Никотиновая Кислота

Никотин қышқылы

Никотин қышқылы

Инъекцияға арналған ерітінді 1%,1 мл

Жүрек-қантамыр жүйесі. Шеткері вазодилататорлар. Никотин қышқылы және оның туындылары. Никотин қышқылы.

АТХ коды C04AC01

-пеллаграның (РР авитаминозы) профилактикасында және емдеуде

Кешенді ем құрамында:

- аяқ-қол қантамырларының түйілуінде (облитерациялайтын эндартериит, Рейно ауруы)

- бет жүйкесінің невритінде

- ми қанайналымының ишемиялық бұзылуларында

Қолданудың басталуына дейінгі қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- артериялық гипертензияның ауыр түрлері

- атеросклероз (венаішілік инъекция үшін)

- асқазан мен он екі елі ішектің ойық жара ауруы (өршу сатысында)

- бауыр функциясының айқын бұзылуы: гепатит, бауыр циррозы

- анамнездегі шеткері қантамырлар қарсыластығының кенеттен төмендеуі

- жуырда бастан өткерген миокард инфарктісі

- декомпенсацияланған қант диабеті

- подагра және гиперурикемия

- жүктілік, лактация кезеңі

- 15 жасқа дейінгі балаларға

Препаратты қолданар алдында дәрігермен кеңесу қажет.

Ұзақ уақыт қолдану бауырдың майлы дистрофиясына алып келуі мүмкін болғандықтан, соңғысының профилактикасы үшін пациенттердің диетасына метионинге бай өнімдерді қосады немесе метионинді, липой қышқылын тағайындайды. Емдеу үдерісінде бауыр функциясын бақылауда ұстау қажет. Препаратқа жоғары сезімталдық пайда болса (тамырды кеңейткіш дәрі ретінде қолданылған жағдайларынан басқа), никотинамидке алмастыруға болады.

Препаратты гиперацидті гастритте, асқазан мен он екі елі ішектің ойық жара ауруында (өршу сатысынан тыс) сақтықпен қолданады.

Препаратты қолдану қант диабеті бар пациенттерде инсулинге қажеттіліктің артуына алып келуі мүмкін. Қант диабеті бар пациенттерде дислипидемияны түзету үшін қолдану керек емес.

Глюкозаға төзімділіктің төмендеу мүмкіндігіне байланысты глюкозаға, сондай-ақ ұзақ емдеу нәтижесінде жоғарылау мүмкіндігін ескере отырып, сарысудағы несеп қышқылы деңгейіне ұдайы мониторинг жүргізіп отыру қажет.

Глаукомада, қан кетулерде, артериялық гипотензияда, бауыр және бүйрек функциясының бұзылуында, анамнездегі бауыр аурулары мен оның функциясының бұзылуында, қант диабетінде, жүрек ырғағының бұзылысында, бас сақинасында, алкогольді шамадан тыс пайдалануда сақтықпен тағайындайды.

Ұрықтануға қарсы пероральді дәрілер мен изониазид триптофанның никотин қышқылына өзгеруін төмендетеді және сол арқылы, никотин қышқылына қажеттілікті арттыруы мүмкін.

Никотин қышқылы пробенецид, неомицин, барбитураттардың, туберкулезге қарсы дәрілердің, сульфаниламидтердің тиімділігі мен уыттылығын төмендетеді.

Антибиотиктер никотин қышқылы туғызатын терінің қызаруын күшейтуі мүмкін.

Ацетилсалицил қышқылы никотин қышқылының әсерінен туындайтын терінің қызару әсерін азайтады.

Ципрофибратты никотин қышқылымен біріктіру ұсынылмайды.

Жағымсыз реакциялар дамуы мүмкін болғандықтан, ловастатинді, правастатинді никотин қышқылымен біріктіру ұсынылмайды. Никотин қышқылын ловастатинмен қолданғанда рабдомиолиз жағдайлары туралы хабарламалар болған.

Гипотензиялық дәрілермен (гипотензиялық әсері күшеюі мүмкін), антикоагулянттармен, ацетилсалицил қышқылымен (геморрагиялардың даму қаупіне байланысты) біріктіргенде сақ болу қажет.

Препарат фибринолитик дәрілердің, спазмолитиктер мен жүрек гликозидтерінің әсерін, алкогольдің бауырға уытты әсерін күшейтеді.

Тиамин хлориді (тиаминнің бұзылысы жүреді), пиридоксин гидрохлориді, цианокобаламин, эуфиллин, салицилаттар, тетрациклиндер, симпатомиметиктер, гидрокортизон ерітінділерімен араластырмау керек .

Арнайы сақтандырулар

Препарат құрамында қосымша зат ретінде әр ампуласында 76,18 ммоль натрий бар. Сондықтан тұзсыз диета ұстанатын адамдарға тағайындағанда сақ болу керек.

Педиатрияда қолдану

Препарат балаларға 15 жастан бастап тағайындалады.

Жүктілік немесе лактация кезінде

Препаратты жүктілік кезеңінде қолдануға болмайды. Препаратты емшек емізіп жүрген кезеңде қолдану қажет болғанда бала емізуді тоқтата тұрған жөн.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Дәрілік препараттың жағымсыз реакцияларын ескере отырып, автокөлікті және қозғалыстағы механизмдерді басқарған кезде сақ болған жөн.

Дозалау режимі

Вена ішіне сорғалатып енгізу үшін препараттың бір реттік дозасын 10 мл 0,9 % натрий хлориді ерітіндісінде сұйылтады, кемінде 5 минут ішінде енгізеді (1 минут ішінде 2 мг никотин қышқылынан асырмай).

Вена ішіне тамшылатып енгізу үшін препараттың бір реттік дозасын 100-200 мл 0,9 % натрий хлориді ерітіндісінде сұйылтады, енгізу жылдамдығы – минутына 30-40 тамшы.

Теріастылық және бұлшықетішілік енгізулері ауырсынумен жүреді.

Пеллаграда вена ішіне немесе бұлшықет ішіне 1 мл 1% ерітіндіні 10-15 күн бойы күніне 1-2 рет енгізеді.

Ми қанайналымының ишемиялық бұзылуында вена ішіне (баяу) 1 мл 1% ерітіндіні енгізеді.

Басқа көрсетілімдерде тері астына немесе бұлшықет ішіне 10-15 күн бойы күніне 1 рет 10 мг (1 мл) тағайындайды. Инфузиялық ерітіндіге: 10 мг (1 мл) никотин қышқылын 100-200 мл инфузиялық ерітіндіге қосуға болады.

Вена ішіне енгізгендегі жоғарғы дозалары: бір реттік – 100 мг (10 мл), тәуліктік – 300 мг (30 мл).

Ересектер мен 15 жастағы балаларға вена ішіне (баяу), бұлшықет ішіне және тері астына (бұлшықетішілік және теріастылық инъекция ауыртады) тағайындайды.

Емдеу ұзақтығын дәрігер анықтайды

Симптомдары: жүрек-қантамыр жүйесі тарапынан болатын жағымсыз реакциялардың күшеюі – артериялық гипотензия, бас ауыруы, естен тануы, бас айналуы мүмкін, басқа қан тебуді сезіну.

Емі: препаратты тоқтату, уытсыздандырғыш ем, симптоматикалық ем. Арнайы антидоты жоқ.

Дәрілік препараттың бір немесе бірнеше дозасын өткізіп алу кезіндегі қажетті шаралар

Қабылданбай қалған дозаның орнын толтыру үшін екі есе дозаны қабылдамаңыз.

Тоқтату симптомдары қаупінің болуына көрсетілім

Қатысты емес

Дәрілік препаратты қолдану тәсілін түсіндіру үшін медицина қызметкерінен кеңес алуға жүгіну бойынша ұсынымдар

Дәрілік препаратты қолданар алдында кеңес алу үшін дәрігерге жүгініңіз.

Жиі емес:

- вена ішіне жылдам енгізгенде - артериялық қысымның елеулі төмендеуі, ортостаздық гипотензия, коллапс.

Сирек

- басқа қан тебу сезімі, ол ентігу, тахикардия, жүрек қағуы, қатты терлеу, қалтырау, ісіну, шаншу және күйдіру сезімдері, аритмиямен қатар жүруі мүмкін;

- бет терісінің және дененің жоғарғы жартысының шаншу және күйдіру сезімімен гиперемиясы, тері және көздің шырышты қабығының құрғауы, көздің торқабығының ісінуі, өте сирек жүректің ишемиялық ауруы бар пациентерде – акантоз. Бұл симптомдар тұрақсыз және препаратты тоқтатқаннан кейін жойылады.

- аурушаңдық, теріастылық және бұлшықетішілік инъекция орнының домбығуы.

Өте сирек

- бас айналуы, парестезиялар, бас ауыруы

Белгісіз (қолда бар деректер негізінде бағалау мүмкін емес)

- аса жоғары сезімталдық реакциялары, оның ішінде тыныс алу ағзалары тарапынан, есекжем, қышыну, бөртпе шығу

Үлкен дозаларда ұзақ уақыт қолдануда

- гиперурикемия

- глюкозаға толеранттылықтың төмендеуі

- бауыр функциясының бұзылуы, бауырдың майлы дистрофиясы, сарғаю

- аспартатаминотрансфераза, лактатдегидрогеназа, сілтілік фосфатаза, несеп қышқылы деңгейінің жоғарылауы

- гипофосфатемия

- тромбоциттер санының төмендеуі

- протромбин уақытының ұзаруы

- гиперпигментация, гиперкератоз

- құрысулар

- диарея, жүрек айну, құсу, анорексия

- асқазан ойық жарасының өршуі

- амблиопия

- ұйқысыздық

- миалгия

- артериялық қысымның төмендеуі

- ринит

- көрудің бұлыңғырлануы

- қабақтың ісінуі

- миопатия

- эксфолиативті дерматит

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер