Кантаб

КАНТАБ®

Кандесартан

Таблеткалар, 4 мг, 8 мг, 16 мг

Жүрек-қантамыр жүйесі. Ренин-ангиотензин жүйесіне әсер ететін препараттар. Ангиотензин II антагонистері. Кандесартан

АТХ коды С09СА06

- ересектердегі бастапқы гипертензияны емдеу

- 6 -дан 18 жасқа дейінгі балалар мен жасөспірімдердегі артериялық гипертензияны емдеу

- ангиотензин өзгертуші фермент (АӨФ) тежегіштері жақпайтын кезде жүрек жеткіліксіздігі және сол жақ қарыншаның систолалық функциясының бұзылуы (сол жақ қарыншаның лықсыту фракциясы ≤ 40%) бар пациенттерді емдеуде немесе минералокортикоидты рецепторлардың антагонистері жақпайтын кезде жүрек жеткіліксіздігі симптомдары бар пациенттерде АӨФ тежегіштеріне қосымша ем ретінде

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- жүктіліктің екінші және үшінші триместрлері

- бауырдың ауыр жеткіліксіздігі және / немесе холестаз

- қант диабеті (1 немесе 2 типті) бар немесе орташа немесе ауыр бүйрек жеткіліксіздігі бар ( шумақтық сүзіліс жылдамдығы < 60 мл/мин/1.73 м2) пациенттерде құрамында алискирен бар препараттармен кандесартанды қолдану

- 6 жасқа дейінгі балалар

- тұқым қуалайтын галактоза жақпаушылығы, Lapp (ЛАПП) ферментінің тапшылығы, лактаза, глюкоза-галактоза мальабсорбциясы бар пациенттерге

Ренин-ангиотензин-альдостерон жүйесінің (РААЖ) қосарлы блокадасы

АӨФ тежегіштерін, II ангиотензин  рецепторлары блокаторларын немесе алискиренді бір мезгілде қолдану гипотензия, гиперкалиемия және бүйрек функциясының төмендеу (жедел бүйрек жеткіліксіздігін қоса) қаупін арттыратыны туралы деректер бар. Сондықтан АӨФ тежегіштерін, ангиотензин II рецепторлары блокаторларын немесе алискиренді бірге пайдаланғанда RAAS қосарланған блокада ұсынылмайды. Егер қосарланған блокадалық ем  аса қажетті болып саналса, онда емдеу тек маманның бақылауымен және бүйрек функциясына, электролиттер және артериялық қысымға тұрақты мұқият мониторинг жүргізу жағдайында жүруі тиіс. Диабеттік нефропатиясы бар пациенттерде АСЕ-тежегіштері мен ангиотензин II рецепторларының блокаторлары бір мезгілде қолданылмауы тиіс.

Бүйрек функциясының бұзылуы

КАНТАБ® препаратымен ем аясында, ренин-ангиотензин-альдостерон жүйесін бәсеңдететін басқа препараттар қолданған кездегі сияқты, кейбір пациенттерде бүйрек функциясының бұзылуы болуы мүмкін.

Артериялық гипертензиясы және айқын бүйрек жеткіліксіздігі бар пациенттерде препаратты қолданғанда қан сарысуындағы калий және креатинин деңгейін ұдайы бақылау ұсынылады. Бүйрек функциясы ауыр бұзылған немесе бүйрек жеткіліксіздігінің терминалдық сатысындағы пациенттерде (креатинин клиренсі < 15 мл/мин) препарат қолданудың клиникалық тәжірибесі шектеулі.

Жүрек жеткіліксіздігі бар пациенттердің жағдайын бағалау бүйрек функциясының мерзімді мониторингін, әсіресе 75 жастағы егде жастағы пациенттерде және бүйрек функциясы бұзылған пациенттерде қамтуы керек. Дәрілік заттың дозасын титрлеу кезінде сарысулық креатинин мен калий деңгейлеріне бақылау жүргізу ұсынылады. Клиникалық сынақтарға қан сарысуында креатинин деңгейі >265 мкмоль/л (>3 мг/дл) болған жүрек жеткіліксіздігі бар пациенттер енгізілмеген.

Бүйрек функциясы бұзылған балаларда қолдану

Шумақтық сүзілу жылдамдығы 30 мл/мин/1,73 м2балаларда кандесартанды қолдану зерттелмеген.

Жүрек жеткіліксіздігі кезіндегі АӨФ тежегішімен қатар жүретін ем

Кандесартан мен АӨФ тежегіштерін бірге қолданғанда, әсіресе гипотензия, гиперкалиемия және бүйрек функциясының нашарлауы сияқты жағымсыз реакциялардың даму қаупі жедел бүйрек жеткіліксіздігінің дамуына дейін артуы мүмкін.

АӨФ тежегіштерін, минералокортикоидты рецепторлардың антагонисін және кандесартанды қамтитын үштік біріктірілім де ұсынылмайды. Көрсетілген біріктірілімді қолдану кезінде маманның қадағалауы және бүйрек функциясының, электролиттік теңгерімнің және АҚ мониторингі қажет. БРА II және АӨФ тежегіштері диабеттік нефропатиясы бар пациенттерге бір мезгілде тағайындалмауы тиіс.

Гемодиализ

Диализ кезінде артериялық қысым плазма көлемін азайту және ренин-ангиотензин - альдостерон жүйесін белсендіру нәтижесінде AT1-рецепторы блокадасына ерекше сезімтал болуы мүмкін. Сондықтан КАНТАБ® гемодиализдегі пациенттерде артериялық қысымының мұқият мониторингімен тиянақты титрлеу керек.

Бүйрек артериясының стенозы

Бүйрек артериясының екі жақты стенозы немесе жалғыз бүйрек артериясының стенозы бар пациенттерде ренин-ангиотензин-альдостерон жүйесіне ықпалын тигізетін басқа препараттар, атап айтқанда, АӨФ тежегіштері қан сарысуындағы мочевина және креатинин деңгейінің жоғарылауын туындатады. Осыған ұқсас әсерлерді ангиотензин II рецепторларының антагонистерін тағайындаған кезде күтуге болады.

Бүйрек трансплантациясы

Жақында бүйрек трансплантациясын өткерген пациенттерде КАНТАБ®препаратын қолдану туралы деректер жоқ.

Артериялық гипотензия

Жүрек жеткіліксіздігі бар пациенттерде КАНТАБ® препаратымен емдеу аясында артериялық гипотензия дамуы мүмкін. Ренин-ангиотензин-альдостерон жүйесіне әсер ететін басқа препараттар қолданған кездегідей, артериялық гипертензиясы бар пациенттерде артериялық гипотензияның дамуына, диуретиктердің жоғары дозаларын алатын пациенттерде байқалуындай, айналымдағы қан көлемінің азаюы себеп болуы мүмкін. Сондықтан емнің басында сақтық шарасын қадағалап, қажет болса, гиповолемияға түзету жүргізген жөн.

Айналымдағы қан көлемінің төмендеуі мүмкін балаларда (мысалы, диуретиктермен емдеу кезінде, әсіресе бүйрек функциясының бұзылуымен) кандесартанмен емдеу мұқият медициналық бақылаумен бастапқы дозаның ең азынан басталуы тиіс.

Жалпы анестезия және хирургия

Ангиотензин II антагонистерін алатын пациенттерде жансыздандыру кезінде және хирургиялық араласуларда ренин-ангиотензин жүйесінің бөгелісі нәтижесінде артериялық гипотензия дамуы мүмкін. Сұйықтық және/немесе вазопрессорларды вена ішіне енгізу қажет болатын ауыр артериялық гипотензия жағдайлары өте сирек болуы ықтимал.

Аортальді және митральді клапан стенозы немесе обструкциялық гипертрофиялық кардиомиопатия

КАНТАБ® препараты тағайындалғанда, басқа вазодилататорлар сияқты, обструкциялық гипертрофиялық кардиомиопатиясы немесе аортальді немесе митральді клапанның гемодинамикалық елеулі стенозы бар пациенттерге сақтық шарасын қадағалау керек.

Бастапқы гиперальдостеронизм

Бастапқы гиперальдостеронизмі бар пациенттер әдетте ренин-ангитензин-альдостерон жүйесін тежеу жолымен әрекет ететін препараттар

гипотензиялық препараттарға жауап бермейді. Сондықтан КАНТАБ® қолдану ұсынылмайды.

Гиперкалиемия

Ренин-ангиотензин-альдостерон жүйесіне әсер ететін басқа препараттар қолданудың клиникалық тәжірибесі препаратты калий жинақтаушы диуретиктермен, калий препараттарымен немесе құрамында калий бар тұз алмастырғыштармен немесе қандағы калий мөлшерін арттыратын басқа препараттармен (мысалы, гепарин) бір мезгілде тағайындау артериялық гипертензиясы бар пациенттерде гиперкалиемияның дамуына әкелуі мүмкін екенін көрсетеді.

Жүрек жеткіліксіздігі бар пациенттерде КАНТАБ® препаратымен емі аясында гиперкалиемия дамуы мүмкін. Жүрек жеткіліксіздігі бар пациенттерге КАНТАБ® препараты тағайындалғанда, әсіресе, АӨФ тежегіштерімен және спиронолактон сияқты калий жинақтаушы диуретиктермен бірге тағайындалғанда қандағы калий деңгейін ұдайы бақылау ұсынылады.

Жалпы

Тамыр тонусы және бүйрек функциясы көбінесе ренин-ангиотензин-альдостерон жүйесінің белсенділігіне байланысты пациенттер (мысалы, ауыр созылмалы жүрек жеткіліксіздігі немесе, бүйрек артериясы стенозын қоса, бүйрек аурулары бар науқастар) ренин-ангиотензин-альдостерон жүйесіне әсер ететін препараттарға ерекше сезімтал. Бұл науқастарда осындай препараттар тағайындау күрт артериялық гипотензия, азотемия, олигурия және сирегірек – жедел бүйрек жеткіліксіздігімен қатар жүреді.

Ишемиялық кардиопатиясы немесе ишемиялық тектегі цереброваскулярлық аурулары бар науқастарда гипертензияға қарсы кез келген дәрілерді пайдаланғанда артериялық қысымның күрт түсіп кетуі миокард инфарктісінің немесе инсульттің дамуына әкелуі мүмкін.

Жүктілік

Жүктілік кезінде БРА II емдеуді бастамау керек. Жүктілікті жоспарлайтын пациенттерге БРА II қолдануды жалғастыру өте қажет деп саналатын жағдайларды қоспағанда, жүктілік кезінде пайдалану кезінде дәлелденген қауіпсіздік бейіні бар гипертензияға қарсы баламалы ем тағайындау қажет. Жүктілік анықталған кезде БРА II емдеуді дереу тоқтату және қажет болған жағдайда баламалы емді бастау қажет.

Бала туу қабілеті бар пациенттерде жүктіліктің болу мүмкіндігі үнемі бағалануы тиіс. Жүктілік кезінде кандесартанның қолайсыз әсер ету қаупін болдырмау үшін пациентке тиісті ақпарат беру және жүктілік кезеңінде кандесартанды қолданудың алдын алу бойынша басқа да ықтимал шараларды қабылдау қажет.

Лактоза мөлшері

Құрамында лактоза моногидратының болуына орай, препаратты тұқым қуалайтын галактоза жақпаушылығы, ЛАПП лактаза тапшылығы немесе глюкоза/галактоза мальабсорбциясы кезінде қолдануға болмайды.

Клиникалық фармакокинетикалық зерттеулерде тексерілетін заттарға гидрохлортиазид, варфарин, дигоксин, пероральді контрацептивтер (этинил эстрадиол/левоноргестрел), глибенкламид, нифедипин және эналаприл кірді. Басқа дәрілік заттармен клиникалық маңызды фармакокинетикалық өзара әрекеттесуі анықталған жоқ.

Калий сақтайтын диуретиктерді, калий қоспаларын, құрамында калий бар тұз алмастырғыштарды, құрамында калий бар дәрілік заттарды немесе басқа дәрілік препараттарды (мысалы, гепарин) бір мезгілде қолдану қан сарысуындағы калий деңгейін арттыруы мүмкін. Мұндай жағдайларда калий деңгейін дұрыс бақылау қажет.

Литий негізіндегі дәрілік заттармен АӨФ тежегіштерін бір мезгілде қолдану кезінде қан сарысуындағы литий деңгейінің қайтымды ұлғаюы туралы хабарланды.

Осындай әсер БРА II тобына жататын дәрілік заттарды қабылдаған жағдайда да туындауы мүмкін.

Кандесартанды литиймен бірге қолдану ұсынылмайды. Екі дәрілік затты қолдануға абсолюттік көрсетілімдер болған жағдайда қан сарысуындағы литий деңгейіне мұқият мониторинг жүргізу ұсынылады.

Кандесартанды және стероидты емес қабынуға қарсы препараттарды қатар қолданғанда (ҚҚСП, мысалы, ЦОГ-2 селективті тежегіштері, ацетилсалицил қышқылы (>3 г/тәулік) және селективті емес ҚҚСП) гипертензияға қарсы әсердің әлсіреуі байқалуы мүмкін.

АӨФ тежегіштеріндегідей, БРА II және ҚҚСД қатар қолдану бүйрек функциясының нашарлау қаупінің ұлғаюына, жедел бүйрек жеткіліксіздігінің ықтимал дамуын қоса, әсіресе бүйрек функциясы төмендеген алдыңғы пациенттерде қан сарысуындағы калий деңгейінің артуына әкелуі мүмкін. Дәрілік заттардың осындай біріктірілімі, әсіресе егде пациенттерде сақтықпен қабылдануы тиіс. Қатар жүретін ем басталғаннан кейін пациенттер сұйықтықтың жеткілікті мөлшерін алуы тиіс, сондай-ақ бүйрек функциясын мониторингтеу қажеттілігін ескерген жөн.

Клиникалық зерттеулер деректері АӨФ және БРА II тежегіштерін немесе алискиренді (ренин тежегіші) қатар қолданғанда PAAC блокадасының гипотензия, гиперкалиемия және қандай да бір топтың PAAC тежегішімен емдеумен салыстырғанда бүйрек функциясының төмендеуі (жедел бүйрек жеткіліксіздігінің дамуын қоса) сияқты жағымсыз реакциялар туындауының неғұрлым жоғары жиілігімен астасқандығын көрсетті.

Балалар

Дәрілік өзара әрекеттесуді зерттеу ересек еріктілердің/пациенттердің қатысуымен ғана жүргізілді.

Жүктілік немесе лактация кезінде

Зерттеулер деректері жүктіліктің I триместрінде АӨФ тежегіштерінің экспозициясы кезінде тератогенділік қаупінің шамалы ұлғаюын жоққа шығармайды, дегенмен түпкілікті қорытынды жасауға мүмкіндік бермейді.

Кандесартан цилексетилін қолдану кезінде тератогенділік қаупіне қатысты бақыланатын эпидемиологиялық деректер жоқ, сондықтан дәрілік заттардың осы класы үшін де осындай қауіптер болуы ықтимал. Жүктілікті жоспарлаған пациенттерді, кандесартан цилексетилін қолданатын ем аса қажет болатын жағдайларды қоспағанда, жүктілік кезінде қолдану кезінде белгіленген қауіпсіздік бейінімен гипертензияға қарсы баламалы емге ауыстыру қажет.

Жүктіліктің II және III триместрлері кезінде кандесартан әсер етуі ұрықта уытты әсерлерді (бүйрек функциясының төмендеуі, олигогидрамнион, бас сүйек сүйегі қатаюының кідіруі) және неонаталдық кезеңдегі уыттылықты (бүйрек жеткіліксіздігі, гипотензия, гиперкалиемия) туындатуы мүмкін. Осыған байланысты жүктіліктің екінші және үшінші триместрінде қолдануға болмайды.

Егер жүктіліктің екінші триместрінен бастап препаратты қабылдау қажет болса, бүйрек және бас қаңқасы сүйектеріне ультрадыбыстық зерттеу жүргізу ұсынылады.

Аналары кандесартан цилексетилін қабылдаған жаңа туған нәрестелер артериялық гипотензияның ықтимал дамуын болдырмау үшін мұқият бақылауда болуы тиіс.

Лактация кезеңінде кандесартанды қолдануға қатысты қолжетімді ақпарат жоқ, сондықтан КАНТАБ®препаратын бала емізу кезінде қолдану ұсынылмайды. Қажет болған кезде жаңа туған нәрестелерді, оның ішінде шала туған балаларды емізу кезеңінде қолданғанда белгіленген қауіпсіздік бейіні бар гипертензияға қарсы баламалы дәрілік заттарды пайдаланған жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін (бас айналу, бас ауыру) ескеріп, көлікті немесе қауіптілігі зор басқа механизмдерді басқарғанда сақ болу керек.

Дозалау режимі

Артериялық гипертензия

Препараттың ұсынылатын бастапқы және демеуші дозасы тәулігіне бір рет 8 мг құрайды. Артериялық қысымды одан әрі төмендетуді қажет ететін пациенттерге дозаны тәулігіне бір рет32 мг дейін ең жоғары тәуліктік дозамен 16 мг дейін арттыру ұсынылады. Ең жоғары гипертензияға қарсы әсерге емдеу басталғаннан бастап 4 апта ішінде қол жеткізіледі.

Егер препаратпен емдеу артериялық қысымды оңтайлы деңгейге дейін түсіруге әкелмеген жағдайда емге тиазидті диуретик қосу ұсынылады.

Балалар

6 жастан 18 жасқа дейінгі балалар мен жасөспірімдер:

Ұсынылатын бастапқы доза тәулігіне бір рет 4 мг құрайды.

- дене салмағы <50 кг пациенттер үшін: егер артериялық гипертензияны талапқа сай бақылауға қол жеткізілмесе, доза тәулігіне 1 рет 8 мг дейін барынша ұлғайтылуы мүмкін (8 мг — пациенттердің осы тобы үшін ең жоғары тәуліктік доза);

- дене салмағы ≥50 кг балалар мен жасөспірімдер үшін: егер артериялық гипертензияны талапқа сай бақылауға қол жеткізілмесе, доза тәулігіне 1 рет 8 мг дейін, содан кейін қажет болған жағдайда тәулігіне 1 рет 16 мг дейін ұлғайтылуы мүмкін.

Балалар популяциясында кандесартанды 32 мг астам дозада қолдану зерттелген жоқ.

Барынша көп гипертензияға қарсы әсерге емдеу басталғаннан бастап 4 апта ішінде қол жеткізіледі.

АҚК төмендеуі мүмкін балалар үшін (мысалы, диуретиктер қабылдайтын пациенттер, әсіресе бүйрек жеткіліксіздігі бар пациенттер) кандесартанмен емдеуді мұқият медициналық қадағалаумен бастаған жөн және бас кезінде жоғарыдағыларға қарағанда анағұрлым төмен дозаны тағайындау мүмкіндігін қарастыру керек.

Шумақтық сүзілу жылдамдығы (ШСЖ) 30 мл/мин/1,73 м2 балаларда кандесартанды қолдану зерттелмеген

Қара нәсіл балалары

Антигипертензивті әсер басқа нәсілдердің балаларына қарағанда аз дәрежеде байқалады.

Егде жастағы пациенттер

Егде жастағы пациенттерге препараттың бастапқы дозасын өзгерту талап етілмейді.

Айналымдағы тамырішілік қан көлемінің азаюы бар пациенттер

Артериялық гипотензия қаупі бар пациенттер үшін, мысалы, егер айналымдағы қан көлемінің азаюы мүмкін болса, 4 мг бастапқы дозасын қарастыру керек.

Бауыр жеткіліксіздігі бар пациенттер

Ауырлығы жеңіл және орташа дәрежеде бауыр функциясы бұзылған пациенттерде препараттың бастапқы тәуліктік дозасы 4 мг құрайды. Қажет болғанда дозаны арттыруға болады. Препаратты бауыр функциясы ауыр бұзылған және/немесе холестазы бар пациенттерге қолдануға болмайды.

Бүйрек жеткіліксіздігі бар пациенттер

Бүйрек функциясы бұзылған пациенттерге, оның ішінде гемодиализдегі пациенттер үшін кандесартан цилексетилінің бастапқы дозасы 4 мг құрайды. Доза емдеу жауабына байланысты түзетілуі тиіс. Кандесартанды қолдану тәжірибесі бүйрек функциясының өте ауыр бұзылуы бар және терминалдық сатысында бүйрек функциясының бұзылуы бар (креатинин клиренсі 15 мл/мин аз) пациенттерде шектеулі.

Этникалық айырмашылықтар

Кандесартанның гипертензияға қарсы әсері қара нәсілді емес пациенттерге қарағанда қара нәсілді адамдарда аз байқалады. Бұл пациенттердің осы санатында АҚ оңтайлы бақылауға қол жеткізу үшін дозаны түзету және басқа да қатар жүретін емдеу қажет болуы мүмкін дегенді білдіреді.

Жүрек жеткіліксіздігі

КАНТАБ® препаратының жүрек жеткіліксіздігінде әдеттегі ұсынылатын бастапқы дозасы тәулігіне бір рет 4 мг құрайды. Қажет болған кезде дозаны тәулігіне бір рет 32 мг нысаналы дозаға дейін (ең жоғары тәуліктік доза) немесе ең жоғары жағымды дозаға дейін арттыруды ағымдағы дозаны 2 аптада бір реттен жиі болмайтын екі еселеу жолымен жүргізу қажет.

Жүрек жеткіліксіздігі бар пациенттердің жай-күйін бағалау бүйрек функциясын, оның ішінде сарысулық креатинин мен калий деңгейін бағалауды қамтуы тиіс.

КАНТАБ® АӨФ тежегіштерін, бета-блокаторларды, диуретиктерді және оймақгүл (дигиталис) препараттарын қоса, жүрек жеткіліксіздігін емдеуге арналған басқа дәрілік заттармен біріктірілімде, сондай-ақ осы дәрілік заттардың біріктірілімдерімен қолданылуы мүмкін. КАНТАБ® минералокортикоидты рецепторлар антагонистерінің жақпаушылығы кезінде оңтайлы стандартты ем жүргізілуіне қарамастан, жүрек жеткіліксіздігі симптомдары байқалатын пациенттерде АӨФ тежегіштері тобындағы дәрілік заттармен бірге қолданылуы мүмкін. АӨФ тежегіштері, калий сақтайтын диуретиктер (мысалы, спиронолактон) және кандесартан цилексетилі тобынан дәрілік заттардың үштік біріктірілімін қолдану ұсынылмайды және потенциалды пайдасы мен қаупін мұқият бағалағаннан кейін ғана қаралуы тиіс.

Пациенттердің ерекше топтары

Егде жастағы пациенттерде, гиповолемиясы бар пациенттерде, бүйрек функциясы бұзылған пациенттерде немесе жеңіл немесе орташа бауыр жеткіліксіздігі бар пациенттерде бастапқы дозаны түзетудің қажеті жоқ.

Балалар

Кандесартан цилексетилінің балалар мен жасөспірімдерде (18 жасқа толмаған) жүрек жеткіліксіздігін емдеудегі тиімділігі мен қауіпсіздігі анықталмаған. Қолжетімді деректер жоқ.

Енгізу әдісі мен жолы

Препаратты тамақтануға қарамастан тәулігіне бір рет қабылдау керек. Кандесартанның биожетімділігі тамақтануға байланысты емес

Симптомдары: айқын артериялық гипотензия және бас айналу.

Емі:кандесартан цилексетилінің артық дозалануы кезінде гипотензия туындаған кезде симптоматикалық ем басталуы және өмірлік маңызды функциялардың көрсеткіштерін бақылау жүзеге асырылуы тиіс. Бірінші кезекте пациенттің аяғын сәл көтеріңкі етіп шалқасынан жатқызу керек. Егер бұл жеткіліксіз болса, вена ішіне изотониялық ерітінді инфузиясының көмегімен айналымдағы қан плазмасының көлемін ұлғайту қажет. Симпатомиметикалық әсері бар дәрілік заттар аталған іс-шаралар тиісті әсер етпеген жағдайда да қолданылуы мүмкін. Кандесартан цилексетилі гемодиализ көмегімен шығарылмайды.

Дәрілік препаратты қабылдамас бұрын кеңес алу үшін дәрігерге немесе фармацевтке жүгініңіз.

Артериялық гипертензияны емдеу

Жиі

- респираторлық инфекциялар

- бас айналуы, бас ауыруы

Өте сирек

- лейкопения, нейтропения, агранулоцитоз

- гиперкалиемия, гипонатриемия

- жөтел

- жүрек айнуы

- бауыр ферменттерінің белсенділігін арттыру, бауыр функциясының бұзылуы немесе гепатит

- ангионевроздық ісіну, бөртпе, есекжем, терінің қышуы

- арқаның ауыруы, артралгия, миалгия

- сезімтал пациенттердегі бүйрек жеткіліксіздігін қоса, бүйрек жеткіліксіздігі

Белгісіз

- диарея

Жүрек жеткіліксіздігін емдеу

Жиі

- гиперкалиемия

- гипотензия

- сезімтал пациенттердегі бүйрек жеткіліксіздігін қоса, бүйрек жеткіліксіздігі

Өте сирек

- лейкопения, нейтропения, агранулоцитоз

- гипонатриемия

- бас айналуы, бас ауыруы

- жөтел

- жүрек айнуы

- бауыр ферменттерінің белсенділігін арттыру, бауыр функциясының бұзылуы немесе гепатит

- ангионевроздық ісіну, бөртпе, есекжем, терінің қышуы

- арқаның ауыруы, артралгия, миалгия

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - кандесартан цилексетилі, 4 мг, 8 мг, 16 мг;

қосымша заттар - лактоза моногидраты, жүгері крахмалы, полиэтиленгликоль 8000 Р, гидроксипропилцеллюлоза L, кальций карбоксиметилцеллюлозасы, темірдің (III) қызыл тотығы (Е 172), магний стеараты.

Дөңгелек пішінді, бір жағында ойығы мен сызығы және екінші жағында «ŋ» тауарлық белгісінің таңбасы бар ақ түсті таблеткалар (4 мг доза үшін)

Дөңгелек пішінді, бір жағында ойығы мен сызығы және екінші жағында «ŋ» тауарлық белгісінің таңбасы бар қызғылт түсті таблеткалар (8 мг доза үшін)

Дөңгелек пішінді, бір жағында крест тәрізді ойығы және екінші жағында «ŋ» тауарлық белгісінің таңбасы бар қызғылт түсті таблеткалар (16 мг доза үшін)

14 таблеткадан ПВХ/ПЭ/ПВДХ мөлдір үлбірден және баспалы алюминий фольгадан жасалған пішінді ұяшықты қаптамаға салады.

1 немесе 2 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz

«Нобел Алматы фармацевтикалық фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz