Бензилбензоат

Бензилбензоат Гриндекс

Бензилбензоат

Сыртқа қолдануға арналған жақпамай, 200 мг/г

Паразитке қарсы препараттар, инсектицидтер және репелленттер. Эктопаразиттерді жоюға арналған препараттар (оның ішінде қышыма тудыратын кенелерді) инсектицидтерді және репелленттерді. Эктопаразиттерді жоюға арналған препараттар (оның ішінде қышыма тудыратын кенелер). Эктопаразиттерді жоюға арналған басқа препараттар (оның ішінде қышыма тудыратын кенелер). Бензилбензоат.

АТХ коды P03AХ01

Қышыма.

Қолданудың басталуына дейінгі қажетті мәліметтер тізбесі

-әсер етуші затқа немесе қандай да бір қосымша затқа аса жоғары сезімталдық

- жүктілік, лактация кезеңі

- 18 жасқа дейінгі жасөспірімдер және балалар 

Қолдану кезіндегі қажетті сақтық шаралары

Емді бастамас бұрын науқасқа терінің беткейінен кенелерді механикалық алып тастау үшін, сондай-ақ эпидермистің беткі қабатын жұмсарту үшін (препараттың енуін жеңілдету үшін) ыстық душ қабылдаған дұрыс. Әр мәжбүрлі қол жуудан кейін қайта өңдеу қажет. Бір ошақта анықталған науқастарды, сондай-ақ қайта жұқтыруды болдырмау үшін байланыста болған адамдарды емдеу бір мезгілде жүргізілуі тиіс. Емдеуден кейін қышынудың сақталуы арнайы емнің қосымша курсын тағайындау үшін көрсетілім болып табылмайды. Қышыну бұл қырылған кене мен ағзаның тіршілік әрекеті өнімдеріне дененің реакциясы болып табылады және антигистамин препараттары мен глюкокортикостероидтары бар жақпамайды тағайындау кезінде жоғалады. Емнен кейін 2 апта бойы дәрігерлік бақылау қажет, ал асқынулар бар болса және ұзақ уақыт.

Зақымданған терімен түйіскен барлық заттар мұқият өңдеуге ұшырауы тиіс. Төсек-орын жабдығы, іш киім, сүлгілер жуатын ұнтақ ерітіндісінде 5-10 минут бойы қайнатылады. Сырт киімді екі жағынан ыстық үтікпен үтіктейді. Термиялық өңдеуге жатпайтын заттарды ашық ауаға 3 күнге іліп қояды. Аяқ киім, ойыншықтар және өзге де заттар 5 күн бойы пайдаланудан шығарылады және целлофан пакетке салынады. Матрастар, жастықтар, көрпелер де 5 күнге пайдаланудан шығарылады немесе камералық дезинфекцияға ұшырайды. Жұмсақ жиһазды дезинсекциялауға арналған препараттармен өңдеуге болады. Пәтерде тазалау, жуу құралдарымен немесе дезинфекциялық заттарды қоса отырып едендерді жуу қажет. Жақпамайдың көзге, мұрынға, ауыз қуысына түсуіне жол бермеу керек.

Препарат түскен кезде:

- ауыз қуысына: ауыз қуысын мол сумен немесе натрий гидрокарбонатының 2% жылы ерітіндісімен (ас содасы) шайыңыз;

- асқазанға: асқазанды натрий гидрокарбонатының 1-2% ерітіндісімен, күйдірілген магнезия және белсендірілген көмірдің су қоспасымен жуады(бір стакан суға 1-2 ас қасық);

- мұрынға: жеткілікті сумен шайыңыз;

- көзге: сумен немесе натрий гидрокарбонатының ерітіндісімен жақсылап шайыңыз.

Басқа препараттармен фармакологиялық өзара әрекеттесуі анықталған жоқ, алайда барлық паразитке қарсы дәрілер сияқты бензилбензоатты басқа сыртқа қолдануға арналған дәрілермен бір мезгілде қолдану ұсынылмайды.

Жақпамай құрамында бронопол, метилпарагидроксибензоат және пропилпарагидроксибензоат бар. Бронопол терінің жергілікті реакциясын тудыруы мүмкін (мысалы, жанаспалы дерматит). Метилпарагидроксибензоат және пропилпарагидроксибензоат аллергиялық реакциялар (сонымен қатар баяулаған типті) тудыруы мүмкін.

Жүктілік немесе лактация кезінде

Жүктілік және бала емізу кезінде жақпамайды қолдануға болмайды.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралын немесе қауіптілігі зор механизмдерді басқару қабілетіне әсер етпейді.

Қолдану бойынша ұсынымдар

Дозалау режимі

Қышыманы емдеу кезінде жақпамайды тәулігіне 1 рет жуынғаннан кейін бет пен бастың шашты бөлігін қоспағанда, тері жабынына түнге қарай жағады. Жақпамай қолмен жағылады, қолды таңға дейін жумайды (қолды жуған жағдайда жақпамаймен қайта өңдеу керек). 4-ші күні жақпамайды қайталап жағады. 5-ші күні жуыну, іш киімді және төсек-орынды ауыстыру тағайындалады. Бір жағуға 30-40 г жақпамай, емдеу курсына – 60-80 г жақпамай кетеді.

Енгізу әдісі мен жолы

Сыртқа қолдануға арналған.

Артық дозалану жағдайында қабылдануы қажетті шаралар

Симптомдары: жақпамайды кездейсоқ жұтып немесе оны өте көп мөлшерде жағып қойған кезде орталық жүйке жүйесінің стимуляциясы (құрысулар) және несеп шығару кідірісі болуы мүмкін.

Емі – симптоматикалық. Теріні жақпамайдан тазарту керек, оны жұтып қойған жағдайда белсендірілген көмірді пайдалана отырып, асқазанды шаю қажет. Қажет болған жағдайда құрысуға қарсы дәрілер қолданылады.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Дәрілік препаратты қолдану бойынша сұрақтар болған кезде емдеуші дәрігермен немесе фармацевтика қызметкерімен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Белгісіз (қолда бар деректер негізінде бағалау мүмкін емес)

- аллергиялық реакциялар (терінің тітіркенуі, күйдіру сезімі)

- жанаспалы дерматит

Жақпамайды теріге жаққанда бірнеше минуттан кейін басылатын шымылдату сезімін тудыруы мүмкін.  Егер оның беткейі зақымданған болса немесе жақпамай гениталий аймағына тиіп кетсе, тері сезімталдығы күшейе түседі. Егер шымылдату сезімі басылмаса, терідегі жақпамайды сүртіп тастау керек.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 г жақпамай құрамында

белсенді зат – 200 мг бензилбензоат,

қосымша заттар: полисорбат-80, карбомер, натрий гидроксиді, метилпарагидроксибензоат, пропилпарагидроксибензоат, бронопол, тазартылған су.

Өзіне тән иісі бар, ақ немесе ақ дерлік түсі жақпамай.

30 г препараттан ішкі беткейі лакпен жабылған, мойнында қорғаныш алюминий жарғақшасы және пластмассадан жасалған бұрандалы бушонда жарғақша тесетін конус тәрізді құрылғысы бар алюминий сықпаға салынады.

Сықпа медициналық қолдану жөніндегі мемлекеттік және орыс тіліндегі нұсқаулықпен бірге қораптық картоннан жасалған қорапшаға салынады.

2,5 жыл

Жарамдылық мерзімі өткеннен кейін қолдануға болмайды!

25 С-ден аспайтын температурада сақтау керек.

Мұздатып қатыруға болмайды!

Балалардың қолы жетпейтін жерде сақтау керек!

Рецептісіз

Таллин фармацевтикалық зауыты АҚ.

Тонди 33, 11316 Таллинн, Эстония

Тел.: +372 612 0201

Электронды пошта: farma@tft.ee

«Гриндекс» АҚ.

Крустпилс к-сі, 53, Рига, LV-1057, Латвия

Тел.: +371 67083205

Факс: +371 67083505

Электронды пошта: grindeks@grindeks.lv

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Гриндекс» АҚ өкілдігі

ҚР, 050010, Алматы қаласы, Медеу ауданы, Достық даңғылы, №34/1 үй, 1 пәтер.

Телефон нөмірі : +7 (727) 291-88-77

Электронды пошта: office@grindeks.kz