Брилинта таблетки по 90 мг №56 (4 блистера х 14 таблеток)

Брилинта™

Тикагрелор

Дәрілік түрі

Үлбірлі қабықпен қапталған таблеткалар, 90 мг

Қан және қан түзу ағзалары. Тромбозға қарсы препараттар. Тромбоциттер агрегациясының тежегіштері, гепаринді қоспағанда. Тикагрелор.

АТХ коды B01AC24

Қолданылуы

Брилинта™ ацетилсалицил қышқылымен біріктірілімде

- жедел коронарлық синдромы

- анамнезінде миокард инфарктісі бар, сондай-ақ атеротромбоздық асқынудың даму қаупі жоғары ересек пациенттерде атеротромбоздық асқынулар профилактикасы үшін қолданылады

Қолдануды бастағанға дейін қажетті мәліметтер тізбесі

- әсер етуші затқа немесе кез келген қосымша затқа аса жоғары сезімталдық.

- патологиялық қан кетудің болуы

- анамнезінде бассүйекішілік қан құйылу

- ауыр дәрежедегі бауыр жеткіліксіздігі

- тикагрелорды CYP3A4 қуатты тежегіштерімен бірге қолдану (мысалы, кетоконазол, кларитромицин, нефазодон, ритонавир және атазанавир), себебі бірге қолдану тикагрелордың әсерін едәуір арттыруы мүмкін

- жүктілік және лактация кезеңі

Қолдану кезіндегі қажетті сақтық шаралары

Препарат дәрігердің тағайындауы бойынша қолданылады. Келесі жағдайларда препаратты қолданар алдында дәрігермен кеңесу керек:

- жақында алынған жарақатқа, жақында жүргізілген немесе жоспарланған операцияға, қан ұюының бұзылуына, белсенді немесе жақында болған асқазан-ішектен қан кетуге байланысты қан кетудің даму қаупінің жоғарылауы немесе жарақат алу қаупі жоғары пациенттер

- кардиостимулятор болмаған кезде брадикардия дамуының жоғары қаупі, брадикардия туындататын дәрілік заттармен бір мезгілде қолдану

- анамнезінде демікпе немесе ӨСОА

- ауырлығы орташа дәрежедегі бауыр жеткіліксіздігі

- анамнезінде гиперурикемия немесе подагралық артрит

- несеп қышқылы мөлшерінің артуы

- гепаринді қолдану (бір мезгілде қолдану тромбоцитопения диагностикасының нәтижесіне әсер етуі мүмкін)

- розувастатин, симвастатин немесе ловастатин сияқты препараттарды тәулігіне 40 мг-ден астам дозада қолдану; рифампицин; фенитоин, карбамазепин, фенобарбитал; дигоксин; циклоспорин; хинидин, дилтиазем; β-блокаторлар және верапамил; морфин және басқа апиындар

- қан кету қаупін арттыратын препараттарды қолдану: пероральді антикоагулянттар; қабынуға қарсы стероидты емес препараттар; серотонинді кері қармаудың селективті тежегіштері; кетоконазол, кларитромицин, нефазодон, ритонавир және атазанавир, цизаприд, қастауыш алкалоидтары сияқты басқа да дәрілік заттар.

Брилинта™ ең алдымен, CYP3A4 субстраты және әлсіз CYP3A4 тежегіші болып табылады. Брилинта™ препараты сонымен қатар Р-гликопротеин субстраты және әлсіз Р-гликопротеин тежегіші болып табылады және Р-гликопротеин субстраттарының әсерін арттыруы мүмкін.

Басқа дәрілік заттар мен заттардың тикагрелорға әсері

CYP3A4 тежегіштері

CYP3A4 қуатты тежегіштері: кетоконазолды тикагрелормен бірге қолдану тикагрелордың Сmах мен AUC тиісінше 2.4 және 7.3 есе арттырады. Белсенді метаболиттің Сmах және AUC тиісінше 89% және 56% азаяды. Басқа күшті CYP3A4 тежегіштері (кларитромицин, нефазодон, ритонавир және атазанавир) осындай әсер етеді, сондықтан оларды Брилинта™ препаратымен бірге қолдануға болмайды.

Орташа CYP3A4 тежегіштері: дилтиаземді тикагрелормен бірге қолдану тикагрелордың Сmах 69% - ға, ал AUC 2.7 есе арттырады, бұл ретте белсенді метаболиттің Сmах 38% - ға төмендетеді, aл AUC өзгермейді. Тикагрелор дилтиаземнің плазмалық концентрациясына әсер етпейді. Басқа орташа CYP3A4 тежегіштерін (мысалы, ампренавир, апрепитант, эритромицин, флуконазол) Брилинта™ препаратымен бір мезгілде тағайындауға болады.

Грейпфрут шырыны: тикагрелор әсерінің 2 есе күшеюі грейпфрут шырынын көп мөлшерін күнделікті тұтынғаннан кейін байқалды (200 мл-ден күніне 3 рет). Жоғары әсер етудің осы шамасы пациенттердің көпшілігі үшін клиникалық маңызды болып табылмайды деп күтілуде.

Циклоспорин (P-gp және CYP3A4 тежегіші) 

Циклоспоринді (600 мг дозада) тикагрелормен бірге қолдану тикагрелордың Cmax және AUC сәйкесінше 2.3 және 2.8 есе арттырады. Бұл ретте белсенді метаболиттің AUC 32% - ға артуы және Cmax 15% - ға төмендеуі байқалады. Тикагрелорды Р-гликопротеиннің күшті тежегіштерімен (мысалы, верапамил және хинидин) бірге қолдану туралы деректер жоқ. Егер бірге қолдануды болдырмау мүмкін болмаса, онда біріктірілген емді сақтықпен жүргізу керек.

CYP3A индукторлары

Рифампицинді тикагрелормен бірге қолдану тикагрелордың Сmах және AUC тиісінше 73% және 86% төмендетеді. Белсенді метаболиттің Сmах өзгермейді, AUC 46% - ға төмендейді. Басқа CYP3A4 индукторлары (мысалы, фенитоин, карбамазепин және фенобарбитал) Брилинта™ препаратының әсерін төмендететін көрінеді. CYP3A4 қуатты индукторлары Брилинта™ препаратының экспозициясы мен тиімділігін төмендетуі мүмкін, сондықтан оларды бір мезгілде қолдану ұсынылмайды.

Басқа препараттар

Тикагрелорды гепаринмен, эноксапаринмен және ацетилсалицил қышқылымен немесе десмопрессинмен қатар қолдану тикагрелордың фармакокинетикасына, оның белсенді метаболитіне және тромбоциттердің АДФ-тәуелді агрегациясына әсер етпейді. Гемостазға әсер ететін препараттарды тағайындауға клиникалық көрсетілімдер болған жағдайда, оларды Брилинта™ препаратымен біріктіріп сақтықпен қолдану керек.

Тикагрелорды және оның белсенді метаболитін қоса алғанда, P2Y12 пероральді тежегіштері әсерінің кідіруі және төмендеуі морфин (тикагрелор әсерінің 35% төмендеуі) алған ЖКС бар пациенттерде байқалды. Бұл өзара әрекеттесу асқазан-ішек моторикасының төмендеуімен байланысты болуы мүмкін және басқа да апиындарға қатысты болуы мүмкін. Бұл әсердің клиникалық маңыздылығы белгісіз, бірақ деректер бір мезгілде тикагрелор мен морфинді қабылдайтын пациенттерде тикагрелордың тиімділігін төмендету мүмкіндігін көрсетеді. Морфинді қабылдауды тоқтату мүмкін емес және P2Y12 тез тежелуі шешуші болып саналатын ЖКС шалдыққан пациенттерге P2Y12 парентеральді тежегішін қолдану мүмкіндігін қарастыру қажет.

Тикагрелордың басқа дәрілік заттарға әсері

CYP3A4 изоферментімен метаболизденетін дәрілік препараттар

Симвастатин: тикагрелор мен симвастатинді қатар қолдану симвастатиннің Сmах пен AUC тиісінше 81% және 56% - ға арттырады; симвастатин қышқылының Сmах және AUC тиісінше 64% және 52% - ға артады, бұл ретте кейбір жағдайларда бұл көрсеткіштер 2-3 есе артады. Симвастатинді тәулігіне 40 мг жоғары дозада тикагрелормен бірге қолдану симвастатиннің жағымсыз әсерлерінің дамуына әкелуі мүмкін. Сондықтан осы біріктірілім қажет болған жағдайда, ықтимал қауіп пен ем пайдасының арақатынасын бағалау керек. Брилинта™ препаратын симвастатинмен және ловастатинмен 40 мг жоғары дозада бірге қолдану ұсынылмайды.

Аторвастатин: аторвастатин мен тикагрелорды қатар қолдану аторвастатин қышқылы метаболиттерінің Сmах және AUC тиісінше 23% және 36% - ға арттырады. Cmax және AUC мәндерінің осындай өсуі аторвастатин қышқылының барлық метаболиттері үшін байқалады. Бұл өзгерістер клиникалық тұрғыдан маңызды емес деп танылды.

CYP3A4 метаболизденетін статиндерге ұқсас әсерлерді жоққа шығаруға болмайды. Әртүрлі статиндермен тикагрелорды қабылдаған пациенттерде статиндердің қауіпсіздігіне қатысты қандай да бір жағымсыз белгілер байқалған жоқ.

Тикагрелор - орташа CYP3A4 тежегіші. Брилинта™ препаратын және емдік индексі тар CYP3A4 субстраттарын (мысалы, цизаприд немесе қастауыш алкалоидтары) бірге қолдану ұсынылмайды, себебі тикагрелор осы препараттардың экспозициясын арттыруы мүмкін.

CYP2C9 изоферментімен метаболизденетін дәрілік препараттар

Тикагрелор мен толбутамидті бір мезгілде қолданған кезде осы препараттардың ешқайсысының плазмалық концентрациясы өзгерген жоқ. Бұл тикагрелордың CYP2C9 изоферментінің тежегіші емес екенін және оның варфарин мен толбутамид сияқты препараттардың CYP2C9 байланысты метаболизміне әсер етуі екіталай екенін көрсетеді.

Розувастатин

Тикагрелор розувастатиннің бүйрек арқылы шығарылуына кедергі келтіруі мүмкін және соның салдарынан оның жиналу қаупін арттырады. Кейбір жағдайларда тикагрелор мен розувастатинді бір мезгілде қолдану бүйрек функциясының нашарлауымен, креатинфосфокиназа деңгейінің жоғарылауымен және рабдомиолизбен қатар жүрді, бірақ бұл жағымсыз құбылыстардың даму механизмі анықталмаған.

Пероральді контрацептивтер

Тикагрелорды, левоноргестрелді және этинилэстрадиолды бірге қолдану этинилэстрадиолдың экспозициясын шамамен 20% - ға арттырады, бірақ левоноргестрелдің фармакокинетикасына әсер етпейді. Левоноргестрелді, этинилэстрадиолды және Брилинта™ препаратын бір мезгілде қолданғанда контрацепция тиімділігіне клиникалық маңызды әсер күтілмейді.

P-gp субстраты (дигоксин мен циклоспоринді қоса)

Дигоксинді тикагрелормен қатар қолдану дигоксиннің Сmах және AUC тиісінше 75% және 28% - ға арттырады. Тикагрелормен бірге қабылдаған кезде дигоксиннің орташа Cmin 30% - ға, жекелеген жағдайларда - 2 есеге ұлғайды. Дигоксинді қолдану кезінде тикагрелордың Сmах және AUC өзгерген жоқ. Сондықтан дигоксин және циклоспорин сияқты тар емдік индексі бар Брилинта™ препаратын және P-gp-тәуелді препараттарды бір мезгілде қолданғанда тиісті клиникалық және/немесе зертханалық мониторинг жүргізу ұсынылады.

Брадикардияны туындататын дәрілік заттар

Брадикардия туындататыны белгілі бір немесе бірнеше дәрілік препараттарды қатар енгізгеннен кейін клиникалық маңызды жағымсыз реакциялар белгілері (мысалы, бета-блокаторлар, кальций өзекшелерінің блокаторлары, дилтиазем және верапамил және дигоксин) байқалмады. Тикагрелорды брадикардияны туындататын дәрілік заттармен бір мезгілде тағайындағанда сақ болу керек.

Басқа қатар жүретін ем

Брилинта™ препаратының ацетилсалицил қышқылымен, протонды помпаның тежегіштерімен, статиндермен, бета-адреноблокаторлармен, АӨФ тежегіштерімен және ұзақ қабылдау шеңберінде ангиотензин рецепторлары антагонистерімен, сондай-ақ гепаринмен, төмен молекулалы гепариндермен, в/і енгізуге арналған IIB/ІІІа гликопротеин рецепторларының тежегіштерімен бірге қолданғанда клиникалық маңызды жағымсыз өзара әрекеттесуі анықталған жоқ.

Брилинта™ препаратын гепаринмен, эноксапаринмен немесе десмопрессинмен бірге қолдану БІТУ-ге, қан ұюдың белсендірілген уақытына (ҰБУ) және Ха факторын зерттеуге әсер еткен жоқ, алайда ықтимал фармакодинамикалық өзара әрекеттесу салдарынан гемостазға әсер ететін препараттармен бірге қолданғанда сақ болу қажет.

Серотонинді кері қармаудың селективті тежегіштерін (мысалы, пароксетин, сертралин және циталопрам) қолдану аясында тері астындағы қан кетулер туралы хабарламаларға байланысты оларды Брилинта™ препаратымен бірге қабылдаған кезде сақ болу ұсынылады.

Қан кету қаупі

Тромбозға қарсы басқа препараттарды қолдану кезіндегідей, Брилинта™ препараты тағайындалғанда қан кетудің даму қаупі жоғары пациенттерде тромбоз оқиғаларының профилактикасынан болатын пайда арақатынасын бағалау керек. Клиникалық көрсетілімдер болғанда тикагрелорды пациенттердің келесі топтарына сақтықпен қолдану керек:

- Қан кету дамуына бейімділігі бар пациенттер (мысалы, таяуда алған жарақатпен, таяуда өткізілген операциямен, қан ұю бұзылуларымен немесе таяудағы асқазан-ішектен қан кетумен байланысты) немесе жарақаттану қаупі жоғары пациенттер. Тикагрелор қабылдау белсенді патологиялық қан кетуі, анамнезінде бассүйекішілік қан құйылуы және бауырының ауыр жеткіліксіздігі бар пациенттерге қарсы көрсетілімді.

- Брилинта™ препаратын қабылдауға дейін 24 сағат ішінде қабылданатын қан кетудің даму қаупін арттыруы мүмкін  препараттарды (мысалы, қабынуға қарсы стероидты емес препараттар, ішуге арналған антикоагулянттар және/немесе фибринолитиктер) қатарлас қолданатын пациенттер.

Тромбоциттер трансфузиясы дені сау пациенттерде тикагрелордың агрегацияға қарсы әсерін қайтара алмады, оның қан кету орын алған пациенттерде клиникалық пайдалы болу ықтималдығы аз; Брилинта™ препараты мен десмопрессин қатарлас қолданылғанда стандартталған қан кету уақыты азаймағандықтан, десмопрессиннің қан кетуді тиімді тоқтату ықтималдығы аз.

Фибринолизге қарсы ем (аминокапрон қышқылы немесе транексам қышқылы) және/немесе VIIa рекомбинантты факторы гемостазды күшейтуі мүмкін. Қан кету себебін анықтағаннан және оны тоқтатқаннан кейін Брилинта™ препаратымен емді қайта бастауға болады.

Хирургиялық операциялар

Пациенттер кез келген хирургиялық операция жоспарланатын және жаңа дәрілік препарат қабылдау басталатын сәтке дейін өздерінің тикагрелор қабылдап жүргені жөнінде терапевт пен стоматологқа хабарлауы тиіс.

Егер пациентке жоспарлы операция жасалатын болса, соған орай тромбозға қарсы әсердің болмағаны дұрыс екендіктен, хирургиялық араласудан 7 күн бұрын тикагрелор қабылдауды тоқтату керек.

Ишемиялық инсультті өткерген пациенттер

Бұрын ишемиялық инсульт өткерген ЖКС бар пациенттерге 12 айдан аспайтын уақыт ішінде тикагрелормен емнен өтуге болады.

Бауыр жеткіліксіздігі

Бауырдың жедел жеткіліксіздігі бар пациенттерге тикагрелорды қолдануға болмайды. Бауыр жеткіліксіздігі орташа пациенттерде тикагрелор қолдану тәжірибесі көп емес, осыған орай, бұл пациенттерді емдегенде сақтық танытуға кеңес беріледі.

Брадикардия даму қаупі бар пациенттер

ЭКГ Холтер тәуліктік мониторингілеу клопидогрелмен салыстырғанда тикагрелормен емдеу кезінде негізінен симптомсыз қарыншалық кідірістердің жоғары жиілігін көрсетті.

Брадикардияның даму қаупі жоғары пациенттерде препаратты қолданудың шектеулі тәжірибесіне байланысты (мысалы, синустық түйіннің әлсіздік синдромы, 2-ші немесе 3-ші дәрежедегі атриовентрикулярлық блокада диагнозы қойылған кардиостимуляторы жоқ пациенттер; брадикардиямен байланысты естен тану) Брилинта™ препаратын осындай пациенттерге сақтықпен тағайындау ұсынылады. Сонымен қатар, тикагрелорды брадикардияны туындатуы мүмкін препараттармен бір мезгілде қабылдаған кезде сақтық таныту керек.

Тіркеуден кейінгі кезеңде тикагрелор қабылдаған пациенттерде брадиаритмия және АВ блокада жағдайлары туралы хабарланған. Бұл негізінен жүректің ишемиясының болуы және жүрек соғу жиілігін төмендететін немесе жүрек өткізгіштігіне әсер ететін дәрілерді бір мезгілде қолдану ықтимал шатастыратын факторлар болып табылатын ЖКС бар пациенттерге қатысты. Түзету терапиясын бастамас бұрын пациенттің клиникалық жағдайының және ол қабылдаған қатарлас дәрілердің осы құбылыстардың дамуына әсер ету мүмкіндігін бағалау керек.

Ентігу

Брилинта™ препаратын қолдану кезінде байқалған ентігу, әдетте, өзінің қарқындылығы бойынша әлсіз немесе орташа, препаратпен емді жалғастыру шамасына қарай жиі өтеді. Демікпесі/өкпенің созылмалы обструктивті ауруы (ӨСОА) бар пациенттерде тикагрелор қабылдағанда ентігу пайда болатын абсолютті қауіптің артуы болуы мүмкін. Тикагрелорды анамнезінде демікпе/ӨСОА бар пациенттерде сақтықпен қолдану керек. Механизм осы уақытқа дейін анықталмаған. Егер пациентте жаңа көрініс дамыса, ентігу сақталса немесе күшейсе, толық тексеру өткізу қажет. Егер ентігу Брилинта™ препаратымен емдеуден туындағаны анықталса, Брилинта™ препаратын қабылдауды тоқтату керек.

Орталық ұйқы апноэ синдромы

Тіркеуден кейінгі кезеңде тикагрелор қабылдаған пациенттерде орталық ұйқы апноэы, соның ішінде Чейн-Стокс тыныс алуы байқалды. Егер орталық ұйқы апноэына күдік болса, қосымша клиникалық бағалауды қарастыру керек.

Креатининнің жоғарылауы

Брилинта™ препаратымен емдеу кезінде креатинин деңгейі жоғарылауы мүмкін. Механизм анықталмады. Бүйрек функциясын күнделікті медициналық тәжірибеге сәйкес тексеру керек. ЖКС бар пациенттерде бүйрек функциясын, 75 жастан асқан пациенттерге, бүйрек жеткіліксіздігі орташа/ауыр және ангиотензин-IІ рецепторлары блокаторларымен (ARB) қатарлас ем қабылдайтын пациенттерге ерекше көңіл бөле отырып, тикагрелормен емдеу басталған соң 1 ай өткен соң тексеруге кеңес беріледі.

Несеп қышқылының жоғарылауы

Гиперурикемия тикагрелормен емдеу кезінде пайда болуы мүмкін. Анамнезінде гиперурикемия немесе подагралық артрит бар пациенттерге Брилинта™ препаратын қабылдау кезінде сақтық шараларын сақтау керек. Сақтық шарасы ретінде несеп қышқылы нефропатиясы бар пациенттерде Брилинта™ препаратын қолдану ұсынылмайды.

Тромбоздық тромбоцитопениялық пурпура (ТТП)

Тикагрелорды пайдалану кезінде тромбоздық тромбоцитопениялық пурпураның (ТТП) пайда болуы туралы өте сирек хабарланған.

Ол тромбоцитопениямен және неврологиялық құбылыстармен, бүйрек функциясының бұзылуымен немесе қызбамен байланысты микроангиопатиялық гемолитикалық анемиямен сипатталады. ТТП плазмаферезді қоса, дереу емдеуді талап ететін ықтимал өлім жағдайы болып табылады.

Гепарин-индукцияланған тромбоцитопения (ГИТ) диагностикасы кезінде тромбоциттердің зертханалық көрсеткіштеріне әсері

ГИТ диагностикасы үшін қолданылатын тромбоциттердің гепарин-индукцияланған агрегациясының (HIPA) тестін жүргізу кезінде гепариннің қатысуымен пациенттің қан сарысуындағы тромбоциттер агрегацияланады.

Тикагрелорды қабылдайтын пациенттерде ГИТ диагностикасы кезінде тромбоциттер функциясы тестінің жалған теріс нәтижелері (қоса алғанда, бірақ HIPA-мен шектелмей) байқалуы мүмкін. Бұл P2Y12 рецепторының тежелуіне байланысты. Тикагрелормен қатар емдеу туралы ақпарат тромбоциттер функциясын тестілеу кезінде ГИТ түсіндіру үшін қажет.

ГИТ дамуы байқалатын пациенттерде тикагрелормен емдеуді жалғастыру ГИТ протромбоздық жай-күйін де, антикоагулянттармен және тикагрелормен қатарлас емдеумен бірге қан кету қаупінің жоғарылауын да назарға ала отырып, қауіп пен пайда арақатынасын бағалағаннан кейін ғана мүмкін болады.

Басқалары

Тикагрелорды және АСҚ жоғары демеуші дозасын (300 мг астам) бірге қабылдау ұсынылмайды.

Натрий мөлшері

Брилинта™ препаратының таблеткасында 1 дозаға 1 ммольден аз (23 мг) натрий бар, яғни оның құрамында натрий жоқ.

Балаларда қолдану

18 жасқа дейінгі балаларда Брилинта™ препаратының қауіпсіздігі мен тиімділігі анықталмаған. Орақ жасушалы ауруы бар балаларда тикагрелорды қолданудың елеулі тәжірибесі жоқ.

Жүктілік және лактация кезінде

Бала туу жасындағы әйелдер тикагрелормен емдеу кезінде жүктілікті болдырмау үшін тиісті ұрықтануға қарсы дәрілерді қолдануы керек. Жүкті әйелдердің тикагрелорды қолдануы туралы іс жүзінде ешқандай деректер жоқ. Жүктілік кезінде тикагрелорды қабылдау ұсынылмайды. Тикагрелор және оның белсенді метаболиттері сүтпен шығарылуы мүмкін. Бала емізу кезіндегі жаңа туған нәрестелер/сәбилер үшін қауіп жоққа шығарылмайды. Бала емізудің пайдасы мен әйелдің емінің пайдасын ескере отырып, бала емізуді немесе тикагрелормен емдеуді тоқтату туралы шешім қабылдау керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Брилинта™ препараты көлік құралдары мен механизмдерді басқару қабілетіне елеулі әсер етпейді немесе әсер етпейді. Тикагрелормен емдеу кезінде бас айналу және сананың шатасуы байқалды. Сондықтан мұндай симптомдары бар пациенттерге автокөлікті абайлап жүргізу немесе механизмдермен жұмыс істеу керек.

Қолдану жөніндегі ұсынымдар

Дозалау режимі

Брилинта™ препаратын қабылдайтын пациенттер, егер спецификалық қарсы көрсетілімдер болмаса, 75-150 мг көлемде ацетилсалицил қышқылының (АСҚ) демеуші дозасын күнделікті қабылдауы тиіс.

Жедел коронарлық синдром

Брилинта™ препаратын қолдануды бір реттік 180 мг жүктеме дозасынан (90 мг екі таблетка) бастап, артынан тәулігіне екі рет 90 мг қабылдауды жалғастырған жөн. Жедел коронарлық синдромы бар пациенттерге, препаратты мерзіміне дейін тоқтатудың клиникалық қажет болатын жағдайлардан басқа, 12 ай бойы 90 мг Брилинта™ препаратымен ем жүргізу ұсынылады.

Анамнездегі миокард инфарктісі

Күніне екі рет 60 мг көлемді Брилинта™ препараты - анамнезінде ең болмаса жылына бір рет миокард инфарктісі бар пациенттерде, сонымен бірге атеротромбоздық асқынулар туындауының қауіп тобында болатын пациенттерде кеңейтілген емдеу қажеттілігі туындайтын жағдайда ұсынылатын доза болып табылады. Емдеуді атеротромбоздық асқынулардың туындау қаупіне ұшыраған ЖКС бар пациенттерде 90 мг Брилинта™ препаратымен бастапқы бір жылдық емдеуден немесе аденозиндифосфат (АДФ) рецепторларының басқа тежегішімен емдеуден кейінгі емнің жалғасы ретінде үзіліссіз бастауға болады. Емдеуді, сонымен қатар, МИ-нан кейін 2 жыл ішінде немесе АДФ рецепторы тежегішімен алдыңғы емдеу аяқталған соң бір жыл ішінде бастауға болады. 3 жыл ұзақ емдеуден кейін Брилинта™ препаратының тиімділігі туралы деректер шектеулі.

Егер дозаны өзгерту қажет болса, Брилинта™ препаратының бірінші дозасын антитромбоцитарлық препараттың соңғы дозасын қабылдағаннан кейін 24 сағат ішінде енгізу керек.

Пациенттердің ерекше топтары

Егде жастағы пациенттер

Дозаны түзету қажет емес.

Бүйрек жеткіліксіздігі бар пациенттер

Бүйрек жеткіліксіздігі бар пациенттерге дозаны түзету қажет емес.

Бауыр жеткіліксіздігі бар пациенттер

Бауыр жеткіліксіздігінің ауыр дәрежесі бар пациенттерде Брилинта™ препаратын қолдануға болмайды. Бауыр жеткіліксіздігі орташа пациенттерге дозаны түзету талап етілмейді, алайда тикагрелорды сақтықпен қолдану керек. Бауыр жеткіліксіздігінің жеңіл дәрежесіне шалдыққан пациенттерге дозаны түзету талап етілмейді.

Енгізу әдісі мен жолы

Пеоральді қолдануға арналған.

Брилинта™ препаратын тамақ ішуге қарамастан қолдануға болады. Таблетканы бүтіндей жұта алмайтын пациенттер үшін дереу қабылдау шартымен таблеткаларды ұсақ ұнтақтап уатуға және жарты стақан сумен араластыруға болады. Стақанды тағы бір жарты стақан сумен шайып, ішіндегісі ішіледі. Қоспаны назогастральді зонд (СН8 немесе көбірек) арқылы да қабылдауға болады. Қоспаны қабылдаудан кейін назогастральді зондты сумен жуып-шаю маңызды.

Артық дозалану жағдайында қабылдануы қажет шаралар

Тикагрелор препараттың бір реттік дозасы 900 мг дейін жағымды.

Симптомдары: Қан кету Брилинта™ препаратымен артық дозаланудың болжамды фармакологиялық әсері болып табылады, сондықтан қан кетудің дамуы кезінде тиісті демеуші іс-шараларды жүргізу қажет. Артық дозаланғанда пайда болуы мүмкін басқа клиникалық маңызды жағымсыз реакцияларға диспноэ және қарыншалық асистолия эпизодтары жатады.

Емі: спецификалық антидот жоқ. Артық дозаланған жағдайда емдеуді жергілікті медициналық практика стандарттарына сәйкес жүргізген жөн. Қан кету дамыған кезде тиісті қолдау шараларын жүргізу қажет. Тикагрелор гемодиализ кезінде шығарылмайды. Жалпы демеуші ем, науқасты бақылау және өмірлік маңызы бар ағзалар мен жүйелердің функциясын бақылау (ЭКГ-мониторинг) ұсынылады.

Бір немесе бірнеше дозасын өткізіп алу кезіндегі қажетті шаралар

Емдеудегі ауытқулардан аулақ болу керек. Брилинта™ препаратының дозасын өткізіп алған пациент кесте бойынша тек бір таблетканы (келесі дозаны) қабылдауы тиіс.

Тоқтату синдромы қаупінің болуына көрсетілім

Брилинта™ препаратымен емдеуді қоса алғанда, кез келген антиагрегантты емді мерзімінен бұрын тоқтату пациенттің негізгі ауруына байланысты жүрек-қантамыр ауруларынан, миокард инфарктісінен немесе инсульттен болатын өлім қаупінің жоғарылауына әкелуі мүмкін. Сондықтан емдеуді мерзімінен бұрын тоқтатудан аулақ болу керек.

Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі кеңестер

Егер препаратты қолдану туралы сұрақтар туындаса, емдеуші дәрігеріңізге хабарласыңыз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз реакциялар даму жиілігі бойынша жіктелген. Жиілік санаттары келесі шартты белгілеулерге сәйкес анықталады: өте жиі (≥ 1/10), жиі (≥1/100 <1/10 дейін), жиі емес (≥1/1000 <1/100 дейін), сирек (≥1/10000 <1/1000 дейін), өте сирек (<1/10000), белгісіз (белгілі деректерге сүйене отырып, бағалау мүмкін емес).

Өте жиі

- қан ауруы кезіндегі қан кетулер

- гиперурикемия

- ентігу

Жиі

- подагра, подагралық артрит

- бас айналу, синкопе, бас ауыруы

- вертиго

- гипотензия

- тыныс алу жүйесінен қан кетуі

- асқазан-ішек жолынан қан кету, құсу, диарея, іштің ауыруы, жүрек айнуы, диспепсия, констипация

- тері астында немесе теріден қан кету, бөртпе, қышыну

- несеп шығару жолдарынан қан кету

- қандағы креатинин деңгейінің жоғарылауы

- операциядан кейінгі қан кету, жарақаттық қан кету

Жиі емес

- ісіктен қан кету

- жоғары сезімталдық, оның ішінде ангионевроздық ісіну

- сананың шатасуы

- бассүйекішілік қан құйылу (өздігінен, медициналық манипуляциялармен байланысты кездейсоқ немесе жарақаттық қан кету) - көзге қан құйылу (көзішілік, конъюнктивалық, торқабыққа)

- құлақтан қан кету

- ішперде артына қан кету

- бұлшықетке қан құйылу

- репродуктивтік жүйе ағзаларының қан кетуі

Белгісіз

- тромбоздық тромбоцитопениялық пурпура

- брадиаритмия, АВ-блокада

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - тикагрелор 90 мг,

қосымша заттар: маннитол, кальций гидрофосфаты, натрий крахмалгликоляты, гидроксипропилцеллюлоза, магний стеараты,

қабықтың құрамы: гипромеллоза 2910, титанның қостотығы (E171), тальк, полиэтиленгликоль 400, темірдің сары тотығы (E172).

Дөңгелек, екі жақ беті дөңес, бір жағында «« өрнегі бар және екінші жағы тегіс сары түсті үлбірлі қабықпен қапталған таблеткалар.

Поливинилхлорид/поливинилиденхлорид үлбірінен және баспалы лакталған алюминий фольгадан жасалған пішінді ұяшықты қаптамаға 14 таблеткадан салады.

Пішінді 4 немесе 12 ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды

30С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

АстраЗенека АБ, 18 СЕ- 151 85, Сёдерталье, Швеция

Тел.: +46 8 553 260 00

Факс: +46 8 553 290 00

Электронды пошта: adverse.events.kz@astrazeneca.com

АстраЗенека АБ, 18 СЕ- 151 85, Сёдерталье, Швеция

Тел.: +46 8 553 260 00

Факс: +46 8 553 290 00

Электронды пошта: adverse.events.kz@astrazeneca.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«АстраЗенека Ю-Кей Лимитед» ЖАҚ өкілдігі,

Қазақстан Республикасы, Алматы қ., 050022

Шевченко к-сі, 144

Телефон: +7 727 232 14 15; +7 701 0326745

e-mail: adverse.events.kz@astrazeneca.com

немесе сілтеме бойынша: https://contactazmedical.astrazeneca.com