Дистрептаза

Дәрілік түрі, дозалануы

Ректальдi суппозиторийлер

Фармакотерапиялық тобы

Қан және қан түзу ағзалары. Басқа гематологиялық препараттар. Ферменттік препараттар. Стрептокиназа, біріктірілім.

АТХ коды В06АА55

Қолданылуы

- Кіші жамбас ағзаларының қабынуын кешенді емдеуде (PID, ағылш. pelvic inflammatory disease) – аналық бездердің, фаллопий түтігінің және эндометрийдің қабыну ауруларының синдромы);

- Кіші жамбас аумағында өткізілген операциядан кейінгі жабыспа ауруының алдын алу;

- Жедел (AHD, ағылш. acute haemorrhoidal disease) және созылмалы ағымды геморрой;

- Периректальді абцесс және ауқымды қабыну инфильтраты бар жыланкөздерді кешенді емдеуде.

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- белсенді заттарға немесе кез келген қосымша затқа аса жоғары сезімталдық;

- кіші жамбас және тік ішек ағзаларына операция жасағаннан кейінгі ерте кезең;

- геморрагиялық диатез;

- жүктілік және бала емізу кезеңі;

- 18 жасқа дейінгі балалар мен жасөспірімдер;

- тілменің қабынуы немесе іріңдеу белгілерінсіз дәнекер тінінің жедел қабынуы;

- пациентте қан ұюының төмендеуі;

- препарат жаңа жарамен немесе тігіспен жанаспауы керек, өйткені бұл тігістерідің босаңсуына және нәтижесінде жарадан қанның кетуіне әкелуі мүмкін;

- препаратты қан кетуден кейін шамамен 10 күн қабылдауға болмайды, себебі бұл қайта қан кетуіне әкелуі мүмкін;

- антикоагулянттармен және құрамында кальций тұздары бар басқа дәрілік заттармен бір мезгілде қабылдау.

Қолдану кезіндегі қажетті сақтық шаралары

Қандай да болсын жағымсыз реакциялар пайда болған жағдайда препаратты әрі қарай қолдануды жалғастыру мүмкіндігі жөнінде дәрігерден міндетті түрде кеңес алыңыз!

ДИСТРЕПТАЗА препаратымен емделу кезінде дәрігердің алдын ала кеңесінсіз ешқандай басқа дәрілік заттарды (оның ішінде рецептісіз босатылатын) қабылдамаңыз. Бақылаусыз жүргізілетін ем Сіздің денсаулығыңызға нұқсан келтіруі мүмкін.

Басқа дәрілік препараттармен өзара әрекеттесуі

Қабыну ошағына антибиотиктердің және химиотерапиялық препараттардың енуін күшейтеді.

Құрамында кальций тұздары бар дәрілік заттармен, антикоагулянттармен бір мезгілде қолданбаған жөн, өйткені жергілікті қан кетулер пайда болуы мүмкін.

Арнайы ескертулер

Егер Сіз басқа дәрілік заттарды қабылдап жүрсеңіз, онда оны емдеп жүрген дәрігеріңізге міндетті түрде хабарлаңыз!

Препарат жергілікті тітіркенуді тудыруы мүмкін.

Жүктілік немесе лактация кезеңінде

Жүктілік және лактация кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Әсер етпейді

Қолдану жөніндегі нұсқаулар

Дозалау режимі

Доза қабыну процесінің қарқындылығының түріне және дәрежесіне байланысты.

Дәрігердің нұсқауы бойынша қолданыңыз.

Ересектерде ауру барысы ауыр болғанда:

алғашқы 3 күн бойы күніне 3 рет 1 суппозиторийден;

кейінгі 3 күн бойы күніне 2 рет 1 суппозиторийден;

кейінгі 3 күн бойы күніне 1 рет 1 суппозиторийден.

Ересектерде аурудың жеңіл және орташа ауырлық дәрежесінде:

3 күн бойы күніне 2 рет 1 суппозиторийден;

кейінгі 4 күн бойы күніне 1 рет 1 суппозиторийден

немесе 2 күн бойы күніне 2 рет 1 суппозиторийден.

Пациенттердің ерекше топтары

Балалар

Балалар мен жасөспірімдерде қолдану қауіпсіздігі тиісті түрде құжаттандырылмаған.

Егде жастағылар

65 жастан асқан пациенттерде дозаны өзгерту қажеттілігі туралы ақпарат жоқ.

Бауыр қызметінің бұзылуы

Дистрептаза ректалды суппозиторийлер ретінде қолданылады. Бауырда метаболизденбейді, сондықтан бауыр жеткіліксіздігі бар пациенттерде дозаны өзгерту қажет емес.

Бүйрек қызметінің бұзылуы

Бүйрек жеткіліксіздігі бар пациенттерде дозаны өзгерту қажеттілігі туралы ақпарат жоқ.

Енгізу тәсілі және жолы

Суппозиторийді блистерден шығарып алып, тік ішекке терең енгізу керек.

Емдеу ұзақтығы

Емдеу курсына орта есеппен 8 - 18 суппозиторий пайдаланылады.

Емдеу курсының орташа ұзақтығы 7 - 10 күн.

Артық дозалану жағдайында қабылдануы қажет шаралар

Симптоматикалық ем.

Дәрілік препаратты қолдану әдісін түсіндіру үшін медицина қызметкерінен кеңес алу бойынша ұсыныстар

Дәрілік препаратты қолдану әдісін түсіндіру үшін дәрігерге қаралу ұсынылады.

ДП стандартты қолдану кезінде пайда болатын жағымсыз реакциялардың сипаттамасы және осы жағдайда қабылдануы керек шаралар

Сирек

- жергілікті аллергиялық реакциялар;

- дене температурасының жоғарылауы;

- жергілікті ауырсыну және енгізу орнындағы ісіну;

- қан кетуге бейімділік.

Жағымсыз дәрілік реакциялар туындаған жағдайда медицина қызметкеріне, фармацевтика қызметкеріне немесе тікелей, дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) жөніндегі ақпараттық мәліметтер базасына хабарласу керек

Қазақстан Республикасы Денсаулық сақтау министрлігінің Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препараттың құрамы

Бір суппозиторийдің құрамында

белсенді заттар: стрептокиназа 13 500 – 16 500 ХБ, стрептодорназа 1 250 – 20 000 ХБ,

қосымша заттар: қатты май, парафин майы.

Сыртқы түрінің, исінің, дәмінің сипаттамасы

Пішіні конус тәрізді немесе ұшы сүйір торпедаға ұқсас, механикалық зақымдары жоқ, ақтан крем түске дейінгі суппозиторийлер.

Шығарылу түрі және қаптамасы

6 немесе 5 суппозиторийден сыйымдылығы 2,1 мл ұяшықтары бар поливинилхлоридті үлбірден және полиэтиленнен (ПВХ/ПЭ) жасалған пішінді ұяшықты қаптамаға салынған.

Пішінді ұяшықты 1 (№6 өлшеп-орау үшін) немесе 2 (№10 өлшеп-орау үшін) қаптамадан медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

Сақтау мерзімі

3 жыл.

Жарамдылық мерзімі өткеннен кейін қолдануға болмайды!

Сақтау шарттары

2o С-ден 8o С-ге дейінгі температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Дәріханалардан босатылу шарттары

Рецепт арқылы.

Өндіруші туралы мәліметтер

«БИОМЕД-ЛЮБЛИН» Вытвурня Суровиц и Щепёнэк Спулка Акцыйна

Университет к-сі 10, 20-029 Люблин, Польша

Тел./факс + 48 81 533-82-21

+ 48 81 533-80-60

E-mail: biomed@biomedlublin.com

Тіркеу куәлігінің ұстаушысы

«БИОМЕД-ЛЮБЛИН» Вытвурня Суровиц и Щепёнэк Спулка Акцыйна

Университетская к-сі 10, 20-029 Люблин, Польша

Тел./факс + 48 81 533-82-21

+ 48 81 533-80-60

E-mail: biomed@biomedlublin.com

Қазақстан Республикасы аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды поштасы)

«Альпен Фарма» ЖШС, Қазақстан Республикасы,

Алматы обл., Қарасай ауданы, Елтай ауылдық округы, Көкөзек а. 1044 құрылысы, индекс 040114

Тел./факс + 7 727 232-34-73, + 7 727 232-34-74

E-mail: info.kazakhstan@alpenpharma.com

Ұялы тел.+7 701 035 70 69 дәрілік заттың тіркеуден кейінгі қауіпсіздігін қадағалауға жауапты тұлға.

E-mail: pv.kz@alpenpharma.com