Алзепил

Алзепил®

Донепезил

Қабықпен қапталған таблеткалар, 5 мг, 10 мг

Жүйке жүйесі. Психоаналептиктер. Деменцияға қарсы препараттар. Антихолинэстеразалық препараттар. Донепезил.

АТХ коды N06DA02

Алзепил таблеткасы Альцгеймер ауруының жеңіл және орташа ауыртпалық деңгейіндегі деменциясын симптоматикалық емдеуге арналған.

Қолданудың басталуына дейінгі қажетті мәліметтер тізбесі

- донепезил гидрохлоридіне, пиперидин туындыларына немесе қосымша заттарының кез-келгеніне аса жоғары сезімталдық

- жүктілік және бала емізу кезеңі

-18 жасқа дейінгі балалар мен жасөспірімдерге

Холинэстераза ингибиторларын жүрек ырғағының бұзылысы бар пациенттерге абайлап тағайындау керек (жүрек соғысының жиілігіне ваготониялық әсері болуы мүмкін, атап айтқанда брадикардия), анестезия кезінде, сонымен қатар пептидтік ойық жараның (ойық жара ауруының анамнезі, стероидты емес қабынуға қарсы дәрілермен (СЕҚҚД) терапиясы) даму қатері жоғары пациенттерге, бірақ донепезил қолданғанда пептидтік ойық жараның дамуының ұлғаюы немесе асқазан-ішек жолынан қан кетуі  анықталмаған.  Өкпенің обструктивті ауруы бар (соның ішінде бронх демікпесі) пациенттерге абайлап тағайындау керек.  Донепезилді басқа АХЭ тежегіштерімен, агонистерімен және/немесе холинэергиялық жүйенің антогонистерімен бір мезгілде қолданудан аулақ болу керек.   Препаратты QTc аралығының ұзаруына бұрын диагноз қойылған немесе отбасылық анамнезінде осы бұзылысы бар пациенттерге абайлап қолданған жөн;  жүрек ауруларына бұрын диагноз қойылған (мысалы, компенсацияланбаған жүрек жеткіліксіздігі, миокард инфартісі жақын арада болған, брадиаритмияда) пациенттерге немесе электролитті баланастың бұзылуы (гипокалиемия,гипомагниемия)(«Басқа дәрілік препараттармен өзара әрекеттесуі»бөлімі).

Донепезил гидрохлориді және/немесе оның метаболиттері адам организмінде теофиллин, варфарин, циметидин немесе дигоксин метаболизмдерін бәсеңдетпейді.

Дигоксинмен немесе циметидинмен бірге қабылдаған кезде донепезил гидрохлоридінің метаболизмі өзгермейді. Дигоксинді немесе циметидинді бір мезгілде қабылдау донепезил гидрохлоридінің метаболизміне әсер етпейді.

In vitro зерттеулері донепезил метаболизміне P450 3A4 цитохромы және аз дәрежеде изоферменттері қатысатынын көрсетті. In vitro дәрілік заттардың өзара әрекеттесуі бойынша зерттеулер кетоконазол және хинидин, CYP3A4 және CYP2D6 тежегіштерінің тиісінше донепезилдің метаболизмін бәсеңдететіні көрсетті. CYP3A4 басқа тежегіштері, мысалы, итраконазол мен эритромицин және флуоксетин сияқты CYP2D6 тежегіштері де донепезилдің метаболизмін бәсеңдетуі мүмкін. Дені сау адамдарда кетоконазол донепезилдің орташа концентрациясын шамамен 30 %-ға жоғарылатады.

Ферменттердің индукторлары (рифампицин, фенитоин, карбамазепин және этанол) донепезилдің деңгейін төмендетуі мүмкін. Алайда осындай тежейтін немесе индукциялайтын әсерінің дәрежесі белгісіз, препараттың мұндай біріктірілімін қолданғанда сақ болған жөн. Алзепил антихолинергиялық белсенділігі бар препараттармен өзара әрекеттесуі мүмкін.

Донепезил гидрохлориді антихолинергиялық белсенділігі бар препараттармен өзара әрекеттесе алады. Сондай-ақ сукцинилхолинмен, нейро -бұлшықет өткізуінің басқа блокаторларымен немесе жүрек өткізгіштігіне ықпалын тигізетін холинергиялық рецепторлардың антагонистерімен және бета-блокаторлармен бір мезгілде қабылдаған кезде синергизм болуы мүмкін.

Донепезилді қолданған кезде QTс аралығының ұзаруы және «пируэт» типті қарыншалық тахикардия жағдайлары туралы хабарланды. Донепезилді QTс аралығын ұзартуға қабілетті препараттармен бірге қолданған кезде сақ болу ұсынылады және пациентті клиникалық бақылау (ЭКГ) қажет болуы мүмкін.

Мысалы ретінде келесі препараттар келтіріледі:

- IA класының аритмияға қарсы препараттары, мысалы хинидин

- III класының аритмияға қарсы препараттары, мысалы, амиодарон, соталол

- Кейбір антидепрессанттар, мысалы циталопрам, эсциталопрам, амитриптилин

- Кейбір психозға қарсы препараттар, мысалы фенотиазин туындылары, сертиндол, пимозид, зипрасидон

- Кейбір антибиотиктер, мысалы кларитромицин, эритромицин, левофлоксацин, моксифлоксацин.

Альцгеймер типті деменцияның ауыр түрімен, деменцияның басқа түрлері немесе жадының нашарлауымен (мысалы, жасқа байланысты когнитивті функцияның төмендеуі) пациенттерде Алзепилдің тиімділігі анықталмаған.

Анестезия

Препаратты анестезияда сақтықпен қолданады, өйткені холинэстераза тежегіші болғандықтан, Алзепил жалпы анестезия кезінде бұлшықеттік релаксацияның сукцинилхолинді типін күшейтуі мүмкін.

Жүрек-қантамыр бұзылулары

Холинэстераза тежегіштері, олардың фармакологиялық әсеріне байланысты, жүректің жиырылу жиілігіне ваготониялық әсер етуі (брадикардия тудыруы) мүмкін. Мұндай әсердің болу мүмкіндігін синустық түйіннің әлсіздігінде немесе синоатриалдық немесе атриовентрикулярлық блокада сияқты суправентрикулярлы өткізгіштіктің басқа бұзылыстарында ескеру керек. Препарат жүрек ырғағының бұзылуында сақтықпен қолданылады.

Емдеу барысында естен тану және құрысу дамуы мүмкін. Мұндай пациенттерді тексерген кезде блокаданың немесе ұзақ уақыт синустық тоқтап қалушылықтың болу мүмкіндігін ескеру қажет.

Талып қалу жағдайлары мен құрысулардың дамуы туралы хабарламалар болды. Мұндай пациенттерді тексеру кезінде жүрек блокадасының немесе ұзақ синустық үзілістердің болу мүмкіндігін ескеру қажет.

Тіркеуден кейінгі кезеңде QTс аралығының ұзаруы және «пируэт» типті қарыншалық тахикардия туралы хабарланды. Анамнезінде немесе отбасылық анамнезінде QTc аралығының ұзаруы бар немесе QTc аралығына әсер ететін препараттармен емделетін пациенттерде, жүректің тиісінше аурулары анықталған (мысалы, декомпенсацияланған жүрек жеткіліксіздігі, жақында өткерген миокард инфарктісі, брадиаритмия сияқты) немесе электролиттік теңгерімінің бұзылуы (гипокалиемия, гипомагнезиемия) бар пациенттерде сақтықпен қолдану керек. Мұндай пациенттерге клиникалық бақылау (ЭКГ) қажет болуы мүмкін.

Асқазан-ішек жолы функциясының бұзылулары

Ойық жараның даму қаупі жоғары пациенттерді (мысалы, ойық жара ауруы анамнезінде көрсетілген немесе қабынуға қарсы стероидты емес препараттарды (ҚҚСП) қабылдап жүрген пациенттерде) мониторингтеу және сақ болған жөн.

Алайда, донепезилдің клиникалық зерттеуінде плацебомен салыстырғанда пептидтік ойық жаралардың немесе асқазан-ішектік қан кетудің даму жиілігінің жоғарылауы анықталмады.

Несеп-жыныс жүйесі

Донепезил пайдаланып жүргізілген клиникалық зерттеулерде мұндай мәліметтер болмаса да, холиномиметиктер қуықтың сағасының обструкциясына әкелуі мүмкін.

Неврологиялық жай-күйлер

Холиномиметиктер жайылған құрысуды тудыруы мүмкін деп шамаланады, алайда құрысулар Альцгеймер ауруының белгісі болуы мүмкін. Холиномиметиктер экстрапирамидалық бұзылыстарды ушықтыруы немесе нашарлатуы мүмкін.

Қатерлі нейролептикалық синдром (ҚНС)

ҚНС – гипертермиямен (қызба), бұлшықеттің сіресуімен, вегетативті жүйке жүйесінің бұзылыстарымен, сананың өзгеруімен, сарысулық креатининфосфокиназа белсенділігінің жоғарылауымен сипатталатын өмір үшін әлеуетті қауіпті бұзылыс, донепезил қабылдағанда, әсіресе психозға қарсы препараттарды бірге қабылдайтын пациенттерде өте сирек туындайды. Қосымша симптомдары миоглобинурияны (рабдомиолиз) және бүйректің жедел жеткіліксіздігін қамтуы мүмкін.

Егер пациентте ҚНС симптомдары мен белгілері дамыса немесе қосымша клиникалық біліністерсіз түсініксіз жоғары температура болса, емдеуді тоқтату керек.

Өкпе функциясының бұзылулары

Холинэстераза тежегіштерін олардың холиномиметикалық әсеріне байланысты анамнезінде бронх демікпесі немесе өкпенің обструктивті аурулары бар пациенттерге сақтықпен тағайындау керек.

Алзепилді ацетилхолинэстеразаның басқа тежегіштерімен, холинергиялық жүйенің агонистерімен немесе антагонистерімен бірге бір мезгілде қабылдамаған жөн.

Бауыр функциясының ауыр бұзылуы

Бауыр функциясының ауыр бұзылуы бар пациенттерде препаратты қолдану туралы деректер жоқ.

Деменциясы бар пациенттердегі өлім жағдайы

Тамырлы деменцияның (ТД) NINDS-AIREN критерийлеріне болжамды немесе ықтимал сәйкестігі бар пациенттермен 6 айға созылатын үш клиникалық сынақ жүргізілді. NINDS-AIREN критерийлері деменция тек тамырлы себептермен байланысты болуы мүмкін пациенттерді анықтауға және Альцгеймер ауруы бар пациенттерді анықтап шығаруға арналған.

Бірінші зерттеуде өлім жағдайының жиілігі 5 мг донепезил гидрохлоридін қабылдайтын топта 2/198 (1%), 10 мг донепезил гидрохлоридін қабылдайтын топта 5/206 (2,4 %) және плацебо тобында 7/199 (3,5 %) болды. Екінші зерттеуде өлім жағдайының жиілігі 5 мг донепезил гидрохлоридін қабылдайтын топта 4/208 (1,9%), 10 мг донепезил гидрохлоридін қабылдайтын топта 3/215 (1,4 %) және плацебо тобында 1/193 (0,5 %) болды. Үшінші зерттеуде өлім жағдайының жиілігі 5 мг донепезил гидрохлоридін қабылдайтын топта 11/648 (1,7 %) және плацебо тобында 0/326 (0 %) болды.

Донепезил гидрохлоридін қабылдайтын барлық топтарда өлім жағдайының жиілігі деңгейі ТД (1,7%) үш зерттеуінде плацебо тобына (1,1) қарағанда сандық түрде жоғары болды, бірақ бұл айырмашылық статистикалық тұрғыдан елеулі болмады. Донепезил гидрохлоридін немесе плацебо қабылдаған пациенттердің өлімінің көп жағдайлары тамырлардың қатарлас зақымдануы бар егде жастағы адамдардың осы популяциясында күтілетін әртүрлі тамыр бұзылуларының нәтижесінде пайда болды. Барлық күрделі өлімге әкелмейтін және өлімге әкелетін қан тамырларының оқиғаларын талдау олардың донепезил гидрохлориді мен плацебо қабылдайтын топтарда пайда болу жиілігінде айырмашылықты анықтаған жоқ.

Альцгеймер ауруын зерттеудің (n=4146), сондай-ақ тамырлар деменциясы (пациенттердің жалпы саны 6888) зерттеулері қосылатын Альцгеймер ауруының сол зерттеулерінің біріктірілген материалдарында плацебо топтарындағы өлім көрсеткіштері донепезил гидрохлоридімен емделген топтардағы көрсеткіштерден сандық түрде асып түседі.

Жүктілік немесе лактация кезінде

Жүктілік

Адамдағы жүктілік және лактация кезеңінде донепезилді қолдану туралы талапқа сай деректер жоқ. Жануарларға жүргізілген зерттеулер тератогендік әсерді анықтаған жоқ, бірақ босанғанға дейінгі және босанғаннан кейінгі уыттылықты көрсетті. Адам үшін потенциалды қаупі белгісіз.

Препаратты жүкті әйелдерге шарана үшін ықтимал қаупіне байланысты тағайындауға болмайды.

Бала емізу

Донепезил егеуқұйрықтарда сүтпен шығарылады. Донепезилдің адамда емшек сүтіне бөлінетіні анықталмаған; бала емізетін әйелдердің қатысуымен зерттеулер жүргізілген жоқ. Препаратты лактация кезеңінде қолдану қажет болған кезде бала емізуді тоқтату мәселесін шешкен жөн.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Донепезил көлік құралдарын басқару және механизмдермен жұмыс істеу қабілетіне елеусіз немесе орташа әсер етеді.

Деменция автомобильді немесе басқа механизмдерді басқару қабілетінің бұзылуымен қатар жүруі мүмкін. Бұдан басқа, негізінен, емнің бас кезінде немесе дозаны арттырған кезде донепезил шаршау сезімін, бас айналуды және бұлшық еттердің түйілуін тудыруы мүмкін. Пациенттің көлік құралдарын немесе қауіптілігі зор механизмдерді басқару қабілетін емдеуші дәрігер бағалауы тиіс.

Дозалау режимі

Ересектер және егде жастағы пациенттер

Ересектерге және егде пациенттерге препарат бастапқы дозада тәулігіне 5 мг-ден 1 рет тағайындалады. Бастапқы 5 мг дозада қабылдауды емдеудің ерте клиникалық әсерін бағалау үшін және донепезилдің тепе-тең концентрациясына жету үшін 1 ай бойы жалғастырған жөн. Бір айдан соң, пациенттің жай-күйін клиникалық бағалаудан кейін қажет болса дозаны тәулігіне 10 мг дейін жоғарылатуға болады (бір рет қабылдауға). Ұсынылатын жоғарғы тәуліктік дозасы 10 мг. Күніне 10 мг-ден асатын дозаларын қолдану туралы деректер жоқ.

Аталғандардан басқа дозаларды тағайындау қажет болса, басқа препараттарды қолдану керек.

Емдеуді Альцгеймер деменциясын диагностикалау мен емдеуде тәжірибесі бар дәрігердің бақылауымен бастау және жүргізу керек. Диагноз қабылданған ұсыныстар, мысалы DSM IV, МКБ 10 негізінде болуы тиіс. Донепезилмен емдеуді пациентке күтім жасайтын және препарат қабылдауды үнемі бақылауға қабілетті адамы болған кезде ғана бастауға болады. Пациентке емдік әсері болған кезде демеуші ем жалғастырылуы тиіс. Сондықтан донепезилдің клиникалық әсерін үнемі бағалау керек. Егер емдік әсер бұдан былай байқалмаса, препаратты қабылдауды тоқтату мүмкіндігін ойластыру керек. Донепезилге жеке-дара жауапты алдын ала болжау мүмкін емес.

Препаратты қабылдауды тоқтатқаннан кейін Алзепил препаратының жағымды әсерінің біртіндеп әлсіреуі байқалады. Препаратты күрт тоқтатқаннан кейін қайтара әсері байқалмайды.

Пациенттердің ерекше топтары

Бауыр функциясының бұзылуы

Бауыр функциясының ауырлығы жеңіл және орташа дәрежелі бұзылуы бар пациенттерде донепезилдің жүйелі әсерінің жоғарылау ықтималдығына байланысты дозаны жоғарылатуды жеке жағымдылығын ескере отырып жүргізу керек. Бауырдың ауыр жеткіліксіздігі бар пациенттер туралы деректер жоқ.

Бүйрек функциясының бұзылуы

Бүйрек функциясы бұзылған пациенттер емдеу сызбасын өзгертуді қажет етпейді, өйткені бұл жағдай донепезил гидрохлоридінің клиренсіне әсер етпейді.

Балалар мен 18 жасқа дейінгі жасөспірімдер

Балалар мен жасөспірімдерге Алзепил тағайындау ұсынылмайды.

Ішке қабылдауға арналған.

Препаратты ішке кешке ұйықтар алдында қабылдау керек.

Қалыптан тыс түс көрулер, қорқынышты түс көрулер немесе ұйқысыздықты қоса, ұйқының бұзылу жағдайында препаратты таңертең қабылдауға болады.

Қолданыстағы бағалаулар бойынша, тышқандар мен егеуқұйрықтарда бір рет ішке қабылдаудан кейін донепезил гидрохлоридінің өлімге әкелетін дозасының медианалық мәні сәйкесінше 45 мг/кг және 32 мг/кг құрайды, бұл тәулігіне адам үшін ұсынылатын ең жоғары 10 мг/кг дозадан шамамен 225 және 160 есе жоғары. Жануарларда холинергиялық жүйені стимуляциялаудың дозаға тәуелді белгілері байқалды, олардың қатарына өздігінен қозғалғыштықтың төмендеуі, дененің жатқан күйі, шайқалақтап жүру, көзден жас ағу, клоникалық құрысулар, тыныс алу бәсеңдеуі, сілекей ағу, миоз, фасцикуляция және дене бетінің температурасының төмендеуі жатады.

Симптомдары: Холинэстераза тежегіштерінің артық дозалануы қатты жүрек айнуымен, құсумен, сілекейдің ағуымен, тершеңдікпен, брадикардиямен, гипотензиямен, тыныс алу бәсеңдеуімен, коллапспен және құрысулармен сипатталатын холинергиялық кризге әкелуі мүмкін. Бұлшықет әлсіздігі күшеюі мүмкін, бұл тыныс алу бұлшықеттерінің зақымдануында өлімге әкелуі ықтимал.

Емі: жалпы демеуші ем тағайындау керек. Антидот ретінде үшіншілік антихолинергиялық препараттарды қолдануға болады, мысалы, атропинді 1-2 мг бастапқы дозада вена ішіне, содан кейін дозаны клиникалық әсеріне қарай таңдап алады. Артериялық қысымның және жүректің жиырылу жиілігінің атипиялық реакциялары басқа холиномиметиктерді төртіншілік антихолинергиялық препараттармен, мысалы, гликопирролатпен бірге енгізген кезде байқалды.

Донепезил гидрохлоридінің және/немесе оның метаболиттерінің диализдің (гемодиализ, перитонеалдық диализ немесе гемофильтрация) көмегімен шығарылуы туралы деректер жоқ.

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну жөніндегі ұсыныстар

Егер сізде осы препаратты қолдану туралы қосымша сұрақтар туындаса өз дәрігеріңізге жүгініңіз.

Ең жиі кездесетін жағымсыз құбылыстарға диарея, бұлшықет түйілуі, қажу, құсу және ұйқысыздық жатады.

Жекелеген жағдайларға қарағанда жиірек тіркелген жағымсыз реакциялар төменде ағзалар жүйелерінің кластары және жиілігі бойынша келтірілген.

Көп жағдайларда бұл құбылыстар басылады және препаратты енгiзудi тоқтатуды қажет етпейдi.

Өте жиі (≥ 1/10)

- диарея, жүректің айнуы

- бас ауыруы

Жиі (≥ 1/100 - <1/10)

- суық тию

-анорексия

- елестеулер**, қозу**, озбыр мінез-құлық**, қалыптан тыс түстер көру және шым-шытырық түстер көру **

- естен тану*, бас айналу, ұйқысыздық

- құсу, асқазанның бұзылуы

- бөртпе, тері қышынуы

- бұлшықет түйілуі

- несепті ұстап тұра алмау

-шаршағыштық, ауырсыну

- құлауды қоса, жазатайым уақиғалар

Жиі емес (≥ 1/1000 - ≤ 1/100)

- құрысу ұстамалары *

-брадикардия

- асқазан-ішек жолдарынан қан кету, асқазанның және он екі елі ішектің ойық жарасы, гиперсаливация

- қан сарысуында бұлшықет креатинкиназа белсенділігінің аздап жоғарылауы

Сирек (≥ 1/10000 - ≤ 1/1000)

-экстрапирамидалық симптомдар

-синоатриальді блокада, атриовентрикулярлы блокада

- бауыр функциясының бұзылуы, оның ішінде гепатит ***

Өте сирек (≤ 1/10 000)

- қатерлі нейролептикалық синдром

- рабдомиолиз****

Белгісіз (қолда бар деректер бойынша баға беру мүмкін емес).

- либидо жоғарылауы, аса жоғары сексуалдық

- плевротонус (Пизы синдромы)

- «пируэт» типті қарыншалық аритмияны, ЭКГ-де QT аралығының ұзаруын қоса, полиморфты қарыншалық тахикардия

* Естен танулары немесе құрысу талмалары бар пациенттерді тексергенде жүрек блокадасының немесе синустық ырғақтағы ұзақ үзілістердің болу мүмкіндігін ескеру керек

** Елестеулер, қалыптан тыс түс көрулер, қорқынышты түс көрулер, қозу және озбырлану сияқты мінез-құлық дамуы хабарланған жағдайларда бұл көріністер дозаны төмендеткеннен немесе препаратты тоқтатқаннан кейін тоқтады.

*** Бауыр функциясының шығу тегі анықталмаған бұзылуында Алзепил препаратын тоқтату мүмкіндігін қарастыру керек.

**** Рабдомиолиз қатерлі нейролептикалық синдромға байланыссыз және донепезилді қабылдауды бастаумен немесе дозасын арттырумен тығыз уақыттық байланыста дамуы мүмкін екені хабарланған.

Күдік тудырған жағымсыз реакциялар туралы хабарлау

ДП «пайда– қауіп» арақатынасына үздіксіз мониторингті қамтамасыз ету мақсатында дәрілік препаратты тіркегеннен кейін күдік тудырған жағымсыз реакциялар жөнінде хабарлаудың маңызы бар. Медицина қызметкерлеріне дәрілік препараттың кез келген күмәнді жағымсыз реакциялары туралы ҚР жағымсыз реакциялар туралы хабарлардың ұлттық жүйесі арқылы хабарлап отыру ұсынылады.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір 5 мг таблетканың құрамында

белсенді зат - 5 мг донепезил гидрохлориді (5,21 мг донепезил гидрохлоридімоногидраты түрінде),

Бір 10 мг таблетканың құрамында

белсенді зат - 10 мг донепезил гидрохлориді (10,42мг донепезил гидрохлоридімоногидраты түрінде),

қосымша заттар:

Ядросы: микрокристалды целлюлоза, орын басу дәрежесі төмен гидроксипропилцеллюлоза (L-НРС В1), магний стеараты

Қабығы: Opadry Y-1–7000 ақ (гипромеллоза, титанның қостотығы Е 171, макрогол 400).

Ақ немесе ақ дерлік, дөңгелек, екі беті дөңес, иіссіз, немесе иіссіз дерлік бір жағында «Е 381» таңбаланған қабықпен қапталған таблеткалар (5 мг доза үшін).

Ақ немесе ақ дерлік, дөңгелек, екі беті дөңес, иіссіз, немесе иіссіз дерлік бір жағында «Е 382» таңбаланған қабықпен қапталған таблеткалар (10 мг доза үшін).

14 таблеткадан ПВХ/ПВДХ үлбірден/ алюминий фольгадан жасалған пішінді ұяшықты қаптамада. 2 немесе 4 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

5 жыл

Жарамдылық мерзімі өткеннен кейін қолдануға болмайды.

30С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«ЭГИС Фармацевтикалық зауыты» ЖАҚ, Венгрия

1106 Будапешт, Керестури к-сі, 30-38

Телефон: (36-1) 803-5555

e-mail: mailbox@egis.hu

«ЭГИС Фармацевтикалық зауыты» ЖАҚ, Венгрия

1106 Будапешт, Керестури к-сі, 30-38

Телефон: (36-1) 803-5555

e-mail: mailbox@egis.hu

«ЭГИС Фармацевтикалық зауыты» ЖАҚ ҚР өкілдігі

050060, Алматы қ., Жароков к-сі 286 Г

тел: + 7 (727) 247 63 34, + 7 (727) 247 63 33, факс: + 7 (727) 247 61 41,

e-mail: egis@egis.kz