Дексерил крем по 250 г (туба)

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Дексерил®

Халықаралық патенттелмеген атауы

Жоқ

Дәрілік түрі, дозасы

Сыртқа қолдануға арналған крем

Фармакотерапиялық тобы

Дерматология. Дерматопротекторлар. Жұмсартатын және қорғаныс әрекеті бар препараттар. Құрамында жұмсақ парафин мен майлар бар препараттар.

АТХ коды D02AС

Қолданылуы

- атопиялық дерматит, ихтиоз және псориаз сияқты дерматоздардың белгілі бір типтерінде терінің құрғауын қосымша емдеу

- тері жабынының аздаған аумағын қамтыған беткейлік күйіктерді қосымша емдеу

Қолдану басталғанға дейін қажетті мәліметтер тізбесі

Қолдануға болмайтын жағдайлар

- әсер етуші заттарға немесе кез келген қосымша заттарға аса жоғары сезімталдық

Қолдану кезіндегі қажетті сақтандыру шаралары

Қатысы жоқ.

Басқа дәрілік препараттармен өзара әрекеттесуі

Басқа дәрілік заттармен өзара әрекеттесуіне зерттеулер жүргізілмеген. Арнайы ескертулер

Жұтуға болмайды.

Инфекция түскен жарақатқа немесе окклюзиялық таңғыштың астынан жағуға болмайды.

Препараттың құрамында пропилпарагидроксибензоат бар және ол терінің аллергиялық реакцияларын (кейін білінуі мүмкін) туғызуы мүмкін.

Жүктілік немесе лактация кезінде

Жүктілік

Дексерил® препаратын жүкті әйелдерде пайдалануға болады, өйткені глицериннің, ақ жұмсақ парафиннің, сұйық парафиннің, препараттың жүйелік әсері шамалы.

Лактация

Дексерил® лактация кезеңінде пайдалануға болады, бірақ препаратты бала емізу кезеңінде емшек терісіне қолдану ұсынылмайды.

Дәрілік заттың көлік құралын және қауіптілігі зор механизмдерді басқару қабілетіне әсер ету ерекшеліктері

Препарат механизмдерді жүргізу және басқару қабілетіне әсер етпейді немесе әлсіз әсер етеді.

Қолдану бойынша ұсынымдар

Дозалау режимі

Ересектерге және сәбилерді қоса, балаларға кремнің жұқа қабаты терінің зақымданған бөліктеріне тәулігіне 1-2 рет немесе, егер бұл қажет болса, одан жиірек жағылады.

Енгізу әдісі және жолы

Сыртқа қолдануға арналған.

Артық дозалану жағдайында қабылдануы қажет шаралар

Препаратпен артық дозалану жағдайлары туралы хабарланған жоқ.

Дәрілік препараттың бір немесе бірнеше дозасын өткізіп алған кездегі

қажетті шаралар

Қатысы жоқ.

Тоқтату симптомдары қаупінің болуын көрсету

Қатысы жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша ұсынымдар

Егер пациентте осы дәріні қолдануға қатысты қосымша сұрақтар туындаса,

онда оған дәрігермен кеңесу қажет.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар (қажет болған жағдайда)

Жиі емес

- есекжем, дерматит, экзема, эритема, қышыма, бөртпе

- қолдану орнындағы реакциялар (қолдану орнындағы тітіркену, қызару,

ауыру немесе қышыну)

Жиілігі белгісіз

- терінің күйіп қалу сезімі

- қолдану орнындағы экзема

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

100 г препараттың құрамында:

белсенді заттар – глицерин 15.00 г, ақ жұмсақ парафин 8.00 г, сұйық парафин 2.00 г,

қосымша заттар: стеарин қышқылы, глицерин моностеараты, полидиметилциклосилоксан - 0.10 г, диметикон, макрогол 600, троламин, пропилпарагидроксибензоат (E216), тазартылған су.

Сыртқы түрінің, иісінің, дәмінің сипаттамасы

Өзіне тән иісі бар, тегіс ақ крем.

Шығарылу түрі және қаптамасы

50 г немесе 250 г препарат ақ пропилен қалпақшамен жабылған тығыздығы

төмен ақ полиэтилен сықпаларға салынған.

1 сықпа медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

Сақтау мерзімі

2 жыл.

Жарамдылық мерзімі өткеннен кейін қолдануға болмайды.

Сақтау шарттары

25°С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз.

Өндіруші туралы мәліметтер

Пьер Фабр Медикамент Продакшн,

Etablissement Progipharm - Rue du Lycée – 45500, Жьен, Франция,

Тел/факс: 33 (0) 5 63 58 88 0,

E-mail: contact.pf@pierre-fabre.com

Тіркеу куәлігінің ұстаушысы

Пьер Фабр Медикамент,

Les Сauquillous, 81500 Лавор, Франция,

Тел/факс: 33 (0) 5 63 58 88 0,

E-mail: contact.pf@pierre-fabre.com

Қазақстан Республикасы аумағында тұтынушылардан дәрілік заттардың сапасы жөніндегі шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ВИВА ФАРМ» ЖШС, Қазақстан, 050030, Алматы, Дегдар көш., 33

тел: +7 727 383 74 63, факс: +7 727 383 74 56,

E-mail: pv@vivapharm.kz