Умкалор

Умкалор

Жоқ

Ішуге арналған ерітінді

Респираторлық жүйе. Жөтел және суық тию аурулары кезінде қолданылатын препараттар.

АТХ коды R05

-жедел және созылмалы тыныс алу жолдарының және құлақ, тамақ және мұрын аймағының инфекцияларында, бронхит, синусит, тонзиллярлық баспа, ринофарингит.

Қолдану басталуына дейін қажетті мәліметтер тізбесі

- белсенді затқа немесе препараттың басқа компоненттеріне аса жоғары сезімталдық

- қан кетуге жоғары бейімділік

- антикоагулянттарды қолдану

- бауырдың ауыр аурулары

- 1 жасқа дейінгі балалар

- жүктілік, лактация кезеңі.

Егер Сіздің жағдайыңыз бір аптада жақсармаса, егер Сізде жоғары температура бірнеше күн бойы сақталса, бауыр функциясының бұзылу белгілері пайда болған жағдайда, сондай-ақ Сізде ентігу немесе қанды қақырық пайда болса, тез арада дәрігерге көріну керек.

Осы уақытқа дейін Умкалор® препаратының басқа дәрілік заттармен өзара әрекеттесуі туралы хабарлама жоқ.

Арнайы сақтандырулар

Умкалор® құрамында 12 к.% алкоголь бар. Препаратты нұсқаулыққа сай қабылдау кезінде әрбір дозамен (10-20-30 тамшы) бірге шамамен 0,05-0,10-0,15 г спирт қабылданады, бұл бауыр ауруы және церебральды ауруы бар пациенттердің, маскүнемдікке шалдыққандардың, эпилепсиямен ауыратындардың, жүкті, бала емізетін әйелдердің және 1 жасқа дейінгі балалардың денсаулығы үшін қауіпті болуы мүмкін.

Өсімдіктің сұйық экстарктісі ұзақ уақыт бойы сақтағанда бұлыңғырлануға бейім келеді, алайда, ол дәрілік заттың тиімділігіне әсер етпейді.

Умкалор® ерітіндісі табиғи өнім болғандықтан, препараттың бұлыңғырлануы және түсі мен дәмі аздап өзгеруі мүмкін.

Педиатрияда қолдану

1 жастан асқан балаларда қолданылады

Жүктілік немесе лактация кезеңінде

Умкалор® препаратын жүкті әйелдерге және бала емізетін аналарға қолдану тәжірибесі жеткіліксіз болғандықтан, оны жүктілік және лактация кезеңінде қолданбаған жөн.

Препараттың көлік құралын және қауіптілігі зор механизмдерді басқару қабілетіне әсер ету ерекшеліктері

Әсер етпейді

Дозалау режимі

Сіздің дәрігеріңіздің басқа көрсетілімі болмаған кезде келесі дозалау режимі ұсынылады:

Тамшыны сұйықтықтың аздаған мөлшерімен таңертең, күндіз және кешке қабылдау керек.

10 тамшы ерітіндінің шамамен 0,48 мл сәйкес келеді.

Пероральді

Емдеу курсы 7-10 күн. Симптомдар әлсірегеннен кейін аурудың қайталануының алдын алу үшін препаратты тағы да бірнеше күн қабылдауды жалғастыру ұсынылады. Емдеу ұзақтығы 3 аптадан аспауы тиіс.

Артық дозалану байқалмады. Симптоматикалық ем.

Дәрілік препаратты қолдану тәсілін түсіндіру үшін медицина қызметкерінен кеңес алу жөніндегі ұсынымдар

Дәрілік препаратты қолдану тәсілін түсіндіру үшін медицина қызметкеріне жүгіну ұсынылады.

Жиі емес (≥1/1 000 - <1/100):

- асқазан-ішек бұзылулары (асқазанның ауыруы, қыжыл, жүрек айнуы немесе диарея)

Сирек (≥1/10 000 - <1/1 000):

- қызыл иектен жеңіл түрде қан кету.

- мұрыннан жеңіл түрде қан кету.

- аса жоғары сезімталдық реакциялары (тері бөртпелері, есекжем, терінің және шырышты қабықтың қышынуы).

Белгісіз (қолда бар деректер негізінде бағалау мүмкін емес):

Умкалор® препаратын қабылдағаннан кейін бауыр функциясының бұзылу белгілерінің пайда болуы туралы жекелеген хабарламалар бар; препаратты қабылдау мен бұл әсерлердің арасындағы себеп-салдарлық байланысы анықталмаған; туындау жиілігі белгісіз.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер