Триампур

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Триампур композитум - Тева

Халықаралық патенттелмеген атауы

Жоқ

Дәрілік түрі, дозасы

Таблеткалар, 25 мг/12.5 мг

Фармакотерапиялық тобы

Жүрек-қантамыр жүйесі. Диуретиктер. Диуретиктердің калий сақтаушы препараттармен біріктірілімдері. Калий сақтаушы препараттармен біріктірілген Генле ілмегінің кортикальді сегментіне әсер ететін диуретиктер. Калий сақтаушы препараттармен біріктірілген гидрохлоротиазид

АТХ коды С03ЕА01

Қолданылуы

- артериялық гипертензия

- жүрек, бауыр немесе бүйрек аурулары себепші болған ісіну синдромы, негізінен организмнен калийдің жоғалуын болдырмау қажет жағдайларда

- ісінуге бейім жүрек жеткіліксіздігін гликозидтермен емдеудегі қатар жүретін ем

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- триамтеренге, гидрохлортиазидке, басқа тиазидтерге, сульфонамидтерге немесе осы препараттың қосымша заттарының кез келгеніне аса жоғары сезімталдық

- гиперкалиемия (қандағы калий деңгейі жоғары)

- анурия

- бүйрек жеткіліксіздігінің ауыр дәрежесі (креатинин клиренсі < 30 мл/мин), сарысу креатинині 1,8 мг/дл жоғары);

- жедел гломерулонефрит

- бауыр жеткіліксіздігінің ауыр дәрежесі (бауырлық кома алды және кома)

- емдеуге резистентті гипокалиемия

- ауыр гипонатриемия

- гиперкальциемия

- гиповолемия

- калий сақтаушы басқа диуретиктермен және құрамында калий бар басқа өнімдермен бір мезгілде қолдану (әсіресе вена ішіне қолданғанда)

- айқын гипотензия

- жүктілік, лактация кезеңі

- дене салмағы 50 кг-ден азырақ балаларға және жасөспірімдер

- сирек тұқым қуалайтын галактоза жақпаушылығы, лактаза тапшылығы, глюкоза-галактоза мальабсорбциясы синдромы (препарат құрамында лактоза моногидраты бар)

Қолдану кезіндегі қажетті сақтық шаралары

Мына пациенттерге сақтықпен қабылдау керек

- подаграда – қандағы несеп қышқылының деңгейі жоғарылауы мүмкін;

- бүйрек функциясы төмендеген, креатинин клиренсі төмендеген (30-60 мл/мин) пациенттерге;

- бүйректе тастар болуы;

- бауыр функциясының бұзылуында

- қант диабетінде - латентті қант диабеті пайда көрініс табуы немесе қант диабеті бар пациенттерде инсулинге қажеттілік артуы мүмкін; қандағы қант деңгейін мезгіл-мезгіл тексеріп отыру ұсынылады;

- фолий қышқылының тапшылығына күдікті пациенттерге (мысалы, бауыр циррозы және алкогольді созылмалы тұтыну жағдайында);

- гиперкалиемия қаупі жоғары болғандықтан құрамында калий бар басқа препараттарды (мысалы, спиронолактон, амилорид) немесе калий препараттарын бір мезгілде пайдаланудан аулақ болу керек. Электролиттердің мөлшеріне, әсіресе пациенттердің мына топтарында: егде жастағы адамдарда, дигиталис препаратын, кортикостероидтар және іш жүргізетін дәрі немесе венаішілік инъекция алатын пациенттерде мезгіл-мезгіл қан талдауын жүргізу қажет.

Басқа дәрілік препараттармен өзара әрекеттесуі

Басқа гипертензияға қарсы дәрілер

Триампур композитум – Тева басқа гипертензияға қарсы препараттардың әсерін күшейтуі мүмкін.

АӨФ тежегіштерімен (мысалы, каптоприл, эналаприл) бір мезгілде қолдану артериялық қысымның күрт төмендеуіне, гиперкалиемия қаупінің артуына әкелуі мүмкін.

Гидрохлоротиазидке қарсы антиденелердің пайда болуынан туындаған гемолиз метилдопамен бір мезгілде қабылдағанда өте сирек байқалған.

Қабынуға қарсы стероидты емес препараттар

ҚҚСП, әсіресе индометацинді бір мезгілде қабылдау гидрохлоротиазидтің диурездік және гипертензияға қарсы әсерін бәсеңдетуі, тіпті бейім пациенттерде немесе сусыздануы бар пациенттерде жедел бүйрек жеткіліксіздігін туындатуы мүмкін.

Индометацин бірге қолданған кезде бүйрек функциясына (шумақтық сүзілу жылдамдығын шектеу) теріс әсер етуі мүмкін.

Холестирамин және холестипол

Біріктіріп қабылдау кезінде Триампур композитум – Тева сіңуі бұзылады, бұл фармакологиялық әсердің төмендеуіне әкеледі.

Литий препараттары

Триампур композитум – Тева қоса, диуретиктерді литий препараттарымен бір мезгілде қабылдауға болмайды, өйткені литийдің уыттылығы қаупінің артуы мүмкін.

Жүрек гликозидтері

Триампур композитум – Тева тудырған гипокалиемия немесе гипомагниемия жүрек гликозидтерінің уытты әсеріне (жүрек аритмиясы) әкелуі мүмкін. Қандағы калийді және ЭКГ бақылау керек.

Инсулин және пероральді диабетке қарсы препараттар

Глюкозаға толеранттылығының өзгеруіне байланысты инсулин мен пероральді диабетке қарсы дәрілердің дозасын түзету қажет болуы мүмкін.

Кортикостероидтар және іш жүргізетін дәрілер

Кортикостероидтармен немесе іш жүргізетін дәрілермен бір мезгілде қолдану калийдің тым көп жоғалуына әкелуі мүмкін.

Хлорпропамид

Хлорпропамидпен бір мезгілде қолдану ауыр гипонатриемияның пайда болу қаупіне әкелуі мүмкін.

Подаграға қарсы дәрілер

Гидрохлоротиазид аллопуринолға аса жоғары сезімталдық реакцияларының жиілігін арттыруы мүмкін, бұл несеп қышқылын төмендететін препараттардың тиімділігін төмендетеді.

Кураре - туындылар және ганглио-бөгеуші заттар

Тиазидтер осы препараттарға жауапты күшейте алады.

Ісікке қарсы дәрілер (мысалы, циклофосфамид, метотрексат)

Осы препараттарды тиазидтермен бір мезгілде қолдану олардың бүйрек экскрециясын төмендетуі және олардың миелосупрессиялық әсерін күшейтуі мүмкін.

Антихолинергиялық дәрілер (мысалы, атропин, бипериден)

Тиазидтік диуретиктердің биожетімділігі асқазан-ішек жолдарының моторикасын және асқазанның босау жылдамдығын төмендету арқылы жоғарылауы мүмкін.

D дәрумені

Гидрохлоротиазидпен бір мезгілде қолдану несеппен кальцийдің бөлінуін төмендетуі және қан сарысуындағы кальций мөлшерін жоғарылатуы мүмкін.

Циклоспорин

Гиперурикемия мен подагра симптомдарының жоғарылау қаупі бар.

Оральді антикоагулянттар

Пероральді антикоагуляциялық препараттардың тиімділігі төмендеуі мүмкін, сондықтан дозалау режимін түзету қажет болуы мүмкін.

Триамтеренмен + гидрохлоротиазидпен бір мезгілде қабылданатын келесі заттар гиперкалиемияны туындатуы мүмкін: қан банкісінен алынған қан; тұз мөлшері аз  сүт; калий және құрамында калий бар дәрілік препараттар; натрий тұзының орнын алмастырушы ретінде пайдаланылатын калий тұзы.

Норадреналин немесе адреналин

Норадреналин немесе адреналин әсерінің бәсеңдеуі.

Салицилаттар

Салицилаттың жоғары дозаларымен емдеу кезінде ОЖЖ-ге салицилаттың жағымсыз әсерлерінің күшеюі

Хинидин

Хинидинмен бір мезгілде емдеу кезінде хинидин шығарылуының төмендеуі

Бета-рецепторлар блокаторлары

Бета-рецепторлардың блокаторларымен үйлесімде потенция бұзылулары

Тетрациклиндер

Триампур композитум-Тева препаратын және тетрациклиндерді бір мезгілде қолдану мочевина деңгейінің жоғарылауына әкелуі мүмкін.

Басқа препараттар

Препараттың гипертензияға қарсы әсері диурездік немесе тамыр кеңейтетін дәрілермен, барбитураттармен, фенотиазиндермен, трициклді антидепрессанттармен және алкогольмен күшеюі мүмкін.

Арнайы ескертулер

Электролиттер теңгерімінің бұзылуы

Электролиттердің мөлшеріне мезгіл-мезгіл қан талдауын жүргізу қажет. Ұзақ қабылдау кезінде калий концентрациясын емдеу басталғанға дейін және емдеуден кейін 3-4 аптадан соң анықтау керек. Егер калий теңгерімі бұзылмаса, калий концентрациясын анықтауға арналған келесі талдауды 4-6 ай сайын жүргізу керек. Гиперкалиемия (калийдің жоғары концентрациясы) белгілері пайда болған кезде триамтерен + гидрохлоротиазид қабылдауды тоқтату керек. Қан сарысуындағы электролиттерді ерекше қатаң бақылау пациенттердің мынадай топтарында талап етіледі: егде адамдар, дигиталис препаратын, кортикостероидтар және іш жүргізетін дәрі немесе венаішілік инъекциялар алатын пациенттер.

Тиазидтік диуретиктер магнийдің несеппен шығарылу дәрежесін арттыруы мүмкін, гипомагнемияны тудырады (қандағы магний деңгейі төмен).

Тиазидтік диуретиктер кальцийдің шығарылуын азайтып, қандағы кальций деңгейін уақытша жоғарылатуы мүмкін.

Триамтерен сілтілік резервтерді азайтып, метаболизмдік ацидоздың дамуына әкелуі мүмкін.

Бүйрек жеткіліксіздігі

Тиазидтік диуретиктерді бүйрек функциясы орташа бұзылған пациенттерде сақтықпен қолдану керек. Бүйрек жеткіліксіздігі (креатинин клиренсі > 30 мл/мин) бар пациенттерде дозаны төмендетеді. Триампур композитум – Тева ауыр бүйрек жеткіліксіздігі (креатинин клиренсі <30 мл/мин) кезінде тағайындалмайды, өйткені бүйрек функциясының бұзылуын күшейтуі немесе азотемияны тудыруы мүмкін. Сондықтан қандағы мочевина мен креатининді мезгіл-мезгіл бақылау қажет.

Бауыр жеткіліксіздігі

Триампур композитум – Тева, басқа тиазидтік диуретиктер сияқты, бауыр функциясының ауыр бұзылулары немесе бауырдың үдемелі аурулары бар пациенттерде сақтықпен қолдану керек, өйткені су-электролит теңгеріміндегі аздаған өзгерістер бауыр комасын тудыруы мүмкін.

Гиперурикемия және подагра

Тиазидтік диуретиктер қабылдаған пациенттерде қандағы несеп қышқылының концентрациясы жоғарылауы мүмкін және подаграның клиникалық белгілері пайда болуы мүмкін. Сондықтан емдеу кезінде қан сарысуындағы несеп қышқылының деңгейін мезгіл-мезгіл бақылау қажет.

Глюкозаға толеранттылық

Тиазидтік диуретиктермен емдеу кезінде латентті қант диабеті білінуі немесе қант диабеті бар пациенттерде инсулинге қажеттілік артуы мүмкін. Сондықтан қандағы қантты мезгіл-мезгіл тексеріп отыру ұсынылады.

Липидтер деңгейі

Ұзақ мерзімді емдеу кезінде тиазидтік диуретиктер жалпы холестерин, триглицеридтер және ТТЛП холестериннің аздап және ішінара қайтымды жоғарылауына әкелуі мүмкін.

Фолий қышқылының тапшылығы

Фолий қышқылының тапшылығына күдік туындаған кезде (мысалы, бауыр циррозы және созылмалы алкогольді тұтыну жағдайында) жалпы қан талдауын үнемі бақылау қажет, өйткені фолий қышқылының баяу антагонисті болып табылатын триамтерен дәрілік заты мегалобласттық анемияның дамуына ықпал етуі мүмкін.

Жүйелі қызыл жегі

Тиазидтер триамтерен+ гидрохлоротиазидпен емдеу кезінде ескерілуі керек жүйелі қызыл жегінің өршуін немесе белсенуін тудыруы мүмкін.

Меланомалық емес тері обыры

Гидрохлоротиазидтің (ГХТЗ) жиынтық дозасын арттырған кезде меланомалық емес тері обыры (МЕТО) [базальді-жасушалық обыр (БЖО) және жалпақ жасушалы обыр (ЖЖО)] дамуының жоғары қаупі Данияның онкологиялық пациенттерді ұлттық тіркеу деректері бойынша эпидемиологиялық екі зерттеуде байқалды. ГХТЗ фотосенсибилизациялаушы әсері МЕТО дамуының ықтимал механизмі ретінде қызмет етуі мүмкін.

ГХТЗ қабылдап жүрген пациенттер МЕТО даму қаупі туралы хабардар болуы және кез келген жаңа зақымданулар пайда болған кезде теріні ұдайы тексерту туралы нұсқаулар алуы және терідегі кез келген күдікті жаңа түзілімдер туралы дер кезінде мәлімдеп отыруы тиіс. Ықтимал профилактикалық шаралар күн көзінде болуды және ультракүлгін сәулелердің әсерлерін шектеуді қамтиды, ал күнде болған жағдайда пациенттерге тері обырының даму қаупін төмендету үшін қорғанудың тиісті шараларын пайдалану ұсынылады. Терінің күмәнді зақымданулары, биопсияны гистологиялық зерттеуді қоса, шұғыл тексерілуі тиіс. Бұрын МЕТО диагностикаланған пациенттерде құрамында ГХТЗ бар препараттарды қабылдауды қайта қарастыруды қажет етуі мүмкін («Жағымсыз реакциялары» бөлімін қараңыз).

Хориоидтық жалқық, жедел миопия және қайталанатын жабық бұрышты глаукома

Сульфонамид немесе сульфонамид туындылары көру өрісінің ақауымен, өтпелі миопиямен және жедел жабық бұрышты глаукомамен жүретін Хориоидтық жалқыққа әкелетін идиосинкразиялық реакцияны тудыруы мүмкін. Симптомдар көру өткірлігінің төмендеуінің жедел басталуын немесе көздің ауырсынуын қамтиды және әдетте препаратты қабылдау басталғаннан кейін бірнеше сағат немесе апта ішінде пайда болады. Емделмеген жағдайда жедел жабық бұрышты глаукома қайтымсыз көрмей қалуға әкелуі мүмкін. Бастапқы емдеу дәрілік препаратты қабылдауды жедел тоқтатуды құрайды. Бақыланбайтын көзішілік қысым кезінде жедел медициналық немесе хирургиялық емдеу қажет болуы мүмкін. Жедел жабық бұрышты глаукоманың даму қауіп факторларына анамнезінде сульфонамидке немесе пенициллинге аллергиялық реакциялардың болуы жатады.

Допинг-тесттерге әсері

Триампур композитум-Тева препаратын қолдану допинг-тестілердің оң нәтижелеріне әкелуі мүмкін.

Лактоза мөлшері

Препарат құрамында лактоза бар. Тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге қолдануға болмайды.

Натрий мөлшері

Бұл дәрілік препараттың құрамында бір таблеткаға 1 ммольден (23 мг) аз натрий болады, яғни «натрий жоқ» деуге болады.

Жедел тыныс алу жеткіліксіздігі

Гидрохлоротиазидті қабылдағаннан кейін жедел респираторлық дистресс-синдромды (ЖРДС) қоса, жедел респираторлық уыттылықтың өте сирек ауыр жағдайлары туралы хабарланды. Өкпе ісінуі әдетте гидрохлоротиазидті қабылдағаннан кейін бірнеше минут немесе сағат ішінде дамиды. Реакцияның басында симптомдарға ентігу, қызба, өкпе жағдайының нашарлауы және гипотензия жатады. ЖРДС күдік болған жағдайда осы препаратты тоқтатып, тиісті ем тағайындау керек. Гидрохлоротиазидті бұрын гидрохлоротиазидті қабылдағаннан кейін ЖРДС бастан өткерген пациенттерге тағайындауға болмайды.

Қалқансерік безінің функциясы және глюкозаға толеранттылық тесті

Қалқансерік безінің функциясына тест алдында және глюкозаға толеранттылық тест өткізуден кемінде үш күн бұрын Триампур композитум-Тева препаратымен емді тоқтату керек.

Жүктілік немесе лактация кезінде

Гидрохлоротиазидті жүктілік кезінде, әсіресе бірінші триместрде қолдану тәжірибесі шектеулі. Гидрохлоротиазид плацента арқылы өтеді. Гидрохлоротиазидтің фармакологиялық әсер ету механизміне сүйене отырып, оны жүктіліктің екінші және үшінші триместрінде қолдану фето-плаценталық перфузияның бұзылуына әкелуі мүмкін, бұл сарғаюдың дамуына, электролиттік теңгерімнің бұзылуына және шарана мен нәрестеде тромбоцитопенияға әкеледі.

Триампур композитум-Тева гестациялық ісіну, гестациялық гипертензия немесе преэклампсия кезінде қолдануға болмайды.

Триампур композитум-Тева баламалы емнің болмауының сирек жағдайларын қоспағанда, жүкті әйелдердің гипертониялық ауруы кезінде қолдануға болмайды.

Гидрохлоротиазид ана сүтіне аз мөлшерде бөлінеді. Қарқынды диурез үшін жоғары дозаларда қолданылатын тиазидтік диуретик лактацияны төмендетуі мүмкін. Триамтерен де емшек сүтіне бөлінеді. Нәресте үшін ықтимал қауіпке байланысты препаратты қабылдауды тоқтатқан кезде емшек емізуді жалғастыру немесе препаратты қабылдауды жалғастырған кезде емшек емізуді тоқтату туралы шешім қабылдау қажет. Лактация кезінде Триампур композитум – Тева қолдану ұсынылмайды. Егер Триампур композитум – Тева бала емізу кезінде қолданылса, онда ең төменгі тиімді доза тағайындалады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бұл препаратпен емдеу тұрақты медициналық бақылауды қажет етеді. Жеке реакциялар жол қозғалысына белсенді қатысу, қауіпсіз басқару және механизмдермен жұмыс істеу қабілетін бұзуы мүмкін. Емнің басында, препарат дозасының жоғарылауымен, препараттың өзгеруімен және алкогольді қатар қабылдаумен реакциялардың даму ықтималдығы ерекше жоғары.

Қолдану жөніндегі нұсқаулар

Дозалау режимі

Препараттың дозасын дәрігер әр пациент үшін жекелей таңдайды.

Ересектер және дене салмағы 50 кг-ден көбірек жасөспірімдер үшін препаратты дозалаудың келесі сызбалары бар:

Артериялық гипертензия

Препараттың бастапқы дозасы таңертең 2 таблетканы және түсте 2 таблетканы құрайды. Басқа гипотензиялық дәрілерді қосымша қабылдағанда немесе ұзақ ем жүргізу үшін күніне 2 таблетка Триампур композитум - Тева (таңертең және түсте 1 таблеткадан) жеткілікті.

Жүрек, бауыр немесе бүйрек ауруларына байланысты ісіну синдромы Емдеудің бас кезінде таңертең және түсте препаратты 2 таблеткадан су организмнен толық шығарылғанға дейін тағайындайды. Кейіннен дозаларды дегидратация дәрежесіне байланысты тағайындайды. Демеуші доза – күніне 1 таблетка, оны күн сайын таңертең, немесе күнара 2 таблеткадан (таңертең және түсте 1 таблеткадан) қабылдайды. Қажет болғанда демеуші дозаны күніне 4 таблеткаға дейін (таңертең және түсте 2 таблеткадан) арттыруға болады.

Жүрек жеткіліксіздігін гликозидтермен емдеу кезінде қатар жүретін ем

Препараттың дозасын пациентті тексеру деректеріне байланысты таңдайды. Әдетте пациенттерге таңертең және түсте 1 таблеткадан тағайындайды, қажет болғанда күніне ең жоғары 4 таблетка (таңертең және түсте 2 таблеткадан) береді.

Ауыр жүрек декомпенсациясы бар пациенттерде Триампур композитум - Тева препаратының сіңірілуі едәуір шектелуі мүмкін.

Бүйрек функциясы (қан креатинині 1,5-1,8 мг / дл немесе креатинин клиренсі 50-30 мл / мин) нашарлағанда күніне дозаны 1 таблеткадан асырмау керек.

Бауыр мен бүйрек функциясы бұзылуында Триампур композитум - Тева препаратын сақтықпен тағайындау керек.

Енгізу жолы және тәсілі

Таблетканы тамақтан кейін, шайнамай және сұйықтықтың аздаған мөлшерімен ішіп қабылдайды. Препаратты тәулігіне бір рет таңертең немесе тәулігіне екі рет таңертең және түсте қабылдау ұсынылады. Триампур композитум - Тева препаратымен емдеу кезінде сұйықтықты жеткілікті мөлшерде ішу қажет. Емдеу ұзақтығы клиникалық көрініске байланысты. Ауыр жағдайларда Триампур композитум - Теваны басқа гипертензияға қарсы препараттармен біріктіруге болады.

Ұзақ емделуден кейін Триампур композитум – Тева препаратын күрт тоқтатуға болмайды. Препарат қабылдауды тоқтатуды дозаны біртіндеп төмендете отырып, жүргізу керек.

Емдеу ұзақтығы

Емдеу курсының ұзақтығын дәрігер анықтайды.

Артық дозалану жағдайында қабылдануы қажет шаралар

Артық дозалану симптомдары

Жедел дозаланғанда артериялық қысымның күрт төмендеуі (төтенше жағдайларда - ортостаздық коллапс) байқалуы мүмкін.

Созылмалы артық дозалану сұйықтықты айтарлықтай жоғалтуға және электролиттер теңгерімінің бұзылуына әкелуі мүмкін (әсіресе гипо- немесе гиперкалиемия, гипонатриемия).

Препаратты артық дозаланудың алғашқы белгілерінде (айқын диурез, әлсіздік, қажу, сананың шатасуы, парестезия, жүйке-бұлшықет қозғыштығының жоғарылауы, гипо- немесе гиперкалиемия түріндегі ЭКГ өзгерістерімен жүрек аритмиясы) дереу тоқтату керек.

Сирек жағдайларда адинамия, құрысулар, қозу жағдайы, алкалоз немесе ацидоз пайда болуы мүмкін.

Салуретиктермен уыттану қант диабеті, бүйрек немесе бауыр жұмысының бұзылуы (кома болуы мүмкін), сондай-ақ жүрек гликозидтерін бір мезгілде қабылдау кезінде қауіпті.

Емі:

Артық дозалану симптомдары пайда болған жағдайда Триампур композитум – Тева препаратымен емдеуді дереу тоқтату қажет.

Құстырту немесе асқазанды шаю, абсорбцияны азайту үшін белсендірілген көмір қабылдау.

Өмірлік маңызды мониторингтен басқа, электролиттік теңгерімді, сұйықтық теңгерімін, қышқылдық-сілтілік теңгерімді, қандағы қант деңгейін, несеп қышқылының құрамын және қан айналымы функциясын үнемі мұқият бақылап, қажет болған жағдайда түзету қажет.

Емдік шаралар

- Гиповолемия жағдайында: инфузияны алмастыру емі

Бүйректе триамтереннің кристалдануын болдырмау үшін талапқа сай гидратацияны қамтамасыз ету қажет

- Гипокалиемия кезінде: калий препараттарымен алмастыру емі

Жедел ацидозды бикарбонаттың изотониялық ерітіндісі инфузиясымен жылдам толықтыруға болады.

- Гиперкалиемия кезінде: бүйрек жеткіліксіздігі бар пациенттерде калийді одан әрі қабылдауды тоқтату, глюкоза-инсулин инфузиясын (қажет болған жағдайда натрий гидрокарбонатын қосып) енгізу, пероральді немесе ректальді ион алмасуы, гемо- немесе перитонеальді диализ керек.

Егер брадикардияны емдеу мүмкін болмаса, кардиостимулятормен уақытша ем жүргізу керек.

- Тамырлық коллапс жағдайында: шокқа қарсы күйін сақтау, қажет болған жағдайда шокқа қарсы ем

Тоқтату симптомдары қаупінің болуын нұсқау

Ұзақ емделуден кейін Триампур композитум – Тева препаратын күрт тоқтатуға болмайды. Дозаны біртіндеп төмендете отырып, препаратты тоқтату керек.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Егер сізде Триампур композитум - Тева препаратын қолдану бойынша қандай да бір сұрақтарыңыз болса, оларды емдеуші дәрігермен талқылаңыз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте жиі

-қандағы глюкоза деңгейінің жоғарылауы салдарынан диабетке дейінгі немесе диабеттік метаболизм жағдайының нашарлауы;

-ұзақ, үздіксіз қолдану кезінде сұйықтық пен электролиттер теңгерімінің бұзылуы (әсіресе гипер- немесе гипокалиемия және гипонатриемия)

-гипомагниемия

-гипохлоремия

-гиперкальциемия

-метаболизмдік ацидоз дамуы

-қандағы липидтер деңгейінің (холестерин мен триглицеридтердің, әсіресе ӨТТЛП ТТЛП және ТТЛП холестерин және β-липопротеин фракцияларының артуы) жоғарылауы

Жиі

-атаксия

-енжарлық

-бас ауыруы

-күйгелектік

-бас айналу, жеңіл бас айналу немесе естен тану болатын ортостаздық реттеудің бұзылуы

-ЭКГ өзгерістері

-жүрек қағуының жиілеуі

-артериялық қысымның шамадан тыс төмендеуі

-жүрек айнуы

-құсу

-диарея

-іштің жоғарғы бөлігіндегі жайсыздық

-түйілуге ұқсас іштегі жайсыздық

-іш қату және ішек бітелуінің салдануына дейінгі ішінара ішек бітелуі бар тегіс бұлшықет адинамиясы

-қаңқа бұлшықеттері гипотониясы

-бұлшықеттер ширығуы

-балтыр құрысулары

-шаршау

-ауыздың құрғауы немесе шөлдеу

Жиі емес

-гемоконцентрация нәтижесінде тромбоздар мен эмболиялар

-құрысулар

-сананың шатасуы

-сусыздану

-гиповолемия

-бұлыңғыр көру

-айналадағы барлық нәрсені сары түспен көру (ксантопсия)

-жедел миопия

-көз жасы сұйықтығы мөлшерінің азаюы (жанаспалы линзаларды қолданатын адамдар үшін ескеру қажет)

-сарғаю

-геморрагиялық панкреатит

-өт тас ауруы бар жедел холецистит

-пурпура

-қышыну

-есекжем

-қызыл жегі

-фотоаллергиялық тері бөртпесі

-дәрілік қызба

-қандағы азотты заттардың (мочевина, креатинин) уақытша жоғарылауы, әсіресе емдеудің басында

-дегидратация және гиповолемия салдарынан жоғары дозалар және/немесе шамадан тыс диурез кезіндегі гемоконцентрация

-жедел бүйрек жеткіліксіздігі

-несеп қышқылының жоғарылауы (әсіресе бейім пациенттерде подагра ұстамаларын тудыруы мүмкін)

-потенцияның бұзылуы

Сирек

-аплазиялық анемия

-лейкопения

-тромбоцитопения

-агранулоцитоз

-алдыңғы фолий қышқылы тапшылығы бар мегалобласты анемия

-метилдопамен бір мезгілде қабылдаған кезде гидрохлоротиазидке антиденелердің түзілуіне байланысты гемолиз

-анафилаксиялық реакциялар

-некрозданатын васкулит

-шок симптомдары бар кенеттен өкпе ісінуі (айналымдағы иммундық кешендерден туындаған жүйелік анафилаксиялық реакция)

-интерстициальды пневмония

-жедел бүйрек жеткіліксіздігінің өршуі

-абактериялық интерстициальды нефрит, содан кейін жедел бүйрек жеткіліксіздігі

-несеп-тас ауруы

Өте сирек

-Жедел респираторлық дистресс-синдром (ЖРДС)

Белгісіз

-меланомалық емес тері обыры (базальді жасушалы карцинома және жалпақ жасушалы карцинома)

-хориоидальды жалқық

-жедел жабық бұрышты глаукома

Жекелеген жағымсыз реакциялардың сипаттамасы

Меланомалық емес тері обыры

Қолда бар эпидемиологиялық зерттеулердің деректері негізінде ГХТЗ ұзақ уақыт пайдалану мен МЕТО даму қаупі арасындағы байланыс байқалды.

Балалар

Аналары жүктілік кезінде тиазидтер қабылдаған нәрестелерде тромбоцитопения мен панкреатиттің сирек жағдайлары туралы хабарланды

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

Дәрілік препараттың құрамы

Бір таблетканың құрамында

белсенді заттар: триамтерен, 25 мг,

гидрохлоротиазид, 12,5 мг,

қосымша заттар: лактоза моногидраты, картоп крахмалы, поливидон К 25, жоғары дисперсті кремнийдің қостотығы, карбоксиметилкрахмалдың натрий тұзы, магний стеараты.

Сыртқы түрінің, иісінің, дәмінің сипаттамасы

Сары түсті, дөңгелек пішінді, беті тегіс және жиектері бүлінбеген, таблетканың бір жағында сындыруға арналған сызығы және ойығы бар біртекті таблеткалар.

Шығарылу түрі және қаптамасы

50 таблеткадан пластмасса қақпақтармен тығындалған шыны құтыларға салады.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

Сақтау мерзімі

5 жыл

Жарамдылық мерзімі өткеннен кейін қолдануға болмайды.

Сақтау шарттары

25 ◦С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы

Өндіруші туралы мәлімет

Pliva Hrvatska d.o.o., Хорватия

Прилаз баруна Филиповича, 25

10 000 Загреб

Тел: 385 1 372 0000

Факс: 385 1 37 20 111

info@pliva.hr

Тіркеу куәлігінің ұстаушысы

«ратиофарм Қазақстан» ЖШС, Қазақстан

050059 (А15Е2Р), Қазақстан Республикасы, Алматы қ-сы,

Әл-Фараби даңғылы, 17/1, Нұрлы-Тау БО, 5Б, 6 қабат.

Тел.: (727)3251615

е-mail: info.tevakz@tevapharm.com; веб сайт:www.kaz.teva

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС,

050059 (А15Е2Р), Қазақстан Республикасы, Алматы қ-сы,

Әл-Фараби даңғылы, 17/1, Нұрлы-Тау БО, 5Б, 6 қабат.

Тел.: (727)3251615

е-mail: info.tevakz@tevapharm.com; веб сайт: www.kaz.teva