Диабетон

Диабетон® MR

Гликлазид

Модификацияланып босап шығатын таблеткалар, 30 мг

Ас қорыту жүйесі және зат алмасу. Қант диабетін емдеуге арналған дәрілер. Ішке қабылдауға арналған гипогликемиялық препараттар. Сульфонилмочевина туындылары. Гликлазид.

АТХ коды А10ВВ09

2 типті қант диабетінде диетамен емдеу, дене жүктемелері және дене салмағын төмендету тиімділігі жеткіліксіз болғанда.

Қолдануды бастағанға дейін қажетті мәліметтер тізбесі

- гликлазидке, сульфонилмочевинаның басқа туындыларына, сульфаниламидтерге немесе препарат құрамына кіретін қосымша заттарға жоғары сезімталдық,

- 1 типті қант диабеті;

- диабеттік кетоацидоз, диабеттік прекома, диабеттік кома;

- ауыр бүйрек немесе бауыр жеткіліксіздігі (бұл жағдайларда инсулинді қолдану ұсынылады);

- миконазол қабылдау;

- жүктілік және емшекпен емізу кезеңі;

- 18 жасқа дейінгі балалар.

Қолданған кездегі қажетті сақтандыру шаралары

Диабетке қарсы басқа препараттармен біріктіріп қолдану

Диабетон® MR 30 мг бигуанидтермен, альфа-глюкозидаза тежегіштерімен немесе инсулинмен бірге тағайындалуы мүмкін. Инсулинді бір мезгілде қабылдау дәрігердің қатаң қадағалауымен басталуы тиіс.

Егде жастағы пациенттер (65 жастан асқан)

Препарат 65 жасқа толмаған пациенттердегідей дозада тағайындалады.

Бүйрек жеткіліксіздігі бар пациенттер

Бүйрек функциясының жеңіл немесе орташа бұзылулары бар пациенттерге препарат әдеттегі дозаларында тағайындалады.

Гипогликемияның даму қаупі бар пациенттер

- Гипогликемияның даму қаупі тобына жататын пациенттерде (гипопитуитаризм, гипотиреоз, адренокортикотропты гормонның жеткіліксіздігі);

- ауыр немесе нашар компенсацияланатын эндокриндік бұзылыстар – гипофиздік және бүйрек үсті бездерінің жеткіліксіздігі, гипотиреоз;

- оларды ұзақ уақыт қабылдаудан және/немесе жоғары дозаларда қабылдаудан кейін глюкокортикостероидтарды (ГКС) тоқтату;

- жүрек-қантамыр жүйесінің ауыр аурулары-жүректің ауыр ишемиялық ауруы, күретамыр артерияларының ауыр атеросклерозы, кең таралған атеросклероз, диффузиялық қантамыр аурулары).

Диабетон MR препаратының ең аз дозасын (30 мг) қолдану ұсынылады.

Гипогликемия даму қаупін арттыруға ықпал ететін препараттар мен заттар:

Қарсы көрсетілімді біріктірілімдер:

Миконазолмен (жүйелі түрде енгізгенде және гельді ауыз қуысының шырышты қабығында пайдаланғанда)гликлазидтің гипогликемиялық әсерін күшейтеді (гипогликемияның кома күйіне дейін дамуы мүмкін).

Ұсынылмайтын біріктірілімдер:

Фенилбутазонмен (жүйелі енгізу): сульфонилмочевина туындыларының гипогликемиялық әсерін күшейтеді (оларды плазма ақуыздарымен байланыстан ығыстырады және/немесе олардың организмнен шығарылуын баяулатады).

Қабынуға қарсы басқа препаратты пайдаланған дұрыс. Егер фенилбутазон қабылдау қажет болса, пациентке гликемиялық бақылау қажеттілігі ескертілуі тиіс. Фенилбутазон қабылдау кезінде және ол аяқталған соң, қажет болса, Диабетон® MR препаратының дозасын түзету керек.

Алкогольмен: компенсаторлық реакцияларды тежеумен гипогликемияны күшейтеді, гипогликемиялық команың дамуына ықпал етуі мүмкін. Құрамына этанол кіретін дәрілік заттар қабылдаудан және алкоголь тұтынудан бас тарту қажет.

Сақтықты талап ететін біріктірілімдер:

Гликлазидті кейбір дәрілік заттармен біріктіріп қабылдау: басқа гипогликемиялық дәрілер (инсулин, акарбоза, метформин, тиазолидинидиондар, дипептидилпептидаза-4 тежегіштері, ГПП-1 агонистері); бета-адреноблокаторлар, флуконазол; ангиотензин өзгертетін фермент тежегіштері – каптоприл, эналаприл; Н2-гистамин рецепторларының блокаторлары; моноаминоксидаза ингибиторлары; (сульфаниламидтермен; кларитромицинмен және қабынуға қарсы стероидты емес препараттармен) гипогликемиялық әсердің күшеюімен және гипогликемия қаупімен қатар жүреді.

Қандағы глюкозаның жоғарылауына ықпал ететін дәрілер: Ұсынылмайтын үйлесімдер:

Даназолмен: диабетогенді әсері бар.Егер осы препаратты қабылдау қажет болған жағдайда пациент қанындағы глюкозаны мұқият бақылау ұсынылады. Препараттарды бірге қабылдау қажет болса, даназол қабылдау кезінде де, оны тоқтатудан кейін де гипогликемиялық дәрі дозасын таңдау ұсынылады.

Сақтануды талап ететін біріктірілімдер:

Хлорпромазинмен (нейролептик):

Глюкокортикоидтармен (жүйелі және жергілікті қолдану: тетракозактид: кетоацидоздың даму мүмкіндігімен қан глюкозасының концентрациясын арттырады (көмірсуларға төзімділіктің төмендеуі). Әсіресе, емнің басында мұқият гликемиялық бақылау ұсынылады. Препараттарды бірге қабылдау қажет болса, ГКС қабылдау кезінде де, оларды тоқтатудан кейін де гипогликемиялық дәрі дозасын түзету қажет болуы мүмкін.

Ритодрин, сальбутамол, тербуталинмен (вена ішіне енгізу):

бета-2 адреномиметиктер қандағы глюкоза концентрациясының жоғарылауына ықпал етеді.

Өздігінен гликемиялық бақылау маңыздылығына ерекше көңіл бөлу қажет. Қажет болса,  пациентті инсулинмен емге көшіру ұсынылады.

Шайқурай препараттарымен (Hypericum perforatum): шайқурай (Hypericum perforatum) гликлазид концентрациясын төмендетеді. Қажет болса, қандағы глюкоза деңгейін бақылап отыру ұсынылады.

Қандағы глюкоза деңгейінің қалыптан ауытқуына әкелетін препараттар:

Сақтануды талап ететін біріктірілімдер:

Фторхинолонмен: Фторхинолондармен Диабетон® MR 30 мг бір мезгілде қолданғанда пациентті қандағы глюкоза деңгейінің қалыптан ауытқу мүмкіндігі туралы ескерткен жөн және қандағы глюкоза деңгейін бақылау ұсынылады.

Ескерілуі керек үйлесімдер:

Антикоагулянттар (мысалы, варфарин): сульфонилмочевина туындылары бірге қабылдағанда антикоагулянттар әсерін күшейтуі мүмкін. Антикоагулянт дозасын түзету қажет болуы мүмкін.

Гипогликемия

Препаратты тамақтануы жүйелі және таңғы ас ішуді қамтитын пациенттерге ғана тағайындауға болады. Көмірсулардың тамақпен жеткілікті түсуін қадағалау өте маңызды, өйткені гипогликемияның даму қаупі жүйесіз немесе жеткіліксіз тамақтану кезінде, сондай-ақ көмірсулары тапшы тағам тұтынғанда арта түседі. Гипогликемия калориясы төмен диетада, ұзаққа созылатын немесе энергия жұмсайтын дене жаттығуларынан кейін, алкоголь тұтынудан соң немесе бірнеше гипогликемиялық дәрілік заттарды бір мезгілде қабылдағанда жиірек дамиды. Сульфонилмочевина туындыларын, оның ішінде гликлазидті қабылдаған кезде гипогликемия дамуы мүмкін, кейбір жағдайларда ауруханаға жатқызуды және бірнеше күн ішінде декстроза ерітіндісін вена ішіне енгізуді талап ететін ауыр және ұзақ түрде дамуы мүмкін. Гипогликемияның дамуын болдырмау үшін препараттарды және дозалау режимін әркімге жеке мұқият таңдау, сондай-ақ пациентке жүргізілетін ем жөнінде толық ақпарат беру қажет.

Келесі жағдайларда гипогликемияның жоғары даму қаупі білінуі мүмкін:

- пациенттің (әсіресе, егде жастағы) дәрігер тағайындауларын қадағалаудан және өз жай-күйін бақылаудан бас тартуы немесе оған қабілетсіз болуы;

- жеткіліксіз және жүйесіз тамақтану, тамақтану уақыттарын өткізіп алу, ашығу және рацион өзгерту;

- дене жүктемесі мен қабылданатын көмірсу мөлшері арасындағы теңгерімсіздік;

- бүйрек жеткіліксіздігі;

- бауырдың ауыр жеткіліксіздігі;

- Диабетон® MR препаратының артық дозалануы;

- кейбір эндокриндік бұзылыстар: қалқанша без аурулары, гипофиздік және бүйрек үсті бездері жеткіліксіздігі;

- кейбір дәрілік заттарды бір мезгілде қабылдау.

Бүйрек және бауыр жеткіліксіздігі

Бауыр және/немесе ауыр бүйрек жеткіліксіздігі бар пациенттерде гликлазидтің фармакокинетикалық және/немесе фармакодинамикалық қасиеттері өзгеруі мүмкін. Осындай пациенттерде дамитын гипогликемия жағдайы мейлінше ұзаққа созылуы мүмкін, ондай жағдайларда дереу тиісінше ем жүргізу қажет.

Пациенттерге арналған ақпарат

Пациентті, сондай-ақ оның отбасы мүшелерін гипогликемияның даму қаупінен, оның симптомдарынан және оның дамуына ықпал ететін жағдайлардан хабарландыру қажет. Пациентке ұсынылатын емнің ықтимал қаупі мен артықшылықтары туралы хабарлау қажет.

Пациентке диетаны ұстанудың маңыздылығын, жүйелі дене жаттығуларының және қан глюкозасы концентрациясын бақылаудың қажеттілігін түсіндіруі керек.

Гликемиялық бақылаудың жеткіліксіздігі

Диабетке қарсы ем қабылдайтын науқастың қандағы глюкоза концентрациясын бақылау тиімділігі мынадай факторлардың әсерінен төмендеуі мүмкін: гиперикум препараттарын (Hypericum perforatum) қабылдау, жоғары температура, жарақат, инфекция немесе хирургиялық араласу. Жекелей жағдайларда инсулин енгізу қажет болуы мүмкін. Диабетке қарсы кез келген ішуге арналған дәрінің, соның ішінде гликлазидтің гипогликемиялық тиімділігі көптеген науқастарда уақыт өте азаяды: бұл диабеттің үдеу себебінен немесе препаратқа реакцияның әлсіреуінен болуы мүмкін. Бұл құбылыс, емнің алғашқы желісінде препаратты қолданудың ең басында-ақ оның бастапқы болмауынан ерекшелігі, ем әсерінің екінші қайтара болмауы ретінде белгілі. Екінші қайтара әсерінің болмауы туралы қорытындыны тек дозаны талапқа сай түзетуден кейін және науқас тамақтану режимін қадағалағанда ғана жасауға болады.

Қандағы глюкоза деңгейінің қалып шегінен ауытқуы

Фторхинолондар қабылдайтын диабетпен ауратын науқастарда, әсіресе, егде жастағы пациенттерде қандағы глюкоза деңгейінің қалып шегінен ауытқуы, соның ішінде гипогликемия және гипергликемия білінді. Диабетон® мr 30 мг және фторхинолондар тобының препаратын бір мезгілде қабылдайтын барлық пациенттерге қандағы глюкоза деңгейін мұқият бақылау ұсынылады.

Зертханалық тестілер

Гликемиялық бақылауды бағалау үшін ашқарында қандағы глюкозаның және гликозилденген гемоглобиннің концентрациясын жүйелі анықтау ұсынылады. Бұдан бөлек, қан глюкозасының концентрациясын бақылауды өздігінен жүргізу мақсатқа сай келеді.

Сульфонилмочевина туындылары глюкоза-6-фосфатдегидрогеназа тапшылығы бар пациенттерде гемолиздік анемияны туындатуы мүмкін. Гликлазид сульфонилмочевина туындысы екендіктен, оны глюкоза-6-фосфатдегидрогеназа тапшылығы бар пациенттерге тағайындағанда сақ болу қажет. Осы топтың гипогликемиялық препаратын тағайындау мүмкіндігін бағалау керек.

Порфириясы бар пациенттер

Порфириясы бар пациенттерде кейбір басқа сульфонилмочевина препараттарын қабылдау кезінде жедел порфирия жағдайлары байқалды.

Педиатрияда қолдану

Балалар мен жасөспірімдерде Диабетон® MR 30 мг препаратының тиімділігі мен қауіпсіздігі белгіленбеген. Деректер жоқ.

Жүктілік немесе лактация кезінде

Жүктілік

Жүкті әйелдерде гликлазидті қолдану туралы деректер шектеулі немесе жоқ (жүктіліктің 300 нәтижесінен аз), дегенмен сульфонилмочевина тобының басқа препараттары бойынша кейбір деректер бар.

Сақтық мақсатында жүктілік кезінде гликлазидті қолданудан аулақ болған жөн.

Компенсацияланбаған қант диабетімен байланысты туа біткен ауытқулардың қаупін азайту үшін бала бітуден бұрын қант диабетін бақылауға қол жеткізу керек.

Пероральді гипогликемиялық препараттар қолданылмайды, жүктілік кезіндегі қант диабетін емдеудің бірінші бағыттағы препараты инсулин болып табылады. Пероральді гипогликемиялық терапиядан инсулинге ауысу бала біткенге дейін немесе жүктілік фактісі расталғаннан кейін бірден ұсынылады.

Емшек емізу

Гликлазид пен оның метаболиттері сүтке бөлінетіні әлі белгісіз. Жаңа туған нәрестеде гипогликемия қаупін ескере отырып, бұл препаратты емшек емізген кезде қолдануға болмайды. Жаңа туған нәрестелер мен емшек еметін балаларда қауіпті жоққа шығаруға болмайды.

Препараттың көлік құралын немесе қауіптілігі зор механизмдерді басқару қабілетіне  әсер ету ерекшеліктері

Диабетон® МR 30 мг препаратының автокөлік жүргізу және машина жабдығын пайдалану қабілетіне әсері жоқ немесе шамалы. Автокөлікті немесе басқа механизмдерді басқару кезінде, әсіресе емнің басында сақтық таныту керек.

Қолдану бойынша ұсыныстар

Дозалау режимі

Тәуліктік доза 1-ден 4 таблеткаға дейін өзгеруі мүмкін, яғни 30-дан 120 мг-ға дейін, оны таңғы ас кезінде күніне бір рет ішу керек.

Басқа гипогликемиялық дәрілік заттарға қатысы сияқты, препарат дозасын әрбір жағдайда HbA1с және қан глюкозасының концентрациясына қарай әркімге жеке таңдау қажет.

Бастапқы доза

Бастапқы ұсынылатын доза - тәулігіне 30 мг.

Талапқа сай бақылау жағдайында препаратты осы дозада демеуші емге пайдалануға болады. Гликемиялық бақылаудың жеткіліксіздігі кезінде препараттың тәуліктік дозасын 60, 90 немесе 120 мг дейін бірізді арттыруға болады.

Дозаны ертерек тағайындалған дозада препаратпен 1 ай емделген соң барып арттыруға болады. Қан глюкозасының концентрациясы 2 апта емделуден соң төмендемеген пациенттер бұған қосылмайды. Ондай жағдайларда препарат дозасын қабылдау басталған соң 2 апта өткенде арттыруға болады.

Препараттың ең жоғары ұсынылатын тәуліктік дозасы тәулігіне 120 мг құрайды.

Енгізу әдісі мен жолы

Таблетканы немесе таблетканың жартысын шайнамай немесе ұсақтамай жұту ұсынылады.

Артық дозаланған жағдайда қабылдануы тиіс шаралар

Сульфонилмочевина туындыларымен артық дозаланғанда гипогликемия дамуы мүмкін. Сананың бұзылуынсыз немесе неврологиялық симптомдарсыз гипогликемияның орташа симптомдары туындағанда ас ішумен көмірсуларды көп қабылдау, препарат дозасын азайту және/немесе диетаны өзгерту керек. Оның денсаулығына ештеңе қатер төндірмейтініне сенімді болатын сәтке дейін науқастың жай-күйін жіті медициналық қадағалау жалғасуы тиіс. Кома, құрысулар немесе басқа неврологиялық бұзылулармен қатар жүретін ауыр гипогликемиялық жай-күйлер дамуы мүмкін. Ондай симптомдар білінгенде жедел медициналық жәрдем көрсету және дереу ауруханаға жатқызу қажет. Гипогликемиялық кома немесе оған күдік туындаған жағдайда науқасқа 50 мл 20-30 % декстроза (глюкоза) ерітіндісі вена ішіне сорғалатып енгізіледі. Артынан қандағы 1 г/л-ден жоғары  глюкоза концентрациясын демеу үшін 10 % декстроза ерітіндісін вена ішіне тамшылатып енгізеді Қан глюкозасы деңгейін мұқият қадағалап, науқастың жай-күйіне қарай емдеуші дәрігер әріқарай қадағалау қажеттілігі мәселесін шешеді. Диализ гликлазидтің плазма ақуыздарымен айқын байланысуына орай тиімсіз.

Дәрілік препараттың бір немесе бірнеше дозасын өткізіп алған кезде қажетті шаралар

Препараттың бір немесе одан да көп қабылдауларын өткізіп алған кезде келесі қабылдауда неғұрлым жоғары дозаны қабылдауға болмайды, өткізіп алған дозаны келесі күні қабылдау керек.

Дәрілік препаратты қолдану тәсілін түсіндіру үшін медициналық қызметкерге кеңес алуға жүгіну бойынша ұсынымдар

Қажет болған жағдайда кеңес алу үшін медициналық қызметкерге жүгінуге болады.

Гликлазидті қолдану кезіндегі ең жиі жағымсыз реакция - гипогликемия.

Сульфонилмочевина тобының басқа препараттары сияқты Диабетон® MR препараты тұрақты емес тамақтану жағдайында, әсіресе, егер тамақ қабылданбаған жағдайда гипогликемияны тудыруы мүмкін. Гипогликемияның мүмкін симптомдары: бас ауыруы, қатты аштық сезімі, жүрек айну, құсу, қатты шаршау, ұйқының бұзылуы, ашуланшақтық, қозу, зейін қоюдың төмендеуі, кешіктірілген реакция, депрессия, сананың шатасуы, көру мен сөйлеудің бұзылуы, афазия, тремор, парез, өзін-өзі бақылауды жоғалту, дәрменсіздік сезімі, қабылдаудың бұзылуы, бас айналу, әлсіздік, сандырақ, құрысулар, үстірт тыныс алу, брадикардия, ұйқышылдық, команың мүмкін дамуымен сананың жоғалуы, тіпті өлімге дейін.

Сондай-ақ, андренергиялық реакциялар байқалуы мүмкін: қатты терлеу, «жабысқақ» тері, мазасыздық, тахикардия, қан қысымының жоғарылауы, жүрек соғысы, аритмия және стенокардия.

Гипогликемия симптомдары, әдетте, көмірсулар (қант) қабылдаумен басылады. Қант алмастырғыштар қабылдау тиімсіз. Басқа сульфонилмочевина туындылары арасында сәтті басып тастаудан кейін де гипогликемия қайталанулары білінді.

Ауыр немесе ұзаққа созылатын гипогликемияда, тіпті көмірсулар қабылдау әсері болғанның өзінде ауруханаға жатқызу мүмкіндігімен шұғыл медициналық жәрдем көрсетілген.

Басқа жағымсыз әсерлер

- Асқазан-ішек жолы тарапынан: іштің ауыруы, жүрек айнуы, құсу, диспепсия, диарея, іш қату. Таңғы ас кезінде препарат қабылдау осы симптомдарды болдырмауға немесе оларды азайта түсуге мүмкіндік береді.

Келесі жағымсыз әсерлер сирек білінеді:

- Тері және тері асты шелі тарапынан: бөртпе, қышыну, есекжем, Квинке ісінуі, эритема, макуло-папулездік бөртпелер, буллездік реакциялар (Стивенс-Джонсон синдромы, уытты эпидермалық некролиз және аутоиммундық буллездік бұзылулар сияқты) және ерекше жағдайларда эозинофилиямен және жүйелі көріністермен дәрілік бөртпе (DRESS-синдром).

- Қан түзу ағзалары және лимфа жүйесі тарапынан: гематологиялық бұзылулар (анемия, лейкопения, тромбоцитопения, гранулоцитопения) сирек дамиды. Бұл құбылыстар, әдетте, емді тоқтатқан жағдайда қайтымды.

- Бауыр және өт шығару жолдары тарапынан: «бауыр» ферменттері (аспартатаминотрансфераза (АСТ), аланинаминотрансфераза (АЛТ), сілтілік фосфатаза) белсенділігінің жоғарылауы, гепатит (жеке жағдайлар). Холестаздық сарғаю білінгенде емді тоқтату қажет.

Бұл құбылыстар әдетте терапияны тоқтатқан жағдайда қайтымды болады.

- Көру ағзасы тарапынан: қан глюкозасы концентрациясының өзгеруінен туындаған өтпелі көру бұзылыстары, әсіресе емнің басында пайда болуы мүмкін.

- Сульфонилмочевина туындыларына тән жағымсыз әсерлер: сульфонилмочевинаның басқа туындыларын қабылдау аясында келесі жағымсыз әсерлер байқалды: эритроцитопения, агранулоцитоз, гемолитикалық анемия, панцитопения, аллергиялық васкулит, гипонатриемия. «Бауыр» ферменттері белсенділігінің жоғарылауы, бауыр функциясының бұзылуы (мысалы, холестаз және сарғаю дамуымен) және гепатит; көріністер сульфонилмочевина препараттарын тоқтатудан кейін уақыт өте келе азайған, бірақ жекелеген жағдайларда өмірге қатерлі бауыр жеткіліксіздігіне әкелген.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - гликлазид, 30 мг,

қосымша заттар: кальций гидрофосфат дигидраты, гипромеллоза 100 сП, гипромеллоза 4000 сП, магний стеараты, мальтодекстрин, коллоидты сусыз кремнийдің қостотығы.

Ұзынша пішінді, бір жағында ойылған «DIA 30» әріптері және екінші жағында белгісі бар ақ түсті таблеткалар

30 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

2 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

30С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Les Laboratoires Servier Industrie

(Ле Лаборатуар Сервье Индастри)

905, route de Saran, 45520 Gidy Франция

Les Laboratoires Servier

(Ле Лаборатуар Сервье)

50, rue Carnot

92284 Suresnes cedex France (Франция)

Тел: +33 (0)1 55 72 60 00

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Сервье Казахстан» ЖШС

050020, Алматы қ., Достық даңғылы, 310 «г», «Достық» бизнес орталығы, 3 қабат

Тел.: (727) 386 76 62/63/64/70/71

Факс: (727) 386 76 67

Электронды пошта: kazadinfo@servier.com