Бифидумбактерин лиофилизат д/внут. и местн. прим. по 5 доз №10 (флаконы)

Бифидумбактерин

Жоқ

Ішілетін және жергілікті қолдану үшін суспензия дайындауға арналған лиофилизат, 5 доза

Ас қорыту жолы және зат алмасу. Диареяға қарсы, ішекке арналған қабынуға қарсы/ микробқа қарсы препараттар. Диареяға қарсы микроорганизмдер.

АТХ коды А07FA

- шығу тегі әр түрлі ішек функциясының ұзақ бұзылуында

- ішектің жедел инфекцияларында кешенді ем құрамында

- антибиотиктерді немесе ауыр токсикоз, экстрагенитальді ауруларды өткерген, ұзақ сусыз кезеңі немесе басқа патологиясы болған аналардан; лактостазасы, емшек ұшының сызаттары болған және маститтен кейін емшек емізуді қайта бастаған аналардан емшек сүтін қабылдайтын ауыр преморбидті фоны бар жаңа туған нәрестелерде, оның ішінде шала туған балаларда ішек функциясының бұзылуы және дисбактериозында

- анемия, гипотрофия, рахит, аллергия, көкжөтелі бар әлсіреген балаларда кешенді ем құрамында

- емшек еметін нәрестелерді жасанды тамақтандыруға ерте көшірген кезде ішек функциясының бұзылуында

- дисбактериоз аясындағы жуан және жіңішке ішек жедел және созылмалы қабыну ауруларында (колит, энтероколит)

- антибиотиктермен, сульфаниламидтермен емдеуден, гормондармен, сәулемен емдеуден кейінгі ішек дисбактериозында

- "қауіп" тобына жататын (емшегінің ұшы шықпаған немесе ұшы жайпақ әйелдер, емшек ұшы эрекциясының төмендеуі, сызаттар болуы) бала емізетін аналарда маститтің профилактикасы

- әйелдердің жыныстық сферасының қабыну ауруларында (бактериялық кольпит, гормондардан болған сенильді кольпит)

- жүкті әйелдерде қынап секреті тазалығының III-IV дәрежеге дейін бұзылуында

Қолданудың басталуына дейінгі қажетті мәліметтер тізбесі

- препарат компоненттеріне жоғары сезімталдық;

- тұқым қуалайтын лактоза, сахароза жақпаушылығы, глюкоза-галактоза мальабсорбциясы немесе сахароза-изомальтаза жеткіліксіздігі синдромы бар пациенттер.

Қолдану кезінде қажетті сақтандыру шаралары

Бифидумбактерин қолданғанда ерекше сақтандыру шаралары жоқ.

Басқа дәрілік заттармен өзара әрекеттесуі

Препараттың емдік тиімділігін төмендетпеу үшін Бифидумбактеринді алкогольмен бір мезгілде қабылдамаған жөн.

Әсерін В тобы дәрумендері күшейтеді. Антибиотиктерді қабылдаған кезде антибиотик пен Бифидумбактерин препаратын қабылдау арасындағы ұсынылатын аралығы 3-4 сағатты құрайды.

Геронтологиялық тәжірибеде қолданудың ерекшеліктері айқындалмаған.

Бифидумбактерин қабылдау алдында емдеуші дәрігермен кеңесу қажет, егер сізде:

- дене температурасы 38 °С жоғары,

- іштің қатты ауруы,

- нәжісте қан немесе шырыш іздері,

- диарея екі күннен астам созылған және іштің қатты ауыруымен, сусыздану және салмақ жоғалтумен қатар жүрсе,

- созылмалы аурулар: қант диабеті, ЖИТС болса.

Жай-күйі нашарлаған, жаңа симптомдар немесе шағымдар пайда болған кезде дәрігерге қаралу қажет.

Препаратты сұйылту үшін температурасы 40оС-ден асатын суды қолдануға және оны сұйылтылған күйінде сақтауға болмайды.

Препаратты бауыр және бүйрек функциясының бұзылуы бар адамдардың қолдану мүмкіндігі

Бауыр мен бүйрек функциясының бұзылуы препаратты қолдануға қарсы көрсетілім болып табылмайды, өйткені оның әсер ету механизмі жүйелі қан ағымына сіңу процесімен байланысты емес.

Бауыр және бүйрек функциясы бұзылған адамдарда дәрілік препаратты қолдану ерекшеліктері анықталмаған.

Педиатрияда қолданылуы

Туғаннан бастап.

Жүктілік және лактация

Препаратты жүктілік және бала емізу кезеңінде әйелдерге қолдануға рұқсат етілген. Қабылдаудың ерекше шарттары жоқ.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препарат көлік құралын немесе қауіптілігі зор механизмдерді басқару қабілетіне әсер етпейді.

Ішек аурулары кезінде балаларға:

- өмірінің алғашқы жарты жылында - күніне 2 рет қабылдауға 5 дозадан; ең жоғары дозалары: бір реттік - 5 доза, тәуліктік – 10 доза;

- екінші жарты жылында және одан үлкен кезде - 5 дозадан күніне 3 рет, ең жоғары дозалары: бір реттік - 5 доза, тәуліктік – 15 доза.

Ауырлаған преморбидті фоны бар жаңа туған нәрестелерге препаратты перзентханада өмірінің алғашқы тәулігінен бастап, шыққанға дейін қабылдауына 2,5 дозадан күніне 2 рет қолданудан бастаған жөн.

Ересектердегі жіңішке және жуан ішектің жедел және созылмалы қабыну ауруларында 5 дозадан күніне 2-3 рет қабылдау ұсынылады.

Ішек ауруларында бифидумбактеринмен емдеу курсының ұзақтығы клиникалық көріністердің ауырлығымен, науқастың жасымен анықталады және 2-ден 4 аптаға дейінді, жекелеген жағдайларда 3 айға дейінді құрайды.

Қажет болғанда бифидумбактеринмен емдеу курсын қайталауға болады.

Алдын алу мақсатында 5 дозадан күніне 1-2 рет 1-2 апта бойы тағайындайды.

Жаңа босанған әйелдердің емшек ұшы мен оның айналасын өңдеу: ерітілген препаратты (5 доза) 2 стерильді тампонға сіңдіреді де, оны бала емізер алдында 20-30 минутқа сүт бездеріне қояды. Емдеу курсы 5 күн.

Әйелдерде гениталийдің қабыну ауруларында және жүкті әйелдердің босанар алдындағы даярлығында бифидумбактеринді қынап секретінің микробиологиялық тазалығы I-II дәрежеге дейін қалпына келгенін және қабынудың клиникалық симптомдары жойылғанын бақылай отырып, 5-10 дозадан күніне 1 рет 5-8 күнге тағайындайды. Препарат сіңірілген стерильді тампонды қынапқа енгізіп, 2-3 сағатқа қалдырады.

Бифидумбактеринді ішек аурулары кезінде ішке, ал акушерлік-гинекологиялық тәжірибеде қынап ішіне қолданады.

Құтының ішіндегісін қайнаған бөлме температурасындағы сумен препараттың 1 дозасына 5 мл су (шай қасық) есебінен ерітеді.

Еріту былайша жүргізіледі: стақанға судың қажетті мөлшерін (құтыда көрсетілген доза мөлшеріне сәйкес) құяды; қақпақшасы мен тығынын алып тастап, құтыны ашады; стақандағы судың азғантай мөлшерін құтыға құяды; ерігеннен кейін (препарат 5 минутқа дейін мөлдір емес біркелкі қоспа түзе отырып ериді) құтының ішіндегісін қайтадан сол стақанға құйып араластырады. Ерітілген препараттың бір шай қасығы 1 дозаны құрайды.

Ерітілген препаратты сақтауға болмайды.

Дозаның қажетті мөлшерін тамақтануға дейін 20-30 минут бұрын қабылдайды. Препаратты емшектегі балаларға тікелей емізер алдында беруге болады.

Артық дозалану жағдайлары байқалмаған.

Дәрілік препаратты қабылдамас бұрын, дәрігердің немесе фармацевтің кеңесіне жүгініңіз.

Жағымсыз реакциялар жиілігінің параметрлері мынадай түрде анықталады: өте жиі (≥1/10); жиі (≥1/100, бірақ <1/10); жиі емес (≥1/1000, бірақ <1/100); сирек (≥1/10000, бірақ < 1/1000); өте сирек (<1/10000), жиілігі белгісіз+ (қолда бар деректер бойынша бағалау мүмкін емес).

Сирек (0,01%-дан астам, бірақ 0,1%-дан аз пациенттерде кездеседі):

-жекелей жақпаушылық.

Егер сізде қандай да бір оның ішінде қосымша парақта көрсетілмеген жағымсыз реакциялар, немесе қолданылатын дәрілік препараттардың тиімсіздігі туралы ақпарат пайда болса емдеуші дәрігермен кеңесіңіз және Қазақстан Республикасының аумағында анықталған дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлері) бойынша ақпараттық деректер базасына олар туралы хабарлаңыз:

Қазақстан Республикасы Денсаулық сақтау министрлігі Тауарлар мен көрсетілетін қызметтердің сапасы мен қауіпсіздігін бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

«Нестеренко А.Е.» ЖК, Қазақстан Республикасы, 050000, Алматы қ., Мұқанов к-сі, 104 үй, тел.: +7 7273271602, +7 7077862629, +7 7058887587, факс +772796659, e-mail: pharm_vigilance@mail.ru., ip_n_nesterenko@list.ru.

Қосымша мәліметтер

Бір дозаның құрамында:

белсенді зат – тірі бифидобактериялар 107 КТБ кем емес,

қосымша заттар: лактулоза, сахароза, желатин, құрғақ майсыздандырылған сүт.

Сарғыш немесе ақшылдау-сұр түсті, жоғарғы жағында биомассаның бөлінуі мүмкіндігімен кристалды немесе кеуек масса, өзіне тән иісі бар.

5 дозадан шыныдан жасалған құтыда. 10 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

2 жыл.

Жарамдылық мерзімі өткеннен кейін қолдануға болмайды!

Құрғақ, жарықтан қорғалған жерде, 2 °С-ден 8 °С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

«Экополис» ЖАҚ

Ресей, 601900, Владимир облысы, Ковров қ., Кузнечная к-сі, 143/1 үй, тел./факс (49232) 4-88-70, 4-88-57.

«Экополис» ЖАҚ, Ресей Федерациясы

«Нестеренко А.Е.» ЖК, Қазақстан Республикасы, 050000, Алматы қ., Мұқанов к-сі, 104 үй, тел.: +7 7273271602, +7 7077862629, +7 7058887587, факс +772796659, e-mail: pharm_vigilance@mail.ru., ip_n_nesterenko@list.ru.