Калия Хлорид

Инфузия үшін ерітінді дайындауға арналған концентрат, 40 мг/мл

Қан және қан түзу ағзалары. Қан алмастырғыштар және перфузиялық ерітінділер. Вена ішіне енгізуге арналған ерітінділерге қоспалар. Электролиттік ерітінділер. Калий хлориді.

АТХ коды В05ХА01

Шығу тегі әртүрлі гипокалиемия, оның ішінде гипокалиемияға байланысты аритмия.

Қолданудың басталуына дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық

- шығу тегі әртүрлі гиперкалиемия немесе гиперхлоремия, толық атриовентрикулярлық немесе қарыншаішілік блокада

- олигуриясы немесе азотемиясы бар бүйрек жеткіліксіздігі

- қарыншалық фибрилляция

- Аддисон ауруы

- адреногениталиялық синдромымен астасқан гиперадренализм

- тіндердің экстенсивті ыдырауы (оның ішінде ауыр күйіктерде)

- жедел дегидратация

- ыстықтан болатын құрысулар

- калий енгізуге жоғары сезімталдықтың жай-күйі (оның ішінде тұқым қуалайтын эпизодтық адинамия немесе туа біткен парамиотония)

- калий тұздарымен және калий жинақтаушы диуретиктермен қатарлас ем

- 18 жасқа дейінгі балалық жас.

Сақтықпен

- I-II дәрежелі атриовентрикулярлық блокада, жүрек жеткіліксіздігі

- орақ жасушалы анемия

- калий экскрециясының бұзылуымен қатар жүретін аурулар мен жай-күйлер, оның ішінде созылмалы бүйрек жеткіліксіздігі

- бүйрек үсті безінің жеткіліксіздігі

- жүрек гликозидтерін, альдостерон антагонистерін, АӨФ тежегіштері (ангиотензинге өзгертуші фермент), такролимус, циклоспорин, әсері ұзақ гепарин, суксаметоний немесе потенциалды нефроуытты дәрілік препараттар (қабынуға қарсы стероидты емес препараттар, шеткері әсер ететін анальгетиктер) қабылдайтын пациенттерде.

Емдеу кезеңінде енгізу кезінде қан сарысуындағы калий концентрациясына мониторинг жүргізу және дозаны уақтылы түзету қажет. Сонымен қатар (әсіресе жүрек, бүйрек аурулары немесе ацидоз болған кезде) қышқыл-сілтілік теңгерімін, сарысу электролиттерін, ЭКГ және пациенттің клиникалық жағдайын бақылау ұсынылады.

Гиперкалиемия тез дамиды және симптомдарсыз жүреді және жүрекішілік бөгеліс болуы ықтимал және өліммен аяқталуына әкелуі мүмкін. Гиперкалиемияның ерте белгілері-гипотонус және аяқ-қол парестезиясы.

Гипокалиемияны емдеу ауыр гиперкалиемияны болдырмау үшін калий тұздары мен калий жинақтаушы диуретиктерді бір мезгілде енгізумен жүргізілмеуі тиіс.

Калий препараттарымен емдеу жүрек блокадаларымен бірге жүретін ауруларда жүргізілмеуі тиіс, өйткені бұл блокада дәрежесін жоғарылатуы мүмкін.

Емдеудің бастапқы сатысында глюкозамен бір мезгілде енгізуден аулақ болу керек, өйткені бұл калий концентрациясының одан әрі төмендеуіне ықпал етуі мүмкін.

Препаратты тек вена ішіне енгізуді қамтамасыз ету қажет, өйткені вена маңайына енгізу тіндердің некрозын тудыруы мүмкін.

Калий хлоридін енгізуде кішкентай диаметрлі веналар болса енгізу орнында ауырсынумен бірге жүруі мүмкін.

Ерітіндіні егер ол мөлдір болса және ампула зақымдалмаған жағдайда ғана қолданылады.

Препаратты ампуланы ашқаннан кейін бірден сұйылтыңыз. Препаратты сұйылту кезінде асептика ережелерін қатаң сақтау қажет.

Ампула тек бір рет қолдануға арналған. Ерекше жағдай-бақыланатын және асептикалық жағдайларда дайындалған сұйылту.

Ерітіндіні дайындағаннан кейін оны енгізуге дейінгі сақтау мерзімі мен шарттары пайдаланушының жауапкершілігі болып табылады және 2-ден 8 °С-ге дейінгі температурада 24 сағаттан аспауы тиіс. Препараттың пайдаланылмай қалған көлемі жойылуы керек.

Құрамында мыналар бар ерітінділермен сұйылту кезінде фармацевтикалық үйлесімсіз: амикацин сульфаты, амфотерицин В, натрий амоксициллині, бензилпенициллин, диазепам, добутамин гидрохлориді, эрготамин тартраты, цисплатинмен және маннитолмен этопозид, метилпреднизолон натрий сукцинаты, натрий фенитоин, прометазин гидрохлориді, натрий нитропруссиді, стрептомицин сульфаты, маннитол, құрамында соя майы және лецитин бар стерильді майлы эмульсия (бұл тізім толық емес).

Калий жинақтаушы диуретиктермен (оның ішінде триамтерен, спиронолактон, амилорид) бір мезгілде енгізу калий иондарының бүйрек экскрециясын төмендету есебінен ауыр гиперкалиемияға әкелуі мүмкін.

АӨФ тежегіштері-гиперкалиемияның даму қаупі, өйткені АӨФ тежегіштері альдостерон секрециясын төмендетеді, бұл организмде калийдің іркілуіне әкеледі.

Бета-адреноблокаторлар қан сарысуындағы калийдің ең жоғары концентрациясын да, калийдің вена ішіне жүктемелік дозасын шұғыл енгізген пациенттерде оның бастапқы деңгейіне оралуы үшін қажетті уақытты да арттырды.

Қабынуға қарсы стероидты емес препараттар - бүйректегі простагландиндер синтезін тежегеннен кейін салдарлы гиперальдостеронизмнің дамуына байланысты гиперкалиемияның даму қаупі.

Гепарин альдостерон синтезін төмендетеді, бұл гиперкалиемияның дамуына әкелуі мүмкін, әсіресе бүйрек жеткіліксіздігі немесе организмнен калийдің шығарылуын нашарлататын басқа жағдайлар кезінде.

Бір мезгілде жүрек гликозидтерін қолданатын жүректің ауыр және толық блокадасы бар пациенттерде калий препараттарын енгізу ұсынылмайды. Мұндай пациенттерде гипокалиемияны түзету үшін калий препараттарын қолданған жағдайда мұқият мониторинг қажет.

Инсулинмен, натрий гидрокарбонатымен бір мезгілде қолдану қан сарысуындағы калий мөлшерін төмендетеді.

Құрамында калий бар немесе гиперкалиемияның дамуына бейім келесі дәрілік заттар калий препараттарымен бір мезгілде қолданған кезде калийдің жинақталуына әкелуі мүмкін: алискирен, ангиотензин II рецепторларының антагонистері, циклоспорин, такролимус.

Калий деполяризациялаушы миорелаксанттардан (атракурия безилатпен, декаметоний бромиді, суксаметоний (хлорид, бромид, йодид)) туындаған жүйке-бұлшықет блокадасын күшейте алады.

Кортикостероидтар калийдің бүйрек арқылы шығарылуын арттырады, бұл қан сарысуындағы калий мөлшерінің төмендеуіне әкеледі.

Эритроциттердің бұзылуына байланысты ұзақ уақыт сақталған донорлық қанда калий мөлшері артады (гиперкалиемия). Гиперкалиемия қаупі реципиент қанында калий мөлшерінің күрт артуына әкелетін көп көлемде құю кезінде туындайды.

Вена ішіне енгізуге арналған келесі ерітінділермен фармацевтикалық үйлесімді: инъекцияға арналған глюкозамен (декстрозамен) біріктірілген Рингер ерітіндісі, инъекцияға арналған глюкозамен (декстрозамен) біріктірілген Рингер лактат ерітіндісі, инъекцияға арналған лактат Рингер ерітіндісіндегі 5% глюкоза (декстроза) ерітіндісі, натрий хлоридімен біріктірілген глюкоза (декстроза) ерітіндісі, натрий хлоридінің 0,9% ерітіндісіндегі 5% глюкоза (декстроза) ерітіндісі, инъекцияға арналған судағы 2,5 %, 5 %, 10 %, 20 % глюкоза (декстроза) ерітінділері, инъекцияға арналған Рингер ерітіндісі, инъекцияға арналған Рингер лактат ерітіндісі, натрий хлоридінің 0,45 %, 0,9 %, 3 % ерітінділері.

Жүктілік немесе лактация кезінде

Препаратты жүкті әйелдерге тағайындаған кезде сақ болу керек. Егер ана үшін күтілетін пайдасы шарана үшін болуы мүмкін қауіптен астам болса (мүмкіндігінше ішке қабылдауға арналған калий препараттары тағайындалады), препарат оны қолданудың айқын көрсеткіштері кезінде ғана қолданылуы тиіс. Калий емшек сүтімен шығарылады. Препаратты бала емізетін әйелдерге тағайындағанда сақ болу керек (мүмкіндігінше ішке қабылдауға арналған калий препараттарын тағайындайды).

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препаратпен емдеу кезеңінде жоғары зейін қойылуын және психомоторлық реакциялардың жылдамды ғын талап ететін аса қауіпті қызмет түрлерін (көлік құралдарын басқару, қозғалатын механизмдермен жұмыс істеу, диспетчер мен оператордың жұмысы) орындау кезінде сақ болу керек.

Дозалану режимі

Ересектерде

Калий тапшылығын емдеуге арналған доза қан плазмасындағы электролиттердің нақты концентрациясына және қышқылдық-негіздік жағдайының көрсеткіштеріне сәйкес таңдалуы тиіс.

1 ммоль калий (К+) 75 мг калий хлоридіне (КСl) сәйкес келеді.

Ересектер мен егде жастағы пациенттер

Қалыпты, симптомсыз калий тапшылығын емдеуге арналған және демеуші ем кезіндегі доза:

Орташа калий тапшылығын түзету үшін және демеуші ем кезіндегі қажетті калий мөлшері келесі формула бойынша есептелуі мүмкін:

бұл арада:

*ДС= дене салмағы;

** бұл мән жасушадан тыс сұйықтық көлемін білдіреді;

*** қажетті концентрациясы К+ қан плазмасындағы 4,5 ммоль калий/л тең болуы тиіс.

Ең жоғары тәуліктік доза (мысалы, ауыр симптоматикалық гипокалиемия немесе елеулі жоғалту жағдайында):

Дене салмағына қарай 2-3 ммоль калий/кг дейін.

Ең жоғары енгізу жылдамдығы:

Ересектерде сағатына 20 ммоль калийге дейін (дене салмағына қарай сағатына 0,3 ммоль калий/кг сәйкес). Егер қан плазмасындағы калий концентрациясы 2 ммоль калий/л аз болса, инфузия жылдамдығы сағатына 40 ммоль калийге дейін жетуі мүмкін.

Пациенттердің ерекше тобы

Қант диабеті бар пациенттер

Қышқыл негізді жай-күйінің өзгеруі қан плазмасындағы калий концентрациясына әсер етеді. Қант диабеті бар пациенттерде кетоацидоздың орнын толтыру кезінде, сондай-ақ декстроза/қысқа әсер ететін инсулин енгізу кезінде калийге қажеттілік артады.

Препарат концентратты сұйылтқаннан кейін ғана вена ішіне тамшылатып изотониялық ерітінді алғанға дейін (калий хлоридінің концентрациясы 4 мг/мл немесе 0,4% құрайды) енгізіледі және вена ішіне тамшылатып енгізіледі (минутына 20-30 тамшы жылдамдықпен). Бір мезгілде бір инфузия үшін 100 мл-ден аспайтын дайындалған ерітіндіні енгізеді. Қажет болған жағдайда құюды қайталауға болады, бірақ жалпы тәуліктік доза калий хлоридінің концентрациясы 4 мг/мл (0,4%) болатын дайындалған ерітіндінің 300-500 мл-ден аспауы тиіс.

Вена ішіне тамшылатып енгізу үшін 500 мл изотониялық 0,9% натрий хлориді ерітіндісінде немесе 5% декстроза (глюкоза) ерітіндісінде 2,5 г калий хлоридіне дейінгі есеппен ерітінді дайындауға болады.

Миокард инфарктісі кезінде эктопиялық аритмиялардың профилактикасы және емі үшін полярлайтын қоспа қолданылады: 2-2,5 г калий хлориді ерітіндісі 5-10% декстроза (глюкоза) 500 мл-де, оған 3-4 г құрғақ декстрозаға (глюкозаға) 1 ӘБ есебінен қысқа әсер ететін инсулин қосылады.

Артық дозаланған жағдайда қолданылуы қажет шаралар

Симптомдары: экскреторлық механизмнің бұзылуы немесе калийді вена ішіне тым тез енгізу өлімге әкелетін гиперкалиемияға әкелуі мүмкін (қан құрамындағы калий иондарының мөлшері 5,5 мэкв/л-ден жоғарылауы), оның көріністері мыналар болады: бұлшықет гипотонусы, аяқ-қол парестезиясы, атриовентрикулярлық өткізгіштіктің баяулауы, аритмия, жүрек тоқтауы.

Электрокардиограммадағы ерте өзгерістер- бұл үшкір ұшты және тар негізді Т тісшесі биік, кеудедегі V2-V4 ең айқын тарамында қан сарысуындағы калий иондарының концентрациясы 5,5-6,5 мэкв/л-ге дейін жоғарылаған кезде көрінеді. Орташа гиперкалиемияда (қан сарысуындағы калий иондарының мөлшері 6,5-8,0 мэкв/л) электрокардиографиялық белгілер мыналар: Р тісшелерінің амплитудасының төмендеуі, QT аралығының ұзаруы, QRS кешенінің кеңеюі, R тісшелерінің амплитудасының төмендеуі, қарыншалық экстрасистолия.

Гиперкалиемияның неғұрлым ауыр симптомдары - бұлшықет салдануы және жүрек ұстамасы (электрокардиограммадағы өзгеріс - баяу немесе жеделдетілген идиовентрикулярлық ырғақ, қарыншалық фибрилляция, асистолия) қан сарысуындағы калий иондарының құрамы 9-14 мэкв/л болған кезде дамиды.

Емі: Калий хлориді инфузиясын тоқтатады. Ішке немесе вена ішіне - натрий хлоридінің ерітіндісі; вена ішіне 300-500 мл 5% декстроза ерітіндісі (1 л-ге 10-20 ӘБ қысқа мерзімді әсер ететін инсулин); ацидозды (бар болса) натрий гидрокарбонатын вена ішіне енгізу арқылы түзету, қажет болған жағдайда гемодиализ және перитонеальді диализ. Аритмия немесе калийдің сарысулық концентрациясы 6,5 ммоль/л-ден жоғары 10-20 мл кальций глюконатының 10% ерітіндісін вена ішіне енгізу арқылы 1-5 минут ішінде дереу емдеуді талап етеді. Жүрек гликозидтерімен емдегі пациенттерде гиперкалиемияны емдеу кезінде қан сарысуындағы калий концентрациясының тез төмендеуі дигиталистік уыттануға әкелуі мүмкін. Артық дозалануды емдеу кезінде үздіксіз ЭКГ-мониторинг жүргізу, қан плазмасындағы мочевинаны, электролиттерді және креатининді кезең-кезеңімен анықтау, калий концентрациясын бақылау (қажет болған жағдайда әрбір 2-3 сағат сайын) керек, симптомдарсыз пациенттерді 6 сағат бойы бақылау қажет.

Тоқтату симптомдары қаупінің болуына көрсетілім

Бұл дәрілік затқа қолданылмайды.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Дәрілік препаратты қолдану тәсілін түсіндіру үшін дәрігерге жүгіну қажет. Препаратты тек маман енгізуі керек.

Жағымсыз қолайсыз реакциялар гиперкалиемия симптомдары түрінде абсолюттік немесе салыстырмалы артық дозалану және/немесе инфузияның тым жоғары жылдамдығы жағдайында ғана дамуы мүмкін. Жағымсыз қолайсыз реакциялардың даму жиілігі дозаға байланысты.

Иммундық жүйе тарапынан бұзылулар

Белгісіз: аллергиялық реакциялар.

Зат алмасу және тамақтану тарапынан бұзылулар

Белгісіз: ацидоз, гиперхлоремия, гиперкалиемия.

Жүйке жүйесі тарапынан бұзылулар

Белгісіз: шаршағыштық, бұлшықет әлсіздігі, сананың шатасуы, аяқ-қолдардағы ауырлық сезімі, бұлшықет құрысуы, парестезия, өрлемелі салдану.

Жүрек тарапынан бұзылулар

Белгісіз: брадикардия, AV блокада, қарыншалық фибрилляция, жүректің тоқтауы.

Инфузияның тым жоғары жылдамдығы жүрек аритмиясын тудыруы мүмкін.

Тамырлар тарапынан бұзылулар

Белгісіз: артериялық қысымның төмендеуі, қан айналымының орталықтануы.

Асқазан-ішек жолы тарапынан бұзылулар

Белгісіз: жүрек айнуы, құсу, өңеш пен жіңішке ішектің ойылып жаралануы.

Жалпы бұзылыстар

Белгісіз: флебит және инъекция орнының ауырсынуы.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі  Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді зат - 40 мг калий хлориді.

қосымша заттар

Хлорсутек қышқылы 1 М - рН 3.0 – 4.0 үшін

Инъекцияға арналған су– 1 мл дейін

Мөлдір түссіз ерітінді.

5 мл немесе 10 мл-ден бейтарап шыныдан жасалған ампулаларда.

10 ампуладан медициналық қолдану жөніндегі қазақ және орыс тілдеріндегі нұсқаулықпен және ампулаларды ашуға арналған пышақпен немесе ампулалық скарификатормен бірге картон қорапқа салынады.

Ойықтары, сақиналары және сындыру нүктелері бар ампулаларды пайдаланған кезде ампулаларды ашуға арналған пышақ немесе ампулалық скарификатор салынбайды.

3 жыл.

Жарамдылық мерзімі өткеннен кейін қолдануға болмайды!

30 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

"ДАЛЬХИМФАРМ" ААҚ, 680001, Ресей Федерациясы, Хабаровск өлкесі, Хабаровск қ., Ташкентская к-сі, 22, тел/факс (4212) 53-91-86.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттардың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«МедЛайн Фармацевтика» ЖШС

Қазақстан Республикасы, 050011, Алматы қ., Сүйінбай даңғ., 258 В,

эл. пошта pharmakonadzor_dhf@mdline.kz

тел. 8 (727) 390-29-50, 8 (727) 390-29-42.