Линекс

ЛИНЕКС®

Халықаралық патенттелмеген атауы

Жоқ

Капсулалар

Ас қорыту жолы және зат алмасу. Диареяға қарсы препараттар, ішекке арналған қабынуға қарсы/микробқа қарсы препараттар. Диареяға қарсы микроорганизмдер. Басқа препараттармен сүт қышқылын өндіретін микроорганизмдер біріктірілімі.

АТХ коды А07FA51

профилактика үшін және емдеуде қосымша дәрі ретінде:

- балалар мен ересектердегі асқазан-ішек жолдарының вирустық және бактериялық инфекцияларынан туындаған дисбиоз (дисбактериоз), диарея, іштің кебуі және басқа да асқазан-ішек жолдарының бұзылуларының (мысалы, ротавирусты инфекция, «саяхатшылар» диареясы); әсер ету ауқымы кең антибиотиктер және химиотерапиялық препараттардан; құрсақ қуысы мен жамбас ағзаларын сәулемен емдеуде.

Қолдануды бастағанға дейін қажетті мәліметтер тізбесі

- белсенді затқа немесе қосымша заттардың кез-келгеніне немесе сүт өнімдеріне аса жоғары сезімталдық

- тұқым қуалайтын фруктозаны көтере алмаушылық, Lapp-лактоза ферментінің тапшылығы, глюкоза-галактоза мальабсорбциясы.

Препаратты ыстық сусындармен ішуге және алкогольмен бір мезгілде қабылдауға болмайды. Бір капсуланың құрамында 98,28 мг лактоза бар, осыған байланысты қант диабеті бар пациенттерге препаратты тағайындағанда абайлау керек.

Басқа дәрілiк препараттармен өзара әрекеттесуі

Басқа дәрілермен өзара әрекеттесуі жүргізілген жоқ.

Басқа бактериялар сияқты, сүт қышқылы бактериялары антибиотиктерге сезімтал. Осы себепті антибиотиктерді қабылдағаннан кейін үш сағаттан ерте емес ЛИНЕКС® капсулаларын қабылдау ұсынылады.

ЛИНЕКС® препаратын қабылдардың алдында келесі жағдайларда емдеуші дәрігермен кеңесу қажет:

- дене температурасы 38°С-ден астам көтерілгенде;

- нәжісте шырыш немесе қан болса;

- 2 күннен астам жалғасқан диареяда;

- сусызданумен және дене салмағын күрт жоғалтумен қатар жүретін жедел диареяда;

- қатты ауырумен қатар жүретін диареяда;

- басқа да созылмалы аурулар (диабет), иммунологиялық жеткіліксіздік (ЖИТС, АИТВ) бар болса;

- 6 жастан кіші балаларға.

ЛИНЕКС® препаратымен өз бетінше емделгенде жоғалған сұйықтық пен электролиттердің орнын қосымша сұйықтық қабылдау арқылы толтыру керек.

Препараттың құрамында сүт ақуыздарының қалдығы бар, олар аллергиялық реакциялар тудыруы мүмкін.

Жүктілік пен лактация кезеңі

Жүкті және бала емізетін әйелдердегі диареяны емдеу емдеуші дәрігердің бақылауымен жүргізілуі тиіс.

Жүктілік және бала емізу кезінде ЛИНЕКС® препаратын қолданудың қауіпсіздігі жөніндегі жеткілікті деректер болмағандықтан, препаратты пайдалану ұсынылмайды.

Дәрілік заттың көлік құралдарын немесе қауіптілігі зор механизмдерді басқару қабілетіне әсер ету ерекшеліктері

ЛИНЕКС® көлік құралдарын басқару немесе механизмдермен жұмыс істеу қабілетіне әсер етпейді.

Дозалау режимі

Емшектегі балалар мен 2 жасқа дейінгі балаларға

Күніне 3 рет 1 капсуладан тамақтану кезінде қабылдау ұсынылады. Егер бала капсуланы жұта алмаса, онда оны ашып, ішіндегісін қажетті мөлшердегі сұйықтықпен - шаймен, шырынмен, қант қосылған сумен араластыру керек. Бұл препарат құрамына кіретін бактериялардың тіршілік қабілетіне әсер етпейді.

Ерте жастағы балаларда асқазан сөлінің қышқылдылық деңгейі ересектердегіге қарағанда төмен, сондықтан ЛИНЕКС® бактериялары балаларда асқазан сөлінің әсеріне төзімді және ішекке дейін өзгермеген түрде жетеді.

2-ден 6 жасқа дейінгі балаларға

Күніне 3 рет 1-2 капсуладан тамақтану кезінде қабылдау ұсынылады. Капсуланы ашу және ішіндегісін аздаған мөлшердегі сұйықтықпен - шаймен, шырынмен, қант қосылған сумен араластыру керек.

6-дан 12 жасқа дейінгі балаларға

Күніне 3 рет 1-2 капсуладан аздаған мөлшердегі сұйықтықпен іше отырып тамақтану кезінде қабылдау ұсынылады.

Ересектер мен 12 жастан асқан балаларға

Күніне 3 рет 2 капсуладан аздаған мөлшердегі сұйықтықпен іше отырып тамақтану кезінде қабылдау ұсынылады.

Ең жоғарғы бір реттік дозасы - 2 капсула.

Ең жоғарғы тәуліктік дозасы - 6 капсула.

Енгізу әдісі мен жолы

ЛИНЕКС® тамақтану кезінде қабылдануы керек, бұл оның жоғары тиімділігін қамтамасыз етеді.

Емдеу ұзақтығы дисбактериоздың даму себебі мен организмнің жекелей ерекшеліктеріне байланысты.

Артық дозалану жағдайында қабылдануы қажетті шаралар

Анықталмаған.

Егер ЛИНЕКС® препаратымен екі күн емдегеннен кейін пациенттің жай-күйі жақсармаса, дәрігерге жүгіну қажет.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажет болғанда)

Өте сирек:

- аллергиялық реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық деректер базасына тікелей хабарласу керек

«Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препаратың құрамы

Бір капсуланың құрамында

белсенді зат – 280 мг лебенин ұнтағы1,

қосымша заттар: магний стеараты,

капсула құрамы: титанның қостотығы (Е 171), желатин

1 - 5.04 мг антибиотиктерге төзімді сүт қышқылды бактериялар2, 98.28 мг лактоза, 13.16 мг декстрин, 280 мг дейін картоп крахмалы,

2 - (1 г лебенин ұнтағының құрамында): антибиотиктерге төзімді 1.2 × 108 КТБ кем емес сүт қышқылды бактериялар (4.5 × 107 КТБ кем емес Lactobacillus acidophilus (L. gasseri), 3.0 × 107 КТБ кем емес Bifidobacterium infantis және 4.5 × 107 КТБ кем емес (Enterococcus faecium)

Сыртқы түрінің, иісінің, дәмінің сипаттамасы

Ақ түсті желатинді капсулалар, капсуланың ішіндегісі – ақ түсті ұнтақ.

Шығарылу түрі мен қаптамасы

8 капсуладан алюминий фольгадан жасалған пішінді ұяшықты қаптамада.

2 немесе 4 немесе 6 пішінді ұяшықты қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды.

25°С-ден аспайтын температурада сақтау керек. Түпнұсқалық қаптамасында сақтау керек.

Балалардың қолы жетпейтін жерде сақтау керек!

Рецептісіз.

Лек Фармасьютикалс д.д., Словения

Kolodvorska cesta 27, 1234 Menges, Slovenia

Тел: +386 1 580 2111, Факс: +386 1 568 3517

e-mail: info.lek@sandoz.com

Лек Фармасьютикалс д.д., Словения

Kolodvorska cesta 27, 1234 Menges, Slovenia

Тел: +386 1 580 2111, Факс: +386 1 568 3517

e-mail: info.lek@sandoz.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері

«Сандоз Фармасьютикалс д.д.» акционерлік қоғамының Қазақстан Республикасындағы өкілдігі,

Мекенжайы: Қазақстан Республикасы, Алматы қ., 050000, Құрманғазы к-cі, 95.

Тел.: +7 (727) 258-24-47

e-mail: drugsafety.cis@novartis.com