Детралекс таблетки по 500 мг №30 (2 блистера х 15 таблеток)

Детралекс

Халықаралық патенттелмеген атауы

Жоқ

Үлбірлі қабықпен қапталған таблеткалар, 500 мг

Жүрек-қантамыржүйесі.Вазопротекторлар.Капиллярларды тұрақтандыратын дәрілер. Биофлавоноидтар . Диосмин, біріктірілімдер.

АТХ коды С05СА53

Детралекс ересектердегі созылмалы веналар ауруларының симптомдарын емдеу үшін (симптомдарды жою және жеңілдету) қолдануға арналған.

- Вена-лимфалық жеткіліксіздік симптомдарын емдеу:

- ауырсыну;

- аяқтың құрысуы;

- аяқтағы ауырлық пен кернеу сезімі;

- аяқтың «шаршауы».

- Вена-лимфалық жеткіліксіздік көріністеулерін емдеу:

- аяқтың ісінуі;

- тері мен тері асты тіндерінің трофикалық өзгерістері;

- веналық трофикалық ойық жаралар.

- Жедел және созылмалы геморройды симптоматикалық емдеу.

Қолданудың басталуына дейінгі қажетті мәліметтер тізбесі

- белсенді затқа немесе қосымша заттардың кез келгеніне аса жоғары сезімталдық

- емшек емізу кезеңі

- 18 жасқа дейінгі жасөспірімдер және балалар

Геморройды емдеу кезінде Детралекс препаратын тағайындау тік ішек пен артқы өтістің басқа ауруларының спецификалық емін алмастырмайды. Препаратты өз бетінше қолданған кезде «Қолдану бойынша ұсынымдар» бөлімде көрсетілген ең ұзақ мерзімдерден және ұсынылған дозалардан асырмаңыз. Егер геморрой симптомдары ұсынылған ем курсынан кейін сақталса, проктологқа қаралу керек, ол одан әрі емді таңдайды.

Егер веналық қанайналымы бұзылса, емдеудің ең жоғары әсері емді қосымша емдік- профилактикалық шаралармен/салауатты (теңдестірілген) өмір салтымен үйлестіру арқылы қамтамасыз етіледі: дұрысы күн сәулесінің ұзақ әсерінен, аяқта ұзақ уақыт тұрудан аулақ болған жөн, сонымен қатар артық дене салмағын төмендету ұсынылады. Жаяу серуендеу және кейбір жағдайларда арнайы шұлық кию қанайналымын жақсартуға көмектеседі.

Қазіргі уақытта тіркеуден кейінгі кезеңде клиникалық маңызды дәрілік өзара әрекеттесулер туралы хабарланған жоқ.

Арнайы ескертулер

Жүктілік

Жүкті әйелдерде тазартылған микрондалған флавоноидты фракцияны қолдану туралы деректер жоқ немесе шектеулі.

Жануарларға жүргізілген зерттеулер репродуктивті уыттылықты анықтаған жоқ. Ескерту шарасы ретінде жүктілік кезінде Детралекс препаратын қолданбаған жөн.

Лактация

Тазартылған микрондалған флавоноидты фракция (метаболиттер) адамның емшек сүтіне енетіні-енбейтіні белгісіз.

Жаңа туған нәрестелер мен сәбилер үшін қауіп жоққа шығарылмайды. Бала емізудің пайдасын және әйел үшін емнің пайдасын ескере отырып, бала емізуді тоқтату немесе Детралекс препаратымен емді тоқтату туралы шешім қабылдау қажет.

Фертильділігі

Репродуктивті уыттылықты зерттеу екі жыныстағы егеуқұйрықтардың репродуктивті функциясына әсер етпеді.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді.

Дозалау режимі

Веналық-лимфалық жеткіліксіздік кезінде ұсынылатын доза – тәулігіне 2 таблетка, бір немесе екі дозада (таңертең, түстен кейін және/немесе кешке) тамақ ішу кезінде. Емдеу курсының ұзақтығы бірнеше айды құрауы мүмкін (12 айға дейін). Симптомдар қайталаған жағдайда емдеу курсы қайталануы мүмкін.

Жедел геморрой кезінде ұсынылатын доза – тәулігіне 6 таблетка (таңертең 3 таблетка, кешке 3 таблетка) 4 күн бойы, одан кейін тәулігіне 4 таблеткадан (таңертең 2 таблетка, кешке 2 таблетка) келесі 3 күн бойы, тамақ ішу кезінде.

Созылмалы геморрой кезінде ұсынылатын доза – тамақ ішу кезінде тәулігіне 2 таблетка.

Енгізу әдісі мен жолы

Ішке. Таблеткаларды су іше отырып, тұтастай жұту керек.

Артық дозалану жағдайында қабылдануы қажетті шаралар

Симптомдары

Детралекспен артық дозалану туралы деректер шектеулі. Артық дозалану кезінде көбінесе асқазан-ішек жолдары (диарея, жүрек айнуы, іштің ауруы) және тері жабыны (қышыну, бөртпе) тарапынан жағымсыз құбылыстар байқалды.

Емі

Артық дозалану кезде симптоматикалық ем жүргізіледі.

Дәрілікпрепараттықолданутәсілінтүсіндіруүшінмедицина қызметкеріне кеңес алу үшін жүгіну бойынша ұсынымдар

Қажет болған жағдайда кеңес алу үшін медицина қызметкеріне жүгінуге болады.

Клиникалық зерттеулерде байқалған Детралекс® препаратының жағымсыз әсерлері жеңіл дәрежеде болды. Негізінен асқазан-ішек жолы тарапынан бұзылулар (диарея, диспепсия, жүрек айнуы, құсу) байқалды.

Келесі жағымсыз реакциялар немесе пайда болу жиілігінде келтірілген құбылыстар туралы хабарланды: өте жиі (≥1/10); жиі (≥1/100 және <1/10); жиі емес (≥1/1 000 және <1/100); сирек (≥1/10 000 және <1/1 000); өте сирек (<1/10 000), жиілігі белгісіз (қолда бар мәліметтер бойынша бағалау мүмкін емес).

Жиі

- диарея, диспепсия, жүрек айнуы, құсу

Жиі емес

- колит

Сирек

- бас айналуы, бас ауыруы, жалпы дімкәстану

- тері бөртпесі, терінің қышынуы, есекжем

Белгісіз

- іштің ауыруы

- беттің, еріннің, қабақтың оқшауланған ісінуі

- ангионевроздық ісіну

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгінуҚазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Үлбірлі қабықпен қапталған бір таблетканың құрамында

белсенді зат – құрамында 450 мг (90 %) диосмин және 50 мг (10 %) гесперидин түріндегі флавоноидтар бар тазартылған микрондалған** флавоноидты фракция

қосымша заттар: Микрокристалды целлюлоза, желатин, натрий крахмалгликоляты, тальк, магний стеараты, тазартылған су

Үлбірлі қабықтың құрамы: макрогол 6000, натрий лаурилсульфаты, Қызғылт сары-қызғылт үлбірлі қабық OY-S-8761 үшін қоспа құрамында: глицерин, гипромеллоза, магний стеараты, темірдің сары тотығы (Е 172), темірдің қызыл тотығы (Е 172), титанның қостотығы (Е 171)

Қызғылт сары-қызғылт түсті үлбірлі қабықпен қапталған сопақша пішінді таблеткалар

12 (№36 қаптама үшін) немесе 15 (№30 және №60 қаптама үшін) таблеткадан поливинилхлоридті үлбірден және алюминий фольгадан жасалған пішінді ұяшықты қаптамаға салынады.

2 немесе 4 (№30 және №60 қаптама үшін) немесе 3 (№36 қаптама үшін) пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапқа салынады.

4 жыл

Жарамдылық мерзімі өткеннен кейін қолдануға болмайды.

25С-ден аспайтын температурада сақтау керек. Балалардың қолы жетпейтін жерде сақтау керек!

Рецептісіз

«СЕРВЬЕ РУС» ЖШҚ, Ресей Федерациясы, 108828, Мәскеу қ-сы,

Краснопахорск елді мекені, 158 орам, 2 иел., 1 құр.

Тел.: +74952258010

2258010@servier.com

Les Laboratoires Servier (Ле Лаборатуар Сервье), Франция 50, рю Карно

92284, Сюрен седекс, Франция Тел: +33 (0)1 55 72 60 00

www.servier.com

«Сервье Казахстан» ЖШС

050020, Алматы қ., Достық д-лы, 310г, Бизнес орталық, 3 қабат Тел.: (727) 386 76 62/63/64/70/71 , Факс: (727) 386 76 67

Электронды пошта: kazadinfo@servier.com