Баралгин М таблетки по 500 мг №20 (2 блистера х 10 таблеток)

Баралгин® М

Натрий метамизолы

Таблеткалар, 500 мг

Жүйке жүйесі. Анальгетиктер. Басқа анальгетиктер және антипиретиктер. Пиразолондар. Натрий метамизолы.

АТХ коды: N02BB02

- жарақаттан немесе хирургиялық араласымнан кейін қатты жедел ауырсыну

- жедел шаншып ауырсыну

- онкологиялық аурулар кезіндегі ауырсыну

- басқа емдеу әдістері болмаған кезде қатты жедел ауырсыну немесе созылмалы ауырсыну

- басқа препараттармен емделмейтін жоғары температура

Қолдануды бастағанға дейінгі қажетті мәліметтер тізбесі

- әсер етуші затқа немесе кез келген қосымша заттарға аса жоғары сезімталдық

- басқа пиразолондарға немесе пиразолидиндерге жоғары сезімталдық, оның ішінде осы топтың препаратын қабылдағаннан кейін бастан өткерген агранулоцитоз

- анальгетиктерді қолданғаннан кейін (салицилаттар, парацетамол немесе диклофенак, ибупрофен, индометацин немесе напроксен сияқты басқа есірткілік емес анальгетиктер) бронх түйілуі немесе басқа анафилактоидты реакциялар (мысалы, есекжем, ринит немесе Квинке ісінуі) пайда болатын пациенттер

- жедел ұстамалы бауыр порфириясы (порфирия ұстамаларының пайда болу қаупі)

- сүйек кемігі функциясының бұзылуы, мысалы, цитостатиктермен емдеуден немесе қан түзу ағзаларының ауруларынан кейін

- глюкоза-6-фосфат дегидрогеназаның туа біткен тапшылығы (гемолиз қаупі)

- жүктілік кезеңі (үшінші триместр)

- 15 жасқа дейінгі балалар

Әсер етуші заты пиразолон туындысы болып табылатын Баралгин® М препаратын қабылдау шок пен агранулоцитоздың даму қаупімен байланысты. Бұл реакция өте сирек кездеседі, ағымы ауыр болып, пациенттің өміріне қауіп төндіруі мүмкін. Натрий метамизолын қабылдағаннан кейін анафилактоидты реакция дамыған пациенттерде есірткіге жатпайтын басқа анальгетиктерді қабылдағаннан кейін осыған ұқсас реакциялар қаупі жоғары болады. Натрий метамизолын енгізгеннен кейін анафилаксиялық немесе аллергиялық реакция (мысалы, агранулоцитоз) дамыған пациенттерде басқа пиразолондарды, пиразолидиндерді немесе басқа есірткілік емес анальгетиктерді қабылдағаннан кейін ұқсас реакциялар қаупі жоғары болады.

Агранулоцитоз

Нейтропения дамығанда (1,500 нейтрофил /мм 3 аз) қалыпты көрсеткіштер қалпына келгенге дейін емдеуді дереу тоқтатып, қан құрамын бақылау керек. Барлық пациенттерге келесі белгілердің немесе симптомдардың кез келгені пайда болған кезде препараттарды қабылдауды тоқтатып, дереу дәрігерге қаралу ұсынылады: жалпы жағдайдың күрт нашарлауы (мысалы, қалтырау, тамақ ауыруы, жұтынудың қиындауы), тұрақты немесе қайта пайда болған қызба, сондай-ақ шырышты қабықтың, әсіресе ауыз, мұрын және тамақ аумағында немесе генитальді немесе аноректальді аумақта ауырсынатын өзгерістер. Препаратты қабылдауды дереу тоқтатып, одан әрі қан талдауын (лейкоциттік формуланы қоса) бақылау керек. Зертханалық зерттеулердің нәтижелерін күтпестен, емдеуді тоқтату керек.

Тромбоцитопения

Егер тромбоцитопения белгілері пайда болса (қан кетуге, терідегі және шырышты қабықтардағы петехияға бейімділіктің жоғарылауы), препаратты қабылдауды дереу тоқтатып, қан талдауын (лейкоциттік формуланы қоса) бақылау керек. Зертханалық зерттеулердің нәтижелерін күтпестен, емдеуді тоқтату керек.

Панцитопения

Панцитопения туындағанда емдеуді дереу тоқтатып, қалыпты жағдайға келгенше жалпы қан талдауын бақылау керек. Натрий метамизолын қабылдау кезінде қан түзудің бұзылуын көрсететін белгілер мен симптомдар (мысалы, жалпы әлсіздік, инфекциялар, тұрақты қызба, гематомалар, қан кету немесе бозару) пайда болса, барлық пациенттерге дереу дәрігерге қаралу ұсынылады.

Анафилаксиялық және анафилактоидты реакциялар

Енгізу әдісін таңдағанда, парентеральді қолдану әдісінде анафилаксиялық / анафилактоидты реакциялардың даму қаупі жоғары екенін назарға алу қажет. Атап айтқанда, қауіп тобын келесі («Қолдануға болмайтын жағдайлар» бөлімін қараңыз):

- анальгетикалық демікпе синдромы бар немесе анальгетиктерді қабылдаған кезде есекжем немесе Квинке ісінуі сияқты реакциялардың даму қаупі бар пациенттер

- бронх демікпесімен, әсіресе қатарлас жүретін полипозды риносинуситпен ауыратын пациенттер

- созылмалы есекжеммен ауыратын пациенттер

- алкогольге жақпаушылығы бар пациенттер (пациенттер тіпті аз мөлшердегі алкогольдік сусындарға түшкірумен, көзден жас ағумен және беттің қызаруымен жауап береді) құрайды. Алкогольге жақпаушылығы диагноз қойылмаған анальгетикалық демікпе синдромының көрсеткіші бола алады.

- бояғыштарға (мысалы, тартразин) немесе консерванттарға (мысалы, бензоаттарға) жағымсыздығы бар пациенттер.

Анафилаксиялық шок анамнезінде аллергиялық реакциялар бар пациенттерде жиі кездеседі. Сондықтан натрий метамизолын бронх демікпесі немесе атопиялық дерматиті бар пациенттерге сақтықпен тағайындау керек.

Егер пациентте анафилактоидты реакциялардың даму қаупі болса, «пайда-қауіп» арақатынасын мұқият саралау керек. Егер препарат қауіп тобындағы пациентке тағайындалса, тиісті шаралар қабылдау үшін қатаң медициналық бақылау және алғашқы медициналық көмекке қол жеткізу қажет.

Терінің ауыр реакциялары

Натрий метамизолын қолдану кезінде тері реакциялары, оның ішінде Стивенс-Джонсон синдромы (СДС), уытты эпидермальді некролиз (УЭН) және пациенттің денсаулығы мен өміріне қауіп төндіретін, эозинофилиямен және жүйелік симптомдармен (DRESS-синдромы) дәрілік реакция туралы хабарланды. Препаратты қабылдаған кезде тері реакцияларын мұқият бақылау керек. Егер осы реакциялардың дамуын көрсететін белгілер мен симптомдар пайда болса, емдеуді дереу тоқтатып, ешқашан қайта бастамау керек.

Бауырдың дәрілік зақымдануы

Натрий метамизолымен емделген пациенттерде емдеу басталған соң бірнеше күннен бірнеше айға дейін манифестациясы бар жедел гепатиттің негізінен гепатоцеллюлярлық типтегі жағдайлары туралы хабарланды. Белгілер мен симптомдарға сарғаюымен немесе онсыз қан сарысуындағы бауыр ферменттерінің жоғарылауы жатады, көбінесе дәрілік препараттарға аса жоғары сезімталдықтың басқа реакциялары аясында (мысалы, тері бөртпесі, қан дискразиясы, қызба және эозинофилия) немесе аутоиммунды гепатит белгілерімен үйлесімде. Пациенттердің көпшілігі метамизолмен емдеуді тоқтатқаннан кейін қалпына келді; дегенмен, кейбір жағдайларда бауыр трансплантациясын қажет ететін жедел бауыр жеткіліксіздігінің дамуы туралы хабарланды.

Бауырдың метамизолмен индукцияланған зақымдануының патогенезі нақты анықталмаған, бірақ дәлелдер иммуноаллергиялық механизмді көрсетеді. Бауырдың зақымдануын көрсететін симптомдар пайда болған жағдайда дәрігермен кеңесу керек, сонымен қатар препаратты қабылдауды тоқтатып, бауырдың зақымдануына тексеру жүргізу керек.

Препаратты метамизолмен емдеу кезінде пайда болған және зақымданудың басқа себебі анықталмаған бауыр зақымдану эпизоды бар пациенттерде қайта қолдануға болмайды.

Гипотензивті реакциялардың оқшауланған жағдайлары

Натрий метамизолын қолдану оқшауланған гипотензивті реакцияларды туындатуы мүмкін. Бұл реакциялар дозаға тәуелді болуы мүмкін және әсіресе парентеральді енгізу кезінде пациенттерде кездеседі.

Гипотензивті реакциялардың қаупі артады:

- Қанайналым көлемінің төмендеуі немесе дегидратациясы, қанайналымның тұрақсыздығы немесе жаңа басталған қанайналым жеткіліксіздігі бар бастапқыда болған гипотензиясы бар пациенттер арасында (мысалы, миокард инфарктісі немесе көптеген жарақаты бар пациенттерде ) пайда болуы мүмкін,

- дене температурасы жоғары пациенттерде.

Мұндай пациенттерге натрий метамизолын тағайындау ерекше күтімді қажет етеді; оны тек қатаң медициналық бақылаумен енгізу керек.

Гипотензивті реакция қаупін азайту үшін қан айналымын тұрақтандыру сияқты алдын алу шаралары қажет болуы мүмкін.

Жүректің ауыр ишемиялық ауруы немесе миды қанмен қамтамасыз ететін тамырлардың стенозы бар пациенттер сияқты артериялық қысымды төмендетуге болмайтын пациенттерде Баралгин® М препаратын гемодинамикалық параметрлерді мұқият бақылау арқылы ғана қолдануға рұқсат етіледі.

Бауыр немесе бүйрек функциясы бұзылған пациенттерде тиісті сақтық шараларын сақтай отырып, "пайда-қауіп" арақатынасын мұқият талдағаннан кейін ғана қолдану керек.

Натрий мөлшері бақыланатын диетаны ұстанатын пациенттер бұл дәрілік препараттың құрамында бір таблеткаға 32,7 мг натрий бар екенін ескеруі керек, бұл ересек адам үшін ДДҰ ұсынған 2 г натрийдің ең төменгі тәуліктік дозасының шамамен 1,6% - на тең.

Басқа дәрілік препараттармен өзара әрекеттесуі:

Бупропион, эфавиренц, метадон, вальпрой қышқылы, циклоспорин, такролимус, сертралин

Натрий метамизолы клиникалық тиімділіктің ықтимал төмендеуімен қандағы осы препараттардың концентрациясын төмендетуі мүмкін; сондықтан қатарлас емдеу кезінде сақтық таныту керек және қажет болған жағдайда, клиникалық жауапты және/немесе препарат мөлшерінің деңгейін бақылау керек.

Хлорпромазин

Натрий метамизолы мен хлорпромазинді бір мезгілде қолданғанда айқын гипотермия пайда болуы мүмкін.

Метотрексат

Метотрексатты натрий метамизолымен бір мезгілде қабылдау метотрексаттың гематоуыттылығын арттыруы мүмкін, әсіресе егде жастағы пациенттерде. Сондықтан бұл біріктірілімнен аулақ болу керек.

Ацетилсалицил қышқылы

Натрий метамизолы бір мезгілде қабылдаған кезде ацетилсалицил қышқылының (аспирин) тромбоциттер агрегациясына әсерін төмендетуі мүмкін. Бұл біріктірілімді жүрек-қантамыр ауруларының профилактикасы үшін ацетилсалицил қышқылының төмен дозаларын қабылдайтын пациенттерде сақтықпен қолдану керек.

Пероральді антикоагулянттар, гипертензияға қарсы препараттар, диуретиктер

Натрий метамизолы пероральді антикоагулянттармен, каптоприлмен және триамтеренмен өзара әрекеттесуі мүмкін. Гипертензияға қарсы препараттар мен диуретиктердің тиімділігі өзгеруі мүмкін. Натрий метамизолының бұл өзгерістерге әсер ету дәрежесі белгісіз.

Литий тұздары

Натрий метамизолы литий тұздарымен өзара әрекеттесуі мүмкін. Натрий метамизолының олардың фармакологиялық әсеріне қаншалықты әсер ететіні белгісіз.

Метаболизм ферменттерінің фармакокинетикалық индукциясы

Натрий метамизолы метаболизм ферменттерін, соның ішінде CYP2D6 және CYP3A4 тудыруы мүмкін.

Зертханалық сынақтар барысында өзара әрекеттесу:

Натрий метамизолын қабылдаған пациенттерде Триндер типті реакцияларды (мысалы, сарысу креатининін, триглицеридтерді, ТЖЛП холестеринін және несеп қышқылын өлшеуге арналған тесттер) қолдана отырып, зертханалық зерттеулердің клиникалық интерференциясы туралы хабарланды.

Балалар

Құрамында 500 мг натрий метамизолы бар таблеткалар дәрілік түріндегі Баралгин® М препараты 15 жасқа дейінгі балаларға ұсынылмайды.

Егде жастағы пациенттер, астениясы бар пациенттер және креатинин клиренсі төмендеген пациенттер

Егде жастағы адамдарда, хал-жағдайы әлсіреген пациенттерде және креатинин клиренсі төмен пациенттерде дозаны азайту керек, себебі натрий метамизолының метаболизм өнімдерінің шығарылуы уақыт бойынша ұзағырақ болуы мүмкін.

Бүйрек және бауыр жеткіліксіздігі бар пациенттер

Бүйрек немесе бауыр жеткіліксіздігі кезінде шығарылу жылдамдығы төмен болатындықтан, көп реттік жоғары дозаларды қолданудан аулақ болу керек. Егер препарат қысқа уақыт аралығында пайдаланылса, дозаны төмендету қажет емес. Бүгінгі күні бауырдың және бүйректің ауыр жеткіліксіздігі бар пациенттерде натрий метамизолын ұзақ уақыт бойы қолдану туралы жеткілікті ақпарат жоқ.

Педиатрияда қолданылуы

Ол балалар мен 15 жастан асқан жасөспірімдерге қолданылады.

Жүктілік немесе лактация кезінде

Жүктілік

Жүкті әйелдердің натрий метамизолы препаратын қолдануы туралы деректер шектеулі.

Бірінші триместрде (n = 568) натрий метамизолының әсеріне ұшыраған жүкті әйелдер туралы жарияланған деректерге сәйкес, тератогендік немесе эмбриоуытты әсері туралы ешқандай дәлел табылған жоқ. Натрий метамизолының бір реттік дозалары емдеудің басқа нұсқасы болмаса, кейбір жағдайларда бірінші және екінші триместрлерде қолайлы болуы мүмкін. Алайда, бірінші және екінші триместрлерде натрий метамизолын қолдану әдетте ұсынылмайды. Үшінші триместрде қолдану фетоуыттылықпен байланысты (бүйрек жеткіліксіздігі және артерия түтікшесінің тарылуы); сондықтан натрий метамизолын қолдану жүктіліктің үшінші триместрінде қарсы көрсетілімді болып табылады ("Қолдануға болмайтын жағдайлар" бөлімін қараңыз). Егер үшінші триместрде натрий метамизолы кездейсоқ қолданылса, ультрадыбыстық және эхокардиография арқылы шарана айналасындағы сұйықтық пен артерия түтікшесінің жағдайын бақылау қажет.

Метамизол простагландиндер синтезінің әлсіз тежегіші болып табылса да, ана мен шаранада тромбоциттер агрегациясының төмендеуі нәтижесінде перинатальді асқынулардың мүмкіндігін жоққа шығаруға болмайды.

Натрий метамизолы плаценталық бөгет арқылы өтеді.

Жануарларда натрий метамизолы репродуктивті уыттылықты туындатады, бірақ тератогенді әсер тудырмайды.

Бала емізу

Натрий метамизолының ыдырау өнімдері емшек сүтімен көп мөлшерде шығарылады; осылайша жаңа туған нәрестелер/сәбилер үшін қауіпті жоққа шығаруға болмайды. Атап айтқанда, емізу кезінде натрий метамизолын қайта қолданудан аулақ болу керек. Егер натрий метамизолының бір реттік дозасы енгізілсе, аналарға препаратты қабылдағаннан кейін 48 сағат ішінде емшек сүтін сауып тастап, осы уақытқа дейін нәрестені тамақтандыруды тоқтату ұсынылады.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ұсынылған дозалау режимін сақтаған кезде зейін қоюдың өзгеруі байқалмайды. Алайда, дозадан асқан жағдайда зейін қою мен психомоторлық реакциялар жылдамдығының төмендеуі мүмкін екенін ескеру қажет, бұл қабілеттер әсіресе маңызды болған жағдайларда, мысалы, көлік құралын немесе механизмдерді басқару кезінде қауіп тудырады. Бұл қауіп алкогольмен бірге қабылдаған кезде артады.

Дозалау режимі

Доза ауырудың немесе жылудың қарқындылығына, сондай-ақ пациенттің Баралгин® М препаратының әсеріне қаншалықты сезімтал екендігіне байланысты анықталады. Ауырсыну мен қызуды бақылауға мүмкіндік беретін ең төменгі дозаны таңдау өте маңызды.

Ересектер мен 15 жастағы және одан асқан жасөспірімдер (> 53 кг) 1000 мг-ға дейін натрий метамизолын тәулігіне 4 ретке дейін 6-дан 8 сағатқа дейін қабылдай алады. Бұл 4000 мг ең жоғары тәуліктік дозаға сәйкес келеді.

Препаратты пероральді қолданғаннан кейін әсерге 30-60 минуттан кейін қол жеткізіледі.

Төмендегі кестеде дене салмағына және жасына байланысты препаратты қабылдаудың ұсынылған бір реттік дозалары мен ең жоғары тәуліктік дозалары көрсетілген:

Енгізу әдісі мен жолы

Пероральді. Таблеткаларды шайнамай, жеткілікті мөлшерде су іше отырып, жұту керек.

Негізінен, енгізу тәсілін таңдау қалаулы ауыруды басатын әсеріне және пациенттің физикалық жағдайына байланысты. Көп жағдайда препаратты пероральді қабылдау арқылы қалаулы ауыруды басатын әсерге қол жеткізіледі.

Вена ішіне немесе бұлшықет ішіне енгізу жылдам әсер қажет болған жағдайда немесе пероральді немесе ректальді енгізу көрсетілмеген жағдайда ұсынылады. Сезілетін әсерді пероральді қолданғаннан кейін 30-60 минуттан кейін және парентеральды енгізуден кейін 30 минуттан соң күтуге болады.

Енгізу тәсілін таңдағанда, препаратты парентеральді енгізу парентеральді енгізу кезінде анафилаксиялық немесе анафилактоидты реакциялардың даму қаупінің жоғарылауымен байланысты екенін ескеру қажет.

Симптомдары

Жедел артық дозаланғанда келесі реакциялар туралы хабарланды: жүрек айнуы, құсу, іштің ауыруы, бүйрек функциясының бұзылуы, жедел бүйрек жеткіліксіздігі (мысалы, интерстициальді нефрит түрінде) және сирек, орталық неврологиялық симптомдар (бас айналу, ұйқышылдық, кома, құрысулар), артериялық қысымның төмендеуі (кейде шокқа дейін дамиды), жүрек аритмиясы (тахикардия).

Өте жоғары дозаларда рубазон қышқылының шығарылуы несепке қызыл түс бере алады.

Емі

Натрий метамизолының спецификалық антидоты белгісіз.

Егер жаңа ғана жұтқан болса, белсенді заттардың жүйелі сіңуін бастапқы уытсыздану шаралары (мысалы, асқазанды шаю) немесе сіңіруді азайту (мысалы, белсендірілген көмір) арқылы азайтуға болады. Негізгі метаболитті (4-N-метиламиноантипирин) гемодиализ, гемофильтрация, гемоперфузия немесе плазмалық сүзу арқылы жоюға болады.

Дәрілік препаратты қолдану тәсілін түсіндіру үшін медициналық қызметкердің кеңесіне жүгіну жөніндегі кеңестер

Егер Сізде сұрақтар туындаса, дәрілік препаратты қолдану тәсілін түсіндіру үшін медициналық маманның кеңесіне жүгініңіз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жағымсыз құбылыстардың жиілігін анықтау мынадай критерийлерге сәйкес жүргізіледі: өте жиі (≥1/10), жиі (≥1/100-ден < 1/10 дейін), жиі емес (≥1/1000-нан < 1/100 дейін), сирек (≥1/10000-нан < 1/1000 дейін), өте сирек (<1/10000), белгісіз (қолда бар деректер негізінде бағалау мүмкін емес)

Жиі емес

- Тамырлар тарапынан бұзылулар

Гипотензиялық реакциялар.

- Тері және тері асты тіндері тарапынан бұзылулар

Мерзімді, тұрақты бөрту.

Сирек

- Қан және лимфа жүйесі тарапынан бұзылулар

Лейкопения.

- Иммундық жүйе тарапынан бұзылулар

Анафилаксиялық / анафилактоидты реакциялар.

- Тері және тері асты тіндері тарапынан бұзылулар

Бөртпе (мысалы, макуло-папулезді экзантема).

Өте сирек

- Қан және лимфа жүйесі тарапынан бұзылулар

Агранулоцитоз, оның ішінде өліммен аяқталған, тромбоцитопения.

Бұл реакциялар бұрын натрий метамизолы асқынусыз қолданылған жағдайда пайда болуы мүмкін.

Натрий метамизолын бір аптадан артық қолданған кезде агранулоцитоз қаупі артуы мүмкін деген жеке нұсқаулар бар.

Бұл реакция дозаға байланысты емес және емдеудің кез келген уақытында пайда болуы мүмкін. Белгілері: қызба, қалтырау, тамақтың ауыруы, жұтынудың қиындауы, сондай-ақ шырышты қабықтың, әсіресе ауыз, мұрын және тамақ аумағында немесе генитальді немесе аноректальді аумақта ауырсынатын өзгерістер. Антибиотиктерді қабылдайтын пациенттерде агранулоцитоздың әдеттегі симптомдары мейлінше аз болуы мүмкін. Лимфаденопатия және спленомегалия шамалы немесе жоқ. Эритроциттердің шөгу жылдамдығы едәуір артады, гранулоциттердің мөлшері айтарлықтай төмендейді немесе гранулоциттер мүлдем жоқ. Жалпы, бірақ әрқашан емес, гемоглобин, эритроциттер және тромбоциттер деңгейі қалыпты.

Препаратты дереу тоқтату сауығу үшін өте маңызды. Пациенттің жалпы жағдайының күтпеген нашарлауы, басылмайтын немесе қайталанатын қызба, сондай-ақ шырышты қабықтарда, әсіресе аузында, мұрнында және тамағында ауырсыну өзгерістері пайда болған кезде диагностикалық зертханалық зерттеулердің нәтижелерін күтпестен натрий метамизолын қабылдауды дереу тоқтату табанды түрде ұсынылады.

Тромбоцитопенияның әдеттегі белгілеріне теріде және шырышты қабықтарда қан кету мен петехияға бейімділіктің жоғарылауы жатады.

- Иммундық жүйе тарапынан бұзылулар

Анальгетикалық демікпе синдромы.

Анальгетикалық демікпе синдромымен ауыратын пациенттерде жағымсыздық реакциялары әдетте демікпе криз түрінде болады.

- Тері және тері асты тіндері тарапынан бұзылулар

Стивенс-Джонсон синдромы, уытты эпидермальді некролиз.

- Бүйрек және несеп шығару жолдары тарапынан бұзылулар

Бүйрек функциясының күрт нашарлауы (бүйректің жедел жеткіліксіздігі), кейбір жағдайларда олигурия, анурия немесе протеинуриямен бірге жүреді. Бірлі-жарым жағдайларда интерстициальді нефрит пайда болуы мүмкін.

Белгісіз

- Қан және лимфа жүйесі тарапынан бұзылулар

Аплазиялық анемия, панцитопения, оның ішінде өліммен аяқталған.

Бұл реакциялар бұрын натрий метамизолы асқынусыз қолданылған жағдайда пайда болуы мүмкін.

Панцитопения жағдайында емдеуді дереу тоқтатып, қалыпқа келгенге дейін жалпы қан талдауын бақылау керек.

- Жүрек қызметінің тарапынан бұзылулар

Коунис синдромы.

- Иммундық жүйе тарапынан бұзылулар

Анафилаксиялық шок.

Анафилаксиялық /анафилактоидты реакциялар, анафилаксиялық шок әсіресе парентеральді енгізуден кейін пайда болуы мүмкін, ауыр және өмірге қауіп төндіруі мүмкін. Бұл жағымсыз реакциялар натрий метамизолын асқынусыз бірнеше рет қолданғаннан кейін де пайда болуы мүмкін.

Реакциялар енгізілгеннен кейін де, бірнеше сағаттан кейін де дамуы мүмкін. Негізінен енгізуден кейінгі бірінші бөлімде дамиды. Әдетте тері мен шырышты қабықтар тарапынан жеңіл реакциялар байқалады (қышыну, күйдіріп ашу, қызару, есекжем, ісіну), ентігу және сирек асқазан-ішек жолдарының бұзылуы. Жеңіл жағымсыз реакциялар жайылған есекжеммен, ауыр Квинке ісінуімен (оның ішінде көмейде), ауыр бронх түйілумен, жүрек ырғағының бұзылуымен, артериялық қысымның төмендеуімен (кейде артериялық қысымның жоғарылауына дейін) және жүрек-қантамыр шокпен ауыр реакцияларға ауысуы мүмкін. Тері реакциялары пайда болған кезде натрий метамизолын қолдануды дереу тоқтату керек.

- Асқазан-ішек жолы тарапынан бұзылулар

Асқазан-ішектен қан кету жағдайлары туралы хабарланды.

- Бауыр және өт қабы тарапынан бұзылулар

Бауырдың дәрілік зақымдануы, оның ішінде жедел гепатит, сарғаю, бауыр ферменттерінің белсенділігінің жоғарылауы.

- Тері және тері асты тіндері тарапынан бұзылулар

DRESS-синдром.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат: натрий метамизолы 500 мг,

қосымша заттар: полиэтиленгликоль 4000, магний стеараты

Сыртқы түрінің, иісінің, дәмінің сипаттамасы

Диаметрі 13.0 мм жуық және биіктігі шамамен 3.3 мм жуық, бір жағында «Baralgin-M» жазуы және екінші жағында сызығы бар, ақтан ақ дерлік түске дейінгі тегіс беткейлі, дөңгелек пішінді таблеткалар.

10 таблеткадан алюминий/поливинилхлоридті фольгадан жасалған пішінді ұяшықты қаптамада.

2 пішінді қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

4 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында, 8С-ден 25С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

Зентива Прайвет Лимитед, Анклешвар, Үндістан

Орналасқан жері: Plot No. 3501 to 3515,6301 to 6313 & 16

meter road/c, GIDC Estate, Ankleshwar – 393002 District Bharuch, Gujarat – India.

Тел.: +91 (2646) 668666

e-mail: communication.ZPL@zentiva.com, website: www.zentiva.com

Ресей

"ОПЕЛЛА ХЕЛСКЕА" ЖШҚ

Мекенжайы:125009, Ресей, Мәскеу, Тверская к-сі, 22.

Телефон: (495) 721-14-00

Факс: (495) 721-14-11

"STADA Kazakhstan" ЖШС

050011, Қазақстан Республикасы,

Алматы қ., Сүйінбай даңғылы, 258В үй

тел.: +7 (727) 222 21 00

e-mail: PVEurasia@stada.kz , EurasiaQA@stada.com