Бициллин-5 Синтез порошок д/ин. 1200000 ЕД / 300000 ЕД (флакон)

Бициллин-5

Жоқ

Бұлшықет ішіне енгізу үшін суспензия дайындауға арналған ұнтақ, 1200000 ӘБ + 300000 ӘБ

Жүйелі пайдалануға арналған инфекцияға қарсы препараттар. Жүйелі қолдануға арналған бактерияға қарсы препараттар. Бактерияға қарсы бета-лактамды препараттар, пенициллиндер. Бета-лактамазаға сезімтал пенициллиндер. Біріктірілген препараттар.

АТХ коды J01СЕ30

Препарат ересектерде, балалар мен жасөспірімдерде қолдануға арналған.

Келесілерді емдеу үшін:

- тілмелі қабыну;

- ерте сатыдағы мерез (бастапқы және салдарлы);

- жасырын мерез (нейромерезден және ликворда патологиялық қосылыстардың болуынан басқасында);

- фрамбезия;

- пинта.

Профилактика үшін:

- ревматизмдік қызба (хорея, ревматизмдік кардит);

- стрептококктан кейінгі гломерулонефрит;

- тілмелі қабыну.

Препаратты тағайындағанда бактерияға қарсы дәрілерді тиісінше қолдану жөніндегі ресми нұсқауларды ескеру керек.

Дәрілік препаратты қолданудың басталуына дейінгі қажетті мәліметтер тізбесі

- Бензилпенициллинге, басқа бета- лактамдық антибиотиктерге немесе қосымша заттарының кез келгеніне аса жоғары сезімталдық.

- Пенициллинге аса жоғары сезімталдық.

- Анамнезде басқа бета-лактамдық препаратқа (мысалы, цефалоспориндер, карбапенемдер немесе монобактамдар) аса жоғары сезімталдықтың жылдам типті ауыр реакциясының (мысалы, анафилаксияның) болуы.

- Бала емізу.

- 3 жасқа дейінгі балаларға.

Сақтықпен: жүктілік, бүйрек жеткіліксіздігі, бауыр жеткіліксіздігі, күрделі аллергиялық анамнез, бронх демікпесі, поллиноз, жалған жарғақшалы колит.

Бауыр, бүйрек және гематологиялық статус ұзаққа созылатын ем барысында бақылануы тиіс.

Тері астына, вена ішіне, эндолюмбальді, сондай-ақ дене қуысына енгізуге болмайды. Кездейсоқ тамыр ішіне енгізілсе, өткінші жабырқау сезімі, үрей мен көрудің бұзылуы (Уанье синдромы) білінуі мүмкін. Препараттың тамыр ішіне енгізілуіне жол бермес үшін бұлшықетішілік инъекция жасар алдында, иненің тамырға түсу мүмкіндігін анықтау мақсатында аспирация өткізу ұсынылады.

Артерияға немесе жүйкеге жақын енгізбеу керек.

Жүйкеге немесе жүйкеге жақын жасалатын инъекция қайтымсыз неврологиялық зақымдануларға әкелуі мүмкін. Кездейсоқ тамыр ішіне енгізу, соның ішінде кездейсоқ тікелей жасалатын артерияішілік инъекция немесе артерияға тым жақын жасалатын инъекция ауыр жүйке-тамыр зақымдануларына, соның ішінде тұрақты салданумен болатын көлденең миелитке, аяқ-қолдың ең шеткі бөліктерін ампутациялау талап етілетін гангренаға, инъекция орнын қоршап тұрған тіндердің некрозы мен ажырауына алып келеді.

Осындай ауыр зардаптар бөксеге, санға және дельта тәрізді аумаққа жасалған инъекциялар кезінде байқалды. тамырішілік енгізу кезіндегі тіркелген басқа күрделі асқынулар аяқ-қолдың төменгі жақтарында алдыңғы және/немесе артқы фасциотомияны талап ететін сулы бөртпенің, ауыр ісінулердің түзілуіне ұласатын инъекция орындарынан бастап аяқ-қолдың дистальді және проксимальді бөлімдерінің бозаруын, дақтануын немесе цианозын қамтиды. Жоғарыда сипатталған күрделі зардаптар мен асқынулар сәбилерде және кішкентай балаларда жиірек болды.

Вена ішіне енгізуге немесе басқа венаішілік ерітінділермен араластыруға болмайды.

Аллергиялық реакция дамығанда емдеу дереу тоқтатылады. Анафилаксиялық шоктың алғашқы белгілері білінгенде пациентті бұл жағдайдан шығару үшін шұғыл шаралар қабылдау қажет: эпинефрин (адреналин), норэпинефрин (норадреналин), глюкокортикоидтар және басқа дәрілік заттар енгізу, қажет болса – өкпені жасанды желдету (ӨЖЖ).

Жүректің және тыныс алудың тоқтап қалуымен және өліммен байланысты болған байқаусызда вена ішіне Бициллин енгізу туралы хабарламалар бар.

Пенициллин препараттарының санның алдыңғы латеральді бөлігіне бірнеше рет жасалатын бұлшықетішілік инъекцияларынан кейін санның төрт байламды бұлшықетінің фиброзы мен атрофиясы тіркелген.

Мерезді емдегенде ем басталар алдында және артынан 4 ай бойы микроскопиялық және серологиялық зерттеулер жүргізу қажет.

Зеңдік зақымданулардың даму мүмкіндігіне байланысты, В тобы дәрумендері мен С дәруменін, ал қажет болса – жүйелі қолданылатын зеңге қарсы препараттарды тағайындау мақсатқа сай.

Препаратты жеткіліксіз дозаларда қолдану немесе емдеуді тым ерте тоқтатудың қоздырғыштардың төзімді штаммдарының пайда болуына жиі әкелетінін ескеру қажет.

Бензилпенициллин бензатинді келесілермен бір мезгілде қолдану ұсынылмайды актериостатикалық әсері бар, бактерияға қарсы препараттармен: жалпы қағида бойынша, бактерицидтік және бактериостатикалық антибиотиктерді біріктірмеу керек.

Пробенецид: пробенецидті енгізу бензилпенициллиннің өзекшелік секрециясының тежелуіне алып келеді, ол сарысудағы концентрациясының жоғарылауына және жартылай шығарылу кезеңінің ұзаруына алып келеді. Бұдан өзге, пробенецид пенициллиннің жұлын сұйықтығынан тасымалдануын тежейді, сондықтан пробенецидті бір мезгілде қабылдау бензил пенициллиннің ми тіндеріне енуін одан әрі төмендетеді.

Қабынуға қарсы, ревматизмге қарсы және ыстықты түсіретін дәрілер: бензилпенициллинді қабынуға қарсы, ревматизмге қарсы немесе ыстықты түсіретін дәрілермен (әсіресе, индометацинмен, фенилбутазонмен, жоғары дозалардағы салицилаттармен) бірге қолданғанда сарысудағы концентрациясының жоғарылауына және жартылай шығарылу кезеңінің ұзаруына алып келеді.

Дигоксин: дигоксинді қабылдап жүрген пациенттерде бензилпенициллинді сақтықпен пайдалану керек, өйткені өзара әрекеттесулерінің нәтижесінде брадикардия қаупі бар.

Метотрексат: бензилпенициллинмен бірге қолданғанда, метотрексаттың экскрециясы азаяды. Бұл метотрексат уыттылығының артуына алып келуі мүмкін. Метотрексат пен пенициллинді бір мезгілде қолданбаған дұрыс. Егер қатарлас пайдаланбауға болмайтын болса, метотрексаттың дозасын төмендетуді қарастыру керек. Пациент лейкопенияны, тромбоцитопенияны және терінің іріңдеуін қоса, метотрексаттың болуы мүмкін қосымша жағымсыз реакцияларына қатысты тексерілуі тиіс.

Пероральді антикоагулянттар: пероральді антикоагулянттар мен пенициллиндік антибиотиктер тәжірибеде өзара әрекеттесулерінсіз кеңінен пайдаланылды. Дегенмен, әдебиеттерде, пенициллинмен бір мезгілде аценокумаролды немесе варфаринді тағайындағанда қан кету байқалған пациенттер санының артқаны туралы хабарламалар бар. Егер бір мезгілде қабылдау қажет болса, пенициллинді бірге енгізгенде немесе қабылдауды тотатқанда протромбин уақытын немесе коагуляцияның басқа параметрлерін мұқият бақылау керек. Бұдан өзге, антикоагулянттың пероральді дозасын түзету қажет болуы мүмкін.

- Бензатин бензилпенициллинді перфузиясы төмен тіндерге қолданбау керек.

- Бензатин бензилпенициллинмен емдеуді бастар алдында, осының алдында пенициллиндерге, цефалоспориндерге немесе басқа бета-лактамдық препараттарға болған аса жоғары сезімталдық реакциялары туралы мұқият анамнез жинақтау керек.

- Пациенттерде пенициллинмен емдеу кезінде аса жоғары сезімталдықтың ауыр және кейде өлімге соқтыратын (анафилактоидтық) реакциялары туындаған. Ондай реакциялар анамнезінде пенициллинге аса жоғары сезімталдығы бар адамдарда және атопиясы (аллергиясы, атопиялық диатезі, бронх демікпесі) бар адамдарда жиірек кездеседі. Егер аллергиялық реакция туындаса, бензатин бензилпенициллинді енгізу дереу тоқтатылуы және тиісінше емі тағайындалуы тиіс. Анафилаксиялық шоктың алғашқы белгілері пайда болған жағдайда, пациентті ондай жағдайдан шығару үшін шұғыл шараларды қолдану: эпинефринді (адреналинді), норэпинефринді (норадреналинді), глюкокортикоидтарды және басқа дәрілік заттарды енгізу, қажет болса – өкпені жасанды жолмен желдету (ӨЖЖ) қажет.

- Емдеуді бастар алдында мүмкіндігінше, аса жоғары сезімталдыққа тест жүргізу керек. Пациент аллергия симптомдарының туындауы мүмкіндігінен және олар туралы хабарлау қажеттігінен хабардар болуы тиіс.

- Келесі жағдайлары бар пациенттерде сақтық таныту керек:

- аллергиялық диатез немесе бронх демікпесі (аса жоғары сезімталдық реакциясының қаупі жоғары);

- бүйрек жеткіліксіздігі (дозасын түзету қажет, дозасын түзету үшін);

- бауыр функциясының бұзылуы;

- жүктілік;жалған жарғақшалы колит;

- жүректің ауыр аурулары немесе электролит теңгерімінің шығу тегі кез келген басқа ауыр бұзылулары (пациенттердің бұл тобында электролиттердің қолданылуына, әсіресе, калийдің қабылдануына көңіл бөлу керек);

- эпилепсия, мидың ісінуі немесе менингит;

- мононуклеоз (тері бөртпесінің қаупі жоғары);

- дерматомикоздар (парааллергиялық реакциялар болуы мүмкін, өйткені пенициллиндер мен дерматофиттер метаболизмі өнімдерінің арасында ортақ антигенділік болуы мүмкін).

- Жалпы қағида бойынша, әсіресе, әсерге ұшыраған кейбір пациенттерде мүмкіндігінше, осы антибиотик енгізілгеннен кейінгі кемінде 30 минут ішінде медициналық қадағалау қамтамасыз етілуі тиіс, өйткені жылдам типті ауыр аллергиялық реакциялар тіпті, алғаш енгізгеннен кейін де туындауы мүмкін, сондықтан, аса қажет болатын жағдайда адреналин ерітіндісі инъекцияға дайын тұруы тиіс. Егер аллергиялық реакция туындаса, препаратты енгізу тоқтатылуы және егер қажет болса, симптоматикалық ем тағайындалуы тиіс.

- Бета-лактамдар, әсіресе, артық дозаланған немесе бүйрек функциясы бұзылған жағдайларда, энцефалопатияның (сананың шатасуы, сана деңгейінің өзгеруі, эпилепсия немесе қимыл-қозғалыс бұзылулары) даму қаупімен байланысты.

- Мерезді емдеу кезінде пенициллиннің патогендік микроорганизмдерге бактерицидтік әсерінің нәтижесінде Яриш-Герксхаймер реакциясы туындауы мүмкін. Препаратт қабылдағаннан кейін 2-12 сағат ішінде бас ауыруы, қызба, тершеңдік, қалтырау, миалгия, артралгия, жүрек айнуы, тахикардия, артериялық қысымның жоғарылауы соңынан гипотензиямен туындауы мүмкін. Бұл симптомдар 10-12 сағаттан соң басылады. Пациенттер мұның антибиотиктермен емдеудің әдеттегі, өтпелі салдары екендігінен хабардар болуы тиіс. Яриш-Герксхаймер реакциясын бәсеңдету немесе әлсірету үшін тиісінше емін тағайындау керек.

- Ұзақ уақыт емдегенде (бір дозасынан артық) бүйрек, бауыр және қан түзу функциясын қоса, ағзалар жүйелерінің функцияларын жүйелі түрде бағалап отыру ұсынылады.

- Бензатин бензилпенициллинді ұзақ уақыт қолдану кейде сезімтал емес организмдердің немесе ашытқылық зеңдердің шамадан тыс көбеюіне алып келуі мүмкін, және пациенттер суперинфекцияларға қатысты мұқият қадағалануы тиіс.

- Антибиотикпен астасқан (жалған жарғақшалы) колит бензатин бензилпенициллинді қоса, бактерияға қарсы препараттардың барлығымен жағдайда дерлік тіркелген, және ауырлық дәрежесі жағынан жеңілден өмірге қауіп төндіретін дәрежеге дейін ауытқып отыруы мүмкін. Сондықтан, шырышты-геморрагиялық колит, сулы диарея, шаншу, іштің түйіп ауыруы, қызба, кейде қандай-да бір антибиотиктерді енгізу кезіндегі немесе енгізгеннен кейінгі тенезмдер байқалған пациенттерде бұл диагнозды ескеру маңызды. Антибиотиктермен байланысты колит туындаған жағдайда, бензатин бензилпенициллинді қабылдауды тоқтатып, дәрігермен кеңесу және тиісінше емін бастау керек. Бұл жағдайда перистальтикаға қарсы дәрілік заттарды қолдануға болмайды.

- Егер туа біткен мерезі бар пациенттерде неврологиялық зақымдануды жоққа шығаруға мүмкіндік болмаса, пенициллиннің жұлын сұйықтығында жоғарырақ деңгейіне жететін түрлерін пайдалану керек.

- Пенициллиннің қан плазмасындағы деңгейінің жоғарырақ болуын қажет ететін, ауыр пневмония, эмпиема, сепсис, менингит немесе перитонит сияқты аурулар кезінде, бензилпенициллиннің суда еритін сілтілік тұзы сияқты баламалы емін қарастыру керек.

- Сирек жағдайларда пенициллиндерді қабылдап жүрген пациенттерде протромбин уақытының ұзарғаны білінеді. Антикоагулянттарды бір мезгілде қолданғанда тиісінше бақылау жүргізілуі тиіс. Антикоагуляцияның қалаған емдік әсеріне жету үшін, антикоагулянттың пероральді дозасын түзету қажет.

- Препараттың жеткіліксіз дозаларын қолдану немесе емдеуді тым ерте тоқтату көбінесе, резистентті қоздырғыштар штамдарының пайда болуына алып келетіндігін ескеру қажет.

- Балаларда қолданылуы

- 3 жасқа дейінгі балаларға қолдануға болмайды.

- Қант диабеті

- Қант диабеті бар пациенттерде бұлшықет ішіне енгізгенде бензилпенициллиннің сіңірілуі төмендейтінін айта кету керек.

- Бензилпенициллин бензатин қолдану жөніндегі ескертпелер

- Бициллин-5 препаратын тері астына, вена ішіне, эндолюмбальді, сондай-ақ, дене қуыстарына енгізуге болмайды.

- Препарат байқаусызда тері астына енгізілген жағдайда, ауырсындыратын тығызданулар туындауы мүмкін. Ондай жағдайларда мұз салынған пакеттер көмектеседі.

- Байқаусызда тамыр ішіне инъекциялау жағдайында, суспензияның микроэмболиялары туғызған Уанье синдромы (өлім қаупін төндіретін, сананың шатасуымен, елестеуермен, цианоз ықтимадығымен, тахикардиямен дене қимыл-қозғалыс бұзылуларымен, бірақ қанайналым бұзылуларынсыз жүретін шок симптомдары) туындауы мүмкін. Симптомдары бір сағат ішінде басылады. Ауыр үдеуі жағдайында, тыныштандыратын препараттарды парентеральді енгізу көрсетілген.

- Байқаусызда артерия ішіне инъекцияланған жағдайда, әсіресе балаларда, тамырлардың бітеліп қалуы, тромбоз және гангрена сияқты ауыр асқынулар туындауы мүмкін. Бастапқы белгілері – бөксе аймағының терісіндегі бозғылт дақтар. Байқаусызда тамыр ішіне енгізілуі, соның ішінде байқаусыздағы артерияішілік инъекциясы немесе артерияға тікелей жақын жерге инъекциялануы ауыр жүйке-қантамырлық зақымдануларға, соның ішінде тұрақты салданумен жүретін көлденең миелитке, аяқ-қолдардың проксимальді бөліктерінің ампутациясын қажет ететін гангренаға, некрозға және инъекция орнының айналасындағы тіндердің ажырауына алып келеді. Ондай ауыр салдарлары бөксеге, санға және дельта тәрізді аймаққа жасалған инъекциялары кезінде байқалған.

- Инъекция қысымының жоғарылығы нәтижесінде енгізілген сұйықтықтың жалпы мықын артериясына, қолқаға немесе жұлын-ми артерияларына ретроградтық енуі орын алуы мүмкін.

- Бұлшықет тінінің шектеулі бір бөлігіне депо-пенициллиндермен ұзақ емдеумен байланысты инъекциялардың қайталануы (мысалы, мерезді емдеу кезінде), тіндердің зақымдануын және жергілікті васкуляризациясының күшеюін индукциялауы мүмкін.

- Пенициллин препараттарының санның алдыңғы латеральді бөлігіне бірнеше реттік бұлшықетішілік инъекцияларынан кейін фиброз және санның төртбасты бұлшықетінің атрофиясы тіркелді.

- Келесі инъекциялары инъекциялық заттың қантамырға тікелей енгізілуі жолымен, не болмаса инъекцияның өзінің қысымынан туындаған, не болмаса алдыңғы инъекциядан түзілген препарат депосына «үйкелуі» жолымен қанға енуі мүмкіндігін арттырады. Сондықтан ұзақ уақыт емдегенде әрбір инъекцияның алдыңғысынан үлкен қашықтықта жүргізу ұсынылады.

- Артерияларға немесе жүйкеге жақын жерге енгізуге болмайды.

- Жүйкеге немесе жүйкеге жақын маңға инъекция жасау қайтымсыз неврологиялық зақымдануларға алып келуі мүмкін.

- Диагностикалық зертханалық емшараларға ықпалы

- Венерологиялық аурулар кезінде, зерттеулер емдеу басталғанға дейін жүргізілуі тиіс (мысалы, егер пациентте мерездің бар екендігіне күдік болса). Мониторингілеу мақсатындағы серологиялық тестілер де кемінде 4 ай бойы жүргізілуі тиіс.

- Бұдан өзге, бензатин бензилпенициллинмен емдеу аясында, диагностикалық тестілерде келесі өзгерістер байқалуы мүмкін:

- күніне 10 миллион ХБ (6 г баламалы) немесе одан көп бензилпенициллинді қабылдап жүрген пациенттерде Кумбстің тікелей оң тестісі жиі дамиды (≥ 1%-дан < 10%-ға дейін). Пенициллинді қабылдау тоқтатылғаннан кейін тікелей антиглобулиндік тест 6-8 апта бойы оң күйінде қалуы мүмкін;

- несептегі ақуызды тұндыру әдістерін (сульфосалицил қышқылы, трихлорсірке қышқылы), Фолин-Чокалтеу-Лоури әдісін немесе биурет әдісін пайдаланып анықтау жалған оң нәтижелерге алып келуі мүмкін. Сондықтан несептегі ақуызды басқа әдістермен анықтаған дұрыс;

- несептегі аминқышқылдарды нингидрин әдісінің көмегімен анықтау да жалған оң нәтижелерге алып келуі мүмкін;

- пенициллиндер альбуминмен байланысады. Сол себепті, альбуминді анықтаудың электрофорездік әдістері жағдайында псевдобисальбуминемияның жалған оң реакциясы болуы мүмкін;

- бензатин бензилпенициллинмен емдеу кезінде несептегі глюкозаны ферменттік емес жолмен анықтау және уробилиногенді анықтаудан жалған оң нәтижелер алынуы мүмкін;

- бензилпенициллин бензатинмен емдеу кезінде несептегі 17-кетостероидты анықтауда (Циммерман реакциясының көмегімен) мәндерінің жоғарылағаны байқалуы мүмкін;

- Цефалоспориндерге аса жоғары сезімталдық жағдайларында айқаспалы анафилактоидтық немесе анафилаксиялық реакция болуы мүмкін (әдебиеттердегі деректер бойынша жиілігі: 5-10%).

Дозалану режимі

Дозалау жөніндегі нұсқаулар инфекцияның ауырлығы мен типіне, пациенттердің жас шамасы мен бауыр-бүйрек функциясына тәуелді.

1.Жалпы ем

Ескертпе:

- стрептококктық инфекциялар кезінде инфекциялардың екінші рет қайталануына жол бермеу үшін, ең кемі 10 күндік емдеу курсын сақтау керек. Әдетте, бұл бензилпенициллин бензоатының бір реттік 600 000 ӘБ, 1 200 000 ӘБ, 2 400 000 ӘБ инъекциялары арқылы қамтамасыз етіледі;

- * бензилпенициллин бензоаты, бұдан әрі мәтінде БПБ деп қысқартылады;

- ** бензилпенициллин новокаин тұзы, бұдан әрі мәтінде БПНТ деп қысқартылады.

2. Мерезді емдеу

2.1 Мерездің бастапқы және екінші сатылары

2.2 Мерездің кейінгі сатысы (жасырын серо-позитивтік мерез)

3. Фрамбезия мен пинтаны емдеу

4. Ревматизмдік қызбаның, стрептококтан кейінгі гломерулонефриттің, тілмелі қабынудың профилактикасы

Дәрілік препаратты қолдану тәсілін түсіндіру үшін медицина қызметкерінің кеңесіне жүгіну бойынша нұсқаулар

Дәрілік препаратты қабылдамас бұрын дәрігер немесе фармацевт кеңесіне жүгініңіз.

Жиі:

- кандидоз;

- диарея;

- жүрек айнуы;

- Кумбстің тікелей оң тестісі;

- преципитация әдістерін (Фолин-Чокальтеу-Лоури әдісі, биурет әдісі) пайдаланғанда несептегі ақуыз мөлшерінің жалған оң анықталуы;

- несептегі аминқышқылдардың жалған оң анықталуы (нингидрин әдісі);

- альбуминді анықтау үшін электрофорез әдістерін пайдаланған кезде псевдобисальбуминемияның жалған көрсеткіштері;

- несептегі глюкозаның ферменттік емес жолмен жалған оң анықталуы және уробилиногеннің анықталуы;

- несептегі 17-кетостероидты анықтау (Циммерман реакциясын пайдаланып) кезіндегі мәндердің жоғарылығы.

Жиі емес:

- стоматит;

- глоссит;

- құсу;

Сирек:

- аллергиялық реакциялар;

- есекжем;

- ангионевроздық ісіну;

- мультиформалы эритема;

- эксфолиативтік дерматит

- дене температурасының жоғарылауы;

- артралгия;

- артериялық қысымның төмендеуімен және анафилактоидтық реакциялармен жүретін анафилаксиялық шок;

- астма;

- пурпура;

- асқазан-ішек жолы тарапынан симптомдар;

- нефропатия;

- интрестициальді нефрит;

Өте сирек:

- эозинофилия, лейкопения, нейтропения, гранулоцитопения, тромбоцитопения, агранулоцитоз, панцитопения, гемолиздік анемия, коагуляция бұзылулары.

Белгісіз:

- қан кету мен протромбин уақытының ұзаруы;

- сарысу құю ауруы;

- спирохеталар инфекцияларымен біріккен Яриш-Герксгеймер реакциясы (мерез және Лайм боррелиозы)*;

- гепатит, холестаз;

- пемфигоид (тері мен шырышты қабықтарда субэпителиальді күлбіреуіктердің болуы);

- жалған жарғақшалы колит;

- инъекция орнының ауыруы;

- инъекция орнындағы инфильтраттар;

- Уанье синдромы (Хайн реакциясы);

- Николау синдромы;

- жергілікті реакциялар***;

- парааллергиялық реакциялар**.

Ескертпе:

* Мерезді емдеуде бактериолиздің нәтижесінде қызбамен, қалтыраумен, жалпы және ошақтық симптомдармен сипатталатынЯриш-Герксхаймер реакциясы туындауы мүмкін.

** Дерматомикозы бар пациенттерде парааллергиялық реакциялар туындауы мүмкін, өйткені пенициллиндер мен дерматофиттер метаболиттері арасында ортақ антигенділік болуы мүмкін.

*** Сәбилерде жергілікті реакциялар болуы мүмкін.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттарды және медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір құтының ішінде, ӘБ:

белсенді заттар: бензатин бензилпенициллині – 1 200 000,

бензилпенициллиннің новокаин тұзы - 300 000;

қосымша заттар: препараттың құрамында қосымша заттар жоқ.

Ақ немесе сәл сарғыштау реңді ақ түсті, жентектелуге бейім, су қосқан кезде біркелкі суспензия түзетін ұнтақ.

1200000 ӘБ + 300000 ӘБ, сыйымдылығы 10 мл, алюминий қақпақшалармен немесе пластмасса қақпағы бар біріктірілген алюминий қалпақшалармен қаусырылған резеңке тығындармен герметикалық тығындалған құтыларда.

Әрбір құтыға өздігінен желімденетін заттаңба жапсырылады.

50 құтыдан медициналық қолдану жөніндегі қазақ және орыс тілдеріндегі 1-10 нұсқаулықпен бірге картон қорапқа салынған.

Қорапқа заттаңбалық немесе жазатын қағаздан жасалған немесе өздігінен желімденетін заттаңба жапсырылады.

3 жыл.

Жарамдылық мерзімі өткеннен кейін қолдануға болмайды!

25 ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы.

«Синтез» ЖАҚ, Ресей

640008, Қорған обл., Қорған қ., Конституция даңғылы, 7 үй

Тел.: +7 (495) 646-28-68

e-mail: info@binnopharmgroup.ru

«Синтез» ЖАҚ, Ресей,

640008, Қорған обл., Қорған қ., Конституция даңғылы, 7 үй

Тел.: +7 (495) 646-28-68

e-mail: info@binnopharmgroup.ru

«LEKARSTVENNAYA BEZOPASNOST (Лекарственная безопасность)» ЖШС,

050047, Қазақстан Республикасы, Алматы қаласы, Алатау ауданы, Саялы шағын ауданы, 16 үй

Тел.: +7 (777) 064-27-02

E-mail: adversereaction@drugsafety.ru, info@binnopharmgroup.ru