Индовазин

Индовазин®

Жоқ

Сыртқа қолдануға арналған гель

Сүйек-бұлшықет жүйесі ауруларын емдеуге арналған препараттар. Қабынуға қарсы және ревматизмге қарсы препараттар. Қабынуға қарсы және ревматизмге қарсы стероидты емес препараттар Сірке қышқылы туындылары және тектес заттар. Басқа  препараттармен біріктірілген индометацин.

АТХ коды М01АВ51

Препарат симптоматикалық емдеу үшін қолданылады:

- созылмалы веналық жеткіліксіздікте, ауырумен және ісінумен

қатар жүретін венаның варикозды кеңеюінде

- беткейлік тромбофлебитте, флебитте, флебиттен кейінгі жағдайда

- геморроидальді ауруды кешенді емдеуде

- тендовагинитте, бурситте, фиброзитте, периартритте

- хирургиялық араласулардан кейінгі ісінулерде, контузияларда, шығып кеткенде,

созылуларда.

Қолдануды бастағанға дейін қажетті мәліметтер тізбесі

- препараттың әсер етуші немесе қосымша заттардың кез келгеніне аса жоғары сезімталдық

- ацетилсалицил қышқылына және басқа ҚҚСД (қабынуға қарсы стероидты емес дәрілерге) аса жоғары сезімталдық

- 14 жасқа дейінгі балалар (тиімділігі мен қауіпсіздігі дәлелденбеген)

- тері жабыны бүтіндігінің, шырышты қабықтың бұзылуы

- қайталанатын поллиноз

- этиологиясы айқын емес қан ұюының бұзылуы (гипокаогулопатии)

Қолданған кездегі қажетті сақтандыру шаралары

Сақтықпен:

- қабынуға қарсы дәрілермен бір мезгілде қабылдау

- бронх демікпесі

- порфирия

- асқазан-ішек жолының эрозиялы-ойық жаралы зақымдануы

- бауыр мен бүйрек функциясының ауыр бұзылулары

- созылмалы жүрек жеткіліксіздігі

- егде жастағылар

Индовазин® гелін кортикостероидты препараттармен бір мезгілде қолдану ұсынылмайды, өйткені олардың ульцерогенді әсері күшеюі мүмкін.

Препаратты басқа ҚҚСД, антибиотиктер, антикоагулянттар, гипогликемиялық препараттармен бір мезгілде сақтықпен қабылдау керек. Гель фотосенсибилизация туындататын препараттардың әсерін күшейтуі мүмкін.

Бронх демікпесі, аллергиялық ринит немесе басқа атопиясы бар науқастар препаратты қолданған кезде сақтық сақтау тиіс.

Гельді тек зақымдалмаған теріге жағады. Гельдің шырышты қабықтарға, ашық жара бетіне немесе көзге түсуін болдырмау керек.

Бауырдың және бүйректің ауыр  сипатты ауруы және ойық жара  ауруы бар науқастарға препаратты ұзақ уақыт, әсіресе терінің үлкен аумағында қолдануды шектеу керек.

10 күннен аса емдеу курсын алғанда, лейкоциттік және  тромбоциттік формулаға зертханалық бақылау жүргізу керек.

Қосымша заттар туралы ақпарат

Индовазин® гелінің құрамында теріге және шырышты қабыққа тітіркендіргіш әсер беретін қосымша заттар ретінде натрий бензоаты және диметилсульфоксид бар.

Педиатрияда қолдану

Препарат клиникалық қолдану тәжірибесінің болмауына байланысты 14 жасқа дейінгі жасөспірімдерге қолдануға болмайды.

Жүктілік және бала емізу

Жүктілік және/немесе бала емізу кезеңінде препаратты қолдану қауіпсіздігін растайтын клиникалық тәжірибе жоқ. Егер ана үшін күтілетін пайда шаранаға ықтимал қауіптен асып кетсе, препаратты емдеуші дәрігер клиникалық жағдайды мұқият бағалағаннан кейін ғана қолдануға болады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Жүргізу және механизмдермен жұмыс істеу кезінде психомоторлық реакциялардың жылдамдығына әсер етпейді

Дозалау режимі

Зақымданған жерге гельдің 4-5 см күніне 3-4 рет жұқа қабат етіп жеңіл ысқылай отырып жағу керек. Бір реттік дозасы 4-5 см, тәуліктік  дозасы 20 см аспауы тиіс. Емдеу ұзақтығы 10 күннен аспауы тиіс.

Енгізу әдісі мен жолы

Препарат сыртқа қолдануға арналған.

Емдеу ұзақтығын дәрігер анықтайды.

Артық дозаланған жағдайда қабылдануы тиіс шаралар

Препаратты жергілікті қолданғанда, артық дозалану жағдайлары туралы мәліметтер жоқ.

Ұзақ (10 күннен аса) емдегенде бастың қатты ауыруы пайда болуы мүмкін.

Ішке абайсызда қабылдап қойған жағдайда ауыз ішін ашыту сезімі, сілекейдің көп бөлінуі, жүрек айнуы, құсудың пайда болуы мүмкін.

Емі: ауыз қуысы мен асқазанды шаю, қажет болған жағдайда – симптоматикалық ем.

Көзге, шырышты қабыққа немесе ашық жара беткейлеріне түскен жағдайда, жергілікті тітіркену – көзден жас ағуы, қызаруы, ашытуы, ауыруы байқалады

Емі: зақымданған жерді шағымдану жойылғанша немесе азайғанша дистилденген судың немесе физиологиялық ерітіндінің көп мөлшерімен шаю керек.

Жергілікті реакциялар

Сирек

- терінің құрғауы, тері гиперемиясы

- аллергиялық реакциялар (жанаспалы дерматит, қызару, қышыну, тері бөртпесі, жаққан жерде жылу мен ашытуды сезіну)

Жүйелі реакциялар

Өте сирек, (дененің ауқымды жеріне ұзақ уақыт бойы қолданған кезде)

- жүрек айнуы, құсу, асқазандағы ауыру

- бауыр энзимдері деңгейінің жоғарылауы

- анафилаксия, бронх түйілуі, ангионевроздық ісіну

- фотосенсибилизация реакциясы

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

1 г гельдің құрамында

белсенді заттар: 30 мг индометацин

20 мг троксерутин,

қосымша заттар: карбомер, макрогол 400, натрий бензоаты, изопропанол, диметилсульфоксид, динатрий эдетаты, Fresco BM&GD R.08.0932.1 хош иістендіргіші, тазартылған су.

Аздап бозаңданатын сарғыштан сарғыш-қоңыр түске дейінгі гель.

45 г препараттан жарғақшалы алюминий сықпада.

1 сықпадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде, 25С-ден аспайтын температурада.

Балалардың қолы жетпейтін жерде сақтау керек!

Рецептісіз

Балканфарма-Троян АД

Болгария, 5600, г. Троян,

“Крайречна” көш. № 1

(+359) 0670 68 104

trooperations@actavis.bg

Балканфарма-Троян АД

Болгария, 5600, г. Троян,

“Крайречна” көш. № 1

(+359) 0670 68 104

trooperations@actavis.bg

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғ., 17/1, Нұрлы-Тау БО, 5Б, 6 қабат. Телефон: (727)3251615; е-mail: info.tevakz@tevapharm.com; веб сайт: www.kaz.teva