Фозикард

Фозикард Н - Тева

Жоқ

Таблеткалар

Жүрек-қантамыр жүйесі. Ренин-ангиотензин жүйесіне әсер ететін препараттар. АӨФ тежегіштері басқа препараттармен біріктірілімде. Диуретиктермен біріктіріп АӨФ тежегіштері. Фозиноприл диуретиктермен біріктірілімде.

АТХ коды С09BА09 Қолданылуы

- фозиноприлмен жүргізілетін монотерапияға жауабы жеткіліксіз пациенттердегі артериялық гипертензияда

Қолдануды бастағанға дейін қажетті мәліметтер тізбесі

- препараттың компоненттеріне немесе тиазидтерді қоса алғанда, АӨФ тежегіштері мен сульфонамид туындыларына жоғары сезімталдық

- АӨФ тежегіштерімен жүргізілген алдыңғы емдеумен байланысты анамнездегі ангионевроздық ісіну

- тұқым қуалайтын немесе идиопатиялық ангионевроздық ісіну, оның ішінде анамнезінде, АӨФ басқа тежегіштерін қабылдағаннан кейін

- ауыр бүйрек жеткіліксіздігі (креатинин клиренсі < 30 мл/мин)

- гемодиализдегі пациенттер

- бүйрек артериясының стенозы (бір бүйрегі бар пациенттерде екі жақты немесе бір жақты)

- бүйрек трансплантациясынан кейінгі жағдай

- аортальді немесе митральді клапанның гемодинамикалық маңызды стенозы

немесе гипертрофиялық кардиомиопатия

- бастапқы гиперальдостеронизм

- бауырдың ауыр жеткіліксіздігі (коматоз алдындағы жай-күй /

бауыр комасы)

- электролиттік теңгерімнің клиникалық маңызды бұзылулары

(гиперкальциемия, гипонатриемия, гипокалиемия)

- қант диабетінің ауыр түрлері

- декомпенсацияланған жүрек жеткіліксіздігі

- анурия

- подагра

- қант диабетімен ауыратын немесе бүйрек функциясы бұзылған пациенттерге құрамында алискирен бар препараттармен Фозикард Н - Тева бір мезгілде қолдану (ШСЖ <60 мл/мин/1,73 м2)

- сакубитрилмен/валсартанмен бір мезгілде қабылдау

- жүктілік, лактация кезеңі

балалар мен 18 жасқа дейінгі жасөспірімдер

Қолдану кезіндегі қажетті сақтық шаралары

Фозикард Н - Тева препаратын қабылдамас бұрын дәрігермен сөйлесіңіз.

Егер сіз көрудің төмендеуін немесе көздің ауырсынуын сезінсеңіз. Бұл Фозикард Н - Тева қабылдау басталған сәттен бастап бірнеше сағат бойынан бір аптаға дейін байқалуы мүмкін, көздің тамырлы қабығында сұйықтықтың жиналу (хориоидальді жалқық) немесе көз қысымының жоғарылау симптомдары болуы мүмкін. Емдеу болмаған кезде көру қабілетінің қайтымсыз жоғалуы мүмкін. Егер сізде бұрын пенициллинге немесе сульфонамидке аллергиялық реакция болса, сізде хориоидальді жалқықтың пайда болу қаупі жоғары болуы мүмкін.

Фозиноприл, басқа АӨФ тежегіштері немесе құрамында гидрохлоротиазид бар препараттар арасындағы келесі өзара әрекеттесулер туралы хабарланды.

Фозиноприл

Ұсынылмайтын біріктірілімдер

Калий қоспалары, калий сақтайтын диуретиктер, құрамында калий бар тұз алмастырғыштар немесе сарысуы бар калийді арттыратын басқа препараттар (мысалы, гепарин).

Клиникалық зерттеулер кезінде сарысуы бар калий әдетте қалыпты шектерде болса да, кейбір пациенттерде гиперкалиемия дамиды. Гиперкалиемияның пайда болу қауіп факторларына бүйрек жеткіліксіздігі, қант диабеті және калий сақтайтын диуретиктерді (мысалы, спиронолактон, триамтерен немесе амилорид), калий қоспаларын, құрамында калий бар тұз алмастырғыштарды немесе сарысудағы калийді арттыратын басқа препараттарды (мысалы, гепарин) бір мезгілде қолдану жатады. Жоғарыда аталған препараттарды, атап айтқанда бүйрек функциясы бұзылған пациенттерде қолдану сарысулық калий деңгейінің айтарлықтай жоғарылауына әкелуі мүмкін. Қандағы калий концентрациясын бақылау ұсынылады.

Натрий фозиноприлін калийді сақтамайтын диуретиктермен қолданғанда диуретиктерді қолданудан туындаған гипокалиемия өршуі мүмкін.

Қолдану кезінде сақтықты талап ететін біріктірілімдер

Диуретиктер

Натрий фозиноприлін қабылдайтын пациенттерге диуретиктерді тағайындаған кезде гипертонияға қарсы әсері күшейеді.

Диуретиктерді қабылдаған пациенттер, атап айтқанда диуретиктермен емдеу жақында басталған пациенттер натрий фозиноприлі қосылған кезде қан қысымының шамадан тыс төмендеуін сезінуі мүмкін. Натрий фозиноприлін қолдану нәтижесінде симптоматикалық гипотонияның даму мүмкіндігін біріктірілген ем және мұқият медициналық бақылау арқылы дозаны түзету жолымен азайтуға болады.

Диабетке қарсы препараттар

АӨФ тежегіштері мен диабетке қарсы дәрілік препараттарды (инсулин, пероральді гипогликемиялық препараттар) бір мезгілде қолдану қандағы глюкоза деңгейін жоғарылатуы мүмкін, осылайша препараттардың әсерін азайтып, гипогликемия туындау қаупін арттырады. Бұл құбылыс біріктірілген емнің алғашқы апталарында және бүйрек жеткіліксіздігі бар пациенттер жиі кездеседі.

Қарастырылатын біріктірілімдер

Альфа-адреноблокаторлар

Альфа-ырғақ блокадасы препараттарын бір мезгілде қолдану каптоприлдің гипертонияға қарсы әсерін арттыруы және ортостатикалық гипотензия қаупін арттыруы мүмкін.

Гипертонияға қарсы басқа препараттар

Гипертонияға қарсы басқа препараттармен, мысалы, бета-блокаторлармен, кальций антагонистерімен және диуретиктермен бір мезгілде қолдану гипертензияға қарсы әсерді арттыруы мүмкін. Нитроглицеринмен және басқа нитраттармен немесе басқа вазодилататорлармен бір мезгілде қолдану қан қысымын төмендетуі мүмкін.

Клиникалық сынақтар деректері АӨФ тежегіштерін, ангиотензин II рецепторларының блокаторларын немесе алискиренді бірлесіп қолданған кезде ренин-ангиотензин-альдостерон жүйесінің (РААЖ) қосарлы блокадасы РААЖ бір агентін пайдаланумен салыстырғанда гипотензия, гиперкалиемия және бүйрек функциясының төмендеуі (оның ішінде жедел бүйрек жеткіліксіздігі) сияқты жағымсыз құбылыстардың анағұрлым жоғары жиілігімен байланысты екенін көрсетті.

Қабынуға қарсы стероидты емес препараттар (ҚҚСП), оның ішінде ацетилсалицил қышқылы күніне ≥3 г

ҚҚСП ұзақ қолдану АӨФ тежегішінің гипертензияға қарсы әсерін төмендетуі мүмкін. ҚҚСП және АӨФ тежегіштері сарысудағы калийдің жоғарылауына қосымша әсер етеді және бүйрек функциясының нашарлауына әкеп соғуы мүмкін. Бұл әсерлер әдетте қайтымды болады. Бүйрек функциясы бұзылған, мысалы, егде жастағы адамдар немесе сусыздануға шалдыққан пациенттерде жедел бүйрек жеткіліксіздігі пайда болуы мүмкін.

Циклоспорин

циклоспоринді АӨФ тежегіштерімен бір мезгілде қолданғанда гиперкалиемияның пайда болу қаупі артады. Қандағы калий концентрациясын бақылау ұсынылады.

Гепарин

АӨФ тежегіштері мен гепаринді қатар қолданғанда гиперкалиемияның даму қаупі артады. Сарысудағы калий деңгейін бақылау керек.

Алтын препараттары

Алтын препараттарын (мысалы, натрий ауротиомалаты) енгізгеннен кейін нитритоидты реакциялар (вазолидация белгілері, оның ішінде гиперемия, жүрек айнуы, бас айналу және гипотония өте ауыр болуы мүмкін) АӨФ тежегіштерімен ем қабылдап жүрген пациенттерде жиі байқалды.

Симпатомиметиктер

Симпатомиметиктер АӨФ тежегіштерінің гипертензияға қарсы әсерін төмендетуі мүмкін.

Ацетилсалицил қышқылы, тромболитиктер, бета-блокаторлар, нитраттар

Натрий фозиноприлін ацетилсалицил қышқылымен (кардиологиялық пациенттерге арналған дозада), тромболитиктермен, бета-блокаторлармен және/немесе нитраттармен бір мезгілде қолдануға болады.

Иммуносупрессанттар, цитостатикалық препараттар, жүйелі кортикостероидтар немесе прокаинамид, аллопуринол

Натрий фозиноприлін иммунодепрессанттармен немесе лейкопенияны туындатуы мүмкін дәрілік препараттармен бір мезгілде қолданудан аулақ болу керек.

Алкоголь

Алкоголь натрий фозиноприлінің гипотензивті әсерін арттырады.

Антацидтер

Антацидтер (мысалы, алюминий гидрототығы, магний тотығы, симетикон) натрий фозиноприлінің сіңуін бәсеңдетуі мүмкін, сондықтан екі препаратты да 2 сағат ең аз уақыт аралығымен бөлек қабылдау қажет.

Ангионевроздық ісінудің даму қаупін арттыратын дәрілік препараттар

АӨФ тежегіштерін сакубитрилмен / валсартанмен бір мезгілде қолдануға болмайды, өйткені бұл ангионевроздық ісінудің даму қаупін арттырады.

mTOR тежегіштері (мысалы, сиролимус, эверолимус, темсиролимус)

mTOR тежегіштерімен қатар ем алатын пациенттерде ангионевроздық ісінудің даму қаупі жоғары.

Зертханалық зерттеулер

Натрий фозиноприлі белсендірілген көмірмен сіңіру әдісімен талдау кезінде сарысудағы дигоксинді дұрыс емес өлшеуді тудыруы мүмкін (дигоксинге арналған Ria Digi-Tab® жиынтықталымы). Паратироидты тексеруден бұрын натрий фозиноприлімен емдеуді бірнеше күнге тоқтата тұру ұсынылады.

Гидрохлоротиазид

Қолдану кезінде сақтықты талап ететін біріктірілімдер

Қандағы калий деңгейінің өзгеруіне әсер ететін препараттар

Фозикард Н - Тева қандағы калий деңгейінің ауытқуына әсер ететін препараттармен (мысалы, оймақгүл гликозидтері, аритмияға қарсы препараттар) және пируэт типіндегі пароксизмальды қарыншалық тахикардия, соның ішінде гипокалиемия пароксизмальді қарыншалық тахикардияның пайда болуына бейім фактор болып табылатын препараттар (кейбір аритмияға қарсы препараттарды қамтиды) тағайындалғанда қан сарысуындағы калий деңгейіне мерзімді мониторинг және электрокардиография жүргізу керек.

- Iа класының аритмияға қарсы препараттары (мысалы, хинидин, гидрохинидин, дизопирамид);

- III класының аритмияға қарсы препараттары (мысалы, амиодарон, соталол, дофетилид, ибутилид);

- кейбір нейролептикалық препараттар (мысалы, тиоридазин, хлорпромазин, левомепромазин, трифлуоперазин, циамемазин, сульпирид, султоприд, амисульприд, тиаприд, пимозид, галоперидол, дроперидол);

- өзгелері (мысалы, бепридил, цизаприд, дифеманил, эритромицин ВВ, галофантрин, мизоластин, пентамидин, спарфлоксацин, терфенадин, винкамин ВВ).

Оймақгүл гликозидтері

Тиазидтерден туындаған гипокалиемия немесе гипомагниемия дигиталис аритмиясының басталуына ықпал етуі мүмкін.

Метформин

Метформинді сақтықпен қолдану керек: гидрохлоротиазидпен байланысты бүйрек функциясының мүмкін жеткіліксіздігінен туындаған лактоацидоз қаупі. Егер креатинин деңгейі ерлерде 15 мг/л (135 мкмоль/л) және әйелдерде 12 мг/л (110 мкмоль/л) асатын болса, метформинді қолдануға болмайды.

Құрамында йод бар контрасттылы заттар: диуретиктер туындатқан сусыздану жағдайында, негізінен, құрамында йод бар препараттардың жоғары дозаларын қолданған кезде жедел бүйрек жеткіліксіздігі қаупі артады. Мұндай жағдайларда йод препараттарын тағайындар алдында пациенттерге регидратация жүргізу көрсетіледі.

Карбамазепин: симптоматикалық гипонатриемия қаупіне байланысты клиникалық және зертханалық бақылау қажет.

Алкоголь, барбитураттар, есірткі заттары немесе антидепрессанттар:

ортостатикалық гипотензия күшеюі мүмкін

Хирургиялық араласым кезінде қолданылатын дәрілік препараттар

Хирургиялық араласымдар кезінде пайдаланылатын қаңқа бұлшықеттерінің деполяризацияланбайтын релаксанттарының, пренанестетиктер мен анестетиктердің әсері (мысалы, тубокурарин хлориді және галламин триэтиодиді) гидрохлортиазидпен күшеюі мүмкін; дозаны түзету ұсынылады. Мүмкіндігінше су-электролит теңгерімін бақылау және түзету керек. Хирургиялық араласымға ұшыраған пациенттерде натрий Фозикард Н - Тева және вазопрессорлық дәрілерді (мысалы, норепинефрин) сақтықпен қолдану керек. Преанестетиктер мен анестетиктерді төмендетілген дозада тағайындау керек, егер мүмкін болса, гидрохлортиазидпен емдеуді операциядан бір апта бұрын тоқтату керек.

Подаграны емдеуде қолданылатын дәрілік заттар (мысалы, пробенецид, сульфинпиразон және аллопуринол)

Несеп қышқылының шығарылуына ықпал ететін дәрілердің дозасын түзету қажет болуы мүмкін, өйткені гидрохлоротиазид сарысудағы несеп қышқылының деңгейін жоғарылатуы мүмкін. Пробенецид немесе сульфинпиразон дозасын арттыру қажет болуы мүмкін. Тиазидті бірге қабылдау аллопуринолдың аса жоғары сезімталдық реакцияларының пайда болу жиілігін арттыруы мүмкін.

Кальций тұздары

Тиазидті диуретиктер шығарылуының төмендеуіне байланысты сарысудағы кальций деңгейін жоғарылатуы мүмкін. Егер кальций қоспаларын немесе кальций сақтайтын дәрілік заттарды (мысалы, D дәруменімен жүргізілетін ем) тағайындау қажет болса, сарысудағы кальций деңгейін бақылап, кальцийдің мөлшерін тиісті түрде түзету керек.

Холестирамин және колестипол шайырлары

Бұл препараттар гидрохлоротиазидтің сіңуін төмендетуі немесе кешіктіруі мүмкін. Сондықтан сульфонамидті диуретиктерді көрсетілген препараттарды қабылдағанға дейін кемінде 1 сағат бұрын немесе 4-6 сағаттан кейін қабылдау керек.

Деполяризацияланбайтын миорелаксанттар (мысалы, тубокурарин)

Деполяризацияланбайтын миорелаксанттардың әсері гидрохлоротиазидпен күшейтілуі мүмкін.

Басқа гипотензивті дәрілер

Фозикард Н - Тева тиазидті компоненті гипертензияға қарсы басқа препараттардың, әсіресе ганглиозды немесе шеткері адреноблокаторлардың әсерін күшейте алады. Гидрохлортиазид диазоксидпен әрекеттесе алады; қандағы глюкоза деңгейін, қан сарысуындағы несеп қышқылының деңгейін және артериялық қысымды бақылау керек.

Фозиноприл / гидрохлоротиазид

Ұсынылмаған біріктірілімдер

Литий

АӨФ тежегіштерін және литий бір мезгілде қолдану қан сарысуындағы литий деңгейінің уақытша жоғарылауына және литиймен уыттануға әкелуі мүмкін. Тиазидті диуретиктермен біріктіру литийдің уыттылығын анықтау қаупін арттыруы немесе АӨФ тежегіштерін қабылдаумен байланысты бұрыннан бар литиймен уыттануды қиындатуы мүмкін. Фозиноприл мен литийді бір мезгілде қолдану ұсынылмайды, алайда егер мұндай біріктірілім қажет болса, қан сарысуындағы литий деңгейін қатаң бақылау керек.

Баклофен

Гипотензивті әсердің жоғарылауы.

Триметоприм

АӨФ тежегіштері мен тиазидтерді триметоприммен бір мезгілде қолдану гиперкалиемияның даму қаупін арттырады.

Қарастырылатын біріктірілімдер

Амифостин

Трициклді антидепрессанттар / нейролептиктер / анестетиктер

Белгілі бір анестетикалық препараттарды, трициклді антидепрессанттарды және нейролептиктерді АӨФ тежегіштерімен бір мезгілде қолдану артериялық қысымның кейіннен төмендеуіне әкелуі мүмкін.

Фозиноприл

Симптоматикалық гипотензия

Симптоматикалық гипотония сирек жағдайларда асқынбаған гипертензиясы бар пациенттерде байқалады. Фозиноприл қабылдайтын гипертониясы бар пациенттерде гипотония гиповолемиясына шалдыққан пациенттерде бұрын, мысалы, диуретиктермен емдеуден, ас тұзының шектеулерінен кейін, диарея мен құсудан кейін немесе ренинге тәуелді ауыр гипертония расталған кезде бүйрек диализін жүргізу кезінде білінеді. Симптоматикалық гипотония қатарлас бүйрек жеткіліксіздігіне шалдыққан немесе онсыз жүрек жеткіліксіздігі бар пациенттерде байқалды. Ауыр жүрек жеткіліксіздігі бар пациенттерде цикл диуретиктерінің, гипонатриемияның, бүйрек функциясының бұзылуының немесе егде жастағы пациенттердің үлкен дозаларын қолданған кезде қауіп жоғары. Симптоматикалық гипотония туындау қаупі жоғары пациенттерді емдеудің басында және дозаны түзету кезінде мұқият бақылау ұсынылады. NYHA бойынша IV сатыдағы ауыр жүрек жеткіліксіздігі бар пациенттерде 10 мг бастапқы дозасының қауіпсіздігі зерттелмеген. Бұл сондай-ақ жүректің ишемиялық ауруына немесе цереброваскулярлық ауруына шалдыққан пациенттерге қатысты, оларда қан қысымының едәуір төмендеуі миокард инфарктісіне немесе инсультқа әкелуі мүмкін.

Гипотензияның дамуы кезінде пациентті көлденең қалпына жатқызып, қажет болған жағдайда физиологиялық ерітіндіні (0,9% натрий хлориді ерітіндісі) вена ішіне енгізу керек. Уақытша гипотензиялық реакция көлемі ұлғайғаннан кейін қан қысымы жоғарылағаннан кейін проблемалары болмауы мүмкін препаратты одан әрі қолдануға қарсы көрсетілім болып табылмайды.

Қалыпты немесе төмен қан қысымы бар жүрек жеткіліксіздігі бар кейбір пациенттерде фозиноприлді қолдану арқылы артериялық жүйелік қысымның кейінгі төмендеуі орын алуы мүмкін. Бұл нәтиже күтілімді және жалпы емдеуді тоқтату үшін себеп болып табылмайды. Егер гипотензия симптоматикалық болса, онда фозиноприл дозасын азайту немесе емдеуді тоқтату қажет болуы мүмкін.

Аортальді және митральді клапанның стенозы / гипертрофиялық кардиомиопатия

Фозиноприлді, басқа АӨФ тежегіштері сияқты, митральді клапанның стенозына шалдыққан және сол жақ қарыншадан ағып шығу жолының өткізгіштігі қиындаған жағдайларда, мысалы, аортальді стеноз немесе гипертрофиялық кардиомиопатия кезінде сақтықпен қабылдау қажет.

Бүйрек функциясының бұзылуы

Бүйрек функциясының бұзылуы жағдайында натрий фозиноприлінің бастапқы дозасын түзетудің қажеті жоқ. Бұл пациенттер үшін әдеттегі медициналық тәжірибе - бұл калий мен креатинин деңгейін үнемі бақылау.

Жүрек жеткіліксіздігі бар пациенттерде АӨФ тежегіштерімен емдеуді бастағаннан кейін пайда болатын гипотензия бүйрек функциясының одан әрі нашарлауына әкелуі мүмкін. Жедел бүйрек жеткіліксіздігі, әдетте, қайтымды, осындай жағдайларда хабарланған.

Екі жақты бүйрек артериясының стенозы немесе ангиотензин-өзгертетін фермент тежегіштерімен ем алатын жалғыз бүйрек артериясының стенозына шалдыққан кейбір пациенттерде қан мочевинасы мен сарысу креатининінің жоғарылауы байқалды, емдеу тоқтатылғаннан кейін толық қалпына келтірілген әсерлер байқалды. Бұл қауіп әсіресе бүйрек жеткіліксіздігі бар пациенттер үшін жоғары. Реноваскулярлық гипертония белгілері бар болған кезде ауыр гипотония мен бүйрек жеткіліксіздігінің даму қаупі артады. Бұл пациенттерде емдеуді төмен дозалармен және дозаны абайлап титрлеу арқылы мұқият медициналық қадағалаумен бастау қажет. Диуретиктермен емдеу жоғарыда аталған жағдайларға ықпал етуі мүмкін болғандықтан, диуретиктермен емдеуді тоқтатып, фозиноприлмен алғашқы емдеу апталарында бүйрек функциясын бақылау қажет.

Гипертониямен ауыратын, алдыңғы реноваскулярлық шағымдары жоқ кейбір пациенттерде қандағы мочевина мен сарысулық креатинин жоғарылаған, олар тұтастай алғанда, атап айтқанда фозиноприлді диуретиктермен бір мезгілде қолданған кезде елеусіз және уақытша болған. Бұл қауіп бүйрек жеткіліксіздігі бар пациенттерде артады. Дозаны азайту немесе диуретиктермен және/немесе фозиноприлмен емдеуді тоқтату қажет болуы мүмкін.

Бүйрек трансплантациясы

Ауыр бүйрек жеткіліксіздігі немесе жақында бүйрек трансплантациясы бар пациенттерде Фозикард Н - Тева қолдану тәжірибесі жоқ. Бүйрек функциясының шамалы немесе орташа бұзылулары бар пациенттерде Фозикард Н - Тева қолдану тәжірибесі шектеулі, сондықтан сарысудағы калий, креатинин және несеп қышқылы деңгейін мерзімді бақылау ұсынылады. Бүйрек жеткіліксіздігі бар пациенттерде тиазидті диуретиктерді қолданумен байланысты азотемия дамуы мүмкін.

Аса жоғары сезімталдық/Квинке ісінуі

Ангиотензин-өзгертетін фермент тежегіштерімен, оның ішінде натрий фозиноприлімен ем алатын пациенттерде сирек жағдайларда беттің, аяқ-қолдың, еріннің, тілдің, дауыс саңылауының және/немесе көмейдің Квинке ісінуі туралы хабарланды. Ол емдеу кезінде кез келген уақытта дамуы мүмкін. Мұндай жағдайларда натрий фозиноприлін қолдануды дереу тоқтату, тиісті шаралар қабылдау және симптомдар толық жойылғанша пациентті мұқият бақылау қажет. Тек тілдің ісінуі жағдайында (егер тыныс алуға әсер етпесе), пациенттерді ұзақ уақыт бақылау қажет болуы мүмкін, өйткені антигистаминдермен және кортикостероидтармен емдеу жеткіліксіз болуы мүмкін.

Көмейдің немесе тілдің Квинке ісінуі салдарынан болатын өлім сирек кездеседі. Алайда, тілдің, дауыс саңылауының немесе көмейдің ісінуі бар пациенттерде, әсіресе тыныс алу жолдарының хирургиясынан кейінгі пациенттерде тыныс алу жолдары өткізгіштігінің қиындауы мүмкін. Мұндай жағдайларда шұғыл көмек көрсету қажет (ол адреналинді қолдануды және/немесе тыныс алу жолдарын ашуды қамтуы мүмкін). Пациент симптомдар толық және тұрақты жойылғанша тікелей медициналық бақылауда болуы керек.

Жасушаларда рапамицин нысанасының тежегіштерімен (mTOR) (м-ы., сиролимус, эверолимус, темзиролимус) бірге қолдану

mTOR қатар жүретін тежегіштерін (мысалы, сиролимус, эверолимус, темзиролимус) қабылдайтын пациенттерде ангионевроздық ісінудің даму қаупі жоғары (мысалы, тыныс алу бұзылыстары бар немесе онсыз тыныс алу жолдарының немесе тілдің ісінуі).

Анамнезінде АӨФ тежегішін қолданумен байланысты емес Квинке ісінуі бар пациенттерде АӨФ тежегішін қолдану кезінде Квинке ісінуінің даму қаупі жоғарылауы мүмкін.

Ішектің ангионевроздық ісінуі

АӨФ тежегіштерін қабылдау кезінде ішек шырышты қабығының ісінуі сирек байқалды. Мұндай жағдайларда пациенттер іштің ауырсынуына шағымданды (жүрек айнуы мен құсу болмауы мүмкін), кейбір жағдайларда ішек шырышты қабығының ісінуі бет ісінусіз пайда болды, C1-эстераза деңгейі қалыпты болды. Симптомдар АӨФ тежегіштерін қолдануды тоқтатқаннан кейін жоғалып кетті. АӨФ тежегіштерімен емдеу аясында абдоминальді ауырсынуға шағымдары бар пациенттерде дифференциалды диагностика кезінде ішек шырышты қабығының ісінуін ескеру керек.

Гемодиализі бар пациенттердегі анафилактоидты реакциялар

Анафилактоидты реакциялар туралы гидравликалық өткізгіштігі жоғары жарғақшалармен (мысалы, AN 69) жүргізілген гемодиализдегі және бір мезгілде АӨФ тежегіштерімен ем алатын пациенттерде хабарланды. Диализ үшін әртүрлі жарғақшаларды пайдалануға немесе осы пациенттерде әртүрлі гипертензияға қарсы препараттарды қолдануға назар аудару қажет.

Аферезис кезіндегі анафилактоидты реакциялар тығыздығы төмен липопротеидпен (ТТЛ аферезис)

АӨФ тежегішімен емдеумен бір мезгілде жоғары ағынды жарғақшаларды пайдалана отырып диализ алған пациенттерде анафилактоидты реакциялардың туындағаны туралы хабарланды. Анафилактоидты реакциялар туралы декстран сульфаты сіңірілетін тығыздығы төмен липопротеидтердің аферез емшарасын алған пациенттерде де хабарланды. Бұл реакциялардың дамуын аферездің әр процедурасы алдында АӨФ тежегішін қабылдауды уақытша тоқтату арқылы болдырмауға болады. Бұл пациенттерде диализ жарғақшасының басқа түрін немесе дәрілік препараттың басқа класын пайдалану мүмкіндігін қарастырған жөн.

Десенсибилизация кезіндегі анафилактоидты реакциялар

Жарғаққанаттылар уымен десенсибилизация кезінде АӨФ тежегіштерін қабылдаған пациенттерде (мысалы, Hymenoptera venom) тұрақты анафилактоидты реакциялар пайда болады. Мұндай пациенттерде анафилактоидты реакциялар АӨФ тежегіштерін уақытша тоқтату арқылы ескертілді және осы дәрілік затты кездейсоқ қабылдағаннан кейін қайтадан дамыды. Сондықтан АӨФ тежегіштерін қабылдайтын пациенттерде десенсибилизацияның осындай емшарасын сақтықпен жүргізген жөн.

Бауыр жеткіліксіздігі

Фозиноприл плазмасындағы жоғары концентрация бауыр функциясы бұзылған науқастарда пайда болуы мүмкін.

Сирек жағдайларда АӨФ тежегіштерін қолдану холестаздық сарғаюдан басталып, жедел бауыр некрозына айналатын синдроммен байланысты болды және (кейде) өлімге әкеледі. Бұл синдромға жауап беретін механизм белгісіз. Кейіннен сарғаю ауруымен және бауыр ферменттерінің айқын артуымен фозиноприлді алатын пациенттерге кейіннен тиісті емдеумен фозиноприл қабылдауды тоқтату қажет.

Нейтропения / агранулоцитоз

Нейтропения / агранулоцитоз, тромбоцитопения және анемия туралы АӨФ тежегіштерін қабылдайтын пациенттерде хабарланды. Сирек жағдайларда нейтропения бүйрек функциясы қалыпты пациенттерде басқа асқынуларсыз пайда болады. Нейтропения және агранулоцитоз АӨФ тежегішімен емдеуді тоқтатқаннан кейін қайтымды. Фозиноприлді қантамыр коллагенозы бар пациенттерде, иммуносупрессанттарды қабылдайтын пациенттерде, аллопуринолды немесе прокаинамидті қабылдайтын пациенттерде және бірнеше осындай асқыну факторлары бар пациенттерде, әсіресе алдыңғы бүйрек жеткіліксіздігі расталған кезде аса сақтықпен қолдану қажет. Осы пациенттердің кейбіреулерінде ауыр инфекциялық аурулар пайда болды, олар кейбір жағдайларда қарқынды антибиотикпен емделмеді. Пациенттердің осы тобында натрий фозиноприлін қолданған кезде қандағы лейкоциттер деңгейін бақылау және пациенттерге инфекциялық ауруды болжайтын кез келген симптом туралы хабарлауды ескерту ұсынылады.

Этностық факторлар

Басқа АӨФ тежегіштерін қабылдағыдай, натрий фозиноприлі негроидты пациенттер арасында қан қысымын төмендетуде басқа нәсілді пациенттерге қарағанда аз тиімді болуы мүмкін, бәлкім негроидты нәсілді пациенттерде төмен ренинді артериялық гипертонияның жоғары таралуына байланысты болар.

Жөтел

АӨФ тежегіштерін қолданғанда жөтел туралы хабарланды. Құрғақ, басылмайтын жөтел тән, ол емдеуді тоқтатқаннан кейін жоғалады. АӨФ тежегіштерін қолданудан туындаған жөтелді жөтелдің дифференциалды диагностикасына енгізу қажет.

Хирургия/Анестезия

Пациенттерде гипотонияны туындататын құралдармен ауқымды операциялық араласымнан немесе анестезиядан кейін натрий фозиноприлі рениннің компенсаторлық босап шығуында салдарлы ангиотензин II түзілуін бөгеуі мүмкін. Егер гипотензия болжалды түрде осы механизмнің нәтижесі болып табылса, оны қан көлемін ұлғайту арқылы жоюға болады.

Гиперкалиемия

АӨФ тежегіштері альдостерон өндірісінің төмендеуіне әкелетін ангиотензин II түзілуін төмендететіндіктен, сарысудағы калий деңгейінің жоғарылауы (>5,5 мг-экв / л) препараттардың бұл класы үшін күтпеген жағдай емес.

Бүйрек жеткіліксіздігі, қант диабеті, гипоальдостеронизмі бар пациенттерде немесе калий сақтайтын диуретиктерді, калий қоспаларын немесе құрамында калий бар тұз алмастырғыштарды немесе сарысудағы калий иондарының концентрациясын арттыратын басқа препараттарды қабылдайтын пациенттерде (мысалы, гепарин, ко-тримоксазол, сондай-ақ триметоприм /сульфаметоксазол деп те аталады) АӨФ тежегіштері гиперкалиемияның даму қаупін арттырады. Егер жоғарыда аталған дәрілерді бір мезгілде қабылдау қажет болса, қан сарысуындағы калийді мерзімді бақылау ұсынылады.

Қант диабеті бар пациенттер

Диабетпен ауыратын және пероральді диабетке қарсы препараттарды немесе инсулинді қабылдайтын пациенттер үшін АӨФ тежегішімен емдеудің бірінші айы ішінде мұқият гликемиялық бақылау қажет.

Жүктілік

Ангиотензин II рецепторларының антагонистерін қабылдауды жүктілік кезінде бастауға болмайды. Ангиотензин II рецепторларының антагонистерімен үздіксіз емдеу қажет деп саналатын жағдайлардан басқа, жүктілікті жоспарлаған пациенттер жүктілік кезінде қолдану үшін белгіленген қауіпсіздік бейіні бар баламалы гипотензивті емге ауыстырылуы тиіс. Жүктілік диагнозы қойылған кезде ангиотензин II рецепторларының антагонистерімен емдеуді дереу тоқтату керек және қажет болған жағдайда, баламалы емді бастау керек.

Шарананың/нәрестенің ауруы мен өлім-жітімі

Жүктілік кезінде қолданған кезде АӨФ тежегіштері дамып келе жатқан шарананың зақымдалуына және тіпті өліміне әкелуі мүмкін.

Ренин-ангиотензин-альдостерон жүйесінің (РААЖ) қосарлы блокадасы

АӨФ тежегіштерін, ангиотензин II рецепторларының блокаторларын немесе алискиренді бір мезгілде қолдану гипотонияның, гиперкалиемияның және бүйрек функциясының төмендеуі (жедел бүйрек жеткіліксіздігін қоса алғанда) қаупін арттыратыны туралы деректер бар. Сондықтан АӨФ тежегіштерін, ангиотензин II рецепторларының блокаторларын немесе алискиренді біріктіріп қолдану жолымен РААЖ қосарлы блокадасы ұсынылмайды.

Егер қосарлы блокадамен емдеу өте қажет деп саналса, бұл тек маманның бақылауымен және бүйрек функциясын, электролиттерді және АҚ үнемі қадағалап отыру керек. Диабеттік нефропатияға шалдыққан пациенттерде АӨФ тежегіштері мен ангиотензин II рецепторларының блокаторлары бірге пайдаланылмауы тиіс.

Гидрохлоротиазид

Бүйрек жеткіліксіздігі

Тиазидтер бүйрек ауруы бар пациенттерде азотемияның дамуын жеделдетуі мүмкін. Бүйрек функциясы бұзылған пациенттерде кумулятивтік әсерлер байқалуы мүмкін. Ақуызды емес азот деңгейінің жоғарылауымен сипатталатын үдемелі бүйрек жеткіліксіздігі кезінде емдеуді мұқият бағалау қажет, сондай-ақ диуретиктермен емдеуді тоқтату туралы мәселені де қарастыру керек.

Бауыр аурулары

Гидрохлортиазидті бауыр аурулары кезінде немесе бауырдың үдемелі ауруы бар науқастарда сақтықпен қолдану керек, өйткені ол бауырішілік холестазды тудыруы мүмкін, ал су-тұз теңгеріміндегі аздаған өзгерістер бауыр комасының дамуына түрткі болуы мүмкін. Гидрохлортиазид бауыр функциясының ауыр бұзылулары бар пациенттерге қарсы көрсетілген.

Метаболизмдік және эндокриндік әсерлер

Тиазидтер глюкозаға төзімділікті төмендетуі мүмкін. Диабетпен ауыратын пациенттерде инсулин немесе гипогликемиялық препараттардың дозаларын түзету қажет болуы мүмкін. Қант диабетінің жасырын түрлері тиазидтерді қолдану аясында манифесттік түрінде болуы мүмкін.

Холестерин мен триглицеридтер концентрациясының жоғарылауы тиазидті диуретиктерді қолданумен байланысты. Тиазидті диуретиктермен ем қабылдайтын кейбір пациенттерде гиперурикемия немесе айқын подагра дамуы мүмкін.

Электролит теңгерімінің бұзылуы

Диуретиктермен ем қабылдайтын кез келген пациент үшін сияқты, қан сарысуындағы электролиттердің құрамын белгілі бір аралықтар арқылы мерзімді анықтау қажет.

Тиазидті диуретиктер, оның ішінде гидрохлоротиазид, су немесе электролиттік теңгерімнің бұзылуын туындатуы мүмкін (гипокалиемия, гипонатриемия және гипохлоремиялық алкалозды қоса). Ауыз қуысының шырышты қабығының құрғауы, шөлдеу сезімі, жалпы әлсіздік, ұйқышылдық, мазасыздық сезімі, миалгия немесе балтыр бұлшықетінің құрысып тартылуы (құрысу), бұлшықет әлсіздігі, артериялық гипотензия, олигурия, тахикардия және жүрек айну немесе құсу сияқты асқазан-ішек бұзылыстары осы бұзылуларға қатысты алаңдаушылық тудыратын белгілер болып табылады.

Тиазидті диуретиктерді қолданған кезде гипокалиемия дамуы мүмкін, бірақ фозиноприлмен қатар жүретін ем диуретик туындатқан гипокалиемияны төмендетуі мүмкін. Бауыр циррозы бар пациенттерде, диурезі күшейтілген пациенттерде, электролиттерді пероральді жеткіліксіз қабылдайтын пациенттерде, сондай-ақ кортикостероидтармен немесе адренокортикотропинмен (АКТГ) қатарлас ем алатын пациенттерде гипокалиемия қаупі жоғары.

Фозикард Н - Тева препараты диуретиктерді қабылдау нәтижесінде туындаған гипонатриемияны азайтуы немесе алдын алуы мүмкін екендігі туралы деректер жоқ. Гипохлоремия әдетте шамалы және емдеуді қажет етпейді.

Тиазидті диуретиктер кальцийдің бүйрекпен шығарылуын азайтып (кальций метаболизмінің айқын бұзылулары болмаған кезде) қан сарысуындағы кальций мөлшерінің өтпелі және аздап жоғарылауын туындатуы мүмкін. Анағұрлым айқын гиперкальциемия жасырын гиперпаратиреоздың белгісі болуы мүмкін. Паратироидты бездердің функциясын бағалау алдында тиазидті диуретиктер тоқтатылуы керек.

Тиазидті диуретиктер магнийдің бүйрекпен шығарылуын арттыратыны көрсетілген, бұл гипомагниемияға әкелуі мүмкін.

Фотосезімталдық реакциясы

Тиазидті диуретиктерді қабылдау кезінде фотосезімталдық реакцияларының жағдайлары хабарланды. Егер емдеу кезінде фотосезімталдық реакциясы пайда болса, емдеуді тоқтату ұсынылады. Егер диуретикті қайта енгізу қажет деп саналса, күн сәулесінің немесе А жасанды ультракүлгін сәулеленудің әсеріне ұшыраған аймақтарды қорғау ұсынылады.

Хориоидальді жалқық, жедел миопия және қайталама жабық бұрышты глаукома

Сульфонамидтің туындысы болып табылатын гидрохлоротиазид көру аймағының тарылуымен, өтпелі миопиямен және жедел жабық бұрышты глаукомамен хориоидальді жалқыққа әкелетін идиосинкразия (жеке көтере алмаушылық) реакциясын тудыруы мүмкін. Симптомдарға көру жітілігі төмендеуінің жедел басталуы немесе көздің ауыруы жатады, бұл әдетте препаратты қабылдау басталған сәттен бастап бірнеше сағаттан бірнеше аптаға дейінгі кезеңде байқалады.

Жедел жабық бұрышты глаукоманы емдеудің болмауы қайтымсыз көрмей қалуына әкелуі мүмкін. Бастапқы емдеу гидрохлоротиазидті қабылдауды жедел тоқтатудан тұрады. Егер көзішілік қысымды қалпына келтіру мүмкін болмаса, жедел медициналық немесе хирургиялық емдеу қажет болуы мүмкін. Жедел жабық бұрышты глаукоманың даму қауіп факторларына анамнезінде сульфонамидке немесе пенициллинге аллергиялық реакциялардың болуы жатады.

Меланомалы емес тері обыры

Даниялық онкологиялық аурулардың ұлттық тізілімінің деректеріне негізделген екі эпидемиологиялық зерттеу шеңберінде гидрохлоротиазидтің анағұрлым жоғары жиынтық дозаларын қолданғаннан кейін меланомалы емес тері обыры (МЕТО) (базальді жасушалы карцинома (БШК) және жалпақ жасушалы карцинома (ЖЖК) даму қаупінің жоғарылығы байқалды.

Гидрохлоротиазидтің фотосезімталдық әсері МЕТО дамуының ықтимал тетігі ретінде әрекет етуі мүмкін.

Гидрохлоротиазид қабылдайтын пациенттерді МЕТО даму қаупі туралы, тері жабындысын жаңа ошақтардың болуына тұрақты тексеру қажеттілігі туралы және терідегі кез келген күдікті ісіктер туралы хабарламаларды дереу ұсыну туралы хабардар ету керек.

Тері қатерлі ісігінің даму қаупін азайту үшін пациенттерге күн сәулесі мен ультракүлгін сәулелердің әсерін шектеу сияқты алдын-алу шаралары туралы хабарлау керек, ал сәулелер әсер еткен жағдайда пациенттерге терінің қатерлі ісігі қаупін мейлінше азайту үшін тиісті қорғаныш ұсынылады.

Биопсиялық материалды гистологиялық зерттеуді қоса алғанда, тері жабындарының күдікті зақымдануларын қысқа мерзімде тексеру қажет.

Бұрын МЕТО бастан өткерген пациенттерде гидрохлоротиазидті қолдануды қайта қарау қажет болуы мүмкін.

Допингке қарсы тестілеу

Осы препараттаың құрамында бар гидрохлоротиазид допингке қарсы тестілеудің жалған оң нәтижесін тудыруы мүмкін.

Жалпы ақпарат

Гидрохлоротиазидке жоғары сезімталдық реакциялары аллергия немесе бронх демікпесі болмаған жағдайда да пациенттерде байқалуы мүмкін, алайда бұл аурулар болған кезде көбірек байқалады.

Тиазидті диуретиктерді, соның ішінде гидрохлоротиазидті қолданған кезде жүйелі қызыл жегінің өршуі немесе белсенділенуі туралы хабарламалар бар.

Фозиноприл/ гидрохлортиазид

Гипотензия және су-электролит теңгерімінің бұзылуы

Симптоматикалық гипотензия кейде фозиноприлдің/ гидрохлоротиазидтің бірінші дозасынан кейін пайда болуы мүмкін. Артериялық гипертензиясы бар пациенттерде диуретиктермен емдеу, тұзы төмен диета немесе диализ, сондай-ақ бір мезгілде диарея немесе құсу нәтижесінде туындауы мүмкін су-электролит теңгерімінің бұзылуы бұзылуында (гиповолемия, гипонатриемия, гипохлоремиялық алкалоз, гипомагнемия немесе гипокалиемия сияқты) гипотензияның даму қаупі жоғары. Мұндай пациенттерде қан сарысуындағы электролиттердің деңгейі белгіленген уақыт сәттерінде өлшенуі тиіс.

Емдеудің басында және дозаны түзету кезінде симптоматикалық гипотензияның туындау қаупі жоғары пациенттерді мұқият бақылау ұсынылады.

Бұл ұсынымдар жүректің ишемиялық ауруы және ми қанайналымы бұзылған пациенттерге де қатысты, оларда артериялық қысымның шамадан тыс төмендеуі миокард инфарктісіне немесе инсультқа әкелуі мүмкін.

Ауыр гипотензияның дамуы кезінде пациентті жатқызып, қажет болған жағдайда вена ішіне физиологиялық ерітінді инфузиясын жүргізу керек. Уақытша гипотензиялық реакция препаратты одан әрі қолдануға қарсы көрсетілім болып табылмайды. Қан көлемін қалпына келтіргеннен және артериялық қысымды қалпына келтіргеннен кейін емді аз дозадан жаңартуға болады немесе бір немесе екі компонентті қолданылатын ем жалғастырылуы мүмкін.

Басқа вазодилататорлар жағдайындағыдай, аорталық стенозы немесе гипертрофиялық кардиомиопатиясы бар пациенттерде фозиноприлді/гидрохлоротиазидті сақтықпен қолдану керек.

Бүйрек жеткіліксіздігі

Тиазидтер креатинин клиренсі 30 мл/мин-нен төмен пациенттерде тиімсіз (басқаша айтқанда, орташа немесе ауыр бүйрек жеткіліксіздігі бар). Фозиноприлді/гидрохлоротиазидті креатинин клиренсі бар пациенттерде 30-80 мл/мин, жекелеген компоненттердің дозасын түзету нәтижесінде біріктірілген препараттың құрамындағы дозаларды қолдану қажеттігі айқын болмайынша қолдануға болмайды.

Реноваскулярлық аурулардың айқын көріністеулері білінбеген кейбір пациенттерде фозиноприл мен диуретикті бір мезгілде қабылдаған кезде қан сарысуында мочевина мен креатинин концентрациясының орташа және транзиторлы жоғарылауы байқалды. Бұл бүйрек жеткіліксіздігіне шалдыққан пациенттерге анағұрлым тән. Егер мұндай реакциялар фозиноприлді/гидрохлоротиазидті қолдану кезінде байқалса, онда емдеуді тоқтату қажет.

Азырақ доза қолданылатын емді жалғастыруға немесе қажет болған жағдайда монотерапияға жүгінуге болады.

Гипокалиемия қаупі

АӨФ тежегіші мен калий сақтамайтын диуретиктің үйлесуі мүмкін гипокалиемияны, атап айтқанда диабетпен ауыратын немесе бүйрек функциясы бұзылған пациенттерде жоққа шығармайды. Плазмадағы калий деңгейін үнемі бақылап отыру керек.

Нейтропения / агранулоцитоз

Дозасы тіркелген фозиноприл мен гидрохлоротиазидтің біріктірілген препаратымен емдеуді бақыланатын немесе болжанатын нейтропия (нейтрофилдер 1,000/мм3-дан кем) кезінде тоқтату қажет.

Литий

Литий мен фозиноприлді/ гидрохлоротиазидті бір мезгілде қолдану ұсынылмайды.

Балаларда қолдану

Фозиноприлдің /гидрохлоротиазидтің тіркелген дозалар біріктірілімінің қауіпсіздігі мен тиімділігі балалар мен 18 жасқа дейінгі жасөспірімдерде анықталмаған.

Егде жастағы пациенттер

Клиникалық зерттеулерде фозиноприл / гидрохлортиазид қабылдаған пациенттердің 20% - ын 65 - тен 75 жасқа дейінгі адамдар құрады. Жалпы, осы пациенттер мен жас пациенттер арасында тиімділік немесе қауіпсіздік параметрлері бойынша айырмашылықтар байқалмады; дегенмен, кейбір егде жастағы пациенттердің сезімталдығын жоққа шығаруға болмайды.

Егде жастағы пациенттер метаболизмнің баяулауы салдарынан препараттың әсеріне аса сезімтал болуы мүмкін.

Қосымша зат (заттар)

Натрий

Бұл препараттың құрамында бір дозаға 1 ммольден (23 мг) аз натрий бар, яғни ол шын мәнінде «натрийсіз» болып табылады.

Лактоза

Препарат сирек тұқым қуалайтын галактоза көтере алмаушылығы, лактаза жеткіліксіздігі немесе глюкоза-галактоза сіңуінің бұзылу кінәраттары бар пациенттерге қарсы көрсетілімді.

Педиатрияда қолдану

18 жасқа дейінгі балаларда Фозикард Н-Тева препаратының қауіпсіздігі мен тиімділігі анықталмаған.

Жүктілік немесе лактация кезінде

Қатысы жоқ

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын басқару кезінде немесе бас айналудың ықтимал пайда болуына байланысты, әсіресе препараттың бастапқы дозасынан кейін, аса назар аударуды талап ететін кез келген жұмысты орындау кезінде сақ болу қажет.

Қолдану жөніндегі ұсынымдар

Дозалау режимі

Әдеттегі доза–тәулігіне 1 рет 1 таблетка.

Ішке, таңертең, тамақтану уақытына қарамастан, жеткілікті мөлшерде сұйықтық іше отырып, қабылданады. Дозаны жеке таңдау керек.

Емдеу ұзақтығын емдеуші дәрігер анықтайды.

Артық дозалану жағдайында қабылдануы қажет шаралар

Симптомдары: АҚ айқын төмендеуі, брадикардия, шок, су-электролит тепе-теңдігінің бұзылуы, жедел бүйрек жеткіліксіздігі, мелшию.

Емі: препаратты қабылдауды тоқтату керек, науқасты аяғын көтеріп, көлденең қалпында жатқызады. Артық дозаланудың жеңіл жағдайларында - асқазанды шаю, қабылдағаннан кейін 30 минут ішінде сорбенттер мен натрий сульфатын енгізу. АҚ төмендеген кезде – катехоламиндерді, ангиотензин II вена ішіне енгізу; брадикардияда-пейсмейкерді қолдану. Гемодиализ тиімсіз.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсынымдар

Дәрігердің кеңесі ұсынылады.

ДП стандартты қолдану кезінде пайда болатын жағымсыз реакциялардың сипаттамасы және бұл жағдайда қабылдануы тиіс шаралар

Өте жиі (≥10%)

- гипергликемия, глюкозурия, гиперурикемия, электролиттік теңгерімсіздік (гипонатриемияны қоса), холестерин мен триглицеридтер деңгейінің жоғарылауы

Жиі (≥1% - <10%)

- бас айналуы, бас ауыру

- тахикардия, жүрек соғуы

- гипотония, ортостатикалық гипотензия

- жөтел

- жүрек айнуы, асқазанның тітіркенуі, құсу, диарея, іш қату, панкреатит

- бөртпе, ангионевроздық ісіну, дерматит

- кеуденің ауыруы, әлсіздік

- сілтілі фосфатаза, билирубин, ЛДГ және трансаминазалар деңгейінің жоғарылауы

- креатинин, мочевина, несеп қышқылы деңгейінің қайтымды ұлғаюы

Жиі емес (≥0.1% - <1%)

- гемоглибин мен гематокрит деңгейінің қайтымды төмендеуі

- подагра, гиперкалиемия

- депрессия, сананың шатасуы

- церебральді инфаркт, парестезия, ұйқышылдық, инсульт, естен тану, дәм сезудің бұзылуы, ұйқының бұзылуы

- көрудің бұзылуы, ксантопсия

- құлақтың ауыруы, құлақтағы шуыл

- стенокардия, миокард инфарктісі және ми қанайналымының жедел бұзылуы, жүректің тоқтап қалуы, ырғақтың бұзылуы, өткізгіштіктің бұзылуы

- гипертензия, шок, өтпелі ишемия

- диспноэ, ринит, синусит, трахеобронхит

- ауыздың құрғауы, метеоризм

- гипергидроз, қышыну, есекжем, фотосезімталдық реакциялары

- миалгия

- бүйрек жеткіліксіздігі, интерстициальді нефрит, жыныстық функцияның бұзылуы

- қызба, шеткері ісіну, кенеттен болған өлім, кеуденің ауыруы

- салмақтың өсуі

- тәбеттің төмендеуі, анорексия

- респираторлық дистресс-синдром (пневмонит пен өкпе ісінуін қоса)

- бауырішілік холестаздық сарғаю

Сирек (≥0.01% - <0.1%)

- қайтымды анемия, эозинофилия, лейкопения, лимфаденопатия, нейтропения

- дисфазия, жады бұзылысы, бағдардан адасу

- ысыну, геморрагия, шеткері тамыр аурулары

- бронх түйілуі, мұрыннан қан кету, ларингит/қарлыққандық, пневмония, өкпе гиперемиясы

- ауыз қуысының ойық жарасы, панкреатит, тілдің ісінуі, ентігу, дисфагия, гепатит

- экхимоз

- артрит

- қуықасты безі функциясының бұзылуы

- аяқ-қолдағы әлсіздік

- гипонатриемия, гемоглобин деңгейінің жоғарылауы

- сиаладенит

- лейкопения, нейтропения / агранулоцитоз, тромбоцитопения, апластикалық анемия, гемолитикалық анемия, сүйек кемігі қызметінің бәсеңдеуі

- үрей, ұйқының бұзылуы, депрессия

- васкулит

- терінің жегі тәрізді реакциялары, терінің қызыл жегі реактивациясы, анафилаксиялық реакциялар, уытты эпидермальді некролиз

- бұлшықеттің түйілуі

- бүйрек функциясының бұзылуы

Өте сирек (≥0.01% - <0.1%)

- агранулоцитоз

- ангионевроздық ісіну, (ішінара) ішектің бітелуі

- бауыр жеткіліксіздігі

- жедел бүйрек жеткіліксіздігі

- терінің меланомалы емес тері обыры (базальді жасушалы карцинома және жалпақ жасушалы карцинома)

- терінің меланомалы емес тері обыры: қолда бар эпидемиологиялық зерттеулер деректері негізінде гидрохлортиазид пен МЕТО арасында дозаға тәуелді кумулятивті өзара байланыс анықталды

Жиілігі белгісіз

- жоғары қысымға байланысты көрудің төмендеуі немесе көздің ауыруы (көздің тамырлы қабығында сұйықтық жиналуының мүмкін белгілері (хориоидальді жалқық) немесе жедел жабық бұрышты глаукома)

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек(жағымсыз реакциялар бойынша ақпараттық деректер базасын көрсету)

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді заттар: 20 мг натрий фозиноприлі,

гидрохлортиазид 12,5 мг,

қосымша заттар: лактоза моногидраты, РВ-23601 пигменттік қоспасы: титанның қостотығы (Е171), лактоза моногидраты, темірдің сары тотығы (Е172), темірдің қызыл тотығы (Е172), желатинделген крахмал (крахмал 1500), натрий кроскармеллозасы, лактоза моногидраты (Таблеттоза 80), глицерин дибегенаты,

Дөңгелек пішінді, беті тегіс, ашық-қызғылт сары түсті, бір жағында «FН» деген жазуы бар, диаметрі шамамен 9 мм таблеткалар.

7 немесе 10 таблеткадан ішкі беті алюминий фольгамен жабылған поливинилхлоридті үлбірден және алюминий фольгадан жасалған перфорацияланған пішінді ұяшықты қаптамада.

7 таблеткадан 2 немесе 4 пішінді ұяшықты қаптамадан, немесе 10 таблеткадан 3 пішінді ұяшықты қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

3 жыл

Жарамдылық мерзімі өткеннен кейін қолдануға болмайды!

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Балканфарма – Дупница АД,

2600 Дупница қ., Болгария

Телефон: + (359 701) 58 477

Электронды пошта: dupoperation@actavis.bg

Актавис Групп,

Reykjavikurvegur 76-78

220 Нafnarfjordur

Исландия

Қазақстан Республикасының аумағында тұтынушылардан дәрілік заттардың сапасы жөнінде шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«ратиофарм Қазақстан» ЖШС, 050059 (А15Е2Р), Алматы қ., Әл-Фараби даңғылы, 17/1,

Нұрлы Тау БО, 5Б, 6 қабат.

Телефон: (727)3251615;

е-mail: info.tevakz@tevapharm.com;