Бромокриптин

Бромокриптин-Рихтер

Бромокриптин

Таблеткалар, 2,5 мг

Несеп-жыныс жүйесі және жыныс гормондары. Гинекологиялық ауруларды емдеуге арналған басқа да препараттар. Пролактин секрециясының тешегіштері. Бромокриптин.

АТХ коды G02CB01

Бромокриптин-Рихтер ересектер мен 15 жастан асқан жасөспірімдерде келесі көрсетілімдер бойынша қолдануға арналған:

- медициналық көрсетілімдер бойынша лактацияны бәсеңдетуде

- гиперпролактинемияда

- етеккір циклінің бұзылуында, әйел бедеулігінде

- Паркинсон ауруында

Бромокриптин-Рихтер ересектер мен 7 жастан асқан балаларда келесі көрсетілімдер бойынша қолдануға арналған:

- пролактиномаларда

- акромегалияда

Қолданудың басталуына дейінгі қажетті мәліметтер тізбесі

-  әсер етуші затқа басқа қастауыш алкалоидтарына немесе қосымша заттардың кез келгеніне аса жоғары сезімталдық

- бақыланбайтын гипертензия, жүктілік кезіндегі гипертониялық бұзылулар (эклампсияны, преэклампсияны немесе жүктілік туындатқан гипертензияны қоса алғанда), босанғаннан кейінгі гипертензия және босанғаннан кейінгі кезеңдегі гипертония

- тұқым қуалайтын галактоза жақпаушылығы, толық лактаза жеткіліксіздігі немесе глюкоза-галактоза мальабсорбциясы

- анамнезінде жүректің ишемиялық ауруының немесе жүрек-қантамырдың басқа да ауыр патологиясының немесе ауыр психикалық бұзылулар симптомдарының/оқиғасының болуы, лактацияны басу үшін немесе өмірге қауіп төндірмейтін басқа да көрсетілімдер бойынша

- эхокардиография деректері бойынша ұзақ уақыт қолданғанда емдеу басталғанға дейін жүректің қақпақшалы аппараты патологиясының белгілері

Макролидті антибиотиктермен, мысалы, эритромицинмен немесе джозамицинмен бірге қолданғанда қан плазмасындағы бромокриптиннің концентрациясы жоғарылайды.

Акромегалиясы бар пациенттерде октреотид пен бромокриптинді бір мезгілде қолдану қан плазмасындағы бромокриптин концентрациясының жоғарылауымен қатар байқалады.

Орталық дофаминдік рецепторларды стимуляциялаумен байланысты бромокриптиннің емдік әсері дофаминдік рецепторлардың антагонистерін, мысалы, нейролептиктерді (фенотиазиндерді, бутирофенондарды және тиоксантиндерді), сондай-ақ метоклопрамид пен домперидонды қолданған кезде төмендеуі мүмкін.

Симпатомиметиктер, мысалы, фенилпропаноламин, изометептен, уыттылық қаупін арттырады.

Бромокриптинді қастауыш алкалоидтарымен бір мезгілде қолдануға болмайды.

Бромокриптин бір мезгілде СҮР3А4 изоферментінің субстраты да, тежегіші де болып табылады. Сондықтан бромокриптинді CYP3A4 изоферментінің күшті тежегіштермен және/немесе субстраттарымен (азол тобының зеңге қарсы препараттарымен, АИТВ протеаза тежегіштерімен) бір мезгілде қолданған кезде сақ болу керек.

Алкоголь бромокриптинге жағымдылықты төмендетуі мүмкін.

Арнайы сақтандырулар

Етеккіралдылық синдромды және сүт бездерінің қатерсіз жаңа түзілімдерін емдеуде бромокриптиннің тиімділігі туралы дәлелдер жеткіліксіз. Демек, осындай патологиясы бар пациенттерде Бромокриптин-Рихтер препаратын қолдану ұсынылмайды.

Егер бромокриптин гиперпролактинемиямен байланысы жоқ жай-күйдегі әйелдерге тағайындалса, препаратты симптомдарды жеңілдету үшін қажетті ең аз тиімді дозада қабылдау керек. Ондай сақтық шарасы қан плазмасындағы пролактин мөлшерінің қалыптан төмен деңгейге дейін, содан кейін сары дене функциясының бұзылуымен қатар ықтимал болатын тежелуін болдырмау үшін қажет.

Асқазан-ішек жолына әсері

Асқазан-ішек жолынан қан кетудің және асқазан ойықжарасының бірнеше жағдайлары туралы хабарламалар алынды. Ондай жағдайларда бромокриптинді тоқтату керек. Асқазанның және он екі елі ішектің ойықжаралы ауруының белгілері бар немесе анамнезінде ұқсас ауруы бар пациенттерге емдеу кезінде мұқият мониторинг қажет.

Босанғаннан кейінгі кезеңдегі әйелдер

Босанғаннан кейінгі кезеңде лактацияны бәсеңдету үшін бромокриптин қабылдаған әйелдерде елеулі жағымсыз құбылыстар, оның ішінде артериялық гипертензия, миокард инфарктісі, құрысулар, инсульт немесе психикалық бұзылулар сирек тіркелді. Жекелеген пациенттерде құрысулардың немесе инсульттің дамуына бастың қатты ауыруы және/немесе көрудің өткінші бұзылуы себеп болған. Артериялық қысымды мұқият бақылау керек, негізінен препаратты қабылдаудың алғашқы күндерінде. Артериялық гипертензия, жүрек ауруын көрсететін кеуденің ауыруы, басттың ауыр, үдемелі немесе үздіксіз ауыруы (көру қабілетінің бұзылуымен немесе онсыз) немесе орталық жүйке жүйесінің уытты зақымдану белгілері пайда болған жағдайда бромокриптинмен емдеуді тоқтатып, пациентті дереу тексеру керек.

Қатарлас ем алатын немесе таяуда артериялық қысымды өзгерте алатын препараттарды қабылдаған пациенттерге ерекше назар аудару қажет, мысалы, симпатомиметиктер немесе эргометрин немесе метилэргометринді қоса алғанда, қастауыш алколоидтары сияқты қантамырларды тарылтатын препараттар. Бромокриптин мен осы препараттар арасындағы өзара әрекеттесудің айқын дәлелдерінің болмауына қарамастан, оларды босанғаннан кейінгі кезеңде бір мезгілде қолдану ұсынылмайды.

Пролактин-секрециялайтын аденомалар

Гипофиздің макроаденомалары бар пациенттерде гипофиз тінінің қысылуына немесе бұзылуына байланысты қатарлас гипопитуитаризм байқалуы мүмкін болғандықтан, гипофиздің функциялық жай-күйіне толық бағалау жүргізу және бромокриптин тағайындалғанға дейін талапқа сай алмастыру емін тағайындау қажет. Бүйрекүстібез функциясының салдарлық жеткіліксіздігі бар пациенттерде кортикостероидтармен алмастыру емін тағайындау міндетті болып табылады.

Гипофиздің макроаденомалары бар пациенттерде ісік өлшемінің өзгеруін мұқият бақылау керек және ісіктің өсу белгілері болған кезде хирургиялық операцияларды жасау орындылығын қарастырған жөн.

Егер аденомасы бар паиентте бромокриптин қабылдағаннан кейін жүктілік дамыса, пациентті мұқият бақылау міндетті болып табылады. Пролактин секрециялайтын аденомалар жүктілік кезінде өлшемі үлкеюі мүмкін. Ондай пациенттерде бромокриптинмен емдеу көбінесе ісік өлшемінің кішіреюіне және тарылған көру өрісінің тез қалпына келуіне әкеледі. Ауыр жағдайларда көру немесе бассүйек-мидың басқа жүйкелерінің қысылуы гипофизге шұғыл хирургиялық операция жасауды талап етуі мүмкін.

Көру өрістерінің бұзылуы макропролактиноманың белгілі асқынуы болып табылады. Бромокриптинмен тиімді емдеу ісік өлшемінің кішіреюін және гиперпролактинемияның айқындылығын, көбінесе көру қабілетінің бұзылуын туындатады. Дегенмен, кейбір пациенттерде пролактин деңгейінің қалыпқа келуіне және ісік өлшемінің кішіреюіне қарамастан, көру өрісінің салдарлық нашарлауы дамуы мүмкін, бұл төмен қарай жартылай бос түрік ершігіне тартылатын көру жүйкелері айқасуының тартып созылуының нәтижесі болуы мүмкін.

Бұл жағдайларда пролактин деңгейінің біршама жоғарылауына және ісіктің қайталап үлкеюіне қарамастан, көру өрісінің ақауы азайтылған дозада бромокриптинді қабылдау аясында төмендеуі мүмкін. Осылайша, жарықтың пайда болуына және бромокриптиннің дозасын жекелей таңдауға байланысты көру өрістерінің салдарлық жойылуын ерте анықтау үшін макропролактиномасы бар пациенттерде көру өрістерін мониторингілеу ұсынылады.

Бромокриптинмен ем алған пролактин-секрециялайтын аденомалары бар кейбір пациенттерде ми-жұлын сұйықтығының ринореясы байқалған. Қолда бар деректер бұл құбылыс ісік өлшемінің инвазиялық өсуімен қатар кішіреюі нәтижесінде пайда болуы мүмкін екенін көрсетеді.

Паркинсон ауруы

Бромокриптин қабылдаған пациенттерде плевра қуысындағы және перикард қуысындағы жалқықтың жекеленген жағдайлары, сондай-ақ плевра мен өкпе фиброзы және констриктивті перикардит туралы хабарланды. Беймәлім плевропульмональдық бұзылыстары бар пациенттерді мұқият тексеріп, қажет болған жағдайда бромокриптинмен емдеуді тоқтату керек.

Бромокриптин қабылдаған бірнеше пациенттерде, әсіресе жоғары дозаларда немесе ұзақ уақыт бойы ретроперитонеальдіқ фиброздың дамығаны туралы хабарланды. Ретроперитонеальдік фиброзды ерте қайтымды кезеңде уақтылы тану үшін пациенттердің осы санатында оның көріністерін (арқаның ауырыу, аяқ-қолдың ісінуі, бүйрек функциясының бұзылуы сияқты) қадағалау ұсынылады.

Бромокриптинді ішперде артындағы кеңістіктегі диагностикаланатын немесе күмәнді фиброзданатын өзгерістер болғанда тоқтату керек.

Кенеттен ұйықтап қалу эпизодтары

Әсіресе емдеудің алғашқы бірнеше күнінде зейін қоюдың төмендеуіне әкелетін гипотензиялық реакциялар байқалуы мүмкін болғандықтан, көлік құралын жүргізу және механизмдермен жұмыс істеу кезінде аса сақ болу керек.

Бромокриптинді қолдану ұйқышылдықпен және кенеттен ұйықтап қалу эпизодтарымен бірге, әсіресе Паркинсон ауруы бар пациенттерде байқалуы мүмкін. Күндізгі белсенділік кезінде, кейбір жағдайларда қандай да бір алдын ала белгілерсіз немесе ескертуші белгілерсіз кенеттен ұйықтап кету туралы өте сирек хабарланған. Пациенттер ондай құбылыстың болу ықтималдылығы туралы хабардар етілуі және бромокриптинмен емдеу кезінде көлік құралдарын жүргізуден немесе механизмдермен жұмыс істеуден бас тарту қажеттілігі туралы хабардар етілуі тиіс.

Ұйқышылдық және/немесе кенеттен ұйықтап қалу көріністері байқалған пациенттер көлік құралдарын жүргізуден немесе механизмдермен жұмыс істеуден бас тартуы тиіс. Бұдан басқа дозаны төмендету немесе емді тоқтату дұрыстығы туралы қарастырылуы керек.

Құштарлықтарды бақылау бұзылысы

Пациенттерді олардағы құштарлықтарды бақылау бұзылысы дамуына ұдайы қадағалау керек. Пациенттер және оларға күтім жасаушы адамдар дофамин агонистерімен (оның ішінде Бромокриптин-Рихтер препараты) ем қабылдайтын пациенттерде құмар ойындарына патологиялық әуестік, жыныстық құштарлықтың жоғарылығы, аса жоғары сексуалдылық, патологиялық ысырапшылдық немесе сатып алуға құмарлық, ұдайы тамақтануды қажетсіну және бақыланбайтын тойып жеуді қоса, құштарлықтарды бақылау бұзылысының мінез-құлықтық симптомдары даму мүмкіндігі туралы хабардар болуы тиіс. Осыған ұқсас симптомдар дамыған жағдайда дозаны төмендету/біртіндеп емді тоқтату дұрыстығы туралы қарастырылуы керек.

Балалар мен жасөспірімдерде қолдану (7-ден 17 жасқа дейін)

Балаларда бромокриптинді қолданудың қауіпсіздігі мен тиімділігі тек пролактинома мен акромегалия үшін — 7 жастан асқан пациенттерде анықталды. 7 жасқа дейінгі балаларда бромокриптинді қолдану жөніндегі деректер бірікпеген. Алайда, жағымсыз құбылыстар туралы тіркеуден кейінгі хабарламаларды қоса алғанда, басқа клиникалық деректерге сәйкес ересектер мен жасөспірімдер немесе балалар арасында препаратты көтеруде айырмашылық анықталған жоқ. Бромокриптин қабылдаған балаларда жағымсыз реакциялар бейінінде айырмашылықтардың болмауына қарамастан, балаларда жоғары сезімталдық ықтималдылығын жоққа шығаруға болмайды, сондықтан ондай пациенттерде дозаны титрлеу керек.

Егде жастағы пациенттер

Бромокриптиннің клиникалық зерттеулері егде жастағы және одан жоғары жастағы пациенттер арасында жауапта айырмашылықтардың бар-жоғын анықтау үшін 65 жастан асқан пациенттердің жеткіліксіз санын қамтыды. Алайда, жағымсыз құбылыстар туралы тіркеуден кейінгі хабарламаларды қоса алғанда, басқа клиникалық деректерге сәйкес егде жастағы пациенттерде 65 жасқа дейінгі пациенттермен салыстырғанда жауапта немесе көтерімділікте айырмашылық анықталған жоқ.

Бромокриптин қабылдаған егде пациенттерде жағымсыз құбылыстардың тиімділігі мен бейінінде айырмашылықтардың болмауына қарамастан, кейбір егде пациенттерде жоғары сезімталдық ықтималдылығын жоққа шығаруға болмайды. Жалпы, егде жастағы пациенттер үшін дозаны таңдауда ең төменгі дозалардан бастап сақтықпен қарау керек, өйткені бұл популяцияда бауыр, бүйрек немесе жүрек функциясының бұзылуы, қатарлас аурулар немесе қатарлас препараттарды қабылдау жиілігі жоғары.

Бауыр функциясының жеткіліксіздігі бар пациенттер

Бауыр функциясы бұзылған пациенттерде препараттың шығарылу жылдамдығы баяулауы мүмкін, ал оның қан плазмасындағы деңгейі жоғарылауы мүмкін, бұл препараттың дозасын түзетуді талап етеді.

Қосымша заттар

Бромокриптин-Рихтер таблеткаларының құрамында лактоза моногидраты бар. Бұл препаратты галактоза жақпаушылығы, толық лактазалық жеткіліксіздік немесе глюкоза-галактоза мальабсорбциясы синдромы сияқты сирек тұқым қуалайтын аурулары бар пациенттерге қабылдауға болмайды.

Жүктілік немесе лактация кезінде

Жүктілік

Жүктілікті жоспарлап жүрген пациенттерде бромокриптин, барлық басқа препараттар сияқты, жүктілік расталған кезде тоқтатылуы керек. Медициналық көрсетілімдер бойынша емдеу жалғастырылуы мүмкін. Жүктілікті растағаннан кейін бромокриптинді тоқтатқан кезде жүктіліктің мерзімінен бұрын үзілу жиілігінің жоғарылауы байқалмады. Клиникалық практика жүктілік кезінде бромокриптинді қолдану жүктіліктің ағымы мен нәтижесіне теріс әсер етпейтінін көрсетті.

Гипофиздің аденомасы бар жүкті пациенттерде препаратты тоқтатқаннан кейін жүктіліктің барлық кезеңінде пациенттердің жағдайын мұқият бақылау керек. Пролактинома өлшемінің күрт өсу симптомдары пайда болған жағдайда, мысалы, бас ауыру немесе көру өрісінің бұзылуы, бромокриптинмен емдеуді жалғастыру немесе хирургиялық операция жасау ықтмалдылығы туралы мәселені шешу керек.

Бала емізу

Бромокриптин лактацияны тежейтіндіктен, оны емізетін әйелдерге тағайындамау керек.

Фертильділік

Бромокриптинмен емдеу кезінде репродукциялық функцияны қалпына келтіруге болады, жүктілікті жоспарламайтын бала туу жасындағы әйелдерге контрацепцияның сенімді әдісін қолдану ұсынылады.

Дәрілік заттың көлік құралдарын және қауіптілігі зор механизмдерді басқару қабілетіне әсер ету ерекшеліктері

Әсіресе емдеудің алғашқы күндерінде зейін қоюдың төмендеуіне әкелетін гипотензиялық реакциялар байқалуы мүмкін. Сондықтан көлік құралдарын басқару және механизмдермен жұмыс істеу кезінде ерекше сақ болу керек.

Ұйқышылдықты және/немесе кенеттен ұйықтап кету эпизодтарын дамытатын бромокриптинді қабылдаған пациенттер көлік құралдарын басқарудан бас тартуы керек және зейін қою төмендеген кезде күрделі жарақат немесе өлім қаупін тудыруы мүмкін іспен (мысалы, механизмдермен жұмыс), ондай эпизодтар мен ұйқышылдық өткенге дейін айналыспау керек.

Дозалау режимі

Ең жоғары тәуліктік доза тәулігіне 30 мг аспауы тиіс.

Ересектер

Бромокриптинмен емдеу бірқатар гетерогенді аурулар кезінде пайдаланылады, сондықтан ұсынылған қабылдау режимдері ерекшеленеді. Көптеген көрсетілімдерде, соңғы дозаға қарамастан, ең аз жағымсыз әсерлері болғанда оңтайлы жауапқа әдетте бромокриптин дозасын біртіндеп арттыру арқылы қол жеткізіледі.

Келесі сызба ұсынылады:

Бастапқы доза — ұйықтар алдында таблетканың жартысы (1,25 мг), 2-3 күннен кейін дозаны ұйықтар алдында 2,5 мг дейін арттыру керек. Содан кейін дозаны тәулігіне екі рет 2,5 мг ең жоғары дозаға жеткенге дейін 2-3 күн аралықпен таблетканың жартысына немесе тұтас таблеткаға (1,25 мг – 2,5 мг) арттыруға болады. Қажет болса,  дозаны әрі қарай арттыру осы сызба бойынша жүргізуге болады

Лактацияның алдын алу

Босану күнінде 2,5 мг дозада, содан кейін 14 күн бойы тәулігіне 2 рет 2,5 мг-ден. Осы көрсетілім бойынша тағайындаған кезде бромокриптин дозасын біртіндеп арттыру талап етілмейді.

Лактацияны тоқтату

Бірінші күні 2,5 мг дозада, 2–3 күннен кейін 14 күн ішінде тәулігіне екі рет 2,5 мг дейін дозаны арттырады. Осы көрсетілім бойынша тағайындаған кезде бромокриптин дозасын біртіндеп арттыру талап етілмейді.

Гипогонадизм/галакторея синдромы/ бедеулік

Бромокриптиннің дозасын ұсынылған сызбаға сәйкес біртіндеп арттырады.

Гиперпролактинемиясы бар пациенттердің көпшілігінде препаратты тәулігіне 7,5 мг дозада (бөлек дозаларда) қолданудан талапқа сай әсерге қол жеткізіледі, алайда тәулігіне 30 мг дейінгі дозалар да қолданылуы мүмкін. Қан сарысуындағы пролактин деңгейі жоғарыламаған бедеулігі бар пациенттерде әдеттегі доза тәулігіне екі рет 2,5 мг құрайды.

Пролактиномалар

Бромокриптиннің дозасын ұсынылған сызбаға сәйкес біртіндеп арттырады. Содан кейін дозаны келесі сызба бойынша қабылдау арқылы 2-3 күн аралықпен тәулігіне 2,5 мг-ге арттыруға болады: 2,5 мг — әрбір 8 сағат сайын, 2,5 мг — әрбір 6 сағат сайын, 5 мг — әрбір 6 сағат сайын.

Акромегалия

Бромокриптиннің дозасын ұсынылған сызбаға сәйкес біртіндеп арттырады. Содан кейін дозаны келесі сызба бойынша қабылдау арқылы 2-3 күн аралықпен тәулігіне 2,5- ке арттыруға болады: 2,5 мг — әрбір 8 сағат сайын, 2,5 мг — әрбір 6 сағат сайын, 5 мг — әрбір 6 сағат сайын.

Паркинсон ауруы

Бромокриптинмен емдеуді біртіндеп келесі сызба бойынша бастау керек:

- 1-апта: ұйықтар алдында 1,25 мг.

- 2-апта: ұйықтар алдында 2,5 мг.

- 3-апта: тәулігіне екі рет 2,5 мг.

- 4-апта: тәулігіне үш рет 2,5 мг.

Содан кейін препаратты пациенттің жауабына байланысты әрбір 3–14 күн сайын 2,5 мг-ге дозаны арттыра отырып, тәулігіне үш рет қабылдау керек. Дозаны арттыруды оңтайлы дозаға жеткенге дейін жалғастыру керек. Әдетте оңтайлы доза тәулігіне 10-нан 30 мг - ға дейінді құрайды. Егер пациент леводопаны қабылдаған болса, леводопаның дозасын біртіндеп азайтуға болады, ал бромокриптиннің дозасын оңтайлы тепе-теңдікке жеткенге дейін арттыруға болады.

Енгізу әдісі мен жолы

Ішке қабылдауға арналған. Бромокриптин-Рихтер таблеткаларын әрдайым тамақтану кезінде қабылдау керек. Таблетканы тең дозаларға бөлуге болады.

Бромокриптин-Рихтер препаратын дәрігер тағайындағандай ұзақ қабылдау керек. Бәлкім, бұл препаратты ұзақ уақыт қабылдауға тура келеді.

Симптомдары: артық дозаланудың симптомдары: жүрек айну, құсу, бас айналу, артериялық қысымның төмендеуі, ортостатикалық гипотензия, тахикардия, ұйқышылдық, ступор және елестеулер.

Емі: артық дозаланған жағдайда белсендірілген көмірді қолдану ұсынылады. Егер препарат таяуда ішке қабылданса, асқазанды шаю керек. Жедел интоксикация кезінде симптоматикалық емдеу жүргізіледі. Құсу немесе елестеулерді емдеу үшін метоклопрамид тағайындалуы мүмкін.

Дәрілік препараттың бір немесе бірнеше дозасын өткізіп алу кезіндегі қажетті шаралар

Егер дозаны қабылдауды өткізіп алсаңыз, онда келесі дозаның уақыты келмесе, есіңізге түскен бойда қабылдаңыз. Содан кейін препаратты бұрынғыдай қабылдауды жалғастыру керек. Өткізіп алған дозаны толықтыру үшін еселенген дозаны қабылдауға болмайды.

Тоқтату синдромы қаупінің болуына көрсетілімдер

Препаратты күрт тоқтату жағдайында қатерлі нейролептикалық синдромға ұқсайтын синдром пайда болуы мүмкін (бұлшықеттердің қаттылығы немесе тартуы, жүректің жиі соғуы, психикалық жағдайдың өзгеруі, зейін қоюдың төмендеуі, тершеңдік және қызба).

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Егер препаратты қолдану әдісіне қатысты күмән туындаса, емдеуші дәрігермен кеңесіңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- бас ауыру, ұйқылы жай-күй/қалғып кету, бас айналу

- мұрынның бітелуі

- жүрек айнуы, іш қату, құсу

Жиі емес

- сананың шатасуы, психомоторлық қозу, елестеулер

- дискинезия

- гипотензия, ортостатикалық гипотензия (естен тануға әкелетіні өте сирек)

- ауыздың құрғауы

- терінің аллергиялық реакциясы, шаштың түсуі

- аяқ бұлшықеттерінің құрысуы

- аса шаршағыштық

Сирек

- ұйқысыздық, психоздық бұзылыс

- ұйқышылдық, парестезия

- көру қабілетінің бұзылуы, бұлыңғыр көру

- құлақтың шуылдауы

- перикард қуысында жалқықтың болуы, констриктивті перикардит, тахикардия, брадикардия, аритмия

- плевра жалқығы, плевра фиброзы, өкпе фиброзы, плеврит, ентігу

- ретроперитонеальдік фиброз, асқазан-ішектен қан кетулер, асқазан мен ішек қабырғаларының ойықжаралы зақымдануы, іштің ауыруы, диарея

- шеткергі ісінулер

Өте сирек

- гиперсексуалдылық, жыныстық құштарлықтың жоғарылауы, құмар ойындарға патологиялық құмарлық, компульсивтік ысырапшылдық немесе сатып алу, бақыланбайтын тойып жеу, компульсивтік қомағайлық

- күндізгі уақытта артық ұйқышылдық, кенеттен ұйықтап кету

- жүрек қақпақшаларының зақымдануы (регургитацияны қоса алғанда) және осыған байланысты бұзылулар (перикардит және перикардиялық жалқық), жүрек қақпақшалары жармасының фиброзы

- Аяқ-қол саусақтарының суықтан туындаған қайтымды бозаруы (әсіресе анамнезінде Рейно синдромы бар пациенттерде)

- препаратты күрт тоқтатқан жағдайында қатерлі нейролептикалық синдромға ұқсайтын синдромның пайда болуы

Босанғаннан кейінгі кезеңде физиологиялық лактацияны басу мақсатында бромокриптинді қолдану артериялық гипертензияның, миокард инфарктісінің, құрысулардың, инсульттің немесе психикалық бұзылыстардың сирек жағдайларымен астасқан.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді зат: 2,5 мг бромокриптин (2,87 мг бромокриптин мезилаты түрінде)

қосымша заттар: сусыз коллоидты кремнийдің қостотығы, магний стеараты, тальк, повидон, микрокристалды целлюлоза, жүгері крахмалы, лактоза моногидраты.

Дөңгелек пішінді, жалпақ беткейлі, бір жағында сызығы және басқа жағында «2.5» деген өрнегі бар, диаметрі 7 мм-ге жуық ақ дерлік түсті таблеткалар.

Қоңыр түсті шыны құтыларда 30 таблеткадан.

1 құтыдан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынады.

3 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, жарықтан қорғалған жерде 25 °C-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Гедеон Рихтер» ААҚ,

1103 Будапешт, Дёмрёи к-сі, 19-21, Венгрия

«Гедеон Рихтер» ААҚ,

Венгрия, Н-1103 Будапешт, Дёмрёи к-сі, 19-21

Тел: +361-431-4000, +361-431-4782, +361-431-4985

Факс: + 361-431-5944

E-mail: RA.CISRichter@richter.hu

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Гедеон Рихтер» ААҚ ҚР өкілдігі, Алматы қ., Төле Би к-сі, 187

E-mail: info@richter.kz; pv@richtergedeon.kz (фармакологиялық қадағалау)

Телефон: 8-(7272)-58-26-22, 8-(7272)-58-26-23, 8-701-787-47-01