Венофер

Венофер®

Жоқ

Вена ішіне енгізуге арналған 20 мг/мл, 5 мл ерітінді

Қан және қан түзілу ағзалары. Анемияға қарсы препараттар. Темір препараттары. Темір препараттары, парентеральді.

АТХ коды В03АС

Темірдің пероральді препараттарымен емдеу жеткілікті тиімсіз немесе негізделмеген пациенттердегі темір тапшылықты жағдайлар:

- темір қорларын жылдам толтырудың клиникалық қажеттілігі кезінде,

- пероральді темір препараттарының жақпаушылығы немесе емдеу режимін қадағаламау

- темір препараттарын қолдану тиімсіз болатын ішектің белсенді қабыну аурулары

- пероральді темір препараттары тиімсіз болатын бүйректің созылмалы аурулары.

Венофер® препаратын қолдану көрсетілімдері тиісті зертханалық зерттеулердің (мысалы, гемоглобин, сарсысулық ферритин, трансферриннің қанығуы, сарысулық темір және т.б.) нәтижелерімен расталған жағдайларда ғана қабылдау қажет.

Қолдануды бастағанға дейін қажетті мәліметтер тізбесі

- әсер етуші заттарға немесе қосымша заттардың кез келгеніне аса

жоғары сезімталдық

- темірдің басқа парентеральді препараттарына аса жоғары

сезімталдықтың белгілі күрделі реакциялары

- темір тапшылығымен байланысты емес анемия

- темірдің артық болуының симптомдары немесе темір сіңірілуінің

тұқым қуалайтын бұзылуы.

Темірдің парентеральді енгізілетін препараттары күрделі және өлім қаупі зор анафилаксиялық/анафилактоидты реакцияларды қоса, аса жоғары сезімталдық реакцияларын туғызуы мүмкін. Сонымен қатар, темірдің парентеральді кешендерінің бұрынғы дозаларына болмаса да аса жоғары сезімталдық реакциялары туралы хабарланған. Коунис синдромына дейін үдеген миокард инфарктына әкелуі мүмкін (жедел аллергиялық коронарлық артериоспазм), мүмкін жоғары сезімталдық реакциялары туралы хабарланды. Анамнезінде темір декстранына немесе темір глюконатына аса жоғары сезімталдық реакциялары бар пациенттерді қамтитын бірнеше зерттеулер Венофердің жақсы жағымдылығын көрсетті. Парентеральді енгізуге арналған басқа темір препараттарына белгілі ауыр аса жоғары сезімталдық туралы ақпаратты Қолдануға болмайтын жағдайлар бөлімінен қараңыз.

Анамнезінде ауыр демікпе, экзема және атопиялық аллергияның басқа да нысандары бар пациенттерді қоса, дәрілік аллергияларды қоса алғанда, анамнезінде аллергиясы бар пациенттерде аса жоғары сезімталдық реакциясының қаупі артады.

Иммунды және қабыну аурулары бар (мысалы, жүйелі қызыл жегі, ревматоидты артрит) пациенттерде темірдің парентеральді кешендеріне жоғары сезімталдық реакцияларының қаупі сондай-ақ жоғары болады.

Венофер® препаратын анафилаксиялық реакция пайда болғанда бағалауды және алғашқы көмек көрсетуді білетін медициналық персоналдың қатысуымен, сондай-ақ реанимация үшін қажетті барлық құралдар мен жабдықтар бар медициналық орталық жағдайында ғана енгізу керек. Венофер® препаратын әрбір енгізгеннен кейін кемінде 30 минут бойы кез келген жағымсыз әсерлер пайда болмауы үшін пациенттің жағдайын мұқият бақылау керек. Аса жоғары сезімталдық белгілері немесе жақпаушылық симптомдары пайда болғанда, тез арада препаратты енгізуді тоқтату керек. Анафилаксиялық/анафилактоидты реакциялар жағдайында адреналиннің 1:1000 инъекциялық ерітіндісін қоса, жүрек-өкпе реанимациясына арналған жабдықтар мен құралдар қол жетімді болуға тиіс. Қажет болған жағдайда антигистаминді препараттар және/немесе кортикостероидтерды қосымша тағайындау қажет.

Бауыр функциясы бұзылған пациенттерде темірдің парентеральді препараттарын тек пайда/қауіпті мұқият бағалағаннан кейін ғана қолдану керек. Бауыр функциясы бұзылған пациенттерде темірдің шамадан тыс болуы кешіккен тері порфириясын (КТП) пайда болуын туғызатын фактор болғанда, темірдің парентеральді препараттарын қолданбаған жөн. Темір статусын мониторингілеу организмде темірдің шамадан тыс болуына жол бермейді.

Парентеральді темірді жедел немесе созылмалы инфекцияда, демікпеде, экземада немесе атопиялық аллергияда сақтықпен қабылдаған жөн. Ұзаққа созылған бактериемиясы пациенттерге Венофер® препаратымен емдеуді тоқтату қажет. Созылмалы инфекциясы бар пациенттерде пайда/қауіпті мұқият бағалаған жөн.

Венофердің бір дозасында шамамен 35 мг натрий бар (7 мг / мл), бұл ересек адам үшін ДДҰ ұсынған максималды тәуліктік дозаның 2 г натрий мөлшерінің 1,75% -на тең.

Препараттың вена маңындағы тіндерге ағып кетуіне жол бермеу керек, өйткені Венофер® препаратының ағып кетуі ауыру, қабыну және терінің қоңыр түске боялуын туғызуы мүмкін.

Контейнерді алғаш ашқаннан кейінгі жарамдылық мерзімі:

Микробиологиялық тұрғыдан, препаратты ашқаннан кейін бірден пайдаланған жөн.

Натрий хлоридінің (NaCl) 0,9% (м/көл.) стерильді ерітіндісімен сұйылтқаннан кейінгі жарамдылық мерзімі:

Микробиологиялық тұрғыдан, препаратты натрий хлоридінің (NaCl) 0,9% (м/көл.) стерильді ерітіндісімен сұйылтқаннан кейін бірден пайдаланған жөн.

Темірдің барлық парентеральді препараттарын қолданғандағыдай, Венофер® препаратын темірдің пероральді препараттарымен бір мезгілде қолдануға болмайды, өйткені пероральді темірдің сіңірілуі төмендейді. Сондықтан, темірдің пероральді препараттарымен емді Венофер® препаратын соңғы енгізгеннен кейін 5 күннен кейін ғана бастауға болады.

Венофер® препаратын натрий хлоридінің 0,9% стерильді ерітіндісімен ғана (масса/көлем) араластыруға болады. Басқа ерітінділермен немесе дәрілік препараттармен араластырғанда преципитация және/немесе өзара әрекеттесу қаупі болады. Шыны, полиэтилен және поливинилхлоридтен басқа материалдардан жасалған контейнерлермен үйлесімділігі зерттелген жоқ.

Педиатрияда қолдану

Венофер® препаратын балаларда қолдану жеткілікті дәрежеде зерттелген жоқ, балаларға қолдану ұсынылмайды.

Жүктілік немесе лактация кезінде

Темір және сахароза кешенін жүкті әйелдердің жүктіліктің алғашқы триместрінде қолдануының деректері жоқ. Венофер® препаратын жүкті әйелдердің жүктіліктің екінші және үшінші триместрінде қолдануының деректері ана үшін немесе жаңа туылған нәресте үшін ешқандай қауіпсіз екенін көрсетті.

Венофер® препаратын нақты қажеттігін қоспағанда, жүктілік кезінде тағайындар алдында пайда/қауіпке мұқият бағалау жүргізу қажет.

Жүктіліктің алғашқы триместрінде темір тапшылықты анемияны көптеген жағдайда темірдің пероральді препараттарымен емдеу керек. Егер ана мен шаранаға деген пайда қауіптен жоғары болса ғана, жүктіліктің екінші және үшінші триместрінде Венофер® препаратымен емделуге болады.

Парентеральды темір енгізілгеннен кейін ұрықта брадикардия дамуы мүмкін. Әдетте бұл симптом тез жоғалады және анадағы жоғары сезімталдық реакциясының салдары болып табылады. Жүкті әйелдерге парентеральды темір препараттарын вена ішіне енгізгенде ұрықты мұқият бақылау керек.

Темір және сахароза кешенін вена ішіне енгізгеннен кейін темірдің ана сүтіне өтуі туралы шектеулі ақпарат бар.

Бір клиникалық зерттеуде темір тапшылығы бар 10 сау бала емізетін ана темір сахароза түрінде 100 мг темір қабылдаған. Емдеуден кейін төрт күннен кейін емшек сүтіндегі темір мөлшері жоғарылаған жоқ және бақылау тобынан айырмашылығы болған жоқ (n = 5).

Венофер® препаратынан темірдің ана сүті арқылы жаңа туылған нәрестелер/сәбилерге әсер ету мүмкіндігін жоққа шығаруға болмайды, сондықтан пайда/қауіпті бағалау керек.

Клиникаға дейінгі деректер емшек сүтімен қоректенетін ұрпақтарға тікелей немесе жанама зиянды әсерін таппады. 59Fe таңбаланған темір сахарозасын алған емізетін егеуқұйрықтарда сүтке темірдің төмен секрециясы және ұрпақтарға темірдің берілуі байқалды. Метаболизденбеген темір сахаратының ана сүтіне ену ықтималдығы шамалы.

Жануарларға жүргізілген зерттеулер репродуктивтік функцияға қатысты тікелей немесе жанама зиянды әсердің болуын анықтаған жоқ.

Дәрілік препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Венофер® препаратын енгізгеннен кейін бас айналу, сананың шатасуы немесе жартылай есеңгіреу сияқты симптомдар пайда болған жағдайда пациенттер көлік құралдарын басқармауы немесе осы симптомдар жойылғанға дейін басқа автоматтандырылған жүйелермен жұмыс істемеуі тиіс.

Пациенттерде Венофер® препаратын қабылдау кезінде және әрбір қолданғаннан кейін жоғары сезімталдық симптомдары мен реакцияларының белгілері пайда болуын мұқият қадағалау керек.

Венофер® препаратын анафилаксиялық реакция пайда болғанда бағалауды және көмек көрсетуді білетін медициналық персоналдың қатысуымен, сондай-ақ реанимация үшін қажетті барлық құралдар мен жабдықтар бар медициналық орталық жағдайында ғана енгізу керек. Венофер® препаратын әрбір енгізгеннен кейін кемінде 30 минут бойы кез келген жағымсыз әсерлер пайда болмауы үшін пациенттің жағдайын мұқият бақылау керек.

Дозалау режимі

Венофер® препараттың жинақталатын дозасын әр пациент үшін жеке есептеу керек және одан арттырмау керек.

Дозалануын есептеу

Венофер® препаратының темірдің жалпы тапшылығына баламалы жалпы жинақтаушы дозасы (мг), гемоглобин (Hb) деңгейінің және дене салмағының (ДС) негізінде анықталады. Венофер® препаратының дозасын әр пациентке төменде келтірілген Ганзони формуласы бойынша есептелген темірдің жалпы тапшылығына сәйкес жеке есептеу керек, мысалы:

Дене салмағына, Hb нақты деңгейі және Hb*мақсатты деңгейіне байланысты енгізілуі тиіс Венофер® препаратының жалпы мөлшері (мл):

Hb (ммоль) Hb (г/дл) ауыстыру үшін, алғашқы мәнді 1,6 көбейтіңіз.

Егер жалпы қажетті доза ең жоғары рұқсат етілген бір реттік дозадан асатын болса, оны бірнеше енгізуге бөлу керек.

Венофер® препаратын тек вена ішіне қолдану керек. Оны баяу венаішілік инъекция, венаішілік тамшылатып инфузия немесе диализді жүйенің веналы желісіне тікелей енгізіп қолдануға болады.

Венаішілік тамшылататын инфузия

Венофер® препаратын натрий (NaCl) 0,9% (м/көл.) хлоридінің стерильді ерітіндісімен ғана сұйылту қажет. Препаратты тікелей инфузия алдында сұйылту қажет, сондай-ақ ерітіндіні мынадай түрде енгізу қажет:

Тұрақтылықты сақтау үшін, Венофер® препаратын аса төмен концентрацияларға дейін сұйылтуға болмайды.

Венаішілік инъекция

Венофер® минутына 1 мл сұйылтылмаған ерітінді жылдамдығымен баяу венаішілік инъекция түрінде енгізіледі және оның дозасы кемінде 10 минут ішінде 10 мл (200 мг темір) инъекциядан аспауы керек.

Диализді жүйенің веналық аумағына енгізу

Венофер® гемодиализ сеансы кезінде тікелей диализді жүйенің вена аумағына енгізу кезінде венаішілік инъекция түрінде енгізгендей талаптарды сақтаған жағдайда ғана енгізуге болады.

Қабылдау уақыты көрсетілген қолдану жиілігі

Ересектер

5–10 мл Венофер® (100–200 мг темір) аптасына 1-3 рет. Енгізу уақыты және препаратты сұйылту дәрежесі бойынша ақпаратты алу үшін –«Енгізу әдісі және жолы» тармағын қараңыз.

Емдеу курсының ұзақтығын терапевтік әсерге байланысты дәрігер анықтайды.

Артық дозаланған жағдайда қабылдануы тиіс шаралар

Симптомдары: артық дозалануы өздігінен гемосидероз симптомдарымен білінетін темірдің шамадан тыс болуын туындатуы мүмкін.

Шұғыл ем-шаралар: Артық дозалауды емдеу емдеуші дәрігерге байланысты темір хелаторларын пайдаланумен немесе медициналық тәжірибе стандарттарына сәйкес жүргізіледі.

Дәрілік препаратты қолдану тәсілін түсіну үшін медицина қызметкерінен кеңес алуға бару жөнінде нұсқаулар

Препаратты қолдану бойынша сұрақтар туындаған жағдайда емдеуші дәрігерге жүгініңіз.

Жиі

- дәм сезудің бұзылуы

- артериялық гипотензия, артериялық гипертензия

- жүрек айнуы

- инфузия/инъекция2 орнындағы реакциялар

Жиі емес

- аса жоғары сезімталдық

- бас ауыруы, бас айналуы, парестезиялар, гипестезиялар

- қан тебу, флебит

- ентігу

- құсу, іштің ауыруы, диарея, іштің қатуы

- қышыну, бөртпе

- бұлшықет түйілуі, бұлшықет және буындардың ауыруы, аяқ-қол және белдің ауыруы

- қалтырау, астения, қажу, шеткері ісіну

- қан сарысуында аланин-аминотрансфераза, аспартат-аминотрансфераза, гамма-глутамилтрансфераза, сарысулық темір деңгейінің жоғарылауы

Сирек

- естен тану, ұйқышылдық

- жүректің қатты соғуын сезіну

- несеп түсінің өзгеруі

- кеуденің ауыруы, тершеңдік, дене температурасының жоғарылауы

- қан сарысуындағы лактатдегидрогеназа деңгейінің жоғарылауы

Белгісіз1)

- анафилактоидты реакциялар, ангионевроздық ісіну

- сананың бәсеңдеуі, сананың шатасуы, естен тану, үрей, тремор

- брадикардия, тахикардия

- циркуляциялық коллапс, тромбофлебит

- бронх түйілуі

- есекжем, эритема

- суық тер, жайсыздық, бозғылттық, тұмауға ұқсас синдром3

- Коунис синдромы

- тіркеуден кейінгі кездейсоқ хабарлар

- ең жиі хабарламалар: ауыру, препараттың вена маңындағы тіндерге ағып кетуі, тітіркену, түстің өзгеруі, гематома, қышыну, инъекция/инфузия орнындағы реакциялар.

- пайда болуы бірнеше сағаттан бірнеше күнге дейін өзгеруі мүмкін

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі медициналық және фармацевтикалық бақылау комитетінің «Дәрілік заттар мен медициналық бұйымдарды ұлттық сараптау орталығы» ШЖҚ РМК

http://www.ndda.kz

Қосымша мәліметтер

Бір мл құрамында

белсенді зат – темір (III) 20 мг (сахароза кешенінің темір (III) гидроксиді түрінде 510–570 мг),

қосымша заттар: натрий гидроксиді (10% ерітіндісі), инъекцияға арналған су.

Қоңыр түсті сулы ерітінді.

5 мл препараттан ампуланың мойынындағы жиек немесе қос жиек және ампула мойнында нүкте түріндегі кертігі бар түссіз мөлдір шыны ампулаларға салынған.

5 ампуладан поливинилхлоридтен жасалған пішінді ұяшықты қаптамаға салынған.

1 қаптама медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынған.

3 жыл

Жарамдылық мерзімі өткеннен кейін қолдануға болмайды

25°C-ден аспайтын температурада сақтау керек. Препаратты мұздатып қатыруға болмайды! Балалардың қолы жетпейтін жерде сақтау керек!

Рецепт арқылы

Такеда Австрия ГмбХ, Австрия

Санкт-Петер-штрассе 25, 4020 Линц, Австрия

Тел : + 49(0)7531-84-0

Электронды пошта: www.takeda.com

Вифор (Интернэшнл) Инк., Швейцария

Рехенштрассе 37, 9014 Санкт-Галлен, Швейцария

Тел : +41 588518000

Электронды пошта: www.viforpharma.com

«Дельта Медикел Промоушнз АГ» акционерлік қоғамының өкілдігі (Швейцария), 050040, Алматы қ., Медеу ауданы, Қазыбек Би 20А, 308 кеңсе, тел. +7 (771) 504 54 13, электронды пошта: quality@deltaswiss.eu