Бисакодил Гриндекс таблетки по 5 мг № 40 (4 блистера х 10 таблеток)

Бисакодил Гриндекс

Бисакодил

Ішекте еритін қабықпен қапталған таблеткалар, 5 мг.

Ас қорыту жолы және зат алмасу. Іш қатуды емдеуге арналған препараттар. Жанаспалы іш жүргізетін препараттар. Бисакодил.

АТХ коды А06АВ02

- этиологиясы әртүрлі іш қату

- пациенттерді хирургиялық операцияларға және диагностикалық емшараларға дайындау (мысалы, колоноскопия және радиологиялық зерттеулер кезінде).

Қолданудың басталуына дейінгі қажетті мәліметтер тізбесі

-препараттың белсенді затына және/немесе кез келген қосымша затқа немесе басқа іш жүргізетін дәрілерге жоғары сезімталдық

-шығу тегі әртүрлі ішектің бітелуі (илеусты қоса алғанда);

-«іштеспе» синдромы

-жүрек айнуы және құсумен қатар жүретін іштің қатты ауыруы, аппендицит пен перитонитті қоса алғанда, ауыр жағдайларды көрсетуі мүмкін

-асқазан-ішек жолынан қан кету

-тік ішектен қан кету

-ауыр дегидратация

-жіңішке және жуан ішектің жедел қабыну аурулары, спецификалық емес ойық жаралы колит, Крон ауруы

-18 жасқа дейінгі жасөспірімдер және балалар.

Бисакодилді сілтілі өнімдермен және дәрілік препаратты бір мезгілде қолдануға болмайды. Бұл өнімдер мен дәрілік препаратты бисакодилді қабылдағанға дейін 1 сағат бұрын және одан кейін қолданбаған дұрыс.

Бисакодилді іштің ауыруы, жүрек айнуы, құсу және ішектің қабынуы бар пациенттерде сақтықпен қолдану керек.

Басқа іш жүргізетін дәрілерді қолданған кездегідей, бисакодилді ұзақ қолдануға болмайды. Тоқ ішек атониясының ықтимал дамуына байланысты іш қатудың себебін анықтағаннан кейін 5 күннен артық қолдануға болмайды.

Пациентті хирургиялық операцияларға және диагностикалық емшараларға дайындау кезінде бисакодилді тек медициналық бақылаумен ғана қолдануға болады.

Бисакодилді натрий гидрогенкарбонатымен, антацидтермен, Н2гистаминді рецепторлар блокаторлармен (мысалы, циметидинмен, ранитидинмен, фамотидинмен), сілтілі минералды сулармен немесе сүтпен бір мезгілде қолдану таблетка қабығының жылдам бұзылуына және асқазан мен он екі елі ішектің қатты тітіркенуін тудыратын белсенді заттының босап шығуына ықпал етеді. Бисакодилді қабылдау мен сілтілі өнімдерді қолдану арасындағы 1-2 сағат аралықты сақтау керек.

Бисакодил бауыр және/немесе бүйрек аурулары бар пациенттерде, сондай-ақ ішектің қабыну ауруларына күдік туған пациенттерде сақтықпен қолданады.

Педиатрияда қолдану

18 жасқа дейінгі балалар мен жасөспірімдерге қолдануға болмайды.

Қосымша заттар

Бисакодил Гриндекс құрамында сахароза және лактоза моногидраты бар, сондықтан аталған препаратты сирек туа біткен фруктоза/галактоза жақпаушылығы, лактазаның абсолютті тапшылығы, глюкоза-галактоза мальабсорбциясы немесе сахараза-изомальтаза жеткіліксіздігі бар пациенттерге қолдануға болмайды.

Бисакодил Гриндекс таблеткасының қабығының құрамында аллергиялық реакциялар туындатуы мүмкін «күн батар түстес» сары бояғыш (Е 110) бар.

Жүктілік немесе лактация кезінде

Бисакодил жүкті және бала емізетін әйелдерде сақтықпен қолданылады.

Бисакодилді жүктілік кезеңінде қолдану қауіпсіздігі анықталмаған, сондықтан жүктілік кезінде препаратты егер дәрілік препараттың ананы емдеудегі емдік әсері шаранаға төнетін ықтимал қауіптен асып түскен жағдайда ғана қолдануға болады.

Бала емізу

Бисакодил ананың емшек сүтіне енбейді. Алайда, бұл дәрілікті препаратты бала емізу кезеңінде егер ананы емдеудегі емдік әсері балаға төнетін ықтимал қауіптен асып түскен жағдайда ғана қолдануға болады.

Дәрілік препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Бисакодил көлік құралдарын басқарау немесе механизмдермен жұмыс істеу қабілетіне әсер етпейді. Алайда, пациенттер вазовагальді реакцияға байланысты (мысалы, абдоминальді спазм) бас айналуы және/немесе естен тануды сезінуі мүмкін екендігі туралы ескерту керек. Егер пациенттер абдоминальді спазмды сезінсе, олар көлік жүргізу немесе техникамен жұмыс істеу сияқты қауіптілігі зор міндеттерден аулақ болу керек.

Дозалау режимі

Тоқ ішектің гипотониясынан болатын іш қату кезінде, геморрой, проктит, анальді сызаттар кезінде іштің жүруін реттеу үшін ересектерге препаратты әр қабылдауда 1-3 таблеткадан (5-15 мг бисакодил) қолданады. Босаңсытатын әсері жеткіліксіз болған кезде, келесі күні таңертең препараттың қосымша 1-2 таблеткасын (5-10 мг) қабылдайды.

Хирургиялық операцияларға, аспаптық және рентгенологиялық зерттеулерге дайындағанда зерттеулерге бір тәулік қалғанда түнге 2 таблеткадан және операция немесе зерттеу алдындағы түнге 2 таблеткадан  тағайындайды.

Енгізу әдісі мен жолы

Ішке қабылдауға арналған. Таблеткалар ұйықтар алдында ас қабылдауға байланыссыз қолданылады. Таблеткаларды шайнамай, бүтіндей жұту қажет.

Емдеу ұзақтығы – 5 тәуліктен аспайды.

Артық дозаланғанда қабылдануы қажет шаралар

Симптомдары: диарея, сусыздану, су-электролит теңгерімінің бұзылуы, гипокалиемия. Бисакодилдің белсенді метаболиті, бис(pгидроксифенил) пиридил-2-метан шырышты қабықты зақымдауы және жіңішке ішек пен тоқ ішектің қабынуын тудыруы мүмкін. Созылмалы артық дозалану жағдайында тоқ ішек атониясы дамуы мүмкін.

Емі: симптоматикалық. Дегидратация және/немесе су-тұз теңгерімін қалпына келтіру үшін іс-шаралар жүргізіледі. Арнайы антидоты жоқ.

Дәрілік препаратты қолдану тәсілін түсіндіру үшін медицина қызметкеріне кеңес алу үшін жүгіну бойынша ұсынымдар

Дәрілік препаратты қолдану бойынша сұрақтар болған кезде емдеуші дәрігермен, фармацевтика қызметкерімен немесе мейірбикемен кеңесіңіз.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Әдетте бисакодилдің жағымдылығы жақсы.

Препаратты қабылдауды дереу тоқтатыңыз, егер қандай да бір белгілер немесе симптомдар туындаса, дәрігерге жүгініңіз:

Сирек:

-беттің немесе тамақтың ісінуін, тыныс алудың қиындауын немесе бас айналуын туындатуы мүмкін ауыр аллергиялық реакциялар

-ишемиялық колитті қоса алғанда, колит (іштің ауыруы мен іш өтуді туындататын тоқ ішектің қабынуы)

-дегидратация (сусыздану)

-аллергиялық реакцияға байланысты бөртпе

-естен тану.

Жиі емес:

-гематохезия (нәжісте қанның болуы), құсу, іш аймағындағы жайсыздық, артқы өтіс аймағындағы жайсыздық

-бас айналу.

Жиі:

-іш аймағы құрысу немесе түйіліп ауыруы

-іш өту

-жүрек айнуы.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат – 5 мг бисакодил,

қосымша заттар: сахароза, лактоза моногидраты, картоп крахмалы, тальк, кальций стеараты, метилцеллюлоза, полисорбат 80.

Қабықтың құрамы: метакрил сополимер қышқылдары (Эудражит L 30 D-55), тальк, титанның қостотығы (Е 171), триэтилцитрат, «күн батар түстес» сары бояғыш (Е 110).

Дөңгелек, екі беті дөңес, ақшыл-қызғылт сары қабықпен қапталған таблеткалар, сындырған жерінде ақ ядросы бар.

10 таблеткадан поливинилхлоридті үлбірден және алюминий фольгадан жасалған пішінді ұяшықты қаптамада.

4 пішінді ұяшықты қаптамадан қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

25 °С-ден аспайтын температурада сақтау керек.

Балалардың қолы жетпейтін жерде сақтау керек!

5 жыл

Жарамдылық мерзімі өткеннен кейін қолдануға болмайды!

Рецептісіз

«Гриндекс» АҚ. Крустпилс к-сі, 53, Рига, LV-1057, Латвия

Телефон: +371 67083205

Факс: +371 67083505

Электронды пошта: grindeks@grindeks.lv

«Гриндекс» АҚ. Крустпилс к-сі, 53, Рига, LV-1057, Латвия

Телефон: +371 67083205

Факс: +371 67083505

Электронды пошта: grindeks@grindeks.lv

Қазақстан Республикасының аумағында тұтынушылардан дәрілік заттардың сапасы бойынша шағымдарды (ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері (телефон, факс, электронды пошта)

«Гриндекс» АҚ өкілдігі

ҚР, 050010, Алматы қаласы, Медеу ауданы, Достық даңғылы, 34/1 үй, № 1 пәтер

Телефон нөмірі: +7 (727) 291-88-77

Электронды пошта: office@grindeks.kz