Итоприд

Итоприд Ксантис

Итоприд

Таблеткалар, 50 мг

Асқорыту жолы және зат алмасу. Асқазан-ішектің функционалды бұзылыстарын емдеуге арналған препараттар. Асқазан-ішек жолы моторикасының стимуляторлары. Итоприд.

ATХ коды А03FА07

Асқазан моторикасының бұзылуынан және функционалды ойық жаралы емес диспепсиядан немесе созылмалы гастриттен туындаған асқазанның ішіндегісі эвакуациясының баяулауынан туындаған асқазан-ішек симптомдарын емдеу, атап айтқанда:

- іштің кебуін сезіну

- ерте тойып қалу

- постпрандиальді толықтық

- іштің жоғарғы бөлігіндегі ауырсыну немесе жайсыздық

- анорексия

- қыжыл

- жүрек айнуы және құсу

Қолдануды бастағанға дейін қажетті мәліметтер тізбесі

- әсер етуші затқа немесе кез келген қосымша заттарға аса жоғары сезімталдық

- асқазан-ішек жолының жиырылу белсенділігінің артуы зиянды болуы мүмкін жағдайлар, мысалы, асқазан-ішектен қан кету, механикалық обструкция немесе тесілу кезінде

- сирек тұқым қуалайтын аурулары бар пациенттерге:

галактоза көтере алмаушылығы, Лапп лактаза жеткіліксіздігі немесе

глюкоза-галактоза мальабсорбциясы синдромы

- жүктілік және бала емізу кезеңі

- 18 жасқа дейінгі балалар

Егер сіз басқа препараттарды қабылдасаңыз немесе қабылдап жүрсеңіз немесе қабылдауыңыз мүмкін болса, өз дәрігеріңізге немесе фармацевтке хабарлаңыз.

Итопридті варфарин, диазепам, диклофенак, тиклопидин, нифедипин және никардипинмен бір мезгілде қабылдаған кезде өзара әрекеттесу анықталған жоқ.

CYP450 жүйесінің изоферменттері деңгейіндегі метаболизмдік өзара әрекеттесу болжанбайды, себебі итопридтің метаболизмі негізінен, флавин-монооксигеназа арқылы жүреді.

Итоприд асқазанның моторикасын күшейтеді, бұл ішке бірге қолданғанда препараттардың сіңуіне әсер етуі мүмкін. Емдік индексі тар препараттарды, белсенді затты ұзақ шығаратын препараттарды немесе ішекте еритін қабығы бар препараттарды қабылдау кезінде ерекше сақ болу керек.

Циметидин, ранитидин, тепренон және цетраксат сияқты жараға қарсы препараттар итопридтің прокинетикалық тиімділігіне әсер етпейді.

М-холиноблокаторлар итопридтің тиімділігін төмендетеді.

Итопридтің холинергиялық әсері М-холиномиметиктерді, сондай-ақ холинэстераза тежегіштерін бір мезгілде қолданғанда артуы мүмкін.

Итоприд ацетилхолиннің әсерін күшейтеді және холинергиялық жағымсыз реакцияларды туындатуы мүмкін.

Ұзақ қолдану бойынша деректер жоқ.

Галакторея және гинекомастия симптомдары білінгенде емдеуді тоқтату немесе толық тоқтату қажет.

Жүктілік немесе лактация кезінде

Жүктілік

Итоприд гидрохлоридін жүктілік кезінде препаратты қолданудан күтілетін пайда ықтимал қауіптен асатын жағдайларды қоспағанда, қолдануға болмайды.

Лактация

Итоприд гидрохлориді емшек сүтіне бөлінеді. Емшектегі балаларда жағымсыз реакциялардың туындауын болдырмау мақсатында ана үшін емнің маңыздылығын ескере отырып, бала емізуді тоқтатуға немесе емдеуді тоқтатуға қатысты тиісті шешім қабылдануы тиіс.

Фертильділік

Итопридтің адамдарда фертильділікке әсері бойынша деректер жоқ; алайда жануарларға зерттеу итопридтің зиянды әсерін анықтаған жоқ.

Егде жастағы пациенттер және бүйрек немесе бауыр жеткіліксіздігі бар пациенттер

Егде жастағы пациенттер мен бауыр немесе бүйрек функциясы бұзылған пациенттер дәрігердің мұқият бақылауында болуы тиіс, қажет болған жағдайда, препарат дозасын төмендетеді немесе препаратпен емдеуді тоқтатады.

Балалар мен жасөспірімдер

Балалар мен 18 жасқа дейінгі жасөспірімдерде итоприд гидрохлоридін қолданудың қауіпсіздігі анықталмаған.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлікті басқару немесе механизмдермен жұмыс істеу қабілетіне әсерін зерттеу жүргізілген жоқ.

Қолдану жөніндегі ұсынымдар

Дозалау режимі

Ересектер

Ұсынылатын доза тәулігіне 150 мг құрайды (тамақ ішер алдында күніне 3 рет 1 таблеткадан (50 мг).

Көрсетілген доза пациенттің жасын және симптомдарын ескере отырып төмендетілуі мүмкін.

Егер препарат уақытында қабылданбаса, онда әрі қарай оны тең уақыт аралығында қабылдау керек. Өткізіп алған дозаны толтыру үшін қосарлы дозада қабылдау ұсынылмайды.

Клиникалық зерттеулерде пациенттерде итоприд гидрохлоридін қолдану ұзақтығы 8 аптаға дейін құрады.

Артық дозалану жағдайында қабылдануы қажет шаралар

Егер доза тым жоғары болса, онда мыналар орын алуы мүмкін:

Артық дозаланған жағдайда асқазанды шаю және симптоматикалық емдеу үшін әдеттегі шараларды қабылдау қажет.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі ұсынымдар.

Әрқашан препаратты осы қосымша параққа немесе емдеуші дәрігер мен дәріхана қызметкерінің ұсынымдарына сәйкес қабылдаңыз. Күмән туындаған жағдайда емдеуші дәрігермен немесе дәріхана қызметкерімен кеңесіңіз.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Жиі

- іштің ауыруы, диарея

Жиі емес

- сілекей бөлінудің артуы

- бас айналу, бас ауыру

- бөртпе

- аминотрансфераза деңгейінің жоғарылауы, ақ қан денешіктер санының төмендеуі

ЖР – тіркеуден кейінгі қолдану тәжірибесі

Тіркеуден кейінгі қолдану кезінде мынадай жағымсыз реакциялар туралы өздігінен хабарланды. Қолда бар деректер бойынша пайда болу жиілігін дәл бағалау мүмкін емес.

Қанайналым және лимфа жүйесінің бұзылыстары

Лейкопения және тромбоцитопения

Иммундық жүйенің тарапынан бұзылулар

Анафилактоидты реакцияны қоса, аса жоғары сезімталдық

Эндокриндік жүйе тарапынан бұзылулар

Қандағы пролактин деңгейінің жоғарылауы

Жүйке жүйесінің тарапынан бұзылулар

Бас айналу, бас ауыруы және тремор

Асқазан-ішек жолы тарапынан бұзылулар

Диарея, іш қату, іштің ауыруы, сілекей ағудың артуы және жүрек айнуы

Бауыр мен өт жолдары тарапынан бұзылулар

Сарғаю

Тері және тері асты тіндері тарапынан бұзылулар

Бөртпе, эритема және қышыну

Ұрпақ өрбіту жүйесінің және сүт безінің тарапынан бұзылулар

Гинекомастия

Зертханалық және аспаптық деректер

Қандағы аспартат-аминотрансфераза, аланин-аминотрансфераза, гамма-глутамилтрансфераза, сілтілік фосфатаза мен билирубиннің жоғары деңгейі.

Егер сізде жағымсыз реакциялар пайда болса, бұл туралы өз дәрігеріңізге немесе фармацевтке хабарлаңыз. Бұл қосымша парақта көрсетілмеген кез келген ықтимал жағымсыз реакциялар болуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) бойынша ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - итоприд гидрохлориді - 50 мг

қосымша заттар: лактоза моногидраты, желатинделген крахмал, натрий кроскармеллозасы, сусыз коллоидты кремнийдің қостотығы, магний стеараты.

Ақ немесе ақ дерлік, дөңгелек пішінді, екі жақ беті дөңес, таблетканың бір жағында сызығы бар таблеткалар.

10 таблеткадан поливинилхлоридті/поливинилдихлоридті үлбірден және алюминий фольгадан жасалған пішінді ұяшықты қаптамада.

4, 7 немесе 10 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

4 жыл.

Жарамдылық мерзімі өткеннен кейін қолдануға болмайды.

Түпнұсқалық қаптамасында 25 °С-ден аспайтын температурада.

Балалардың қолы жетпейтін жерде сақтау керек!

Рецепт арқылы

Санека Фармасьютикалс а.с.,

Нитрианска 100, 92027, Глоговец, Словакия Республикасы

Телефон, факс: +421 33 736 1111

Е-mail: info@saneca.com

Ксантис Фарма Лимитед,

Lemesou, 5, EUROSURE TOWER, 1st floor, Flat/Office 101, 2112, Никосия, Кипр.

Телефон, факс: +35722205976

info@xantispharma.net

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"LEKARSTVENNAYA BEZOPASNOST (Лекарственная безопасность)" ЖШС

050047, Қазақстан Республикасы, Алматы қ., Алатау ауданы,

Саялы шағын ауданы, 16 үй, 8 п.

Тел.: +7 777 064 27 02; +7 499 504-15-19

E-mail: adversereaction@drugsafety.ru