Аскорил

АСКОРИЛ ЭКСПЕКТОРАНТ ҚАНТСЫЗ

Жоқ

Ішуге арналған ерітінді, 2 мг + 50 мг + 1 мг / 5 мл, 100 мл, 200 мл.

Респираторлық жүйе. Жөтел және суық тию ауруларында қолданылатын препараттар. Экспекторанттар, жөтелді бәсеңдететін біріктірілімді қоспағанда.

АТХ коды R05С

Бромгексин гидрохлоридінің, гвайфенезиннің және сальбутамол сульфатының тіркелген дозалары бар біріктірілген қақырық түсіретін препарат әртүрлі респираторлық аурулармен байланысты қақырықты жөтелді симптоматикалық емдеу үшін көрсетілген, ол басқалармен қатар мыналарды қамтиды:

•жедел бронхит, оның ішінде трахеобронхит;

•респираторлы вирустардан туындаған жедел бронхит;

•қосымша нақтылаусыз (ҚН) созылмалы бронхит;

•өкпенің созылмалы обструктивті ауруы (ӨСОА);

•астмалық бронхит;

•пневмония.

Қолдануды бастағанға дейін қажетті мәліметтер тізбесі

•препараттың компоненттеріне жоғары сезімталдық;

•жүктілік, емшек емізу кезеңі;

•тахиаритмия, миокардит;

•жүрек ақаулары (оның ішінде аорталық стеноз);

•декомпенсацияланған қант диабеті;

•тиреотоксикоз;

•глаукома;

•бауыр және/немесе бүйрек жеткіліксіздігі;

•асқыну сатысындағы асқазан мен 12 елі ішектің ойық жарасы;

•асқазаннан қан кету;

•2 жасқа дейінгі балалар.

Бромгексин

Асқазанның ойық жара ауруы бар пациенттерде сақтықпен қолдану керек.

Пациенттерге шырыш секрециясының ықтимал күшеюі туралы ескерту қажет.

Стивенс-Джонсон синдромы және уытты эпидермальді некролиз (УЭН) сияқты терінің ауыр зақымдануының бірлі-жарым жағдайлары, атап айтқанда бромгексин гидрохлоридін қабылдаумен уақыт бойынша байланысы болғаны туралы ғана хабарланды. Олардың көпшілігін негізгі аурудың ауырлығымен және/немесе қатар жүретін препараттарды қолданумен түсіндіруге болады. Сонымен қатар, ерте кезеңде Стивенс-Джонсон синдромы немесе УЭН қызба, сырқырап ауыру, ринит, жөтел және тамақтың ауыруы сияқты спецификалық емес тұмауға ұқсас продромальді симптомдарды көрсетуі мүмкін. Осы спецификалық емес тұмауға ұқсас продромальді симптомдармен байланысты диагностикалық қателіктер жөтел мен суық тиюге қарсы препараттармен симптоматикалық емдеуді тағайындауға әкелуі мүмкін. Сондықтан теріге немесе шырышты қабықтарға зақым келген жағдайда дереу медициналық көмекке жүгініп, сақтық шарасы ретінде бромгексин гидрохлоридін қабылдауды тоқтату керек.

Гвайфенезин

Жөтелді басатын препараттармен немесе суыққа қарсы біріктірілген препараттармен бір мезгілде қолдануға болмайды.

Гвайфенезин несепті қызғылт түске бояйды.

Шамадан тыс қолданған кезде гвайфенезин бүйрек тастарының пайда болуына әкелуі мүмкін.

Гвайфенезинді қабылдағаннан кейін 24 сағат ішінде несеп жиналған жағдайда оның метаболиті несептің түсін өзгерте алады және 5 гидроксииндол сірке қышқылы (5 ГИСҚ) және ванилилминдаль қышқылы (ВМК) зертханалық түрде анықталуы мүмкін.

Сальбутамол

Бронходилататорларды бронх демікпесінің ауыр немесе тұрақсыз ағымы бар пациенттерді емдеу кезінде жалғыз немесе негізгі дәрілік зат ретінде қолдануға болмайды. Ауыр бронх демікпесі кезінде өкпенің функциясын анықтауды қоса алғанда, жағдайды тұрақты бағалауды жүргізу қажет, өйткені пациенттерде ауыр ұстамалар және тіпті өлім қаупі бар. Мұндай пациенттердің емдеуші дәрігерлеріне оларға пероральді глюкокортикостероидтарды және/немесе ингаляциялық глюкокортикостероидтардың ең жоғары ұсынылған дозасын тағайындау туралы мәселені шешу керек.

Егер емдеу тиімсіз болса, пациенттер медициналық көмекке жүгінуі керек.

Дозаны немесе қолдану жиілігін дәрігердің ұсынысы бойынша ғана арттыру керек.

Сальбутамолды қабылдаған пациенттер симптомдарды жеңілдету үшін қысқа әсер ететін бронходилататорларды да қабылдауы мүмкін.

Бронх демікпесінің симптомдарын жеңілдету үшін бронходилататорларды, әсіресе қысқа әсер ететін ингаляциялық бета2 агонистерін қолдану қажеттілігінің артуы ауруды бақылаудың нашарлағанын көрсетеді. Егер қысқа әсер ететін бронходилататорлармен емдеу тиімділігі аз болса немесе әдеттегіден көп ингаляция қажет болса, пациенттерге медициналық көмекке жүгіну туралы нұсқаулар берілуі керек.

Осындай жағдайда пациенттердің жағдайына қайта бағалау жүргізу және қабынуға қарсы емнің күшейтілген курсын (мысалы, ингаляциялық глюкокортикостероидтардың одан жоғары дозаларын немесе пероральді глюкокортикостероидтармен емдеу курсын) жүргізу қажеттілігі туралы мәселені шешу керек. Бронх демікпесінің ауыр асқынуын емдеу жалпы тәртіппен жүргізілуі керек.

Пациенттерге ұстаманы әдеттегі тоқтату кезінде әсері әлсіреген жағдайда, сондай-ақ препараттың әдеттегі әсер ету уақыты азайған кезде олар дозаны немесе қолдану жиілігін арттырмай, медициналық көмекке жүгінуі керек екендігі туралы ескерту керек.

Сальбутамол шеткері вазодиляцияны тудырады, ол рефлекторлық тахикардиямен және жүрек шығарылымының жоғарылауымен бірге жүруі мүмкін. Стенокардиямен, тахикардияның ауыр түрлерімен немесе тиреотоксикозбен ауыратын пациенттерде сақтықпен қолдану керек.

Сальбутамолды қоса, симпатомиметиктерді қолданғанда жүрек-қантамырлары әсерлері байқалуы мүмкін. Тіркеуден кейінгі қолдану кезеңінде алынған кейбір деректердің, сондай-ақ жарияланған деректердің негізінде сальбутамолмен астасқан миокард ишемиясының сирек жағдайлары атап өтілді. Сальбутамолды қолданатын негізгі ауыр жүрек ауруы бар (мысалы, жүректің ишемиялық ауруы, аритмия немесе ауыр жүрек жеткіліксіздігі бар) пациенттерге кеудедегі ауырсыну немесе жүрек ауруының нашарлауын көрсететін басқа симптомдары пайда болған жағдайда медициналық көмекке жүгіну қажеттігі туралы ескерту керек. Тыныс алу немесе кеудедегі ауырсыну сияқты симптомдарды бағалауға назар аудару керек, өйткені олардың шығу тегі респираторлық және жүрек болуы мүмкін.

Бронх демікпесінің ауыр өршуін емдеу әдеттегідей тәсілмен жүргізілуі керек.

Хлороформ, циклопропан, галотан сияқты анестезияға арналған дәрілермен және құрамында галогені бар басқа препараттармен бірге сақтықпен қолдану керек.

Сальбутамол несеп шығару кезінде қиындық туғызбауы тиіс, өйткені ол эфедрин сияқты симпатомиметикалық дәрілерге қарағанда альфа адренорецепторларды ынталандырмайды. Алайда, қуық асты безінің гипертрофиясы бар пациенттерде несеп шығару қиындықтары туралы хабарламалар болды.

Бета2 агонистерін негізінен парентеральді тәсілмен немесе небулайзермен қолданғанда ықтимал елеулі гипокалиемия туындауы мүмкін. Бронх демікпесінің ауыр асқынуларын емдеуде ерекше сақ болу ұсынылады, өйткені гипокалиемия гипоксия және ксантин туындылары мен кортикостероидтарды бір мезгілде қолдану салдарынан күшеюі мүмкін. Мұндай жағдайларда қан сарысуындағы калий концентрациясын бақылау ұсынылады.

Бета-адренорецепторлардың басқа агонистері сияқты, сальбутамол қайтымды метаболизмдік өзгерістерді тудыруы мүмкін, мысалы, қандағы глюкоза концентрациясының жоғарылауы. Қант диабетімен ауыратын пациенттер қандағы глюкоза концентрациясының жоғарылауын өтей алмауы мүмкін және мұндай пациенттерде кетоацидоздың дамуы туралы хабарланған. Кортикостероидтарды бір мезгілде қолдану бұл әсерді күшейтуі мүмкін.

АСКОРИЛ ЭКСПЕКТОРАНТ ҚАНТСЫЗ біріктірілген препараттың құрамында кодеин бар препараттармен және басқа да жөтелге қарсы дәрілермен бір мезгілде тағайындалмайды, өйткені бұл сұйылтылған қақырықты шығаруды қиындатады.

Препараттың құрамына кіретін бромгексин антибиотиктердің (эритромицин, цефалексин, окситетрациклин) өкпе тініне енуіне ықпал етеді.

АСКОРИЛ ЭКСПЕКТОРАНТ ҚАНТСЫЗ біріктірілген препаратын пропанолол сияқты бета-адренорецепторлардың селективті емес блокаторларымен бір мезгілде қолдану ұсынылмайды.

Сальбутамол

Хлороформ, циклопропан, галотан сияқты анестезияға арналған дәрілермен және құрамында галогені бар басқа препараттармен бірге сақтықпен қолдану керек.

Гуанетидин, резерпин, метилдопа, трициклді антидепрессанттар және МАО ингибиторлары осы препараттың әсерін өзгерте алады.

Пероральді қабылдау үшін сальбутамол препараттарын селективті емес бета блокаторлармен, мысалы, пропанололмен бір мезгілде тағайындауға болмайды.

Препараттың құрамына кіретін сальбутамол моноаминоксидаза тежегіштерін (МАО) және/немесе трициклді антидепрессанттарды қабылдайтын пациенттерге ұсынылмайды.

Диуретиктер мен глюкокортикостероидты препараттар сальбутамолдың гипокалиемиялық әсерін күшейтеді.

Препаратты мынадай жағдайларда сақтықпен қолдану керек:

•қант диабеті;

•артериялық гипертензия;

•ремиссия кезеңіндегі асқазан мен 12 елі ішектің ойық жарасы;

•гипертиреоз;

•стенокардия;

•жүрек-қантамыр жүйесінің ауыр аурулары;

•секрецияның шамадан тыс жинақталуымен бірге жүретін бронх ауруларында.

Бета-блокаторлармен бірге қолдануға болмайды.

Педиатрияда қолдану

Препарат 2 жастан асқан балаларда қолданылады.

Жүктілік немесе лактация кезінде

Препаратты жүктілік кезеңінде және емшек емізу кезеңінде қолдануға болмайды.

Дәрілік препараттың көлік құралын немесе қауіптілігі зор механизмдерді басқару қабілетіне  әсер ету ерекшеліктері

Жағымсыз әсерлердің профилін ескере отырып (бас айналу, ұйқышылдық және басқалар) емдеу кезінде көлік құралдары мен механизмдерді басқарудан, зейіннің жоғары шоғырлануын және психомоторлық реакциялардың жылдамдығын талап ететін басқа да қауіпті қызмет түрлерімен айналысудан бас тарту ұсынылады.

Дозалау режимі

•Ересектер мен 12 жастан асқан балаларға: тәулігіне үш рет 10 мл

•6-дан 12 жасқа дейінгі балаларға: тәулігіне үш рет 5-10 мл

•2-ден 6 жасқа дейінгі балалар: тәулігіне үш рет 5 мл.

Препаратты 4-5 күннен артық қолдануға болмайды. Егер симптомдар 4-5 күннен артық сақталса, дәрігермен кеңесу керек.

Енгізу әдісі мен жолы

Ішке.

Өлшеуіш қалпақшаны пайдалану ұсынылады.

Қолданар алдында шайқаңыз.

Артық дозаланған жағдайда қабылдануы тиіс шаралар

Бромгексин

Қазіргі уақытта адамдарда артық дозаланудың нақты симптомдары сипатталмаған. Препаратты кездейсоқ артық дозалануы және/немесе қолдану қателері туралы хабарламалар негізінде бақыланатын симптомдар бромгексинді ұсынылған дозаларда қолданғанда белгілі жағымсыз әсерлерге ұқсас.

Гвайфенезин

Симптомдар

Гвайфенезиннің жедел уыттылығының әсеріне ас қорыту ағзаларындағы ыңғайсыздық сезімі, жүрек айну және ұйқышылдық жатады.

Емдеу

Симптоматикалық ем.

Сальбутамол

Симптомдар

Сальбутамолдың артық дозалануының ең жиі белгілері мен симптомдары бета адренорецепторлардың ынталандыруымен фармакологиялық түрде жанамаланған өтпелі құбылыстар болып табылады. Оларға тахикардия, тремор, аса жоғары белсенділік және метаболизмдік өзгерістер, соның ішінде гипокалиемия жатады.

Сальбутамолдың артық дозалануы гипокалиемияға әкелуі мүмкін (қандағы калийдің патологиялық төмен концентрациясы). Сондықтан қан сарысуындағы калий концентрациясын бақылау қажет.

Жоғары дозаларда қолданғанда, сондай-ақ бета-агонистермен қысқа әсер ететін артық дозаланғанда лактоацидоздың дамуы байқалды. Сондықтан, артық дозаланғанда сарысулық лактаттың жоғарылауын және метаболизмдік ацидоздың одан әрі дамуын бақылау көрсетілуі мүмкін (әсіресе тахипноэ сақталған немесе нашарлаған кезде, бронх түйілудің басқа белгілерін, мысалы, ысқырған тыныс алуды жоюға қарамастан).

Жүрек айнуы, құсу және гипергликемия негізінен балаларда және сальбутамолдың артық дозалануы пероральді қабылдаған кезде болған жағдайларда тіркелді.

Емдеу

Препаратты тоқтатып, тиісті симптоматикалық ем тағайындау керек. Кардиальді симптомдары (мысалы, тахикардия, жүрек қағысын сезіну) бар пациенттерде кардиоселективті бета-адреноблокаторлар (атенолол, бисопролол, метопролол) бронх түйілуінің пайда болу қаупіне байланысты сақтықпен қолданылуы тиіс.

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Дәрілік препаратты қолдану тәсілін түсіндіру үшін дәрігерге немесе фармацевтке кеңес алу үшін жүгіну қажет.

Асқазан-ішек жолы тарапынан бұзылулар: асқазанның және 12-елі ішектің ойық жара ауруының өршуі;

Бүйрек және несеп шығару жүйесінің бұзылуы: несеп қызғылт түске боялуы мүмкін;

Тері және тері асты тіндері тарапынан бұзылулар: терінің ауыр жағымсыз реакциялары, оның ішінде мультиформалы эритема, Стивенс-Джонсон синдромы, уытты эпидермальді некролиз және жедел жайылған экзантематозды пустулез.

Бромгексин

Иммун жүйесі тарапынан бұзылулар: аса жоғары сезімталдық, анафилаксиялық реакция, анафилаксиялық шок.

Тері мен тері асты тіндері тарапынан бұзылулар: ангионевроздық ісіну, бөртпе, есекжем, қышыну.

Тыныс алу жүйесі, кеуде қуысы және көкірек ортасы тарапынан бұзылулар: бронх түйілуі.

Асқазан-ішек жолы тарапынан бұзылулар: жүрек айну, құсу, диарея және іштің жоғарғы бөлігіндегі ауырсыну.

Гвайфенезин

Жиілігі белгісіз: Аса жоғары сезімталдық реакциялары (аса жоғары сезімталдық, қышыну және есекжем), эпигастрий ауыруы, диарея, жүрек айнуы, құсу, бөртпе.

Сальбутамол

Иммун жүйесі тарапынан бұзылулар

Өте сирек: ангионевроздық ісінуді, есекжемді, бронх түйілуін, гипотензияны және коллапсты қоса, аса жоғары сезімталдық реакциялары.

Зат алмасу және тамақтану бұзылулары

Сирек: Гипокалиемия.

Бета-агонистермен емдеу ықтимал ауыр гипокалиемияға әкелуі мүмкін.

Жүйке жүйесі тарапынан бұзылулар

Өте жиі: Тремор.

Жиі: Бас ауыруы.

Өте сирек: Аса жоғары белсенділік.

Жүрек тарапынан бұзылулар

Жиі: Тахикардия, жүректің жиі қағуы.

Сирек: жүрек аритмиясы, соның ішінде жүрекше фибрилляциясы, қарыншаүстілік тахикардия және экстрасистолия.

Жиілігі белгісіз: Миокард ишемиясы*

*тіркеуден кейінгі кезеңде күтпеген хабарламалар алынады, сондықтан ол белгісіз жиілікпен реакцияларға жатады.

Қан тамырлары тарапынан бұзылулар

Сирек: Шеткері тамырлардың кеңеюі.

Сүйек-бұлшықет жүйесі және дәнекер тін тарапынан бұзылулар

Жиі: Бұлшықет құрысулары.

Өте сирек: Бұлшықет кернеуін сезіну.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК http://www.ndda.kz

Қосымша мәліметтер

5 мл препараттың құрамында

белсенді заттар: 2,0 мг бромгексин гидрохлориді, 50,0 мг гвайфенезин, 1,0 мг сальбутамолға баламалы 1,2 мг сальбутамол сульфаты,

қосымша заттар: натрий бензоаты, натрий цитраты, натрий хлориді, сукралоза, лимон қышқылы моногидраты, қара қарақат хош иістендіргіші* («Қара қарақат» хош иістендіргіші ID 20158, Black Currant ID 20158), ананас хош иістендіргіші** («Ананас» хош иістендіргіші Super PH, Pineapple Super PH Flavour), левоментол, тазартылған су.

* Қара қарақат хош иістендіргіші: пропиленгликоль 1520 81-86%, су 7-12 %, табиғиға ұқсас хош иістендіргіштер 1 - 5 %, этанол ˂ 2 %, хош иістендіргіш ˂ 0.1%, жасанды хош иістендіргіш ˂ 0.01%, табиғи хош иістендіргіш ˂ 0.01 %;

** Ананас хош иістендіргіші: хош иістендіргіш 49 – 54 %, табиғи хош иістендіргіштер 26 – 31%, пропиленгликоль 1520 11 – 16%, жасанды хош иістендіргіш 1 – 5 %.

Өзіне тән иісі бар мөлдір, түссіз немесе сарғыш сұйықтық.

100 мл немесе 200 мл препараттан алғашқы ашуды бақылайтын ақ түсті және «G» қызыл логотипі бар бұрандалы алюминий қақпағы бар қызғылт сары түсті полиэтилентерефталаттан жасалған құтыларға салынады.

«G» логотипі бар сыйымдылығы 10 мл ПЭВП-ден өлшеуіш қалпақшамен жабдықталған құты.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

2 жыл

Жарамдылық мерзімі өткеннен кейін қолдануға болмайды!

Жарықтан қорғалған жерде 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Гленмарк Фармасьютикалз Лтд,

Виллэдж Кишанпура, Бадди-Налагарх Роуд Техсил Бадди, Дистт. Солан (Х. П.) - 173205, Үндістан

Эл. пошта: webmaster@glenmark.com

Гленмарк Фармасьютикалз Лтд,

Гленмарк Хаус, ХДО-Корпорэйт Билдинг, Винг – А, Б.Д. Савант Марг, Чакала, Офф Вестерн Экспресс Хайвэй, Андхери (И), Мумбай – 400 099, Үндістан

Тел.: + 0091-22-4018 9999;

Факс: + 0091-22-4018 9986.

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

"GLENMARK PHARMACEUTICALS LIMITED (ГЛЕНМАРК ФАРМАЦЕВТИКАЛС ЛИМИТЕД)" Компаниясының өкілдігі

Мекенжайы: Қазақстан Республикасы, 050005, Алматы қ., Әл-Фараби даңғылы, 7, "Нұрлы Тау" бизнес орталығы, 4 А блок, 12 кеңсе.

Тел: + 7(727) 311 04 41,

Эл. пошта: Safety.KZ&UZ@glenmarkpharma.com