тиісті емес екендігіне ешқандай дәлелдер жоқ, бірақ басқа ҚҚСП жағдайындағыдай, сақтық таныту керек.

ДИКЛОТОЛ® таблеткаларын тамақтану кезінде ішке судың жеткілікті мөлшерімен ішіп қабылдайды.

Артық дозаланған жағдайда қабылдау қажет шаралар

Симптомдары

Симптомдары бас ауыруды, жүректің айнуын, құсуды, эпигастрияның ауыруын, асқазан-ішек жолының тітіркенуін, асқазан-ішектік қан кетуді, диареяны, бағдардан адасуды, қозуды, команы, ұйқышылдықты, бас айналуды, құлақтың шуылдауын, гипотензияны, тыныс алудың бәсеңдеуін, естен тануларды, кейде құрысуларды қамтиды. Едәуір артық дозаланған кезде бүйрек функциясының жедел жеткіліксіздігі болуы және бауыр зақымдануы мүмкін.

Емі

Қажет болған кезде пациенттерді симптоматикалық тұрғыда емдеу керек. Потенциалды уытты мөлшерін қабылдағаннан кейін бір сағат ішінде белсенділендірілген көмірді қолдану мүмкіндігін қарастыру керек. Өмір үшін потенциалды қауіпті артық дозаланудан кейін бір сағат ішінде балама ретінде асқазанды шаю мүмкіндігін де қарастыру керек. Диализ немесе гемоперфузия сияқты спецификалық емдеу әдістері, ақуыздармен байланысу жылдамдығы жоғары болғандықтан және метаболизмінің ауқымдылығынан, ҚҚСП-тің шығарылуына жәрдемдесе алмауы мүмкін.

Жақсы диурезбен қамтамасыз етілуі тиіс. Бүйректің және бауырдың функцияларын мұқият бақылау керек. Пациенттер потенциалды қауіпті артық дозаланудан кейін кем дегенде төрт сағат бақылауда болуы тиіс. Жиі немесе ұзаққа созылатын құрысулар кезінде пациенттерде вена ішіне диазепамды енгізу керек. Басқа шаралар пациенттің клиникалық жағдайларына байланысты қолданылуы мүмкін. Ацеклофенакпен жедел улануды пероральді түрде емдеу, гипотензия, бүйрек функциясының жеткіліксіздігі, құрысулар, асқазан-ішек жолының тітіркенуі және тыныс алудың бәсеңдеуі сияқты асқынуларда, негізінен демеуші және симптоматикалық шаралардан тұрады.

Сізде осы препаратты қолдану жөнінде қандай да болсын қосымша сұрақтар туындаған жағдайда өзіңіздің дәрігеріңізге барыңыз.

Жиі

- бас айналу

- диспепсия, іштің ауыруы, жүректің айнуы, диарея

- бауыр ферменттері белсенділігінің жоғарылауы

Жиі емес

- метеоризм, гастрит, іш қату, құсу, ойық жаралы стоматит

- қышыну, бөртпе, дерматит, есекжем

- қан сарысуында мочевина концентрациясының жоғарылауы, қан сарысуында креатинин концентрациясының жоғарылауы

Сирек

- анемия

- анафилаксиялық реакциялар (шокты қоса), аса жоғары сезімталдық

- көру бұзылысы

- жүрек функциясының жеткіліксіздігі

- артериялық гипертензия

- диспноэ

- мелена, асқазан мен ішекте ойық жараның түзілуі, геморрагиялық диарея, асқазан-ішектік қан кету

- ангионевроздық ісіну (Квинке ісінуі)

Өте сирек

- сүйек кемігі функциясының бәсеңдеуі, гранулоцитопения, тромбоцитопения, нейтропения, гемолиздік анемия

- гиперкалиемия

- депрессия, әдеттен тыс түс көрулер, ұйқысыздық

- парестезия, тремор, ұйқышылдық, бас ауыру, дисгевзия (дәмнің бұзылуы)

- бас айналу, құлақтың шуылдауы

- жүрек қағысының сезілуі

- гиперемия, «ысынулар», васкулит

- бронхтың түйілуі, стридор (ысылдап шулайтын тыныс)

- стоматит, қан құсу, ішектің тесілуі, Крон ауруының және ойық жаралы колиттің өршуі, панкреатит

- бауыр аурулары (гепатитті қоса), сарғаю, сілтілік фосфатаза белсенділігінің артуы

- пурпура, тері-шырыштық ауыр реакциялар (Стивенс-Джонсон синдромын және уытты эпидермальді некролизді қоса)

- нефроздық синдром, бүйрек функциясының жеткіліксіздігі

- ісіну, әлсіздік, бұлшықет спазмдары

- дене салмағының артуы

Жағымсыз дәрілік реакциялар туындаған жағдайда медицина қызметкеріне, фармацевтикалық қызметкерге немесе, дәрілік препараттардың тиімді еместігі туралы мәлімдемелерді қоса, дәрілік препараттарға жағымсыз реакциялар (әсерлер) жөнінде деректердің ақпараттық базасына тікелей хабарлау керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметттер

Бір таблетканың құрамында

белсенді зат – 100 мг ацеклофенак,

қосымша заттар: микрокристалды целлюлоза РН 102, натрий кроскармеллозасы, кремнийдің коллоидты қостотығы, стеарин қышқылы, изопропил спирті (2-пропанол)**, метиленхлорид**

қабықтың құрамы: Opadry-YS-1-7027 ақ (гидроксипропилметилцеллюлоза, титанның қостотығы (Е 171), триацетин).

**- Соңғы өнімде болмауы мүмкін

Ақ түсті үлбірлі қабықпен қапталған, екі жақ беті дөңес, дөңгелек пішінді таблеткалар.

Алюминий фольгадан жасалған пішінді ұяшықты қаптамада 10 таблеткадан.

Пішінді ұяшықты 1, 3 немесе 10 қаптама медициналық қолданылуы жөнінде қазақ және орыс тілдеріндегі нұсқаулықпен бірге №10, № 30 (103) немесе №100 (1010) картонға салынған.

Алюминий фольгадан жасалған пішінді ұяшықты қаптамада 14 таблеткадан.

Пішінді ұяшықты 2 қаптама медициналық қолданылу жөнінде қазақ және орыс тіліндегі нұсқаулықпен бірге №28 (142) картонға салынған.

3 жыл.

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Кусум Хелткер Пвт. Лтд.,

СП 289 (А), РИИКО Индл. Ареа Чопанки, Бхивади (Радж.), Үндістан

Тел: +91-1493-516561, факс: +91-1493-516562;

Участке № М-3, Индор, Особая Экономическая Зона, Фэйз - II, Питампур, Дист. Дхар, Мадхья Прадеш, Үндістан

Тел: +91-729-2258300, 2258301, факс: +91-11-40527575

Электронды поштасы: info@kusum.com

Кусум Хелткер Пвт. Лтд.,

D-158A, Окхла Индастриал Ареа, Фаза-I, Нью Дели 110020, Үндістан

Тел: +91-11-41005147

факс: +91-11-40527575

Электронды поштасы: info@kusum.com

«Дәрі-Фарм ЖШС (Қазақстан)», Алматы қ., Қажымұқан көш., 22/5, «Хан Тәңірі» БО, Қазақстан

Тел/факс: 8(727) 295-26-50 

Электронды поштасы: phv@kusum.kz