Кальция Хлорид

Кальций хлориді

---

Вена ішіне енгізуге арналған ерітінді, 100 мг/мл

Қан және қан түзу ағзалары. Плазма алмастырғыш және перфузиялық ерітінділер. Вена ішіне енгізуге арналған ерітінділерге қоспалар. Электролиттік ерітінділер. Кальций хлориді.

АТХ коды В05ХА07.

- қан плазмасындағы кальций иондары концентрациясының жылдам жоғарылауын талап ететін гипокальциемия жағдайларында (қалқансерік бездерінің функционалдық жеткіліксіздігіндегі тетания, D дәрумені жеткіліксіздігіндегі тетания, қанды алмастырып құйғанда және цитратты қан құюда кездесетін гипокальциемиялар, алкалозда)

- жедел қорғасынды шаншуда кешенді ем құрамында

- магниймен артық дозаланудан болатын магниймен улану жағдайларында

- ЭКГ-де жүрек функциясының бұзылуымен тіркелген гиперкалиемияда.

Қолдануды бастағанға дейін қажетті мәліметтер тізбесі

- препарат компоненттеріне жоғары сезімталдық

- гиперкальциемия, айқын гиперкальциурия

- нефроуролитиаз (кальцийлік)

- бүйректің ауыр жеткіліксіздігі

- атеросклероз

- саркоидоз

- гиперкоагуляция, тромб түзілуіне бейімділік

- артериялық окклюзиясы құбылысы бар айқын атеросклероз

- қарыншалық фибрилляция

- асистолия және электромеханикалық диссоциациялар

- тері астына және бұлшықет ішіне енгізу

- оймақгүл препараттарын қабылдау

- цефтриаксонмен бір мезгілде қолдану

- 1 жасқа дейінгі балаларға

- жүктілік және лактация кезеңі.

Жоғары дозаларда ұзақ уақыт қолдануда организмде кальций тұздары жинақталуымен жүретін гиперкальциемия болуы мүмкін.

Препараттың тамыр кенересін зақымдау әсерін барынша азайту мақсатында инъекция ірі венаға жіңішке ине арқылы жүргізілуі тиіс. Ерітіндіні дене температурасына дейін қыздыру керек.

Препаратты вена ішіне енгізгенде оған кәдімгі реакция – ауыз қуысының ысыну сезімі, ал содан соң бүкіл тұла бойының ысыну сезімі  пайда болады.

Препаратты оның тітіркендіруші және некроздаушы әсеріне байланысты тері астына немесе бұлшықетке енгізуге болмайды. Препарат ерітіндісі тері астына немесе бұлшықетке түскен жағдайда, мүмкіндігінше, кальций хлоридін еккіштің көмегімен жою керек және  дәрі-дәрмектік инфильтрат аумағына бірізділікпен алдымен 5-10 мл 0,9 % натрий хлоридінің ерітіндісін, содан соң 10 мл  0,25 % новокаин (кальций хлоридінің теріастылық инъекциясын анықтағаннан кейін алғашқы 10-15 минутта) инъекциясын жасау керек, содан кейін  осы аумаққа жартылай спиртті компресс салу керек.

Резорбциялық әсерді қайтару үшін димедрол тағайындалады, гиперкальциемия кезінде – этилендиаминтетрацет қышқылы (ЭДТА).

Бүйректің жеңіл және орташа ауырлық дәрежесіндегі созылмалы жеткіліксіздігі, дегидратациясы, электролиттік теңгерім бұзылуы (гиперкальциемия қаупі), жүрек аурулары (аритмия қаупі), бүйрек аурулары, нефролитиазбен немесе гиперкальциемиямен қатарлас аурулары (атап айтқанда қатерлі жаңа түзілімдері және саркоидозы), «өкпе» жүректе, респираторлы ацидозда, тыныс алу жеткіліксіздігі (кальций хлоридінің тотығуы салдарынан уытты реакциялар туындау қаупі) бар пациенттерге сақтықпен қолдану керек. Қолданған кезде қандағы кальций деңгейіне мұқият мониторинг жүргізу қажет.

Вена ішіне жылдам енгізген кезде вазодиляция салдарынан артериялық қысымның орташа төмендеуі мүмкін.

Балалар

Инъекцияға арналған хлорлы кальцийді асқазан-ішек жолының қатты тітіркенуіне байланысты балаларға ішке тағайындауға болмайды. Балаларда сақтықпен қолдану керек. Балаларға инъекцияға арналған ерітіндіні бастың беткейлі веналарына енгізуге болмайды.

Балаларға 1 жастан бастап қолданылуы мүмкін.

Қазіргі уақытта цефтриаксон және құрамында кальций бар препараттарды бір мезгілде қолдануда пациенттерде (жаңа туған нәрестелерден басқа) қан тамырішілік преципитаттар туындауына қатысты нақты ғылыми деректер жоқ. Алайда барлық санаттағы пациенттерге құрамында кальций бар ерітінділерді қолдануға, цефтриаксон мен құрамында кальций бар препараттарды араластыруға немесе бір мезгілде енгізуге болмайды. Құрамында кальций бар ерітінділерді цефтриаксонды соңғы енгізуден кейін 48 сағат бойына тағайындауға болмайды.

Құрамында кальций бар өнімдер кальций өзекшелері блокаторларының тиімділігін азайтуы мүмкін, гиперкальциемияда кальцитонин әсерін, фенитоин биожетімділігін төмендетуі мүмкін. Кальций тұздары бисфосфонаттар, фторидтер, кейбір фторхинолондар және тетрациклиндер сияқты бірқатар препараттардың сіңуін азайтады; енгізуді бөлу аралығы 3 сағаттан кем болмауы тиіс.

Кальций хлориді добутаминнің кардиотонустық әсерін төмендетеді.

Хинидинмен бір мезгілде қолданылғанда қарыншаішілік өткізгіштіктің баяулауы және хинидин уыттылығының артуы мүмкін.

Препаратты жүрек гликозидтерімен қоса қолданғанда соңғысының кардиоуыттылық әсері күшейеді.

Кальций тұздарын карбонаттармен, фосфаттармен, сульфаттармен немесе тартраттармен парентеральді қоспаларда  араластыруға болмайды.

Тиазидтік диуретиктер кальцийдің несеппен сыртқа шығарылуын төмендетеді, бұл гиперкальциемия даму қаупін арттырады.

D дәруменімен немесе оның туындыларымен  бір мезгілде қабылдауда  кальций сіңуі жоғарылайды.

Басқа құрамында кальций немесе магний бар препараттармен бір мезгілде қабылдаған кезде, әсіресе, бүйректің созылмалы жеткіліксіздігі бар пациенттерде тиісінше гиперкалиемия немесе гипермагнемия қаупін арттырады.

Деполяризацияламайтын миорелаксанттардың тиімділігін төмендетеді. Тубокурарин хлоридінің әсер ету ұзақтығын ұлғайтуы мүмкін.

Тетрациклиндермен, магния сульфатымен, цефтриаксонмен, құрамында фосфаттар, карбонаттар немесе тартраттар бар дәрілік заттармен фармацевтикалық тұрғыда үйлесімсіз. Кальций хлоридін бір инъекцияда цефтриаксонмен араластыруға болмайды, өйткені тұнба түзілуі мүмкін.

Жүктілік немесе лактация кезінде

Жүктілік кезінде және емшек емізу кезінде препаратты қолдануға болмайды. Лактация кезеңінде препаратты тағайындау қажет болған жағдайда емшек емізуді тоқтату керек.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратпен емделу кезеңінде автокөлік жүргізуге  және басқа да механизмдермен жұмыс істеуге болмайды.

Дозалау режимі

ЕресектергеВена ішіне сорғалатып енгізу: 5 мл 10% ерітіндіні 1 мл/мин жылдамдықпен енгізеді.

Вена ішіне тамшылатып енгізу: 5-10 мл препараттың 10 % ерітіндісін 100-200 мл натрий хлоридінің 0,9 % ерітіндісінде немесе 5 % глюкоза ерітіндісінде сұйылтып, 6-8 тамшы/мин. жылдамдықпен енгізу керек.

Қанды алмастырып құйғанда және цитратты қан құюда: ересектер мен балаларға әр 100 мл қанға 30 мг (0,3 мл).

Ересектердегі тетания: 10 мл 10 % (1 г) ерітінді 10-30 минут бойы, қажет болғанда әрбір 6 күн сайын қайталайды.

Гипокальциемия: 500 мг-ден 1 г-ге (5-10 мл) дейін 1-ден 3 күнге дейін аралықпен, пациенттің реакциясына немесе қан плазмасындағы кальций деңгейіне байланысты. Қажеттілігі болған жағдайда препараттың дозасын қайта енгізуге болады.

Магний уыттануы: 500 мг (5 мл) жылдам енгізілсін. Енгізу келесі дозаларды енгізер алдында дәрігердің бақылауымен және пациенттің жай-күйінің мониторингімен жүргізіледі.

Жүрек функциясының бұзылуы ретінде ЭКГ-да тіркелген гиперкалиемия: кардиограмма арқылы үнемі бақыланып отыру қажет пациенттің жағдайына байланысты дозаны жеке таңдау керек.

Енгізу әдісі мен жолы

Кальций хлориді вена ішіне сорғалатып (өте баяу) және вена ішіне тамшылатып (баяу) енгізумен тағайындайды.

Пациенттердің ерекше топтары

Егде жастағы пациенттерге арналған дозалар ересектерге арналған дозалармен сәйкес келеді.

Балалар

Гипокальциемия: баяу енгізеді, 0,5 мл/мин дейінгі жылдамдықпен, 10-20 мг/кг (дене салмағына қарай 0,1-0,2 мл/кг) дозада, қажет болғанда әр 4- 6 сағатта қайталайды.

Тетания: 10 мг/кг (дене салмағына 0,1 мл/кг) 5-10 минут бойы, қажет болғанда әр 6 сағатта қайталайды немесе инфузия түрінде жалғастырады. Балалар үшін тәуліктік ең жоғарғы доза (жасына тәуелсіз) – 10 мл (1000 мг).

Артық дозаланған жағдайда қабылдануы тиіс шаралар

Гиперкальциемия симптомдары: әлсіздік, анорексия, іштің ауыруы, құсу, жүрек айнуы, іш қатуы, полидипсия, полиурия, қатты қажығыштық, ашушаңдық, өзін нашар сезіну, депрессия, дегидратация, жүрек ырғағы бұзылу, тахикардия, артериялық қысымның күрт төмендеуі және артериялық гипертензия, миалгия, артралгия, артериялық гипертензия болуы мүмкін.

Емі: елеусіз артық дозаланғанда  (қан сарысуындағы кальций концентрациясы – 2,6-2,9 ммоль/л) енгізу тоқтатылып және басқа да құрамында кальций бар дәрілік заттарды қолдану тоқтатылады. Ауыр сипатты артық дозалануда (қан сарысуындағы кальций концентрациясы 2,9 ммоль/л-ден жоғары) тәулігіне дене салмағына 5-10 ХБ/кг дозада кальцитонинді парентеральді енгізеді (ол 500 мл 0,9% натрий хлориді ерітіндісінде сұйылтылады), вена ішіне тамшылатып 6 сағат бойына енгізеді. Тәулігіне 2-4 рет вена ішіне баяу енгізілуі мүмкін. Тиазидтік емес диуретиктер қолданады; сарысудағы калий мен магний концентрациясына бақылау жүргізіліп, және қажет жағдайда,  калий мен магний препараттарын енгізеді; жүрек-қан тамырлары жүйесінің функциясы қадағаланып, аритмиялардың профилактикасы үшін бета-адреноблокаторлар енгізіледі. Қажет болғанда гемодиализ жүргізіледі.

Дәрілік препараттың бір немесе бірнеше дозасын өткізіп алған кезде қажетті шаралар

Дәрілік зат емдеу мекемесі жағдайында қолдануға арналған. Өткізіп алған дәрілік заттың орнын толтыру үшін қос дозаны қабылдамаңыз. Препаратты қолдану бойынша сұрақтар болған жағдайда емдеуші дәрігерге қаралыңыз.

Тоқтату симптомдары қаупінің болуын көрсету

Осы дәрілік затқа қолданылмайды.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Препаратты әрдайым қосымша параққа немесе емдеуші дәрігердің ұсыныстарына сәйкес қабылдаңыз.

Сирек:

- аллергиялық реакциялар

- есекжем, бет терісінің гиперемиясы

- вена жүрісі бойынша ауырсыну және гиперемия, ыстық сезімі, алдымен ауыз қуысында, содан кейін бүкіл денеде шаншу. Экстравазацияда күйдіру, тіндер некрозы және қабыршақтың пайда болуы, целлюлит және жұмсақ тіндердің кальцификациясы туындауы мүмкін.

Өте сирек:

- брадикардия, аритмия, жүрек қарыншаларының фибрилляциясы (тым тез енгізгенде);

- артериялық қысымның орташа және қысқа мерзімді төмендеуі, артериялық гипертензия, веналық тромбоз.

Белгісіз:

- депрессия

- ауыздағы бордың дәмі

- гиперкальциемия.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қазақстан Республикасы аумағында тұтынушылардан препараттың сапасы бойынша шағым қабылдайтын ұйым:

«МедЛайн Фармацевтика» ЖШС

Қазақстан Республикасы, 050011, Алматы қ., Сүйінбай даңғылы, 258 В,

эл. пошта pharmakonadzor_dhf@mdline.kz

тел. 8 (727) 390-29-50, 8 (727) 390-29-42.

Қосымша мәліметтер

1 л препараттың құрамында

белсенді зат - кальций хлориді гексагидраты 100 г

қосымша заттар - инъекцияға арналған су - 1 л дейін.

Мөлдір түссіз ерітінді.

Вена ішіне енгізуге арналған 100 мг/мл ерітінді.

10 мл-ден бейтарап шыны ампулада.

10 ампуладан медициналық қолдану жөніндегі қазақ және орыс тілдеріндегі нұсқаулықпен және ампула ашуға арналған пышақпен немесе ампулалық скарификатормен картон қорапқа салынады.

Сындыру нүктесі, кертігі, сақинасы бар ампулаларды пайдаланғанда ампула ашуға арналған пышақ немесе ампулалық скарификаторды салмауға болады.

5 жыл.

Жарамдылық мерзімі өткеннен кейін қолдануға болмайды!

5-тен 25 ºС-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МедЛайн Фармацевтика» ЖШС

Қазақстан Республикасы, 050011, Алматы қ., Сүйінбай даңғылы, 258 В,

эл. пошта pharmakonadzor_dhf@mdline.kz

тел. 8 (727) 390-29-50, 8 (727) 390-29-42.