Папаверин

Дәрілік препаратты медициналық қолдану

жөніндегі нұсқаулық (Қосымша парақ)

Саудалық атауы

Папаверин

Халықаралық патенттелмеген атауы

Жоқ

Дәрілік түрі, дозасы

Ректальді суппозиторийлер, 20 мг

Фармакотерапиялық тобы

Ас қорыту жолы және зат алмасу. Асқазан-ішек қызметінің бұзылыстарын емдеуге арналған препараттар. Ішектің функционалдық бұзылыстарын емдеуге арналған препараттар. Папаверин және оның туындылары. Папаверин.

АТХ коды A03AD01

Қолданылуы

Тегіс бұлшықет түйілуі:

- құрсақ қуысы ағзалары (холецистит, пилороспазм, спазмдық колит кезінде)

- бүйрек шаншуы кезінде

- шеткері тамырлар (эндартериит кезінде)

- ми қантамырлары (бас сақинасы кезінде)

- жүрек (стенокардия кезінде – кешенді ем құрамында)

- бронхтар (бронх түйілуі кезінде).

Қолданудың басталуына дейінгі қажетті мәліметтер тізбесі

Қолдануға болмайтын жағдайлар

-әсер етуші затқа немесе кез келген қосымша заттарға аса жоғары сезімталдық

- атриовентрикулярлық блокада

- глаукома

- бауырдың ауыр жеткіліксіздігі

- егде жастағы адамдар (гипертермияның даму қаупі)

- балалар жасы (осы дәрілік түр үшін)

Қолдану кезіндегі қажетті сақтық шаралары

Препаратпен емдеу кезеңінде алкогольді қабылдауға болмайды.

Темекі шегу кезінде вазодилатациялаушы әсері төмендейді.

Сақтықпен және аз дозаларда:

- бассүйек-ми жарақатынан кейінгі жағдайда

- созылмалы бүйрек жеткіліксіздігі

- бүйрек үсті безі функциясының жеткіліксіздігі

- гипотиреоз

- қуықасты безінің гиперплазиясы

- қарынша үсті тахикардиясы

- шок жағдайларында қолданылады.

Басқа дәрілік препараттармен өзара әрекеттесуі

Папаверин леводопаның паркинсон ауруына қарсы әсерін және метилдопаның гипотензиялық әсерін төмендетеді. Барбитураттармен біріктірілімде папавериннің спазмолитикалық әсері күшейеді. Трициклді антидепрессанттармен, прокаинамидпен, резерпинмен, хинидинмен бірге қолданған кезде гипотензиялық әсері күшеюі мүмкін.

Арнайы ескертулер

Педиатрияда қолдану

Балаларға қолдануға болмайды.

Жүктілік және лактация кезеңі

Жүктілік және лактация кезінде препаратты қолдану қауіпсіздігі анықталмаған. Егер ана үшін болжамды пайда шарана мен бала үшін әлеуетті қауіптен асатын болса, препаратты жүктілік кезінде тек дәрігердің тағайындауы бойынша ғана қолдануға болады. Препаратпен емдеу кезеңінде бала емізуді тоқтата тұру ұсынылады.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратпен емделу кезеңінде автокөлік жүргізу және жоғары зейін қоюды және психомоторлық реакциялар жылдамдығын талап ететін қауіптілігі зор қызмет түрлерімен айналысудан бас тарта тұру керек.

Қолдану бойынша ұсынымдар

Дозалау режимі

Ересектерге, ішек өздігінен босағаннан немесе тазарту клизмасынан кейін 1 суппозиторийден күніне 2-3 рет.

Енгізу әдісі мен жолы

Ректальді. Суппозиторийді пішінді қаптамадан босатып артқы өтіске енгізеді.

Артық дозалану жағдайында қабылдануы қажетті шаралар

Симптомдары: диплопия, әлсіздік, артериялық қысымының төмендеуі, ұйқышылдық.

Емі: симптоматикалық (артериялық қысымды бір қалыпта ұстау).

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиілігі белгісіз (қолда бар деректер негізінде бағалау мүмкін емес):

- аллергиялық реакциялар

- атриовентрикулярлық блокада

- қарыншалық экстрасистолия

- «бауыр» трансаминазалары белсенділігінің артуы

- артериялық қысымының төмендеуі

- ұйқышылдық

- іш қату

- эозинофилия.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір суппозиторийдің құрамында

белсенді зат - папаверин гидрохлориді – 20 мг

қосымша зат: қатты май (витепсол (H 15, W 35 маркасы) немесе суппосир (NA 15, NAS 50 маркасы)).

Сыртқы түрінің, иісінің, дәмінің сипаттамасы

Ақтан сарғыш немесе крем реңді ақ түске дейінгі, торпеда пішінді суппозиторийлер. Суппозиторий беткейінде ақ қатпардың пайда болуына жол беріледі.

Шығарылу түрі және қаптамасы

5 суппозиторийден полиэтиленмен ламинацияланған поливинилхлорид үлбірден жасалған пішінді ұяшықты қаптамада.

2 пішінді ұяшықты қаптамадан дәрілік препаратты қолдану жөніндегі қазақ және орыс тілдеріндегі нұсқаулықпен бірге картон қорапшада.

Сақтау мерзімі

2 жыл

Жарамдылық мерзімі өткеннен кейін қолдануға болмайды.

Сақтау шарттары

25 С-ден аспайтын температурада сақтау керек.

Балалардың қолы жетпейтін жерде сақтау керек!

Дәріханалардан босатылу шарттары

Рецептісіз

Өндіруші туралы мәліметтер

«Нижфарм» АҚ, Ресей Федерациясы

603105, Нижний Новгород қ., Салганская көш., 7 үй

тел.: (831) 278-80-88

факс: (831) 430-72-28

e-mail: med@stada.ru

Тіркеу куәлігінің ұстаушысы

«Нижфарм» АҚ, Ресей Федерациясы

603105, Нижний Новгород қ., Салганская көш., 7 үй

тел.: (831) 278-80-88

факс: (831) 430-72-28

e-mail: med@stada.ru

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«STADA Kazakhstan» ЖШС

050044, Қазақстан Республикасы,

Алматы қ., Нұрлан Қаппаров көшесі, 408 үй

тел.: (727) 2222-100

e-mail: almaty@stada.kz,

pveurasia@stada.kz